💟 സങ്കീർത്തനം 💟: ഭാഗം 13

രചന: കാർത്തിക

 അവസാനം ആ റൂമിൽ അവൾ മാത്രമായി, ഒന്നുറക്കെ കരയാൻ പോലുമാവാതെ ഒരു തരം മരവിപ്പോടെ അവളാ മുറിയുടെ ഒരു മൂലക്കിരുന്നു.... ' അല്ലെങ്കിലും അവനെപ്പോലുള്ള ചതിയൻമാർക്ക് വേണ്ടി എന്തിന് കരയണം. തന്റെ ഈ വീട്ടിലെ നിമിഷങ്ങൾ എണ്ണപ്പെട്ടു കഴിഞ്ഞു. ഓരോന്നും ആലോചിച്ചു കൊണ്ടിരിക്കുമ്പോഴാണ് താഴെ ഏതോ വണ്ടി വന്നു നിന്ന ശബ്ദം കേട്ടത്. ഹാളിൽ നിന്നും സംസാരം ഉയർന്നു കേൾക്കാൻ തുടങ്ങി എന്റെ വീട്ടിൽ നിന്നും വന്നതാണ് എന്നു തോന്നുന്നു.ഇനി അവരോട് എന്തൊക്കെ കള്ള കഥകളാണാവോ പറഞ്ഞു പരത്താൻ പോകുന്നത്. അവൾ പതിയെ താഴേക്ക് ഇറങ്ങി, അച്ഛൻ നാട്ടിലില്ല വല്യച്ഛനും രണ്ട് ഏട്ടൻമാരും ആണ് വന്നിട്ടുള്ളത്. അവരുടെ മുഖഭാവം കണ്ടപ്പോൾ തന്നെ മനസ്സിലായി എല്ലാം പറഞ്ഞുവെന്ന്, പോരത്തതിന് കള്ളതെളിവുകൾ നൽകാനായി വിമലും അവിടുണ്ടായിരുന്നു. കല്ല്യാണത്തിനു പോയ അച്ചുവും തിരികെ എത്തിയിരുന്നു.

എന്നെ കണ്ടപ്പോൾ എല്ലാവരുടേയും മുഖത്ത് ഒരുതരം പുച്ഛഭാവമായിരുന്നു. പക്ഷെ അച്ചുവിന് മാത്രം സങ്കടമായിരുന്നു. ഞാൻ ഹാളിലേക്ക് ചെന്നതു കണ്ട വല്ല്യേട്ടൻ എന്റെ നേർക്ക് വന്ന് എന്റെ കവിളത്ത് ആഞ്ഞടിച്ചു, ദേഷ്യം കൊണ്ട് വിറക്കുവായിരുന്നു ഏട്ടൻ, അടുത്ത് അടിക്കാനായി കൈ ഓങ്ങിയപ്പോഴേക്കും കുഞ്ഞേട്ടൻ വന്നു ഏട്ടനെ പിടിച്ചു മാറ്റി. " ആരെങ്കിലും എന്തെങ്കിലും പറഞ്ഞെന്നു വച്ച് ഏട്ടൻ അത് വിശ്വസിച്ചോ. ഒന്നൂല്ലേലും നമ്മൾ വളർത്തിയ മോളല്ലേ, അവൾ ഇങ്ങനെ ഒന്നും ചെയ്യില്ല ഏട്ടാ " "പിന്നെന്താ ഞാൻ കള്ളം പറഞ്ഞതാണെന്നാണോ നിങ്ങൾ പറയുന്നത് " അഭി ഞാൻ അന്നേ അച്ഛനോട് പറഞ്ഞതാ എനിക്ക് ഈ കല്ല്യാണം വേണ്ടെന്ന്, അപ്പോൾ കേട്ടില്ല ഇപ്പോൾ അനുഭവിക്കുന്നത് ഞാനല്ലേ..... അഭി ആർക്കറിയാം ഇതിന് മുൻപ് ആരോടൊക്കെ പോയിട്ട് ഉണ്ടെന്ന്, കുടുംബ പാരമ്പര്യം ആയിരിക്കും ഇത് ചേച്ചി കല്ല്യാണത്തിന് മുന്നേ ഒരുത്തനോടൊപ്പം പോയി അനിയത്തിയാണേൽ ആളില്ലാത്ത നേരം നോക്കി ഒരുത്തനെ വിളിച്ച് വീട്ടിൽ കയറ്റി.......

ഡാ........ ഇതൊക്കെ കേട്ട് സഹിക്കാനാവാതെ കീർത്തിയുടെ കുഞ്ഞേട്ടൻ അഭിയെ അടിക്കാനായി പാഞ്ഞടുത്തു. അച്ചുവും വല്ല്യേട്ടനും വന്ന് കുഞ്ഞേട്ടനെ പിടിച്ചു മാറ്റി. മറ്റുള്ളവരെല്ലാം ഇവിടെ അരങ്ങേറുന്ന സംഭവങ്ങൾക്ക് മൂകസാക്ഷിയായി ഇരിക്കുകയാണ് വല്ല്യച്ഛനാണെങ്കിൽ അപമാനം കാരണം തലയും താഴ്ത്തിയാണ് ഇരുപ്പ്. അതു കണ്ടിട്ടെനിക്ക് സഹിക്കാനായില്ല ഞാൻ കാരണമാണല്ലോ അവർക്ക് ഇതൊക്കെ നേരിടേണ്ടി വന്നത്. ഞാൻ അവരുടെ അടുത്ത് ചെന്ന് മുട്ടുകുത്തിയിരുന്നു തൊഴുകൈയ്യോടെ പറഞ്ഞു. എന്നെ വിശ്വസിക്കണം ഞാൻ ഒരു തെറ്റും ചെയ്തിട്ടില്ല, എന്നെ ചതിച്ചത ഇവരൊക്കെ കൂടി ചേർന്ന് അഭിഏട്ടൻ എന്നെ ഒഴിവാക്കാൻ വേണ്ടി കളിച്ച നാടകമാ ഇതൊക്കെ. ഡീ..... അനാവശ്യം പറഞ്ഞാലുണ്ടല്ലോ വച്ചേക്കില്ല നിന്നെ ഞാൻ....

അഭി ഏട്ടൻ ചീറി കൊണ്ട് പറഞ്ഞു. ഇവിടെ ഇത്രയൊക്കെ നടന്നിട്ടും അവൾ സത്യവതി ചമയുകയാ, ഇനി എന്താണെന്ന് പറഞ്ഞാലും എന്റെ ഏട്ടന് നിന്നെ വേണ്ട..... അഭി ഏട്ടന്റെ പെങ്ങളുടെ വകയായിരുന്നു അത്. മതി...... എല്ലാവരും കൂടെ അവളെ ക്രൂശിച്ചത്...... അച്ചു ശബ്ദമുയർത്തി. എന്നിട്ട് എന്റെ നേരേ തിരിഞ്ഞു. നിന്നോട് ഞാൻ പറഞ്ഞതല്ലേ എന്നോടൊപ്പം കല്ല്യാണത്തിനു പോകാൻ വരാൻ അപ്പോൾ കേട്ടില്ല. എങ്കിൽ ഇതൊന്നും ഇവിടെ നടക്കില്ലായിരുന്നല്ലോ. ഇപ്പോൾ നീയായിട്ടു തന്നാ അവർക്ക് ഒരു അവസരം ഉണ്ടാക്കി കൊടുത്തത്. ഇനിയും എന്തിനാ ഇവിടെ നിന്നിങ്ങനെ ഉരുകി തീരുന്നേ, അവരോടൊപ്പം പൊയ്ക്കോ..... നിന്റെ സാമീപ്യം ആഗ്രഹിക്കുന്ന ഒരു അവസ്ഥ എന്റെ ഏട്ടന് വരും അന്നു പക്ഷെ ഏട്ടന് അത് കിട്ടണമെന്നില്ല..... ഓ..... അവനേയും നീ കയ്യിലെടുത്തല്ലോ ചേച്ചി അനാവശ്യം പറയരുത് ഇവൾ എനിക്ക് എന്റെ കൂടപ്പിറപ്പ് തന്നെയാ, അതിന് ഒരമ്മയുടെ വയറ്റിൽ ജനിക്കണമെന്നില്ല. ഹൃദയം ശുദ്ധമായിരുന്നാൽ മതി.......

ഏട്ടാ ഇവളെ ഇപ്പോൾ തന്നെ ഇവിടുന്നു കൊണ്ട് പോകണം, ആരും എന്തും പറഞ്ഞോട്ടേ എനിക്കറിയാവുന്ന കീർത്തി ഒരു തെറ്റും ചെയ്യില്ല. നിങ്ങളാരും അവളെ അവിശ്വസിക്കരുത്. പിന്നെ അവളുടെ പഠിപ്പ് മുടക്കരുത്, നല്ലതുപോലെ പഠിക്കുന്ന കുട്ടിയാണ്, ആരുടേയും ഔദാര്യത്തിന് കാത്തു നിൽക്കാതെ തന്റേടത്തോടെ ജീവിക്കാൻ അവൾ പ്രാപ്തയാകണം........ അച്ചു വല്ല്യേട്ടനോട് പറഞ്ഞു. എന്തെങ്കിലും എടുക്കാനുണ്ടെങ്കിൽ എടുത്തോ കീർത്തി നമുക്ക് പോകാം കുഞ്ഞേട്ടൻ പറഞ്ഞു. ഒന്നും എടുക്കാനില്ല ഏട്ടാ പോകാം അപ്പോഴേക്കും അഭി ഏട്ടന്റെ പെങ്ങൾ ഒരു പെട്ടിയുമായി വന്നു. നിന്റെ ആഭരണങ്ങളാണ് ഇതൊക്കെ, എല്ലാം ഉണ്ടോന്ന് നോക്കണം. ഏട്ടൻ ആ പെട്ടി വാങ്ങിപ്പിടിച്ചു. കുഞ്ഞേട്ടൻ എന്നെ ചേർത്ത് പിടിച്ച് പോവനിറങ്ങി, ഏട്ടന്റെ കൈവിടുവിച്ച് ഞാൻ അച്ഛനടുത്തേക്ക് ചെന്ന് അച്ഛന്റെ കാലിൽ തൊട്ട് എന്നെ വെറുക്കരുത് എന്ന് മാത്രം പറഞ്ഞു.

പോകുന്നേനു മുന്നേ ഞാൻ കെട്ടിയ താലിമാല അഴിച്ച് തന്നിട്ട് പൊക്കോ.... അഭി ഞാൻ അഭി ഏട്ടൻ കെട്ടിയ താലി ഊരിയെടുത്തു. കൂടെ ഏട്ടന്റെ പേര് കൊത്തിയ മോതിരവും, വിറക്കുന്ന കൈകളോടെ ഞാൻ അത് അഭിഏട്ടനു നൽകി. മുൻപ് പറഞ്ഞതു പോലെ തന്നെ നിങ്ങൾ ചെയ്തു. എല്ലാവരുടേയും മൗനാനുവാദത്തോടെ എന്നെ ഇവിടെ നിന്നും ഇറക്കി വിടും എന്ന്. നിങ്ങൾ ജയിച്ചു അഭിഏട്ടാ......... ഹൃദയം നുറുങ്ങുന്ന വേദനയോടെ ഞാനറിഞ്ഞു ഒന്നര വർഷത്തോളം നീണ്ട എന്റെ ദാമ്പത്യ ജീവിതത്തിന് തിരശ്ശീല വീണിരിക്കുന്നത്. എന്നന്നേക്കുമായി ഞാനാ വീടിന്റെ പടിയിറങ്ങി. എല്ലാവരെയും ഞാൻ ഒന്നൂടെ തിരിഞ്ഞു നോക്കി അച്ചുവിന് ഒഴികെ ബാക്കി എല്ലാവരുടേയും മുഖത്ത് ഒരു തരം പുച്ഛമായിരുന്നു. മടക്കയാത്രയിൽ എല്ലാവർക്കും വല്ലാത്തൊരു മുകതയായിരുന്നു. വല്ല്യച്ഛൻ ഇതു വരെ എന്നോട് ഒന്നു മിണ്ടുക പോലും ചെയ്തില്ല, എന്നോട് ദേഷ്യമായിരിക്കും. എന്റെ അച്ഛൻ ഇക്കാര്യം അറിയുമ്പോൾ ഉള്ള പ്രതികരണം ആലോചിക്കാൻ പോലും വയ്യ............. തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...