💟 സങ്കീർത്തനം 💟: ഭാഗം 15

രചന: കാർത്തിക

 ഈ സംഭവമെല്ലാം കഴിഞ്ഞ് ഏകദേശം ഒരാഴ്ചയായിരുന്നു. ഈ ദിവസങ്ങളിലെല്ലാം കീർത്തി പുറത്തിറങ്ങാൻ കൂട്ടാക്കാതെ റൂമിനുള്ളിൽ തന്നെ ചടഞ്ഞ്കൂടിയിരുന്നു. ഇതിനിടയ്ക്ക് ഒരു ദിവസം അച്ചു കീർത്തിയുടെ വീട്ടിലേക്ക് വന്നു അവളുടെ ബുക്ക്സ് ഒക്കെ കൊണ്ടായിരുന്നു ആളുടെ വരവ്. കീർത്തിയുടെ വീട്ടിലാർക്കും അവനോട് വിരോധമൊന്നും ഇല്ലായിരുന്നു കാരണം അഭിയുടെ വീട്ടിൽ അവൾക്കു വേണ്ടി സംസാരിച്ച ഒരേ ഒരു വ്യക്തി അവനായിരുന്നല്ലോ. കുഞ്ഞേട്ടനോടൊപ്പം കീർത്തിയുടെ മുറിയിലേക്ക് ചെന്ന അച്ചുവിന് അവളുടെ അപ്പോഴത്തെ കോലം കണ്ടപ്പോൾ വല്ലാത്ത വേദന തോന്നി കീർത്തി..... അവൻ വിളിച്ചു..... അവൾ തിരിഞ്ഞു നോക്കി അച്ചുവിനെ കണ്ടപ്പോൾ അവളുടെ മുഖം പ്രകാശിച്ചു അച്ചുവേട്ടാ... ഏട്ടനെപ്പോൾ വന്നു. ഞാനിപ്പോൾ വന്നതേയുള്ളടാ.... നീയെന്താ ഇങ്ങനെ മുറിയിൽ തന്നെ ഇരിക്കുന്നേ.... ഒന്നുമില്ലേട്ടാ..... പിന്നെന്താ കോളേജിലോട്ടൊന്നും വരറായില്ലേ നിനക്ക്...

ഇതു വരെ തന്നെ എത്ര ക്ലാസ് ആണ് മിസ്സായത്..... നിന്റെ ബുക്കുകളൊക്കെ കൊണ്ട് വന്നിട്ടുണ്ട്, നാളേ മുതൽ ക്ലാസിൽ പോണം കേട്ടല്ലോ...... ഏട്ടാ അത്...... പിന്നെ..... ഞാൻ..... കൂടുതൽ ഒന്നും പറയണ്ട ആരെ പേടിച്ചാ നീ ഒളിച്ചിരിക്കുന്നേ, തെറ്റ് ചെയ്തത് നീയല്ല അവരാണ്.. എന്റെ ഏട്ടനെ എങ്ങനെ അഭിമുഖീകരിക്കും എന്നാണെങ്കിൽ നല്ല അന്തസ്സോടെ അഭിമാനത്തോടെ തലയുയർത്തി തന്നെ അഭിഏട്ടന് മുന്നിൽ നീ പോകണം.... ഇതൊന്നും നിനക്ക് ഒരു വിഷയമേ അല്ലാ എന്നുള്ള രീതിയിൽ നീ ബോൾഡായി തന്നെ നിൽക്കണം... കീർത്തിയുടെ ഏട്ടൻ അച്ചുവിന്റെ സംസാരം ശ്രദ്ധിച്ചിരിക്കയായിരുന്നു. അപ്പോഴേക്കും അവൻ തിരിഞ്ഞ് കുഞ്ഞേട്ടനോടായി പറഞ്ഞു ഏട്ടാ... നാളെ മുതൽ ഇവളോട് കോളേജിലേക്ക് വരാൻ പറയണം മറുപടിയായി സമ്മതം എന്ന് പറഞ്ഞെങ്കിലും ചെറിയൊരു ആശങ്ക ആ മുഖത്തുണ്ടായിരുന്നു. അതു മനസ്സിലാക്കിയെന്നോണം അച്ചു പറഞ്ഞു.... വിമലിനെ കുറിച്ചോർത്താണെങ്കിൽ ഏട്ടൻ പേടിക്കണ്ട ഞാനുണ്ടവിടെ അവൾക്കവിടെ ഒരു പോറൽ പോലും ഏൽക്കാതെ ഞാൻ നോക്കിക്കൊള്ളം. കുറച്ചു സമയം കൂടി അവിടിരുന്നിട്ട് അച്ചു യാത്ര പറഞ്ഞിറങ്ങി..... 🍀🍀🍀🍀🍀🍀🍀🍀🍀🍀🍀🍀🍀

ഇതേ സമയം മറ്റൊരിടത്ത് കൂട്ടുകാരുമായി ചേർന്ന് വെള്ളമടിക്കുകയാണ് വിമൽ..... കൂടാതെ മയക്ക് മരുന്ന് ഉപയോഗവും ഉണ്ട്...... നീയൊരുത്തിയെ നോട്ടമിട്ടിട്ട് എന്തായെടാ, വല്ലതും നടക്കോ കൂട്ടുകാരിലൊരാൾ അവനോട് ചോദിച്ചു. അതൊന്നും നടന്നില്ലടേയ് ഒരവസരം ഒത്തുവന്നതാ പക്ഷെ കൈവിട്ടു പോയി. ഒരിക്കൽ എന്റെ കൈയ്യിൽ കിട്ടുമവളേ... വല്ലാത്തൊരു ക്രൂരതയോടെ അവൻ പറഞ്ഞു. നിന്റെ ആവശ്യം കഴിയുമ്പോൾ ഞങ്ങൾക്ക് കൂടി രുചി നോക്കാൻ തരണേ .. നോക്കാം...... വിമൽ ആ പിന്നേ ആ ആരോമലി (അച്ചു) ന് നമ്മുടെ ഈ ഗ്യാങ്ങിനെ കുറിച്ച് എന്തൊക്കെയോ സംശയം ഉണ്ടെന്ന് തോന്നുന്നു. അതു കൊണ്ട് ഇനി എല്ലാ കാര്യത്തിലും ഒരു ശ്രദ്ധവേണം....വിമൽ 🍀🍀🍀🍀🍀🍀🍀🍀🍀🍀🍀🍀🍀 കോളേജിലേക്കുള്ള നോട്ട്സ് തയ്യാറാക്കുകയാണ് നമ്മുടെ കഥാനായകൻ. എഴുതി കഴിഞ്ഞ് ബുക്ക്സ് ഒക്കെ മടക്കി വയ്ക്കുമ്പോൾ അവന് എന്തുകൊണ്ടോ കീർത്തിയെ ഓർമ്മ വന്നു.

അപ്പോഴേക്കും ഫുഡ് കഴിക്കാനായി അമ്മ വിളിച്ചു. വരുന്നു എന്നും പറഞ്ഞ് താഴേക്ക് പോയി. കഴിച്ചോണ്ടിരിക്കുമ്പോഴും മകന്റെ മൗനം കണ്ട് അച്ഛൻ എന്താടാ, എന്തുപറ്റി നിന്റെ മുഖം വല്ലാതിരിക്കുന്നേ വൈകുന്നേരം വന്നപ്പോൾ മുതൽ ഞാൻ ശ്രദ്ധിക്കുവാ.... ഒന്നുമില്ലച്ഛാ... എന്നെനിക്കു കൂടി തോന്നണ്ടേ... അത് അച്ഛാ, എന്റെ ക്ലാസ്സിലെ ഒരു കുട്ടി ഒരാഴ്ചയായി വന്നിട്ട്..... അത്, ക്ലാസിലിരുന്നു നോട്ടേഴുതുന്നത് കണ്ടപ്പോൾ സ്റ്റാഫ് റൂമിൽ വിളിച്ച് വഴക്ക് പറഞ്ഞിരുന്നു. അതിന്റെ പിറ്റേന്ന് മുതൽ ആ കുട്ടി ആപ്സെന്റ് ആണ്. അതിനിപ്പോൾ എന്താ തെറ്റ് കാണിച്ചത് കൊണ്ടല്ലേ വഴക്ക് പറഞ്ഞത്. എന്റെ ഭാഗത്തായിരുന്നു മിസ്റ്റേയ്ക്ക്, അവൾ ഞാൻ പഠിപ്പിക്കുന്ന പ്രധാനപ്പെട്ട പോയിന്റ്സ് എല്ലാം എഴുതി എടുക്കുകയായിരുന്നു എന്ന് ഞാൻ പിന്നീടാ മനസ്സിലാക്കിയത്. മാത്രവുമല്ല കഴിഞ്ഞ വർഷത്തെ ക്ലാസ് ടോപ്പർ അവളാണ്..... സാരമില്ല മോനേ ആ കുട്ടി മറ്റെന്തെങ്കിലും കാരണം കൊണ്ടായിരിക്കും വരാതിരിക്കുന്നേ..... മോനേ.... എന്താ അമ്മേ....

അത്... അമ്മ.. ഇന്നലെ ഒരു കാര്യം പറഞ്ഞിരുന്നു, മോൻ അതേ കുറിച്ച് ഒന്നും പറഞ്ഞില്ലാ..... അമ്മയോട് എത്ര തവണ പറയണം എനിക്ക് കല്ല്യാണം ഒന്നും വേണ്ടേന്ന്..... ഞങ്ങൾക്കും ആഗ്രഹമുണ്ട് കുഞ്ഞേ നിനക്ക് ഒരു കുടുംബമായി കാണാൻ, നിനക്ക് പ്രായവും ഏറി വരുകയല്ലേ.... കഴിഞ്ഞതൊക്കെ എന്റെ മോൻ മറക്കണം..... ഇല്ലമ്മേ എനിക്ക് അതൊന്നും മറക്കാൻ കഴിയുമെന്ന് തോന്നുന്നില്ല. ഇതുവരെ അതിന് കഴിഞ്ഞിട്ടുമില്ല.... അവൻ കഴിച്ചത് മതിയാക്കി എഴുന്നേറ്റ് കൈ കഴുകി റൂമിലേക്ക് പോയി..... ആ അച്ഛനും അമ്മയും വളരെയേറെ സങ്കടത്തൊടെ മകൻ പോകുന്നതും നോക്കിയിരുന്നു. മുറിയിലെത്തിയ സംഗീത് ചുവരിലെ ഷെൽഫിൽ നിന്നും ഒരു ബുക്കുമെടുത്ത് കിടക്കയിൽ വന്നിരുന്നു. ആ ബുക്കിന്റെ താളുകൾ മറിക്കുന്നുണ്ടെങ്കിലും അമ്മ പറഞ്ഞതായിരുന്നു അവന്റെ മനസ്സിൽ. തനിക്ക് അങ്ങനെ മറക്കാൻ പറ്റുമോ തന്റെ പ്രിയപ്പെട്ടവളെ...... അവളുമായി ഒന്നിച്ചുണ്ടായിരുന്ന തങ്ങളുടെ പ്രിയപ്പെട്ട നിമിഷങ്ങളോർത്ത് അവൻ മെല്ലെ ഉറക്കത്തിലേക്ക് വീണു.......... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...