💟 സങ്കീർത്തനം 💟: ഭാഗം 26

രചന: കാർത്തിക

കീർത്തി ഇപ്പോഴും അഭിയെ മറന്നിട്ടില്ല എന്നത് സംഗീതിൽ നോവുണർത്തി... എന്തുകൊണ്ട് തനിക്ക് അതൊരു നോവായി. താനവളെ സ്നേഹിക്കുന്നുണ്ടോ, ഋതുവിന് പകരമായി അവളെ കാണുന്നുണ്ടോ ഉണ്ടാവണം അതാവും അടുപ്പത്തിന് കാരണവും. ഓരോന്നും ആലോചിച്ചു സംഗീതിന്റെ മനസ്സ് കലുഷിതമായി... അപ്പോഴാണ് അവന്നരികിലേക്ക് അമ്മ വന്നത്. അമ്മയെ കണ്ടപ്പോൾ അവിടെ പിടിച്ചിരുത്തി മടിയിൽ തലവച്ച് കിടന്നു. "മോനേ... എന്ത് പറ്റി നിന്റെ മനസ്സിൽ എന്തെങ്കിലും വിഷമം ഉണ്ടോ.." അവന്റെ മുടിയിഴകളിൽ വാത്സല്യത്തോടെ തഴുകി കൊണ്ട് ആ മാതാവ് ചോദിച്ചു.. " ഒന്നൂല്ലമ്മേ..." സംഗീതീന്റെ അച്ഛനും അവർക്കടുത്തേക്കായി വന്നിരുന്നു. "അമ്മേ... പിന്നില്ലേ.... " കൊച്ചു കുഞ്ഞുങ്ങളുടെ മട്ടിൽ അവൻ പറഞ്ഞു തുടങ്ങി. "എനിക്ക് കീർത്തിയോട് എന്തോ അടുപ്പം തോന്നുന്നു അമ്മേ... ഇഷ്ടമാണോ എന്ന് ചോദിച്ചാൽ അറിയില്ല...'' "അതെങ്ങനെ ശരിയാവും അവൾ മറ്റൊരാളുടെ തല്ലേ.... " അച്ഛൻ " ഇല്ലാ... അച്ഛ... അവർ ബന്ധം വേർപിരിഞ്ഞു ഞാൻ പറയാൻ മറന്നതാ.... " സംഗീത് "എന്നാലും മോനു, എത്രയൊക്കെ പറഞ്ഞാലും ഒരു വിവാഹം കഴിഞ്ഞതല്ലേ അവളുടെ.... " അമ്മ

" ശോഭേ, നമ്മുടെ മോന്റെ ഇഷ്ടത്തിനാണ് നമ്മൾ വില കൽപ്പിക്കേണ്ടത്, അവന് ആ കുട്ടിയെ വിവാഹം കഴിക്കണമെന്ന് താൽപ്പര്യം ഉണ്ടെങ്കിൽ നമുക്ക് നോക്കാം.... അവൻ ഒരു വിവാഹത്തിനായി സമ്മതിച്ചതു തന്നെ വലിയ കാര്യമാണ്‌, പിന്നേ മോനേ രുദ്രാ... നിനക്ക് ആ കുട്ടിയോട് തോന്നിയ ഇഷ്ടം ഒരു പക്ഷെ അവളുടെ ജീവിതത്തെ കുറിച്ചറിഞ്ഞപ്പോൾ ഉണ്ടായ സഹതാപം മാത്രമാവാം.. എന്തായാലും മോൻ നല്ലതു പോലെ ആലോചിക്ക്, എടുത്ത് ചാടി ഒന്നും വേണ്ട, നിന്റെ തീരുമാനം എന്തായാലും നിന്നോടൊപ്പം ഞങ്ങളും ഉണ്ടാകും. നിന്റെ സന്തോഷമാണ് ഞങ്ങൾക്ക് വലുത് ...." രുദ്രന്റെ അച്ഛൻ അത്രയും പറഞ്ഞ് അവിടുന്ന് എഴുന്നേറ്റ് പോയി " അദ്ധേഹം പറഞ്ഞതാ ശരി എന്റെ മോൻ ടെൻഷനാവതെ കിടന്നുറങ്ങാൻ നോക്ക്, നാളെ രാവിലെ അമ്പലത്തിൽ പോകാനുള്ളതല്ലേ..." അമ്മ പിറ്റേന്ന് രാവിലെ അവർ മൂവരും കൂടി ക്ഷേത്രത്തിലേക്ക് പോയി... സംഗീത് ശ്രീകോവിലിൽ തൊഴുത് തിരിയുമ്പോഴാണ് പിന്നിലായി നിൽക്കുന്ന കീർത്തിയെ അവൻ കാണുന്നത് അവൾ അവനെ കണ്ടിരുന്നില്ല, അവളെ കണ്ടപ്പോൾ കണാൻ കൊതിച്ചതെന്തോ കണ്ടതുപോലെ അവന്റെ കണ്ണുകൾ തിളങ്ങി ധാവണിയിൽ അവൾ സുന്ദരിയായിരുന്നു.

തോഴുത് കഴിഞ്ഞ് കീർത്തി പുറത്തിറങ്ങിയപ്പോഴാണ് ആരോ അവളെ പുറകിൽ നിന്നും വിളിച്ചത് തിരിഞ്ഞ് നോക്കുമ്പോൾ സംഗീത് ആയിരുന്നു... "ഗുഡ് മോർണിംഗ് സർ... " "മോണിംഗ്... താൻ എന്നും വരാറുണ്ടോ..." "ഹേയ്.... ഇല്ല സർ വല്ലപ്പോഴും വരും... ഞാനിന്ന് വീട്ടിലേക്ക് പോകും ഏട്ടൻ വരാമെന്ന് പറഞ്ഞിട്ടുണ്ട്, സർ വരില്ലേ കല്ല്യാണത്തിന്... " " പിന്നെ ഞാൻ മാത്രമല്ല എന്റെ ഫാമിലിയും കാണും... " "സന്തോഷം.... അച്ചുവേട്ടനും ദേവികയും തലേന്നേ എത്താമെന്ന് പറഞ്ഞിട്ടുണ്ട്.... " "ഓഹ്... പ്രണയജോഡികൾ രണ്ടും കിട്ടിയ അവസരം പാഴാക്കില്ല.... " അതും പറഞ്ഞ് സർ ചിരിച്ചു അവിടേക്ക് വന്ന സംഗീതിന്റെ അച്ഛനെയും അമ്മയേയും കീർത്തിക്ക് പരിചയപ്പെടുത്തി കൊടുത്തു. അവളെ കണ്ടപ്പോൾ തന്റെ മകന്റെ മുഖത്തുണ്ടായ തിളക്കം മാത്രം മതിയായിരുന്നു ആ മാതാപിതാക്കളുടെ മനസ്സുനിറയാൻ, അവളോടുള്ള സംസാരത്തിൽ നിന്നും അവളൊരു പാവമാണെന്ന് അവർക്ക് മനസ്സിലായി. അവളോട് യാത്ര പറഞ്ഞ് അവർ പോയി. മടക്കയാത്രയിൽ കീർത്തിയെ കുറിച്ചായിരുന്നു അവരുടെ സംസാരം,

"നല്ല ഐശ്വര്യമുള്ള കുട്ടി എങ്ങനെ തോന്നി അവന് ആ കുട്ടിയെ ഉപേക്ഷിക്കാൻ, എന്തായാലും എനിക്കിഷ്ടമായി മോനു താത്പര്യം ഉണ്ടെങ്കിൽ നമുക്ക് അവളുടെ വീട്ടുകാരോട് സംസാരിക്കാം അവർക്ക് എതിർപ്പുണ്ടാവില്ലായിരിക്കാം... " സംഗീതിന്റെ മനസ്സ് സന്തോഷത്താൽ തുടിച്ചു. എത്രയും പെട്ടെന്ന് കീർത്തിയെ സ്വന്തമാക്കണം ഇല്ലെങ്കിൽ ചിലപ്പോൾ കൈവിട്ടു പോയാലോ... ഇനിയൊന്നു കൂടി സഹിക്കാൻ കെല്പില്ല തനിക്ക്..... ❄❄❄❄❄💧💧💧💧💧💧💧❄❄❄❄❄❄❄ വിമൽ ഹോസ്പിറ്റലിൽ അഡ്മിറ്റ് ആയതിനു ശേഷം വിജിത അഭിയോട് ഒരു അകലം പാലിച്ചാണ് പെരുമാറിയത്... ഒരു പക്ഷേ തന്റെ അനിയനും കീർത്തിയുടെ സൈഡ് നിന്ന് വിമലിനെ തല്ലാൻ കൂടിയതിന്റെ ദേഷ്യം ആയിരിക്കും എന്ന് അവൻ കരുതി... എന്നാലും കീർത്തിയുമായുള്ള ഡിവോസിന് ശേഷം തങ്ങളുടെ കല്ല്യാണം എത്രയും പെട്ടെന്ന് നടത്തണമെന്ന് അഭി ജിതയോടും അവളുടെ വീട്ടുകാരോടും പറഞ്ഞിരുന്നു, മകന്റെ ആഗ്രഹത്തിന് ഇനിയും വിലങ്ങുതടി ആവണ്ടെന്നു കരുതി അവന്റെ മാതാപിതാക്കൾ മൗനാനുവാദം നൽകി...

അച്ചു അവന്റെ കാര്യം നേരത്തെ തന്നെ വീട്ടുകാരോട് പറഞ്ഞു ശരിയാക്കി, തനിക്ക് ഒരു ജോലി കിട്ടി കഴിഞ്ഞ് കല്ല്യാണം നടത്തിത്തരണമെന്ന് പറഞ്ഞു. ദേവികയെ അവർക്ക് ഒക്കെ ഇഷ്ടപ്പെട്ടു അതു കൊണ്ട് അവർക്കാർക്കും ഒരെതിർപ്പും ഇല്ലായിരുന്നു.... ഇപ്പോൾ വീട്ടുകാരുടെ സമ്മതത്തോടെ പ്രണയിച്ചു നടക്കുകയാണ് രണ്ടും... ❄❄❄❄❄❄💧💧💧💧💧❄❄❄❄❄ ഇന്നാണ് കീർത്തിയുടെ ഏട്ടൻമാരുടെ കല്ല്യാണം, കീർത്തിയുടെ അച്ഛനും നാട്ടിലെത്തിയിട്ടുണ്ടായിരുന്നു. നാട്ടുകാരുടെ മുറുമുറുപ്പ് കേൾക്കാൻ വയ്യാത്തതു കൊണ്ട് കീർത്തി എല്ലാത്തിൽ നിന്നും ഒതുങ്ങി നിന്നു. പക്ഷെ അവരെല്ലാവരും ചേർന്ന് അവളെ ആത്മവിശ്വാസം നൽകി മുൻപന്തിയിൽ തന്നെ നിർത്തി... എന്ത് പ്രതിസന്ധി വന്നാലും വീട്ടുകാരുടെ സ്നേഹവും പരിചരണവും ഉണ്ടെങ്കിൽ നമുക്ക് അതെല്ലാം തരണം ചെയ്ത് മുന്നോട്ട് കൊണ്ട് പോകാം എന്നവൾക്ക് മനസ്സിലായി... കല്ല്യാണം കൂടാൻ രുദ്രനും കുടുംബവും എത്തിയിരുന്നു. കാശിക്ക് പുറമെ കീർത്തിയും അവരെ എല്ലാവർക്കും പരിചയപ്പെടുത്തി കൊടുത്തു.

അന്നാണ് അവൾ സംഗീതിന്റെ സഹോദരിയേയും ഏട്ടന്റെ കൂട്ടുകാരനായ ഹരിനാരായൺ നെയും പരിചയപ്പെടുന്നത്. സംഗീത് പറഞ്ഞ് അവർക്ക് കീർത്തിയെ അറിയാവുന്നതുകൊണ്ട് ഒരു അപരിചിതത്വവും കാണിക്കാതെ അവർ പെരുമാറി, തന്റെ ഏട്ടന്റെ സെലക്ഷൻ മോശമല്ലെന്ന് രേവതി (സംഗീതിന്റെ സഹോദരി ) ക്ക് തോന്നി... തന്റെ മകൾ വൈകാശിയോടും അവൾ പെട്ടെന്ന് കൂട്ടായി.... ഈ തിരക്കിനിടയിലും കുറച്ച്സമയം കിട്ടിയപ്പോൾ സംഗീത് കാശിയെ പിടിച്ചുവച്ചു " ഇപ്പോൾ ചോദിക്കാൻ പറ്റിയ സമയമല്ലെന്നറിയാം എന്നാലും ചോദിക്കുവാ... നീ അന്ന് ഒരു കാര്യം പറഞ്ഞിരുന്നില്ലേ ഞാനുമായുള്ള കീർത്തിയുടെ കല്ല്യാണം.... " "അതെ.... " " ഇപ്പോൾ ഞാൻ ചോദിക്കുവാ എനിക്ക് തന്നൂടെ അവളെ... " കാശി അത്ഭുതത്തോടെ അവനെ നോക്കി....... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...