💟 സങ്കീർത്തനം 💟: ഭാഗം 28

രചന: കാർത്തിക

അഭിജിത്തിനേയും കൂട്ടി അവർ അങ്ങോട്ട് പോകാനായി ഇറങ്ങി, അവിടെ ചെന്നത് വിമലിന്റെ അച്ഛന് ഒഴികെ മറ്റാർക്കും ഇഷ്ടപ്പെട്ടില്ല എങ്കിലും അത് മറച്ചു വച്ച് ദു:ഖഭാവത്തോടെ വിമലിന്റെ അമ്മ അവരെ എതിരേറ്റു. "എന്താ അമ്മായി എന്തുപ്പറ്റി...." അവരുടെ ദു:ഖാഭിനയം കണ്ട് അച്ചു ചോദിച്ചു. "എന്തു പറ്റിയെന്നോ...നീയോക്കെ കൂടി എന്റെ കുഞ്ഞിനെ കിടക്കയിൽ ആക്കിയില്ലേ..." അവർ രോഷത്തോടെ ചോദിച്ചു. " അത് അവന്റെ പ്രവൃത്തികേട് കൊണ്ട് കിട്ടിയതല്ലേ.... " അഭി പറഞ്ഞതു കേട്ട് എല്ലാവരും അവനെ ഒന്നു നോക്കി.... "ഞങ്ങൾ ഇപ്പോൾ വന്നത് നിന്റെ മകന്റെ കാര്യം അന്വേഷിക്കാനല്ല ഇവരുടെ കല്ല്യാണക്കാര്യം സംസാരിക്കാനാ.... " അഭിയുടെ അച്ഛൻ പറഞ്ഞു. "എന്ത് കല്ല്യാണം.. പതിരാത്രി വരെ കുടിച്ച് ബാറിൽ കിടന്ന് അടിയുണ്ടാക്കി പോലീസ് സ്‌റ്റേഷനിൽ കയറിയിറങ്ങി നടക്കുന്ന നിങ്ങളുടെ മകന് ഞാൻ എന്റെ മകളെ കൊടുക്കാനോ ഇതു നല്ല തമാശ.... " അവർ പറഞ്ഞു. " എന്റെ ഏട്ടനെ പറ്റി അനാവശ്യം പറയുന്നോ, അമ്മായിയാണ് എന്നൊന്നും ഞാൻ നോക്കില്ല കേട്ടോ തള്ളേ.. " അച്ചു രോഷത്തോടെ പറഞ്ഞു

"എനിക്ക് നിങ്ങളുടെ സമ്മതം ഒന്നും വേണ്ട, ഞങ്ങൾ പരസ്പരം സ്നേഹിച്ചവരാ.... അവളെ വിളിക്ക്.... " അഭി ബഹളം വച്ചു. "മോനെ അഭി, നീയൊന്ന് സമാധാനപ്പെട് ഞാൻ പറയുന്നത് കേൾക്ക്, അവളെ സ്നേഹിച്ചത് നീ മാത്രമാ അവൾ നിന്നെ സ്നേഹിച്ചിരുന്നില്ല എന്നതാണ് സത്യം.. രണ്ട് ദിവസം മുന്നേ ഏതോ ഒരുത്തനുമായി അവളിവിടെ വന്നു, അവർ പരസ്പരം ഇഷ്ടത്തിലാണെന്നും കല്ല്യാണം കഴിക്കാൻ പോകുവാണെന്നും പറഞ്ഞു.... ഇവിടെ എല്ലാവർക്കും സമ്മതമാണ്..." അതുവരെ മിണ്ടാതിരുന്ന വിമലിന്റെ അച്ഛൻ പറഞ്ഞു. "ഓഹോ.. അപ്പോൾ എല്ലാവരും കരുതി കൂട്ടിയാണ് അല്ലേ... ശരി പക്ഷെ അവളെവിടെ.. എനിക്ക് അവളെ ഒന്നു കാണണം അവസാനമായിട്ട്... വിജിത...." "ഞാനിവിടെ ഉണ്ട്..." വിജിത അവിടേക്ക് വന്ന വിജിതയെ കണ്ടതും അഭി തലങ്ങും വിലങ്ങും അവളെ അടിച്ചു. "നീയെന്നെ ചതിക്കുവായിരുന്നു എന്നറിഞ്ഞ നിമിഷം വെറുത്തു ഞാൻ നിന്നെ... ഇന്നലെ നീ ആ റസ്റ്റോറന്റിൽ വച്ച് നിന്റെ മറ്റവനോട് എന്നെ കുറിച്ച് പറഞ്ഞതെല്ലാം ഞാൻ കേട്ടിരുന്നു... " " വരട്ടേ... കാണാം..." അഭി പറഞ്ഞു " ഈ തേപ്പ് പെട്ടിക്ക് വേണ്ടിയാ ഏട്ടൻ എന്റെ കീർത്തിയെ ഉപേക്ഷിച്ചത്..." തിരികെ പോകുന്ന വഴിക്ക് അച്ചു പറഞ്ഞു, മറുപടി പറയാനാവാതെ അഭിയിരുന്നു. ❄❄❄❄❄❄❄❄❄❄❄❄❄❄❄❄❄

പിറ്റേന്നത്തെ പ്രഭാതം സംഗീതിനെ വരവേറ്റത് ഒരു ശുഭ വാർത്തയുമായിട്ടാണ്... അവൻ ആ സന്തോഷം തന്റെ അച്ഛനും അമ്മയുമായി പങ്കുവച്ചു... " കാശി വിളിച്ചിരുന്നു ഇപ്പോൾ, കീർത്തിയുമായുള്ള കല്ല്യാണത്തിന് അവർക്ക് സമ്മതമാണെന്ന് അതേപ്പറ്റി സംസാരിക്കാൻ അവരിങ്ങോട്ട് വരുന്നുണ്ടെന്ന്.... " "അതെയോ, മോൻ ഹരിയെക്കുടി വിളിച്ച് വിവരം പറഞ്ഞേക്ക് രേവുനേയും കൂട്ടി ഇങ്ങോട്ട് വരാൻ പറയ്..." "ഞാൻ വിളിക്കാം അച്ഛാ.... " ഉച്ചകഴിഞ്ഞ നേരത്ത് കീർത്തിയുടെ അച്ഛനും വല്ല്യച്ഛനും രണ്ട് ഏട്ടൻമാരും കൂടി സംഗീതിന്റെ വീട്ടിലേക്ക് വന്നു. സന്തോഷത്തോടെ തങ്ങളുടെ അതിഥികളെ ആ വീട്ടുകാർ സ്വീകരിച്ചു... ചെറിയൊരു സങ്കോചത്തോടെയാണ് അവരൊക്കെ വന്നതെങ്കിലും സംഗീതിന്റെ വീട്ടുകാരുടെ മാന്യമായുള്ള പെരുമാറ്റം അവരെ തൃപ്തിപ്പെടുത്തി.. കല്ല്യാണം എത്രയും പെട്ടെന്ന് നടത്താമെന്ന് ഇരുവീട്ടുകാരും ചേർന്ന് തീരുമാനിച്ച് ഉറപ്പിച്ചതിനു ശേഷമാണ് അവർ പിരിഞ്ഞത്. അടുത്താഴ്ച പെണ്ണുകാണൽ ചടങ്ങ് നടക്കുന്നതു വരെ കീർത്തി ഇതറിയണ്ട എന്ന് സംഗീത് പറഞ്ഞു. പിറ്റേന്ന് സംഗീത് കോളേജിലെത്തുമ്പോൾ കീർത്തി വാകമരച്ചുവട്ടിൽ ഇരിക്കുകയായിരുന്നു.

അവളെ കണ്ടപ്പോൾ അറിയാതെ ഒരു പുഞ്ചിരി അവന്റെ ചുണ്ടിൽ സ്ഥാനം പിടിച്ചു, "താനെന്താ ക്ലാസിൽ കയറുന്നില്ലേ..." " ഉവ്വ്.... ദേവിക... വന്നില്ല സർ... " " ഉം... ആരോമലിനോട് സംസാരിക്കുകയാവും അല്ലേ.... താൻ അറിഞ്ഞാരുന്നോ അഭിജിത്തിന്റെ കാര്യമൊക്കെ.... " " അച്ചുവേട്ടൻ പറഞ്ഞറിഞ്ഞു സർ...." " ആ ചിലപ്പോൾ ഇനി കുറ്റബോധം കാരണം മാപ്പുമായി തന്റെടുത്തേക്ക് മടങ്ങി വരാൻ സാധ്യതയുണ്ട്... " അവളുടെ മനസ്സറിയാനായി സംഗീത് ചോദിച്ചു... " വന്നോട്ടെ.... പക്ഷെ ഇനിയൊരു തിരിച്ചു പോക്ക് എനിക്കില്ല സർ...." അവളുടെ മറുപടി അവന്റെ മനസ്സ് നിറച്ചു. അപ്പോഴേക്കും ദേവികയും അച്ചുവും കൂടി അങ്ങോട്ടേക്ക് വന്നു. "ഞങ്ങൾ പൊയ്ക്കോട്ടേ.... " അവരോടു രണ്ട് പേരോടും പറഞ്ഞിട്ട് കീർത്തിയും ദേവികയും ക്ലാസിലേക്ക് പോയി, അതും നോക്കി നിന്ന സംഗീതിനെ കണക്കിന് കളിയാക്കി അച്ചു.... "എന്റെ പൊന്നു സാറെ മതിയവളെ നോക്കി വെള്ളമിറക്കിയത്.... നിങ്ങൾക്ക് ഉള്ളതു തന്നെയാ അവൾ....."

" ആഹ്.... നീ തന്നെ ഇതു പറയണം, ഇക്കാര്യം കാശിയോട് പറയുന്നതിന് മുന്നേ നിന്നോടാ ഞാൻ പറഞ്ഞത്..... " " അവൾ ഇപ്പോൾ അറിയണ്ടാന്ന് സർ പറഞ്ഞതെന്താ.... " "ഹേയ്... ഒന്നുല്ലടോ വെറുതെ ഒരു സർപ്രൈസ് ആയിക്കോട്ടെ എന്നു കരുതി മാത്രവുമല്ല അവൾ സമ്മതിക്കുമോ ഈ വിവാഹത്തിന്..... " " അക്കാര്യത്തിൽ സർ പേടിക്കണ്ട, അവൾ വീട്ടുകാരുടെ ഇഷ്ടത്തിന് എതിർപ്പ് പ്രകടിപ്പിക്കില്ല, അതു കൊണ്ടല്ലേ എന്റെ ഏട്ടന്റെ ഭാര്യയായത്.... എല്ലാം നടക്കും സർ...." വെള്ളിയാഴ്ച വൈകുന്നേരം കൈലാസ് വന്ന് കീർത്തിയെ കൂട്ടികൊണ്ടു പോയി.... വളരെ സന്തോഷത്തിലായിരുന്നു അവൻ "എന്റെ കുഞ്ഞേട്ടൻ ഇന്നു നല്ല ഹാപ്പിയാണല്ലോ.... " " അതേ മോളെ... ഒരു നല്ല കാര്യം നമ്മുടെ കുടുംബത്തിൽ നടക്കാൻ പോവുകയാ, അതിന്റെ സന്തോഷത്തിലാ ഞങ്ങൾ എല്ലാവരും..." "എന്ത് കാര്യാമാ ഏട്ടാ.... " "അതൊക്കെ വീട്ടിൽ എത്തിയിട്ട് പറയാം കൊച്ചെ... " "ഏട്ടാ എന്റെ ഏട്ടത്തിമാർ എങ്ങനെയാ നല്ല സ്നേഹമാണോ എല്ലാവരോടും... " " അതേടാ.. എല്ലാരോടും നല്ല സ്നേഹത്തിലാ രണ്ടും... " വീട്ടിലെത്തിയതിനു ശേഷം അവളുടെ അച്ഛനാണ് കീർത്തിയോട് വിവാഹക്കാര്യം പറയുന്നത്...

" അച്ഛ... എനിക്കിപ്പോൾ വിവാഹം... അത് വേണ്ടച്ഛാ... ഒരു വിവാഹം എനിക്ക് സമ്മാനിച്ച മുറിവ് ഇതുവരെ ഉണങ്ങിയിട്ടില്ല.... എന്റെ പഠിത്തമൊക്കെ കഴിയട്ടേ അച്ഛാ... പ്ലീസ് എന്നെയൊന്ന് മനസ്സിലാക്ക് എല്ലാവരും.... " "മോളേ...ഇത് നല്ലോരു ബന്ധമാണ്... നിന്റെ എല്ലാക്കാര്യങ്ങളും അറിയാവുന്ന കുടുംബമാണ്.... നിനക്ക് തുടർന്ന് പഠിക്കേം ചെയ്യാം.... നിന്റെ കോളേജിന് അടുത്തു തന്നെയാ അവരുടെ വീടും...." കീർത്തിയുടെ അമ്മ പറഞ്ഞു. "കീർത്തി, ഞങ്ങൾ എല്ലാം തീരുമാനിച്ചു കഴിഞ്ഞു ഞായറാഴ്ച അവർ വരും നിന്നെ കാണാൻ....." " ആയിക്കോട്ടേ, നിങ്ങൾ പറയുന്നതൊക്കെ എന്നും അനുസരിച്ചല്ലേ ശീലമുള്ളു, ഇവിടെയും നിങ്ങളുടെ ഇഷ്ടം തന്നെ നടക്കട്ടേ എനിക്ക് സമ്മതമാ ഈ വിവാഹത്തിന്...." അത്രയും പറഞ്ഞ് അവൾ റൂമിലേക്ക് പോയി കാശിയും കൈലാസും അവരുടെ ഭാര്യമാരും അവളോടൊപ്പം പോയി "എന്നെ എന്താ ആരും മനസ്സിലാക്കാത്തെ, ഒന്നു കഴിയും മുൻപ് അടുത്തത്.... ഞാൻ നിങ്ങൾക്കൊക്കെ ഒരു ഭാരമാണോ ഏട്ടാ.... " "എന്റെ കുഞ്ഞേ നീയെന്താ ഇങ്ങനൊക്കെ പറയുന്നത്.... നിന്റെ സന്തോഷമാണ് ഞങ്ങൾ നോക്കുന്നേ...." കൈലാസ് അവളെ ചേർത്ത് പിടിച്ച് പറഞ്ഞു.

" മോളെ കണ്ട് ഇഷ്ടപ്പെട്ട് വന്നതാ ഇങ്ങോട്ട് മോൾ സമ്മതിക്കണം ഇതിന്..." കാശി "എന്റെ സമ്മതം ഒന്നും ആർക്കും വേണ്ടല്ലോ, എല്ലാം തീരുമാനിച്ച് ഉറപ്പിച്ച് വച്ചേക്കുവല്ലേ.... " "ഞങ്ങളുടെ തീരുമാനം ശരിയായിരുന്നു എന്ന് നിനക്ക് ഒരു നാൾ മനസ്സിലാവും....." കാശി " എട്ടാ എനിക്ക് കുറച്ചു നേരം തനിച്ചിരിക്കണം.... " കീർത്തി അവർ മറുത്തൊന്നും പറയാതെ മുറിവിട്ടിറങ്ങി.... അന്നും പിറ്റേന്നും കീർത്തി മുറിക്ക് പുറത്തിറങ്ങിയില്ല.. അമ്മ നിർബന്ധിച്ച് മുറിയിൽ കൊണ്ട് വന്ന് ആഹാരം കൊടുത്തു. ഞായറാഴ്ച രാവിലെ ചേട്ടത്തിമാർ അവളെ അണിയിച്ചൊരുക്കി... അവരൊക്കെ എത്തി എന്ന് അമ്മ പറഞ്ഞപ്പോൾ ഒരു തരം നിസ്സംഗതയായിരുന്നു കീർത്തിക്ക്... അമ്മ വച്ചുനീട്ടിയ ചായ ട്രേയുമായി കീർത്തി ഹാളിലേക്ക് പോയി, ആരുടേയും മുഖത്ത് നോക്കാതെ എല്ലാവർക്കും ചായയും കൊടുത്ത് അവൾ പെട്ടെന്ന് തന്നെ മുറിയിലേക്ക് പോയി..... കുറച്ചു കഴിഞ്ഞപ്പോൾ കാശി മുറിയിലേക്ക് വന്നു, മോളേ അവന് നിന്നോട് സംസാരിക്കണം എന്ന്... നീയും ആളെ കണ്ടില്ലല്ലോ... കുഞ്ഞേട്ടനോടൊപ്പം വരുന്ന ആളെ കണ്ടപ്പോൾ ശരിക്കും കീർത്തി ഞെട്ടിപ്പോയി " സംഗീത് സർ... " ........ തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...