💟 സങ്കീർത്തനം 💟: ഭാഗം 3

രചന: കാർത്തിക

 ഒരു പൊട്ടിത്തെറി പ്രതിക്ഷിച്ചു കൊണ്ട് ചെറിയൊരു പതർച്ചയോടെ ഏട്ടന് നേരേ ചായ വച്ചു നീട്ടി എന്നെ രൂക്ഷമായി ഒന്നു നോക്കി എങ്കിലും ആൾ ചായ വാങ്ങി അതെനിക്ക് ഒരു ആശ്വാസമായി എങ്കിലും ഒരിക്കലും അഭിഏട്ടനെ ഒരിക്കലും ഭർത്താവായി കാണാൻ പറ്റുമെന്ന് തോന്നുന്നില്ല. പിന്നെ അദ്ധേഹത്തിന്റെ പെരുമാറ്റം കൊടുങ്കാറ്റിന് മുൻപുള്ള ശാന്തതയായിട്ടാണ് എനിക്ക് തോന്നിയത്. ഞാൻ തിരികെ റൂമിൽ നിന്നും ഇറങ്ങിയതും "അഭി ഏട്ടാ" എന്നും വിളിച്ച് ആരോ അകത്തേയ്ക്ക് കയറിയതും ഒരുമിച്ചായിരുന്നു ഞങ്ങൾ തമ്മിൽ കൂട്ടിയിടിച്ചു അയാളുടെ നെഞ്ചിലാണ് എന്റെ തല തട്ടിയത് പെട്ടെന്ന് അയാൾ എന്നെ ചേർത്തു പിടിക്കാൻ ശ്രമിച്ചപ്പോൾ ഞാൻ കുതറി മാറി കൊണ്ട് അവനെ രൂക്ഷമായി ഒന്നു നോക്കി അപ്പോഴേക്കും അഭിഏട്ടന്റെ അനിയൻ ആരോമൽ കയറി വന്നു മറ്റവൻ ഇപ്പോഴും എന്നെത്തന്നെ നോക്കുവാണ് ജന്തു. ഞാൻ തിരിഞ്ഞ് എന്റെ ഭർത്താവിനെ നോക്കിയപ്പോൾ അവിടെ പ്രത്യേകിച്ച് ഒരു ഭാവമാറ്റവും ഇല്ലാ... "ഏട്ടത്തി ഇത് വിമൽ ഞങ്ങളുടെ കസിൻ ആണ്"- ആരോമൽ, ഞാൻ നോക്കിയപ്പോൾ അവൻ എന്നൊട് ഹായ് പറഞ്ഞു തിരിച്ച് ഞാനും വിഷ് ചെയ്തു.

"ഡാ അച്ചു ഇതു ചെറിയ കുട്ടിയല്ലേ പിന്നെ എന്തിനാ നീ ഏട്ടത്തി എന്നു വിളിക്കുന്നേ "- വിമൽ(ആരോമലിനെ വീട്ടിൽ അച്ചു എന്നാ വിളിക്കുന്നേ). "പ്രായം കൊണ്ടല്ല സ്ഥാനം കൊണ്ടാണ് ഏട്ടത്തി എന്നു വിളിച്ചത് "- അച്ചു. "നിങ്ങൾ എന്തിനാ വന്നത്"- അഭിഏട്ടൻ "ഏട്ടനെ അച്ഛൻ വിളിക്കുന്ന്ണ്ട്" അതും പറഞ്ഞ് അച്ചു പോകാനിറങ്ങി, അഭി ഏട്ടനും അവരോടൊപ്പം പോയി. പിന്നെ ഞാനിനി ആരെ കാണാനാ നിൽക്കുന്നേ അവരുടെ പിറകെ ഞാനും പോയി. ഞാൻ ഹാളിലെത്തിയപ്പോൾ ഡൈനിംഗ് ടേബിളിന്റെ മുകളിലിരുന്നു പാല് കുടിക്കുവാണ് നമ്മുടെ സിദ്ധി കുട്ടി(അഭി ഏട്ടന്റെ പെങ്ങൾ അശ്വതി ചേച്ചിയുടെ മകളാണ് സിദ്ധി മൂന്നു വയസ്സേ ആയിട്ടുള്ളു കുറുമ്പിക്ക്) "സിദ്ധി കുട്ടി" എന്ന് വിളിച്ച് അടുത്ത് ചെന്ന് ഞാൻ അവളുടെ കവിളിൽ പിടിച്ചു. "ആന്റി എന്നെ അല്ലുന്ന് വിളിച്ചാൽ മതി" എന്ന് കാന്താരി "എന്നാൽ ശരി അങ്ങനെ ആയിക്കോട്ടേന്ന് ഞാനും. അപ്പോഴേക്കും ബ്രേക്ക് ഫാസ്റ്റ് കഴിക്കാനായി എല്ലാവരും വന്നു.

ഇവിടെ വന്നതിനു ശേഷം ഇപ്പോഴാണ് ഞാൻ അഭിഏട്ടന്റെ അച്ഛനെ കാണുന്നത്. എന്നെ കണ്ടതും ഗൗരവത്തോടെ ഒന്നു നോക്കി അപ്പൊൾ എനിക്ക് ചെറിയ പേടിയൊക്കെ തോന്നി പതിയെ അടുക്കളയിലേക്ക് വലിയാൻ നോക്കി. അപ്പോഴേക്കും അമ്മാവൻ എന്നെ പിടിച്ച് അവിടെ നിർത്തി കീർത്തി എത്ര വരെ പഠിച്ചു, പ്ലസ് ടൂ കഴിഞ്ഞ് കംപ്യൂട്ടർ കോഴ്സ് ചെയ്യുവാണെന്ന് പറഞ്ഞു ഞാൻ അപ്പോൾ അദ്ധേഹം ഒന്നു മൂളി. അടുത്ത വർഷം അച്ചുവിന്റെ കോളേജിൽ ഡിഗ്രിക്കു ചേർക്കാം എന്ന് അച്ഛൻ പറഞ്ഞു. അതിന് മറുപടിയായി അമ്മാവൻ ഒന്നു മൂളി. ഓ ഇനി പഠിച്ചിട്ടെന്തിനാ എന്ന് അമ്മായി അങ്ങനെ പല അഭിപ്രായങ്ങളുമായി എല്ലാവരും കഴിക്കുന്നത് തുടർന്നു അഭിഏട്ടൻ മാത്രം ഇതിലൊന്നും പെടാതെ മിണ്ടാതിരുന്നു കഴിച്ചു. ഇടക്കെപ്പോഴോ എന്നെ ആരോ നോക്കുന്നത് പോലെ തോന്നി വെറുതെ ഒന്നു ചുറ്റി നോക്കിയപ്പോൾ ആ വിമലിന്റെ കണ്ണ് എന്റെ മുഖത്ത് ആണ് ഞാൻ നോക്കുന്നതു കണ്ടപ്പോൾ അവൻ നോട്ടം മാറ്റി. ഈ തെണ്ടി എന്തിനാ എന്നെ നോക്കുന്നേ..

ഞാൻ എന്നോട് തന്നെ ചോദിച്ചു ആ എന്തെങ്കിലും ആവട്ടേ. ചായ കുടിച്ചു കഴിഞ്ഞു എല്ലാവരും ഓരോ തിരക്കിലേക്ക് നീങ്ങി വൈകുന്നേരം റിസപ്ഷൻ ഉള്ളതുകൊണ്ട് എല്ലാവരും അതിന്റെ തിരക്കിലാണ്. കിച്ചണിൽ ചെന്നപ്പോൾ നീ പോയി റെസ്റ്റ് എടുത്തോ എന്നും പറഞ്ഞു അശ്വതി ചേച്ചി എന്നെ പറഞ്ഞു വിട്ടു. ഞൻ മുകളിലത്തെ ബാൽക്കണിയിൽ പോയിരുന്നു. ആകെ ഒരു ഒറ്റപ്പെടൽ വൈകുന്നേരം അച്ഛനും അമ്മയും ഒക്കെ വരും ആ സന്തോഷവും എന്റെ ഉള്ളിലുണ്ട്. അങ്ങനെ ഓരോന്നോക്കെ ആലോചിച്ചു കൊണ്ടിരുന്നപ്പോഴാണ് ആ വിമലിന്റെ എൻട്രി ഇനി ഈ പണ്ടാരം എന്തിനാവോ എഴുന്നള്ളി വരുന്നേ. "താനിവിടെ ഒറ്റക്കിരിക്കുവാണോ ".... വിമൽ ഇവനെന്താ കണ്ടുടേ ഒറ്റക്കിരിക്കുന്നത്(എന്റെ ആത്മഗതമാണേ) പിന്നെ അവന്റെ തള്ളായിരുന്നു അങ്ങോട്ട് പാവം ഞാൻ സഹിച്ചിരുന്നു. ഇവനിൽ നിന്നും എങ്ങനെ രക്ഷപ്പെടും എന്നാലോചിച്ച് കൊണ്ടിരുന്നപ്പോഴാ അച്ചു വന്നേ "ഡാ വിമൽ നീ ഇവിടിരിക്കുവായിരുന്നോ "

" ആ ഡാ കീർത്തി തനിച്ചിരിക്കുന്നതു കണ്ടപ്പോൾ ഞാനൊരു കമ്പനി കൊടുക്കാം എന്നു വച്ചു"... വിമൽ "കീർത്തിയോ " അച്ചു സംശയത്തോടെ ചോദിച്ചു. കൊള്ളം സ്വന്തം ഏട്ടന്റെ പെണ്ണിന്റെ പേര് പോലും അറിയില്ല വിമൽ കളിയായി ചോദിച്ചു അല്ലെങ്കിലും ഇവളല്ലല്ലോ ഏട്ടത്തിയായി വരാനിരുന്നത് സാഹചര്യം അങ്ങനെ ആയതല്ലേ അതിനിടയ്ക്ക് പേരോക്കെ എങ്ങനെ അറിയാനാ അല്ലേ.....വിമൽ അതു കേട്ടപ്പോൾ ഞാൻ തലകുനിച്ചു അപ്പോൾ അച്ചു "ഏട്ടത്തി അവൻ ഒരു തമാശ പറഞ്ഞതാ വിഷമിക്കേണ്ട " എന്നിട്ടു വിമലിനെ നോക്കി കണ്ണുരുട്ടി. "അതു സാരമില്ല, പിന്നെ എന്നെ കീർത്തി എന്നു വിളിച്ചാൽ മതി എന്ന് പറഞ്ഞു ഞാൻ " . നിങ്ങൾ എന്ത് ചെയ്യുന്നു എന്ന് ഞാനവരോട് ചോദിച്ചു "ഞങ്ങൾ ഡിഗ്രിക്കാണ്, മുന്നാം വർഷം ഒരേ ബാച്ച്, ഒരുമിച്ചാണ് പോക്കും വരവും "... അച്ചു അപ്പോൾ ഞാൻ ഏട്ടാ എന്ന് വിളിക്കേണ്ടി വരുമല്ലോ എന്നായി... "നീ അങ്ങനെ വിളിച്ചോ"... വിമൽ ഞാൻ അതിന് സമ്മതമെന്നോണം ഒന്നു ചിരിച്ചു.

അപ്പോഴേക്കും താഴേ നിന്നും അശ്വതി ചേച്ചി എന്നെ വിളിച്ചു. അവരെ ഒന്നു നോക്കിയിട്ട് ഞാൻ താഴേക്ക് ചെന്നു. ഒരു കവർ എന്റേൽ തന്നിട്ടു പറഞ്ഞു ഇത് നിനക്ക് ഫങ്ങ്ഷന് ഇടാനുള്ളതാണ് റൂമിൽ കൊണ്ടു വച്ചിട്ടു വരാൻ. ഞാൻ കബോഡിൽ കവർ വച്ചിട്ട് തിരിഞ്ഞപ്പോൾ അഭി ഏട്ടൻ റൂമിലേയ്ക്ക് വന്നു, ഞാൻ പുറത്തേക്കിറങ്ങാൻ തുടങ്ങവേ ഏട്ടൻ ഡോർ ലോക്ക് ചെയ്തു. പെട്ടെന്ന് ഞാൻ പേടിച്ചു എന്തിനുള്ള പുറപ്പാട് ആണോ എന്തോ ഇത്, എന്നെ ഒന്ന് നോക്കിയിട്ട് അവിടെ ഉണ്ടായിരുന്ന ചെയറിൽ ചെന്നിരുന്നു " ഇവിടെ വന്നിരിക്ക് " ബെഡിലേക്ക് വിരൽ ചൂണ്ടി എന്നോട് പറഞ്ഞു. ഞാൻ മടിച്ചു "വന്നിരിക്കടി...." എന്നലറി പറഞ്ഞു ഞാൻ പേടിച്ചു പെട്ടെന്നു തന്നെ ചെന്നിരുന്നു......... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...