🎀അനുപമ🎀: ഭാഗം 28

എഴുത്തുകാരി: പ്രാണ അഗ്നി

അവൻ ഭദ്രയെയും എടുത്തു കൊണ്ട് റൂമിലേക്ക് നടന്നു .പതിയെ അവളെ കട്ടിലിൽ ഇരുത്തി . "താൻ കിടന്നോ .....ഞാൻ ഇപ്പോൾ വരാം ....."എന്നും പറഞ്ഞു അവൻ പോകാനായി തിരിഞ്ഞു .പെട്ടന്നു തന്നെ അവളുടെ കൈയ് അവന്റെ കൈയിൽ മുറുക്കി .അതിൽ നിന്നും അവനു മനസ്സിൽ ആവുന്നുണ്ടായിരുന്നു അവളുടെ ഭയം "ഇല്ലടാ .....ഞാൻ ഇവിടെ തന്നെ ഉണ്ട് പുറത്തു എങ്ങും പോകുന്നില്ല .ഏട്ടത്തിയെ ഇങ്ങോട്ടു വിടാം തന്റെ ഡ്രസ്സ് ഒക്കെ മാറണ്ടേ .....അത് കഴിയുബോൾ ഞാൻ ഇങ്ങു എത്തും പോരേ "അവളുടെ നിറുകയിൽ ഒരു ഉമ്മ കൊടുത്തു കൊണ്ട് അവൻ പറഞ്ഞു . "ഉം .......എന്നെ തനിച്ചാക്കി എങ്ങും പൊവ്വല്ല് " "ഇല്ലടാ ........"അവളുടെ തലയിൽ തടവി ഒരു ഉമ്മയും കൊടുത്തു അവൻ അവിടെ നിന്നും ഇറങ്ങി .അവൻ പോകുന്നത് നോക്കി അവൾ അവിടെ ഇരുന്നു . ലക്ഷ്മി വന്നു അവളുട ഡ്രസ്സ് എല്ലാം മാറ്റി നൽകി .അവൾ തിരിച്ചു അറിയുകയായിരുന്നു തന്നെ സ്നേഹിക്കുന്നവരുടെ സ്നേഹവും കരുതലും . എന്താണ് തനിക്കു സംഭവിച്ചത് എന്നും ദീപു ആരാണ് എന്ന് അറിയാണം എന്നും അവൾ തോന്നി "എന്താ ഭദ്ര വല്യ ചിന്തയിൽ ആണല്ലോ ......" "ഒന്നും ഇല്ല രുദ്രേട്ട ...." "എന്തോ ഉണ്ടല്ലോ ....എന്താണെങ്കിലും പറയടോ നമുക്ക് പരിഹാരം ഉണ്ടാക്കാം " "രുദ്രേട്ടനു ബുധിമുട്ടു ആവില്ലെങ്കിൽ ഞാൻ ആരാണ് എന്ന് പറഞ്ഞു തരുമോ .എനിക്ക് എന്താ പറ്റിയത് എന്നും " "ട്രീറ്റ്മെന്റ് നടക്കുന്നത് അനുസരിച്ചു നിനക്ക് ഓർമ്മ വരുമല്ലോ ഭദ്ര .പിന്നെ എന്തിനാണ് നീ ഇങ്ങനെ ടെന്‍ഷന്‍ ആവുന്നത് ." "ഏട്ടാ എങ്കിലും അറിയാൻ ഒരു ആഗ്രഹം .

നിങ്ങളെ ഓരോരുത്തരേയും .ഞാൻ മറന്നു കളഞ്ഞ ഓരോ നല്ല നിമിഷങ്ങളെ കുറിച്ചും " "എങ്കിൽ എന്റെ ഭദ്ര കേട്ടോ...... ഒരിടത്തു ഒരു സുന്ദരിയായ രാജകുമാരി ഉണ്ടായിരുന്നു .എല്ലാത്തിലും മിടുക്കി ആയിരുന്നു അവൾ അവൾക്കു ചുറ്റും ഉള്ളവരിൽ സന്തോഷവും സ്നേഹവും കൊണ്ട് അവൾ നിറച്ചു .അവിടെ ഉള്ള ഓരോരുത്തരുടേയും പ്രാണൻ പോലും നിറഞ്ഞു നിന്നിരുന്നത് അവളിൽ ആയിരുന്നു . അവൾ പോലും അറിയാതെ ഒരു തല്ലിപ്പൊളി രാജകുമാരന്റെ ജീവത്തിലേക്കു ഇടിച്ചു കയറി അവൾ വന്നു" "ഹാ ....ഹാ .....ഏതാണാവോ ആ രാജകുമാരൻ .....വെള്ളാരം കണ്ണുകൾ ഉള്ള രാജകുമാരൻ ആണോ ......." "നീ കഥ കേൾക്കുന്നുണ്ടോ അതോ കൊഞ്ചുന്നോ " "സോറി സോറി ഇനി മിണ്ടില്ല .എന്നിട്ട് ....." "എന്നിട്ട് എന്താ ആദ്യം ആ രാജകുമാരനു അവളെ ഇഷ്ടമേ അല്ലായിരുന്നു .പതിയെ പതിയെ അവന്റെ ഹൃദമിടുപ്പു പോലും അവൾ ആയി മാറി .അവൾ ഇല്ലെങ്കിൽ അവൻ മരിച്ചു പോകും എന്ന് പോലും തോന്നി അവനു ഒരു ദിവസം അവന്റെ ശത്രുക്കൾ അവന്റെ ജീവനെ അവനിൽ നിന്നും വേർതിരിക്കാൻ ശ്രമിച്ചു .അവർ അവളിൽ നിന്നും അവന്റെ ഓർമ്മകൾ പോലും മായിച്ചു കളഞ്ഞു .പക്ഷെ ആ രാജകുമാരൻ തോൽക്കാൻ തയ്യാർ അല്ലായിരുന്നു അവൻ അവന്റെ രാജകുമാരിയെ കണ്ടെത്തി അവന്റെ നെഞ്ചോട് അടുപ്പിച്ചു നിർത്തി .അവന്റെ ഹൃദയ താളത്തിൽ അവളുടെ മാഞ്ഞു പോയ ഓരോ ഓർമകളും അവൾ വീണ്ടും ഓർത്ത് എടുത്തു . പിന്നീട് അഞ്ചാറു മക്കൾ ഒക്കെ ആയി അവർ സുഖമായിട്ടു ജീവിച്ചു "

"അഞ്ചാറു മക്കളോ ......" "എന്തേ ...കുറഞ്ഞു പോയോ .....വേണെങ്കിൽ നമുക്ക് പത്തു പതിനഞ്ചു അക്കാമടി" "എങ്ങനെ ഉണ്ട് കഥ കൊള്ളാമോ ......." "ഉം കൊള്ളാം പക്ഷെ ആരാണ് ആ രാജകുമാരൻ എന്ന് മാത്രം മനസ്സിൽ ആയില്ല " "തത്കാലം മോളേ..... ഇത്രയും മനസ്സിൽ ആക്കിയാൽ മതി കേട്ടോ .......വേഗം കിടന്നേ എന്റെ കുട്ടി " "ഓഹ് ......ഇയാൾ ഇവിടെ ആണോ കിടക്കുന്നത് " "എന്താ ഞാൻ ഇവിടെ കിടന്നാൽ കുഴപ്പം " "കല്യാണും കഴിക്കാതെ ഒരു പെൺകുട്ടിയുടെ റൂമിൽ കിടക്കുന്നത് മോശം അല്ലേ ചേട്ടാ ......." "ആരു പറഞ്ഞു കല്യാണം കഴിഞ്ഞിട്ടില്ലാ എന്ന് .കല്യാണവും കഴിഞ്ഞു നമ്മുടെ ഫസ്റ്റ്നയ്റ്റും കഴിഞ്ഞു " "വേണ്ട ആവശ്യം ഇല്ലാത്തതു ഒന്നും പറയണ്ടാട്ടോ ഏട്ടാ ........"അവളുടെ കണ്ണുകൾ നിറഞ്ഞു തുളുമ്പി "എടാ ഭദ്രാ ........ഏട്ടൻ ചുമ്മാ പറഞ്ഞത് അല്ലേ ........" "ഏട്ടാ ശെരിക്കും നമ്മുടെ വിവാഹം കഴിഞ്ഞത് ആണോ .......ദീപക് അയാൾ .......ഞാൻ എന്താ വിശ്വസിക്കേണ്ടത് "അവളുടെ വാക്കുകൾ മുറിഞ്ഞു "ഭദ്ര ......relax ദീപക് നിന്റെ ആരും അല്ലാ...... നീ അവശ്യമില്ലാത്തത് ചിന്തികണ്ടാ. ഏട്ടന്റെ കുട്ടി ഇപ്പോള്‍ ഉറങ്ങിക്കോ നമുക്ക് നാളെ അതിനെപ്പറ്റി ഒക്കെ സംസാരിക്കാം." അവളെ കട്ടിലിലേക്ക് കിടത്തി കൊണ്ട് അവളുടെ തലയിൽ മെല്ലേ തടവി കൊണ്ട് അവനും അവളോട് ഒപ്പം ഇരുന്നു .അവൾ ഉറങ്ങി എന്ന് കണ്ടപ്പോൾ അവിടെ നിന്നും ഇറങ്ങി ഹരിയുടെ അടുത്തേക്ക് ചെന്നു . "എന്തായി ഹരിയേട്ടാ ......." "എല്ലാം നമ്മൾ നേരുത്തേ പ്ലാൻ ചെയ്തത് പോലെ നാളെ ബോഡി കണ്ടെത്തും .

ഫ്രീസർ റൂമിൽ കുടുങ്ങി യുവ ബിസിനസ്മാന്റെ ദാരുണ അന്ത്യം .അടുത്തത് അവൾക്കു ഉള്ള പണി ആണ്" "അത് ഏട്ടൻ വിഷമിക്കേണ്ട അവളെ ഞാൻ ജീവിക്കാൻ വിടുകയാണ് .സ്നേഹിക്കുന്നവരെ നഷ്ടപെടുന്ന വേദന അവൾ അനുഭവിച്ചു തന്നെ അറിയണം " "ഉം ......" "ശേരിയേട്ടാ .......നാളെ കാണാം ഗുഡ് നൈറ്റ് " രുദ്ര റൂമിൽ എത്തുബോൾ കുഞ്ഞു കുട്ടികൾ പോലെ ചുരുണ്ടു കൂടി കിടക്കുന്ന ഭദ്രയെ ആണ് കണ്ടത് .മെല്ലെ അവളുടെ അടുത്ത് ചെന്ന് നെറുകയിൽ ഒരു ഉമ്മ നൽകി .അവന്റെ തണുത്ത ചുംബനം തിരിച്ചു അറിഞ്ഞപ്പോൾ അവളുടെ മുഖത്തു ഒരു നനുത്ത ചിരി വിടർന്നു. ഒന്നും കൂടി അവളെ പുതപ്പിച്ചു അവൻ അടുത്ത് ഉള്ള സോഫയിലേക്ക് കിടന്നു .മനസ്സ് മുഴുവൻ അവന്റെ പഴയ ഭദ്രയുടെ ചിരിയിലും കളിയിലും നിറഞ്ഞു നിന്നു..കണ്ണിന്റെ കോണിലൂടെ കണ്ണുനീർ ഒഴുകി കൊണ്ട് ഇരുന്നു .താൻ കാരണം ആണ് അവൾ ഇപ്പോൾ അനുഭവിക്കുന്ന ഓരോ ദുരിതങ്ങളും .തനിക്കു അവളെ സംരക്ഷിക്കാൻ കഴിഞ്ഞ് ഇല്ലല്ലോ എന്ന് ഓർത്തപ്പോൾ അവനു അവനോടു തന്നെ വെറുപ്പ് തോന്നി . ബിസിനസ് ലോകത്തു വിജയം കൈവരിച്ച ർ.വി എന്ന വെക്തി കൂടെ നടന്ന ശത്രുവിനെ പോലും തിരിച്ചു അറിയാഞ്ഞ വിഡ്ഢി ആണ് എന്ന് പോലും അവൻ തോന്നി പോയി......ദീപങ്ങളാൽ അലങ്കരിച്ച ക്ഷേത്ര നടയിൽ അതി സുന്ദരി ആയി നിൽക്കുന്ന ഭദ്ര .

അവളോട് ഒപ്പം അവളുടെ കൈയ്യില്‍ കോർത്ത് ചേർത്ത് പിടിച്ചു നടക്കുന്ന രുദ്ര ഇലച്ചീന്തിൽ നിന്ന് രണ്ടു പേരും പരസ്പരം കുറി തൊട്ടുകൊടുത്തു .അതിൽ ഉണ്ടായിരുന്ന മഞ്ഞ ചരടിൽ കോർത്ത ചെറിയ ആലില താലി അവളുടെ കഴുത്തിൽ അണിയിച്ചു അവർ നിറുകയിൽ കുങ്കുമ ചുവപ്പു പടർത്തുന്നു .നാണത്തോടെ അവൾ അവന്റെ മാറിലേക്ക് ചാഞ്ഞു പെട്ടെന്ന് ആരോ വന്നു അവളെ അവനിൽ നിന്നും തട്ടി മാറ്റി .അവളുട കൈയ്കൾ പിടിച്ച വലിച്ചു കൊണ്ട് അവനിൽ നിന്നും അവളെ കൊണ്ടുപോകുന്നു .എത്ര അലമുറയിട്ടു കരഞ്ഞിട്ടും ആരും അത് കേൾക്കുന്നില്ല .രുദ്രൻ അവളുടെ കണ്ണിൽ നിന്നും മറയുന്നു വക്തമലത്തെ നിഴൽ പോലെ അവൻ മായുന്നു . "രുദ്ര ................." ഒരു അർച്ചയോടെ ഭദ്ര ചാടി എഴുനേറ്റു .വീയർപ്പു കണങ്ങൾ കൊണ്ട് അവൾ മൂടിയിരുന്നു ശബ്ദം പോലും പുറത്തു വരുവാൻ പാട് പെട്ടു . "എന്താ ....എന്താ ....മോളേ ....."അവളുടെ ശബ്ദം കേട്ട് ആണ് രുദ്ര ഉണർന്നത് . "ഏട്ടാ ......... അയാൾ .....അയാള്‍ എന്നെ കൊണ്ടുപോകും .... ...." ഒരു ഏങ്ങലോടെ അവൾ അവന്റെ മാറിലേക്ക് വീണു അവനെ ഇറുകെ ചുറ്റിപ്പിടിച്ചു. "ഒന്നും ഇല്ലാ..... ഭദ്രാ..... ഞാന്‍ ജീവനോടെ ഉള്ളപ്പോൾ നിന്നെ ആരും എങ്ങും കോണ്ടുപോവില്ലാ....." അവൾ അവന്റെ മാറില്‍ ചേര്‍ന്ന് കിടന്ന് ഉറക്കത്തിലേക്ക് വഴുതി വീണു. അവളെ ചേർത്തുപിടിച്ച് അവനും മയങ്ങി. സന്തോഷം നിറഞ്ഞ നല്ല ഒരു പുലരി വന്നു ചേരട്ടെ എന്ന് പ്രദിക്ഷിക്കാം...........................… തുടരും… 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...