💕ഐഷ 💕: ഭാഗം 40

രചന: HAYA

രാത്രിയും പകലും ഒക്കെ ഉറക്കം ഒഴിച്ചിരുന്ന്.. ഓർമ്മയിലുള്ള അവളുടെ മുഖം പല നിറച്ചായങ്ങൾ ചേർത്ത് ഞാൻ വലിയൊരു പേപ്പറിൽ പകർത്തി... ഞാൻ ഇന്നേവരെ വരച്ചതിൽ ഏറ്റവും പ്രിയപ്പെട്ട പെയിന്റിംഗ് പിക്ചർ അത് അവളുടെയാ...... അപ്പോഴാ വല്യമ്മച്ചിടെ കാര്യം എനിക്ക് ഓർമ്മ വന്നത് അതോണ്ട് കാലത്ത് തന്നെ നേരെ ഹോസ്പിറ്റലിലേക്ക് വിട്ടു. ഒരു പേര് കേട്ട ഡോക്ടർ ടെ മകൻ ആയോണ്ടും പിന്നെ അതിലുപരി ഞാനും ഒരു ഡോക്ടർ ആയോണ്ടും ICU യിൽ ചെന്ന് വല്യമ്മച്ചിയെ കാണാൻ ആരുടേയും അതികം പെർമിഷൻ ഒന്നും വേണ്ടിവന്നില്ല. പക്ഷെ ഞാൻ പോയപ്പോ വല്യമ്മച്ചി നല്ല ഉറക്കത്തിൽ ആയിരുന്നു. അതോണ്ട് തന്നെ വിളിച്ചു ശല്യപ്പെടുത്താൻ മുതിരാതെ ഞാൻ ICU യിൽ നിന്നും വെളിയിലോട്ടിറങ്ങി.. അപ്പോഴാ ഞാൻ അവളെ കണ്ടത്. ഐഷ ഞങ്ങടെ കോളേജിലെ ഒരു ഫങ്ക്ഷന് ധരിച്ച അതെ ബ്ലാക്ക് കളർ ചുരിദാർ...ധരിച്ച് ആൻ മരിയ എന്നെ ലക്ഷ്യമാക്കി നടന്നുവന്നതും എന്റെ കണ്ണിൽ ആ സമയത്തു പണ്ടത്തെ പോലെ ഐഷ നടന്നു വരണ പോലെയാ എനിക്ക് തോന്നിയത്.

അവള് എന്റെ അരികിൽ എത്തണത് വരെ ഇമ വെട്ടാതെ ഞാൻ പണ്ടത്തെ ഓർമ്മകളിൽ മുഴുകി നിന്നു. "ജോൺ... ഇയാൾ എന്നാ.... എന്നെ ഇങ്ങനെ നോക്കണത്. എന്ന് ഒരു നാണം കലർന്ന ചിരിയോടെ എന്നെ നോക്കി ചിരിച്ചതും ആ നിമിഷത്തിലാണ് ചിന്തകൾക്ക് വിരാമമിട്ട് ഞാൻ യാഥാർഥ്യത്തിലേക്ക് വന്നത്. തന്നെ കാണാൻ ഇന്ന് അടിപൊളി അയിട്ടുണ്ട്... നൈസ് ഡ്രസ്സ്‌... എന്ന് പറഞ് ഞാൻ അവിടെ നിന്നും ഇറങ്ങാൻ നിന്നതും അവള് പിറകിന്ന് എന്നെ വിളിച്ചിരുന്നു. "ഇത്രയും പരിജയപ്പെട്ട സ്ഥിതിക്ക് ഒരു കോഫി ആവുന്നത് കൊണ്ട് കൊഴപ്പണ്ടോ... ഓഹ്... ശുഅർ.. അതെന്നാ.. ഇയാൾക് ഇന്ന് ഡ്യൂട്ടി ഇല്ലേ... "ഇല്ലാഹ്...പക്ഷെ എനിക്ക് ഇവുടുത്തെ ഡോക്ടറെ ഒന്ന് കാണായിരുന്നു അതോണ്ട് വന്നെയാ... പിന്നെ എന്തിനാ.. ചുമ്മാ ഇങ്ങിട് വന്നെ.. ഐ മീൻ ഈ തേർഡ് ഫ്ലോറിൽ.. ഡോക്ടർ ഫസ്റ്റ് ഫ്ലോറിൽ അല്ലെ ഇണ്ടാവാ... "ഞാൻ.. അത് പിന്നെ.. ജോണിന്റെ ഗ്രാൻഡ്മ ഇവിടെയാ അഡ്മിറ്റ് ചെയ്തേ എന്നറിഞ്ഞു..

അതോണ്ട് ചുമ്മാ ഒന്ന് കണ്ടെച്ച് പോവാം എന്ന് കരുതി. നിനക്ക് പുള്ളിക്കാരിയെ നേരത്തെ പരിജയം ഇണ്ടോ.... "ഏയ്‌... എന്തായാലും ഒന്ന് പരിചപ്പെടണത് നല്ലതാണ് എന്ന് തോന്നി.. ഫ്യൂചറിൽ എനിക്ക് അതോണ്ട് വല്ല കാര്യവും ഇണ്ടായേക്കും.. അവളത് പറഞ് അവസാനിപ്പിച്ചപ്പോയെക്കും ഞങ്ങള് ഹോസ്പിറ്റലിന്റെ തൊട്ടടുത്തുള്ള കടയിൽ കേറി ഒരു കോഫി ഓർഡർ ചെയ്തിരുന്നു. ആൻ ഞാൻ തന്നോട് ഒരു കാര്യം ചോയ്ക്കട്ടെ സ്ട്രൈറ്റ് ആയിട്ട്... തനിക്ക് എന്നോട് വല്ല ഇഷ്ടമോ... ഐ മീൻ ലൗവ് അങ്ങനെ വല്ലോം തോന്നിട്ടുണ്ടോ... ഞാനത് പറയുമ്പോയേക്കും അവിടെ ഉള്ള പയ്യൻ കോഫിയും കൊണ്ട് വന്നിരുന്നു. "അത്.. പിന്നെ... മ്മ് എനിക്ക് തന്നെ ഇഷ്ടവാ... എന്റെ പപ്പയോക്കെ അത്യാവശ്യം റിച്ച് ആണേ...നിങ്ങടെ ഫാമിലിടെ അത്രയ്ക്ക് വരൂലേലും അത്യാവശ്യം ക്യാഷ് ഒക്കെ ഉള്ള ഫാമിലി തന്നെയാ എന്റേതും അതോണ്ട് സ്ത്രീ ധനത്തിന്റെ കാര്യം ഓർത്തൊന്നും എന്നെ ഇഷ്ടപ്പെടാതെ ഇരിക്കണ്ട....

"ആൻ.... ഞാൻ തന്നെ എന്റെ അനിയത്തിയെ പോലെയാ കണ്ടത്.. അതിനപ്പുറത്തേക്ക് എന്നിൽ നിന്ന് താൻ ഒന്നും പ്രതീക്ഷിക്കണ്ട. പിന്നെ സ്ത്രീധനം... താൻ നേരത്തെ പറഞ്ഞപോലെ അത്യാവശ്യം പേരുകേട്ട തറവാട്ടിൽ തന്നെയാ ഞാൻ ജനിച്ചത്.പണത്തിനു യാതൊരു കുറവും ഇല്ലാഹ്... അതോണ്ട് ഈ കെട്ടിയപെണ്ണിന്റെ വീട്ടീന്ന് കിട്ടണ പണവും സ്വർണവും കൊണ്ട് ജീവിതം കഴിയേണ്ട യാതൊരു ആവശ്യവും എനിക്കില്ല.. മനസ്സിലായോ... പിന്നെ അവന്മാർ പറഞ്ഞപ്പോ ഞാൻ അത്ര കാര്യം ആക്കില്ല. ബട്ട്‌ ഇപ്പൊ തന്റെ ബിഹാവിയർ ഒക്കെ കാണുമ്പോ എനിക്കും താൻ എന്നെ മറ്റൊരു രീതിയിൽ കാണുന്നോ എന്നൊരു സംശയം... വേണ്ട ആൻ വെറുതെ നീ ഒന്നും മോഹിക്കേണ്ട... എനിക്ക് നിന്റെ കൂടെ ശാപം ഏറ്റുവാങ്ങാൻ വയ്യാ അതോണ്ടാ..... "അതെന്നാ അങ്ങനെ ... സാധാരണ ഞാൻ ഒന്ന് വെളിയിലോട്ട് ഇറങ്ങിയ പലവന്മാരും എന്റെ പിറകിൽ വരാറാ പതിവ്.. ഇന്ന് ഫസ്റ്റ് ടൈം എനിക്ക് ഒരാളോട് ഇഷ്ടം തോന്നിയപ്പോ തനിക്ക് എന്നെ ഇഷ്ടമായില്ലെന്നോ......

എന്നെ റേജക്റ്റ് ചെയ്യാൻ മാത്രം റീസൺ എന്നാ അതെനിക്കറിയണം..എനിക്ക് എന്നാ ഒരു കുറവ് സൗന്ദര്യം ഇല്ലാഞ്ഞിട്ടാന്നോഹ്.. അത് ആവശ്യത്തിലും അതികം ഉണ്ടല്ലോ.. താൻ സുന്ദരി തന്നെയാ സമ്മതിച്ചു...... പക്ഷെ നിന്നെക്കാളും എത്രയോ മടങ് സുന്ദരിയായ ഒരു പെണ്ണിനെ ഞാൻ കണ്ടിട്ടുണ്ട്.... ഞാൻ കണ്ടതിൽ വെച്ച് ഏറ്റവും മൊഞ്ചുള്ള പെണ്ണ്...ഈ സൗന്ദര്യം എന്നത് കൊണ്ട് ഞാൻ ഉദ്ദേശിച്ചത് ഈ തൊലിവെളുപ്പിനെ അല്ലാട്ടോ.... അവൾക്ക് എന്നെ സ്നേഹിക്കാനുള്ള ഒരു മനസ്സുണ്ട്...... ശേ അവളെ കുറിച്ച് പറയുമ്പോ എന്നതാന്ന് അറിയില്ല.. ഞാൻ കുറച്ചു ഓവർ ആവും.. സോറിട്ടോ... അത്രമേൽ സ്നേഹിച്ചു പോയി അവളെ... അതോണ്ടാ..... അപ്പൊ ശെരി പോട്ടെ ആൻ... ഈ ഒരു മിസ് അണ്ടർസ്റ്റാന്റിങ് മാറ്റണം എന്നെ എനിക്ക് ഉണ്ടായിരുന്നുള്ളൂ... പോട്ടെ.. ഞാൻ തന്നെ അറിയാതെ ആണേൽ പോലും വേദനിപ്പിച്ചിട്ടുണ്ടെൽ സോറി.. എന്ന് പറഞ് ഞാൻ അവിടെ നിന്നും ഇറങ്ങി..

അവളോട് ഇത്രയും പറഞ്ഞപ്പോ മനസ്സിൽ എന്തെന്നില്ലാത്ത ആശ്വാസം ആയിരുന്നു. ഒരുഭാരം ഇറക്കി വെച്ചപോലെ..... അവിടന്ന് ഇറങ്ങി പിന്നെ നേരെ വീട്ടിലേക്ക് ചെന്നതും എന്റെ അങ്കിൾമാരെയൊക്കെ കാർ വീടിന് വെളിയിൽ കിടപ്പുണ്ട്. ഇതെന്താണാവോ വിശേഷിച്ച്... എന്ന് വിചാരിച്ചു വീട്ടിലേക്ക് കേറിയതും അവരൊക്കെ എന്നിലേക്ക് തന്നെ നോട്ടം കേന്ദ്രികരിച്ചു. അഹ്... ഇതെപ്പോ വന്ന് എല്ലാരും... ഇതെന്നതാ.. വട്ടമേശാ സമ്മേളനോ എല്ലാരും ഇണ്ടല്ലോ.... അപ്പൊ ഞാൻ പോയി ഒന്ന് ഫ്രഷ് ആയേച്ചും വരാട്ടോ... "ജോണെടാ... നീ അവിടെ നിന്നെ... ഞങ്ങള് കേട്ടതൊക്കെ സത്യമാന്നോഹ്.... നിന്റെ മാര്യേജ് ഒക്കെ കയിഞ്ഞു എന്ന് ഒരു വർത്താനം നേരത്തെ ഇവിടെ ഇണ്ടായിരുന്നല്ലോ..... അതെ അങ്കിൾ.. സത്യവാ... കയിഞ്ഞു.. "ആ കൊച്ചിന് എന്നാ പറ്റി.... എന്തോ കാര്യായിട്ട് സംഭവിച്ചിട്ടുണ്ടെന്ന് നിന്റെ മമ്മി പറഞ് കെട്ടായിരുന്നു. അവള്.. അവളിപ്പോ വെന്റിലേറ്ററില... ജീവിതത്തിലേക്ക് മടങ്ങി വരുമോ എന്ന് പോലും തീർത്തു പറയാൻ പറ്റത്തില്ല.

"മോനെ.. നിന്നോട് ഈ കാര്യങ്ങൾ ഒന്നും പറയുന്നത് കൊണ്ട് ഒന്നും തോന്നരുത്. ഇങ്ങിനെ ഉള്ള ഒരു പെൺകുട്ടിക്ക് വേണ്ടി നിന്റെ ജീവിതം കളയണോ.. നിനക്ക് അവളെക്കാൾ നല്ലൊരു കൊച്ചിനെ ഞങ്ങള് കണ്ട് പിടിച്ചു തരാം... പിന്നെ മാര്യേജ് അത് കഴിഞ്ഞ കാര്യം ഇവിടെ എങ്ങും ആർക്കും അറിയത്തുപോലും ഇല്ലല്ലോ.. എന്തിന് നിന്റെ അപ്പനും ദേ എന്റെ ഈ പുന്നാര പെങ്ങള് അതായത് നിന്റെ മമ്മി അവൾക്ക് പോലും അറിയത്തില്ല. ഇതൊക്കെ ഈ പ്രായത്തിൽ പലർക്കും പറ്റും...എന്ന് കരുതി ചവാൻ കിടക്കണ ഏതോ ഒരു പെണ്ണ്..അതും നമ്മടെ കൂട്ടരുപോലും അല്ല അതിനെ ഒക്കെ എടുത്തു തലയിൽ വെക്കണോ .. എന്നാത്തിനാ മോനെ നിന്റെ ജീവിതം കൂടി കളയണേ..... നീ അതൊക്കെ അങ്ങ് മറന്നേക്ക് അതാ നല്ലത്.... സ്റ്റോപ്പ്‌... നിർത്ത് ഇപ്പൊ തന്നെ ഒരുപാടായി. പാതി വഴിയിൽ ഇട്ടേച് പോവാൻ ആണേൽ രജിസ്റ്റർ ഓഫീസിൽ ചെന്ന് ഒപ്പ് വെച്ച് മിന്നുകെട്ടി അവളെ എന്റെ വൈഫ്‌ ആക്കേണ്ട യാതൊരു ആവശ്യവും ഉണ്ടായിരുന്നില്ല അങ്കിൾ..

പിന്നെ ഇതെന്റെ ലൈഫ് അല്ലെ ആരും എന്നെക്കുറിച്ചു ഓർത്ത് വർരീഡ് ആവണ്ട... നിങ്ങളൊക്കെ കൂടി ഇപ്പൊ എനിക്ക് ആരെ കൊണ്ട് തന്നാൽ പോലും അതൊരിക്കലും അവളാവില്ലല്ലോ.... ദേവ് ചെയ്ത് ആ ടോപിക്കിനെ കുറിച്ച് ആണേൽ എനിക്ക് നിങ്ങളോടൊന്നും ഒന്നും സംസാരിക്കാനില്ല... എന്ന് പറഞ് ഞാൻ നേരെ എന്റെ മുറിയിലോട്ട് കേറി. ഇപ്പൊ കുറച്ചു ദിവസായി ഹോസ്പിറ്റലിൽ പോവാത്തത് കുറച്ചു നാളെത്തേക്ക് ലീവ് ആയിരുന്നു.. ഇനി പോയി തുടങ്ങണം.. എന്റെ ഐഷുനേം എനിക്ക് ദിവസവും കാണാനും പാറ്റുവല്ലോ... അങ്ങനെ ഓരോന്ന് ആലോചിച്ചു നിക്കുമ്പോഴാ ആരോ വന്ന് എന്റെ റൂമിലെ ഡോറിന് മുട്ടിയത്.ഇനിപ്പോ അങ്കിൾ പിന്നെ ഉപദേശിക്കാൻ വല്ലോം വരുവാണോ എന്ന് മനസ്സിൽ വിചാരിച്ചു ആകെ മടിച്ചു കൊണ്ട് ഡോർ തുറന്നതും.. ദേ നിക്കണ്... "ഏട്ടായി..... എന്നും വിളിച്ചോണ്ട് എന്റെ പുന്നാര സിസ്റ്റർ. കുറേ ആയി ഹോസ്റ്റലിൽ പഠിക്കാൻ പോയിട്ട്. ഡീ.. നീ ഇതെന്നാ..

ഇപ്പൊ ശെരിക്കും സർപ്രൈസ് ആക്കികളഞ്ഞല്ലോ... "മ്മ്ഹ് അതൊക്കെ നിക്കട്ടെ.. തായേ നിന്നെ കുറിച്ചാണല്ലോ മോനെ പ്രധാന ചർച്ച വിഷയം.. എന്നാ കോലാഹളവും ഒപ്പിച്ചു വച്ചിട്ട ഇപ്രാവശ്യത്തെ വരവ്... ഏയ്‌ ഒന്നുല്ലെടി.. ഒരു മൂന്നു വർഷങ്ങൾക്ക് മുന്നേ ഞാൻ ഒന്ന് കെട്ടിയായിരുന്നു.. അതാണ്‌.. "ഓഹ് അതായിരുന്നോ.. ഏഹ് എന്നതാ.. കെട്ടാനോ മീൻസ് നിന്റെ മാര്യേജ് കഴിഞ്ഞുന്നോ.. പോടാ ചുമ്മാ.. ചിരിപ്പിക്കാതെ ചെക്കന്റെ ഒരു പുളു അടിക്കെട്ടമതി...അഥവാ കഴിഞ്ഞെങ്കിൽ തന്നെ ഏതാ ആ അത്രക്ക് വെളിവില്ലാത്ത കൊച്ച്.. നിന്നെ കെട്ടാൻ മാത്രം.. എനിക്കൊന്നു കാണാണല്ലോ.. മ്മ്ഹ് സീരിയസ്ലി..... നിനക്ക് അവളെ കാണണോ.. ദേ ആ പിക്ചറിലോട്ട് നോക്കിക്കെ അതാ അവള്.. എന്ന് പറഞ് ഞാൻ വരച്ച ആ പെയിന്റിംഗ് പിക്ചർ ചൂണ്ടി കാണിച്ചതും അവള് ആകെ കിളിയും കിളിക്കൂടും ഒക്കെ ഒരുമിച്ചു പറന്നുപോയ നിപ്പാണ് നിക്കണത്. "അപ്പൊ നീ പറഞ്ഞത് സത്യവാന്നോ.... എട്ടായി... നീ അപ്പൊ ശെരിക്കും ഈ ചേച്ചിയെ കെട്ടിയോ... ഈശോയെ.... ഇനി ഞാൻ വല്ല സ്വപ്നലോകത്ത് വല്ലോം ആണോ..... എടാ നോക്കെടാ.. ഇതെന്നാ ഭംഗിയാന്നെ ഈ ചേച്ചിയെ കാണാൻ..

സുന്ദരിയായിട്ടുണ്ട്. പക്ഷെ നീ നേരത്തെ പറഞ്ഞ മിന്ന് കെട്ടിന്റെ കാര്യം അത് ഞാൻ വിശ്വസിച്ചില്ലട്ടോ... എനിക്ക് ഒന്ന് കാണണയിരുന്നു നേരിട്ട് പുള്ളിക്കാരിയെ... ഞാൻ നേരിട്ട് ചോദിച്ചറിയും ചേച്ചിയോട് നീ സത്യവാന്നോ പറയണെന്ന്... നീ എന്റെ എട്ടായി ആയോണ്ട് പറയുവല്ല എനിക്കെ നിന്നെ തീരെ വിശ്വാസം പോരാ... ഇല്ലടി.. അവള് ഒന്നും പറയുവെന്ന് തോന്നണില്ല... ചുമ്മാ നീ പറയുന്നതൊക്കെ കെട്ടിരിക്കത്തെ ഉള്ളൂ... "ഓഹോ.. ചേച്ചി സ്വല്പം ഇൻട്രോവെർട്ട് ആണല്ലേ.. അതൊക്കെ ഞാൻ മാറ്റിയെടുത്തോളാം... ചേച്ചീനെ ഒന്ന് കണ്ട് കിട്ടിയ മതി. അവളത് പറഞ്ഞതും ചെറുതായി എന്റെ ചുണ്ടിൽ പുഞ്ചിരി വിടർന്നിരുന്നു. ഇൻട്രോവെർട്ട് പേർസൺ അതും അവള്..... എല്ലാരോടും പെട്ടന്ന് കമ്പനി ആവണ ടൈപ് കൊച്ചാണ്. അങ്ങനെ ഞങ്ങള് ഓരോന്ന് സംസാരിച്ചിരുന്നു ഏകദേശം അവളുടെ കോളേജ് വിശേഷങ്ങള് ഒക്കെ കേട്ടിരിക്കലായിരുന്നു എന്റെ പണി. അവള് പറയണത് കേട്ട് കേട്ട് എപ്പോളാ ഉറങ്ങിപ്പോയത് എന്ന് അറിയില്ല

.പിറ്റേന്ന് കാലത്ത് തന്നെ ഏതോ അൺക്നൗൺ നമ്പറിന്ന് കാൾ വന്നിട്ടാണ് എണീറ്റത്. ഹലോ... ഇതാരുവാ... "ഞാ... ഞാൻ സഹൽ ആണ്.. ജോണേട്ടാ.. അത് പിന്നെ എനിക്ക് ഈ കാര്യം ആദ്യം നിങ്ങളെ അറിയിക്കണം എന്നാ തോന്നിയത്. അതാ പിന്നെ ഡോക്ടർ ഈ കാര്യം പറഞ്ഞപ്പോ തന്നെ ഞാൻ നിങ്ങളെ വിളിച്ചു അറിയിക്കാം എന്ന് വിചാരിച്ചത്... എന്നോട് ക്ഷമിക്ക്.. ഞാൻ.. എനിക്ക് എനിക്ക് ഒന്നും അറിയില്ലായിരുന്നു. ചേട്ടന്റെ ഓർമ്മ നഷ്ടപ്പെട്ടതും ഒന്നും.... അതോണ്ടാ അന്ന് ഞാൻ കുറച്ചു റൂട് ആയിട്ട് ബീഹെവ് ചെയ്തത്... നീ അതൊക്കെ ഇപ്പോഴും മനസ്സിൽ വെച്ചോണ്ടിരിക്കുകയാണോ... സാരവില്ലന്നെ.. നിന്റെ സ്ഥാനത്ത് ഇപ്പൊ ഞാൻ ആണേലും ഇങ്ങനെ ഒക്കെ തന്നെയെ പെരുമാറു.... അല്ല.. നീ എന്നാ.. കാലത്ത് തന്നെ ഈ സോറി പറയാനാണോ വിളിച്ചേ... ഈ ചെക്കന്റെ ഒരു കാര്യം... "അല്ല ജോണേട്ടാ.. അത് പിന്നെ നാളെ... നാളെ താത്താനെ.. വെന്റിലെറ്ററിന്ന് ഇറക്കുകയാണ്ന്ന് ഇന്നലെ ഇവിടന്ന് പറഞ്ഞായിരുന്നു.

ഇനി അവർക്ക് ഒട്ടും പ്രതീക്ഷ ഇല്ലപോലും അവള്.... തി.. തിരിച്ചു വരുമെന്ന്🥺...എനിക്ക് പേടിയാ.. ജോണേട്ടാ.. ഒരുപക്ഷെ അവള് അവള് അതിന്ന് ഇറക്കിയാൽ പിന്നെ എന്റെ താത്ത... മ.. മരിച്ചു പോവോ എന്ന്.... ഈ കാര്യം അറിഞ് ഉമ്മിയും ബാപ്പിയും ഒക്കെ ഇങ്ങിട് വന്നിട്ടുണ്ട്.. ജോണേട്ടന് അവളെ ഒരു നോക്ക് കാണണം എന്നുണ്ടേൽ ഒന്ന് അവളെ കണ്ടിട്ട് പോയിക്കോ.. അവൻ വിങ്ങി വിങ്ങി അത് പറഞ്ഞവസാനിപ്പിക്കലും എന്റെ ഫോൺ നിലം പതിച്ചിരുന്നു.സത്യത്തിൽ ആകെ ഭ്രാന്ത് പിടിക്കണ പോലെയായിരുന്നു എനിക്ക് ഇന്ന് വരെ അവള് ജീവനോടെ ഉണ്ട് എന്ന് കരുതി എനിക്ക് സമാധാനിക്കമായിരുന്നു.. ഒരുപക്ഷെ.. അവൻ പറഞ്ഞ..... പറഞ്ഞപോലെയാണേൽ പിന്നെ... എന്റെ ഐഷയെ ഞാൻ... ഒരിക്കലും കാണില്ലല്ലോ കർത്താവെ.... അങ്ങനെ ഓരോന്ന് ആലോചിച്ചു നിക്കുമ്പോഴാ മമ്മി റൂമിലോട്ട് കേറി വന്നത്. "ഡാ..... എന്നതാടാ.. നിന്റെ മാര്യേജ് ഒക്കെ കഴിഞ്ഞുന്ന് കേട്ടു.. എന്നാ മമ്മിയോട്പോലും നീ ഇതിനെ കുറിച്ച് ഒരു വാക്ക് പറഞ്ഞില്ലല്ലോ...

. മമ്മി അത് പിന്നെ... എനിക്ക് എനിക്കറിയാൻ മേല എന്നാ ചെയ്യണം എന്ന്.. അവള് നമ്മടെ കൂട്ടരല്ല അതോണ്ട് നിങ്ങളാരും ഈ മാര്യേജിന് സമ്മതിക്കല്ലെന്ന് എനിക്കറിയാം. നിങ്ങൾക്ക് ഒന്നും അവള് എന്റെ പെണ്ണായി വരണത് ഇഷ്ടവല്ലെങ്കിൽ കൂടി ഞാൻ അവളേം കൂട്ടി മറ്റെവിടെലും പോയി ജീവിച്ചോളാം.. ഒരിക്കലും ആർക്കും ഒരു ബുദ്ധിമുട്ടും ഉണ്ടാക്കാതെ.. വല്യപ്പച്ചൻ എന്റെ പേർക്ക് എഴുതി വെച്ച അത്രേം സ്വത്തുക്കൾ.. അത് ഒന്നും എനിക്ക് വേണ്ട.. ഒന്നും... പക്ഷെ അവളെ ഉപേക്ഷിക്കാൻ മാത്രം മമ്മി എന്നോട് പറയരുത്.അവള് കോമ സ്റ്റേജിൽ ആണെന്നെ ഉള്ളൂ.. എങ്കിലും ഇപ്പോളും ജീവനുണ്ട്... എന്ന് പറഞ്ഞതും സങ്കടം കൊണ്ട് ഞാൻ മമ്മിയെ കെട്ടിപിടിച്ചിരുന്നു.അപ്പൊ മമ്മി പതിയെ തലയിൽ തടവി കൊണ്ട് വീണ്ടും തുടർന്നു.

"മോനെ... നിനക്ക് ഒരുപക്ഷെ.. ഇപ്പൊ ഇതൊക്കെ നല്ലതായി തോന്നിയേക്കാം.. പക്ഷെ പിന്നെ ഒരിക്കൽ ആ പെൺകുട്ടി ഒരിക്കലും നിനക്ക് ഒരു ബാധ്യത ആയി തോന്നരുത്. ഒരുപക്ഷെ ആ കുട്ടി ലൈഫിലേക്ക് തിരിച്ചു വന്നില്ലേൽ.... നീ നിന്റെ ജീവിതം പയാക്കരുത്. നിനക്കും വേണ്ടേ കുടുംബവും കുട്ടികളും ഒക്കെ ആയി നല്ലൊരു ജീവിതം. വെറുതെ എന്നാത്തിനാ.. നീ.. ഒരുപക്ഷെ ആ കൊച്ചും നീ സന്തോഷായിട്ട് ഇരിക്കാൻ തന്നെ അല്ലെ ആഗ്രഹിക്കാ... നിന്റെ മുൻപിൽ ഇപ്പൊ രണ്ട് വഴികൾ ഉണ്ട് ഒന്ന് ആ കുട്ടിയെ മറന്ന്.. പുതിയൊരു ജീവിതം.. രണ്ടാമത്തത് ഒരിക്കലും തിരിച്ചു വരില്ലെന്ന് ഉറപ്പുള്ള ആ കൊച്ചിന് വേണ്ടി ജീവിക്ക.... അതും ജീവിതകാലം മുഴുവനും... ഏതാണേലും മമ്മി നിന്റെ ഒപ്പമാ... എനിക്ക് അവളെ കയ്യൊയിയാൻ പറ്റത്തില്ല മമ്മി. അവൾ എന്റെ എല്ലാമാ... അവള് വരാതിരിക്കില്ലന്നെ.. എനിക്കറിയാം എന്നെ വിട്ട് അവൾക്ക് എങ്ങും പോവാൻ പറ്റത്തില്ല.. അത്രക്ക് ജീവന അവൾക്ക് ഞാൻ........... 【തുടരും】

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...