💕ഐഷ 💕: ഭാഗം 41

രചന: HAYA

"മോനെ... നിനക്ക് ഒരുപക്ഷെ.. ഇപ്പൊ ഇതൊക്കെ നല്ലതായി തോന്നിയേക്കാം.. പക്ഷെ പിന്നെ ഒരിക്കൽ ആ പെൺകുട്ടി ഒരിക്കലും നിനക്ക് ഒരു ബാധ്യത ആയി തോന്നരുത്. ഒരുപക്ഷെ ആ കുട്ടി ലൈഫിലേക്ക് തിരിച്ചു വന്നില്ലേൽ.... നീ നിന്റെ ജീവിതം പയാക്കരുത്. നിനക്കും വേണ്ടേ കുടുംബവും കുട്ടികളും ഒക്കെ ആയി നല്ലൊരു ജീവിതം. വെറുതെ എന്നാത്തിനാ.. നീ.. ഒരുപക്ഷെ ആ കൊച്ചും നീ സന്തോഷായിട്ട് ഇരിക്കാൻ തന്നെ അല്ലെ ആഗ്രഹിക്കാ... നിന്റെ മുൻപിൽ ഇപ്പൊ രണ്ട് വഴികൾ ഉണ്ട് ഒന്ന് ആ കുട്ടിയെ മറന്ന്.. പുതിയൊരു ജീവിതം.. രണ്ടാമത്തത് ഒരിക്കലും തിരിച്ചു വരില്ലെന്ന് ഉറപ്പുള്ള ആ കൊച്ചിന് വേണ്ടി ജീവിക്ക.... അതും ജീവിതകാലം മുഴുവനും... ഏതാണേലും മമ്മി നിന്റെ ഒപ്പമാ... എനിക്ക് അവളെ കയ്യൊയിയാൻ പറ്റത്തില്ല മമ്മി. അവൾ എന്റെ എല്ലാമാ... അവള് വരാതിരിക്കില്ലന്നെ.. എനിക്കറിയാം എന്നെ വിട്ട് അവൾക്ക് എങ്ങും പോവാൻ പറ്റത്തില്ല.. അത്രക്ക് ജീവന അവൾക്ക് ഞാൻ........

"നിനക്ക് അത്രക്ക് ഇഷ്ടാവാണോ ആ കൊച്ചിനെ...... മ്മ്ഹ് അന്ന് നിന്റെ ഒപ്പം ഹോസ്പിറ്റലിൽ വന്നപ്പോ ഞാൻ കണ്ടായിരുന്നു നിന്റെ ഐഷയെ.... പണ്ട് മുതൽക്കേ നിന്റെ എല്ലാ തല്ലുകൊള്ളിത്തരത്തിനും മമ്മി നിന്നെ ന്യായികരിച്ചിട്ടേ ഉള്ളൂ..... ഈ നിമിഷം എനിക്ക് നിന്നെ ഓർത്ത് ഒരുപാട് പ്രൌട് ഫീൽ ചെയ്യാണ്... ഞാൻ.. വിചാരിച്ചത് ഒരുപക്ഷെ ഞാൻ നേരത്തെ പറഞ്ഞ കാര്യങ്ങൾ ഒക്കെ കേക്കുമ്പോ നീ അവളെ ഉപേക്ഷിക്കാൻ തയ്യാറാവും എന്നാ... പക്ഷെ നീ അതിന് മുതിർന്നില്ല. അതിന്ന് എനിക്കറിയാം നീ അവളെ എത്രത്തോളം സ്നേഹിക്കുന്നുണ്ടെന്ന്... ഈ കാലത്ത് നിന്നെ പോലെ ഒരാളെ കാണാൻ പണിയാ.... എന്നാന്ന് വെച്ചാലും ആര് എതിർത്താലും മമ്മി നിന്റെ ഒപ്പം ഇണ്ടാവും.... ഞാൻ ആ കുട്ടിയെ മരുമകൾ ആയി സ്വീകരിക്കും... പിന്നെ നേരത്തെ പറഞ്ഞ കാര്യങ്ങൾ അത് അവര് നിർബന്ധിച്ച്.. നിന്നോട് ചോദിക്കാൻ പറഞ്ഞു വിട്ടതായിരുന്നു എന്നെ..... നിനക്ക് മമ്മിയോട്‌ ദേഷ്യം ഒന്നും തോന്നല്ലാട്ടോ... എന്ന് പറഞ് മമ്മി റൂമിന് വെളിയിലോട്ടിറങ്ങി. ഇപ്പോളും എന്റെ ഫോൺ തറയിൽ തന്നെ കിടക്കയാണ്.... ഞാൻ പതിയെ അതെടുത്തു..

ഓൺ ചെയ്തു..അപ്പോഴാ വാൽപേപ്പറിൽ അവളുടെ ചിരിച്ചു കൊണ്ട് നിക്കണ ഫോട്ടോ കണ്ടതും ഞാൻ അവിടെ മുട്ടുകുത്തി ഇരുന്ന് പൊട്ടികരഞ്ഞു. പണ്ട് ഞങ്ങള് കോളജിൽ പഠിക്കുമ്പോ അവളറിയാതെ ഞാൻ ക്യാമറയിൽ പകർത്തിയാ ഒരു പിക്ചർ ആയിരുന്നു അത്. അതും അവള് കോളേജിൽ വന്ന് മൂന്നുദിവസം കയിഞ്ഞ്.... ഈ ഫോൺ എനിക്ക് ഇപ്പൊ അടുത്ത് എങ്ങാനാ എന്റെ ഷെൽഫിൽ നിന്നും കണ്ട്കിട്ടിയത്... അന്ന് ഓർമ്മ നഷ്ടപ്പെട്ടതിൽ പിന്നെ ഈ ഫോണിന്റെ കാര്യം ഒക്കെ എന്നോട് മറന്നു പോയായിരുന്നു. പിന്നെ പുതിയ ഒരു ഫോൺ മേടിച്ചതാണ് ലണ്ടനിൽ പോണത്തിന് തൊട്ട് മുന്നേ.. ഇപ്പൊ ഓർമ്മകൾ തിരിച്ചു കിട്ടിയേ പിന്നെയാ ഈ ഫോണിന്റെ കാര്യവും അതിൽ ഞാൻ പകർത്തിയാ ഞങ്ങടെ പണ്ടത്തെ കോളേജിലെ ഫോട്ടോസും ഒക്കെ ഓർമ്മവന്നത്.. അങ്ങനത്തെ ഒരുപാട് ഫോട്ടോസ് ഉണ്ട് ഐഷയുടെയും മുന്നി കിച്ചു പിന്നെ ആഷി ആൽബി പിന്നെ ഐഷാടെ ഫ്രണ്ട്സിന്റെ എല്ലാരുടെയും.

.പക്ഷെ ഇതൊക്കെ അവരൊന്നും കാണാതെ പകർത്തണ ഫോട്ടോസ് ആണ്‌ട്ടോ എന്താപ്പോ പറയാ അൺഎക്സ്പെക്ടഡ് എന്നൊക്കെ പറയൂലെ അത് പോലെ....ചിലതൊക്കെ കണ്ട് ഞങ്ങളെല്ലാരും ഒരുപാട് കളിയാക്കി ചിരിക്കാറോക്കെ ഇണ്ടായിരുന്നു.. ഹാ.. അതൊക്കെ ഒരുകാലം😔..... പെട്ടന്ന എന്റെ ചിന്തയിലേക്ക് ഒരു കാര്യം ഉദിച്ചത്.. ഞാൻ വേഗം ഡ്രസ്സ്‌ ചേഞ്ച്‌ ചെയ്ത് ഞാൻ വർക്ക്‌ ചെയ്യണ ഹോസ്പിറ്റലിലേക്ക് തിരിച്ചു. സത്യത്തിൽ അവളെ കാണാൻ വേണ്ടിയാ ഞാൻ അങ്ങിട് ചെന്നത്. കാറും പാർക്ക് ചെയ്ത് ഹോസ്പിറ്റലിൽ കേറണ ടൈംമിലാ അവിടെ വർക്ക്‌ ചെയ്യണ മറ്റൊരു ഡോക്ടറെ കണ്ടത്. എന്നെ കണ്ടപാടേ നമ്മടെ അടുത്ത് വന്ന് ഇന്ന് അനിൽ ലീവായത് കൊണ്ട് അവനു പകരം എന്നോട് കൺസള്റ്റിംഗ് റൂമിൽ ഇരിക്കാൻ പറഞ്ഞപ്പോ ആദ്യം ഞാൻ നിരസിച്ചെങ്കിലും പിന്നെ പുള്ളിക്കാരൻ എന്റെ സീനിയർ ഡോക്ടർ ആയോണ്ട് പറ്റില്ലാന്ന് തീർത്തുപറയാൻ എനിക്ക് കഴിയില്ലായിരുന്നു.വേറെ നിവൃത്തി ഇല്ലാത്തതോണ്ട് ഞാൻ അവിടം ലക്ഷ്യമാക്കി നടന്നു. ഒരു കൊറേ ആൾകാരുണ്ട് അവിടെയും ഇവിടെയും ഒക്കെയായി നിക്കുന്നു..

"അഹ്.. ഇത് ഡോക്ടർ സെബാസ്റ്റ്യൻ സാറിന്റെ മോനല്ലേ.. ജോൺ.. സെബാസ്റ്റ്യൻ... ഞങ്ങള് കൊറേ ദിവസമായി സാർ ഉണ്ടോ എന്നറിയാൻ ഇവിടെ വിളിച്ചു നോക്കണ്. ബട്ട്‌ അപ്പോളാ മനസിലായെ സാർ കൊറേ ദിവസത്തേക്ക് ലീവ് ആണെന്ന്.. അതോണ്ടാ പിന്നെ വേറെ വഴി ഇല്ലാത്തതോണ്ട് ഈ ഡോക്ടറെ കാണാൻ വന്നത്. എന്തായാലും സാർ വന്നല്ലോ...എന്റെ മകളുടെ മകൾ അവൾക്ക് പനി വന്നിട്ട് എവിടെ കാണിച്ചിട്ടും കുറയണില്ലായിരുന്നു. അവസാനം നിങ്ങള് എഴുതിയാ മരുന്ന് വാങ്ങി കഴിച്ചപ്പോഴാ രോഗം ബേധം ആയത്. എന്ന് അതിന്ന് ഒരാള് എന്നോട് പറഞ്ഞതും ഞാൻ ആകെ സർപ്രൈസ് ആയ മാതിരി ആയിരുന്നു.നമ്മക്ക് ഒക്കെ വെളിയിൽ ഇത്രേം റേഞ്ച് ഉണ്ടായിരുന്നോ 😂..... എന്നെ കണ്ടതും എല്ലാരും ചെറുപുഞ്ചിരിയോടെ എന്നെ തന്നെ നോക്കി നിക്കണ്. അങ്ങനെ എല്ലാരേയും പരിശോദിച്ച് ടാബ്ലറ്റ്സ് ഒക്കെ കുറിച്ച് കഴിഞ്ഞപ്പോയെക്കും ഒരുപാട് സമയം കഴിഞ്ഞിരുന്നു. എന്നാ പറയാനാ ഉച്ചക്കെത്തെ ലഞ്ച് പോലും കഴിക്കാൻ സമയം കിട്ടില്ലായിരുന്നു എന്ന് തന്നെ പറയാലോ... അങ്ങനെ ഒരു വിധം എല്ലാരേം പരിശോദിച്ച ശേഷം ഞാൻ അവിടെ നിന്നും ഇറങ്ങി ഐഷാടെ റൂം ലക്ഷ്യമാക്കി നടന്നു. ഓരോ കാലടി മുൻപോട്ട് വെക്കുമ്പോഴും ശരീരം ആകെ തളർന്നു പോവണത് പോലെ.. എന്തെന്നറിയില്ല ആൽബി പറഞ്ഞ കാര്യങ്ങൾ ഓർത്ത് കൊണ്ടിട്ട് ആയിരിക്കണം.

അവളാണെൽ മേൽപോട്ട് നോക്കി അതെ കിടപ്പ് കിടക്കാണ് ഒരനക്കവും ഇല്ലാതെ . ഞാൻ അവളുടെ അരികിൽ ചെന്ന് അവളുടെ നെറ്റിയിൽ പതിയെ ചുംബിച്ചു... ശേഷം നിശ്ചലമായ ആ കൈകൾ എന്റെ കയ്യോട് മുറുകെ പിടിച്ചു..... ഐഷാ....... എന്ന് തൊണ്ടയിൽ നിന്നും വാക്കുകൾ ഉച്ഛരിക്കാൻ പറ്റാത്ത അവസ്ഥയിൽ ആയിട്ടും.. പതിഞ്ഞ സ്വരത്തിൽ ഞാൻ അവളുടെ പേര് ഉച്ഛരിച്ചിരുന്നു. അപ്പോയെക്കും നിയന്ത്രണം ഇല്ലാതെ എന്റെ കണ്ണുനീർ ഉതിർന്നു വീണ്‌കൊണ്ടിരിക്കുന്നുണ്ടായിരുന്നു. ഡീ... നീ.. എന്നെ വിട്ട് പോവുകയാന്നോഹ്.. അപ്പൊ ഞാൻ.. ഞാൻ തനിച്ചാവില്ലേ... ഒരുമിച്ചുള്ള ജീവിതം നമ്മള് ഒരുപാട് സ്വപ്നം കണ്ടതല്ലേ..... എന്നിട്ടിപ്പോ പോവാണ് പോലും അപ്പൊ ആ സ്വപ്നത്തിൽ ഞാൻ തനിച്ചല്ലേഡി....... നിനക്ക് കഴിയുമോ.. എന്നെ തനിച്ചാക്കിട്ട് അങ്ങ് പോക്കളയാൻ... ഐഷാ നീ എന്നതെലും ഒന്ന് പറയ്യ്.... ജോണേ എന്നേലും ഒന്ന് വിളിക്കടി... പ്ലീസ് ഞാ.. ഞാൻ നിന്റെ കാല് പിടിക്കാം....... ഒരുപക്ഷെ നാളെ.. നീ.. എന്നെ തനിച്ചാക്കി പോവായിരിക്കും അല്ലെ.... അവസാനമായിട്ട് പറയുവാ... നീ എന്നെ ആത്മാർത്ഥമായാണ് സ്നേഹിച്ചത് എങ്കിൽ എനിക്ക് വേണ്ടി തിരിച്ചുവാ ജീവിതത്തിലേക്ക്....

അതല്ലേൽ നീ ഇത്രയും നാള് സ്നേഹം അഭിനയിക്കയാണ് എന്ന് ഞാൻ കരുതും..., അപ്പൊ നീ വരണില്ലല്ലേ.. ശെരി ഞാനും പോവാ.. നിനക്ക് എന്നെ വേണ്ടെങ്കിൽ പിന്നെ എനിക്ക് എന്നാത്തിനാ.. നീ.. പോയിക്കോ.. നീ എങ്ങോട്ടാ എന്ന് വെച്ചാൽ പോയിക്കോ... ഇനി എനിക്ക് നിന്നെ കാണണ്ട ഒരിക്കലും.. നീ പോയി എന്ന് കരുതി ഞാൻ നീ പറഞ്ഞപോലെ വേറെ ഒരാളെ കെട്ടി സുഖമായിട്ട് ജീവിക്കും എന്ന് വിചാരിക്കണ്ട. അങ്ങനെ വല്ലോം ജീവിച്ചാൽ നീ കരുതും എനിക്ക് അപ്പോഴും നിന്നോട് സ്നേഹം ഒക്കെ ഇണ്ട് അതോണ്ടാ.. നീ പറഞ്ഞത് പോലെ മറ്റൊരാളെ നിനക്ക് പകരക്കാരി ആക്കിയത് എന്ന്... നീ പോയാലും ഈ ജോൺ തനിച്ചു ജീവിക്കും നോക്കിക്കോ.... എവിടെ നിന്നാണേലും നീ അത് കാണുന്നുണ്ടേൽ എനിക്കറിയാം നീ ആ സമയം ഒരുപാട് വേദനിക്കും എന്ന്.. അതാ.. ഞാൻ നിനക്ക് തരുന്ന ശിക്ഷ.. എന്നാത്തിനാണെന്ന് കരുതുന്നുണ്ടാവും അല്ലെ.. എന്നെ.. എന്നെ തനിച്ചാക്കി പോവണോണ്ട്....

ഞാൻ എത്ര കെഞ്ചിയിട്ടും അവള് അതെ കിടപ്പ് കിടക്കയാണ്.പെട്ടന്ന ആരോ എന്റെ ഷോൾഡറിൽ കൈ വെച്ചത്.ഞാൻ തിരിഞ്ഞു നോക്കുമ്പോ ഐഷാടെ ഉമ്മയും ബാപ്പയും ഇണ്ട് എന്റെ മുൻപിൽ നിക്കുന്നു. "നിങ്ങളാരാ..... ഇത്രയും നേരം താൻ അവളോട് സംസാരിച്ചതൊക്കെ ഞങ്ങള് കേട്ടിരുന്നു. പറ.. എന്റെ ആയിശുനെ ചികിൽസിക്കാൻ വന്ന ഡോക്ടർ മാത്രമല്ല താൻ .... എനിക്കറിയാം നിങ്ങളല്ലേ ഡോക്ടർ ജോൺ... കേട്ടിട്ടുണ്ട് പേര് കേട്ട ഡോക്ടർ.. പല ഡോക്ടർ മാർക്കും തിരിച്ചറിയാൻ പറ്റാത്ത വലിയ രോഗങ്ങൾ ഒക്കെ ഉണ്ടെന്ന് കണ്ട് പിടിച്ചതും, മാറാ രോഗങ്ങൾ ഒക്കെ മാറ്റിയതും ഒക്കെ ഞാൻ കേട്ടിട്ടുണ്ട്. പക്ഷെ എനിക്കറിയേണ്ടത് അതൊന്നുവല്ല.. എന്റെ മകളുമായിട്ട് നിങ്ങൾക്ക് എന്ത്‌ ബന്ധമാ ഉള്ളത്.. പറയാൻ..... അവൾക്ക് വേണ്ടി ഈ കണ്ണുകൾ നിറഞ്ഞൊയുക്കുന്നുണ്ടേൽ എനിക്കറിയാം എന്റെ മോള് നിങ്ങൾക്ക് അത്രക്ക് വേണ്ടപെട്ട ഒരാളാണെന്ന്.. പറ ആരാ.. താൻ.. താനും അവളും തമ്മിൽ എന്ത്‌ ബന്ധവാ ഉള്ളത്. എന്ന് അവളുടെ ബാപ്പ പറഞ്ഞവസാനിപ്പിക്കലും അദ്ദേഹം എന്റെ ഷർട്ടിന്റെ കോളറയിൽ പിടി മുറുക്കിയിരുന്നു.

ഞാൻ പതിയെ അദ്ദേഹത്തെ കൊണ്ട് കോളറയിൽ നിന്നും പിടി വിടുപ്പിച്ചു.ആ സമയത്ത് തന്റെ മകളെ അത്രത്തോളം സ്നേഹിക്കുന്ന ഒരു പിതാവിന്റെ വേദനയും അവള് നഷ്ടപ്പെടുമോ എന്നുള്ള ഭയവും ദുഃഖവും ഒക്കെ ആ കണ്ണുകളിൽ എനിക്ക് കണമായിരുന്നു. നിങ്ങൾക്ക് അറിയണോ... അവള് എനിക്കാരായിരുന്നുന്ന് . സാർ ഇപ്പൊ പറഞ്ഞില്ലേ എനിക്ക് അത്രക്ക് വേണ്ടപ്പെട്ട ഒരാളാണ് നിങ്ങടെ മകൾ എന്ന്.. അതെ സത്യവാ അത്രക്ക് ഇഷ്ടാവായിരുന്നു എനിക്കവളെ.... ആ കിടക്കണത് ഞാൻ താലി കെട്ടിയ എന്റെ ഭാര്യയാ... ഇതിൽ കൂടുതൽ എന്ത്‌ എക്സ്പ്ലനേഷൻ നിങ്ങൾക്ക് ഞാൻ തരും എന്ന് എനിക്കറിയില്ല...എന്റെ ജീവൻ രക്ഷിക്കാൻ വേണ്ടിയാ അവള് സ്വന്തം ജീവൻ കളയാൻ തയ്യാറായത്. ഇപ്പൊ തന്നെ നിങ്ങൾക്ക് മനസ്സിലായി കാണുവല്ലോ അവളുടെ ജീവൻ പോലും നോക്കാതെ എന്നെ രക്ഷിക്കാൻ മുതിർന്നെങ്കിൽ നിങ്ങടെ മകൾക്ക് ഞാൻ എത്രത്തോളം വേണ്ടപ്പെട്ടയാളാണ് എന്ന്..

നിങ്ങളൊക്കെ കൂടിയാ പാവം അവളെ ഈ അവസ്ഥയിൽ ആക്കിയത് അറിയോ.. "എന്താ... ഞങ്ങളോ... എന്ന് ഇതൊക്കെ കേട്ട് വിശ്വസിക്കാൻ പറ്റാതെ അവര് തിരക്കിയതും ഞാൻ വീണ്ടും തുടർന്നു. അതെ നിങ്ങള് തന്നെ... എത്ര പ്രാവശ്യം നിങ്ങളോട് അവള് പറഞ്ഞത ഈ കല്യാണം വേണ്ട വേണ്ടാന്ന്.... നിങ്ങളോട് രണ്ട് പേരോടും പറഞ്ഞായിരുന്നില്ലേ..... എന്നിട്ട് ഒന്ന് ചെവികൊണ്ടോ നിങ്ങള്.. ശെരിയാ ഒരു പാണക്കാരനെ കൊണ്ട് മകളെ കെട്ടിച്ചാൽ അവള് സന്തോഷം ആയി ജീവിക്കും എന്നാ... പാവം നിങ്ങളെ വേദനിപ്പിക്കാൻ അവൾക്ക് ഒരിക്കലും പറ്റുമായിരുന്നില്ല.. വേറെ വഴി ഇല്ലാത്തോണ്ട ഞങ്ങള് രജിസ്റ്റർ മാര്യേജ് പോലും കഴിച്ചത്. നിങ്ങളൊക്കെ കൂടി പാവം അവളെ ആ.. റസ്ക്കലിന്റെ കൂടെ പറഞ്ഞയക്കുവാൻ നോക്കുവായിരുന്നില്ലേ....അന്ന് നിങ്ങള് ആ കല്യാണത്തിന് സമ്മതിച്ചില്ലേൽ ഇന്നെന്റെ ഐഷയെ എനിക്ക് ഈ അവസ്ഥയിൽ കാണേണ്ടി വരില്ലായിരുന്നു ,അവളോട്‌ സംസാരിക്കമായിരുന്നു, ജോണേ..

എന്നുള്ള വിളി എങ്കിലും കേക്കമായിരുന്നു....... "എന്താ.. ഞങ്ങള് ഞങ്ങടെ മകൾക്ക് നല്ലൊരാളെ തന്നെയാ വിവാഹം ആലോചിച്ചത് അവൾക്ക് അത്രക്ക് ചേർച്ചയുള്ള ആളെ തന്നെ.. ഏതൊരു പിതാവും അത് തന്നെയല്ലേ നോക്കാ.. സ്വന്തം മകള് കഷ്ടപ്പെടാതിരിക്കാൻ... അതെ.. സാർ നിങ്ങള് നല്ലൊരാളെ തന്നെയാ അവൾക്ക് വേണ്ടി ആലോചിച്ചത്. നിങ്ങടെ മൂത്തമകളെ കൊന്ന് കളഞ്ഞ ഒരുത്തന്റെ കൂടെ തന്നെ രണ്ടാമത്തെ മകളെയും പറഞ്ഞയക്കുന്നു... നന്നായിട്ടുണ്ട്.. എന്നതായാലും... "എന്താ... ജോൺ താൻ എന്താ ഇപ്പൊ പറഞ്ഞെ... ഞനത് പറഞ്ഞതും ആകെ ഷോക്ക് ആയ അവസ്ഥയിലായിരുന്നു അവര് രണ്ട് പേരും എന്നെ നോക്കിയത്. അതെ... ഇക്കാ.... നിങ്ങടെ മകളെ കൊന്ന് കളഞ്ഞതാ... ഓർമ്മയുണ്ടോ.. പണ്ട് കാണാതപോയ ആ മകളെ കുറിച്ച്.... ഫാത്തിമ..അതായിരുന്നു അന്ന് നിങ്ങൾ അവൾക്കിട്ട പേര് ഐഷാടെ ഇരട്ട സഹോദരി.. ഞാനത് പറഞ്ഞതും അവളുടെ ഉമ്മാ എന്റെ അരികിൽ വന്നിരുന്നു.

ശേഷം എന്നെ പിടിച്ചു കുലുക്കി കൊണ്ട് അവരുടെ മകൾക്ക് എന്താ പറ്റിയത് എന്ന് തിരക്കയാണ്. പാവം അവര് എന്റെ കോളറയിൽ പിടിച്ചു വലിക്കയാണ്. ശേഷം കരഞ്ഞു കരഞ് എന്റെ നെഞ്ചിലേക്ക് വീണിരുന്നു. ഉമ്മാ... എന്നോട് ക്ഷമിക്ക്.. ഞാൻ കാരണ നിങ്ങടെ മകള്...... എനിക്ക് അവള് വേദനിക്കണത് കാണാൻ വയ്യാ.. അവന്റെ കൂടെ പറഞ്ഞയച്ച.. അവള് നരകിച്ചു ജീവിക്കും അത് കാണാൻ എന്നെ കൊണ്ട് ആവില്ല. ഇപ്പൊ നിങ്ങളെ എന്റെ മമ്മിടെ സ്ഥാനത്ത ഞാൻ കാണണത്... അതോണ്ടാ.. അന്ന് ഞങ്ങള് ആ കല്യാണത്തിന്റെ തലേന്ന് തന്നെ അവളെ വിളിച്ചോണ്ട് വന്നത് പക്ഷെ അന്ന് അവൻ അവളെ കാർ ഇടിച്ചു തെറുപ്പിച്ചു.ഇത്രയേലും ഞാൻ തുറന്നു പറഞ്ഞത് നിങ്ങളെ ഒന്നും വെറുപ്പ് ഏറ്റുവാങ്ങാൻ പറ്റാഞ്ഞിട്ട ... ഇനി ഒരിക്കലും നിങ്ങടെ മകളുടെ ജീവിതത്തിലേക്ക് ഞാൻ ഒരു ശല്യമാവാൻ വരത്തില്ല... ഒരുപക്ഷെ നാളെ അവള്.. ഇനി ജീവനോടെ കാണുവോ എന്ന് പോലും എനിക്കറിയില്ല..

അവള് മരിച്ചു എന്നുള്ള വാർത്ത കേക്കാൻ എനിക്ക് ആവില്ല. അതോണ്ട് ഞാൻ തിരിച്ചു പോവാ അവള് ജീവനോടെ എപ്പോഴും എന്റെ കൂടെ കാണും എന്ന വിശ്വാസത്തിൽ... പിന്നെ ഐഷാടെ വാപ്പ... ഞാൻ നിങ്ങടെ കൂട്ടര് അല്ലാത്തത് ആണ്‌.. നിങ്ങൾക്ക് നിങ്ങടെ മകളെ എന്റെ കൂടെ ജീവിക്കാൻ വിടണതിൽ പ്രശ്നം എങ്കിൽ ഞാൻ ഒരു കാര്യം പറയട്ടെ.. നിങ്ങടെ കാണാതെ പോയ മകള് ഇത്രയും കാലം ജീവിച്ചത് ഒരു ക്രിസ്ത്യൻ ആയിട്ടാ എന്ന് കരുതി അവളെ നിങ്ങള് നിങ്ങടെ മകൾ ആയിട്ട് അംഗീകരിക്കില്ലേ......പിന്നെ ഒരു കാര്യം കൂടി നിങ്ങടെ മകനും ഇതൊക്കെ അറിയാം സഹൽ..... അവനറിയായിരുന്നു അവന്റെ ഇത്തയെ അവൻ അവള് സന്തോഷം ആയിരിക്കണം എന്ന് ആഗ്രഹിച്ചു. അതോണ്ടാ എല്ലാത്തിനും അവൻ ഞങ്ങളോടൊപ്പം കൂട്ട് നിന്നത്. അപ്പൊ ശെരി.. പോട്ടെ.... എന്റെ ഐഷയെ ശ്രദ്ധിച്ചോളണെ... എന്ന് പറഞ് ഞാൻ അവിടന്ന് നടന്നകന്നു. അവരാണേൽ ഇതൊക്കെ കേട്ട് ആകെ വല്ലാത്ത അവസ്ഥയിൽ നിക്കയാണ്..

ശേഷം പള്ളിയിൽ ചെന്ന് മെഴുകുതിരി കത്തിച്ചു പ്രാർത്ഥിച്ചു.. അവിടന്ന് ഇറങ്ങി നേരെ തിരിച്ചത് വീട്ടിലേക്ക് ആയിരുന്നു. സത്യത്തിൽ എന്തോ എനിക്ക് എന്നെ തന്നെ കണ്ട്രോൾ ചെയ്യാൻ പറ്റാത്ത അവസ്തായിരുന്നു ആ സമയത്ത് . റൂമിൽ എത്തിയതും എന്റെ കയ്യിൽ കിട്ടിയതെന്തൊക്കെയോ എറിഞ്ഞു പൊട്ടിച്ചു. ശേഷം വാഷ്റൂമിൽ ചെന്ന് ശവരും തുറന്നിട്ട്‌ അതിന്റെ മുൻപിൽ നിന്നു ഒരുപാട് കരഞ്ഞു.... അന്ന് രാത്രി തന്നെ ലണ്ടനിലേക്ക് തിരിച്ചു പോവാൻ തീരുമാനിച്ച് ബാഗ് ഒക്കെ പാക്ക് ചെയ്ത് സെറ്റ് ആക്കി വച്ചിരുന്നു.. പിറ്റേന്ന് മോർണിംഗ് ഇന്നുള്ള ഫ്ലൈറ്റിന് പോവാൻ വേണ്ടി. എനിക്കാണേൽ സങ്കടമോ അതോ അവളെ നഷ്ടപ്പെടുമോ എന്നുള്ള പേടിയോ എന്താണ് എന്നറിയില്ല അന്ന് രാത്രി ഒരുപോള കണ്ണടക്കാൻ പറ്റിയില്ല.

രാത്രി മുഴുവൻ ഞാൻ വരച്ച ആ പെയിന്റിംങ്ങിലേക്ക് തന്നെ ഉറ്റുനോക്കി നിന്നു. അവളോടൊപ്പമുള്ള ഒരുപാട് നല്ല നിമിഷങ്ങൾ ഓർത്ത് എങ്ങനെ ഒക്കെയോ നേരം വെളുപ്പിച്ചു..അതിനിടക്ക് ചെറുതായി ഒന്ന് മയങ്ങി പോയായിരുന്നു കാലത്ത് തന്നെ ഫോൺ റിംഗ് ചെയ്യണത് കേട്ട് ഞെട്ടിയാ ഞാൻ എണീറ്റത്. അഹ്.. ആൽബി..ഡാ പറയ്യ്.. എന്നതാ കാലത്ത് തന്നെ... "ജോണേ.. ഡാ.. നമ്മടെ... ആ..ആയിശു.. അവള്.. അവൻ മുഴുവൻ പറഞ്ഞു തീർക്കണേൽ മുന്നേ ഞാൻ ഫോൺ കാൾ കട്ട് ചെയ്തിരുന്നു. അവൻ ബാക്കി എന്നതാ പറയാൻ വരണത് എന്ന് ഞാൻ ഊഹിച്ചിരുന്നു. ആ നിമിഷവും എന്റെ ശരീരമാകെ തളർന്ന് പൊട്ടി കരയണം എന്നുണ്ടേലും അതിനും പറ്റാതെ.. ഞാനവിടെ കുറേ സമയത്തേക്ക് നിശ്ചലമായി നിന്നിരുന്നു........ 【തുടരും】

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...