🔥 ചെകുത്താൻ 🔥 : ഭാഗം 13

രചന: ആമി

“ അതായത് ഉത്തമാ .... അവളൊരു പെൺപുലിയാണ് ” “ അതിന് ?? ” “ അവൾക്ക് നീ ഈ കൊടുക്കുന്ന പണിയൊക്കെ എന്തോ ഇരയെ കിട്ടിയ സന്തോഷത്തോടെയാ അവളേറ്റെടുക്കുന്നത് ” “ നീയെന്താ പറഞ്ഞു വരുന്നെ ” ഞാൻ നെറ്റി ചുളിച്ചു കൊണ്ട് ചോദിച്ചു “ നീ വെറുതെ ഇങ്ങനെ സ്വയം നാണം കെടാതെ ഉള്ള നേരം കൊണ്ട് അവളെ ഇഷ്ടമാണെങ്കി സെറ്റാക്കാൻ നോക്ക് ” ചിരിച്ചു കൊണ്ട് അവനത് പറഞ്ഞതും എനിക്ക് പെരുവിരല് മുതൽ അരിച്ച് കയറാൻ തുടങ്ങി . ഞാൻ കയ്യിലിരുന്ന ടവ്വലിലുള്ള പിടുത്തം ഒന്നുകൂടി മുറുക്കിയിട്ട് അവനെ ആഞ്ഞുവീശി ,, കൃത്യം അവന്റെ പെടലിക്ക് തന്നെ കൊണ്ടു “ ടാ ...... ഇങ്ങനെ പോയാ നിനക്ക് അകാലത്തിൽ തന്റേതല്ലാത്ത കാരണം കൊണ്ട് മരിച്ചു പോയ ഒരു അളിയനായി ഞാൻ മാറുവല്ലോടാ ” പെടലി തിരുമിക്കൊണ്ട് ചെക്കൻ ചോദിക്കുന്നത് കേട്ടപ്പോ സത്യം പറഞ്ഞാ ഞാൻ ചിരിച്ചു പോയി 😂 ചിരിച്ച് ചിരിച്ച് നോക്കിയപ്പോൾ ഞങ്ങളുടെ ബാക്കിലുണ്ട് അഹാന നിക്കുന്നു . “ എന്താടീ ” ഞാൻ അവളോട് ചോദിച്ചു “ എടിയോ ,,, നിനക്കെന്താ അവൾടെ ബാധ കൂടിയോ ,,, ഞാൻ എടനാടാ ” കുട്ടൻ പറയുന്ന കേട്ടപ്പോ ഒന്നങ്ങ് കൊടുക്കാൻ തോന്നി . പിന്നെ എന്റെ ചെക്കനല്ലേ എന്ന് കരുതി അങ്ങ് ക്ഷമിച്ചു “ ബാക്കിലേക്ക് നോക്ക്ടാ ” ഞാൻ പല്ലിറുമിക്കൊണ്ട് അവനോട് പറഞ്ഞതും അവൻ തിരിഞ്ഞു നോക്കി “ ആഹ് എന്താടീ ” അവൻ അഹാനയോട് ചോദിച്ചു അവള് നിന്ന് പരുങ്ങാണ് . അവനെ വിളിക്കാൻ വന്നതാകുവോളൂ 😇 “

നീ അവൾടെ കൂടെ ചെല്ല് ” ഞാൻ കുട്ടനോട് പറഞ്ഞതും രണ്ട് പേരുടെയും മുഖം ചന്ദ്രനുദിച്ച പോലെ ആയിട്ടുണ്ട് . അപ്പോത്തന്നെ അവള് ഇറങ്ങിപ്പോയി . കുട്ടൻ പോകാൻ വേണ്ടി തിരിഞ്ഞപ്പോൾ ഞാനവന്റെ ടീഷർട്ടിൽ പിടിച്ച് വലിച്ച് അവന്റെ മുഖം എന്റെ മുഖത്തോടടുപ്പിച്ചു . അവൻ നെറ്റി ചുളിച്ച് എന്നെ നോക്കി “ പോകുന്നതൊക്കെ കൊള്ളാം . പക്ഷേ അവളേ ,, എന്റെ പെങ്ങളാണ് ,, വല്ല വേണ്ടാതീനവും കാണിച്ചാ ,,,,, അറിയാലോ നിനക്കെന്നെ 😠 ” “ ഓഹ് ,,, അറിയാവേ ,,, ഒന്ന് തൊടുക പോലും ഇല്ല ,, പോരേ 🙏 ” അവൻ കെെ കൂപ്പിക്കൊണ്ട് പറയുന്നത് കേട്ടപ്പോ ചിരി വന്നു ,, പക്ഷേ ചിരിച്ചില്ല . ചിരിച്ചാൽ ഈ ബിൽഡ് അപ്പ് ഒക്കെ പോകൂലേ 😉 “ ആഹ് ശരി ,,, ചെല്ല് ” ഞാനവന്റെ ടീഷർട്ട് നേരെയാക്കിക്കൊണ്ട് പറഞ്ഞു ഞാൻ വിടാൻ കാത്തിരുന്ന പോലെ ചെക്കൻ ഓടിക്കളഞ്ഞു 😂 ഞാൻ അവനോടത് വെറുതെ പറഞ്ഞതാണ് അവളെ ഒന്നും ചെയ്യരുതെന്ന് . കാരണം അവനൊന്നും ചെയ്യില്ല എന്നെനിക്ക് ഉറപ്പാണ് .. ഇനി എന്റെ പെങ്ങളായിട്ട് അവനെ ഒന്നും ചെയ്യാതിരുന്നാ മതി 😂😉 അവൻ പോയ പുറകെ ഞാൻ ബെഡിലേക്ക് മറിഞ്ഞു .. ✨✨✨✨✨✨✨✨✨✨✨✨✨✨✨✨ [ ശ്രീ ]

ആദി ടീഷർട്ടിൽ നിന്ന് കെെ എടുത്ത വഴി ഞാൻ ഇറങ്ങി ഓടി . പിന്നെ നിന്നത് അഹാനയുടെ റൂമിന് പുറത്താണ് . ടീഷർട്ട് ഒന്ന് നേരെയാക്കി മുടിയൊക്കെ സെറ്റാക്കി അവളുടെ റൂമിലേക്ക് കയറി അവള് എന്തോ എഴുതിക്കൊണ്ടിരിക്കാണ് . ഞാൻ ചെന്ന് അവളുടെ ബാക്കിലായി നിന്ന് അവളെന്താ എഴുതുന്നതെന്ന് നോക്കി ,,,, ഫോണിൽ എന്റെ ഒരു ഫോട്ടോ എടുത്ത് വച്ച് അത് നോക്കി ഒരു പേപ്പറിൽ വരക്കാണ് 😍 ഞാനവളുടെ ഷോൾഡറിൽ കെെ വച്ചു . അവള് തിരിഞ്ഞു നോക്കി ഒന്ന് ചിരിച്ചു അവസാന മിനുക്കുപണിയെന്നോണം എന്തൊക്കെയോ ചെയ്തിട്ട് അത് എന്റെ നേരെ നീട്ടി . ഞാനത് വാങ്ങി നോക്കി ,,, എന്റെ പെണ്ണ് വരച്ചതായത് കൊണ്ട് പറയുവല്ലാട്ടോ ,, പൊളിയായിട്ട്ണ്ട് 😍😍 “ എങ്ങനിണ്ട് ” അവള് കൊഞ്ചിക്കൊണ്ട് ചോദിച്ചു “ നന്നായിട്ടുണ്ട് ” ഞാൻ ആ പേപ്പർ ടേബിളിൽ വച്ചു കൊണ്ട് പറഞ്ഞു അവള് അവളുടെ മുപ്പത്തിരണ്ട് പല്ലും കാണിച്ച് ചിരിച്ചു . ഓഹ് ,,, ഈ ചിരിയാണ് എന്റെ കണ്ട്രോള് കളയണത് 😬 ഞാൻ അവളിരുന്ന ചെയർ വലിച്ചു മാറ്റി അവളുടെ കെെ പിടിച്ച് വലിച്ച് എന്റെ നെഞ്ചിലേക്ക് ചേർത്ത് നിർത്തി . അവള് കണ്ണ് കൂർപ്പിച്ച് എന്നെ നോക്കുന്നുണ്ട് 😂 പക്ഷേ ഞാനാരാ മോൻ ,, ഞാൻ വിടുവോ 😉 ഞാൻ അവളിലുള്ള പിടുത്തം ഒന്നുകൂടി മുറുക്കി “ ഏട്ടാ ഡോർ ” ഞാൻ വിടാൻ ഭാവമില്ല എന്ന് മനസ്സിലായത് കൊണ്ടാകാം അവളത് പറഞ്ഞത് . ഞാൻ അവളെയും കൊണ്ട് നടന്ന് ഡോർ ക്ലോസ് ചെയ്ത് ലോക്ക് ചെയ്തു “ ഏട്ടാ വിട് ”

ഡോർ ലോക്ക് ചെയ്ത് തിരിഞ്ഞതും അവളെന്റെ കെെ വിടുവിക്കാൻ ശ്രമിച്ചു കൊണ്ട് പറഞ്ഞു “ ഇല്ല ” “ പ്ലീസ് ഏട്ടാ ” “ ഇല്ല മോളേ ” അവള് തല താഴ്ത്തി നിന്നു . “ അഹാന ... ” ഞാൻ പതിയെ അവളെ വിളിച്ചു “ മ്മ് ” അവളൊന്ന് മൂളി “ ഞാനൊരു ഉമ്മ തരട്ടെ ” “ വേണ്ട ” “ അതെന്തേ ” “ ഒരുമ്മയില് നിർത്തൂല ” “ ആര് .. ഞാനോ 😱 ” “ അല്ല ,,, ഞാൻ ” അവളുടെ മറുപടി കേട്ടതും എനിക്ക് ചിരി വന്നു ഞാനൊന്ന് പുഞ്ചിരിച്ചു കൊണ്ട് അവളുടെ മേലെ നിന്ന് കെെ എടുത്ത് നേരെ ബാൽക്കണിയിലേക്ക് പോയി പുറത്തെ ഇരുട്ടിലേക്ക് നോക്കിക്കൊണ്ട് നിൽക്കുമ്പോഴാണ് ബാക്കിൽ നിന്ന് രണ്ട് കെെകൾ എന്നെ വലയം ചെയ്തത് ,,, അവളാണ് ഞാനവളുടെ കയ്യിന്റെ മേലെ എന്റെ കെെ വച്ചു “ നാളെ രാവിലെ അമ്പലത്തിലൊന്ന് കയറണം ” അവള് പറഞ്ഞു “ എന്തേ ,,, വല്ല വിശേഷോം ഉണ്ടോ ” “ ഒരു പുഷ്പാർച്ചന കഴിക്കണം ” “ എന്തിന് ” “ അത് ഞാൻ ദേവിയോട് പറഞ്ഞിട്ടുണ്ട്ട്ടോ ” “ ഓഹ് ,,, അപ്പോ നമ്മളൊക്കെ പുറത്തല്ലേ 😕 ” ഞാൻ കുറച്ച് സെന്റിയടിച്ചു കൊണ്ട് ചോദിച്ചു “ അങ്ങനെയല്ല ശ്രീയേട്ടാ ” ആഹ് ,, വർക്കൗട്ടായി വർക്കൗട്ടായി 😂✌

“ പിന്നെങ്ങനെയാ ” വന്ന ചിരി അടക്കിപ്പിടിച്ചു കൊണ്ട് ഞാൻ കുറച്ച് ഗൗരവത്തിൽ ചോദിച്ചു “ ഏട്ടനെ വേറെ ആർക്കും കൊടുക്കാതെ എനിക്ക് തന്നെ തന്നതിനാ പുഷ്പാർച്ചന ” അവളെന്റെ ടീഷർട്ടിലെ പിടുത്തം മുറുക്കിക്കൊണ്ട് പറഞ്ഞു പൊന്ന് മോളേ ,,,, ഈ പെണ്ണ് .. മിക്കവാറും ഇന്ന് തന്നെ ഫസ്റ്റ് നെെറ്റ് നടത്തേണ്ടി വരും 😉 “ നിനക്ക് എത്ര നാളായി എന്നെ ഇഷ്ടമായിട്ട് ” ഞാൻ ചോദിച്ചു “ അറിയില്ല ,,, കുറെയായി .... ഏട്ടനോ ” “ എനിക്കും കൃത്യമായിട്ടറിയില്ല മോളേ ... കുറെയായി ” “ മ്മ് ” അവളൊന്ന് മൂളി ഞാനവളുടെ കയ്യിൽ പിടിച്ച് മാറ്റി ഞാൻ താഴെ ഇരുന്നു ,,, കൂടെ അവളും ഇരുന്നു എന്റെ കയ്യിൽ മുറുകെ പിടിച്ച് എന്റെ ഷോൾഡറിൽ തല വച്ച് എന്നോട് ചേർന്നാണ് ഇരിക്കണത് പെണ്ണ് ❤ ഞാൻ എന്റെ ഒരു കെെ കൊണ്ട് അവളെ വട്ടം ചേർത്ത് പിടിച്ചു ,, മറ്റേ കെെ അവളുടെ കയ്യിൽ കോർത്ത് പിടിച്ചു അവളൊരു പൂച്ചക്കുട്ടി കിടക്കുന്നത് പോലെ എന്നിലേക്ക് പറ്റിച്ചേർന്ന് കിടന്നു . ഇന്ന് കാലത്ത് അവള് ആദിയുടെ നെഞ്ചിൽ പറ്റിച്ചേർന്ന് കിടക്കുന്നത് കണ്ടപ്പോ ഞാൻ ഓർത്തതേയുള്ളൂ ,, എന്നാ എനിക്കീ ഭാഗ്യം ഉണ്ടാവുക എന്ന് . അത് പക്ഷേ ഇത്ര പെട്ടെന്ന് തന്നെ ദെെവം സാധിച്ചു തരുമെന്ന് അറിഞ്ഞില്ല “ ഏട്ടോയ് ” അവള് പതിയെ വിളിച്ചു “ എന്താ മോളേ ” “ ഒന്നൂല്ല ” അവളെന്റെ ടീഷർട്ടിൽ മുറുകെ പിടിച്ചു കൊണ്ട് പറഞ്ഞു

പിന്നെ കുറെ നേരത്തേക്ക് ഞങ്ങൾ പരസ്പരം സംസാരിച്ചില്ല . മൗനത്തിനും എന്തൊക്കെയോ പറയാനുണ്ടെന്ന് എനിക്കിന്ന് മനസ്സിലായി 😍 കുറെ നേരം അങ്ങനെ ഇരുന്ന് പതിയെ ഞാൻ ഉറക്കത്തിലേക്ക് തെന്നിവീണു ✨✨✨✨✨✨✨✨✨✨✨✨✨✨✨✨ [ അഹാന ] സൂര്യപ്രകാശം കണ്ണിലേക്ക് തുളഞ്ഞു കയറിയപ്പോഴാണ് ഞാൻ കണ്ണ് തുറന്നത് . അപ്പോഴാണ് ഇന്നലെ ബാൽക്കണിയിൽ ഇരുന്നാണ് ഉറങ്ങിയത് എന്ന് ബോധം വന്നത് . തല ചെരിച്ച് ശ്രീയേട്ടനെ നോക്കിയപ്പോൾ ഏട്ടൻ നല്ല ഉറക്കമാണ് . ഞാൻ പതിയെ എന്റെ തലയുയർത്തി ഏട്ടന്റെ നെറ്റിയിൽ ഒരുമ്മ കൊടുത്തു 🙈 “ ഏട്ടാ ” ഞാൻ ഏട്ടനെ തട്ടിവിളിച്ചു ... എവിടുന്ന് ,, ഒന്ന് അനങ്ങുന്ന പോലുമില്ല “ ഏട്ടാ ... ” കുറച്ച് ഉച്ചത്തില് വിളിച്ചു നോക്കി “ കുറച്ചൂടെ കിടക്കട്ടെ പ്രിയാ ” അതും പറഞ്ഞ് ഏട്ടൻ എന്നെ ഒന്നുകൂടെ ചേർത്ത് പിടിച്ചു . പ്രിയ ഏട്ടന്റെ അനിയത്തിയാണ് ,, ശ്രീപ്രിയ “ എഴുന്നേറ്റേ ശ്രീയേട്ടാ ” ഞാൻ ഏട്ടനെ കുലുക്കി വിളിച്ചു “ ഏഹ് ,,, നീയോ ... നീയെന്താ ഇവിടെ ” പെട്ടെന്ന് ഏട്ടൻ കണ്ണ് തുറന്ന് അങ്ങനെ ചോദിക്കുന്നത് കേട്ടപ്പോ എനിക്ക് ദേഷ്യം വന്നു . ഞാൻ ഏട്ടനെ തുറിച്ച് നോക്കി “ നീ ഇങ്ങനെ നോക്കിപ്പേടിപ്പിച്ച് രാവിലെ തന്നെ പണി വാങ്ങി വക്കല്ലേട്ടാ ” ഏട്ടൻ സെെറ്റടിച്ചു കാണിച്ചു കൊണ്ട് എന്റെ താടയിൽ പിടിച്ച് അത് പറഞ്ഞതും ഞാൻ ഇളിച്ച് കാണിച്ചു കൊടുത്തു “ എഴുന്നേക്ക് ,,,, ലേറ്റായാ അമ്പലത്തിൽ കയറാൻ പറ്റൂല ” ഞാൻ ഏട്ടനെ തള്ളി എഴുന്നേൽപ്പിച്ചു കൊണ്ട് പറഞ്ഞു

“ എണീക്കണോ ” ഏട്ടൻ കൊഞ്ചിക്കൊണ്ട് ചോദിച്ചു “ എണിച്ച് പോ മനുഷ്യാ ” തള്ളി എഴുന്നേൽപ്പിച്ച് ഡോർ തുറന്ന് പുറത്തേക്ക് ഇറക്കിവിട്ട് ഞാൻ ഫ്രഷാകാൻ പോയി ✨✨✨✨✨✨✨✨✨✨✨✨✨✨✨✨ [ ഇഷു ] രാവിലെ എഴുന്നേറ്റപ്പോ മുതല് നടു വല്ലാത്ത വേദന . ആ കടുവ തള്ളിയിട്ടത് കൊണ്ടിയിരിക്കും ,,, അലവലാതി 😬😬 നടുവിന് കെെയ്യും കൊടുത്ത് പല്ലുതേപ്പും കുളീം ഒക്കെ കഴിഞ്ഞ് റെഡിയായി താഴെ എത്തിയപ്പോൾ ടേബിളിൽ ഫുഡ് റെഡിയായിരുന്നു . ബാഗ് ടേബിളിൽ വച്ച് കെെ കഴുകി കഴിക്കാൻ ഇരുന്നു ടേബിളിൽ ഇരുന്ന പാത്രത്തിന്റെ അടപ്പ് പൊന്തിച്ചു നോക്കി ,,, ഇഡ്ലി ആൻഡ് സാമ്പാർ 😋 മൂന്ന് ഇഡ്ലി എടുത്ത് പ്ലേറ്റിലേക്കിട്ട് സാമ്പാറും ഒഴിച്ച് കഴിക്കാൻ തുടങ്ങി ഇന്ന് കഴിച്ച് കഴിഞ്ഞ് കെെ കഴുകി പുറത്തെത്തിയപ്പോഴാണ് അമി വന്നത് . ഉമ്മിയോടും അബ്ബിയോടും പോകുവാണെന്ന് പറഞ്ഞ് ഞാനവന്റെ ബാക്കില് കയറി “ ഇന്നലത്തേത് മെയിൽ ചെയ്തോടീ ” വണ്ടി ഓടിക്കുന്നതിനിടയിൽ അവൻ ചോദിച്ചു “ ആം .. 8:50 ആയപ്പോ മെയിൽ ചെയ്തു ✌ ” “ ഞാനൊരു കാര്യം ചോദിക്കട്ടേ ഇഷൂട്ടീ ” “ ആഹ് ,,, ചോദിക്കെടാ ” “ സാധാരണ നിനക്ക് ആരും പണി തരാത്തതാണല്ലോ ,,, നീയാണല്ലോ എല്ലാവർക്കും പണി കൊടുക്കല് . പക്ഷേ ഇവിടെ നേരെ തിരിച്ചാണ് ,,,

കടുവ നിനക്കിട്ട് പതിനാറിന്റെ പണികളാണ് തരണെ . എന്നിട്ടും നീയെന്താ നിന്റെ കടുവയെ ഒന്നും ചെയ്യാത്തെ ” അവന്റെ ആ നീണ്ട പ്രസംഗം കേട്ടതും എനിക്കങ്ങ് ചൊറിഞ്ഞു കയറി വന്നതാണ് . പിന്നെ സംയമനം പാലിച്ച് ഒന്ന് പുഞ്ചിരിച്ചു “ ടാ മോനേ അമീ ,,, നീ പറഞ്ഞ് പറഞ്ഞ് ഇതെങ്ങോട്ടാ പോകുന്നതെന്ന് എനിക്ക് മനസ്സിലായീട്ടാ ” “ ഈ മനസ്സിലായല്ലേ ” അവനൊന്ന് ഇളിച്ചു കാണിച്ചു കൊണ്ട് ചോദിച്ചു “ ആഹ് ,,, ആയി . എന്തായാലും നീ ചോദിച്ച സ്ഥിതിക്ക് ഞാൻ പറയാം ,,, ആ എഗ്രിമെന്റ് ,, അതൊന്ന് കാരണാണ് ഞാനവനെ കാര്യായിട്ട് ഒന്നും ചെയ്യാത്തത് . അതെന്റെ കയ്യിലേക്കൊന്ന് കിട്ടിക്കോട്ടേ ,,, ആ കടുവയെ ഞാൻ ചക്രശ്വാസം വലിപ്പിക്കും നോക്കിക്കോ 😬 ” ഞാൻ പല്ലിറുമിക്കൊണ്ട് പറഞ്ഞു “ ഉവ്വ ,,, അത് കയ്യില് കിട്ടിയാ നീ അവനെ അങ്ങ് മൂക്കീ കേറ്റും ” ഈ തെണ്ടി എന്റെ സെെഡാണോ അതോ ആ കടുവേടെയോ 😬😬 തിരിച്ച് ഞാനെന്തെങ്കിലും പറയുന്നതിന് മുൻപായി ആ തെണ്ടി ബ്രേക്ക് പിടിച്ചു . എന്താ സംഭവമെന്നറിയാൻ വേണ്ടി ഞാൻ മുന്നിലേക്ക് നോക്കി ,,,, ഒരു ബ്ലാക്ക് കളർ താർ അമിയുടെ ബുള്ളറ്റിന് കുറുകെ കൊണ്ടുവന്ന് നിർത്തിയിട്ടിരിക്കാണ് “ ഇതെന്താടാ ” ഞാനവന്റെ ഷോൾഡറിൽ മുറുകെ പിടിച്ചു കൊണ്ട് ചോദിച്ചു “ അറിയില്ല ” അവൻ ഗൗരവത്തിൽ പറഞ്ഞു അവനുള്ള പണിയായിരിക്കും അതെന്ന് കരുതിയ എനിക്ക് തെറ്റി ,,,, ആ താറിൽ നിന്ന് ഇറങ്ങിയ ആളെ കണ്ടതും എന്റെ മുഖം ദേഷ്യം കൊണ്ട് വിറച്ചു “ അഭിജിത് ” എന്റെ ചുണ്ടുകൾ അവന്റെ പേര് ഉച്ചരിച്ചു ✨✨✨✨✨✨✨✨✨✨✨✨✨✨✨✨ [ ആദി ]

രാവിലത്തെ ഫുഡ് കഴിഞ്ഞ് ഞങ്ങൾ മൂന്ന് പേരും കൂടി ഓഫീസിലേക്ക് പോകാനിറങ്ങി ഞാനാണ് ഇന്ന് ഡ്രെെവ് ചെയ്തത് ,, കുട്ടൻ ഫോണിൽ കുത്തിക്കളിച്ചു കൊണ്ടിരിക്കുന്നുണ്ട് ,, അഹാനയും “ ഏട്ടാ ,,, എനിക്കൊന്ന് അമ്പലത്തിൽ കയറണോട്ടോ ” അമ്പലത്തിനടുത്തെത്താറായപ്പോഴാണ് അഹാന പറഞ്ഞത് . ഞാൻ മിററിലൂടെ അവളെ ഒന്ന് കനപ്പിച്ചു നോക്കി “ പ്ലീസ് ഏട്ടാ ” അവള് മിററിലൂടെ തന്നെ നോക്കിക്കൊണ്ട് കൊഞ്ചി “ ഒന്ന് നിർത്തിക്കൊടുത്തേരെ ആദി .. അവള് വേഗം വരും പോയിട്ട് ” കുട്ടനും കൂടി പറഞ്ഞപ്പോ പിന്നെ ഞാനൊന്നും പറയാൻ പോയില്ല . അപ്പോഴേക്കും അമ്പലത്തിന്റെ ഫ്രണ്ടിൽ എത്തിയിരുന്നു . ഞാൻ കാറ് നിർത്തി “ ഇപ്പോ വരാട്ടാ ” എന്നും പറഞ്ഞ് അഹാന ഇറങ്ങി അമ്പലത്തിലേക്ക് പോയി കാറ് കുറച്ച് മാറ്റി പാർക്ക് ചെയ്ത് ഞാനും ഫോണിൽ നോക്കിയിരുന്നു ഇപ്പോ വരാം എന്നും പറഞ്ഞ് പോയ ആ തെണ്ടി വന്നത് ഏതാണ്ട് ഇരുപത് മിനിറ്റോളം കഴിഞ്ഞാണ് 😬 അവള് വന്ന് കാറിൽ കയറിയതും ഞാനവളെ അമർത്തി ഒന്ന് നോക്കി . അവള് ഇളിച്ച് കാണിച്ച് തന്നു . ഞാൻ പല്ലിറുമിക്കൊണ്ട് കാറ് സ്റ്റാർട്ട് ചെയ്തു കുറെ മുന്നോട്ട് പോയിക്കഴിഞ്ഞപ്പോഴാണ് അവള് പിന്നെയും വണ്ടി നിർത്താൻ പറഞ്ഞത് . ഞാനവളെ തുറുക്കനെ ഒന്ന് നോക്കിയിട്ട് കാർ നിർത്തി “ ഇനിയെന്താ ” അവളുടെ നേരെ തിരിഞ്ഞു നോക്കിക്കൊണ്ട് ഞാൻ ചോദിച്ചു “ പാനീ പൂരി ” അവള് പുറത്തേക്ക് കെെ നീട്ടിക്കൊണ്ട് പറഞ്ഞു “ അഹാന ,,, ഒന്നാമത്തെ തന്നെ ലേറ്റായിരിക്കാണ് ...

വരുമ്പോ വാങ്ങിത്തരാം ” ഞാൻ മയത്തില് അവളോട് പറഞ്ഞു “ പ്ലീസ് ഏട്ടാ 😕 ” അവളിരുന്ന് ചിണുങ്ങുവാണ് കോപ്പ് 😬😬 ഞാൻ സീറ്റ് ബെൽറ്റ് ഊരി ഡോർ തുറക്കാൻ പോയപ്പോൾ ആരോ കയ്യിൽ കയറി പിടിച്ചു . തല ചെരിച്ച് നോക്കിയപ്പോ കുട്ടൻ “ എന്താടാ ” ഞാനവനെ നോക്കി ചോദിച്ചു “ ഞാൻ പോയി വരാം ,, നീ ഇവിടെ ഇരുന്നോ ” അതും പറഞ്ഞ് അവൻ ഡോർ തുറന്ന് പുറത്തിറങ്ങി ആ പാനീ പൂരി വിൽക്കുന്ന ആളെ ലക്ഷ്യം വച്ച് നടന്നു . റോഡിനപ്പുറത്താണ് അയാള് . വണ്ടികള് വരുന്നുണ്ടോ എന്ന് നോക്കി അവൻ ക്രോസ് ചെയ്ത് അയാളുടെ അടുത്ത് ചെന്ന് എന്തൊക്കെയോ പറയുന്നത് കണ്ടു ഞാൻ പിന്നെ അതൊന്നും ശ്രദ്ധിക്കാതെ ഫോണിലേക്ക് നോക്കിയിരുന്നു ✨✨✨✨✨✨✨✨✨✨✨✨✨✨✨✨ [ ഇഷു ] ഞാൻ ബാംഗ്ലൂർ ആയിരിക്കുമ്പോ കോളേജിലെ എന്റെ സീനിയറായിരുന്നു ഈ അഭിജിത് . തനിതെമ്മാടി ,,, കള്ള് , കഞ്ചാവ് , പെണ്ണ് ഇതൊക്കെയാണ് അവന്റെ ജീവവായു കോളേജിലെ തന്നെ പല പെണ്ണ്ങ്ങളുമായി ഇവന് ബന്ധമുണ്ടായിരുന്നു ,,, അതും വഴിവിട്ട പല ബന്ധങ്ങളും . അതിൽ ഭൂരിഭാഗം പേരും അവരവരുടെ തന്നെ ഇഷ്ടത്തിന് ചെന്ന് ചാടിക്കൊടുക്കുന്നതാണ് . അത്രയും വലിയ സിറ്റിയില് നമ്മളെയൊക്കെ നോക്കാൻ ആർക്ക് നേരം . ഞാൻ ഫസ്റ്റ് ഇയറിൽ അവിടെ ചെല്ലുമ്പോ ഇവൻ സെക്കന്റ് ഇയറായിരുന്നു . ഒരിക്കൽ കോളേജ് ഗ്രൗണ്ടില് വച്ചാണ് ഇവനെന്നെ ആദ്യമായിട്ട് കാണുന്നെ ,, ഞാനവനെയും .

അന്ന് മുതൽ ഇവനെന്റെ പുറകെയുണ്ട് . അവന്റെ ആവശ്യം ഒരു രാത്രിയും . പക്ഷേ എന്നെ അതിനൊന്നും കിട്ടില്ലായിരുന്നു . എന്നെ അവന്റെ വരുതിയിലാക്കാൻ അവൻ കുറെ തെണ്ടിത്തരങ്ങള് കാണിച്ചിട്ടുണ്ട് . പക്ഷേ അതിലൊന്നും ഞാൻ ചെന്ന് വീഴാതിരുന്നത് എന്തോ ഭാഗ്യം ഇപ്പോ ഇവനിവിടെ വന്നിട്ടുണ്ടെങ്കിൽ അത് എനിക്ക് വേണ്ടി മാത്രമായിരിക്കും എന്നെനിക്ക് ഉറപ്പാണ് . പക്ഷേ അവന്റെ ഒരു അടവും എന്റടുത്ത് നടക്കില്ല ... ഇത് ഇഷുവാ ,, അല്ലാതെ അവൻ കണ്ടിട്ടുള്ള മറ്റേ പെൺപിള്ളേരല്ല 😬 “ എന്താടീ എന്നെ കണ്ടപ്പോ നീയങ്ങ് പേടിച്ചു പോയോ ” അവൻ താറിന്റെ ബോണറ്റിനു മുകളിൽ കയറിയിരുന്നു കൊണ്ട് പുച്ഛിച്ചു ചിരിച്ചു കൊണ്ട് ചോദിച്ചു ഞാൻ അമിയുടെ ഷോൾഡറിൽ പിടിച്ച് ബുള്ളറ്റിൽ നിന്നിറങ്ങി അവന്റെ മുന്നിലായി ചെന്ന് നിന്നു “ നിന്നെ കണ്ട് പേടിക്കാൻ ഞാൻ ഇഷാന ആണ് ,, ഇഷാന അലി ഫെെസൽ . അല്ലാതെ നിന്റെ മറ്റവള്മ്മാരല്ല ” “ ആഹ് ,,, ദിതാണ് ,, ദിതാണ് ഞാൻ കാണാനാഗ്രഹിച്ചത് . ഞാനെന്തായാലും കുറച്ച് ദിവസം ഇവിടെ ഉണ്ടാകും ,, കാണാട്ടാ ” അവൻ ബോണറ്റിൽ നിന്ന് ചാടിയിറങ്ങി ഇത്രയും പറഞ്ഞ് കൂളിംഗ് ഗ്ലാസ് എടുത്ത് വച്ച് താറിൽ കയറി ഹെെസ്പീഡിൽ ഓടിച്ചു പോയി അവൻ പോയിക്കഴിഞ്ഞതും ഞാൻ ദീർഘമായി ശ്വാസം എടുത്ത് വലിച്ചു വിട്ടു കൊണ്ട് ബുള്ളറ്റിൽ കയറാൻ പോയി “ നീ കേറല്ലേ ” ഞാൻ കയറാൻ പോയതും ബുള്ളറ്റിൽ നിന്നിറങ്ങിക്കൊണ്ട് അമി പറഞ്ഞു “ എന്താടാ ” ഞാൻ നെറ്റി ചുളിച്ചു കൊണ്ട് ചോദിച്ചു

“ അവനേതാ ” ചെക്കൻ കലിപ്പിലാണ് . ഇവനോട് ഞാനിതു വരെ പറഞ്ഞിട്ടില്ല ആ ചെറ്റയുടെ കാര്യം “ പിന്നെ പറയാ ” ഞാൻ തലയൂരാൻ ശ്രമിച്ചു “ അത് പറയാതെ ഇന്ന് ഇവിടുന്ന് നമ്മള് രണ്ട് പേരും പോകൂല ” അവൻ രണ്ടും കൽപ്പിച്ചാണെന്ന് എനിക്ക് മനസ്സിലായി . അതുകൊണ്ട് തന്നെ ഞാൻ പറയാൻ തന്നെ തീരുമാനിച്ചു അവൻ ബുള്ളറ്റിൽ ചാരി എന്നെത്തന്നെ നോക്കി നിക്കാണ് . ഞാൻ കണ്ണടച്ച് നീട്ടിയൊരു ശ്വാസം എടുത്ത് വിട്ടിട്ട് പറയാൻ തുടങ്ങി ... അവൻ ആരാണെന്നും അവന്റെ ഉദ്ദേശ്യമെന്താണെന്നും എല്ലാം ഞാൻ അമിക്ക് പറഞ്ഞു കൊടുത്തു എല്ലാം പറഞ്ഞ് കഴിഞ്ഞ് അവനെ നോക്കിയപ്പോ മുഖം ഒക്കെ ചുവന്ന് തുടുത്ത് ഇപ്പോ പൊട്ടും എന്ന രീതിയില് വീർത്തിരിക്കാണ് . ഞാൻ അവന്റെ കയ്യിൽ എന്റെ കെെ കോർത്ത് പിടിച്ചു . അവനെന്നെ ഒരു നോട്ടം നോക്കി ... ഹോ എന്റെ റബ്ബേ ,,!! ഉരുകിപ്പോയി ഞാൻ . അമ്മാതിരി നോട്ടമായിരുന്നു അവനെന്റെ കയ്യിൽ നിന്ന് അവന്റെ കെെ വിടുവിച്ച് എങ്ങോട്ടെന്നില്ലാതെ നോക്കിനിന്നു “ അമീ ” ഞാനവന്റെ ഷർട്ടിൽ പിടിച്ചു കൊണ്ട് വിളിച്ചു “ നീയെന്താ ഈ കാര്യം എന്നോട് പറയാതിരുന്നെ 😡 ” മുഷ്ടി ചുരുട്ടിപ്പിടിച്ചു കൊണ്ട് എന്നെ നോക്കാതെ തന്നെ അവൻ ചോദിക്കുന്നത് കേട്ടപ്പോ തന്നെ എനിക്ക് മനസ്സിലായി ,, ചെക്കൻ നല്ല കലിപ്പിലാണെന്ന് .

അതുകൊണ്ട് തന്നെ ഞാനൊന്നും മിണ്ടാൻ പോയില്ല “ പറ ഇഷൂട്ടീ ,,, നീയെന്താ ഈ കാര്യം എന്നോട് നേരത്തെ പറയാതിരുന്നെ ” അവൻ എന്റെ നേരെ തിരിഞ്ഞ് എന്നെ കുലുക്കിക്കൊണ്ട് ചോദിച്ചു . അപ്പോഴും ഞാനൊന്നും മിണ്ടിയില്ല “ ജസ്റ്റ് ടെൽ മീ ഇഷൂ ” അവൻ കലിപ്പിൽ നല്ല ഉച്ചത്തിൽ അത് പറഞ്ഞപ്പോ ഞാൻ ശരിക്കും പേടിച്ചു പോയി . അവനെ ആദ്യായിട്ടാ ഇത്രേം ദേഷ്യത്തില് കാണുന്നെ ,, അതുമല്ല ,, ഇന്ന് വരെ അവനെന്നോട് ചെറുതായി പോലും ദേഷ്യപ്പെട്ടിട്ടില്ല എനിക്ക് പെട്ടെന്നെന്തോ വല്ലാത്ത സങ്കടം വന്നു . ഞാനവനെ ഇറുകെ കെട്ടിപ്പിടിച്ച് കരഞ്ഞു “ സോ ... റി ” ഞാൻ വിതുമ്പിക്കൊണ്ട് പറഞ്ഞു “ പോട്ടേ ” അവനെന്നെ ചേർത്ത് പിടിച്ച് എന്റെ മുടിയിഴകളിലൂടെ വിരലോടിച്ചു കൊണ്ട് പറഞ്ഞു ദേ ഇത്രയൊള്ളു എന്റെ അമി ... എന്റെ കണ്ണൊന്ന് നിറഞ്ഞാ മതി ,, പിന്നെ അവന് ഒരു ദേഷ്യവും ഉണ്ടാവൂല ... പാവാണ് എന്റെ മുത്ത് 😘😘 “ സോറി അമീ ,,, ഞാൻ ... ” “ കുഴപ്പമില്ല ,, ഞാൻ പെട്ടെന്ന് ദേഷ്യം വന്നപ്പോ ... പോട്ടേ ... ബാ പോകാം ” അവനെന്നെ അവനിൽ നിന്ന് അടർത്തി മാറ്റി എന്റെ കണ്ണുകൾ തുടച്ച് തന്നിട്ട് ബുള്ളറ്റിൽ കയറിയിരുന്നു . ഞാനവന്റെ ബാക്കിൽ കയറി അവനെ വട്ടം ചുറ്റിപ്പിടിച്ച് അവനോട് ചേർന്നിരുന്നു നേരെ ഓഫീസ് ലക്ഷ്യമാക്കി അമിയുടെ ബുള്ളറ്റ് കുതിച്ചു .... ✨✨✨✨✨✨✨✨✨✨✨✨✨✨✨✨ [ അഹാന ]

ശ്രീയേട്ടൻ പാനീ പൂരി വാങ്ങിക്കാൻ വേണ്ടി പോയതും ആദിയേട്ടൻ ഫോണിൽ നോക്കിയിരിക്കാൻ തുടങ്ങി . ഞാൻ ശ്രീയേട്ടനെ തന്നെ നോക്കിയിരുന്നു . ശ്രീയേട്ടൻ ആ പാനീ പൂരി വിൽക്കുന്ന ആൾടെ അടുത്ത് ചെന്ന് എന്തൊക്കെയോ പറഞ്ഞ ശേഷം തിരിഞ്ഞ് നിന്ന് എന്നെ നോക്കി എത്ര പ്ലേറ്റ് വേണമെന്ന് ആക്ഷൻ കാണിച്ച് ചോദിച്ചു . ഞാൻ രണ്ട് എന്നും പറഞ്ഞു ഏട്ടൻ രണ്ട് പ്ലേറ്റ് പാനീ പൂരിയും വാങ്ങിച്ച് റോഡ് ക്രോസ് ചെയ്തതും ഒരു താർ ഹെെസ്പീഡിൽ വന്ന് ഏട്ടനെ ഇടിച്ചിട്ടതും ഒപ്പമായിരുന്നു “ ശ്രീയേട്ടാാാാ ..... ” ഞാൻ ഉറക്കെ വിളിച്ചു കൊണ്ട് കാറിന്റെ ഡോർ തുറന്ന് പുറത്തേക്കിറങ്ങി ✨✨✨✨✨✨✨✨✨✨✨✨✨✨✨✨ അഹാനയുടെ ശബ്ദം കേട്ട് ഫോണിൽ നിന്ന് കണ്ണെടുത്ത ആദി കണ്ടത് താറിൽ ഇടിച്ച് ഉയർന്നു പൊങ്ങി വീണ്ടും താഴേക്ക് വന്ന് റോഡിലടിച്ച് വീഴുന്ന ശ്രീജിതിനെയാണ് . അവന്റെ കയ്യിലുണ്ടായിരുന്ന പാനീ പൂരി , പ്ലേറ്റ് അടക്കം റോഡിൽ ചിതറി കണ്ട കാഴ്ച സത്യമാകരുതേ എന്ന് പ്രാർത്ഥിച്ച് അവൻ ഒന്ന് കണ്ണ് ഇറുകെയടച്ച് തുറന്ന് നോക്കി ,,, അതെ ,,, കണ്ടത് സത്യം തന്നെയാണ് “ കുട്ടാാാാാാാാ ..... ” അവന്റെ ശബ്ദം ആ റോഡിനെ മുഴുവൻ പ്രകമ്പനം കൊള്ളിക്കുന്നതായിരുന്നു ......തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...