🔥 ചെകുത്താൻ 🔥 : ഭാഗം 15

രചന: ആമി

സ്റ്റോറി വായിക്കുന്നതിന് മുൻപായി എല്ലാവരോടും കൂടി ഒരു കാര്യം പറയാൻ ഉണ്ട്. കാര്യം വേറൊന്നുമല്ല. ചെകുത്താൻ ʇɥǝ dɐɹǝ dǝʌ!ן's sʇoɹʎ എന്നത് ഞാൻ എഴുതുന്ന എന്റെ സ്റ്റോറി ആണ്. ഈ കഥയും കഥാപാത്രങ്ങളും കഥാപശ്ചാത്തലവും എല്ലാം എന്റെ മാത്രം ഭാവനയാണ്. അതുകൊണ്ട് തന്നെ ഈ കഥ എങ്ങനെ മുന്നോട്ട് കൊണ്ടുപോകണമെന്നുള്ള തീരുമാനം പൂർണമായും എന്റേത് മാത്രം ആണ്. 🙂 എന്നാൽ നിങ്ങളുടെ ഒരോരുത്തരുടെയും അഭിപ്രായങ്ങൾ എല്ലാം തന്നെ ഞാൻ സ്വീകരിക്കുന്നതാണ്. പക്ഷേ, പെണ്ണേ, എടീ, പോടീ പോലുള്ള അഭിസംബോധനകൾ എനിക്ക് ഇഷ്ടമല്ല. അതുകൊണ്ട് തന്നെ അഭിപ്രായം പറയാൻ ആഗ്രഹിക്കുന്നവർ മാന്യമായ രീതിയിൽ മാത്രം അഭിപ്രായം അറിയിക്കുക. അല്ലാത്തവർ ദയവ് ചെയ്ത് കമന്റ് ബോക്സിലേക്ക് വരാതിരിക്കുക 🙏😊 ✨✨✨✨✨✨✨✨✨✨✨✨✨✨✨✨ “ ആ പേഷ്യന്റ് തന്റെ ആരാ ” ഞാൻ അടുത്തേക്ക് ചെല്ലുന്നത് കണ്ട് ആ നഴ്സ് ചോദിച്ചു “ എന്റെ ബ്രദറാണ് ,,, എന്താ സിസ്റ്റർ ,,, അവനെന്തെങ്കിലും ... ” ഞാൻ പരിഭ്രാന്തിയോടെ ചോദിച്ചു “ പേഷ്യന്റ് ...... ” ( തുടരും ) ✨✨✨✨✨✨✨✨✨✨✨✨✨✨✨✨ “ പേഷ്യന്റ് തന്നെ അന്വേഷിക്കുന്നുണ്ട് ,,, ആൾക്ക് ബോധം വന്നിട്ടുണ്ട് ” “ ഓഹ് ,,,, താങ്ക് ഗോഡ് ” ഞാൻ ദെെവത്തിന് നന്ദി പറഞ്ഞു ദേവൂട്ടി പോയതിൽ പിന്നെ ഞാൻ ആദ്യമായിട്ടാണ് ദെെവത്തിനെ വിളിക്കുന്നത് .

നാളെത്തന്നെ അമ്പലത്തിൽ ഒന്ന് പോകണമെന്ന് ആദ്യമായി മനസ്സിൽ തോന്നി ഞാൻ ഐ.സി.യു.വിന്റെ ഡോർ തള്ളിത്തുറന്ന് അകത്തേക്ക് കടന്നു . ഓരോ കാലടി വക്കുമ്പോഴും എന്റെ ഹൃദയമിടിപ്പ് കൂടിക്കൂടി വന്നു . “ ഈ ബെഡാണ് ” ഓരോ ബെഡും കഴിഞ്ഞ് അവസാനം ഞാൻ കുട്ടനെ കിടത്തിയിരിക്കുന്ന ബെഡിനടുത്തെത്തിയെന്ന് മനസ്സിലായത് ആ സിസ്റ്റർ പറഞ്ഞപ്പോഴാണ് ഞാൻ എന്റെ കണ്ണുകൾ ഇറുകെയടച്ച് ശ്വാസം എടുത്ത് വലിച്ച് വിട്ട് പതിയെ കണ്ണുകൾ തുറന്ന് നോക്കി ,,, ഒരുപാട് വയറുകൾക്കും എന്തൊക്കെയോ യന്ത്രങ്ങൾക്കും ഇടയിൽ എന്റെ കുട്ടൻ 😞 ചങ്ക് പറിഞ്ഞ് പോകുന്നത് പോലെ തോന്നി . പക്ഷേ ആ ഭാവം മുഖത്ത് കാണിക്കാതെ അവന്റെ അടുത്തേക്ക് ഞാൻ ചെന്ന് അവിടെ ഇട്ടിരുന്ന ഒരു സ്റ്റൂളിൽ ഇരുന്നു അവൻ കണ്ണടച്ച് കിടക്കുകയായിരുന്നു . ഞാനവന്റെ കയ്യിനു മേലെ എന്റെ കെെ വച്ചു . പെട്ടെന്ന് തന്നെ അവൻ കണ്ണ് തുറന്ന് എന്നെ നോക്കി ചിരിക്കാൻ ശ്രമിച്ചു ഞാനവന്റെ കയ്യിലുള്ള പിടുത്തം മുറുക്കി . അവൻ കണ്ണടച്ച് ഒന്നുമില്ല എന്ന് പറയാതെ പറഞ്ഞു ഞാൻ എഴുന്നേറ്റ് നിന്ന് അവന്റെ ചുണ്ടിൽ എന്റെ ചുണ്ടുകൾ ചേർത്ത് വച്ചു ,,,, ഒരുപാട് നേരം .... കണ്ണുകൾ അനുസരണയില്ലാതെ നിറഞ്ഞൊഴുകി ... ഇനിയും അവിടെ നിൽക്കാൻ പറ്റില്ല എന്ന് തോന്നിയതു കൊണ്ട് വേഗം തന്നെ പുറത്തേക്ക് ഇറങ്ങി .. ✨✨✨✨✨✨✨✨✨✨✨✨✨✨✨✨ [ ശ്രീ ]

കണ്ണ് തുറക്കുമ്പോൾ എന്തൊക്കെയോ വയറുകളൊക്കെ ഘടിപ്പിച്ച് വച്ചിരിക്കാണ് എന്റെ മേത്ത് . അതിൽ നിന്ന് തന്നെ മനസ്സിലായി ,, ഞാനിപ്പോ ഏതോ ഹോസ്പിറ്റലിലാണെന്ന് . തലയൊക്കെ പൊളിഞ്ഞു പോകുന്ന തരത്തിലുള്ള വേദന ... മരിച്ചു പോയി എന്നാ ഞാൻ വിചാരിച്ചത് .. എന്തായാലും ദെെവത്തിന് ഒരായിരം നന്ദി ഞാൻ കണ്ണ് തുറന്നത് കണ്ടാണെന്ന് തോന്നുന്നു ,, ഒരു നഴ്സ് എന്റടുത്തേക്ക് ഓടി വന്നു എനിക്കെന്റെ ആദിയെ ഒന്ന് കാണണമെന്ന് തോന്നി .. ഞാനതവരോട് പറയാൻ ശ്രമിച്ചു ,,, പക്ഷേ കഴിയുന്നില്ല . മുഖത്ത് ഓക്സിജൻ മാസ്ക് വച്ചിട്ടുണ്ട് ,, അതാണ് അവര് പതിയെ ആ മാസ്ക് പൊക്കി മാറ്റി “ ആദി ” ഞാൻ പതിഞ്ഞ സ്വരത്തിൽ പറഞ്ഞു അവര് അപ്പോ തന്നെ മാസ്ക് അതുപോലെ തന്നെ വച്ചിട്ട് പോയി ,,, അവനെ വിളിക്കാൻ പോയതായിരിക്കും ഞാൻ കണ്ണടച്ച് എന്താ സംഭവിച്ചതെന്ന് ഓർത്തു നോക്കി ,,, പാനീ പൂരി വാങ്ങിക്കാൻ വേണ്ടി പോയതും അത് വാങ്ങിച്ച് തിരിഞ്ഞതും നല്ല ഓർമ്മയുണ്ട് ... പിന്നെ അഹാനയുടെ ശ്രീയേട്ടാാ എന്ന് ശബ്ദമാണ് കേൾക്കുന്നത് . പെട്ടെന്നാണ് എന്റെ കെെക്ക് മുകളിലായി ആരുടെയോ കെെ പതിഞ്ഞത് . ഞാൻ മെല്ലെ കണ്ണ് തുറന്ന് നോക്കി ,,,, ആദി അവനെന്നെത്തന്നെ നോക്കിയിരിക്കാണ് .... ഞാൻ ഒന്നുമില്ല എന്ന് കണ്ണടച്ച് കാണിച്ചു കൊടുത്തു . അവൻ എഴുന്നേറ്റ് നിന്ന് എന്റെ ചുണ്ടിൽ ഒരുമ്മ തന്നു . അവന്റെ കണ്ണ് നിറഞ്ഞൊഴുകുന്നുണ്ടായിരുന്നു . അതുകൊണ്ടാകാം അവൻ പെട്ടെന്ന് തന്നെ ഇവിടുന്ന് പോയി മെഡിസിന്റെയാണെന്ന് തോന്നുന്നു ,,

നല്ല ക്ഷീണം തോന്നുന്നുണ്ട് . ഞാൻ പതിയെ കണ്ണുകൾ അടച്ച് കിടന്നു .. ✨✨✨✨✨✨✨✨✨✨✨✨✨✨✨✨ [ ഇഷു ] ശ്രീജിത് സാർ ആക്സിഡന്റായി ഹോസ്പിറ്റലിലാണെന്ന് അമി പറഞ്ഞതും സിനിമ കാണാനുള്ള ഇന്ററസ്റ്റ് ഒക്കെ പോയി . സിനിമ നിർത്തി സിസ്റ്റം ഓഫ് ചെയ്ത് ടേബിളിൽ തല വച്ച് കിടന്നു ഫോൺ ബെല്ലടിക്കുന്നത് കേട്ടാണ് കണ്ണ് തുറന്നത് . ഇവിടെക്കിടന്ന് ഉറങ്ങിപ്പോയിരുന്നു എന്ന് അപ്പോഴാണ് മനസ്സിലായത് . ഫോൺ എടുത്ത് നോക്കി ,,, AmI 😘 Calling .... വേഗം തന്നെ കോൾ അറ്റൻഡ് ചെയ്ത് ഫോൺ ചെവിയിലേക്കടുപ്പിച്ചു “ നീ എന്താ ഇറങ്ങാത്തെ ... ഞാനിവിടെ വന്ന് നിക്കാൻ തുടങ്ങിയിട്ട് എത്ര സമയമായെന്നോ ” പെട്ടെന്ന് തന്നെ ഞാൻ ഫോണിന്റെ ഡിസ്പ്ലയിൽ ടെെം നോക്കി ,, അഞ്ചര 😱 എന്നും അഞ്ച് മണിക്ക് പോകാറുള്ളതാണ് “ ദാ വരണൂ ” കോൾ കട്ട് ചെയ്ത് ഫോൺ ടേബിളിൽ വച്ച് വാഷ്റൂമിൽ കയറി മുഖം കഴുകി ഇറങ്ങി . ഇവിടെ ക്യാബിനിൽ തന്നെ ഒരു വാഷ്റും ഉണ്ട് പിന്നെ അതുമിതും ആലോചിച്ച് നിൽക്കാതെ ബാഗും ഫോണും എടുത്ത് പുറത്തേക്കോടി “ എന്താടീ ലേറ്റായേ 😡 ” ചെക്കൻ അതും ചോദിച്ച് കലിപ്പായി ഞാൻ ഒന്നും മിണ്ടാൻ നിക്കാതെ ബുള്ളറ്റിൽ കയറി ഇരുന്ന് അവന്റെ മുഖം പിടിച്ച് തിരിച്ച് കവിളിൽ അമർത്തി ഒന്ന് ചുംബിച്ചു “ ശോറി ”

ഇനി അതായിട്ട് കുറക്കണ്ടല്ലോ എന്ന് കരുതി അതും പറഞ്ഞു 😉 അവൻ പിന്നെ ഒന്നും പറയാതെ ബുള്ളറ്റ് സ്റ്റാർട്ട് ചെയ്തു . ഞാനവനെ ചുറ്റിപ്പിടിച്ചിരുന്നു “ എടാ നീ ഹോസ്പിറ്റലിൽ പോയാരുന്നോ ” പെട്ടെന്ന് ഓർമ്മ വന്നപ്പോൾ ഞാനവനോട് ചോദിച്ചു “ ആഹ് ടീ പോയിരുന്നു ... പക്ഷേ നിന്റെ കടുവ അവിടെ ഉണ്ടായിരുന്നില്ല 😁 ” അവൻ ചിരിച്ചോണ്ട് പറയുന്നത് കേട്ടപ്പോ തന്നെ എനിക്ക് കലിയിളകി . ഞാനവന്റെ പുറത്ത് നല്ല ഒരു അഡാർ കടി കൊടുത്തു “ ആഹ് ,,, എടീ ദുഷ്ടത്തീ ,,, വിടെടീ ” ചെക്കൻ അലറിപ്പൊളിക്കാണ് “ ആരുടെ കടുവയാ ” ഞാൻ അവനിൽ നിന്ന് മാറിക്കൊണ്ട് ചോദിച്ചു “ എന്റെ കടുവ ” അവൻ പറയുന്നത് കേട്ടപ്പോ ചിരി വന്നു ,,, പക്ഷേ ചിരിച്ചില്ല “ ആഹ് ,,, അങ്ങനെ തന്നെ !! ” എന്ന് പറഞ്ഞ് ഞാനവന്റെ പുറം തടവിക്കൊടുത്തിട്ട് കടി കിട്ടിയ ഭാഗത്ത് ഒരുമ്മ കൊടുത്തു “ ഇനി പറ ,,, ശ്രീജിത് സാറിന് എങ്ങനെയുണ്ട് ” ഞാൻ ചോദിച്ചു “ ഞാൻ ചെല്ലുമ്പോ ബോധം വന്നട്ടുണ്ടായില്ല ,,, 24 അവേഴ്സ് ഒബ്സർവേഷൻ ” “ പാവം ” അവനൊന്നും മിണ്ടിയില്ല വീട്ടിലെത്തി അവനോട് ബെെ പറഞ്ഞ് ഞാൻ അകത്തേക്ക് കയറി ,,, അവൻ അവന്റെ വീട്ടിലേക്കും പോയി ... ✨✨✨✨✨✨✨✨✨✨✨✨✨✨✨✨ [ അഹാന ] ശ്രീയേട്ടന്റെ കാര്യം ആലോചിക്കുമ്പോ ആലോചിക്കുമ്പോ സങ്കടം തികട്ടിത്തികട്ടി വരാണ് . രാത്രി ഞങ്ങളെ എല്ലാവരെയും നിർബന്ധിച്ച് ആദിയേട്ടൻ വീട്ടിലേക്ക് പറഞ്ഞയച്ചു . ഞാൻ പോകുന്നില്ലാന്ന് കരഞ്ഞു പറഞ്ഞതാ ,, പക്ഷേ ഏട്ടൻ സമ്മതിച്ചില്ല .

എന്നെയും അവരുടെ കൂടെ പറഞ്ഞു വിട്ടു വീട്ടിലെത്തിയിട്ടും ഞാൻ ഒരു പോള കണ്ണടച്ചിട്ടില്ല . ഫോൺ എടുത്ത് അതിൽ ശ്രീയേട്ടന്റെ ഫോട്ടോ നോക്കി ഇരുന്നു . രണ്ട് മണിയാകാറായപ്പോഴാണ് ആദിയേട്ടന്റെ കോൾ വന്നത് . വേഗം തന്നെ അറ്റൻഡ് ചെയ്ത് ചെവിയിൽ വച്ചതും ആദിയേട്ടൻ പറഞ്ഞ കാര്യം കേട്ട് സന്തോഷം കൊണ്ട് കണ്ണ് നിറഞ്ഞ് വന്നു ,,, ശ്രീയേട്ടന് ബോധം തെളിഞ്ഞുവെന്ന് ... എന്റെ കൃഷ്ണാ ,,!! എന്റെ പ്രാർത്ഥന നീ കേട്ടു എന്നെ വന്ന് കൂട്ടിക്കൊണ്ടു പോകാൻ പറഞ്ഞതാ ഏട്ടനോട് ,,, പക്ഷേ രാവിലെ തന്നെ വരാമെന്ന് പറഞ്ഞ് ഫോൺ വച്ചു ശ്രീയേട്ടന് ബോധം വന്നു എന്നറിഞ്ഞിട്ട് കൂടി എനിക്ക് ഉറക്കം വന്നില്ല . എത്രയും പെട്ടെന്ന് ഏട്ടന്റെ അടുത്തെത്തിയാൽ മതിയെന്നായിരുന്നു മനസ്സ് മുഴുവൻ . ഞാൻ ഏട്ടന്റെ ഫോട്ടോ നോക്കി ടേബിളിൽ തല വച്ച് കിടന്നു .. കുറച്ച് സമയം കഴിഞ്ഞപ്പോൾ മുറ്റത്ത് ഒരു കാർ നിർത്തുന്ന ശബ്ദം കേട്ടു . ഞാൻ ടേബിളിൽ നിന്ന് തല പൊക്കി ചുറ്റും ഒന്ന് നോക്കി അപ്പോഴാണ് ഫോൺ ബെല്ലടിച്ചത് ,, നോക്കിയപ്പോ ആദിയേട്ടൻ “ എന്താ ഏട്ടാ ” ഞാൻ കോൾ അറ്റൻഡ് ചെയ്തു കൊണ്ട് ചോദിച്ചു “ ഞാൻ താഴെ ഉണ്ട് .. നീ വാ ,, കുട്ടന്റെ അടുത്ത് പോയിട്ട് വരാം ” ഏട്ടന്റെ വാക്കുകൾ കേട്ടതും സന്തോഷം കൊണ്ട് തുള്ളിച്ചാടാൻ തോന്നി . പിന്നെ അതിനൊന്നും മുതിരാതെ ഫോൺ കയ്യിലെടുത്ത് ശബ്ദം ഉണ്ടാക്കാതെ താഴേക്കിറങ്ങി ഡോർ തുറന്ന് പുറത്തേക്കിറങ്ങി . മുറ്റത്ത് തന്നെ ഏട്ടന്റെ കാർ ഉണ്ടായിരുന്നു .

ഞാൻ ഓടിച്ചെന്ന് കാറിൽ കയറി ഡോർ അടച്ച് ഏട്ടനെ കെട്ടിപ്പിടിച്ചു “ താങ്ക്സ് ഏട്ടാ ” ഞാൻ പറഞ്ഞു “ ആഹ് ,, അതൊക്കെ അവിടെ നിക്കട്ടെ ... നീ ഇപ്പോ എന്റെ മേത്ത്ന്ന് മാറിയാല് പോകാമായിരുന്നു ” “ ഈഈ ” ഞാനൊന്ന് ഇളിച്ചു കാണിച്ചു കൊണ്ട് ഏട്ടന്റെ മേത്ത്ന്ന് മാറി നേരെ ഇരുന്നു രാത്രിയായത് കൊണ്ട് തന്നെ ഒട്ടും തിരക്കുണ്ടായിരുന്നില്ല റോഡില് . ഏട്ടൻ കാർ പറപ്പിച്ചു വിട്ടു ,, പറഞ്ഞ നേരം കൊണ്ട് ഹോസ്പിറ്റലിലെത്തി ഞാൻ കാറിൽ നിന്നിറങ്ങി ,,, ഏട്ടനും ഞങ്ങൾ നേരെ ഐ.സി.യു ലക്ഷ്യം വച്ച് നടന്നു . എന്തോ കാലുകൾക്ക് വേഗത പോരാ എന്ന് വരെ തോന്നി . ഐ.സി.യുവിന്റെ മുൻപിലെത്തിയതും ഏട്ടൻ അവിടെ ചുമരിൽ ഉണ്ടായിരുന്ന ഒരു സ്വിച്ചിൽ വിരലമർത്തി . ബെല്ലിന്റെ സ്വിച്ചാണതെന്ന് എനിക്ക് മനസ്സിലായി കുറച്ച് സമയത്തെ കാത്തിരിപ്പിനൊടുവിൽ ഡോർ തുറന്ന് ഒരു നഴ്സ് പുറത്തേക്ക് വന്നു “ ആഹ് ,,, വരൂ ” അവരെന്നെ നോക്കി പുഞ്ചിരിച്ചു കൊണ്ട് പറഞ്ഞു അവരാദ്യം അകത്തേക്ക് കയറി ,,,, ഞാൻ പുറകെയും .... ✨✨✨✨✨✨✨✨✨✨✨✨✨✨✨✨ [ ആദി ] കുട്ടനെ കണ്ട് ഇറങ്ങിയ ശേഷം കുറച്ച് കഴിഞ്ഞാണ് അഹാനയെ വിളിച്ച് അവന് ബോധം വന്നു എന്ന കാര്യം പറഞ്ഞത് . അപ്പോ തന്നെ അവള് വരാൻ വേണ്ടി വാശി പിടിച്ചു ,, പിന്നെ കാലത്ത് വരാം എന്ന് പറഞ്ഞ് സമാധിനിപ്പിച്ച് നിർത്തിയതാണ് കോൾ കട്ട് ചെയ്ത ശേഷമാണ് ഞാനൊരു കാര്യം ഓർത്തത് ,,,

നാളെ രാവിലെ തന്നെ എന്തായാലും എല്ലാവരും ഇങ്ങോട്ട് വരും . അപ്പോ ആർക്കെങ്കിലും ഒരാൾക്ക് മാത്രമാണ് അവനെ കയറി കാണാൻ പറ്റുവോളൂ ,, അത് മിക്കവാറും ചെറിയമ്മ കയറും ,, അപ്പോ അഹാനക്ക് കാണാൻ പറ്റില്ല കുറച്ച് നേരത്തെ ചിന്തകൾക്ക് വിരാമമിട്ടു കൊണ്ട് ഞാൻ ആ നഴ്സിനോട് ഇപ്പോ ഒരാള് വന്നാ കയറി കാണാമോ എന്ന് ചോദിച്ചു .. കാണാമെന്ന് അവര് പറഞ്ഞതു കൊണ്ടാണ് ഞാൻ ഈ രാത്രി തന്നെ അവളെ പോയി കൂട്ടിക്കൊണ്ടു വന്നത് അവള് ആ നഴ്സിന്റെ കൂടെ അകത്തേക്ക് കയറിയപ്പോൾ ഞാൻ അവിടെ ഉണ്ടായിരുന്ന ഒരു ചെയറിൽ ഇരിപ്പുറപ്പിച്ചു ✨✨✨✨✨✨✨✨✨✨✨✨✨✨✨✨ [ അഹാന ] ആ നഴ്സിന്റെ പുറകെ ഞാൻ നടന്നു ... അവര് നിന്നപ്പോൾ ഞാനും നിന്നു . “ ദാ ഈ ബെഡാണ് ” അവര് കെെ ചൂണ്ടിയ ഭാഗത്തേക്ക് ഞാൻ നോക്കി ,,, “ ശ്രീയേട്ടൻ ” ബെഡിൽ അവശനായി കിടക്കുന്ന ഏട്ടനെ കണ്ട് എന്റെ ചുണ്ടുകൾ മന്ത്രിച്ചു ,, കണ്ണുകൾ നിറഞ്ഞു ഞാൻ പതിയെ ഏട്ടന്റെ അടുത്തേക്ക് നടന്ന് ചെന്നു ഏട്ടൻ കണ്ണടച്ച് കിടക്കുകയായിരുന്നു ,,, ഉറങ്ങുകയായിരിക്കും ,, ശല്യം ചെയ്യണ്ട എന്ന് കരുതി ഞാൻ വിളിച്ചില്ല കുനിഞ്ഞ് നിന്ന് ഏട്ടന്റെ നെറ്റിയിൽ ഏട്ടനുള്ള എന്റെ ആദ്യ സ്നേഹചുംബനം നൽകുമ്പോൾ കണ്ണുനീരും അവിടെ സ്ഥാനം പിടിച്ചിരുന്നു . അധിക നേരം അവിടെ നിൽക്കാനാവില്ല എന്ന് തോന്നിയതു കൊണ്ട് വേഗം തിരിഞ്ഞു നടക്കാൻ തുടങ്ങി പെട്ടെന്നാണ് ഏട്ടൻ എന്റെ കയ്യിൽ പിടുത്തമിട്ടത് .

ഞാൻ തിരിഞ്ഞ് നിന്ന് ഏട്ടനെ നോക്കി . “ അപ്പോ ഇങ്ങനെ ഒരെണ്ണം കിട്ടണമെങ്കില് ഞാൻ ഈ അവസ്ഥയിലാകണമല്ലേ 😉 ” ഓക്സിജൻ മാസ്ക് എടുത്ത് മാറ്റി ഏട്ടൻ കണ്ണിറുക്കി ഒരു കള്ളച്ചിരി ചിരിച്ചു കൊണ്ട് ചോദിച്ചു ഏട്ടൻ തമാശക്ക് പറഞ്ഞതാണെങ്കിലും ആ വാക്കുകൾ കൊണ്ടത് എന്റെ ചങ്കിലാണ് . ഞാൻ പതിയെ കണ്ണിൽ നിന്നുതിർന്നു വീണ കണ്ണുനീര് തുടച്ച് ഏട്ടനിലേക്ക് താഴ്ന്നു ... ഏട്ടന്റെ അധരങ്ങളോട് എന്റെ അധരങ്ങളെ ചേർത്ത് വച്ചു 💋 ഒരുപാട് നേരം .... 🙈😌 ദീർഘനേരത്തെ ചുംബനത്തിനൊടുവിൽ ശ്രീയേട്ടനെ ഒന്ന് നോക്കുക പോലും ചെയ്യാതെ ഞാൻ ഐ.സി.യു വിട്ടിറങ്ങി പുറത്ത് ചെയറിൽ ഇരിക്കുന്ന ആദിയേട്ടന്റെ അടുത്തുള്ള ചെയറിൽ പോയി ഇരുന്ന് ഏട്ടന്റെ ഷോൾഡറിലേക്ക് തല ചായ്ച്ച് ഞാൻ കിടന്നു “ ഇനി രാവിലെ അവരാരെങ്കിലും വന്നിട്ട് പോയാ പോരേ ” ഏട്ടൻ എവിടേക്കോ നോക്കിക്കൊണ്ട് ചോദിച്ചു “ ആഹ് മതി ” അതും പറഞ്ഞ് ഞാൻ ഏട്ടന്റെ കയ്യിൽ മുറുകെ പിടിച്ചു ✨✨✨✨✨✨✨✨✨✨✨✨✨✨✨✨ [ ശ്രീ ] ഓഹ് ....!! ദേവിയേ ,,, എന്താ ഇപ്പോ ഇവിടെ നടന്നെ 😇😇 അവള് ഇവിടം വിട്ട് ഇറങ്ങിപ്പോയിട്ടും പിന്നെയും കുറെ സമയം വേണ്ടി വന്നു ,, എനിക്കൊന്ന് സ്വബോധത്തിലേക്ക് വരാൻ പൊന്ന് മോളേ ,,,,

എഴുന്നേൽക്കാൻ പോലും പറ്റാത്ത അവസ്ഥയായിപ്പോയി ,,, അല്ലെങ്കി ഇപ്പോ കാണായിരുന്നു 😌😉 ഞാൻ അവളെയും ഓർത്ത് പുഞ്ചിരിച്ചു കൊണ്ട് കിടക്കുമ്പോഴാണ് ആ നഴ്സിന്റെ ആഗമനം “ എന്താടോ ആകെക്കൂടെ ഒരു സന്തോഷം ” അവരൊന്ന് അർത്ഥം വച്ചു കൊണ്ട് ചോദിച്ചു “ ഏയ് ഒന്നൂല്ല ” ഞാൻ ചിരിച്ചു കൊണ്ട് പറഞ്ഞു “ ഉവ്വ ” എന്നും പറഞ്ഞ് അവരൊരു കള്ളച്ചിരി ചിരിച്ച് ഓക്സിജൻ മാസ്ക് എടുത്ത് അതുപോലെ തന്നെ വച്ച് തന്നു . ഞാൻ ചെറുതായിട്ടൊന്ന് പുഞ്ചിരിച്ചു കൊടുത്തു “ പിന്നേ ,,, ഈ മാസ്ക് ഊരി മാറ്റിയുള്ള കളിയൊന്നും വേണ്ടാട്ടാ ” അവരത് പറഞ്ഞതും ഞാനങ്ങ് ചൂളിപ്പോയി ഞാൻ അവരെ നോക്കി ഒരു അവിഞ്ഞ ചിരി പാസാക്കി ,,, അവര് തലയാട്ടി ചിരിച്ചു കൊണ്ട് പോയി ഞാൻ പതിയെ കണ്ണുകൾ അടച്ചു .... കൺകോണിൽ അവള് മാത്രം 💗 ✨✨✨✨✨✨✨✨✨✨✨✨✨✨✨✨ [ ആദി ] രാവിലെ ആറ് മണിയായപ്പോഴേക്കും ചെറിയമ്മയും ചെറിയച്ഛനും പ്രിയയും വന്നു അവര് വന്ന് കുറച്ച് കഴിഞ്ഞപ്പോൾ ഞാനും അഹാനയും അവിടുന്നിറങ്ങി നേരെ വീട്ടിലേക്ക് വിട്ടു .... പോകുന്ന വഴിയിലുള്ള അമ്പലത്തിനു മുന്നിലെത്തിയതും ഞാൻ പോലും അറിയാതെ എന്റെ കാലുകൾ ബ്രേക്കിലമർന്നു . ഞാൻ അഹാനയെ നോക്കി “ ഞാൻ പോയിട്ട് വരാം ”

അവളതും പറഞ്ഞ് ഡോർ തുറക്കാൻ പോയതും ഞാൻ കയ്യിൽ പിടിച്ച് അവളെ തടഞ്ഞു എന്നിട്ട് കാർ ഒരിടത്ത് പാർക്ക് ചെയ്ത് കോട്ട് ഊരി കാറിൽ വച്ചിട്ട് ഞാൻ ആദ്യം ഇറങ്ങി . അഹാനയാണെങ്കില് എന്തോ മഹാത്ഭുതം സംഭവിച്ച പോലെ കണ്ണും തള്ളി നോക്കിയിരിക്കാണ് . അവളെ പറഞ്ഞിട്ടും കാര്യമില്ല ,, വർഷങ്ങൾക്ക് ശേഷമാണ് ഞാൻ ഈ അമ്പലമുറ്റത്ത് കാല് കുത്തുന്നത് . ഇവിടെയെന്നല്ല ,, എവിടെയും ഞാൻ പോയി അവളെ പിടിച്ചിറക്കട്ടേട്ടാ ,,, അല്ലെങ്കി ഇന്ന് മുഴുവൻ ഇങ്ങനെ തലക്കടി കിട്ടിയ പോലെ ഇരിക്കും 😂 ഞാൻ നടന്ന് അവളിരിക്കുന്ന സെെഡിൽ വന്ന് ഡോർ തുറന്ന് കൊടുത്തു . അവളേതാണ്ട് സ്വപ്നത്തിലെന്ന പോലെ കാറിൽ നിന്നിറങ്ങി നിന്നു “ എന്താടീ ഇങ്ങനെ നിക്കണെ ” ഞാനവളുടെ തലക്ക് ഒരു തട്ട് വച്ചു കൊടുത്തു കൊണ്ട് ചോദിച്ചു “ ഏട്ടനെന്താ അമ്പലത്തില് ” അവള് അത്ഭുതത്തോടെ ചോദിച്ചു “ അതെന്താ എനിക്ക് അമ്പലത്തില് വന്നൂടേ ” ഞാൻ തിരിച്ചും ചോദിച്ചു “ അതല്ല ... ഏട്ടൻ .. ” “ നീ നിന്ന് കിന്നരിച്ചോണ്ട് നിക്കാണ്ട് ഇങ്ങ് വന്നേ ” ഞാനവളെയും വലിച്ച് അമ്പലത്തിനകത്തേക്ക് നടന്നു ചെരുപ്പും ഷർട്ടും ഊരി ,, ഷർട്ട് കയ്യിൽ പിടിച്ച് അമ്പലത്തിനകത്തേക്ക് വലതു കാൽ വച്ച് കയറി ... എന്തോ പറഞ്ഞറിയിക്കാൻ പറ്റാത്ത ഒരു ഫീൽ ..

ഉള്ളിലിരുന്ന് ആരൊക്കെയോ പുഞ്ചിരിക്കുന്ന പോലെ ... ഒരുപാട് കാലങ്ങൾക്ക് ശേഷം കാണാൻ പോകുന്ന കൃഷ്ണന്റെ വിഗ്രഹം ഓർമ്മയിൽ നിന്ന് പൊടി തട്ടിയെടുത്തു മനസ്സ് എന്തിനെന്നറിയാതെ മിടിക്കുന്നു ... വായിലെ ഉമിനീര് വറ്റന്ന പോലെ ... തല കറങ്ങുന്ന ഒരു ഫീൽ ... എന്റെ ലെെഫില് ആദ്യമായിട്ടാണ് ഇത്തരമൊരു ഫീൽ .... ഓരോ കാൽചുവടും വച്ച് കൃഷ്ണ വിഗ്രഹത്തിന് മുന്നിലെത്തി ... കൺകുളിർക്കെ കൃഷ്ണനെ കണ്ടു .. വർഷങ്ങൾക്ക് മുൻപ് ദേവൂട്ടിയുടെ കൂടെ വന്നാണ് ഈ കൃഷ്ണനെ അവസാനമായി കണ്ടത് ... അതിന് ശേഷം ഇന്നാണ് ഞാനീ അമ്പലനടയിൽ കാലു കുത്തുന്നത് . എന്റെ കൂടെ ഇപ്പോഴും ദേവൂട്ടി ഉണ്ട് എന്ന വിശ്വാസത്തോടെ പതിയെ കെെ രണ്ടും ഉയർത്തി കെെ കൂപ്പി നിന്നു ... കണ്ണുകൾ അടഞ്ഞു .. മുന്നിൽ ഹോസ്പിറ്റലിൽ കിടക്കുന്ന കുട്ടന്റെ മുഖം മാത്രം . ഒരു യുഗം പ്രാർത്ഥിക്കാനുള്ള കാര്യങ്ങൾ വെറും പത്ത് മിനിറ്റ് കൊണ്ട് പ്രാർത്ഥിച്ചിട്ട് ഒന്ന് പ്രദക്ഷിണം വച്ചു ... അത് കഴിഞ്ഞ് പൂജാരിയുടെ കയ്യിൽ നിന്ന് പ്രസാദം വാങ്ങി . എന്നെ കണ്ടപ്പോൾ പൂജാരി മനസ്സ് നിറഞ്ഞ ഒരു പുഞ്ചിരി സമ്മാനിച്ചു ,, ഞാൻ തിരിച്ചും . പ്രസാദം വാങ്ങി ഞാൻ പുറത്തേക്കിറങ്ങി . അഹാന അപ്പോഴും പ്രാർത്ഥിച്ചു കൊണ്ടിരിക്കുകയായിരുന്നു . ഞാൻ ഷർട്ടിട്ട് നേരെ കാറിനടുത്തേക്ക് നടന്നു .. ✨✨✨✨✨✨✨✨✨✨✨✨✨✨✨✨ [ അഹാന ] എന്റെ കൃഷ്ണാ .... നിനക്കൊരുപാട് നന്ദിയുണ്ട് ,,

എന്റെ ശ്രീയേട്ടനെ രക്ഷിച്ചതിനും ,, എന്റെ ആദിയേട്ടന്റെ മനസ്സ് മാറ്റി അമ്പലത്തിൽ വരാൻ തോന്നിച്ചതിനും എന്താണാവോ ആദിയേട്ടന് ഇങ്ങനെ തോന്നാൻ .... ശ്രീയേട്ടന് ആക്സിഡന്റായത് കൊണ്ടായിരിക്കും ,, അല്ലെങ്കി ശ്രീയേട്ടൻ രക്ഷപ്പെട്ടതു കൊണ്ടായിരിക്കാം ,, എന്തു തന്നെയായാലും എന്റെ ആദിയേട്ടൻ അമ്പലത്തിൽ ഒന്ന് വന്നല്ലോ ,,, എനിക്കത് മതി . ഈ ജന്മം കാണാൻ സാധിക്കില്ല എന്ന് വിചാരിച്ചിരുന്ന ഒന്നാണത് . എന്തായാലും കൃഷ്ണൻ ഞങ്ങളുടെ കൂടെയാണ് ,, അതുകൊണ്ടല്ലേ ശ്രീയേട്ടൻ രക്ഷപെട്ടതും ആദിയേട്ടൻ അമ്പലത്തിൽ വന്നതും ഒരുപാട് നേരം കണ്ണടച്ച് നിന്ന് പ്രാർത്ഥിച്ചു ,, കൂടുതലും നന്ദി പറച്ചിലായിരുന്നു പ്രദക്ഷിണം കഴിഞ്ഞ് പ്രസാദം വാങ്ങി പുറത്തേക്ക് ചെന്നപ്പോൾ ആദിയേട്ടൻ കാറിൽ ചാരി നിൽക്കുന്നുണ്ടായിരുന്നു . ഞാൻ ചെന്ന് പ്രസാദം തുറന്ന് അതിൽ നിന്ന് ചന്ദനം എടുത്ത് ഏട്ടന്റെ നെറ്റിയിലും കഴുത്തിലും തൊട്ടുകൊടുത്തു . ഏട്ടൻ എനിക്കും തൊട്ടുതന്നു പിന്നെ കാറിൽ കയറി വീട്ടിലേക്ക് തിരിച്ചു ... ഞങ്ങള് വീട്ടുമുറ്റത്തെത്തിയതും അമ്മയും അച്ഛനും എങ്ങോട്ടോ പോകാൻ വേണ്ടി ഇറങ്ങുകയായിരുന്നു “ എങ്ങോട്ടാ അച്ഛാ പോകുന്നെ ” ഞാൻ കാറിൽ നിന്നിറങ്ങി അച്ഛനോട് ചോദിച്ചു “ ശ്രീക്കുട്ടന്റെ അടുത്തേക്കാ മോളേ ” അച്ഛൻ അതും പറഞ്ഞ് കാറെടുക്കാൻ വേണ്ടി തിരിഞ്ഞതും അവിടെത്തന്നെ സ്റ്റക്കായി നിന്നു ,,, കൂടെ അമ്മയും ഇവർക്ക് രണ്ട് പേർക്കും ഇതെന്ത് പറ്റി എന്ന് കരുതി തിരിഞ്ഞ എനിക്ക് കാര്യം മനസ്സിലായി ,,,

രണ്ട് പേരും ആദിയേട്ടനെ കണ്ടുകൊണ്ടുള്ള നിൽപ്പാണത് . ഏട്ടന്റെ നെറ്റിയിൽ തന്നെ ചന്ദനക്കുറി ഉണ്ടല്ലോ ,, അതാണ് “ ദേവകീ ,,, അതാരാ ആ വരുന്നെ ” അച്ഛൻ ഏട്ടനിൽ നിന്ന് കണ്ണെടുക്കാതെ തന്നെ അമ്മയോട് ചോദിച്ചു “ ആദിയെപ്പോലെ തന്നെയുണ്ടല്ലോ ” അമ്മയും ഏട്ടനെ നോക്കിക്കൊണ്ട് തന്നെ പറഞ്ഞു ഞാനാണെങ്കി ഈ കാഴചയൊക്കെ കണ്ട് ചിരിച്ച് മറിയാണ് 😂😂 “ ആദിയെപ്പോലെയല്ല ,, ആദി തന്നെയാ ” ഏട്ടൻ അമ്മയുടെയും അച്ഛന്റെയും നടുവിൽ കയറി നിന്നുകൊണ്ട് പറഞ്ഞു “ നീ .. നീ അമ്പലത്തിൽ പോയോ ” അമ്മ വിശ്വാസം വരാത്ത രീതിയിൽ ഏട്ടനു നേരെ കെെ ചൂണ്ടിക്കൊണ്ട് ചോദിച്ചു “ ആഹ് ,, പോയി .. എന്തേ ” ഏട്ടൻ യാതൊരു ഭാവവ്യത്യാസവും ഇല്ലാതെ പറഞ്ഞു “ എന്റെ കൃഷ്ണാ ,, നിനക്കൊരായിരം നന്ദി ... ഇന്ന് ഞാനൊരു പുഷ്പാർച്ചന നടത്തിയേക്കാം ” അതും പറഞ്ഞ് അമ്മ ഏട്ടന്റെ തല പിടിച്ച് താഴ്ത്തി ഏട്ടന്റെ നെറ്റിയിൽ ഒരുമ്മ കൊടുത്തു “ ഞങ്ങള് പോയിട്ട് വരാട്ടോ ” അച്ഛൻ അതും പറഞ്ഞ് മുന്നിൽ നടന്നു ,, പുറകെ അമ്മയും ഞങ്ങള് രണ്ട് പേരും ഡോർ തുറന്ന് അകത്തേക്ക് കയറി ...

ഏട്ടൻ ഏട്ടന്റെ റൂമിലേക്കും പോയി ,, ഞാനെന്റെ റൂമിലേക്കും .. റൂമിൽ ചെന്ന് ഫ്രഷായി താഴെ എത്തിയപ്പോൾ ഏട്ടൻ ടെെനിംങ് ടേബിളിനു മുന്നിലെത്തിയിരുന്നു . ഞാനും ചെന്ന് ഒരു ചെയറിൽ ഇരുന്നു “ നീ ഇന്ന് ഓഫീസിൽ പോണില്ലേ ” ഞാൻ റെഡിയാകാത്തത് കൊണ്ടായിരിക്കും ഏട്ടൻ അങ്ങനെ ചോദിച്ചത് “ ഇല്ല ” ഞാൻ പറഞ്ഞു “ അതെന്തേ ” ഏട്ടൻ കുറച്ച് ഗൗരവത്തിൽ ചോദിച്ചു “ പ്ലീസ് ഏട്ടാ ,, നാളെ പൊയ്ക്കോളാം ” “ മ്മ് ” ഏട്ടനൊന്ന് അമർത്തി മൂളി ഏട്ടൻ വേഗം തന്നെ ബ്രേക്ക്ഫാസ്റ്റ് കഴിഞ്ഞ് എഴുന്നേറ്റു “ ഏട്ടൻ ഓഫീസിലേക്കല്ലേ ?? ” ഞാൻ കഴിച്ചു കൊണ്ട് ചോദിച്ചു “ അല്ല ” “ പിന്നെ ?? ” ഞാൻ നെറ്റി ചുളിച്ചു കൊണ്ട് ചോദിച്ചു “ വേറെ ഒരു സ്ഥലം വരെ പോകാനുണ്ട് ” ✨✨✨✨✨✨✨✨✨✨✨✨✨✨✨✨ [ ആദി ] അഹാനയോട് കുടുതൽ വിശദീകരിക്കാൻ നിക്കാതെ ഞാൻ കാറിന്റെ കീ എടുത്ത് പുറത്തേക്കിറങ്ങി കാറിൽ കയറി കാർ സ്റ്റാർട്ട് ചെയ്ത് പോന്നു ... എന്റെ ലക്ഷ്യസ്ഥാനം മാത്രം മുന്നിൽ കണ്ടുകൊണ്ട് .........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...