🔥 ചെകുത്താൻ 🔥 : ഭാഗം 38

രചന: ആമി

ഞാൻ കടുവയെയും ആ അമ്പലത്തെയും മാറി മാറി നോക്കി .... ഒരുവേള എന്റെ നോട്ടം അമ്പലത്തിൽ തറഞ്ഞപ്പോൾ എന്റെ കഴുത്തിലൂടെ എന്തോ ഒന്ന് അരിക്കുന്നതു പോലെ തോന്നി ... ഞാൻ വേഗം കഴുത്തിൽ തൊട്ടുനോക്കി ,,,, ഒരു ചരടിൽ എനിക്ക് പിടുത്തം കിട്ടി .... ഞാൻ വേഗം അത് കയ്യിലെടുത്ത് പൊക്കി തല താഴ്ത്തി നോക്കി ,,,,,,,,,,,,,,,, “ താലി 😳😳😱😱😱 ” ( തുടരും ) ✨✨✨✨✨✨✨✨✨✨✨✨✨✨✨✨ “ താലി 😳😳😱😱😱 ” എന്റെ ചുണ്ടുകൾ മന്ത്രിച്ചു ഞാൻ തല ചെരിച്ച് കടുവയെ നോക്കി ,, ഒന്നും സംഭവിച്ചിട്ടില്ലാത്ത പോലെ കണ്ണടച്ച് കെെ കൂപ്പി നിന്ന് എന്തൊക്കെയോ പ്രാർത്ഥിക്കുവാണ് ... എന്റെ കണ്ണുകൾ നിറഞ്ഞൊഴുകി ,,, അഞ്ച് വർഷം കൊണ്ട് ഞാൻ കണ്ട സ്വപ്നമാണ് ഇന്ന് ഈ ഒരൊറ്റ നിമിഷം കൊണ്ട് ആ കടുവ തകർത്തത് 😭😭 കണ്ണ് നിറഞ്ഞൊഴുകുന്നതിനനുസരിച്ച് എന്റെ കാഴ്ച കുറഞ്ഞു വന്നു ,,, ആ അമ്പലം ചുറ്റിനും കറങ്ങുന്നത് പോലെ തോന്നി ,,, പതിയെ ഞാൻ ഭൂമിയിലേക്ക് നിലംപതിച്ചു .. ✨✨✨✨✨✨✨✨✨✨✨✨✨✨✨✨ [ ആദി ]

നീർക്കോലിയെ ആ ഫോട്ടോഗ്രഫർ ഇന്റർവ്യൂ ഹോളിലേക്ക് വലിച്ച് കയറ്റുന്നത് സി.സി.ടി.വി ഫൂട്ടേജിൽ കണ്ടു കൊണ്ടാണ് ഞാൻ താഴേക്ക് ഇറങ്ങി വന്നത് . അപ്പോ അവൻ അവളോട് പറയുന്ന കാര്യം കേട്ടതും എനിക്കാകെ എരിഞ്ഞ് കയറി വന്നു .. അവൾക്ക് ഒന്നും മിണ്ടാതെ നിന്നാ മതിയായിരുന്നു . അവളവനെ തിരിച്ച് വിളിച്ചത് കേട്ടപ്പോഴാണ് എനിക്കെന്നെ തന്നെ നിയന്ത്രിക്കാൻ കഴിയാതെ പോയത് .. അതുകൊണ്ട് തന്നെയാണ് ഞാനവിടുന്ന് അവളെയും വലിച്ചു കൊണ്ട് പോന്നത് ... നേരെ വന്നത് ഞങ്ങളുടെ വീടിനടുത്തുള്ള ഒരു ചെറിയ അമ്പലത്തിലേക്കാണ് . ഈ അമ്പലത്തിന് ചുറ്റും കാവാണ് . ഇവിടെ പൂജയൊന്നും ഇല്ല ,, ആരും തന്നെ ഇവിടെ വരാറുമില്ല .. പണ്ട് ഞാനും ദേവൂട്ടിയും എന്തെങ്കിലും വിശേഷദിവസങ്ങളിൽ ഇവിടെ വരുമായിരുന്നു .... 😇 പോരുന്ന വഴിയിൽ ഒരു ഷോപ്പിൽ കയറി ഒരു മഞ്ഞച്ചരടിൽ കോർത്ത താലി വാങ്ങി പോക്കറ്റിൽ വച്ചിരുന്നു .

ഇനി എന്തു തന്നെയായാലും ഇവളെ ഞാൻ കെെവിടില്ല എന്ന ഉറച്ച തീരുമാനത്താലാണ് ഞാൻ ആ താലി അവളുടെ കഴുത്തിൽ കെട്ടിയത് 💓 അവളുടെ കഴുത്തിൽ എന്റെ കെെ കൊണ്ടുള്ള താലി വീണുകഴിഞ്ഞതും ഞാൻ കണ്ണടച്ച് പിടിച്ച് കെെ കൂപ്പി പ്രാർത്ഥിച്ചു ,,,, അവളോട് ചെയ്ത തെറ്റിന് മനസ്സു കൊണ്ട് ഒരായിരം ക്ഷമ ചോദിച്ചു പെട്ടെന്നാണ് എന്തോ സൗണ്ട് കേട്ടത് ,,, കണ്ണ് തുറന്ന് നോക്കിയ ഞാൻ കണ്ടത് താഴെ വീണുകിടക്കുന്ന നീർക്കോലിയെയാണ് .. ഇതൊക്കെ ഞാൻ പ്രതീക്ഷിച്ചതാണ് . അതുകൊണ്ട് തന്നെ ഞാൻ ടെൻഷനാവാതെ അവളെ എന്റെ കയ്യിൽ കോരിയെടുത്ത് മൂന്ന് പ്രാവശ്യം ആ അമ്പലത്തിന് ചുറ്റും വലയം വച്ച് അവളെയും കൊണ്ട് കാറിനരികിലേക്ക് നടന്നു .... കാറിനടുത്തെത്തി ബാക്ക് ഡോർ തുറന്ന് അവളെ സീറ്റിലേക്ക് കിടത്തി ഡോറിന്റെ സെെഡിൽ വച്ചിരിക്കുന്ന ബോട്ടിൽ എടുത്ത് അടപ്പ് തുറന്ന് കുറച്ച് വെള്ളം കയ്യിലെടുത്ത് അവളുടെ മുഖത്തേക്ക് തളിച്ചു . അവള് പതിയെ കണ്ണുകൾ വലിച്ചു തുറന്നു . എന്നെ കണ്ടതും അവള് ഞാൻ കെട്ടിയ താലിയിൽ പിടുത്തം മുറുക്കി ,, മുഖത്ത് ദേഷ്യം പ്രകടമായി ...

പക്ഷേ ഞാനതൊന്നും കാര്യമാക്കാതെ അവൾക്ക് വെള്ളം കുടിക്കാൻ കൊടുത്തു .. പക്ഷേ അവളൊരു പെണ്ണാണെങ്കി അവളാ വെള്ളം കുടിച്ചില്ല .... 😇 അതെന്തായാലും എനിക്കിഷ്ടപ്പെട്ടു ,,,, ഈ ആദവ് കൃഷ്ണയുടെ പെണ്ണിന് കുറച്ചധികം വാശിയും ദേഷ്യവും നല്ലതാ 😉😌 ഞാൻ പിന്നെ അവളെ നിർബദ്ധിച്ച് കുടിപ്പിക്കാനൊന്നും നിന്നില്ല ,,, ബോട്ടിൽ എടുത്തിടത്ത് തന്നെ വച്ച് ഡോർ അടച്ച് ഡ്രെെവിംഗ് സീറ്റിൽ കയറിയിരുന്ന് ഞാൻ കാർ ഓടിച്ച് വീട് ലക്ഷ്യമാക്കി കുതിച്ചു .... ✨✨✨✨✨✨✨✨✨✨✨✨✨✨✨✨ [ ഇഷു ] ഈ കടുവ എന്നെയും കൊണ്ട് ഇതെങ്ങോട്ടാണോ എന്തോ പോകണത് 😬😬 ഞാൻ കടുവയെ മെെന്റ് ചെയ്യാതെ തന്നെ ഇരുന്നു .... അഞ്ച് മിനിറ്റിന് ശേഷം കടുവ ബ്രേക്ക് പിടിച്ച് കാർ നിർത്തിയപ്പോൾ ഞാൻ തലയുയർത്തി നോക്കി ,,, ഒരു വലിയ വീടിനു മുന്നിലാണ് കാർ നിർത്തിയിരിക്കുന്നത് . കടുവയുടെ വീടായിരിക്കും ഇത് .... കടുവ കാറിൽ നിന്നിറങ്ങി ഞാനിരിക്കുന്ന സെെഡിലെ ഡോർ തുറന്ന് തന്നു . പക്ഷേ ഞാനിറങ്ങിയില്ല ... “ ഇറങ്ങ് ” കടുവ സൗമ്യമായി പറഞ്ഞു പക്ഷേ എനിക്കെന്തോ വല്ലാതെ സങ്കടം വന്നു . എന്റെ വീട്ടിലേക്ക് പോകാനും റിനീഷിക്കാനെ കാണാനുമൊക്കെ തോന്നി .

ഞാൻ കണ്ണ് നിറച്ച് തല താഴ്ത്തി താഴേക്ക് തന്നെ നോക്കിയിരുന്നു “ ഛീ ,,, ഇറങ്ങെടീ ” പെട്ടെന്നാണ് കടുവയുടെ അലറൽ കേട്ടത് . അത് കേട്ടതും ഞാൻ ചാടിയിറങ്ങി കടുവയിൽ നിന്ന് കുറച്ചകലം പാലിച്ച് നിന്നു ... “ ഇനി എന്നെ കൊണ്ട് ഒരു കാര്യവും രണ്ടാമത് ഒരു വട്ടം കൂടി പറയിപ്പിക്കരുത് ,, കേട്ടല്ലോ ” കടുവ ഡോർ അടച്ചു കൊണ്ട് പറഞ്ഞു . ഞാൻ പക്ഷേ അതൊന്നും കേട്ട ഭാവം പോലും നടിച്ചില്ല .... “ നടക്ക് ” കടുവ മുൻപിൽ കയറി നിന്ന് എന്നോട് പറഞ്ഞു . ഞാൻ നിന്നിടത്ത് നിന്ന് ഒരടി അനങ്ങിയില്ല എന്നോട് പറഞ്ഞിട്ട് ഒരു കാര്യവും ഇല്ലാത്തതു കൊണ്ടാകാം കടുവ എന്നെ രണ്ട് കയ്യിലുമായി കോരിയെടുത്തു “ വിട് ... വിടാനാ പറഞ്ഞെ ... 😬😡 ” ഞാൻ ഒച്ചയെടുത്ത് പറഞ്ഞു “ ഇനി നീ മിണ്ടിയാ നിന്നെ ഞാൻ താഴെയിടും , അത് വേണോ ” കടുവ എന്റെ മുഖത്തേക്ക് നോക്കി ഗൗരവത്തിൽ ചോദിച്ചു ഇങ്ങേര് പറഞ്ഞാ പറഞ്ഞത് പോലെ തന്നെ ചെയ്യുമെന്നറിയാവുന്നത് കൊണ്ട് ഞാൻ പിന്നെ ഒന്നും മിണ്ടാൻ നിന്നില്ല . വീടിന്റെ ഡോറിനു മുന്നിലെത്തിയതും കടുവ എന്നെ താഴെ നിർത്തി . ഞാൻ ടോപ്പ് നേരെയാക്കിക്കൊണ്ട് നേരെ നോക്കിയപ്പോ ഒരു ചേച്ചിയെ കണ്ടു ....

കണ്ടിട്ട് കടുവയുടെ അമ്മയാണെന്ന് തോന്നുന്നു . ഞാൻ ദയനീയമായി അവരെ നോക്കി .. അവര് കടുവയെ ഒന്ന് നോക്കിയിട്ട് അകത്തേക്ക് തന്നെ പോയി . ഞാൻ തല ചെരിച്ച് കടുവയെ നോക്കിയപ്പോ കടുവ എന്തോ പോയ പോലെ നിൽക്കുന്നത് കണ്ടു . ഞാനങ്ങനെ കടുവയെ തന്നെ നോക്കി നിൽക്കുന്നതിനിടയിലാണ് കടുവയുടെ മുഖം പൂർവ്വാധികം പ്രകാശിക്കുന്നത് കണ്ടത് . ഇതെങ്ങനെയാ ഇത്ര പെട്ടെന്ന് കടുവയുടെ മൂഡ് ചെയ്ഞ്ച് ആയതെന്ന് കരുതി ഞാൻ തല തിരിച്ച് അകത്തേക്ക് നോക്കി ,, അപ്പോ ഉണ്ട് ആ ചേച്ചി ചിരിച്ചോണ്ട് വരുന്നു ,,,, അതും വിത് നിലവിളിക്ക് ... 😇😇 ഇനി എന്തൊക്കെ കാണണമെന്റെ പടച്ചോനേ ...... 😱😱 ഞാൻ തല ചെരിച്ച് ദയനീയമായി കടുവയെ നോക്കിയപ്പോ കടുവ കണ്ണ് കൊണ്ട് ആ നിലവിളക്ക് വാങ്ങിക്കാൻ ആക്ഷൻ കാണിച്ചു ... ഞാനത് വാങ്ങാൻ മടിച്ചുനിന്നു . പക്ഷേ കടുവ ഒന്ന് കണ്ണുരുട്ടിയപ്പോൾ ആ മടിയൊക്കെ എങ്ങോട്ടെന്നില്ലാതെ ഓടിയൊളിച്ചു 😭 ഞാൻ കെെ നീട്ടി ആ നിലവിളക്ക് വാങ്ങിച്ചു 😭😭😭 “ വലതു കാൽ വച്ച് കയറ് മോളേ .. ” ഞാൻ അകത്തേക്ക് കയറാൻ തുടങ്ങിയതും അവര് പറഞ്ഞു . ഞാൻ ആ കടുവയെ എനിക്കറിയാവുന്ന സകല തെറിയും വിളിച്ച് പ്രാകിക്കൊണ്ട് വലതു കാൽ വച്ച് തന്നെ അകത്തേക്ക് കയറി 😬😬😡 ✨✨✨✨✨✨✨✨✨✨✨✨✨✨✨✨ [ ആദി ]

അമ്മ പറഞ്ഞതു പോലെ തന്നെ വലതു കാൽ വച്ച് തന്നെ ആ നീർക്കോലി അകത്ത് കയറി 😇😌 അമ്മ അവളെ നേരെ കൊണ്ടുപോയത് പൂജാമുറിയിലേക്കാണ് . അവള് പൂജാമുറിയിൽ കയറി വിളക്ക് കണ്ണന്റെ വിഗ്രഹത്തിനു മുന്നിൽ വച്ചിട്ട് പുറത്തേക്ക് ഇറങ്ങി വന്നു .. “ മോള് പോയി ഫ്രഷായിട്ട് പോരേ ” എന്ന് പറഞ്ഞ് അമ്മ അവളുടെ തലയിൽ ഒന്ന് തലോടിയിട്ട് കിച്ചണിലേക്ക് പോയി അവള് തിരിഞ്ഞ് നിന്ന് എന്നെ നോക്കി ,,,,, ആ നോട്ടത്തിലുണ്ടായിരുന്നു എന്നോടുള്ള സകല ദേഷ്യവും 😁 “ മുകളില് ആ കോറിഡോറിനടുത്തുള്ള റൂമാണ് ” ഞാൻ പറഞ്ഞു തീർന്നതും അവള് ചവിട്ടിത്തുള്ളി മുകളിലേക്ക് കയറിപ്പോയി പുറകെ തന്നെ ഞാനും കയറാൻ പോയപ്പോഴാണ് അവൾക്ക് മാറ്റി ഇടാൻ വേറെ ഡ്രസ്സ് ഒന്നുമില്ല എന്ന കാര്യം ഓർത്തത് .... പിന്നെ ഒന്നും ചിന്തിക്കാതെ നേരെ കാർ എടുത്ത് പോയി . ആലുവയിലെത്തി ഒരു ലേഡീസ് ഷോപ്പിൽ കയറി ഒരു അഞ്ചാറ് ജോഡി ഡ്രസ്സ് വാങ്ങിച്ചു . കറക്ട് അളവൊന്നും അറിയില്ല ,, എങ്കിലും ഒരൂഹം വച്ച് എടുത്തതാണ് ഡ്രസ്സ് എടുത്ത് കഴിഞ്ഞ് വേഗം തന്നെ വീട്ടിലെത്തി നേരെ റൂമിലേക്ക് ചെന്നു . അപ്പോ അവള് സെറ്റിയിൽ തല വച്ച് നിലത്ത് ഇരിക്കുകയായിരുന്നു .

കണ്ണിൽ നിന്ന് വെള്ളം വന്നു കൊണ്ടിരിക്കുന്നുണ്ട് . അത് കണ്ടപ്പോ എന്റെ ചങ്കിൽ നിന്ന് ചോര വരുന്നത് പോലെ തോന്നി എനിക്ക് 😕 ഞാൻ ചെന്ന് ആ കവറുകൾ സെറ്റിയിലേക്കിട്ടു . അവള് ഞെട്ടി തലയുയർത്തി നോക്കി . എന്നെ കണ്ടതും കണ്ണ് രണ്ടും തുടച്ച് എഴുന്നേറ്റ് നിന്നു . “ നിനക്കുള്ള ഡ്രസ്സുകളാണ് ,, പോയി ഫ്രഷായി വാ ” ഞാനതും പറഞ്ഞ് തിരിഞ്ഞ് ഒരു ടവ്വൽ എടുത്ത് അഹാനയുടെ റൂമിലേക്ക് പോയി അഹാനയുടെ റൂമിൽ ചെന്ന് അവിടുത്തെ ബാത്റൂമിൽ കയറി ഫ്രഷായി ഒരു ടീഷർട്ടും ട്രാക്സ്യൂട്ടും ഇട്ട് തല തുവർത്തിക്കൊണ്ട് റൂമിലെത്തിയപ്പോൾ കണ്ടത് എന്തൊക്കെയോ ആലോചിച്ചു കൊണ്ട് തല തുവർത്തുന്ന നീർക്കോലിയെയാണ് “ താഴേക്ക് പോരെ , എന്തെങ്കിലും കഴിക്കാം ” ഞാൻ ടവ്വൽ ഹാങ്കറിൽ വിരിച്ചിട്ടു കൊണ്ട് പറഞ്ഞു “ എനിക്കൊന്നും വേണ്ട ” അവള് തിരിഞ്ഞു നോക്കാതെ തന്നെ പറഞ്ഞു “ ഇവിടെ ആരും നിന്നെ വന്ന് നിർബദ്ധിപ്പിച്ച് വാരിത്തന്ന് കഴിപ്പിക്കുവൊന്നും ഇല്ല , വേണേ വന്ന് കഴിച്ചാ നിനക്ക് കൊള്ളാം ”

എന്നും പറഞ്ഞ് ഞാൻ താഴേക്ക് പോയി ... ✨✨✨✨✨✨✨✨✨✨✨✨✨✨✨✨ [ ഇഷു ] റിനീഷിക്കാനെ കാണാനും സംസാരിക്കാനും ഒക്കെ കൊതിയാകുന്നു . പക്ഷേ ഒന്ന് വിളിക്കാമെന്ന് വിചാരിച്ചാ എന്റെ ഫോൺ ആണെങ്കി കാണാനും ഇല്ല 😬 ഞാൻ ഓഫീസിൽ നിന്ന് ഇറങ്ങുമ്പോഴും അവിടെ ആ അമ്പലത്തിൽ ഇറങ്ങിയപ്പോഴും എന്റെ കയ്യിൽ ഫോൺ ഉണ്ടായിരുന്നുവെന്നത് എനിക്കുറപ്പാണ് . പക്ഷേ ഇപ്പോ അത് കാണുന്നില്ല . എന്റെ ബലമായ സംശയം ഞാൻ തലചുറ്റി വീണപ്പോ അത് ആ അമ്പലത്തിനടുത്ത് തന്നെ വീണുപോയി എന്നാണ് 😬😬 കടുവ ഫുഡ് കഴിക്കാൻ വിളിച്ചെങ്കിലും എനിക്കെന്തോ വേണ്ടെന്ന് തോന്നി . കുറച്ച് സമയം കൂടി അങ്ങനെ ആ റൂമിൽ നിന്നു . കുറേ നേരം ആ നിൽപ്പ് തുടർന്നു .... എങ്ങനെയെങ്കിലും ഇവിടുന്ന് പുറത്ത് കടക്കണമെന്ന ഒരേ ഒരു ചിന്തയേ ഉള്ളൂ ഇപ്പോ എന്റെ മനസ്സില് ... ബാക്കിൽ ആരുടെയോ കാൽപ്പെരുമാറ്റം കേട്ടപ്പോൾ അത് കടുവ ആയിരിക്കുമെന്ന ചിന്ത എന്റെ ഉള്ളിലുയർന്നു . അതുകൊണ്ട് തന്നെ ഞാൻ തിരിഞ്ഞ് നോക്കാൻ കൂട്ടാക്കിയില്ല 😬 “ മോളെന്താ താഴേക്ക് വരാതിരുന്നെ ,,,, അവനോട് ചോദിച്ചപ്പോ ഒന്നും മിണ്ടാതെ കാറും എടുത്ത് എങ്ങോട്ടോ പോയി ”

ബാക്കിന്ന് അമ്മയുടെ സൗണ്ട് കേട്ടതും ഞാൻ തിരിഞ്ഞ് നോക്കി ... അപ്പോ കടുവ ഇവിടെ ഇല്ലാലേ ,,,, അപ്പോ ഇവിടുന്ന് പോകാൻ ഇത് തന്നെ നല്ല അവസരം എന്ന് കരുതി അമ്മയെ നോക്കിയപ്പോൾ അമ്മ ഒന്ന് ചിരിച്ചു കാണിച്ചു . ആ കടുവയുടെ അമ്മ തന്നെയാണോ ഇതെന്ന് ഒരു നിമിഷം ഞാനൊന്നാലോചിച്ചു പോയി ,,, കാരണം എന്ത് പാവമാ ഈ അമ്മ ... 😇 ഈ അമ്മക്കെങ്ങനെയാ ഇതുപോലൊരു ചെകുത്താൻ മകനായി ജനിച്ചത് 😬 “ അവൻ ഒരു ദിവസം എന്നോട് പറഞ്ഞിരുന്നു ,, അവനിഷ്ടപ്പെട്ട പെണ്ണിനെ അവൻ തന്നെ കണ്ടുപിടിച്ച് കെട്ടിക്കൊണ്ട് വന്നോളാമെന്ന് . പക്ഷേ അതിത്ര പെട്ടെന്ന് നടക്കുമെന്ന് അന്ന് എനിക്കറിയില്ലായിരുന്നു ” അമ്മ പറഞ്ഞു നിർത്തി . ഞാൻ തലയുയർത്തി അമ്മയുടെ മുഖത്തേക്ക് നോക്കി ,,, കണ്ണ് ചെറുതായി നനഞ്ഞിട്ടുണ്ട് . അത് മകന്റെ കല്യാണം കൂടാൻ കഴിഞ്ഞില്ലല്ലോ എന്നോർത്തായിരിക്കുമെന്ന് മനസ്സിലാക്കാൻ എനിക്കധികം നേരമൊന്നും വേണ്ടി വന്നില്ല ... “ അമ്മേ ,,, ഞാൻ ... എനിക്ക് .... ” ഞാൻ എന്തു പറയണമെന്നറിയാതെ കുഴഞ്ഞു “ മോളൊന്നും പറയണ്ട ,, താഴേക്ക് വാ ,,, അമ്മ ചായ എടുത്ത് വച്ചിട്ടുണ്ട് ” എന്നും പറഞ്ഞ് എന്നെക്കൊണ്ട് മറുത്തൊന്നും പറയാനനുവദിക്കാതെ എന്റെ കയ്യിൽ പിടിച്ച് വലിച്ചു കൊണ്ട് താഴേക്ക് നടന്നു താഴെ എത്തി എന്നെ ഒരു ചെയറിൽ ഇരുത്തിയിട്ട് അമ്മ കിച്ചണിലേക്ക് നടന്നു .

കുറച്ച് സമയത്തിന് ശേഷം അമ്മ ഒരു ഗ്ലാസിൽ ചായയുമായി വന്നു . അമ്മയെ കണ്ടതും ഞാൻ ഇരുന്നിടത്ത് നിന്ന് എഴുന്നേറ്റ് നിന്നു “ എഴുന്നേക്കുവൊന്നും വേണ്ട മോളേ ,,,, ഇരുന്നോ ” എന്ന് പറഞ്ഞ് അമ്മ ചായ ടേബിളിൽ വച്ച് എന്റെ ഷോൾഡറിൽ പിടിച്ച് എന്നെ ചെയറിൽ ഇരുത്തി ഞാൻ മടിച്ച് മടിച്ച് ആ ഗ്ലാസ് കയ്യിലെടുത്തു . അപ്പോഴാണ് കിച്ചണിൽ നിന്ന് പുറത്തേക്ക് വരുന്ന ഒരു ചേച്ചിയെ കണ്ടത് . അപ്പോ തന്നെ ഗ്ലാസ് അവിടെ വച്ചിട്ട് ഞാൻ എഴുന്നേറ്റ് നിന്നു “ അയ്യോ ,,,, കുഞ്ഞെന്നെ കണ്ട് എഴുന്നേക്കുവൊന്നും വേണ്ട ,,, ഞാനിവിടുത്തെ സെർവന്റാ ” അവര് വളരെ താഴ്മയായി പറഞ്ഞു . ഞാൻ ഒന്ന് ചിരിച്ചു കാണിച്ചു കൊണ്ട് ഇരുന്നു “ ബിന്ദു ഇവിടെ കുറേ വർഷങ്ങളായി ഉള്ളതാ മോളേ ” അമ്മ പറഞ്ഞു . ഞാൻ ഒന്ന് ചിരിച്ചെന്ന് വരുത്തി . അല്ലാതെ ഞാനെന്ത് പറയാനാ 😬 ഞാൻ ഗ്ലാസ് കയ്യിലെടുത്ത് ഓരോ സിപ്പായി ചായ കുടിച്ചു കൊണ്ടിരുന്നു . അപ്പോഴും ഇവിടുന്നെങ്ങനെ പുറത്ത് കടക്കും എന്നത് മാത്രമായിരുന്നു എന്റെ ചിന്ത അപ്പോഴാണ് അമ്മ “ ഫോൺ ബെല്ലടിക്കുന്നുണ്ട് ,,,

മോളിരുന്ന് കുടിക്ക് ” എന്ന് പറഞ്ഞ് എഴുന്നേറ്റ് ഒരു റൂമിലേക്ക് ത് . ബിന്ദു പിന്നെയും കുറച്ച് നേരം എന്തൊക്കെയോ പറഞ്ഞ് നിന്നിട്ട് അവരും കിച്ചണിലേക്ക് പോയി ഇവിടുന്ന് പോകാൻ ഇതിലും നല്ലൊരവസരം എനിക്കിനി കിട്ടില്ല എന്നുറപ്പുള്ളതു കൊണ്ട് തന്നെ ഞാൻ ശബ്ദമുണ്ടാക്കാതെ ചെയർ നീക്കി ചെയറിൽ നിന്നെഴുന്നേറ്റു . എന്നിട്ട് പതിയെ ചുറ്റിനും ഒന്ന് നോക്കി ,,,, എങ്ങും നിശബ്ദത മാത്രം ....,,, ഇപ്പോ ഇവിടെങ്ങും ആരുമില്ല ... ഞാൻ പതിയെ ഓരോ ചുവടുകളായി വച്ച് പുറത്തേക്ക് നടന്നു ... നടന്ന് നടന്ന് ഡോറിന്റെ അടുത്തെത്തിയിട്ട് പതിയെ തലയിട്ട് പുറത്തേക്ക് നോക്കി ,,,,, ആരുമില്ല ✌✌ എന്നിട്ട് ഒന്നുകൂടി തിരിഞ്ഞു നോക്കി ,,,,, അകത്തും ആരുമില്ല ✌✌ പിന്നെ തിരിഞ്ഞു നോക്കാതെ പുറത്തേക്ക് ഒരൊറ്റ ഓട്ടമായിരുന്നു ..... പക്ഷേ ,,,,, ഓടി നേരെ ചെന്ന് എന്തിലോ തട്ടി നിന്നു ... ഞാൻ പതിയെ തലയുയർത്തി നോക്കി ... അവിടെ നിൽക്കുന്നവരെ കണ്ടതും ഈ നിമിഷം ഈ ഭൂമി പിളർന്ന് താഴേക്ക് പോയിരുന്നെങ്കിലെന്ന് ഞാൻ ആത്മാർത്ഥമായി പ്രാർത്ഥിച്ചു ... ഞാൻ തല കുനിച്ച് താഴെ നോക്കി നിന്നു ...........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...