CRAZY PARTNERS😎💞: ഭാഗം 44

രചന: ദേവാഗ്നി

ആരാധ്യയെ അവളുടെ റൂമിൽ കിടത്തി ശേഷം ശിവ പുറത്തേക്ക് പോയി അവന് പിറകെ ആയി അജുവും പുറത്തേക്ക് ഇറങ്ങി. അമ്മമാരും പിള്ളേരും കുറച്ചുനേരം അവൾക്കടുത്ത്‌ നിന്നെങ്കിലും അവൾക്ക് ക്ഷീണം ഉള്ളത് കൊണ്ട് റസ്റ്റ്‌ എടുക്കാൻ പറഞ്ഞു അവരും പുറത്തേക്ക് പോയി. ഇപ്പോൾ ആ മുറിയിൽ ആരാധ്യയും അവളുടെ അച്ഛനും മാത്രം ആണുള്ളത്. അയാൾ അവളുടെ അടുത്തിരുന്ന് തലയിൽ തലോടിയതും അവൾ അയാൾക്ക് നേരെ കണ്ണുകൾ ഉയർത്തി "മായമോള്"അയാൾക്ക് തൊണ്ടയിൽ നിന്നും ശബ്ദം പുറത്തേക്ക് വരുന്നില്ലായിരുന്നു. ഇടർച്ചയോടെ തന്നോട് സംസാരിക്കുന്ന അച്ഛനെ കാൺകെ ആരാധ്യയുടെ ചുണ്ടിൽ പുച്ഛത്താൽ ഒരു പുഞ്ചിരി വിടർന്നു "അവൾ മരിച്ചുമണ്ണടിഞ്ഞില്ലേ. ബോഡി നമ്മൾക്ക് വേണ്ടാ എന്ന് ഞാൻ പറഞ്ഞിട്ടുണ്ട് അവരോട് അതുകൊണ്ട് ഇനി അതുമായി ആരും ഇവിടേക്ക് വരില്ല"ആരാധ്യ ഫോൺ കൈയ്യിൽ എടുത്ത് അത് നോക്കിക്കൊണ്ട് പറഞ്ഞു "നിനക്ക് ഒട്ടും സങ്കടം ഇല്ലേ മോളേ"അയാൾ പകപ്പോടെ അതിലുപരി വേദനയോടെ ചോദിച്ചു

"ഞാനെന്തിന് വേദനിക്കണം വേദനിക്കാൻ മാത്രം ഇവിടെ ഇപ്പൊ എന്താ സംഭവിച്ചത് അവൾ മരിച്ചത് ആണോ എന്നാലേ എനിക്കതിനു ഒരു സങ്കടവും ഇല്ല"ആരാധ്യ "മോളേ അത് നിന്റെ കൂടപ്പിറപ്പ് അല്ലേ" "ഹും കൂടപ്പിറപ്പ്, എനിക്ക് ഇഷ്ടമില്ല അവളെ പണ്ട് മുതലേ അവളോട് ആയിരുന്നില്ലേ എല്ലാവർക്കും സ്നേഹം അവളെ കണ്ടുപഠിക്ക് അവളെ പോലെ ആവ്‌ ഇതുതന്നെ അല്ലേ സ്കൂളിലും വീട്ടിലും നാട്ടിലും പറഞ്ഞിരുന്നത്.എനിക്ക് പകയായിരുന്നു അവളോട് പലപ്പോഴും എന്റെ ഈ കൈകൾ കൊണ്ട് അവളെ കൊന്നുകളയാൻ വരെ തോന്നിയിട്ടുണ്ട്"ആരാധ്യ ഭ്രാന്തമായി പറഞ്ഞതും അയാൾ സ്തംഭിച്ചു നിന്നു "പക്ഷെ അവൾ ദ്രുവിനെ കണ്ടപ്പോൾ അവനെ ഇഷ്ടപ്പെട്ടു തുടങ്ങിയപ്പോൾ മുതൽ എന്റെ അരികിലേക്ക് വരുകയായിരുന്നു. അതിനിടയിൽ ആ ഗ്രീഷ്മയും ദ്രുവും ഇഷ്ടം ആണെന്ന് അറിഞ്ഞതും അവൾ അവനെ മറക്കാൻ നോക്കിയതാ എന്നാൽ ഞാൻ സമ്മതിക്കുമോ അവളുടെ ഉള്ളിൽ ഗ്രീഷ്മയോട് വെറുപ്പ് ഉണ്ടാക്കി രണ്ടിനെയും രണ്ട് പാത്രത്തിൽ ആക്കി. ആ ഗ്രീഷ്മയെ മറ്റൊരാളാൽ കീഴ്പ്പെടുത്തി ഇഞ്ചിഞ്ചായി കൊന്ന് അത് അവന്റെ തലയിൽ തന്നെ ഇട്ടുകൊടുത്തു"അവൾ ഒരു ഭ്രാന്തിയെ പോലെ അട്ടഹസിച്ചുകൊണ്ട് പറഞ്ഞു

"പിന്നെ ഞാൻ ഇതിനിടയിൽ കയറി കളിക്കുവായിരുന്നു ഇതിനിടയിൽ തന്നെ മായ എന്റെ കയ്യിലെ ഒരു കളിപ്പാവ ആയി മാറിയിരുന്നു. എന്നാൽ അവൾ എല്ലാവരും അകറ്റിയ അവനെ ചേർത്ത് പിടിച് അവനിൽ എന്നോടുള്ള ദേഷ്യം നിറച്ചു അതും ഞാനറിയാതെ. ഇത്രയും നാൾ ഒരുമിച്ചു നിന്ന് എല്ലാം ചെയ്തു അവസാനം എനിക്ക് കുറ്റം.ആ കനൽ അവളോടുള്ള എന്റെ ദേഷ്യത്തിന്റെ ചിതക്ക് തീകൊളുത്തിയിരുന്നു അതുകൊണ്ട് ആണ് അവൾ വഴി അവനെ ഡ്രഗ്സ്, കഞ്ചാവ്, മയക്കുമരുന്ന് തുടങ്ങിയവ എല്ലാം ശീലിപ്പിച്ചു.എന്നാൽ എന്തൊക്ക ആയാലും അവൻ സ്ത്രീകളെ ഒന്ന് നോക്കുക കൂടെ ചെയ്യില്ലായിരുന്നു എന്നാൽ അത് മാറ്റിഎടുക്കാൻ ഞങ്ങൾക്ക് അതികം സമയം വേണ്ടിവന്നില്ല അതും ചെയ്തു. അവസാനം അവനും അവന്റെ അനിയനും ചേർന്ന് ഒരു പെണ്ണിനെ ട്രാപ് ചെയ്ത് കൊന്നു. എന്നാൽ ഇതിന്റ ഒരു അവസാനം എനിക്ക് കാണേണ്ടിയിരുന്നത് മായയുടെ മരണം തന്നെ ആയിരുന്നു,അതും അവൾ ഈ ലോകത്ത് ഏറ്റവും അധികം സ്നേഹിക്കുന്നവന്റെ കൈ കൊണ്ട് തന്നെ. ആ നിമിഷം അവളുടെ മരണം കണ്ടപ്പോൾ എനിക്ക് ഉണ്ടായ സന്തോഷം പറഞ്ഞറിയിക്കാൻ കഴിയില്ല"

അവൾ എങ്ങോ നോക്കി പുഞ്ചിരിച്ചുകൊണ്ട് പറഞ്ഞതും ആ വൃദ്ധന് അത്കേട്ട് തറഞ്ഞിരിക്കാൻ മാത്രമേ കഴിഞ്ഞുള്ളു. അയാൾ നിറഞ്ഞുവന്ന കണ്ണുകൾ തുടച്ചുകൊണ്ട് പതിയെ എഴുന്നേറ്റ് ഡോറിന് അരികിലേക്ക് നടന്നു എന്നാൽ പുറത്ത് ഇറങ്ങുന്നതിന് മുൻപ് തന്നെ ഒരു പിൻവിളി കേട്ടതും അയാൾ തലചെരിച് അവളെ നോക്കി "ഇപ്പോൾ ഞാൻ ഇവിടെ ഉള്ളവരുടെ മുന്നിൽ സഹോദരി മരിച്ചു വിഷമിച്ചിരിക്കുന്ന പെണ്ണാണ്. ഇനി അത് അച്ഛനായിട്ട് മാറ്റാൻ നിൽക്കണ്ട. ഇങ്ങനെ ഒരു സന്ദർഭത്തിൽ അവർ ആരും ഒരിക്കലും ഇവിടെ നിന്ന് നമ്മളെ പറഞ്ഞു വിടില്ല അതാണ് എനിക്ക് വേണ്ടത്.ഇവിടെ നിൽക്കണം കുറേ കാര്യങ്ങൾ ചെയ്തു തീർക്കാൻ ഉണ്ട് അതിന് നിങ്ങൾ എന്റെ കൂടെ നിൽക്കണം നിന്നില്ലെങ്കിൽ സ്വന്തം അച്ഛൻ ആണെന്ന് ഉള്ള കാര്യം ഞാൻ അങ് മറക്കും മ്മ്മ്"അവൾ ചുണ്ടിൽ പുഞ്ചിരി വരുത്തികൊണ്ട് ഗൂഡമായി പറഞ്ഞതും അയാൾ നിർവികാരതയോടെ പുറത്തേക്ക് നടന്നു. തന്റെ മകൾ ഇത്രത്തോളം ക്രൂരആയി എന്നത് അയാൾക്ക് വിശ്വസിക്കാൻ കഴിഞ്ഞില്ല. ഇനി അവളുടെ കൂടെ നിന്നില്ലെങ്കിൽ മകളുടെ കൈയാൽ മരണപ്പെടേണ്ടി വരും എന്ന് മനസ്സിലാക്കിയതും അയാൾ വേദനയോടെ തന്നെ അവളുടെ പ്രവർത്തികളോട് ചേരാൻ തീരുമാനിച്ചു....... 🍁🍁🍁🍁🍁🍁🍁🍁🍁🍁🍁🍁🍁

ആദി ഫ്രഷ് ആയി ഇറങ്ങിയതും കാണുന്നത് ബെഡിൽ കിടക്കുന്ന ശിവയെ ആണ്. കൈയാൽ മുഖം മറച്ചാണ് അവന്റെ കിടത്തം. അവനെ ഒന്ന് നോക്കി ശേഷം അവൾ കണ്ണാടിക്ക് മുന്നിൽ വന്ന്നിന്ന് കണ്ണെഴുതി ഒരു കുഞ്ഞ് പൊട്ടുംതൊട്ട് ഒരു നുള്ള് സിന്ദൂരം നെറ്റിയിൽ ചാർത്തി. മുടി ഒതുക്കികൊണ്ട് കണ്ണാടിയിലേക്ക് നോക്കിയപ്പോൾ ആണ് ചരിഞ്ഞുകിടന്ന് കൈകൊണ്ട് തലതാങ്ങി തന്നെ നോക്കി കിടക്കുന്ന ശിവയെ അവൾ കാണുന്നത്. അവൾ കണ്ണാടിയിലൂടെ തന്നെ എന്താ എന്ന് പിരികം പൊക്കി ചോദിച്ചതും അവൻ ചുമൽകൂച്ചി "എന്താണ് mr. ഭർത്തു ഒരു മൂഡ്ഓഫ്‌"അവന് നേരെ തിരിഞ്ഞുനിന്ന് അവൾ ചോദിച്ചതും അവൻ ചിരിച്ചു "അല്ല നിനക്ക് ഇന്ന് കുശുമ്പ് ഒന്നും വന്നില്ലേ"ശിവ കുറുമ്പോടെ ചോദിച്ചതും അവൾ അവനെ നോക്കി കണ്ണുരുട്ടി "അല്ല എന്നോട് ആരാധ്യയുടെ പരിസരത്തേക്കേ പോവരുത് എന്ന് പറഞ്ഞിട്ടും ഞാൻ ഇന്ന് അവളെ എടുത്ത് റൂമിൽ ചെന്ന് കിടത്തിയില്ലേ അപ്പൊ കുശുമ്പ് അടിച്ചില്ലേ എന്റെ കുശുമ്പിപാറുന് ന്ന് ചോദിച്ചതാ"ശിവ ഇളിച്ചുകൊണ്ട് ചോദിച്ചതും ആദി അവന്റെ അടുത്തേക്ക് ചെന്ന് കളിയായി അവന്റെ കൈയ്യിൽ പിച്ചി

"ഔച് എന്തോന്നെടി"ശിവ കൈ തടവികൊണ്ട് അവളെ നോക്കി കണ്ണുരുട്ടി "പിന്നല്ലാതെ ഇങ്ങനെ ചോദിച്ചാൽ ഇനിയും എന്റെ കയ്യിന്ന് വേടിക്കും.ചേച്ചിക്ക് വയ്യാത്തത് കൊണ്ട് അല്ലേ എടുത്തത് അതോണ്ട് കുഴപ്പം ഇല്ല ചുമ്മാ കയറി എടുത്തത് ആയിരുന്നേൽ നിങ്ങളെ കൈയും കാലും ഞാൻ തല്ലിഓടിച്ചേനെ"ആദി അവനെ നോക്കി കണ്ണുരുട്ടികൊണ്ട് പറഞ്ഞതും അവൻ അറിയാതെ ചിരിച്ചുപോയി "അപ്പൊ കുശുമ്പ് വന്നതേ ഇല്ല"ശിവ "ഇല്ല്യാ"ആദി "ഒട്ടും ഇല്ല"ശിവ "ഇല്ലാന്ന് അല്ലേ പറഞ്ഞെ"ആദി "എന്നാലും ഇച്ചിരി എങ്കിലും"ശിവ പിന്നെയും ചോദിച്ചതും അവൾ ശ്വാസം വലിച്ചുവിട്ടു "നിങ്ങൾക്കിത് എന്തോന്ന് മനുഷ്യ. ശെരിയാ എനിക്ക് കുറച്ചു കുറച്ച്ന്ന് വെച്ചാൽ ഇച്ചിരി കുഞ്ഞ് കുശുമ്പ് വന്നിനും പിന്നെ ഞാൻ അത് വിട്ട്കളഞ്ഞു എന്ന് വിചാരിച്ചു ഇനിയും അവളെ അടുത്ത് പോവണ്ട കേട്ടല്ലോ"ആദി ഗൗരവത്തോടെ ചോദിച്ചതും ശിവ കുഞ്ഞുകുട്ടികളെ പോലെ തലകുലുക്കി. "അച്ചോടാ എന്തൊരു നിഷ്കളങ്കൻ🤭

"ആദി കളിയാക്കി ചിരിച്ചുകൊണ്ട് പറഞ്ഞതും അവനും അവളെ നോക്കി ചിരിച്ചു. അവളുടെ മുടിയിഴകളിൽ നിന്നു വെള്ളതുള്ളികൾ അവന്റെ മുഖത്തേക്ക് വീണതും അവൻ കണ്ണുകൾ ചുളിച്ചുകൊണ്ട് അവളെ നോക്കി.കണ്ണുകളിൽ കണ്മഷി എഴുതി ഒരു പൊട്ടും സിന്ദൂരവും തൊട്ട് ഈറനോടെ തനിക്കരികിൽ ഇരിക്കുന്ന ആദിയെ കാൺകെ അവൻ അവളെ തന്നെ നോക്കിനിന്നു.അവന്റെ കണ്ണുകൾ അവളുടെ മുഖത്തു പാഞ്ഞുനടന്നു അവസാനം അത് അവളുടെ വെള്ളക്കൽ മൂക്കുത്തിയിലും, അതിന് താഴെയായും അധരങ്ങൾക്ക് മുകളിൽ ആയും കാണുന്ന കുഞ്ഞു മറുകിലും താങ്ങി നിന്നു.തന്നെ കണ്ണിമ ചിമ്മാതെ നോക്കുന്ന ശിവയെ കാൺകെ അവൾക്ക് എന്തോ പോലെ തോന്നി. അവൾ പതിയെ ബെഡിൽ നിന്നും എഴുന്നേൽക്കാൻ നിന്നതും അപ്പോഴേക്കും അവന്റെ കൈ അവളുടെ കൈയിൽ പിടുത്തം ഇട്ടിരുന്നു. അവൾ മിഴികൾ ഉയർത്തി നോക്കിയതും അവളുടെ മിഴികൾ അവന്റെ കണ്ണുകളും ആയി കൊരുത്തു. അവൻ പതിയെ അവളുടെ മുഖത്തേക്ക് മുഖം അടുപ്പിച്ചു മൂക്കുത്തിയിൽ അമർത്തി ചുംബിച്ചു, പതിയെ അവന്റെ അധരം അവളുടെ കുഞ്ഞ് മറുകിലേക്ക് നീങ്ങി അവിടെയും ഒരു കുഞ്ഞുമുത്തം നൽകി അവൻ അവളുടെ മടിയിലേക്ക് കിടന്നു. അവൻ കിടന്നതും ആദി ശ്വാസം പുറത്തേക്ക് വിട്ടു അവനെ നോക്കി കണ്ണുരുട്ടി "ഉണ്ടക്കണ്ണ് ഉരുട്ടാതെ ഉണ്ടമുളകെ😉"അവൻ അവളെ നോക്കി മീശ കടിച്ചുകൊണ്ട് കുസൃതിചിരിയോടെ പറഞ്ഞതും അവൾ അവനെ നോക്കി പല്ല് കടിച്ചു

"ഓഹ് കുറേ നാൾ ഈ പേര് കേൾക്കാഞ്ഞപ്പോൾ ഞാൻ വിചാരിച്ചു ഈ പേര് മറന്നെന്ന്. വീണ്ടും തുടങ്ങിയല്ലോ 😬"ആദി "ഏയ് ഞാൻ അത് അത്രപെട്ടെന്ന് മറക്കുവോ ഉണ്ടമുളകെ😌"ശിവ "ദേ ശിവേട്ടാ വേണ്ടാട്ടോ എനിക്ക് ദേഷ്യം വരുന്നുണ്ട്😬"ആദി "ആഹാ നിനക്ക് ദേഷ്യം വരുന്നുണ്ടൊടാ പറയെടാ നിനക്ക് എന്നെ തല്ലാൻ തോന്നുന്നുണ്ടൊടാ തല്ലേഡാ എടാ തല്ലേഡാ ഒന്ന് തല്ലിനോക്കെടാ"ശിവ പറഞ്ഞു കഴിഞ്ഞതും ആദി അവന്റെ മുഖത്തിട്ട് ഒരു പടക്കം പൊട്ടിച്ചു പുറത്തേക്ക് ഓടി കളഞ്ഞു. ചെക്കൻ ആണേൽ എന്തോ പോയ എന്തിനെയോ പോലെ കവിളിൽ കയ്യും വെച്ച് അവൾ പോയ വഴിയെ നോക്കി "എന്നോട് കളിച്ചാൽ ഇങ്ങനെ ഇരിക്കും. ചോദിച്ചു വാങ്ങിയത് അല്ലേ സൂക്ഷിച്ചു വെച്ചോ"റൂമിന് പുറത്തേക്ക് ഇറങ്ങി തലമാത്രം ഉള്ളിലേക്ക് ഇട്ടുകൊണ്ട് ആദി വിളിച്ചുപറഞ്ഞതും ശിവ ബെഡിൽ നിന്നും ചാടി ഇറങ്ങി "അയ്യോ എന്നെ കൊല്ലാൻ വരുന്നേ🏃‍♀️"ആദി ഇതും പറഞ്ഞു ഓടിയതും ശിവ കവിളിൽ കൈ വെച് അവിടെ നിന്നു "കുട്ടിപിശാശ് എന്ത് അടിയാ അടിച്ചത്.വെറുതെ ചോദിച്ചു വാങ്ങി അല്ലാതെ എന്ത്, എന്നാലും അടികണ്ടായിരുന്നു"ശിവ സ്വയം പറഞ്ഞുകൊണ്ട് ബെഡിലേക്ക് തന്നെ വീണ്ടും വന്ന്കിടന്നു 🍁🍁🍁🍁🍁🍁🍁🍁🍁🍁🍁🍁🍁

അത്താഴം കഴിഞ്ഞു എല്ലാവരും ഹാളിൽ വന്നു ഇരിക്കുകയായിരുന്നു. അച്ചന്മാർ&അമ്മമാർ ഒരുമിച് പിള്ളേർ അവർക്ക് അടുത്തും ആയാണ് ഇരിക്കുന്നത്.മുതിർന്നവർ ഓരോന്നു പറയുമ്പോഴും പിള്ളേർ അവരുടെത് ആയ ലോകത്ത് ആണ് ഒരുവശത്ത് ആദിയും ശിവയും ആണ്. ശിവ ആദിയെ നോക്കി ദഹിപ്പിക്കുന്നുണ്ട് എന്നാൽ കൊച്ച് അത് കണ്ടിട്ടും കാണാത്ത പോലെ ഇരിക്കുവാണ്. അറിയാതെ കണ്ണുകൾ തമ്മിൽ ഇടഞ്ഞാൽ അവൾ അവൻ ഒന്ന് ഇളിച്ചു കാണിച്ചു വേഗം തലവെട്ടിക്കും. നന്ദുവും അജുവും ഫോണിൽ എന്തോ നോക്കുവാണ് അതിനിടയിൽ എന്തെക്കെയോ വായിൽ കുത്തി കയറ്റുന്നും ഉണ്ട്. മറുവശത്ത് മിഥയും ശ്യാമും ആണ് രണ്ടും ദൂരെക്ക് നോക്കി എന്തോ സ്വപ്നംകാണുവാണ് ഇടയ്ക്കിടെ രണ്ടും പരസ്പരം നോക്കി മനോഹരം ആയി പുഞ്ചിരിക്കും. അടുത്ത സൈഡിൽ വാമി അവളുടെ husband നെ വിളിച്ചു സംസാരിക്കുകയാണ്. മികമോളും വിച്ചുവും ഫോൺ നോക്കി ഇരിക്കുന്നു. മികകുട്ടിടെ മുഖം വീർത്തു ഇരിക്കുവാണ് എബിയെ വിളിക്കാൻ വാമി സമ്മതിചില്ല അതാണ്.

വിച്ചു ഇടയ്ക്കിടെ അവളുടെ ഉണ്ടക്കവിളിൽ പിടിച്ചുവലിക്കും പെണ്ണ് അവനെ തിരിച്ചു കടിക്കും ഇത് തന്നെ പരിപാടി. "എനിക്ക് ഒരു സമാധാനവും ഇല്ല എന്റെ ഒരുമോള് പോയി ഇനി എനിക്ക് ഒരു മകൾ കൂടെ ഉള്ളു ഞാൻ കൂടെ പോയാൽ എന്റെ കുഞ്ഞ് ഒറ്റക്കി ആവുമല്ലോ എന്ന് ആലോചിക്കുമ്പോൾ ആണ്"ആരാധ്യയെ അച്ഛന്റെ ശബ്ദം ആണ് അവരെ അവിടേക്ക് നോക്കാൻ പ്രേരിപ്പിച്ചത്. കണ്ണുകൾ നിറച്ചുകൊണ്ട് അയാൾ പറയുന്നത് കേട്ടപ്പോൾ എല്ലാവർക്കും വിഷമം തോന്നി "എന്തിനാ അങ്ങനെ വിചാരിക്കുന്നത് ഞങ്ങൾ ഒക്കെ ഇല്ലേ ഇവിടെ"വിശ്വൻ അയാളെ ആശ്വാസിപ്പിച്ചുകൊണ്ട് പറഞ്ഞു "എന്നാലും എത്ര നാൾ നിങ്ങൾക്ക് അവളെ നോക്കാൻ കഴിയും അവളെ വിശ്വസിക്കാൻ കഴിയുന്ന ഒരാളുടെ കൈയ്യിൽ ഏൽപ്പിച്ചു എനിക്ക് കണ്ണടക്കണം. എന്നാൽ വിശ്വസിക്കാൻ കഴിയുന്ന ആരും ഇല്ല"അയാൾ വേദനയോടെ പറഞ്ഞു "എന്തിനാ വിഷമിക്കുന്നത് ഇപ്പോൾ എന്താ വേണ്ടത് ആരാധ്യമോൾക്ക് ഒരു ചെക്കൻ അത്രയല്ലേ ഉള്ളു. എന്റെ മകൻ അജു ഇവളെ വിവാഹം കഴിക്കും"സത്യൻ പറഞ്ഞതും പിള്ളേർ എല്ലാവരും ഞെട്ടിതരിച്ചു നിന്നു. അജു ഒന്നും മനസ്സിലാവാതെ എല്ലാവരെയും നോക്കി നന്ദു ആണെങ്കിൽ ഇപ്പോൾ കരയും എന്ന ഭാവത്തിൽ ആണ്. കണ്ണുകൾ നിറയാൻ നിൽക്കുന്നു. അവൾക്ക് ഒരു ബലം എന്നോണം ആദി അവളുടെ ഒരു കൈയ്യിൽ മുറുകെ പിടിച്ചു.എന്നാൽ ആരാധ്യയുടെ മുഖത്തു മാത്രം കുടിലതനിറഞ്ഞ പുഞ്ചിരി വിരിഞ്ഞു.....തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...