🌸എന്നെന്നും എന്റെ മാത്രം 🌸: ഭാഗം 14

രചന: അനു

മുടങ്ങാതെ വലിച്ചെറിഞ്ഞു തരുന്ന പുതപ്പും തലയണയും ഇന്ന് വിരിച്ചാണ് കിടന്നത്... തലയണത്തിൽ മുഖമമർത്തി കിടന്നപ്പോ എന്തുകൊണ്ടോ എന്തോ കണ്ണീർ ഇടതടവില്ലാതെ ഒഴുകിയിരുന്നു... പതിയെ ഞാനെന്റെ കൈ തണ്ടയിൽ വിരൽ ഓടിച്ചു.... വല്ലാതെ നീറുന്നുണ്ട്... നഖം കൊണ്ട് തോലിയിളകി കാണണം.. ചിണർത്തിട്ടുണ്ടെന്ന് തോന്നുന്നു... കൈ തണ്ടകളിൽ അമർത്തി പിടിച്ച് കണ്ണടച്ച് ഞാൻ കിടന്നു.... **** രാവിലെ എണീറ്റ് ക്ലോക്കിൽ നോക്കിയതും ഞെട്ടിപ്പോയി.... 6.45,,,, ഹുയ്യോ എന്റെ കൃഷ്ണാ....!!! വേഗം ചാടി എണീറ്റ് ടവൽ എടുത്തു ബാത്റൂംലേക്ക് കടന്നെങ്കിലും അതേ സ്പീഡിൽ പുറത്തിറങ്ങി ബെഡിലേക്ക് നോക്കി.... ഹാവൂ വീരശൂര പരാക്രമി പള്ളിയുറക്കം കഴിഞ്ഞു എണീറ്റിട്ടില്ല.... ടവൽ തോളിലേക്ക് കയറ്റിയിട്ട് അവന്റെ അടുത്ത് പോയി നിന്നു... നീ കളിക്കാണാൻ പോവുന്നതേയുള്ളൂ മോനെ സിദ്ധാർത്ഥ് സേതുമാധവാ.... ഉറങ്ങിക്കോ സുഖയിട്ട് ഉറങ്ങിക്കോ.... ആരോടെന്നില്ലാതെ ഞാൻ പറഞ്ഞു... ~~~~~ കണ്ണുതുറന്നപ്പോ മുന്നിൽ നിന്ന് ദിവസ്വപ്നം കാണുന്ന അവളെയാ കണ്ടത്... ഞാൻ അവളെ കണ്ട് ഒന്ന് ഞെട്ടിയെങ്കിലും വേഗം എണീറ്റ് ഇരുന്നു.... അവളാണെങ്കിൽ ഞാൻ എണീറ്റ് ഇരുന്നതൊന്നും കണ്ടില്ല ന്ന് തോന്നുന്നു ദിവാസ്വപ്നം കണ്ട് അതേ നിപ്പ് നിൽക്കുവാ....

"ഡീ...!!!! രാവിലെ തന്നെ മുന്നിൽ വന്ന് നിന്നോളും നാശം... ഇന്നത്തെ ദിവസം പോയി.... " ഞാൻ മുഷിച്ചിലോടെ പറഞ്ഞതും അവളൊന്ന് ഞെട്ടി എന്നെ നോക്കി പിന്നെ നല്ലോണം ഒന്ന് ഇളിച്ചു കാട്ടി ഊരയ്ക്ക് കൈ കൊടുത്തു... "അങ്ങനെയാണെങ്കിൽ ഇനി നിങ്ങൾക്ക് നല്ല ദിവസം എന്നൊന്ന് ഉണ്ടാവില്ല.... bad morning..!!!!" എന്നെ നോക്കി ചിരിച്ഛ് പഞ്ച് ഡയലോഗ് കാച്ചി അവള് ബാത്റൂമിലേക്ക് ഓടി കയറി വാതിലടച്ചു..... മൂർഖൻ പാമ്പിനെയാണോ ഞാൻ വീട്ടിൽ കയറ്റിയത്...?? അവളെ പറച്ചിലും അത് കഴിഞ്ഞുള്ള ഓട്ടവുമൊക്കെ കണ്ട് ബെഡിൽ അന്തം വിട്ട് ഇരുന്ന് ആലോചിച്ചെങ്കിലും പിന്നെ ഒരു ഉൾപ്രേരണയിൽ വേഗം പോയി ഡോറിന് മുട്ടാൻ തുടങ്ങി.... ~~~~ വാതിലിന് മുട്ടലും തട്ടലുമൊക്കെ കേട്ട് ഞാൻ ഉള്ളിൽ നിന്ന് ചിരിക്കായിരുന്നു.... കുളിച്ചിറങ്ങിയപ്പോ സമയം എഴായി... വേഗം മുടിയിലെ തോർത്തഴിച്ഛ് നല്ലോണം തോർത്തി..... താലി എടുത്തണിഞ്ഞ് കൈകുമ്പിളിൽ കോരിയെടുത്തു ഞാൻ അതിലേക്ക് നോക്കി.... ഞാനാഗ്രഹിച്ച പോലെ തന്നെ ഇറക്കമുള്ള കുമ്പള താലി.. അല്ല മാല...!! ഒരു പുരുഷൻ സ്നേഹത്തോടെയും അഭിമാനത്തോടെയും കെട്ടി തരുമ്പോഴേ അത് താലിയാവൂ... ഇത് വെറും മാലയാ... താലിയോട് കൂടിയ മാല... ഒരു നേടുവീർപ്പോടെ താലി മുറുക്കി പിടിച്ഛ് പുച്ഛത്തോടെ ചിരിച്ചു....

പെട്ടന്നാണ് വീണ്ടും സമയത്തിന്റെ കാര്യം ഓർമ്മ വന്നത്, വേഗം വാതിലിന്റെ അടുത്തേക്ക് നടന്ന് ചെന്ന് തുറക്കാൻ നോക്കിയെങ്കിലും എനിക്ക് തുറക്കാൻ പറ്റിയില്ല... ഞാൻ ഹാൻഡിലിൽ പിടിച്ചു തിരിച്ചെങ്കിലും അതൊന്ന് അനങ്ങിയതുപ്പോലുമില്ല... അമ്മയും നിമ്മിയുമൊക്കെ തുറക്കുന്നതാണല്ലോ...??? എന്നിട്ടെന്താ ഇതിപ്പോ തുറക്കാൻ പറ്റാത്തത്...??? ഒരുപാട് തവണ തിരിച്ചും മറിച്ചും തള്ളിയുമൊക്കെ നോക്കിയെങ്കിലും കൈ വേദനിച്ചത് അല്ലാതെ ഡോർ തുറന്നില്ല.. വീണ്ടും തുറക്കാൻ ആഞ്ഞതും പുറക്കിൽ നിന്ന് അവൻ വിളിച്ചതും ഒരുമിച്ചായിരുന്നു..... "ഹലോ.... ഹലോ.... അതിന്റെ മുകളിൽ നീ എത്ര ബലപിടിച്ചിട്ടും കാര്യല്ല...... അത് ഫിംഗർ ലോക്കഡാണ്.... എനിക്കോ വീട്ടിലുള്ളവർക്കോ അല്ലാതെ വലിഞ്ഞ് കയറി വന്നവർക്ക് തുറക്കാൻ കഴിയില്ല..." വർക്ക് ഔട്ട് കഴിഞ്ഞ് ബാത്റൂമിലേക്ക് കടക്കാനൊരുങ്ങി കൊണ്ട് അവൻ പുച്ഛത്തോടെ പറഞ്ഞു.... ഞാൻ വലിയ കാര്യമാക്കാൻ നിന്നില്ല...!!!! "എന്നാ ഇത് തുറന്ന് താ.... " ഞാൻ അവനോടായ്‌ പറഞ്ഞു.... "എന്തോ....???" കബോഡിൽ നിന്ന് ടവൽ എടുത്ത് കൊണ്ട് അവൻ ലാഘവത്തോടെ ചോദിച്ചു.... "ഈ വാതില് തുറന്ന് തരാൻ... " അല്പം കൂടി ഉച്ചത്തിൽ ഞാൻ പറഞ്ഞു... "എനിക്ക്... എനിക്കിപ്പോ സൗകര്യം ഇല്ല..!!" ഈ കോന്തനെ ഞാൻ എന്താ ചെയ്യാ എന്റെ കൃഷ്ണാ...!!!

ബാക്കിയുള്ളവന്റെ പുക കാണാനായിട്ട് ഫിംഗർ ലോക്ക് ഡോറും വെച്ചിരിക്കുന്നു... ആദ്യയിട്ടാ എങ്ങനെ ലോക്കൊക്കെയുള്ള ഡോറിനെ കുറിച്ച് കേൾക്കുന്നത്.... തുറക്കാൻ പറഞ്ഞതും അവന്റെ ഒടുക്കത്തെ ഒരു അഹങ്കാരം... ഇതിനകത്ത് എന്താ എലിസബത്ത് രാജ്ഞിയുടെ കിരീടം ഇരിക്കുന്നോ....??? അവസരം മൊതലെടുക്കാ മാക്രി.... ഞാൻ അവന്റെ അടുത്തേക്ക് കുറച്ചൂടെ നീങ്ങി നിന്നു... ദേ,,,, നോക്ക് ഇപ്പൊ തന്നെ സമയം വൈക്കി... വാതില് തുറന്ന് താ...!!!" കണ്ണാടിയിൽ നോക്കി താടിയും മീശയും ഉഴിയുന്ന അവന്റെ പിറകിൽ പോയി നിന്ന് അല്പം അയവോടെ ഞാൻ വീണ്ടും പറഞ്ഞു... " ഇല്ല....!!!" "എല്ലാരും തിരക്കുന്നുണ്ടാവും.... തുറക്ക്... ഇയാൾക്ക് തന്നാ നാണക്കേട്...." ഞാൻ മുഷിച്ചിലോടെ പറഞ്ഞു.... അവനെന്റെ മുഖത്തേക്ക് നോക്കി.. "ആണോ... ആണെങ്കിൽ അത് ഞാനങ്ങു സഹിച്ചു...." ഒരു ലോഡ് പുച്ഛം എന്റെ മുഖത്തേക്ക് വാരിയെറിഞ്ഞ് കൊണ്ട് അവൻ ബാത്‌റൂമിൽ കയറി വാതിലടച്ചു.. ഇവനെ,,,,എന്താ ചെയ്യാ എന്റെ ഭഗവാനേ....??? കാലമാടൻ.....!!! എന്റെ ഈശ്വരാ... സമയം ഇപ്പൊ തന്നെ 7.30 കഴിഞ്ഞു... എല്ലാരും എണീറ്റ് കാണും.. അവന്റെ പുറക്കെ പോയി ഞാൻ ബാത്റൂമിന്റെ അടുത്ത് നിന്നു... ഡോറിന്റെ ലോക്ക് തുറന്ന് തരാൻ പറഞ്ഞു കുറേ മുട്ടിയപ്പോ അവൻ പെട്ടെന്ന് വാതില് തുറന്നു...

അവൻ തുറക്കും ന്ന് ഒട്ടും പ്രതീക്ഷിക്കാത്തത് കൊണ്ട് ഞാൻ പെട്ടന്ന് ഞെട്ടി പോയി... എന്നെ തന്നെ നോക്കി അവൻ മുന്നോട്ട് നടക്കാൻ തുടങ്ങിയതും ഞാൻ പതർച്ചയോടെ ഉമിനീര് ഇറക്കി പിറക്കോട്ട് നടന്നു.... ഭഗവാനേ....ഇവനെന്തിനാണവോ ഇങ്ങനെ അടുത്തേക്ക് വരുന്നത്... പുറക്കോട്ട് നടന്ന് അവസാനം കബോഡിൽ തട്ടി നിന്നു... അവൻ പിന്നെയും അടുത്തേക്ക് വന്നതും ഞാൻ കണ്ണിറുക്കി അടച്ഛ് മുഖം വെട്ടിച്ചു കബോഡിനോട് ചേർന്ന് നിന്നു.... പെട്ടന്നാണ് അവനെന്നെ തള്ളിമാറ്റി ടവൽ എടുത്തു തിരിച്ചു കയറിയത്.... "ഡോറോന്ന് തുറന്ന് തന്നിട്ട് പോ...??" ബാത്റൂമിലേക്ക് തിരിച്ഛ് കയറുന്ന അവനെ നോക്കി ഞാൻ. ദേഷ്യത്തോടെ പറഞ്ഞു.... " അത്രയ്ക്ക് അർജന്റാണെങ്കിൽ തന്നെ തുറന്ന് പോടീ...!!!" തിരിച്ഛ് നടന്ന് കൊണ്ട് തന്നെ അവൻ പറഞ്ഞത് കേട്ട് എനിക്ക് ദേഷ്യവും സങ്കടവും എല്ലാം കൂടി ഒരുമിച്ച് വന്നു... മത്തങ്ങാത്തലയൻ, കോന്തൻ കണാരൻ, പൊങ്ങൻ....!!! ന്റെ കൃഷ്ണാ എട്ട് മണിയായല്ലോ... ഞാൻ എന്താ ഇപ്പോ ചെയ്യാ....??? ~~~~~ അങ്ങോട്ടും ഇങ്ങോട്ടും നഖം കടിച്ചോണ്ട് നടക്കുന്ന അവളെയാ കുളിച്ചിറങ്ങിയപ്പോ ആദ്യം കണ്ടത്.... ഞാൻ വളരെ സാവധാനം കണ്ണാടിയുടെ മുന്നിലേക്ക് നടന്ന് കബോഡ് തുറന്ന് എന്റെ ഡ്രെസ്സ് എടുത്ത് ഡ്രെസ്സിങ് റൂമിൽ കയറി... വളരെ സാവധാനം ഡ്രസ് ചേഞ്ച്‌ ചെയ്തിറങ്ങി അവളെ മൈൻഡ് ചെയ്യാതെ ലാപ്പ് എടുത്ത് സോഫയിൽ വന്നിരുന്നു.... " വാതില് തുറക്ക്..... " അവള് വീണ്ടും പറഞ്ഞു.... "എനിക്ക് സമയായിട്ടില്ല...."

ലാപ്പിലേക്ക് നോക്കി കൊണ്ട് ഞാൻ ഉത്തരം നൽകി... ആദ്യം കയറി കുളിച്ചതല്ലേടീ,,, കുറച്ഛ് വെയ്റ്റ് ചെയ്യ്‌.... ഞാൻ മനസ്സിൽ പറഞ്ഞു... "ഇയാള്,,, മനപ്പൂർവ്വം സമയം കളയല്ലേ...???" അവള് വീണ്ടും ചോദിച്ചു.... " അതേ..." ഞാൻ കാര്യമായി തന്നെ പറഞ്ഞു.... " ദേ നോക്ക് വാതില് തുറന്നില്ലങ്കിൽ ഞാനിപ്പോ ബഹളം വെക്കും...!!!" അവളാ പറഞ്ഞത് കേട്ട് ലാപ്പിൽ നിന്ന് മുഖമുയർത്തി ഞാനവളെ നോക്കി.... "നീ എന്താ കരുതിയത്.... ഈ റൂമിന്റെ പുറത്തേക്ക് ഒരു സൗണ്ടും കേൾക്കില്ല... ധൈര്യയിട്ട് ബഹളം വെച്ചോ.....???" ഞാൻ പുച്ഛത്തോടെ പറഞ്ഞു.... ~~~~~~ എന്റെ ഭഗവാനേ ഞാനിവനെയങ്ങ്‌ കൊന്നല്ലോ..... സഹിക്കെട്ടു ഞാൻ സോഫയിൽ പോയിരുന്നു..... ന്റെ കൃഷ്ണാ,,,, 8.30 ആയി... ഇനിയും ഇറങ്ങിയില്ലെങ്കിൽ ആകെ നാണക്കേട്ടാവും... എന്താപ്പം ചെയ്യാ എന്റെ ദൈവേ....?? അനൂ... എന്തു ചെയ്തിട്ടാണെങ്കിലും പുറത്തുക്കടനേ പറ്റൂ..... ഒരു നെടുവീർപ്പോടെ മനസ്സിൽ എന്നോട് തന്നെ പറഞ്ഞു എണീറ്റ് അവന്റെ അടുത്തേക്ക് പോയി..... "പ്ലീസ്... വാതിലൊന്ന് തുറന്ന് താ...??" ഞാൻ ദയനീയമായി പറഞ്ഞു... അവൻ ലാപ്പിലേക്ക് തന്നെ നോക്കിയിരുന്നു.. " എന്തോ കേട്ടില്ല....??" അവന്റെ ഒടുക്കത്തെ ഒരു ജാഡ,,, കേട്ടില്ല പോലും,,, മാക്രി...!!! അനൂ കൂൾ ആവിശ്യം നിന്റെ ആണ്.... കാര്യം കാണാൻ കഴുത കാലും പിടിക്കണം ന്നാ....

ഒരു വലിയ ശ്വാസം വലിച്ച് വിട്ട് അവനെ നോക്കി... "പ്ലീസ്.... ഒന്ന് തുറന്ന് താ......." ഞാൻ വീണ്ടും യാചിക്കുന്ന പോലെ പറഞ്ഞു... അവനെന്റെ മുഖത്തേക്ക് നോക്കി... "അപ്പോ നലോണം പറയാനൊക്കെ അറിയാം.... കീപ് ഗോയിങ്....!!!" ഞാൻ യാചിക്കാൻ കാത്തുനിന്നോണം അവൻ എന്നെ നോക്കി ചുണ്ട് കോട്ടി പുച്ഛിച്ചു... ലാപ് ഓഫാക്കി മടക്കി ബാഗിലേക്ക് വെച്ഛ് പയ്യെ എണീറ്റ് നിന്നു... പിന്നെ വളരെ സാവധാനം ഫോണ് എടുത്തു എന്തോ ചെയ്‌തതും ഡോർ ഓപ്പണായി.... ഞാൻ തുറക്കാൻ കാത്ത് നിന്നതും വേഗം താഴേക്കിറങ്ങി.... എന്നെ കണ്ടതും ഓരോരുത്തരായി ചോദിച്ചു തുടങ്ങി... അവരെ പറയാൻ പറ്റില്ല സമയം ഇപ്പൊ തന്നെ ഒമ്പതതിനോട് അടുത്തിരുന്നു..... ചെറിയമ്മമാരും വെല്യമ്മമാരും കസിൻസും എല്ലാരുംകൂടി എന്നെ ആക്കി കൊന്നില്ലന്നേള്ളൂ.... ആരേയും മുഖത്ത് നോക്കാൻ പറ്റാത്ത അവസ്ഥയായിരുന്നു.... നാണംക്കെട്ടെന്റെ തൊലിയുരിഞ്ഞു..... ആ കോന്തൻ കാരണാ ഇത് മുഴുവൻ... നിനക്ക് ഞാൻ വെച്ചിട്ടുണ്ട് മോനെ... ഇറങ്ങി വാ....!!!! മുകളിലേക്ക് നോക്കി മനസ്സിൽ ഉരുവിട്ടു ഞാൻ വേഗം കിച്ചണിലേക്ക് നടന്നു... "ഏട്ടത്തി എന്താ ഇത്ര നേരത്തെ..? എന്നെയൊന്ന് ഇരുത്തി നോക്കി നിമ്മി കളിയാക്കി ചോദിച്ചു...

ഞാൻ മറുപടി കൊടുക്കാനായി വാ തുറക്കാൻ നോക്കിയതും ദേ വരുന്നൂ ഏട്ടത്തിയുടെ വക അടുത്ത കമന്റ് "പുതുമോഡിയല്ലേ നിമ്മി... അതാവും ഇത്ര നേരത്തെ,,,, അല്ലെ അനൂ....???" പട പേടിച്ചു പന്തളത്ത് ചെന്നപ്പോ അവിടെ പന്തം കൊളുത്തി പട ന്ന് പറഞ്ഞപ്പോലെ അവിടുന്ന് എല്ലാരുടേയും കയ്യീന് രക്ഷപ്പെട്ടു ഇവിടെ വന്നപ്പോ ഇവിടെ അതിലും വലുത്‌... ന്റെ കൃഷ്ണാ...എല്ലാരും കൂടി ന്നെ പച്ചക്ക് തിന്നാണല്ലോ.... "ആഹാ... വന്നോ ന്റെ കുട്ടി..... മോളെന്താ നേരം വൈകിയത്..?" സ്റ്റോർ റൂമിൽ നിന്ന് കിച്ചണിലേക്ക് വന്ന് കൊണ്ട് അമ്മ സ്നേഹത്തോടെ ചോദിച്ചു.... "സിദ്ധു ഏട്ടൻ ഡോർ തുറന്നു തന്നില്ല അമ്മേ.... ഡോർ ഫിംഗർ ലോക്ക് ആണെന്ന് എനിക്കറിയില്ലായിരുന്നു.... എത്ര പറഞ്ഞൂന്നറിയൂ ഒന്ന് തുറന്ന് തരാൻ... അവസാനം കാലു പിടിച്ചിട്ടാ ഇപ്പഴെങ്കിലും തുറന്നു തന്നത്.... " ഹാളിലുള്ളവരും അല്ലാത്തവരുമൊക്കെ അപ്പഴേക്കും കിച്ചണിൽ എത്തിയിരുന്നു... അമ്മയുടെ ചോദ്യത്തിന് സങ്കടത്തോടെ ഞാൻ ഉത്തരം നൽകി എല്ലാരേയും നോക്കിയതും എല്ലാരും എന്നെ നോക്കി പൂരച്ചിരി... അത് കണ്ടപ്പോ ഞാൻ വല്ലാതെ നാണം കെട്ടപ്പോലെ തോന്നി.... എല്ലാരുടേയും മുന്നിൽ വല്ലാണ്ട് ചെറുതായപോലെ.... സങ്കടവും ദേഷ്യവും ഒരുമിച്ച് വന്നു... എല്ലാരുടെയും മുന്നിൽ ഞാനൊരു കോമളിയായി... എല്ലാം കൂടി കണ്ടും കേട്ടും ഉള്ളിലെ സങ്കടം കവിളിലൂടെ ഒഴുകിയിറങ്ങാൻ അധിക സമയം വേണ്ടി വന്നില്ല.... "അയ്യേ.... ഞങ്ങളൊരു തമാശയ്ക്ക് പറഞ്ഞതല്ലേ...

ഇത്രയേള്ളൂ നീ.... മോശം... മോശം.... ദേ നോക്കിയേ എല്ലാരും നോക്കിക്കേ അനു കരയുന്നു... എല്ലാരും വാ...." ഏട്ടത്തി എന്റെ അടുത്തേക്ക് വന്ന് കളിയായ് പറഞ്ഞത് കേട്ട് ഞാൻ വേഗം കണ്ണൊക്കെ തുടച്ചു... "ഞാൻ കരഞ്ഞൊന്നും ഇല്ലാ.... " സങ്കടത്തോടെ ഇടറുന്ന സ്വരത്തിൽ പറഞ്ഞ് എല്ലാരേയും നോക്കി പതിയെ ചിരിച്ചു... "അതാ,,,,, എല്ലാരുംകൂടിന്റെ കുട്ടിനെ കരയിപ്പിച്ചു ല്ലേ....??? അടിക്കിട്ടും ട്ടോ വേദൂ നിനക്ക്...!!!!!" അമ്മ നിമ്മിയേയും ഏട്ടത്തിയേയും നോക്കി കപട ദേഷ്യത്തോടെ പറഞ്ഞതും അവര് രണ്ടും വാ പൊതി പരസ്പരം നോക്കി മിണ്ടാതെ ചിരിയടക്കി പിടിച്ച് നിന്നു... മോള് കരയണ്ടട്ടോ...!!!! മോള് ചെന്ന് പൂജാമുറിയിൽ വിളക്ക് കത്തിക്ക്... എനിക്കിവിടുന്നു അനങ്ങാൻ പറ്റിട്ടില്ല... എന്നിട്ട് അച്ഛമ്മയെയും കൂട്ടി വാ... പ്രാതൽ കഴിക്കാം... ചെൽ....!!!" അമ്മ സൗമ്യമായി പറഞ്ഞത് കേട്ട് തലയാട്ടി മൂളി... അമ്മ വീണ്ടും ജോലിയിൽ ശ്രദ്ധിച്ചതും നിമ്മിയും ഏട്ടത്തിയും എന്റെ ഇടം വലം നിന്ന് കെട്ടിപ്പിടിച്ചു കുറെ കളിയാക്കി.... ഞാൻ അപ്പഴും സങ്കടത്തോടെ നിൽകുന്നത് കണ്ട് രണ്ടാളും കൂടി ഇക്കിളിയാക്കാൻ തുടങ്ങിയതും സങ്കടം മാറി ചിരി വന്നു.... ചിരിയോടെ കണ്ണൊക്കെ തുടച്ച് ഞാൻ പൂജാമുറിയിലേക്ക് നടന്നു... വന്നിട്ട് ഇന്ന് ആദ്യയിട്ടാ പൂജാമുറിയിൽ കയറുന്നത്....

ഹാളിൽ തന്നെയാണെങ്കിലും ആർക്കും പെട്ടെന്ന് കണ്ണെത്താത സ്ഥലത്താണ് പൂജാമുറി... ചുമരിൽ ഹിന്ദുമതത്തിലെ എല്ലാ ദേവീ ദേവന്മാരുടെയും ചിത്രങ്ങളും നിലത്ത്‌ ശ്രീകൃഷ്ണന്റെ വലിയൊരു പഞ്ചലോഹ വിഗ്രഹവുമൊക്കെയായി നല്ല ഭംഗിയുള്ള ഒരു ചെറിയ പൂജാമുറി... രാമയണത്തോടൊപ്പം തുറന്ന് വെച്ച ബൈബിളും ഖുറാനും കണ്ടപ്പോ ഞാൻ വല്ലാതെ ആശ്ചര്യപ്പെട്ടു.... സാരി തല ഇടുപ്പിലേക്ക് കുത്തി ഒരു നേടുവീർപ്പോടെ ചുറ്റും കണ്ണോടിച്ചു ഞാൻ വേഗം വിളക്ക് തുടച്ച് വൃത്തിയാക്കി തിരിയിട്ട് കത്തിച്ചു.... അധികം വെളിച്ചം കടക്കാത്ത മുറിയിൽ ആ ദീപം ശോഭയോടെ കത്തിജ്വലിച്ചു...... താഴെ താലത്തിലെ സിന്ദൂര ചെപ്പിൽനിന്നെടുത്ത ഒരു നുള്ള് സിന്ദൂരം എന്റെ നെറുകയിൽ പതിയെ വരച്ചു..... മനസ്സുരുക്കി കണ്ണടച്ഛ് പ്രാർത്ഥിക്കുമ്പോ എന്തിനോ വേണ്ടി എന്റെ കണ്ണുകൾ നിറഞ്ഞൊഴുക്കിയിരുന്നു..... പതിയെ കണ്ണ് തുറന്ന് കൃഷ്ണ വിഗ്രഹത്തിലേക്ക് നോക്കി കുറച്ച് നേരം നിന്നു.. വല്ലാത്തൊരു ഉന്മേഷം മനസ്സിൽ വന്നു നിറഞ്ഞപ്പോലെ തോന്നി..... കണ്ണനെ നോക്കി ഒന്ന് ചിരിച്ഛ് ഞാൻ വേഗം അവിടുന്നിറങ്ങി അച്ചമ്മയുടെ റൂമിലേക്ക് വെച്ചുപിടിച്ചു.... ബെഡിന്റെ ഹെഡ് ബോർഡിൽ തലവെച്ഛ് കണ്ണടയ്ച്ഛ് ഇരിക്കുന്ന അച്ഛമ്മയെ നോക്കി ഗുഡ് മോർണിംഗ് വിഷ് ചെയ്തതും അച്ഛമ്മ തിരിച്ചും വിഷ് പറഞ്ഞു....

ഞാൻ പതിയെ അച്ചമ്മ ബെഡിൽ വീൽചെയറിലേക്ക് ഇരിക്കാൻ സഹായിച്ചു... ഞാനും അച്ഛമ്മയും ഹാളിലേക്ക് അപ്പോഴേക്കും ഫുഡ് കഴിക്കാൻ എല്ലാരും റെഡിയായി ഞങ്ങളെ വൈറ്റ് ചെയ്ത് ഇരിപ്പുണ്ടായിരുന്നു... ഞാനും ഏട്ടത്തിയും അമ്മയും കൂടി ഫുഡ് എല്ലാര്ക്കും സെർവ് ചെയ്തു... കൂടെ ആ പാക്കരനും ഉണ്ടായിരുന്നു... ആ കോന്തൻ കാരണം ഞാനിന്ന് നാണംകെട്ടത്തിന് കയ്യും കണക്കും ഇല്ല... വെച്ചിട്ടുണ്ട് മോനെ... വെച്ചിട്ടുണ്ട്... അവനെ നോക്കി കൊണ്ട് ഞാൻ മനസ്സിൽ പറഞ്ഞു... ~~~~~~ പ്രാതലിന് സമയായപ്പോ ഞാൻ സാവധാനം താഴേക്ക് ഇറങ്ങി ചെന്നു... എല്ലാർക്കും എന്നെ കണ്ടപ്പോ ഒരു ആക്കിച്ചിരി... ആ മാരണം എന്തെങ്കിലും എഴുന്നള്ളിച്ചു കാണണം... അവർക്കൊന്നും വലിയ ശ്രദ്ധ കൊടുക്കാതെ ഞാൻ വേഗം പോയി ടേബിളിൽ ഇരുന്നു, അപ്പഴാണ് അവള് അച്ഛമ്മയേയും കൂടി റൂമീന്ന് ഇറങ്ങി വരുന്നത് കണ്ടത്.. രാവിലെ വേറെ ഒരു നിവൃത്തിയും ഇല്ലാതെ സഹിക്കെട്ടാ അവള് എന്നോട് ഡോർ തുറന്ന് കൊടുക്കാൻ അപേക്ഷിച്ചതെന്ന് എനിക്ക് നന്നായി അറിയാം... എന്റെ ഡോറിന്റെ ലോക്ക് ഫോണും ആയി ലിങ്ക്ഡാണ്....

സോ,,, ഡോർ തുറക്കാൻ ഫോൺ തന്നെ ധാരാളം... വീട്ടിലെ എല്ലാ ഡോറും ഫിംഗർ ലോക്ക്ഡാണ്... ഇവിടെ ഉള്ളവർക്ക് അല്ലാതെ പുറത്ത് നിന്നുള്ള മറ്റാർക്കും തുറക്കാനോ അടയ്ക്കാനോ കഴിയില്ല.... അവള് എനിക്ക് മുന്നേ കുളിച്ചു ഇറങ്ങാന്ന് കരുതി....!!! രണ്ട് ദിവസമായി അവൾക്ക് കുറച്ചു പേടിക്കുറഞ്ഞിട്ടുണ്ട്... മ്മ്മ്.. അതെങ്ങാനാ,,,, എല്ലാരും കൂടി തലയിൽ കയറ്റി വെച്ചിരിക്കല്ലേ...!!! അമ്മ ഫുഡ് സെർവ് ചെയ്ത തന്നതും ഞാൻ വേഗം മറ്റ് ചിന്തകളൊക്കെ മാറ്റി വെച്ഛ് കഴിക്കാൻ തുടങ്ങി.. ആരോ ചായ ഒന്ന് നന്നായെന്ന് പറഞ്ഞതിന് അവൾ നിലത്തൊന്നും അല്ല... ഞാൻ അതൊന്നും വലിയ കാര്യമാക്കാതെ കഴിച്ചോണ്ടിരുന്നു... പക്ഷേ ചെറിയമ്മ എന്നോട് അഭിപ്രായം ചോദിച്ചതും ഞാൻ തലയുയർത്തി അവരെ എല്ലാരേയും നോക്കി ചിരിച്ചു......തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...