🌸എന്നെന്നും എന്റെ മാത്രം 🌸: ഭാഗം 161

രചന: അനു

അല്ലെങ്കിലും എപ്പഴും ആരെയെങ്കിലും കൂടെ നിൽകുന്നതാ നല്ലത്...സിദ്ധുന്റെ കയ്യിലെങ്ങാനും ആരും ഇല്ലാതെ പെട്ടാൽ, ഞാൻ ശ്വാസം കിട്ടാതെ ഹൃദയം പൊട്ടി മരിച്ഛ് പോകും... ഉറപ്പാ...!!!! കുറച്ഛ് മുന്നേ വെട്ടിവിയർത്ത് സിദ്ധുന്റെ കയ്യിൽ ഒതുങ്ങി ആ നെഞ്ചിൽ ചേർന്ന് നിന്നതോർത്ത് പുഞ്ചിരിയോടെ ഞാൻ മനസ്സിൽ പറഞ്ഞു.... കോന്തൻ കണാരൻ❤️....!!!!!! ~~~~~~~~ കുറേ നേരായി അനൂനെ പ്രതീക്ഷിച്ഛ് ഹെഡ് ബോർഡിൽ ചാരി ഇരിന്നോണ്ടാവും റൂമിലേക്ക് കയറി വന്ന അനന്തനെ നോക്കി ഞാൻ ആദ്യം ചിരിച്ഛ് പിന്നെ മിഴിച്ചത്.... ആദ്യം ചിരിച്ഛ് പിന്നെ അന്തം വിട്ട് നോക്കുന്ന എന്നെ കണ്ട് നന്തന്റെ മുഖത്ത് സംശയം നിറഞ്ഞതും ഞാൻ വേഗം ചിരിച്ചു.... "എന്താടാ ആദ്യം ചിരിച്ഛ് പിന്നെ മിഴിച്ഛ് നോക്കിയത്...???" "ഏയ്‌ ഒന്നുല്ലെടാ... ഞാൻ മറ്റെന്തോ ആലോചിച്ഛ്...!" "മറ്റെന്തോ ആലോചിച്ഛല്ലാ,,, മറ്റാരെയോ പ്രതീക്ഷിച്ഛ്...അല്ലേ???" എന്റെ അടുത്ത് ബെഡിന്റെ സൈഡിലായി ഇരുന്ന് അവൻ ചോദിച്ചത്‌ കേട്ടോണ്ട് തന്നെ ഞാൻ നേരെ പടിയിട്ട് ഇരുന്ന് അവനെ നോക്കി ചിരിച്ചു...

" ' അല്ലെടാ ' ന്ന് നീ വെറുതെ കള്ളം പറയണ്ട...!!! അതിനി ആരെയായാലും നീ ഇപ്പോ എന്റെ കൂടെ വന്നേ പറ്റൂ... വാ...." എന്റെ കൈ പിടിച്ഛ് വലിച്ഛ് നന്തൻ പറഞ്ഞത് കേട്ട് ഞാൻ സംശയത്തോടെ അവനെ നോക്കി.... " അങ്ങോട്ടാഡാ...???" "ഏയ്‌ പുറത്തേക്കൊന്നുംല്ല... പന്തൽ പണിക്കർ വന്നിട്ടുണ്ട് അവർക്ക് എല്ലാം ഒന്ന് പറഞ്ഞ് കൊടുക്കാനും സഹായിക്കാനും മറ്റുമാണ്... എന്റെ ഫ്രണ്ട്സ് തന്നാ,,, എനിക്ക് ടൗണിൽ പോകണ്ട അത്യാവശ്യമുണ്ട് അതാ..." അവൻ ബെഡിൽ നിന്ന് എന്നെ വലിച്ഛ് എണീപ്പിച്ഛ് നിർത്തിച്ചോണ്ട് പറയുമ്പഴും എന്റെ കണ്ണുകൾ അനൂന്ന് വേണ്ടി വാതിൽക്കലേക്ക് നീണ്ടു.... അനു ഇതെവിടെ പോയി...??? കുറേ നേരായല്ലോ വരാന്ന് പറഞ്ഞിട്ട്... എന്താവും വരാത്തത്....??? "ഡാ ഞാൻ പറഞ്ഞത് വല്ലതും നീ കേട്ടോ...??? " വാതിൽക്കലേക്ക് നോക്കി ആലോചിക്കുന്ന എന്നെ തട്ടി വിളിച്ഛ് നന്തൻ ചോദിച്ചത് കേട്ട് ഞാൻ അവനെ നോക്കി ചിരിച്ചു.... "ആഹ്... പന്തൽ പണിക്കാരെ സഹായിക്കാൻ അല്ലേ.... ഞാൻ ഏറ്റടാ മുള്ളാണി പപ്പു....."

അവന്റെ വയറ്റിൽ കളിയായി കുത്തി ഞാൻ പറഞ്ഞതും അവൻ ഒന്ന് കുനിഞ്ഞ് വയറ്റിൽ ഉഴിഞ്ഞ് ചിരിച്ഛ് റൂമീന്ന് പുറത്തിറങ്ങി, എന്നെ നോക്കി.... "ഡാ സിദ്ധു നീ അനൂനെയാണ് നോക്കുന്നതെങ്കിൽ അവളിപ്പഴന്നും ഇങ്ങോട്ട് വരില്ല...." "അതെന്താ....???" അവൻ പറഞ്ഞത് കേട്ട് ഞൊടിയിടയിൽ ആകാംഷയോടെ ഞാൻ ചോദിച്ചത് കേട്ട് അവൻ എനിക്ക് അഭിമുഖമായി തിരിഞ്ഞ് നിന്ന് നല്ലോണമൊന്ന് നോക്കി ചിരിച്ചു.... "അപ്പോ അവളെത്തന്നെയാണ് നോക്കുന്നത്... മ്മ്മ്....!!!!! ഞാൻ വെറുതെ എറിഞ്ഞ് നോക്കിയതായിരുന്നു കൊണ്ടു.... കൊള്ളേണ്ടടുത്ത് തന്നെ കൊണ്ടൂ....!!!!" എന്നെ നോക്കി തലയാട്ടി അവൻ പറഞ്ഞത് കേട്ട് കാൽ കൊണ്ട് തറയിൽ വട്ടം വരയ്ച്ഛ് കീഴ്ചുണ്ട് കടിച്ഛ് നാണത്തോടെ അവനെ നോക്കിയതും നന്തൻ പൊട്ടിച്ചിരിച്ചു.... "ഹോ എന്തൊക്കെയായിരുന്നു... പകയാണ്, ദേഷ്യമാണ്, പ്രതികാരമാണ്, കുത്താണ്, കോമയാണ് ഹമ്മേ.....!!!! ഇപ്പോ ദേ കിടക്കുന്നു ചട്ടിയും കലവും കണക്ക് തെണ്ടി....!!!

നിന്നെയൊക്കെ ഉണ്ടല്ലോ... ഞാൻ ഒന്നും പറയുന്നില്ല...!!! അവൻ കളിയായി തുടങ്ങി ദേഷ്യത്തോടെ പറഞ്ഞു അവസാനിപ്പിച്ചത് കേട്ട് ഞാൻ കൊച്ഛ് കുട്ടികളെ പോലെ ചുണ്ട് പിളർത്തി നിഷ്‌കു ഭാവത്തിൽ നിന്നതും അവൻ വീണ്ടും പൊട്ടിച്ചിരിച്ചു.... അവന്റെ കൂടെ ചേർന്ന് ചിരിച്ഛ് നന്തന്റെ തോളിൽ കയ്യിട്ട് താഴേയ്ക്ക് കോണിയിറങ്ങുമ്പോ അനൂനെ നിമ്മി കൂട്ടികൊണ്ട് പോകുന്നത് കണ്ടായിരുന്നൂ ന്ന് പറഞ്ഞത് കേട്ട് എനിക്ക് ദേഷ്യം വന്നു...... എല്ലാർക്കും എല്ലാത്തിനും അവളെയാണല്ലോ വേണ്ടത്...!!!! താഴേ ചെന്ന് പന്തൽ പണിക്കാരെ കൂടെ കൂടിയതും ബാക്കി കാര്യമൊക്കെ ഞാൻ മറന്ന് പോയി... നന്തന്റെ രണ്ട് മൂന്ന് ഫ്രണ്ട്സിന് തന്നെയാണ് പന്തൽ കരാർ കൊടുത്തിരിക്കുന്നത്, അവർക്ക് സ്ഥലം കാണിച്ഛ് കൊടുക്കലും കയർ പിടിച്ഛ് കൊടുക്കലും കുഴിയിൽ ഇട്ടാൻ കല്ല് പെറുക്കലുമൊക്കെയായി ഞാൻ പുറക്കെ നടക്കേണ്ടി വന്നു.... പറയുമ്പോ നന്തന്റെ വീട്ടിൽ പന്തൽ ഇട്ടന്മാത്രം പ്രത്യേകിച്ച് പരിപാടിയൊന്നും ഇല്ല...

കല്യാണം അമ്പലത്തിലെ ഹാളിൽ വെച്ചാ, അതോണ്ട് നാട്ടുക്കാരോട് അന്ന് അങ്ങോട്ട് എത്തിക്കോളാനാണ് പറഞ്ഞിരിക്കുന്നത്... ഇവിടെ തലേന്ന് പാർട്ടിയും വെച്ചിട്ടില്ല... എന്നാലും കല്യാണ വീട്ന്നൊക്കെ പറയുബോ ആ ഒരു ലുക്കൊക്കെ വേണ്ടേ...!!! മഴക്കാലം വരാൻ പോകല്ലേ അഥവാ നേരത്തെ മഴയെങ്ങാനും പെയ്താല്ലോ ന്ന് കരുതി പുരയ്ക്ക് ചുറ്റും പന്തൽ ഇട്ടോളാൻ ചെറിയച്ഛൻ പറഞ്ഞിരുന്നു...... പിന്നെ അയൽക്കാരോ നാട്ടുക്കാരോ മറ്റോ വന്നാൽ ഒന്നിരിക്കാനും ചായയും മറ്റോ കഴിക്കാനോ മുന്നിലെ മുറ്റത്ത് ഒരു പത്തു പതിനഞ്ചു ഡെസ്കും ബെഞ്ചും ഇട്ടാൻ പാകത്തിന് കുറച്ഛ് വലിയ പന്തൽ.... അവരെ കുഴി തോണ്ടലും കെട്ടലും അഴിക്കലും മുറുക്കലും ബാക്കി ലൈറ്റ് പിടിപ്പിക്കലും വയറിങ്ങുമൊക്കെ കഴിഞ്ഞ് പോകുമ്പോ സമയം സന്ധ്യ കഴിഞ്ഞിരുന്നു... ഏഴ് മണിയ്ക്ക് മീനൂന്റെ ഹൽദി തുടങ്ങും ഇപ്പോ തന്നെ വൈകി... പുറത്തെ പൈപ്പിൽ നിന്ന് കയ്യിലും കാലിലും പറ്റിയ ചളി കഴുകി കളഞ്ഞ് അകത്തേക്ക് കയറിയപ്പോ വീട്ടിൽ ഒരു പൂച്ചകുഞ്ഞ് പോലും അവശേഷിക്കാതെ എല്ലാരും മീനൂന്റെ വീട്ടിലേക്ക് പോയിരുന്നു... ഇവരൊക്കെ അപ്പഴാ പോയത്,,, ഞാൻ കണ്ടില്ലല്ലോ...???

ഒരു നേടുവീർപ്പോടെ മനസ്സിൽ പറഞ്ഞ് റൂമിൽ കയറി വേഗം കുളിച്ചു... നന്തൻ ടൗണിൽ പോയി വന്നിട്ടില്ല ന്ന് തോന്നുന്നു അതോണ്ട് ഫ്രണ്ട് ഡോർ താഴിട്ട് പൂട്ടി സ്ഥിരം വെക്കാറുള്ള ഭസ്മ കൊട്ടയിൽ വെച്ഛ് ഞാനും വേഗം മീനൂന്റെ വീട്ടിലേക്ക് നടന്നു..... ~~~~~~~~~~ എല്ലാരും വന്നു എന്റെ കോന്തൻ കണാരനെ മാത്രം കാണുന്നില്ലല്ലോ...??? ഹൽദി തുടങ്ങാൻ സമയായി മീനൂന്റെ അടുത്ത് നിൽക്കുമ്പഴും എന്റെ കണ്ണുകൾ മുറ്റത്തേക്ക് സിദ്ധുനെ തേടി ഓടിക്കൊണ്ടിരുന്നു..... ഇവിടുന്ന് ഹൽദി സെക്ഷന്റെ പണി തീർത്ത് ഫ്രഷാവാനും ഡ്രസ് മാറ്റാനും മറ്റുമായി തറവാട്ടിലേക്ക് കയറി ആദ്യം പോയത് ഞങ്ങളെ റൂമിലേക്ക് ആയിരുന്നു.... പക്ഷേ അവിടെ സിദ്ധുനെ കണ്ടില്ല... എന്തോ ശബ്‌ദം കേട്ട് വെറുതേ പിന്നിലേക്കുള്ള ജനാലവഴി പുറത്തേക്ക് നോക്കിയപ്പോ പന്തൽ പണിക്കരുടെ കൂടെ നിന്ന് ചായ കുടിക്കുന്നത് കണ്ടു... പുറത്തേക്ക് വീശി കാണിക്കാൻ കൈ ഉയർത്തിയെങ്കിലും വേഗം ജനലിന്റെ അടുത്തൂന്ന് മാറി ചുമരിൽ ചേർന്ന് ചാരി നിന്നു...

ഇപ്പോ വിളിച്ചാ എന്റെ പണിയും നടക്കില്ല, സിദ്ധുന്റെ പണിയും നടക്കില്ല.. പുഞ്ചിരിയോടെ ജനലിന്റെ മറവിൽ നിന്ന് അവനെ നോക്കി ഞാൻ മനസ്സിൽ പറഞ്ഞു.... എന്തോ കാര്യമായി പറഞ്ഞ് ചിരിക്കുന്നുണ്ട് കോന്തൻ... മുണ്ട് മടക്കി കുത്തിയിട്ടുണ്ട്, ഷർട്ടിന്റെ കൈ മുട്ട് വരെ മടക്കി കയറ്റി വെച്ചിരിക്കുന്നു.... ഇടയ്ക്കിടെ അവൻ ചുണ്ടോട് ചേർക്കുന്ന ചായ ഗ്ലാസ്സിലേക്ക് ഞാൻ അസൂയയോടെ നോക്കി.... ഉച്ചയ്ക്ക് അവൻ കിച്ചണിൽ വന്നതും ചേർന്ന് നിന്നതും അരക്കെട്ടിൽ തണുത്തുറഞ്ഞ ആ കൈ മുറുക്കിയതും ഓർക്കെ അടിവയറ്റിൽ മഞ്ഞ് വീണപ്പോലെ മേലാക്കെയൊരു തണുപ്പ് പടർന്നു.... കുസൃതിയോടെ അവൻ ചോദിച്ച ഓരോ ചോദ്യവും മനസ്സ് ഒന്നൂടെ ആവർത്തിച്ചതും അടിവയറ്റിൽ നിന്ന് എന്തോ പുളഞ്ഞ് കയറിയ പോലെ, ഹൃദയംവല്ലാതെ മിടിപ്പേറുന്നു....ഇടയ്ക്ക് സിദ്ധുന്റെ ചുട് നിശ്വാസം കഴുത്തിടുക്കിൽ പതിഞ്ഞതും ഞാൻ ഷോൾഡർ ഉയർത്തി കഴുത്ത് കുറുക്കി നാണത്തോടെ വെട്ടിച്ചു...

"മ്മ്ച്ചും...സിദ്ധേട്ടാ...!!!!" പെട്ടെന്ന് കണ്ണ് തുറന്ന് പുറക്കിലേക്ക് നോക്കി ആരും ഇല്ലെന്ന് കണ്ട് ഞാൻ ചടപ്പോടെ ഇടത്തേ കൈകൊണ്ട് കണ്ണ് രണ്ടും മൂടി.... അയ്യേ....!!! അനൂ...... !!!! മോശം മോശം.... ചുമര് ചാരി തല മുട്ടിച്ഛ് പുഞ്ചിരിയോടെ ഞാൻ എന്നോട് തന്നെ പറഞ്ഞ് ചുറ്റും നോക്കി... ഭാഗ്യം ആരും കണ്ടില്ല.....!!!!! പതിയെ സിദ്ധു നെ ഒളിഞ്ഞ് നോക്കി ചുണ്ട് കൂർപ്പിച്ഛ് ഒരുമ്മ കൊടുത്ത് ഞാൻ വേഗം ഫ്രഷ് ആവാൻ കയറി... ഫ്രഷായി വന്ന് നിമ്മിയുടെ ഹൽദിയ്ക്ക് വാങ്ങിയ മഞ്ഞ സാരിയെടുത്ത് ഉടുത്ത് അത്യാവശ്യം കുറച്ഛ് ഒരുങ്ങി താഴേയ്ക്ക് ചെന്നു.... ആമിയേയും നിമ്മിയേയും സാരിയുടുക്കാൻ ഹെൽപ്പ് ചെയ്ത് മക്കളെ ഒരുക്കി വേഗം മീനൂന്റെ വീട്ടിലേക്ക് ചെന്നു.... മീനൂന്റെ അമ്മ വീട്ടുക്കാരൊക്കെ വീട്ടിൽ നേരത്തെ എത്തിയിട്ടുണ്ട്.... വീട്ടിന്റെ മുറ്റത്താണ് ഹൽദി സെറ്റ് ചെയ്തത്... റെഡ് കളർ കാർപ്പറ്റിൽ മീനൂന്ന് ഇരിക്കാൻ ഒരു ദിവാൻ കോട്ട് ഇട്ടിട്ടുണ്ട്... മുന്നിലെ ചെറിയ ഡെസ്കിൽ രണ്ട് ഉരുളിയിൽ വെള്ളത്തിൽ നിറയെ പൂക്കളും ക്യാന്റിൽസ് കൊണ്ട് അലങ്കരിച്ചു...

നടുവിൽ മഞ്ഞളിന്റെ കൂട്ടും വെച്ചു.. സ്‌ക്വയർ ഷേപ്പിൽ മഞ്ഞ ചെട്ടി പൂക്കൾ ഫുൾ കവർ ചെയ്ത് കെട്ടിയും ഫ്രണ്ടിൽ മാത്രം ആളുകൾക്ക് പോകാൻ പാകത്തിന് കോണാക്കി മുറിച്ചു തൂക്കി... പൂക്കൾക്ക് ഇടയിലൂടെ ഗോൾഡൻ LED ബൾബ് കൊടുത്തു.... ചെറിയ രീതിയിൽ ഹൽദിക്ക് പറ്റിയ സോങ് ബാക്ക് ഗ്രൗണ്ട് പ്ലെ ചെയ്തു... മൊത്തത്തിൽ നിമ്മിന്റെ ഡെക്കോർ പോലെ ഗ്രാൻഡ് ആയില്ലെങ്കിലും ഒരു നാടൻ സ്റ്റൈൽ ഹൽദി ഞങ്ങൾ എല്ലാരും കൂടി ചെറിയ സമയം കൊണ്ട് സെറ്റ് ചെയ്തു.... യെല്ലോ കളർ ദാവണിയാണ് മീനൂന്റെ ഡ്രസ്.. ഏട്ടൻ വാങ്ങി കൊടുത്തതാ.. അതോണ്ട് തന്നെ നിലത്തൊന്നുംല്ല പെണ്ണ്.... യെല്ലോ കളർ പൂവും സ്റ്റോണും എല്ലാം കൂടിയുള്ള ജ്വവല്ലറി സെറ്റും ഏട്ടൻ ആ കൂട്ടത്തിൽ വാങ്ങിയിരുന്നു... അതിൽ നെറ്റി ചുട്ടിയും മോതിരവും കമ്മലും മാലയും എല്ലാം ഉണ്ടായിരുന്നു.... കുറച്ഛ് ഡാർക്ക് ഐ മേക്കപ്പും ഗ്രീ കളർ പൊട്ടും ലൈറ്റ് റോസ് കളർ ലിപ്സ്റ്റിക് കൂടിയായപ്പോ മീനു ആളേ മാറിപ്പോയി....

ഏട്ടൻ കാണണ്ട താലി കെട്ടാനൊന്നും കാത്ത് നിൽക്കില്ല,, ഇപ്പൊ തന്നെ കൂട്ടി കൊണ്ട് പോകും ന്ന് മീനൂന്റെ ചെവിയിൽ സ്വകാര്യം പറഞ്ഞ് കളിയാക്കി ചിരിച്ഛ് ഉയർന്ന് നേരെ നോക്കിയതും സിദ്ധു നെ കണ്ട് എന്റെ കണ്ണുകൾ തിളങ്ങി..... അത്യധികം സന്തോഷത്തോടെ ഞാൻ അവനെ നോക്കി ചിരിച്ചെങ്കിലും സിദ്ധുന്റെ കനത്ത മുഖം കണ്ട് എന്റെ ചിരി മങ്ങി.... വരാ ന്ന് പറഞ്ഞിട്ട് പോകാതിരുന്നതിന്റെയാവും.....!!!! നിറഞ്ഞ ചിരിയോടെ ചെറിയമാമ്മയോടും അമ്മായിയോടും ബാക്കിയെല്ലാരോടും സംസാരിക്കുന്ന സിദ്ധുനെ നോക്കി ഞാൻ വീണ്ടും ചിരിച്ചെങ്കിലും എന്റെ മുഖത്തേക്ക് നോക്കിയപ്പോ വീണ്ടും മുഖം കനത്തു.... അജൂന്റെയും അപ്പൂന്റേയും ഏട്ടന്റെയും കൂടി ഇരിക്കുന്ന സിദ്ധു നെ ഞാൻ കുറേ നേരം നിന്നെങ്കിലും അവനെന്നെ നോക്കിയതേയില്ല...!!! ഹൽദി ഫങ്ഷൻ സ്റ്റർട്ടായതും ആദ്യം ചെറിയമാമ്മയും അമ്മായിയും താലത്തിൽ വെച്ച വെറ്റിലയിൽ മഞ്ഞൾ കൂട്ട് തൊട്ടെടുത്ത് കവിളിലും കയ്യിലും ചെറുതായി പുരട്ടി... തൊട്ടടുത്ത് ബൗളിൽ വെച്ച സ്റ്റോണ് ചോക്ലേറ്റ് എടുത്ത് വായിൽ മധുരം പകർന്നു.... ചെറിയമാമ്മ മീനൂന്റെ നെറ്റിയിൽ അരുമായായി ചുംബിക്കുകയും ചെയ്തു...

തുടക്കം കുറിച്ചതും ബാക്കി അമ്മയിമ്മാരും വെല്യമ്മമാരും വെല്യച്ചന്മാരും വന്ന് മഞ്ഞൾ പുരട്ടി മധുരം പകർന്നു.... ഏട്ടന്മാരുടെ ഊഴമായതും ആദ്യം സിദ്ധു കയറി വന്നു... വൈറ്റ് മുണ്ടും ലൈറ്റ് യെല്ലോ ഷൈഡ് ഷർട്ടുമാണ്... ഞാൻ ബെഡിൽ എടുത്ത് വെച്ച ഷർട്ടും മുണ്ടും ഉടുക്കാ,, പക്ഷേ മിണ്ടാൻ പറ്റില്ല..... ദുഷ്ടൻ....!!! മീനുനെ നോക്കി ചിരിച്ഛ് പുതിയൊരു വെറ്റിലയെടുത്ത് മഞ്ഞൾ കൂട്ട് ഒപ്പിയെടുത്ത് സിദ്ധു പതിയെ മീനൂന്റെ രണ്ട് കവിളിലും പുരട്ടി, മധുരം കൊടുത്തു... "സിദ്ധുവേട്ടാ.... നന്തേട്ടൻ ടൗണിൽ പോയി വന്നോ...???" നിറഞ്ഞ ചിരിയോടെ ആകാംഷയോടെ മീനു ചോദിച്ചു.. "ഞാൻ വരുന്നവരേ വന്നിട്ടില്ല.. ചിലപ്പോ ഇപ്പോഴേക്കും വന്ന് കാണും... അവനിങ്ങോട്ട് വരാൻ പറ്റില്ലല്ലോ,,, റൂമിൽ ഇരുന്നും നടന്നും കോഴി മുട്ടയിട്ടാൻ കാണിക്കുന്ന കളി കളികളിക്കുന്നുണ്ടാവും...!!!!" സിദ്ധു പറഞ്ഞ തമാശ കേട്ട് മീനൂന്റെ കൂടെ നിൽക്കുന്ന എല്ലാരും ചിരിച്ചു..... "ന്നാ... നിന്റെ ഫോൺ...!!!" ഫോൺ എന്റെ കയ്യിലേക്ക് നീട്ടുമ്പോ ദേഷ്യത്തോടെയാണെങ്കിൽ സിദ്ധുന്റെ ഒരു നോട്ടം ഞാൻ പ്രതീക്ഷിച്ചു.. പക്ഷേ കോന്തൻ എന്നെ മൈൻഡ് പോലും ചെയ്യാതെ ഇറങ്ങി പോയി...

ഇതിപ്പോ ഞാൻ എന്തോ കരുതികൂടി വരാതിരുന്ന പോലെയാണല്ലോ സിദ്ധുന്റെ മട്ടും ഭാവവും കണ്ടാൽ.... നിങ്ങളെ പെങ്ങള് പിടിച്ച പിടിയാല്ലേ കൂട്ടികൊണ്ട് വന്നതാ മനുഷ്യാ.... എനിക്ക് ദേഷ്യം വരുന്നുണ്ട്....!!!!! മുതിർന്നവർ എല്ലാരും കഴിഞ്ഞപ്പോ ബാക്കി കലാപരിപാടികൾ ചേച്ചിമ്മാരും കസിൻസും ചുറ്റുവട്ടത്തുള്ള മീനൂന്റെ ചൈൽഡ് ഹുഡ് ഫ്രണ്ട്സും അങ്ങേറ്റെടുത്തു... വലിയ ഉത്സാഹമില്ലാതെ അവരെ കൂട്ടത്തിൽ എല്ലാംനോക്കി വെറുതേ ചിരിച്ചോണ്ട് നിൽകുമ്പഴാണ് പെട്ടെന്ന് ഫോണിലേക്ക് മെസേജ് നോട്ടിഫിക്കേഷൻ വന്നത്.... ഞെട്ടി നോക്കിയപ്പോ സിദ്ധുന്റെ നമ്പറിൽ നിന്നാ.... പുറക്കിലേക്ക് വാ😡😡.....!!! ഇതായിരുന്നു മെസേജ്... ഞാൻ ഫോണിൽ നിന്ന് തലയുയർത്തി സിദ്ധു നെ നോക്കിയതും സ്‌മൈലിയുള്ളപ്പോലെ മുഖം വീർപ്പിച്ഛ് വെച്ചോണ്ട് തന്നെ മുഖം സൈഡിലേക്ക് വെട്ടിച്ഛ് വരാൻ പറഞ്ഞു.... ഞാൻ അനുസരണയോടെ വരാ ന്ന് തലയാട്ടി....

സിദ്ധു എന്നെ അടിമുടിയൊന്ന് നോക്കി പുറക്കിലേക്ക് നടന്നതും ഞാനും പതിയെ അവിടുന്ന് വലിഞ്ഞു..... ~~~~~~~~~~~~~ പാവം....!!!!! ഞാൻ ദേഷ്യത്തിലാണെന്ന് കരുതി പേടിച്ഛ് നിൽകാ...!!!! സത്യം പറഞ്ഞാ അവളെ കാണുന്ന വരേ ദേഷ്യം ഉണ്ടായിരുന്നു... പക്ഷേ എന്റെ മഞ്ഞക്കിളിയെ കണ്ടപ്പോ ദേഷ്യമൊക്കെ അങ്ങ് പറന്ന് പോയി....!!!! നല്ല വൃത്തിയായി ഞൊറിഞ്ഞുടുത്ത യെല്ലോ ഷിഫോണ് സാരിയിൽ അങ്ങനെ നിറഞ്ഞ് നിൽക്കല്ലേ എന്റെ പൊട്ടിക്കാളി❤️സത്യം പറഞ്ഞാൽ ഓടിച്ചെന്ന് വരിഞ്ഞ് മുറുക്കി കെട്ടിപ്പിടിക്കാനാ തോന്നിയത്.... എന്തോ എനിക്ക് അറിയില്ല അവളെയെന്ന് കാണാൻ പോലും ഞാൻ അത്രയേറെ കൊതിച്ഛ് പോയിരുന്നു... പിന്നെ ദേഷ്യം കാണിച്ചത് എന്തിനാ ന്ന് ചോദിച്ചാൽ,,, ചുമ്മാ.... ഒരു രസം.... വരാന്ന് പറഞ്ഞിട്ട് കുട്ടി വരാതിരുന്നില്ലേ അതിന്.... പുറക്ക് വശത്തൊന്നും ആരും ഇല്ല.... മുന്നിൽ നിന്ന് അടിക്കുന്ന നേരിയ വെളിച്ചമേള്ളൂ...

ഞാൻ പുറക്കിൽ കുറച്ഛ് അപ്പുറത്തേക്ക് മാറി നിന്ന് ഫോണിൽ കുത്തുമ്പഴാണ് അനു സാരിയൊക്കെ പൊക്കിപ്പിടിച്ഛ് പയ്യെ നടന്ന് മുന്നിൽ വന്ന് നിന്നത്... അവള് വന്ന് നിന്നത് അറിഞ്ഞും ഞാൻ ഫോണിൽ കാര്യമായി കുത്തി കൊണ്ടിരുന്നു.... "ദേ...ദേഷ്യത്തിലാണോ...????" വലത്തേ കയ്യിൽ പിടിച്ച ഫോൺ ഇടത്തേ ഉള്ളം കയ്യിലിട്ട് തട്ടി കൊണ്ട് നിൽപ്പുറക്കാതെ അങ്ങോട്ടും ഇങ്ങോട്ടും ആടി കളിച്ഛ് അവള് എന്റെ മുഖത്തേക്ക് പ്രതീക്ഷയോടെ നോക്കി ചോദിച്ചു..... ഇടംകണ്ണിട്ട് നോക്കി ഞാൻ ഇതൊക്കെ ശ്രദ്ധിച്ചെങ്കിലും മൈൻഡ് ആകാതെ ഫോണിലേക്ക് തന്നെ നോക്കി.... "ആണെങ്കിൽ....????" ദേഷ്യം ഒട്ടും കുറയ്ക്കാതെ ഗൗരവത്തിൽ ഞാൻ തിരിച്ചു ചോദിച്ചതും അവളെ മുഖത്തെ പ്രതീക്ഷ മങ്ങി.... ഒന്നൂടെ എന്റെ അടുത്തേക്ക് വന്ന തലകുനിച്ഛ് എന്റെ മുഖത്തേക്ക് നോക്കി സങ്കടത്തോടെ അവള് വീണ്ടും ചോദിച്ചു.... "മിണ്ടൂല്ലേ..???" "ഇല്ലെങ്കിൽ...??!!" ~~~~~~~~~~~ എന്റെ മുഖത്തേക്ക് ഒന്ന് നോക്കെങ്കിലും ചെയ്തൂടെ സിദ്ധുന്ന്.... സങ്കടാവുന്നു...!!! ചങ്ക് പൊട്ടുന്നു.... ഞാൻ എന്തോ ചെയ്തപ്പോലെ... ഫോൺ സ്ക്രീനിൽ നിന്ന് സിദ്ധു ന്റെ മുഖത്തേക്ക് അടിക്കുന്ന വെളിച്ചത്തിൽ എനിക്ക് കാണാം ദേഷ്യം പിടിച്ച ആ മുഖം...

. ഞാൻ ഒന്നൂടെ സിദ്ധു മുന്നിലേക്ക് കയറി നിന്നു.... "സി...ദ്ധേട്ടാ... സത്യം ആയിട്ടും ഞാ....." പറഞ്ഞ തുടങ്ങും മുന്നേ സിദ്ധു എന്നെ പൂഡടകം പുണർന്നിരുന്നു... കഴുത്തിൽ ആഴത്തിൽ പതിഞ്ഞ അവന്റെ നനവൂറുന്ന ചുണ്ടുകളിലെ തണുപ്പ് ശരീരമാക്കെ പടരുന്ന പോലെ... അരക്കെട്ടിൽ അവന്റെ കൈകൾ മുറുക്കിയതും ഞാൻ കാൽ വിരലിൽ ഉയർന്ന് ഞെളിഞ്ഞ് അവന്റെ നെഞ്ചോട് ചേർന്ന്... ഇത്രത്തോളം അവനിലേക്ക് ചേർക്കാമോ അത്രത്തോളം എന്നെ ചേർത്ത് വരിഞ്ഞ് മുറുക്കി സിദ്ധു പിടിച്ചു... ശാന്തമായി മിടിക്കുന്ന ആ ഹൃദയതാളം അവനിൽ അമർന്ന് കിടക്കുന്ന നെഞ്ചിലൂടെ ഞാൻ അറിഞ്ഞു.... സത്യം പറഞ്ഞാൽ എനിക്ക് ശ്വാസം വിലങ്ങി പോകുന്നു... എല്ലുകളൊക്കെ നുറുങ്ങുന്ന പോലെ ചെറുതായി വേദനിക്കുന്നു... ശ്വാസം വലിക്കാൻ പറ്റുന്നില്ല.... ശ്വാസ കോശം സ്പോഞ്ച് പോലെയാണെന്ന് ഇങ്ങേർക്ക് അറിയില്ലേ ദൈവേ...???" "സി....സിദ്ധേട്ടാ.... എനിക്ക്.... എനിക്ക് നോവുന്നു....!!!!"

എങ്ങനെയോ പറഞ്ഞൊപ്പിച്ചതും സിദ്ധുന്റെ കൈകൾ അയഞ്ഞു.. "ഓഹ്...ആം.... ആം സോറിഡാ..." ഞൊടിയിടയിൽ വെപ്രാളത്തോടെ സിദ്ധു എന്നെ അടർത്തി മാറ്റിയതും ഞാൻ വലിയൊരു ശ്വാസം വലിച്ചെടുത്തു വിട്ട് നെഞ്ചിൽ കൈ ചേർത്തു.... "ഹോ... ഞാൻ ഇപ്പോ ശ്വാസം മുട്ടി ചത്തേന്നല്ലോ മനുഷ്യാ... എന്റെ നടു... ഹമ്മേ...!!!! കുറുമ്പോടെ അവനെ നോക്കി ഊരയ്ക്ക് കൈ കൊടുത്ത് ഞാൻ പറഞ്ഞതും സിദ്ധുന്റെ മുഖം വടി.. "സോറി രാധൂ... എനിക്ക്... എനിക്ക് എന്തോ അറിയില്ല....!!!! ഞാൻ ഇപ്പഴാടാ നല്ലോണം ശ്വാസം വിട്ടത്... ഇത് വരെ.... ഞാൻ....!!!" വല്ലാത്തൊരു ഭാവത്തിൽ സിദ്ധു എന്നെ നോക്കി പറഞ്ഞത് കേട്ട് ഞാൻ അവനെ പകച്ഛ് നോക്കി... പിന്നെ പതിയെ അവനോട് ചേർന്ന് കെട്ടിപ്പിടിച്ഛ് നെഞ്ചിൽ ചാരി നിന്നു.... "രാധൂ..... ഒരു... ഒരുപാട് വേദനിച്ചോടാ...???" സിദ്ധുന്റെ ശബ്ദത്തിൽ നിഴലിച്ച ദയനീയത കേട്ട് ഇല്ലെന്ന് തലയാട്ടി ഞാൻ അവനെ ഒന്നൂടെ വരിഞ്ഞ് മുറുക്കി പിടിച്ചു...ഇടത്തേ കൈ കൊണ്ട് എന്നെ പയ്യെ ചേർത്ത്‌ പിടിച്ഛ് വലത്തേ കൈ കൊണ്ട് അവൻ തലയിൽ തഴുകി.... "വൈകുന്നേരം നീ അങ്ങോട്ടാ മുങ്ങിയത്...???" സിദ്ധുന്റെ ചോദ്യം കേട്ട് ഞാൻ തലയുയർത്തി അവനെ നോക്കി കുറുമ്പോടെ പറഞ്ഞു... "ഞാൻ മുങ്ങിയതോന്നും അല്ലാ... ഞാൻ മോളിലോട്ട് കോണി കയറാൻ തുടങ്ങിയതാ അപ്പഴാ നിമ്മി പിടിച്ഛ് വലിച്ഛ് ഇങ്ങോട്ട് കൊണ്ട് വന്നത്...???" ~~~~~~~~~~

"എന്തിന്...????" എന്റെ മറു ചോദ്യം കേട്ട് അവളെ മുഖത്തെ കുറുമ്പ് മാറി ആവേശം നിറഞ്ഞു.... "ഹൽദി സ്റ്റേജ് സെറ്റ് ചെയ്യാൻ...!!!!! നോക്ക് അടിപൊളിയായില്ലേ..???" എന്റെ നെഞ്ചിൽ നിന്ന് മാറി ഹൽദി നടക്കുന്നടത്തേക്ക് എത്തി നോക്കി ഗമയിൽ അനു പറഞ്ഞു.... "ഓഹോ നീയാണോ ഇവിടുത്തെ ഇവന്റ് മാനേജ്മെന്റ് കോർഡിനേറ്റർ...???" ഞാൻ അവളെ കളിയാക്കി കൊണ്ട് ചോദിച്ചത് കേട്ട് അവളെന്നെ കൂർപ്പിച്ഛ് നോക്കി വിട്ട്മാറി നിന്നു.... "അല്ലാ,,,, വൈകുന്നേരം ഞാൻ തറവാട്ടിലേക്ക് വന്നപ്പോ ഇങ്ങളെ റൂമിൽ കണ്ടില്ലല്ലോ...?? ഇവിടെ പോയിരുന്നു...???" ഊരയ്ക്ക് കൈ കുത്തി പുരികം പൊക്കിയും താഴ്ത്തിയും കാര്യമായി അവൾ ചോദിച്ചു "ആഹ്... അതോ.... അപ്പോ ഞാൻ പന്തൽ പണിക്കാരെ കൂടെയായിരുന്നു...!! "ഓഹോ അപ്പോ നിങ്ങളാണോ തറവാട്ടിലെ പന്തൽ പണി കോണ്ട്രാക്ടറ്റ് എടുത്തിരിക്കുന്നത്....????" എന്റെ കഴുത്തിലൂടെ രണ്ട് കയ്യും ചുറ്റി പിടിച്ഛ് തൂങ്ങി എന്റെ നെഞ്ചിലേക്ക് അമർന്ന് നിന്ന് ഞാൻ ചോദിച്ചപ്പോലെ തന്നെ സംശയത്തോടെ അവള് തിരിച്ഛ് ഗമയിൽ ചോദിച്ഛത് കേട്ട് ഞാനവളെ നോക്കി കൊണ്ട് തന്നെ ഇടുപ്പിലേക്ക് കൈ ചേർത്തു..

. "ഓഹോ.... ആഹാ.. കൊള്ളാല്ലോ.... ഏഹ്ഹ്ഹ്...????" കൈ വിരൽ കൊണ്ട് വയറിൽ ഇക്കിളി കൂട്ടി ഞാൻ ചോദിച്ചതും കൈ വലിച്ഛ് ഞെട്ടി പിടഞ്ഞു..... "ഹ... സിദ്ധു വേണ്ട... ഹാ... ട്ടോ.... ഹഹ്...ഹഹ....ഹ്ഹ..." പൊട്ടിച്ചിരി അടക്കിപ്പിടിച്ഛ് എന്റെ കയ്യിൽ നിന്ന് കുതറി മാറി എന്നെ കണ്ണുരുട്ടി പേടിപ്പിച്ഛ് അവള് ചുറ്റും നോക്കി വീണ്ടും എന്റെ അടുത്തേക്ക് വന്ന് നിന്നു...... "എന്തിനാ റൂമിലേക്ക് വരാൻ പറഞ്ഞേ...??" സംശയത്തോടെ അവളെന്നെ നോക്കി ചോദിച്ചതും ഞാൻ അവളെ രണ്ട് ഇടുപ്പിലും കൈ ചേർത്ത് പിടിച്ചു.... " പറയട്ടെ...???" അവളെ കണ്ണിലേക്ക് നോക്കി സ്വകാര്യം പോലെ ഞാൻ പറഞ്ഞത് കേട്ട് അനു ആകാംഷയോടെ എന്റെ കണ്ണിലേക്ക് തിരിച്ഛ് നോക്കി പയ്യെ തലയാട്ടി മൂളി..... ഇടുപ്പിൽ കൈ മുറുക്കി ഒന്നൂടെ വലിച്ചെടുപ്പിച്ചതും പെണ്ണ് തള്ളി മാറ്റി മാറി നിന്നു..... "അയ്യടാ.... അങ്ങനെ ഇപ്പോ ഇയാള് പറയണ്ട....!!! ദേ അവിടെ ചേച്ചിമ്മാരും കസിൻസും ഫ്രണ്ട്സും ചേർന്ന് ഹൽദി അടിച്ഛ് പൊളിക്കാ... വാ നമ്മുക്കും പോകാ.... വാ...???"

എന്റെ കൈ പിടിച്ഛ് വലിച്ഛ് അങ്ങോട്ട് നടത്തിച്ഛ് അനു പറഞ്ഞതും വലിയ താല്പര്യമില്ലാതെ ഞാൻ അവളെ പുറക്കെ ചെന്നു... അവൾ വെളിച്ചത്തേക്ക് കടക്കാൻ തുടങ്ങിയതും ഞാൻ പിടിച്ഛ് നിർത്തി.... "അനൂ...???" ഞൊടിയിടയിൽ തിരിഞ്ഞ് സംശയത്തോടെ അനു എന്നെ നോക്കി... രണ്ട് കയ്യോണ്ടും അനൂന്റെ മുഖം കൈ കുമ്പിളിൽ കോരിയെടുത്ത് സിന്ദൂരം നിറഞ്ഞ നെറ്റിയിൽ അമര്ത്തി ചുംബിച്ചു.... "ചുന്ദരിയായിട്ടുണ്ട് ട്ടോ ന്റെ പൊട്ടിക്കാളി... കണ്ണ് തട്ടണ്ട...!!!!!" രണ്ട് കയ്യോണ്ടും അവളെ മുഖം ഉഴിഞ്ഞു നെറ്റിയിൽ വെച്ഛ് അമർത്തി പൊട്ടിച്ചു ഞാൻ പറഞ്ഞത് കേട്ട് അനു കുശുമ്പാ ന്ന് നീട്ടി വിളിച്ഛ് മൂക്കിന് തുമ്പ് പിടിച്ഛ് കുലുക്കി.... കവിളിൽ അമർത്തി ഒരുമ്മയും കടിയും തന്ന് ഓടിപോകുന്ന അവളെ കവിൾ പൊത്തിപിടിച്ഛ് എരിവ് വലിച്ചോണ്ട് ഞാൻ നോക്കി... ആഹ്.... വല്ലാത്ത മൂർച്ചയാ പെണ്ണിന്റെ പല്ലിന്.... ഇതിനൊക്കെ ഞാൻ പകരം തരുന്നുണ്ടെഡീ പൊട്ടിക്കാളി കുരിപ്പേ...!!! അവളെ നോക്കി കവിളുഴിഞ്ഞ് ഞാൻ മനസ്സിൽ പറഞ്ഞ് മുന്നിലേക്ക് നടന്നു.......തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...