🌸എന്നെന്നും എന്റെ മാത്രം 🌸: ഭാഗം 18

രചന: അനു

 നല്ല ക്ഷീണമുള്ളതോണ്ടോ കഥ കേട്ട് കനി ഉറങ്ങുന്നതിന് മുന്നേ തന്നെ സിദ്ധു ഉറങ്ങിയിരുന്നു.... ഒരു കഥ കഴിഞ്ഞപ്പോ അടുത്തത്, അത് കഴിഞ്ഞപ്പോ പാട്ട്,കുറുക്കന്റെ കഥ, കാക്കേന്റെ കഥ ന്നൊക്കെ പറഞ്ഞു കനിയുറങ്ങാൻ ഒരുപാട് സമയമെടുത്തു.. ... അവളുറങ്ങിയത് ഞാൻ പതിയെ കൈ മാറ്റി എണീക്കാൻ നോക്കിയെങ്കിലും കഴിഞ്ഞില്ല കാരണം സിദ്ധു അപ്പഴും എന്റെ വിരലുകളിൽ വിരൽ കോർത്ത്‌ ബലമായി പിടിച്ചിരുന്നു... ഒരുപാട് നോക്കിയെങ്കിലും വിട്ടീക്കാൻ കഴിഞ്ഞില്ല... പിന്നീടെപ്പഴോ ഞാനും ഉറങ്ങിപ്പോയി..... **** രാവിലെ എണീറ്റപ്പഴാണ് ഞാൻ കട്ടിലിൽ തന്നെയാണ് കിടക്കുന്നതെന്ന് മനസ്സിലായത്.... വേഗം ബെഡിൽ നിന്ന് ചാടിയെണീറ്റു നിലത്ത് നിന്നു.... രാത്രി മാറിക്കിടക്കണമെന്ന് വിചാരിച്ചതാ.... ഉറങ്ങിപ്പോയി..ഞാൻ വേഗം ബെഡിലേക്ക് നോക്കി...ഹാവൂ എണീറ്റിട്ടില്ല... ഭാഗ്യം, ഹോ ഇല്ലെങ്കിൽ ഞാൻ ചത്തേനെ....നെഞ്ചിൽ കൈ വെച്ഛ് ഇത്രയും പറഞ്ഞ് ഞാൻ വേഗം കുളിച്ചിറങ്ങി താഴേക്ക് ചെന്നു.... ~~~~ ഒരാഴ്ച്ചത്തെ ക്ഷീണം മുഴുവൻ ഉറങ്ങി തീർത്തപ്പോഴേക്കും നട്ടുച്ചയായി.... ഇന്നിനി ഓഫീസിൽ പോകാൻ വയ്യ... ജയനെ വിളിച്ചു പറഞ്ഞു വരില്ലെന്ന്,ജയൻ എന്റെ PA ആണ്.... ഉച്ചയ്ക്ക് എണീറ്റ് ഫ്രഷ് ആയി ചോറൊക്കെ തിന്ന് നേരെ അച്ഛച്ചയുടെ റൂമിലേക്ക് വിട്ടു...

കുറേ കാലമായി അച്ഛമ്മയുടെ അടുത്ത് പോയിട്ടും നല്ലോണോന്ന് സംസാരിച്ചിട്ടും....ട്രിപ്പിന്റെ കാര്യവും ഓഫീസ് കാര്യവും ഒക്കെ സംസാരിച്ഛ് സംസാരിച്ഛ് അച്ചമ്മേടെ കൂടെ അവിടെ കിടന്ന് പിന്നേയും ഉറങ്ങി... പിന്നെ സന്ധ്യക്കാണ് ഉറക്കം തെളിഞ്ഞത്..അതല്ലെങ്കിലും നേരം വൈകി എണീറ്റാൻ ആ ദിവസം മുഴുവൻ ഒരുമാതിരി ക്ഷീണമായിരിക്കും.... ~~~~~~ അവൻ ഉച്ചയ്ക്ക് എണീറ്റ് വന്ന് ചോറ് തിന്ന് പിന്നേയും അച്ചമ്മേടെ കൂടെ കിടന്നു.. ഉച്ചക്ക് പ്രത്യേകിച്ച് പണിയൊന്നും ഇല്ലാത്തൊണ്ട് ഞാൻ നമ്മുടെ സ്ഥിരം പ്ലെയിസ് ആയ കിളിവീട്ടിൽ book വായിച്ചിരുന്നു..... വൈകുന്നേരം ആയപ്പോ ചായയുണ്ടാക്കി എല്ലാർക്കും കൊടുത്തു....അവനെ വിളിച്ചുണർത്തി കൊടുക്കാൻ നിന്നില്ല,എന്തിനാ വെറുതെ പണി ചോദിച്ചു വാങ്ങുന്നത്.... അവൻ സന്ധ്യക്കാണ് പിന്നെ എണീറ്റത്.....tv കണ്ടും കനിയോട് സംസാരിച്ചും നിമ്മിയോട് വഴക്കിട്ടും കുറേ നേരം ഹാളിൽ തന്നെ ഇരിപ്പുണ്ടായിരുന്നു ആള്...പെട്ടെന്ന് അമ്മയോട് ചോറ് വിളമ്പാൻ പറഞ്ഞു ഫുഡ് കഴിച്ചു വേഗം പോയിക്കിടന്നു..... ഇന്നലത്തെ അനുഭവം ഓർമ്മയുള്ളതോണ്ട് ഞാൻ കനി വേഗം ഫുഡ് കൊടുത്ത് ഉറക്കി അമ്മയുടെ റൂമിലാക്കി.... പിന്നെ സാവധാനം പണിയൊക്കെ ഒതുക്കി കിടക്കാൻ പോയി.... സിദ്ധു നല്ല ഉറക്കമായിരുന്നു....

പതിയെ അവന്റെ അടുത്ത് നിന്ന് പുതപ്പും തലയണയും എടുത്തു ഞാനും ഒരു മൂലയിൽ ചുരുണ്ടുകൂടി...... രാവിലെ എണീറ്റ് കണ്ണ് തുറന്നപ്പോ കുളിച്ചു താഴേക്ക് പോകാൻ നിൽക്കുന്ന അവളെയാണ് കണ്ടത്... "10.00 ആകുമ്പോ റെഡിയായിട്ട് നിൽക്കണം...." ഞാൻ പെട്ടെന്ന് പുറക്കീന്ന് പറഞ്ഞത് കേട്ട് അവള് വേഗം വെട്ടിത്തിരിഞ്ഞു എന്നെ നോക്കി... "എ.... എന്തിനാ....?...എങ്ങോട്ട് പോവാനാ...?" " നിന്നോട് പറഞ്ഞത് ചെയ്താ മതി ...കൂടുതൽ ചോദ്യം ഇങ്ങോട്ട് വേണ്ട... റെഡിയായിട്ട് നിൽക്കാൻ പറഞ്ഞാൽ റെഡിയായിട്ട് നിന്നോണം..മനസ്സിലായോ 10.00 മണി..... ?" "മ്മ്മ്..... " അവനെ നോക്കി തലയാട്ടി മൂളി കൊണ്ട് ഞാൻ വേഗം പുറത്തേക്കിറങ്ങി.... ന്റെ കൃഷ്ണാ.... ഇതെന്താണാവോ അടുത്ത കുരിശ്.... എന്തിനായിരിക്കും റെഡിയായി നിൽക്കാൻ പറഞ്ഞത്....? ഇനി കൊല്ലാൻ കൊണ്ടോവാണോ.....എയ്.... എന്തോന്നും ആവില്ല..... ഇനി divorce paper ഇൽ sign ചെയ്യിക്കാൻ വക്കീൽ ന്റെ അടുത്തേക്ക് കൊണ്ടൊവാണോ.....?അയ്യോ അങ്ങനെയാണെങ്കിൽ ഞാൻ എന്തു ചെയ്യും ന്റെ ഭഗവതീ..... മനസ്സിൽ കുമിഞ്ഞു കൂടിയ ഒരുപാട് ചോദ്യങ്ങളും ചിന്തകളും എനിക്ക് ചുറ്റും വട്ടം കറങ്ങുന്ന പോലെ തോന്നി...അമ്മ വന്ന് തോളിൽ കൈവെച്ചപ്പഴാണ് ഞാൻ അടുക്കളയിൽ എത്തിയ കാര്യം പോലും ഓർമ്മവന്നത്....

വെപ്രാളത്തോടെ ആദ്യം അമ്മയേയും പിന്നെ ചുറ്റും ഒന്ന് നോക്കി...... " എന്താ മോളേ മുഖത്തൊരു tension... എന്തു പറ്റി ന്റെ കുട്ടിക്ക്...ഹ്മ്മം....?" "ഏയ്‌...അങ്ങനെ ഒന്നും ഇല്ല അമ്മേ.... അതുപിന്നെ... സിദ്ധു ഏട്ടൻ റെഡിയായിട്ട് നിൽക്കാൻ പറഞ്ഞു... പക്ഷേ എങ്ങോട്ടാ പോവുന്നതെന്ന് പറഞ്ഞില്ല... അതാ... ഞാൻ...." " ഇത്രേള്ളൂ.... അത് അനിന്റെ വീട്ടിലേക്കാ.... അവന്റെ ബെസ്റ്റ് ഫ്രണ്ട്.... അനിത.... അവള് നിങ്ങളെ വിരുന്നിന് വിളിച്ചിരിക്കാ...." ഹാവൂ ഇപ്പഴാ സമാധാനമായത്....കനിയെ കഴിപ്പിക്കലും എന്റെ കഴിപ്പും എല്ലാം കഴിഞ്ഞപ്പോ തന്നെ സമയം 9.30 ആയി.... ഞാൻ വേഗം ഒരുങ്ങി താഴേക്ക് വന്നു.... ആദ്യം ചുരിദാർ ആയിരുന്നു ഇട്ടത്... അത് കണ്ട് നിമ്മിയും അമ്മയും കൂടി നിർബന്ധിപ്പിച്ഛ് സാരിയുടുപ്പിച്ചു...... നിമ്മി കുറേ എന്തൊക്കെയോ മുഖത്തും ചെയ്ത കൂട്ടി തന്നു... അപ്പോഴേക്കും താഴെ ഒന്നിൽ നിന്ന് രണ്ടിലേക്കും രണ്ടിൽ നിന്ന് മൂന്നിലേക്കും കാറിന്റെ ഹോർണടി മുറുക്കിയിരുന്നു...വേഗം താഴേക്കിറങ്ങി അച്ഛമ്മയോടും അമ്മയോടും നിമ്മിയോടും ഒക്കെ യാത്ര പറഞ്ഞു കാറിന്റെ മുൻ സീറ്റിൽ ഇരുന്നു..... വീട് കഴിഞ്ഞു കുറച്ചു കഴിഞ്ഞത് വണ്ടി പെട്ടെന്ന് അവൻ ചവിട്ടി നിർത്തി ...... ഞാൻ ആദ്യം മുന്നിലേക്കും പിന്നെ അവന്റെ മുഖത്തേക്ക് നോക്കി സംശയത്തോടെ നോക്കി........ "ഇറങ്ങ്...........?" എന്നെ നോക്കാതെ മുന്നിലേക്ക് തന്നെ നോക്കി അവൻ പറഞ്ഞത് കേട്ട് ഞാൻ അത്ഭുതത്തോടെ 'ങേ' ന്ന് ചെല്ലികൊണ്ട് അവനെ നോക്കി " വണ്ടീന് ഇറങ്ങാൻ........ "

"പക്ഷേ ഞാൻ... എനിക്ക്..." "ഇറങ്ങേടീ..." ഞാൻ വെപ്രാളത്തോടെ അവന്റെ നേരെ തിരിഞ്ഞു നോക്കി പറയാൻ ശ്രമിക്കുമ്പോഴേക്കും അവൻഎന്റെ മുഖത്തേക്ക് നോക്കി ദേഷ്യത്തോടെ അലറിയതും ഒരു ഞെട്ടലോടെ വേഗം വണ്ടിയിൽ നിന്ന് ഇറങ്ങി നിന്ന് അവനെ നോക്കി....പക്ഷേ എന്നെ നോക്കി അവൻ പറയുന്നത് കേട്ട് ഞാൻ ശെരിക്കും അന്തം വിട്ട് പോയിരുന്നു....... ~~~~~ അവൾ ഒരുങ്ങി വന്നപ്പോ തന്നെ കുറച്ച് late ആയി.... അതല്ലെങ്കിലും അങ്ങനെയാണല്ലോ.... യാത്രയാക്കാൻ അമ്മയും നിമ്മിയും എല്ലാരും ഉണ്ടായിരുന്നത് കൊണ്ട് അവള് വന്നു മുന്നിൽ കയറിയപ്പോ എനിക്ക് ഒന്നും ചെയ്യാനോ പറയാനോ കഴിഞ്ഞില്ല.... ഒന്നാമത്തെ ലെറ്റ് പോരാത്തതിന് ഫ്രണ്ടിൽ വന്ന് കയറും കൂടി ചെയ്തപ്പോ എനിക്ക് അങ്ങോട്ട് എരിഞ്ഞു കയറിയതാണ്...അമ്മയും നിമ്മിയും ഉള്ളോണ്ട് സ്റ്റിയറിങ്ങിൽ മുറുക്കി പിടിച്ച് ദേഷ്യം തീർത്തു.. "ബാക്കിൽ കയറ്........" " എന്താന്ന്....." അവള് മനസ്സിലാവാതെ അന്തം വിട്ട് നിന്ന് ആശ്ചര്യത്തോടെ ചോദിച്ചതും ഞാൻ ദേഷ്യത്തോടെ അവളെ കലിപ്പിച്ചു നോക്കി... എന്താടീ നിനക്ക് ചെവി കേട്ടൂടെ....? ഇനി ഇറങ്ങി വന്നു പറഞ്ഞല്ലേ മനസ്സിലാവൂ...വേണെങ്കിൽ വന്ന് ബാക്കിൽ കയറാൻ...അല്ലെങ്കിൽ ഞാൻ അങ്ങു പോവും.... സ്റ്റിയറിങ് റൈസ് ചെയ്തോണ്ട് അവൻ പറഞ്ഞു തീരുന്നതിന് മുന്നേ ഞാൻ ബാക്ക് ഡോർ തുറന്ന് കേറി ഇരുന്നിരുന്നു... കാലമാടൻ ചിലപ്പോ പറഞ്ഞപ്പോലെ എന്നെ ഇവിടെ വിട്ടിട്ട് പോകും...

ഇങ്ങേര് എന്താണാവോ ദൈവമേ ഇങ്ങനെ...മനസ്സിൽ പിറുപിറുത്തു കൊണ്ട് ഞാൻ ഡോർ അടച്ഛ് ഫ്രണ്ട് മിററിലൂടെ അവനെ നോക്കി.... *"നീ എന്റെ കൂടെ ഇരിക്കുന്നതുപ്പോലും എനിക്ക് ഇഷ്ടല്ല....നീ കാണുന്നത് പോലും അറപ്പും വെറുപ്പുമാണ് എനിക്ക്...." ~~~~~ ദേഷ്യം കൊണ്ട് ജ്വലിക്കുന്ന കണ്ണോടെ കണ്ണാടിയിലൂടെ എന്നെ നോക്കി ഇത്രയും പറഞ്ഞു അവൻ വീണ്ടും ഡ്രൈവിങ് ശ്രെദ്ധിച്ചു....അവന്റെ വാക്കുകളിൽ എന്നോടുള്ള പകയും വെറുപ്പും വളരെ വ്യെക്തയായിരുന്നു.... എന്തു കൊണ്ടോ അവനങ്ങനെ പറഞ്ഞപ്പോ എനിക്ക് ശെരിക്കും സങ്കടം വന്നു... അറിയാതെ മിഴികൾ നിറഞ്ഞു... നിറഞ്ഞൊഴുകിയ കണ്ണുകളോടെ ഫ്രണ്ട് മിററിലൂടെ ഞാനവനെ തന്നെ കുറേ നേരം നോക്കി ഇരുന്നു .... മണിക്കൂറുകൾ നീണ്ട യാത്രക്കൊടുവിൽ അവൻ വീണ്ടും സൈഡിലേക്ക് ഒതുക്കി മിററിലൂടെ എന്നെ നോക്കി..അതിന്റെ അർത്ഥം മനസ്സിലാക്കി കൊണ്ട് ഞാൻ ഫ്രണ്ട് സീറ്റിലേക്ക് കയറി ഇരുന്നു... അധികം വൈകാതെ തന്നെ കാർ ഒരു വീട്ടിന്റെ മുറ്റത്തേക്ക് കടന്നിരുന്നു.... അത്യാവശ്യം വലിയ ആ അപ്സ്റ്റയർ വീടിന്റെ കോലായിൽ ഞങ്ങളെയും കാത്ത്‌ ഒരു ചേച്ചിയും ചേട്ടനും ഉണ്ടായിരുന്നു.... വണ്ടി പോർച്ചിലേക്ക് കയറ്റി നിർത്തി സിദ്ധു വേഗം ഇറങ്ങി രണ്ടുപേരെയും കെട്ടിപിടിച്ചു.... ചേച്ചി വന്ന് എന്നേയും കൂടി അകത്തേക്ക് പോയി... അവര് രണ്ടാളും കോലായിൽ തന്നെ ഇരുന്നു.... അനിതേച്ചിയും ഞാനും പെട്ടെന്ന് തന്നെ കമ്പിനിയായി..പാചകത്തിന് ഇടയിലും ചേച്ചി എന്നോട് നല്ലോണം സംസാരിചോണ്ടിരുന്നു....

ചേച്ചിയുടെ ഡെലിവറി ഈ അടുത്താണ് കഴിഞ്ഞത്.... രണ്ട് ഇരട്ട പെണ്കുട്ടിക്കളാണ് ചേച്ചിക്ക്, കൂടാതെ ഒരു മോൻ കൂടി ണ്ട് ഇതെല്ലാം കൊണ്ടാ രണ്ടാളേയും റിസപ്ഷന് കാണാഞ്ഞത്.... " എന്റെയും അബിയുടേതും love marriage ആയിരുന്നു....സിദ്ധു ആണ് എല്ലാത്തിനും മുൻകൈ എടുത്തതും നടത്തി തന്നതും...അനു ആമിയുടെ കല്യാണം നടത്തിയപ്പോലെ ഒളിച്ചോട്ടം ഒന്നും അല്ലായിരുന്നുട്ടോ..... അബി എന്റെ വീട്ടിൽ വന്ന് കുറേ ചോദിച്ചതാ കല്യാണം കഴിപ്പിച്ചു കൊടുക്കാൻ,പക്ഷേ വീട്ടുകാർ സമ്മതിച്ചില്ല കാസ്റ്റ് പ്രോബ്ലം..ഒരു വിധത്തിലും വീട്ടുകാർ സമ്മതിക്കില്ലെന്ന് കണ്ടപ്പോ ഒരു ദിവസം സിദ്ധു വും അബിയും കൂടി വന്നു രാവിലെ വീട്ടിൽ വന്ന് എന്നെ, എന്റെ അച്ഛൻ കാണേ വിളിച്ചിറക്കി കൊണ്ടോന്ന് ചൂടോടെ റെജിസ്ട്രർ മാരേജ് ചെയ്യിച്ചു തന്നു...അവിടം മുതൽ ഇവിടം വരെയുള്ള ഞങ്ങളെ എല്ലാ കാര്യത്തിനും അവൻ തന്നെയാ മുന്നിൽ നിന്നതും ചെയ്ത തന്നതും..." ചേച്ചി ഇടയിൽ ആമിയുടെ കല്യാണത്തെ കുറിച്ച് പറഞ്ഞത് ഞെട്ടലോടെയാണ് ഞാൻ കേട്ടത്......അത്ഭുതത്തോടെ ഞാൻ നെറ്റി ഞ്ഞുളിച്ചു ഞാൻ ചേച്ചിയെ നോക്കി.... "ചേച്ചി....... ചേച്ചിക്ക് ഇതൊക്കെ" " എനിക്കറിയാം എല്ലാം.... എല്ലാം അവനെന്നോട് പറഞ്ഞിട്ടുണ്ട്.... അവന് ജീവനായിരുന്നു ആമിയെ.....

ഒരാങ്ങളേയും പെങ്ങളെ എത്രയധികം ഇഷ്ടപ്പെട്ട് കാണില്ല...അതുപോലെ തന്നെയായിരുന്നു അവൻ അച്ഛനും.... എല്ലാരും പറയും ആണ്കുട്ടികൾക്ക് അമ്മമ്മാരെയായിരിക്കും കൂടുതൽ ഇഷ്ടമെന്ന്,,പക്ഷേ അവൻ,,,അവന് അച്ഛനായിരുന്നു എല്ലാം... ആ വീടൊരു സ്വർഗ്ഗമായിരുന്നു.... പക്ഷേ,,ഒരു ദിവസം കൊണ്ട് എല്ലാം തകർന്നടിഞ്ഞു പോയി..... അവനന്ന് ഒരു നിമിഷം കൊണ്ട് നഷ്ടമായാത്ത അവൻ ജീവനേക്കാളേറെ സ്നേഹിച്ച രണ്ട് പേരെയെയായിരുന്നു.... അച്ഛന്റെ മരണവും ആമിയുടെ ഒളിച്ചോട്ടവും ആ വീട്ടിൽ വളരെ അധികം ബാധിച്ചത് അവനെയാ.......ആഴ്ച്ചക്കളോളം അവൻ റൂമിന് പുറത്തിറങ്ങിയില്ല.... അച്ഛൻ മരിച്ചിട്ട് ഒന്ന് കരഞ്ഞതുപ്പോലും ഇല്ല... ഒരു മരവിപ്പ് ആയിരുന്നു അവന്,,,, ഊണും ഉറക്കവുമില്ലാതെ...... രണ്ട് മാസത്തോളം അവൻ ആരുമറിയാതെ ട്രീറ്റ്‌മെന്റ് എടുത്തിരുന്നു... അതിന് ശേഷമാണ് അവൻ സാധരണ ജീവിതത്തിലേക്ക് തിരിച്ചു വന്നത്.... പക്ഷേ അപ്പോഴേക്കും അവൻ ആകെ മാറിയിരുന്നു.... ഞങ്ങൾക്കറിയാവുന്ന ഞങ്ങളെ പഴയ സിദ്ധുവിൽ നിന്ന് ഏറെ വെത്യസ്തനായിരുന്നു അവൻ....പണ്ടത്തെ പ്രസരിപ്പോ കളിയോ ചിരിയോ ഒന്നും അവനിൽ അവശേഷിച്ചിരുന്നില്ല...ചിരിക്കാൻ പോലും അവൻ മറന്ന് പോയിരുന്നു...... അധികം വൈകാതെ അച്ചൻ പാതിക്ക് വെച്ച് പോയ് ബിസിനസ് അവൻ ഏറ്റെടുത്തു...മാനേജിംഗ് ഡയറക്ടർ ആയി ചാർജ് എടുത്തു.. ബിസിനസ് മാത്രമായി അവന്റെ ലോകം ചുരുങ്ങി.....

എപ്പോഴും അവന്റെ മുഖത്ത് കാണാറുള്ള ആ ചിരി മാഞ്ഞുപ്പോയിരുന്നു..... അവനിപ്പോ സ്വപ്നങ്ങൾ ഇല്ലാ അഗ്രഹങ്ങൾ ഇല്ലാ... ചിന്തകളിലും പ്രവർത്തിയിലും അച്ഛനാണ്... അവൻ ജീവിക്കുന്നത് പോലും അച്ഛന്റെ സ്വപ്നങ്ങൾക്ക് വേണ്ടിയും , അച്ഛന്റെ ബിസിനസിന് വേണ്ടിയും, മാത്രാ..... അച്ഛന് വേണ്ടി മാത്രം..... " നിറഞ്ഞു കവിഞ്ഞ മിഴികളോടും നനവ് പടർന്ന കവിൽതടത്തോടുമാണ് ഞാൻ എല്ലാം കേട്ട് നിന്നത്.... എന്നോട് ഇതെല്ലാം പറയുബോ ചേച്ചിയും കരഞ്ഞിരുന്നു..ആ ശബ്‌ദം ഇടറിയിരുന്നു.... ആ കല്യാണം സിദ്ധുവിനെയാണ് എറ്റവും കൂടുതൽ ബാധിച്ചെതെന്ന് അമ്മ പറഞ്ഞപ്പോ ആ മുറിവിന് എത്രയും ആഴമുണ്ടെന്ന് ഞാനറിഞ്ഞിരുന്നില്ല.... പിന്നെയും ചേച്ചി സിദ്ധു വിനെ കുറിച്ച് ഒരുപാട് പറഞ്ഞു.. എനിക്കറിയാവുന്നത്തിലും കൂടുതൽ ആമി പറഞ്ഞുതന്നത്തിലും കൂടുതൽ.... എല്ലാം കേട്ട് ഞാൻ വിങ്ങിപ്പൊട്ടി... നെഞ്ച് കത്തി കുത്തിയിറങ്ങുന്ന പോലെ നീറി... ഞാൻ ചെയ്തത് ശെരിക്കും തെറ്റായിരുന്നു...? ഞാ... ഞാനൊരിക്കലും അങ്ങനെ ചെയ്യാൻ പാടില്ലായിരുന്നോ....?മനസ്സിൽ നിന്ന് ആരോ ചോദിക്കുന്ന ചോദ്യങ്ങൾ എന്നെ വല്ലാതെ വീർപ്പുമുട്ടിച്ചു.... പിടിച്ചുവെയ്ക്കാൻ കഴിയാതെ അടുക്കള ചുമരിൽ ചാരി നിന്ന് ഞാൻ കരഞ്ഞതും ചേച്ചി എന്നെ ആശ്വസിപ്പിച്ചു....

"എനിക്ക് അറിയാം മറ്റെല്ലാരുടെയും കണ്ണിൽ ഞാൻ ചെയ്തത് തെറ്റ് തന്നെയാണ്... പക്ഷേ.... പക്ഷേ... ഞാൻ അന്ന് അങ്ങനെ ചെയ്തതിന് ഒരു കാരണം ണ്ട്.. മറ്റാരും അറിയില്ലെന്ന ഉറപ്പിൽ ആമി പറഞ്ഞ കാരണം.... അവൾക്ക് ഞാൻ കൊടുത്ത വാക്ക്..... ഇത്രയും എങ്ങനെയോ പറഞ്ഞൊപ്പിച്ചു ഞാൻ ചേച്ചിയെ കെട്ടിപിടിച്ചു കുറേ കരഞ്ഞു....... ചേച്ചി സ്നേഹത്തോടെയും വാത്സല്യത്തോടെയും എന്റെ നെറുക്കിൽ തലോടി കൊണ്ട് ആശ്വസിപ്പിച്ചു കൊണ്ടിരുന്നു... രാവിലെ പോയ് ഞങ്ങൾരാത്രിയിലെ അത്താഴവും കഴിഞ്ഞാണ് അവിടുന്നു ഇറങ്ങിയത്...സത്യം പറഞ്ഞാൽ ചേച്ചി വിട്ടത് ന്ന് പറയുന്നതാവും നല്ലത്.... മനസ്സറിഞ്ഞു സിദ്ധു ചിരിക്കുന്നതും കളിതമാശ പറയുന്നതും ഞാൻ ഇന്നാണ് കണ്ടത്......തിരിച്ചു വരുമ്പോ അവരുടെ മുന്നിന് കാറിന്റെ ഫ്രണ്ട് സീറ്റിൽ കയറ്റിയ എന്നെ കുറച്ചു കഴിഞ്ഞപ്പോൾ പുറകിലേക്ക് മാറ്റാൻ സിദ്ധു മറന്നില്ല.... ~~~~~~~~ കാറിൽ കയറിയപ്പോ തൊട്ട് അവള് നല്ല സന്തോഷത്തിലാണ്.... കാറിന്റെ ഗ്ലാസ് താഴ്ത്തി പുറത്തോട്ട് നോക്കി പുറക്കിൽ നല്ലോണം സുഖിച്ചിരിക്കാ....നാശം..... ചെന്നപ്പോ തൊട്ട് അവള് അനിയുടെ കൂടെ തനനെയായിരുന്നു..രണ്ടാളും കാര്യമായിട്ട് എന്തൊക്കെയോ പറയുന്നത് കണ്ടിരുന്നു... എന്തായിരിക്കും പറഞ്ഞത്...?

ഞാനും അബിയും സിറ്റ് ഔട്ടിൽ ഇരുന്ന് പൂരകത്തിയായിരുന്നു... അബിയും അനിയും എന്റെ കൂടെ പഠിച്ചവരാണ്..അവരുടെ പ്രേമം success ആക്കിയതും marriage നടത്തിയതും എല്ലാം ഞാൻ തന്നെ.... അനി എന്റെ ബെസ്റ്റിആണ്,, എനിക്ക് അബിയേക്കാൾ കൂട്ട് അവളോടാ.... ~~~~~ രാത്രിയായതോണ്ട് നല്ല തണുത്ത കാറ്റ് വിൻഡോയിലൂടെ ഉള്ളിലേക്ക് ഇരച്ചു കയറി കൊണ്ടിരുന്നു... ഞാൻ പതിയെ പുറത്തേക്ക് നോക്കി സൈഡിലേക്ക് ചാരിയിരുന്നു... അധികം വൈകാതെ തന്നെ കണ്ണുകൾ പതിയെ അടഞ്ഞു പോയി.... പെട്ടെന്ന് വണ്ടി ആഞ്ഞു നിന്നപ്പഴാണ് ഞാൻ ഞെട്ടിപിടഞ്ഞു എണീറ്റത്.... വെപ്രാളത്തോടെ ചുറ്റും നോക്കി കൊണ്ട് ഞാൻ ശ്വാസം വലിച്ചു വിട്ടു...ഒരു മനുഷ്യജീവി പോലും ഇല്ലാത്ത റോഡിൽ എന്നെ ഉണർത്താൻ വേണ്ടി മാത്രം മനപ്പൂർവ്വം അവൻ ബ്രേക്ക് പിടിച്ചതാ...ഫ്രണ്ട് മിററിലൂടെ ഞാൻ അവനെ നോക്കി എന്നെ നോക്കി ദഹിപ്പിക്കുന്നുണ്ട് കോന്തൻ.... പക്ഷേ എന്തോ അത് കണ്ടപ്പോ സത്യയിട്ടും എനിക്ക് ചിരിവന്നു..... ഞാൻ വേഗം സൈഡിലേക്ക് മുഖവും വെട്ടിച്ചു പുറത്തോട്ട് നോക്കി ചിരിച്ചു... പക്ഷേ വീണ്ടും പെട്ടെന്ന് വണ്ടി നിന്നത് കണ്ട് ഞാൻ അവനെ നോക്കിയപ്പോ അവനെന്തൊക്കെയോ ചെയത് കൊണ്ട് വീണ്ടും സ്റ്റാർട്ട് ചെയ്യാൻ നോക്കുന്നുണ്ട്... ~~~~~~~

ബാക്കിയുള്ളവൻ ഡ്രൈവ് ചെയ്യുമ്പോ അവള് പുറക്കിൽ സുഖിച്ചിരുന്ന് ഉറങ്ങാ...കണ്ടപ്പോ എനിക്ക് അങ്ങോട്ട് ദഹിച്ചില്ല,,,, അതോണ്ട് കല്പിച്ചു കൂടി തന്നെ നല്ല strong ഇൽ ഒരു ബ്രേക്ക് അങ്ങോട്ട് കാച്ചി.... പെട്ടെന്ന് എണീറ്റ് വെപ്രാളപ്പെട്ട് എന്നെ നോക്കി... ഞാനും ഒട്ടും കുറയ്ക്കാതെ നല്ലോണം നോക്കി പുച്ഛിച്ചു കൊടുത്തു..... പെട്ടെന്ന് വണ്ടി വീണ്ടും സ്റ്റെക്ക് ആയി...ഞാൻ സ്റ്റാർട്ട് ആക്കിയതും രണ്ട് മൂന്ന് വട്ടം മുന്നോട് നിരങ്ങി നീങ്ങി വണ്ടി ഓഫായി..കുറേ പണിത് പഠിച്ചത് പതിനെട്ട് നോക്കിയിട്ടും വണ്ടി അനങ്ങുന്നില്ല.... damit....ദേഷ്യത്തോടെ സ്റ്റിയറിങ്ങിൽ ആഞ്ഞു കുത്തി കൊണ്ട് സീറ്റ് ബെൽറ്റ് അഴിച്ചു മാറ്റി ഞാൻ പുറത്തിറങ്ങി...........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...