🌸എന്നെന്നും എന്റെ മാത്രം 🌸: ഭാഗം 26

രചന: അനു

ഹോ... കൈ അനക്കാൻ പറ്റിയിരുന്നെങ്കിൽ അവൻ എന്റെ കഴുത്തു ഞെരിച്ചു കൊന്നേനെ അത്രക്ക് ദേഷ്യം ഉണ്ടായിരുന്നു..... പാവം ചോറ്,,,, എന്നോടുള്ള ദേഷ്യം മുഴുവൻ വായിൽ ഇരുന്ന ചോറിനോട്ടാ കാണിച്ചത്..... ചവചരക്കുന്ന ശബ്ദം ഇവിടം വരെ കേൾക്കായിരുന്നു..... അമ്മനേയും അച്ചമ്മേനെയും പറഞ്ഞാൽ അതിനി വിഷം കലക്കിയത് ആണെങ്കിൽ അവൻ കഴിക്കും ന്ന് എനിക്ക് ഉറപ്പായിരുന്നു....അതോണ്ടാ തുപ്പാൻ ആഞ്ഞപ്പോ വേഗം അവരെ വലിച്ചിട്ടത്‌,,, അതെന്തായാലും ഐഡിയ വിജയിച്ചു.... ഇനി അങ്ങോട്ട് അനുരാധയുടെ യുദ്ധ മുറകൾ സിദ്ധാർത്ഥ് സേതുമാധവൻ കാണാന്നിരിക്കുന്നതേള്ളൂ........ അവന് ഫുഡ് കൊടുത്ത് താഴേക്കിറങ്ങി ഞാനും ചോറൊക്കെ കഴിച്ചു കിച്ചണിലെ പണിയൊക്കെ വേഗം ഒതുക്കി കനിയെ അമ്മയുടെ റൂമിൽ കിടത്തി ഉറക്കി മുകളിലേക്ക് കയറാൻ നോക്കുമ്പോ അമ്മ ഒരു ഗ്ലാസ്സ് പാലും കുറച്ച് കട് ചെയ്ത ഫ്രൂട്ട്സും ഒക്കെ എന്റെ കയ്യിലേക്ക് വെച്ചു തന്നത്... വയ്യാതിരിക്കല്ലേ,, അതോണ്ട് സിദ്ധുവിന് കഴിക്കാൻ തന്നതാ..... ഒരു ചിരിയോടെ അത് വാങ്ങി അമ്മയോട് ഗുഡ് നെറ്റ് പറഞ്ഞു ഞാൻ മുകളിലേക്ക് കയറി.... ഡോർ തുറന്ന് നേരെ ബെഡിൽ ചാരി ഇരിക്കുന്ന അവന്റെ നേർക്ക് ചെന്ന് നിന്നു.. "ഇതൊക്കെ അ......" "എനിക്ക് വേണ്ടാ...!"

"ഞാനല്ല...അമ്മ.." "എനിക്ക് വേണ്ടന്ന് അല്ലെടീ പറഞ്ഞത്.... നിനക്കെന്താ ചെവികേട്ടൂടെ..... ശല്യം....." ഞാൻ ഒന്ന് പറഞ്ഞു മുഴിമിച്ചോട്ടെ കോന്താ....ഇവനെയൊക്കെ ഉണ്ടല്ലോ... ദൈവമേ എനിക്ക് കണ്ട്രോൾ തരൂ... എന്റെ മുഖത്തേക്ക് രൂക്ഷമായി നോക്കി അവൻ പറഞ്ഞത് കേട്ട് മനസ്സിൽ പറഞ്ഞു കൊണ്ട് ഞാൻ നെടുവീർപ്പിട്ടു "വേണ്ടല്ലോ...." "വേണ്ട" വേണ്ടന്ന് പറഞ്ഞ സ്ഥിതിക്ക് ഞാൻ നിർബന്ധിക്കാൻ ഒന്നും പോയില്ല.... ആ ഫുൾ ഗ്ലാസ് പാൽ മുഴുവൻ അവന്റെ മുന്നിൽ നിന്ന് തന്നെ ഒറ്റവലിക്ക് ഞാൻ കുടിച്ചു തീർത്ത് കിതപ്പോടെ അവനെ നോക്കി... "ഞാൻ കൊണ്ടു വന്നോണ്ട് ഫ്രൂട്ട്സ് നിങ്ങൾക്ക് വേണ്ടിവരില്ലല്ലോ....? അതോണ്ട് ഇനി പറഞ്ഞു ബുദ്ധിമുട്ടണ്ട,, അതും ഞാൻ തന്നെ കഴിച്ചോളാ....." അവന്റെ മുന്നിൽ നിന്ന് തന്നെ അമ്മ വല്ല വൃത്തിയായി തോലൊക്കെ പോക്കി നുറുക്കി തന്ന് വിട്ട് ഫ്രൂട്ട്സ് സ്പൂൺ കൊണ്ട് ഞാൻ കഴിച്ചു... ഞാൻ കുടിച്ചതും കഴിച്ചതുമൊക്കെ നോക്കി അവൻ അന്തം വിട്ട് ഇരിക്കുന്നത് കണ്ടപ്പോ എനിക്ക് ചിരിവന്നു... എണീക്കാൻ പറ്റാത്തത് എന്റെ ഭാഗ്യം.... അല്ലെങ്കിൽ കൊല്ല നടന്നേനെ ഇവിടെ... കഴിച്ചു കഴിഞ്ഞതും പ്ളേറ്റ് ടേബിളിൽ വെച്ഛ് അവന്റെ ബെഡിനോട് ചേർന്നുള്ള ഡ്രോയർ തുറന്നു മരുന്നും ജഗിൽ നിന്ന് വെള്ളവും എടുത്തു അവൻ്റെ അടുത്തേക്ക് ചെന്നു....

"പിന്നെ ഇത് മരുന്നാണ്....ഞാൻ ദാ ഇപ്പൊ ഇയാളുടെ മുന്നീന്നാ എടുത്തത്,, ഇയാൾക്ക് വേണെങ്കിലും കുടിച്ചാൽ മതി ഞാൻ നിർബന്ധിക്കില്ല.....pain killers ഉം നീര് വലിയാനുമൊക്കെ ഉള്ളതാണ്... മാറണമെങ്കിൽ മതി... വേണോ...? അതോ വാഷ് ബേസിലേക്കോ വേസ്റ്റ് ബിൻ ലേക്ക് ഇട്ടാണോ...?" ഞാൻ കാര്യമായി അവനോട് ചോദിച്ചത് കേട്ട് ഒന്നും മിണ്ടാതെ എന്നെ നോക്കി ദഹിപ്പിക്കുന്ന സിദ്ധുവിനെ കണ്ടപ്പോ സത്യത്തിൽ ചിരിവന്നു... ഇങ്ങേർക്ക് വാ തുറന്ന് പറഞ്ഞാൽ എന്താ മുത്ത് പൊഴിയോ...? അധികം നോക്കി നിൽക്കാതെ അവൻ എന്റെ നേരെ ഇടത്തേ കൈ നീട്ടിയതും ഞാൻ മരുന്ന് കയ്യിൽ വെച്ചു കൊടുത്തു...അത് വായിലേക്കിട്ട് വെള്ളത്തിന് കൈ നീട്ടിയപ്പോ വെള്ളവും കൊടുത്തു... എല്ലാം കഴിഞ്ഞപ്പോ ഞാൻ പുതപ്പും തലയണയും എടുത്ത് പോയി കിടന്നു....... ~~~~~ മരുന്ന് എനിക്ക് അത്യാവശ്യം ആയിപ്പോയി... അല്ലെങ്കിൽ അവളെ ഈ അധിക പ്രസംഗതിന് ഞാൻ മറുപടി കൊടുത്തേനെ... എന്നാലും അവളിലെ ഈ ഒരു മാറ്റം....എനിക്ക് വിശ്വസിക്കാൻ പറ്റുന്നില്ല...ഞാൻ ഒന്ന് കിടന്നുപ്പോഴപ്പത്തേക്കും അവള് അങ്ങു കേറി മെയിൻ ആയി... ഞാൻ ഒന്ന് എണീക്കട്ടേഡീ മോളേ..... നിന്റെ ധൈര്യം ഒക്കെ വന്ന വഴിക്ക് പോവുന്നത് കാണിച്ചു തരാഡീ ഞാൻ.....

മരുന്ന് തന്ന അവളെ പുതപ്പും തലയണയും എടുത്ത് അവള് പോയി കിടന്നു..... എനിക്കാണെങ്കിൽ നടു വേദനയായിട്ട് വയ്യ....അമ്മ വൈകുന്നേരം ചായ തന്നപ്പോ ഇരുത്തിച്ചു പോയതാ... അവളോട് പറയുന്നതിലും ഭേദം ഇവിടെ ഇരുന്ന് വേദനിച്ചു ചാവുന്നതാ,,, വേറെ നിവൃത്തിയില്ലാതെ ഞാൻ ബെഡിൽ വേദന കടിച്ഛ് പിടിച്ചു കണ്ണടച്ഛ് ചാരിക്കിടന്നു.... അമ്മ ഒന്ന് വന്നിരുന്നെങ്കിൽ എന്ന് ഞാൻ വല്ലാതെ ആഗ്രഹിച്ചുപ്പോയി.... ~~~~~ "ശൂ..........." "ശൂ......ശൂ......" ഇങ്ങേർക്ക് എന്താ ചെവി കേട്ടൂടെ കൃഷ്ണാ.....? വാ തുറന്നാ മുത്ത് പൊഴിയും ന്ന് വിചാരിക്കാ വിളി കേട്ടാൽ എന്താണാവോ... ഇവനെയൊക്കെ വിളിക്കാൻ വന്ന എന്നെ പറഞ്ഞാൽ മതിയല്ലോ... മനസ്സിൽ മൊഴിഞ്ഞു കൊണ്ട് ഞാൻ ഒന്നൂടെ അടുത്തേക്ക് ചെന്നു... "അതേയ്...." എന്താടീ......???? നീ ഒട്ടും സ്വസ്ഥത തരില്ലന്ന് ഉറപ്പിച്ച് ഇറങ്ങിയിരിക്കണോ....? കിടന്നപ്പഴാണ് എന്തെങ്കിലും ആവിശ്യം ഉണ്ടോന്ന് ചോദിക്കാൻ മറന്നത് ഓർത്തത്.... . പറയില്ലെന്ന് അറിയാം എന്നാലും ചോദിച്ചു കളയുമെന്ന കരുതി ചോദിച്ചപ്പോ ഒടുക്കത്തെ ജാഡ..... ഒന്നൂടെ വിളിച്ചപ്പോ ദേഷ്യത്തോടെ കണ്ണ് തുറന്ന് ദേ എന്നെ ചാടി കടിക്കാൻ വന്നേക്കുന്നു.... "അതേയ് ഞാൻ ഇയാളെ സ്വസ്ഥത കളയാൻ വന്നതൊന്നുംല്ല... ഇയാൾക്ക് വേറെ എന്തെങ്ങിലും ചെയ്ത് തരാണോ....?

അല്ലെങ്കിൽ എന്തെങ്ങിലും ആവിശ്യംണ്ടോ...? ന്നൊക്കെ അറിയാൻ വിളിച്ചതാ..." അവനെ നോക്കി കുറച്ഛ് ഗൗരവത്തിൽ ഞാൻ ചോദിച്ചത് കേട്ട് ആദ്യം എന്നെ ഒന്ന് നോക്കി മുഖം സൈഡിലേക്ക് വെട്ടിച്ചു... "ഇല്ല......." "എന്തിനും ഏതിനും അമ്മയെ വിളിക്കണോ ന്ന് ചോദിച്ചാലോ നിങ്ങള് സമ്മതിക്കൂ.... പണിയൊക്കെകഴിഞ്ഞു അമ്മ ഇപ്പൊ പോയി കിടന്നതേ ഉള്ളൂ.... ഞാൻ പോയി വിളിക്കണോ....?" "എനിക്ക് നടുനിവർത്തി കിടക്കണം...!!!" ഇല്ലാ ന്നൊക്കെ അവൻ വെറുതെ പറയാ ന്ന് അവന്റെ മുഖം കണ്ടാൽ അറിയ.. അതോണ്ടാ വീണ്ടും അമ്മേനെ തന്നെ വിളിക്കും ന്ന് പറഞ്ഞത്..അത് കേട്ടതും ഗൗരവം വിട്ടാതെ നടു നിവർത്തി കിടക്കണമെന്ന് എങ്ങോട്ടോ നോക്കി പറഞ്ഞപ്പോ സത്യത്തിൽ എനിക്ക് പാവം തോന്നി.... ഞാൻ വേഗം മെല്ലെ പിടിച്ച് തലയണ നേരെ വെച്ഛ് നല്ല പോലെ പതുക്കെ കിടത്തി..നിവർന്ന് കിടക്കണം ന്ന് അവൻ ഒരുപാട് ആഗ്രഹിച്ച പോലെ തോന്നി അവന്റെ മുഖം കണ്ടപ്പോ..... ആശ്വാസത്തോടെ അവൻ കണ്ണടച്ച് നല്ലോണമൊന്നു ശ്വാസം വലിച്ചുവിട്ടത് കണ്ട് ഒന്ന് ചിരിച്ഛ് തിരിഞ്ഞു നടക്കാൻ നോക്കിയപ്പഴാണ് ടേബിളിൽ ഓൽമെന്റ് കണ്ടത്.... ~~~~~~ കണ്ണടച്ചു ആശ്വാസത്തോടെ കിടക്കുന്ന സിദ്ധുവിനെ വീണ്ടും വിളിച്ചുണർത്താൻ ഒരു പേടി..... ന്റെ കൃഷ്ണാ...

എങ്ങനെയാ ഒന്ന് വിളിക്കാ.... രണ്ടും കല്പിച്ചു ഞാൻ പതിയെ കൈയിൽ മെല്ലെ തൊട്ടു,, അപ്പോ തന്നെ പെട്ടെന്ന് അവൻ കണ്ണ് തുറന്ന് എന്നെ നോക്കി....ഒരു പുരികം പൊക്കി അവൻ എന്താന്ന് ചോദിച്ചു.... "അത്... ഓൽമെന്റ് പുരട്ടാനുണ്ട്...... പുറത്ത്... ഒന്ന് തിരിഞ്ഞു കിടന്നാൽ...." ~~~~~~~~~ കണ്ണടച്ച് കിടക്കമ്പഴാണ് അവള് വന്ന് ശൂ.ശൂ വിളി കേട്ടത്... നടു വേദന സഹിക്കാൻ പറ്റാത്തത് കൊണ്ട് അധികം തർക്കികാതെ ഞാൻ വേഗം കാര്യം പറഞ്ഞു... അവള് പതുക്കെ വളരെ ശ്രെദ്ധയോടെ എന്നെ ബെഡിൽ കിടത്തിതന്നു.... അതുവരെ അവളോട് തോന്നിയ ദേഷ്യം പെട്ടെന്ന് അലിഞ്ഞില്ലാതായി,, സ്വർഗം കിട്ടിയപ്പോലെ തോന്നിയതും ഞാൻ ബെഡിൽ നീണ്ട് കണ്ണടച്ചു കിടന്ന് കൊണ്ട് നീട്ടിയൊരു ശ്വാസം എടുത്തു... കയ്യിൽ ഒരു തണുത്ത സ്പർശം എന്നെ ഉണർത്തി.... അവളായിരുന്നു.... ഞാൻ എന്താന്ന് ചോദിച്ചതും... പേടിയോടെ അവള് ഓലമെന്റ് തേക്കാനുണ്ടെന് പറഞ്ഞു. ഞാൻ മറുപടി ഒന്നും നൽകാതെ തന്നെ അവള് വേഗം മെല്ലെ എന്നെ പിടിച്ചു ചരിച്ചു കിടത്തി പതിയെ ഓൽമെന്റ് തേച്ചുതന്നു... നല്ല വേദന ഉണ്ടായിരുന്നു എന്നാലും വല്ലാത്തൊരു തണുപ്പും സുഖവും ഉണ്ടായിരുന്നു ആ ഓലമെന്റ് തേക്കുമ്പോ.... "കുറച്ച് എങ്ങനെ കിടക്കാവോ.... അല്ലെങ്കിൽ ഓൽമെന്റ് ബെഡിൽ ഒക്കെ ആവും..."

"വേണ്ട... ഇപ്പൊ തന്നെ ഞാൻ വേദന കടിച്ചു പിടിച്ചു കിടക്കാ..വേഗം നേരെ കിടത്ത്...." ന്ന് എങ്ങനെയോ പറഞ്ഞൊപ്പിച്ചു ഞാൻ വേദന കൊണ്ട് അലറിയത് അവള് വേഗം തന്നെ നേരെ കിടത്തി തന്നു... തല ഉയർത്തി തലയണ പിറക്കിൽ വെച്ചും പുതപ്പും പുതപ്പിച്ചു തന്നും അവൾ പോയി കിടന്നു..... നിലത്ത് തറയിൽ വിരിച്ചു കിടന്ന അവളെ ഞാൻ ഒരുവേള നോക്കി ..... കിടക്കാൻ നേരം അവള് കൈക്കൂപ്പി കാര്യമായി എന്തോ പ്രാർത്ഥിച്ചിരുന്നു..... എന്നെ മോലോട്ട് എടുക്കാൻ വേണ്ടിയവും... ~~~~~~~ കിഴക്ക് സൂര്യൻ ഉദിച്ചുയർന്ന് ഉച്ചിയിൽ എത്തിയപ്പഴാണ് ഞാൻ ഉണർന്നത്... കണ്ണ് തുറന്നപ്പോ റൂമിൽ നല്ല വെളിച്ചം പരന്നിരുന്നു.... ക്ലോക്കിൽ നോക്കിയപ്പോ ഞാൻ ഞെട്ടിപ്പോയി 11.00 മണിയാവുന്നു..... പെയിൻ കില്ലെറിന്റേയും മറ്റ് മെഡിസിൻസിന്റേയും എഫക്റ്റ് കൊണ്ടാവും ഇത്രയും ഉറങ്ങി പോയത്...... തലക്ക് ഒക്കെ ഒരു കനം..... ഹാവൂ..... ഇടത്തെ കൈക്കും ചെറിയ വേദനയുണ്ടെങ്കിലും അനക്കാനും പൊക്കാനുമൊക്കെ പറ്റുന്നുണ്ട്.... പതിയെ കൈ കുത്തി എണീക്കാൻ നോക്കിയപ്പോ വേദന പൂർവാധികം ശക്തിയോടെ തിരിച്ചു വന്നു.... കൈയ്ക്ക് ബലം കൊടുക്കാൻ വയ്യ.... ആരെങ്കിലും ഒന്ന് വന്നിരുന്നെങ്കിൽ ന്ന് വിചാരിച്ചു തീർന്നില്ല അപ്പോഴേക്കും അവള് വന്നു... എന്നെ ഒന്ന് നോക്കി അവള് ബാത്റൂമിലേക്ക് കയറിപ്പോയി.... കണ്ടിട്ട് ഇവള് കുളിച്ച പോലെ ഉണ്ടല്ലോ പിന്നേയും കുളിക്കാൻ പോയോ....? അവള് പോയ് വഴിയെ നോക്കി കൊണ്ട് ഞാൻ മനസിൽ പറഞ്ഞു.... ആ.... എന്തോ ചെയ്യട്ടെ.....

ഒന്ന് എണീക്കാൻ എന്താ ഒരു വഴി... അവളോട് ചോദിക്കുന്നത്തിലും ഭേദം ഇവിടെ കിടക്കുന്നതാണ്... കുറച്ച് കഴിഞ്ഞ് അവള് പോയപ്പോലെ ഇറങ്ങി എന്റെ അടുത്തേക്ക് വന്ന് നിന്നു.... "ഞാ.... ഞാൻ പിടിക്കാ.... എണീക്കാൻ...സഹായിക്കാ...." ~~~~ എണീറ്റോ ന്ന് നോക്കാൻ വെറുതെ റൂമിലേക്ക് വന്നതായിരുന്നു..അപ്പഴാണ് എണീക്കാൻ നോക്കുന്നത് കണ്ടത്... ഞാൻ വേഗം ബാത്‌റൂമിൽ കയറി... ടൂത്ത്ബ്രഷിൽ പേസ്റ്റ് ഒക്കെ ആക്കി വെച്ചു ടവൽ എടുത്തു ഒക്കെ റെഡി ആക്കിവച്ചു പുറത്തിറങ്ങി അവന്റെ അടുത്തേക്ക് ചെന്നു... സഹായിക്കണോന്ന് ചോദിച്ചപ്പോ എന്നെ നോക്കി പേടിപ്പിച്ചു... അതോണ്ട് ഞാൻ പിന്നെ ഒന്നും മിണ്ടാതെ മാറിനിന്നു... സിദ്ധു ഇടത്തേകൈ കുത്തി പതുകെ നിവർന്ന് ആഹ് അലറി കൊണ്ട് പുറകിലേക്ക് വീഴാൻ പോയതും ഒരുമിച്ചായിരുന്നു.. അത് കണ്ടതും ഞാൻ വേഗം പിടിച്ച് പതുക്കെ ഇരുത്തിച്ചു.... "തൊടരുത് നീ എന്നെ... മാറിനിൽക്ക്.... വല്ലാതെ ഓവറാക്കല്ലേ...?? അധികം അധികാരം കാണിക്കല്ലേ...?? ഇന്നലെ രാത്രി വേറെ നിവൃർത്തി ഇല്ലാതോണ്ടാ ഞാൻ...." "ഞാ.... ഞാൻ.... വീഴാൻ പോയപ്പോ....!"

എന്നെക്കെ പറഞ്ഞു തറപ്പിച്ചൊരു നോട്ടം നോക്കിയതും ഞാൻ പിന്നെ ഒന്നിനും പോവാതെ മാറിനിന്നു... അവൻ പതുക്കെ എണീറ്റ് നിന്ന് ഊരയ്ക്ക് കൈയും കൊടുത്ത് ബാത്റൂമിലേക്ക് മെല്ലെ നടന്നു... അധികം വൈകാതെ വീഴുമെന്ന് ഉറപ്പുള്ളതോണ്ട് ഒരു സേഫ് ഡിസ്റ്റാൻസിൽ ഞാനും പുറക്കെ നടന്നു.... ഞാൻ പ്രതീക്ഷിച്ച പോലെ രണ്ടടി നടന്നതും അമ്മേ ന്നോരു വിളികേട്ടതും ദേഷ്യത്തോടെ വേഗം പോയി പിടിച്ചു... "അല്ലാ.... ഇയാൾടെ ഓരോ പ്രവർത്തി കണ്ടാൽ ഇത് മാറണമെന്ന് ഒരു ആഗ്രഹവും ഇല്ലാതെ പോലെയാണല്ലോ....? ഡോക്ടർ പറഞ്ഞത് നിങ്ങളും കേട്ടതല്ലേ അധികം സ്ട്രെസ്സ് എടുത്താൽ കൂടുതൽ ആവും അവസ്‌ഥ..... പിന്നെ അമ്മ നിങ്ങളുടെ എല്ലാ കാര്യങ്ങളും എന്നെയാണ് നോക്കാൻ എൽപ്പിച്ചിരിക്കുന്നത്... അതോണ്ട് തന്നെ വേറെ ആരും നിങ്ങളെ സഹായിക്കാൻ ഇങ്ങോട്ട് കയറി വരുമെന്ന് പ്രതീക്ഷിക്കണ്ട.... വേഗം സുഖമായൽ നിങ്ങൾക്ക് തന്നെയാ എനിക്കൊന്നും കിട്ടാനില്ല.... മ്മ്മ്... നടക്ക്" ~~~~~~ അവളുടെ ഒരു പ്രസംഗം ....തിരിച്ഛ് പറയാൻ അറിയാഞ്ഞിട്ടോ കഴിയാഞ്ഞിട്ടോ അല്ല എന്റെ അവസ്‌ഥ ഇതായിപ്പോയി.... വേറെ നിവൃത്തിയില്ലല്ലോ.... അവള് എന്നെ പതുക്കെ ബാത്റൂമിലേക്ക് കൊണ്ടുപോയി.... അവളും കൂടി കയാറാണോ ന്ന് ചോദിച്ചതിന് വാതില് വലിച്ചടച്ചു കൊണ്ട് ഞാൻ മറുപടി കൊടുത്തു... ബാത്‌റൂമിൽ എല്ലാം ഒരുക്കി വച്ചിരുന്നു.... ബാത്റൂമിലെ കണ്ണാടിയിൽ നോക്കി ഞാൻ കുറേ നേരം നോക്കിനിന്നു....

ചിന്തകൾ ഒരുപാട് കാട് കയറി എങ്കിലും മനസ്സ് ശൂന്യമായിരുന്നു.... ഇടത്തെ കൈ കൊണ്ട് പല്ല് തേച്ചു... ഒന്ന് മുഖം കഴുകി ഫ്രഷ് ആയി പതുക്കെ ചുമര് പിടിച്ച് തിരിക്കെ നടന്നു.... വാതില് തുറന്നതും എന്നേയും പ്രതീക്ഷിച്ചു അവള് പുറത്ത് നിൽപ്പുണ്ടായിരുന്നു.... അവള് വീണ്ടും താങ്ങി പിടിച്ച് ബെഡിൽ ചാരി ഇരുത്തിച്ചു താഴേക്ക് പോയി..... ~~~~~ കൂടെ വരാണോന്ന് ചോദിച്ചത് കോന്തന്ന് പിടിച്ചില്ല... ആ ബാത്റൂമിന്റെ വാതില് പൊളിയാഞ്ഞത് ഭാഗ്യം.... പ്രാതല് എടുത്തു ഞാൻ മുകളിലേക്ക് കയറിയപ്പോ കനിയും ഉണ്ടായിരുന്നു കൂടെ..... എപ്പോ നോക്കിയാലും എന്റെ കൂടെ വാല് പോലെ ഉണ്ടാവും അവള്..... അവളെ ചെറിയ വായിലെ വലിയ വർത്താനം കേൾക്കാൻ നല്ല രസാ.... സിദ്ധുവിന് കൊടുക്കുന്നത് കണ്ടപ്പോ കനി അവൾക്കും വേണം ന്ന് വാശി പിടിച്ചു... വാശി കണ്ടുപിടിച്ചത് അവളായതുകൊണ്ട് സിദ്ധുവിന് കൊടുക്കുന്ന പോലെ അവൾക്കും കൊടുത്തു... ഒരു സ്ഥലത്തും അടങ്ങിയിരിക്കില്ല... എവിടെയും ഇവിടെയും ഒക്കെ ഓടി നടക്കും.... സിദ്ധു വിന്റെ കയ്യിൽ തൊട്ടോണ്ട് ഇവിടെ വേദനണ്ടോ...? അവിടെ വേദനണ്ടോ... എന്നൊക്കെ ചോദിച്ചോണ്ടിരുന്നു.... ചില സ്ഥലത്തൊക്കെ കൈ വെക്കുമ്പോ സിദ്ധു വെറുതെ അയ്യോ,അമ്മേ, വേദനിക്കുന്നു എന്നൊക്കെ പറഞ്ഞു കരയുമ്പോ കനി സങ്കടത്തോടെ ഊതിയും ഉഴിഞ്ഞും ഒക്കെകൊടുക്കും..... മരുന്നൊക്കെ എടുത്തു കൊടുത്ത് ഞാനും കനിയും വീണ്ടും താഴേക്ക് പോന്നു..... ~~~~~~~

പ്രാതല് കൊണ്ട് വന്നപ്പോ കനിയും ഉണ്ടായിരുന്നു കൂടെ.... എന്നെ കണ്ടതും ഓടി ബെഡിൽ കയറി എന്നോട് ചേർന്നിരുന്നു.... എനിക്ക് അവള് ചപ്പാത്തി മുറിച് കറിയിൽ മുക്കി തരുന്നത് കണ്ടപ്പോ അവൾക്കും വേണം.... പിന്നെ കനിക്കും കൊടുത്തു..... കുറച് നേരം അടങ്ങിയിരുന്നാൽ പിന്നെ റൂമിലൊക്കെ ഓടികളിക്കും... എന്നെ കഴിപ്പിക്കുന്നത്തിന്റെ കൂടെ തന്നെ അവള് കനിയെയും ശ്രദ്ധിച്ചു കൊണ്ടിരുന്നു.... റൂമിലെ ഓരോ സാധനങ്ങൾ എടുക്കുകയും ചിലത് വായിലിടുക്കയും ചെയ്യുമ്പോ അവള് ബെഡിൽ നിന്ന് ഓടിപ്പോയി അവളെ പിടിച്ചോണ്ട് വന്ന് ചീത്ത പറയും.... ആനവരും കടുവ വരും എന്നൊക്കെ പറഞ്ഞു പേടിപ്പിക്കും.. അതു കേൾക്കുമ്പോ കനി വേഗം അവളുടെ മടിയിൽ കയറിയിരിക്കും.... കനി ഓരോന്ന് പറയുമ്പോ അതിന് അനുസരിച്ച് ആശ്ചര്യത്തോടെ അവള് മറുപടി പറയുന്നത് ഞാൻ നോക്കി നിന്നു..... ~~~~~~ ഉച്ചക്ക് ചോറ് കൊടുക്കാൻ പോയപ്പോ അച്ഛമ്മേനെയും കൂട്ടി ഞങ്ങൾ ലിഫ്റ്റ് വഴിയാണ് പോയത്..... ഞാൻ സ്പൂണ് കൊണ്ട് കൊടുക്കുന്നത് കണ്ടപ്പോ വയറ്റിൽ പിടിക്കില്ലേന്ന് ശാസിച്ചു, കൈകൊണ്ട് വാരികൊടുക്കാൻ പറഞ്ഞു..... അച്ചമ്മേനെ കൂടിയത് വലിയ അബദ്ധം ആയേന്ന് എനിക്ക് അപ്പോ തോന്നി... ഞാൻ വേഗം സ്പൂണ് മാറ്റി പ്ളേറ്റ് അച്ഛമ്മയ്ക്ക് നേരെ നീട്ടി അച്ഛമ്മയ്യോട് തന്നെ കെടുത്തോളൻ പറഞ്ഞു....

wheelchair ഇരുന്ന് കൊണ്ട് എനിക്ക് കൊടുക്കാൻ പറ്റില്ലെന്നും ഞാൻ കൊടുക്കുന്നതിനേകൾ നല്ലത് നീ കൊടുക്കുന്നതാണെന്നും പറഞ്ഞു അച്ഛമ്മ പ്ളേറ്റ് എനിക്ക് തന്നെ നീട്ടി.... എല്ലാം കൂടി എന്നെ പച്ചക്ക് തിന്നാനുള്ള ദേഷ്യംണ്ട് ആ കോന്തന്റെ മുഖത്ത് , ഇതിലിപ്പോ ഞാൻ എന്ത് ചെയ്യാനാ...?ഹല്ല പിന്ന.... ഞാൻ ചോറ് ഉരുളയാക്കി അവന്റെ വായിലേക്ക് നീട്ടിയതും എന്നെ നോക്കി ദഹിപ്പിച്ചോണ്ട് അവൻ വാ തുറന്നു.... അപ്പോഴേക്കും കനിക്കും വേണം... ഈ കുട്ടീന്റെ ഒരു കാര്യം.... കനിയുടെ വയ്യാല്ലേ ദേ അച്ഛമ്മയുടെ വായും തുറന്ന് വന്നു ആ കണക്കിൽ അച്ഛമ്മക്കും കിട്ടി രണ്ട് ഉരുള... എല്ലാർക്കും വാരികൊടുത്തോണ്ട് തന്നെ ചോറ് തീറ്റി വേഗം കഴിഞ്ഞു.... മരുന്നൊക്കെ കൊടുത്തു ഞങ്ങൾ താഴേക്കിറങ്ങി..... ~~~~~~ അച്ചമ്മേന്റെ ഒരു കാര്യം..... എന്താണെങ്കിലും സ്പൂണോണ്ട് തരുന്നതിലും വേഗത്തിൽ കാര്യം കഴിഞ്ഞു.... കൂട്ടത്തിൽ കനിക്കും അച്ഛമ്മക്കും അവള് വാരിക്കൊടുക്കുന്നത് കണ്ടപ്പോ എനിക്ക്... എനികവളോട് ചെറിയൊരു മതിപ്പ് തോന്നി.... ഹലോ... നിങ്ങള് തെറ്റിദ്ധരിക്കൊന്നും വേണ്ട.... അവളോട് എനിക്ക് ഇപ്പഴും ദേഷ്യം തന്നെയാണ്....അവളെ കണ്ണുമ്പഴോക്കെ മരിച്ചു കിടക്കുന്ന എന്റെ അച്ഛന്റെ മുഖം മനസ്സിലേക്ക് ഓടി വരും.... ഈ ജന്മം എനിക്ക് ഒരിക്കലും അവളോട് ക്ഷമിക്കാൻ കഴിയില്ല..... ~~~~~~

ഒരാഴ്ച കഴിഞ്ഞപ്പോ തന്നെ സിദ്ധുവിന് നല്ല മാറ്റം വന്നു.... ഇടത്തേ കയ്യിലെ വേദന നല്ലോണം മാറിയെങ്കിലും ഷോള്ഡറിന് പറ്റിയതോണ്ട് വലിയ പണിയൊന്നും എടുക്കാൻ കഴിയില്ല... ഇപ്പൊ പണ്ടത്തെ പോലെ ദേഷ്യം പിടിക്കറില്ല,,എന്നാലൊട്ട് കുറവും ഇല്ല.... നോട്ടം എപ്പഴും ദഹിപ്പിച്ചോണ്ട് തന്നെ.... പരസഹായം ഇല്ലാതെ തന്നെ ഇപ്പൊ എണീക്കും പതിയെ നടക്കും... ഫുഡ് കഴിക്കാൻ മാത്രം മതി സഹായം.... രണ്ടാഴ്ച കഴിഞ്ഞപ്പോ ഓഫീസിൽ പോണമെന്ന പറഞ്ഞു ബഹളമായിരുന്നു.... പറ്റില്ലെന്ന് അമ്മയും അച്ഛമ്മയും തറപ്പിച്ചു പറഞ്ഞതും അവൻ ആ തീരുമാനം മാറ്റി വെച്ചു..... ഇടയ്ക്ക് നിമ്മി വന്നിരുന്നപ്പോ സിദ്ധുവിന്റെ കൂടെ തന്നെയായിരുന്നു..... അവള് കാരണമാണല്ലോ കിടക്കുന്നത്.... പാവം അവൾക്ക് നല്ല സങ്കടം ണ്ട്..... അച്ഛമ്മ ഇപ്പൊ ഒറ്റക്ക് പതിയെ എണീറ്റ് നടക്കും....കുറേ ഒന്നും ഇല്ലട്ടോ, ഒറ്റക്ക് കുറച്ചു നടക്കുമ്പോ തന്നെ കാൽ കുഴയും.... ഒരാള് പിടിച്ചാൽ കുറച്ചു ദൂരം കൂടി നടക്കും.... നടന്ന് നടന്ന് ശീലമാവണമെന്ന് ഡോക്ടർ പറഞ്ഞതോണ്ട് ഞാൻ പതുക്കെ പിടിച്ചു നടത്തിക്കും... ദേവൂ അല്ലേ ആള് മടിച്ചിയാ കുറച്ചു നടക്കുമ്പഴേക്കും ഇരിക്കും.... അടുത്ത മാസം ദേവൂന്റെ ബർത്ത് ഡേ വരുന്നുണ്ട്... അപ്പോഴേക്കും എല്ലാരേയും ഞെട്ടിക്കണമെന്ന് പറഞ്ഞ് ഞാൻ നിർബന്ധിച്ഛ് കുറേ ദൂരം നടത്തിക്കും...... ~~~~~~~~~

പ്ലാസ്റ്റർ ഒഴിച്ചാൽ മറ്റ് വേദനയൊക്കെ മാറി... പക്ഷേ അഴിക്കാതെ ഓഫീസിൽ പോണ്ടെന്ന് അമ്മയും അച്ഛമ്മയും കടുപ്പിച്ചു പറഞ്ഞു..... റൂമിൽ തന്നെ ചടച്ചിരിക്കാതെ ഞാൻ പതിയെ താഴേക്കൊക്കെ ഇറങ്ങും..... അച്ഛമ്മക്ക് ഇത്രക്കും ഇമ്പ്രൂവ്മെന്റ്‌ ഉണ്ടെന്ന് എനിക്ക് വിശ്വസിക്കാൻ കഴിയുന്നില്ല.... എല്ലാത്തിനും കാരണം അവളാണെന്ന് അമ്മയും അച്ഛമ്മയും എന്തിന് അച്ഛമ്മയുടെ ഡോക്ടർ വരെ പറയും.... എല്ലാർക്കും ഇപ്പൊ അവൾ കഴിഞ്ഞിട്ടേ ഞാൻ പോലും ഉള്ളൂ..... എന്തിനും ഏതിനും ഒരു കനൂ..... മടിപ്പിടിച്ഛ് ചെറിയ കുട്ടികളെ പോലെ ചിണുങ്ങുന്ന അച്ഛമ്മയെ അവള് നിർബന്ധിച്ഛ് നടത്തിക്കുന്നത് കാണാൻ നല്ല രസാ... ഇടക്ക് അവള് ദേഷ്യം പിടിച്ചു മാറിയിരിക്കുമ്പോ അച്ഛമ്മ വന്നൊരു ഉമ്മ കൊടുത്താൽ മതി... അതോടെ തീരും ദേഷ്യവും പിണക്കവും ഒക്കെ.... പണ്ടത്തെ പോലെ അവളോടെ ഞാൻ ദേഷ്യം ഒന്നും കാണിക്കാറില്ല.... ഞാനെത്രയൊക്കെ ദേഷ്യം പിടിച്ചാലും മറുത്തൊന്നും പറയാതെ അവൾ എന്റെ കാര്യങ്ങളൊക്കെ ശ്രെദ്ധയോടെ ചെയ്തിരുന്നു.... വീട്ടിലെ എല്ലാ പണിയും അമ്മയുടെ കൂടെ ഓടിനടന്ന് ചെയ്യുകയും അച്ഛമ്മയുടെ കാര്യം നോക്കുകയും ഇതിന്റെ എല്ലാം കൂടെ ഒരു മുടക്കവും വരുത്താതെ എന്റെ കാര്യവും ചെയ്യുന്നത് ഞാൻ അത്ഭുതത്തോടെ നോക്കി നിൽക്കാറുണ്ട്......

ഇപ്പഴും എന്റെ ഫുഡിന്റെ കാര്യങ്ങളൊക്കെ അവള് തന്നെയാണ് നോക്കുന്നത്.... ഷോള്ഡറിന് കാര്യമായിട്ട് പറ്റിയതോണ്ട് രണ്ട് കൈക്കും ഞാൻ അധികം സ്‌ട്രൈൻ കൊടുക്കാറില്ല.... ഈ പ്ലാസ്റ്റർ ഒന്ന് ഒഴിച്ചിരുന്നെങ്കിൽ പകുതി സമാധാനം ആയേന്നെ... ഓഫീസിലെ സൈൻ ചെയ്യാനുള്ളതും നോക്കാനുള്ളതുമായ ഒരാഴ്ചയിലെ മുഴുവൻ ഫയൽസും ജയൻ ഒരു ദിവസം കൊണ്ടുവന്ന് എല്ലാം ചെയ്ത് പോകും....... അടുത്ത ആഴ്ച ആണ് പ്രോജക്ടിന്റെ ഫസ്റ്റ് മീറ്റിങ്... ഇതുവരെ ഒന്നും സെറ്റ് ആക്കീട്ടില്ല..... ഏതായാലും ഇന്ന് ചെയ്തു തുടങ്ങിയല്ലേ തീരുള്ളൂ സംഭവം അടുത്ത ആഴ്ചത്തേക്ക് തീരൂ..... വേഗം ലാപ് എടുത്ത് റൂമിലെ സോഫയിൽ ഇരുന്നു... പ്ലാസ്റ്റർ ഇട്ടതോണ്ടു വലത്തെ കൈ അനക്കാൻ പറ്റുന്നില്ല.... ഇടത്തേ കൈ ആണെങ്കിൽ എനിക്ക് വല്യ വശവും ഇല്ല... അതൊന്നും നോക്കീട്ട് കാര്യല്ല മനസ്സിൽ പറഞ്ഞു കൊണ്ട് ഞാൻ ടൈപ്പ് ചെയ്തു തുടങ്ങി... പക്ഷേ കുറേ ടൈപ്പ് ചെയ്യാഞ്ഞിട്ടണോ അതോ ഒറ്റ കൈകൊണ്ട് മൊത്തം ടൈപ്പ് ചെയ്തിട്ടാണോ ന്ന് അറിയില്ല കൈ വഴങ്ങുന്നില്ല... പോരാത്തതിന് ചെറിയ വേദനയും തലപൊക്കുന്നുണ്ടോന്ന് ഒരു സംശയം....

പെട്ടന്നാണ് പുറക്കിൽ നിന്ന് ഒരു സൗണ്ട് കേട്ടതും ഞാൻ ഞെട്ടി തിരിഞ്ഞു നോക്കി........ ~~~~~~~~ "നിങ്ങള് എന്താ ഈ കാണിക്കുന്നത്..... ഇയാൾക്ക് കൈ സുഖമാവണം എന്ന് ഒന്നും ഇല്ലേ.... കൈ ഇങ്ങനെ കുടയായും തിരിക്കാനും ഒന്നും പാടില്ല...... സ്ട്രെസ് കൊടുക്കരുതെന്ന് നിങ്ങളോട് പ്രത്യേകം പറഞ്ഞതല്ലേ....?" രാത്രി പണിയൊക്കെ ഒതുക്കി റൂമിലേക്ക് കയറി വന്നപ്പഴാണ് സിദ്ധു ലാപ്പും തുറന്ന് വെച്ചിരിക്കുന്നത് കണ്ടത്..... ഇടത്തേ കൈ ആണെങ്കിൽ നല്ലോണം കുടയുകയും കറക്കുകയും ഒക്കെ ചെയ്യുന്നുണ്ട്.... ന്റെ കൃഷ്ണാ ഈ പോങ്ങന് കിട്ടിയതോന്നും പോരെ.... ഡോക്ടർ പ്രത്യേകം പറഞ്ഞതാണ് കൈക്ക് സ്ട്രെസ് കൊടുക്കരുതെന്ന്..... എത്ര പറഞ്ഞാലും മനസ്സിലാവില്ല.... നേരെ പുറകിൽ ചെന്നു നിന്നു ഇത്രയും പറഞ്ഞതും അവൻ ഞെട്ടി തിരിഞ്ഞു നോക്കി പുച്ഛിച്ചു കൊണ്ട് വീണ്ടും ലാപ്പിലേക്ക് നോട്ടമെറിഞ്ഞു നിന്നു...... "എന്റെ കാര്യം നോക്കാൻ എനിക്കറിയാം.... വല്ലാതെ ഭരിക്കാൻ വരല്ലേ...." അല്ലെങ്കിൽ ഈ കോന്തൻ കണാരനോട് പറഞ്ഞിട്ട് ഒരു കാര്യവും ഇല്ല.... ചില മൃഗങ്ങളുടെ വാല് പോലെയാ ഇങ്ങേരുടെ കാര്യം എത്ര കുഴലിൽ ഇട്ടാലും നിവരില്ല.... അല്ലെങ്കിൽ തന്നെ ഞാനെന്തിനാ ഇതൊക്കെ നോക്കുന്നത്.... മനസ്സിൽ പിറുപിറുത്തു കൊണ്ട് ഞാൻ പോയി കിടന്നു.........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...