🌸എന്നെന്നും എന്റെ മാത്രം 🌸: ഭാഗം 27

രചന: അനു

അല്ലെങ്കിൽ ഈ കോന്തൻ കണാരനോട് പറഞ്ഞിട്ട് ഒരു കാര്യവും ഇല്ല.... ചില മൃഗങ്ങളുടെ വാല് പോലെയാ ഇങ്ങേരുടെ കാര്യം എത്ര കുഴലിൽ ഇട്ടാലും നിവരില്ല.... അല്ലെങ്കിൽ തന്നെ ഞാനെന്തിനാ ഇതൊക്കെ നോക്കുന്നത്.... മനസ്സിൽ പിറുപിറുത്തു കൊണ്ട് ഞാൻ പോയി കിടന്നു... ~~~~~~ ഒരു ഉപദേശക വന്നിരിക്കുന്നു...... അവള് എന്തൊക്കെയോ പിറുപിറുത്തു കൊണ്ട് തറയിൽ വിരിച്ചു കിടന്നു.... ഞാൻ വലിയ ശ്രദ്ധ കൊടുക്കാതെ എന്റെ പണിനോക്കി കൊണ്ടിരുന്നു.... അവള് പറഞ്ഞപ്പോലെ കൈയ്ക്ക് നല്ല വേദന വരുന്നുണ്ട്.... കുറേ ചെയ്യാത്ത ചെയ്തിട്ടാണെന്ന് തോന്നുന്നു കൈ വല്ലാതെ കുഴയുന്നു.... ഷോള്ഡറിന്റെ വേദന കൂടി കൂടി വരുന്നുണ്ട്..... ഇങ്ങനെ പോയാൽ നാളത്തേക്ക് കൈ അധികം ആവും ന്ന് ഉറപ്പാ ,എന്ന് കരുതി ഇത് ചെയ്യാതിരിക്കാൻ പറ്റില്ലല്ലോ... വേദന കണ്ടില്ലെന്ന് നടിച്ച് ഞാൻ വീണ്ടും ജോലി തുടർന്നു... പൊടുന്നനെ മുന്നിൽ രണ്ട് കാൽ പ്രത്യക്ഷപ്പെട്ടു... അതിന്റെ ഉടമ അവളാണെന് ഒറ്റ നോട്ടത്തിൽ തന്നെ മനസ്സിലാക്കി ഞാൻ തലപൊക്കി അവളെ നോക്കി..... "ഹ്മ്മം...?"

"ഇങ്ങു താ ഞാൻ ചെയ്തു തരാം....." "വേണ്ടാ....." "ഞാൻ ചെയ്തു തരാന്ന് പറഞ്ഞില്ലേ...." "വേണ്ടന്ന് ഞാനും പറഞ്ഞല്ലോ...." "ഇയാള് ലാപ് തരുന്നോ...? അതോ ഞാൻ അമ്മയെ വിളിക്കണോ...?" രണ്ട് കയ്യും കെട്ടി ഞാൻ അവനെ നോക്കി അത് പറഞ്ഞതും അവൻ ഇരുന്നിടത്തു നിന്ന് എണീറ്റ് എന്റെ അടുത്തേക്ക് പാഞ്ഞു വന്നു എന്റെ ഇടത്തേ കൈ പിടിച്ചു തിരിച് പുറകിലേക്ക് ആക്കി അവനിലേക്ക് അടുപ്പിച്ചു നിർത്തി... ചീത്ത വിളി പ്രതീക്ഷിച്ച എനിക്ക് അവന്റെ ഈ മൂവ്മെന്റ് അണ്എക്സ്പെക്റ്റെഡ് ആയിരുന്നു... എന്നിരുന്നാലും ഉള്ളിലെ പേടി പുറത്ത് കാണിക്കാതെ ഞാൻ അവന്റെ കണ്ണിലേക്ക് തന്നെ നോക്കി.... "ഡീ... കുറേ കാലമായി നീ തുടങ്ങീട്ട്... എന്ത് പറഞ്ഞാലും ഒരു ഭീക്ഷണി അമ്മയെ വിളിക്കുമെന്ന്.... എന്താടീ നിന്റെ ഉദ്ദേശം....?" "എനിക്ക് പ്രേത്യേകിച്ചു ഉദേശമൊന്നും ഇപ്പം ഇല്ല.... ഞാൻ പറയുന്നത് അങ്ങു അനുസരിച്ചാൽ പോരെ എന്തിനാ വെറുതെ എന്നെ ഇങ്ങനെ ഭീക്ഷണി പെടുത്തിപ്പിക്കുന്നത്......?" "ഡീ.... എന്നെ ഭീഷണിപെടുത്താൻ മാത്രം നീ ആരാടീ കോപ്പേ..... നീ ആരാനാ നിന്റെ വിചാരം....

നീ പറയുന്നത് ഒക്കെ കേൾക്കാനും അനുസരിക്കാനും നീ എന്റെ ആരാടി.... ഹോ... രണ്ടാഴ്ച എല്ലാ കാര്യവും നോക്കിയപ്പോ നീ എന്റെ ഭാര്യയായിന്നാണോ മോളേ വിചാരിച്ചു വെച്ചിരിക്കുന്നത്..... നിന്നെ ഒരു വേലക്കാരിയായിപ്പോലും ഞാൻ ഇന്നേ വരെ കണ്ടിട്ടില്ല.... അപ്പഴാ ഭാര്യ...." പുച്ഛത്തോടെ അവൻ പറഞ്ഞത് കേട്ട് അവനെ പോലെ തന്നെ ഞാനും തിരിച്ചു പുച്ഛിച്ചു കൊണ്ട് ചുണ്ട് സൈഡിലേക്ക് കോട്ടി ചിരിച്ചു... "ആയ്യോ.... നിങ്ങള് തെറ്റിദ്ധരിക്കൊന്നും വേണ്ട.... നിങ്ങള് വിചാരിക്കുന്ന പോലെ നിങ്ങളെ ഭർത്താവ് ആയി കണ്ടിട്ടോ, പ്രേമം നിറഞ്ഞു കവിഞ്ഞിട്ടോ ഒന്നും അല്ല.... കിടക്കുമ്പോ അയ്യോ, അമ്മേ, ആ, ഈ, ഊ....എന്നൊക്കെ നിങ്ങള് കിടന്ന് നിലവിളിച്ചാൽ എനിക്ക് ഉറക്കം വരില്ല.... എനിക്ക് സ്വസ്ഥമായി കിടന്നുറങ്ങണം.... അതോണ്ടാ... അല്ലാതെ നിങ്ങള് നന്നായി. കാണാനുള്ള കൊതി കൊണ്ടൊന്നും അല്ല.....!! ~~~~ ഒരു കൈ ഇല്ലാതെ തന്നെ ഇങ്ങനെ ഇനി മറ്റേത് കയ്യും കൂടി റെഡിയായൽ ഇങ്ങേര് എന്നെ കൊല്ലുമല്ലോ ദൈവമേ ~~~~~ അവള് പറഞ്ഞത് കേട്ട് എനിക്ക് ദേഷ്യം ഇരച്ചു കയറി... ഞാൻ ആ ദേഷ്യം മുഴുവൻ അവളുടെ കൈ ഞെരിച്ചു തീർത്തുക്കൊണ്ടിരുന്നു... എന്നെ തള്ളിമാറ്റി മറ്റേതോ കൂടി പിറുപിറുത്തു അവള് ലാപ്പിന്റെ മുന്നിൽ ചെന്നിരുന്നു എന്നെ നോക്കി,,

വേറെ നിവൃത്തിയില്ലാതെ ഞാനും ഓപ്പോസിറ്റ് സോഫയിൽ പോയിരുന്നു..... നിന്നെ ഞാൻ ശെരിയാക്കി തരാഡീ.... സഹായിക്കല് നിർത്തി നീ തന്നെ ഓടിപോവുന്നത് കാണിച്ചുതരാം..... മനസ്സിൽ പറഞ്ഞു കൊണ്ട് ഞാൻ ഗൂഢമായി ചിരിച്ചു... ഫയൽ ഓരോന്ന് എടുത്തു അത്യാവശ്യം സ്പീഡിൽ പറഞ്ഞുപ്പോയി..... അവള് ഞാൻ പറഞ്ഞു കൊടുക്കുന്ന അതേ സ്പീഡിൽ ടൈപ്പ് ചെയുന്നത് കണ്ട് ഞാൻ അത്ഭുതപ്പെട്ടു.... ഇവൾക്ക് ഇതൊക്കെ ചെയ്തു നല്ല ശീലം ഉള്ളപോലെ ഉണ്ടല്ലോ കണ്ടിട്ട്,, സാരല്ല സ്പീഡ് ഇനിയും കൂട്ടല്ലോ ല്ലേ...? ഞാൻ കുറച്ചൂടെ സ്പീഡിൽ മിന്നിച്ചു പറഞ്ഞു കൊടുത്തു.....ഹല്ല പിന്നേ നമ്മളോടാ കളി.... രണ്ട് mint കൊണ്ട് ഫയൽ മുഴുവൻ ഓടിച്ചു വായിച്ചു കഴിഞ്ഞു ഞാൻ അവളെ നോക്കി....എന്റെ ഇപ്പം ടൈപ്പ് ചെയ്ത് കഴിഞ്ഞെങ്കിലും വേദന കാരണം അവള് കൈ കുടയുന്നത് കണ്ട് ഞാൻ ചിരിച്ചു....... അങ്ങനെ വഴിക്ക് വാടീ മോളേ.... ഒരു മിനിറ്റ് പോലും വൈകാതെ ഞാൻ അടുത്ത ഫയൽ എടുത്തതും അവള് എന്റെ മുഖത്തേക്ക് നോക്കി, പക്ഷേ ഞാൻ അത് ശ്രെദ്ധിക്കാതെ വായിക്കാൻ തുടങ്ങി...

. "ഹല്ലോ....ഹല്ലോ.....ഇതേ ടൈപ്പിംഗ് മെഷീൻ ഒന്നും അല്ല.... ന്റെ കയ്യാ.... !!" കൈ എന്റെ നേരെ നീട്ടി കാണിച്ചു ഞാൻ വായിക്കുന്നത് നിർത്തിച്ചു കൊണ്ട് അവള് പറഞ്ഞത് കേട്ട് അവളെ നല്ലോണം നോക്കി പുച്ഛിച്ചു കാലിന്മേൽ കാൽ കയറ്റി സോഫയിലേക്ക് ചാരി ഇരുന്ന്‌ "So, what.....അതിന് ഞാൻ എന്ത് വേണം...." "കുറച്ച് പതുക്കെ പറ...." "പറ്റില്ല....!!!! ഞാൻ നിന്നെ നിർബന്ധിച്ഛ് ഒന്നും ഇല്ലല്ലോ...? ഞാൻ പറഞ്ഞോ നിന്നോട് ചെയ്യാൻ.... ഇല്ലല്ലോ...??? നീയായിട്ട് വന്നതല്ലേ.... എനിക്ക് ഇങ്ങനെ സ്പീഡിൽ പറയാനേ അറിയൂ....!! ടൈപ്പ് ചെയ്യ് വേഗം... ദാ ആ കാണുന്ന ഫയൽ മുഴുവൻ ഫീഡ് ചെയ്യാനുള്ളതാ.... വേഗം ചെയ്താൽ നേരത്തെ കിടക്കാം.... ~~~~~~~ മേശപ്പുറത്തേക്ക് കൂട്ടിയിട്ട ഫയലിലേക്ക് ചൂണ്ടിക്കാട്ടി അവൻ പറഞ്ഞതും ഞാൻ ഞെട്ടിപ്പോയി.... ന്റെ കൃഷ്ണാ..... ഒരു 10....15 ഫയൽ കാണും.... ഇതു മുഴുവൻ ഫീഡ് ചെയ്തു തീരുമ്പോ എന്റെ കൈ മുറിഞ്ഞു വീഴും.... ഇവന്റെ ഒടുക്കാത്ത ഒരു ആറ്റിട്യൂഡ് എനിക്ക് ദേഷ്യം വരുന്നുണ്ട്..... ദുഷ്ടൻ മനപ്പൂർവ്വം വാശി തീർക്കാ..... സഹായിക്കാൻ വന്ന എന്നെ പറഞ്ഞാൽ മതിയല്ലോ..... ഞാൻ മനസിൽ ഇത് പിറുപ്പിറക്കുന്ന സമയം കൊണ്ട് ഞാൻ ടൈപ്പ് ചെയ്യുന്നുണ്ടോന്ന് പോലും ന്നോക്കാതെ ഒരു ധാക്ഷണ്യവും ഇല്ലാതെ അവൻ പറഞ്ഞു പോയി...

അവന്റെ കൂടെ ഓടി എത്താൻ ഞാൻ നന്നേ പണിപ്പെട്ടു അവനൊപ്പം സമയം ഓടിക്കൊണ്ടിരുന്നു.... ഉറക്കം ആവിയിട്ടും കണ്ണ് ഞാൻ പോലും അറിയാതെ അടച്ചും സിഗ്നൽ തരാൻ തുടങ്ങി...... ഈ പോങ്ങനാണെങ്കിൽ എന്നെ നോക്കുക പോലും ചെയ്യാതെ മെട്രോ ട്രെയിൻ പോലെ വേഗത്തിൽ പറഞ്ഞു പൊയ്ക്കൊണ്ടിരുന്നു.... ആദ്യം ആദ്യം കണ്ണൊക്കെ കൈ കൊണ്ട് വിടർത്തിയും മറ്റും എനിക്ക് പറ്റുന്ന പോലെ വേഗത്തിൽ ടൈപ്പ് ചെയ്‌ത് പോയെങ്കിലും അധികം വൈകാതെ തന്നെ എത്ര വലിച്ചു തുറക്കാൻ ശ്രെമിച്ചിട്ടും തുറക്കാൻ പറ്റാത്ത വിധത്തിൽ കണ്ണ് പതിയെ അടയുന്നത് ഞാൻ അറിഞ്ഞു...... ~~~~~~~~~ മൂന്നാമത്തെ ഫയൽ വായിച്ചു കഴിഞ്ഞു അടുത്ത ഫയൽ എടുക്കാൻ നോക്കിയപ്പഴാണ് അവള് മേശയിൽ കൈ വെച്ച് കിടന്നുറങ്ങുന്നത് കണ്ടത്..... ഏന്തി ലാപ്പിലേക്ക് നോക്കിയപ്പോ രണ്ടാമത്തെ ഫയലിന്റെ പകുതി വരയേ അവള് ടൈപ്പ് ചെയ്തിട്ടുള്ളൂ ന്ന് കണ്ടു,ഞാൻ ഇത്രയും നേരം ഇവിടെ കിടന്ന് വായിട്ടലച്ചത് വെറുതെ....!!! എണീറ്റ് പതുക്കെ ലാപ് എന്റെ നേരെ നീക്കി വെച്ചു ഫയലൽ നോക്കി ബാക്കി കൂടി ടൈപ്പ് ചെയ്തു....

സത്യത്തിൽ അവള് ഹെല്പ് ചെയ്തില്ലായിരുനെങ്കിൽ നാളത്തേക്ക് എന്റെ കൈ പണിയായേനെ... പക്ഷേ അവള് പറഞ്ഞത് എനിക്ക് ഇഷ്ടമായില്ല അതാ സ്പീഡിൽ പറഞ്ഞു പോയത്.... രണ്ടാമത്തെ ഫയൽ മുഴുവൻ ടൈപ്പ് ചെയ്‌ത് കഴിഞ്ഞു ലാപ് ഷട്ട്ഡൗണ് ചെയ്ത് ഞാൻ സോഫയിൽ കണ്ണടച്ഛ്ചാരി ഇരുന്നു.... കുറച്ഛ് നേരം അങ്ങനെ ഇരുന്ന് ഒരു നേടുവീർപ്പോടെ കണ്ണ് തുറന്ന് നോക്കിയത് അവളുടെ മുഖത്തേക്ക് ആയിരുന്നു.... നെറ്റിയിൽ നിന്ന് തെന്നി വീണ കുറച്ചു മുടിയിഴകൾ അവളുടെ പാതി മുഖം മറച്ചിരുന്നു... ഞാൻ പതിക്കെ അവളുടെ അടുത്തുപ്പോയി മുട്ട് കുത്തി ഇരുന്ന് മുടി പതിയെ ചെവിയുടെ പുറകിലേക്ക് കോതിമാറ്റി കുറേ നേരം അവളുടെ മുഖത്തേക്ക് നോക്കിനിന്നു.... 'വേണ്ട സിദ്ധു.... നിന്റെ മനസ്സിൽ വെറുപ്പല്ലാതെ വേറെ ഒന്നും തോന്നരുത് ഇവളോട്... ഒരിക്കൽ കുഴിച്ഛ് മൂടിയതൊന്നും മണ്ണ് മാന്തി നോക്കരുത്...!!!! നിന്റെ ജീവിതം തകർത്തവളാണ് ഇവൾ.... ഒരു നിമിഷം കൊണ്ട് നിന്റെ എല്ലാ സന്തോഷങ്ങളും തല്ലി തക്കർത്തവൾ...... നിന്റെ മുഖം ഓരോ തവണ കാണുമ്പോഴും എന്റെ മനസ്സിൽ തെളിയുന്ന ഞെഞ്ചു പൊട്ടി മരിച്ച എന്റെ അച്ഛന്റെ മുഖം ഒരിക്കലും മായില്ലാ..... നിന്നോട് ഞാനൊരിക്കലും ക്ഷമിക്കില്ല.... ക്ഷമിക്കാൻ എനിക്ക് കഴിയില്ല..... ഒരിക്കലും......!!!!!

ആരോടെന്നില്ലാതെ അവളെ നോക്കി കൊണ്ട് ഞാൻ പറഞ്ഞു...പിന്നെ പതിയെ എണീറ്റ് പോയി കിടന്നു.... ~~~~~~~ രാവിലെ എണീറ്റപ്പഴാണ് ഇന്നലെ ഇരുന്ന അതേ ഇരുപ്പിൽ മേശപ്പുറത്തു തലവെച്ചാണ് കിടക്കുന്നത് ന്ന് മനസ്സിലായത്...... പതിയെ തല കൈയിൽനിന്ന് മാറ്റി കൈ പൊക്കാൻ നോക്കി,,,ഹാവൂ കൈ തരിത് പോയല്ലോ കൃഷ്ണാ..... ഒരേ വശം വെച്ച് കിടന്നതോണ്ടായിരിക്കും.... വേഗം എണീറ്റ് കുളിച്ചു താഴേക്ക് ഇറങ്ങി പ്രാതൽ കഴിച്ച് ബാക്കി പണിയൊക്കെ വേഗം തീർത്ത അമ്മയോടും ദേവൂനോടും കാര്യം പറഞ്ഞു ഞാൻ റൂമിലേക്ക് തന്നെ കയറി... ഇന്നലെ സിദ്ധു കാണിച്ച ഫയൽ മുഴുവൻ ഫീഡ് ചെയ്യാൻ ഉള്ളതാ അതോണ്ട് തന്നെ ഞാൻ പണിയൊക്കെ ഒതുക്കി വന്നപ്പഴേക്കും സിദ്ധു ടൈപ്പിംഗ് ചെയ്തു തുടങ്ങിയിരുന്നു... എന്നെ കണ്ടതും എന്തോ അറിയില്ല ചോദ്യവും പറച്ചിലും ഭീക്ഷണിയും ഒന്നും വേണ്ടി വന്നില്ല ലാപ് എന്റെ നേരെ തിരിച്ചു വെച്ചു....വേഗം അവന്റെ ഓപ്പോസിറ്റ് സോഫയിൽ ഇരുന്ന് സിദ്ധു പറയുന്നത് വള്ളി പുള്ളി തെറ്റാതെ ടൈപ്പ് ചെയ്തോണ്ടിരുന്നു.... ഞാൻ ഇതേ വരേ കേൾക്കാത്ത ചില വാക്കുകൾ കേൾക്കുമ്പോ ഞാൻപതിയെ സിദ്ധു വിന്റെ മുഖത്തേക്ക് നോക്കും.... എന്റെ മുഖത്തെ എസ്പ്രെഷൻ കാണുമ്പോ തന്നെ അവന് കാര്യം മനസ്സിലാവും ,

നോക്കി പുച്ഛിച്ചു ചിരിച്ഛ് കൊണ്ട് സ്പെല്ലിംഗ് പറഞ്ഞു തരും.... ഇവന് നേരെ അങ്ങു പറഞ്ഞു തന്നാ പോരെ ഇങ്ങനെ കിടന്ന് പുച്ഛിച്ചു തള്ളണോ..... കോന്തൻ.....😏 നിശ്ചിത ഇടവേളകളിൽ ഞാൻ താഴേക്ക് പോകും.... അമ്മയോട് പറഞ്ഞിട്ട് ഉണ്ടെങ്കിലും എന്റെ പണികൾ ഞാൻ തന്നെ ചെയ്യുന്നതാ എനിക്ക് ഇഷ്ടം.... അച്ഛമ്മയുടെ കാര്യം നോക്കാനും, കനിയെ നോക്കാനും, അടുക്കളയിൽ സഹായിക്കൽ അങ്ങനെ പണികൾ ഒരുപാട് ണ്ടാവും.... പക്ഷേ എല്ലാം ചെയ്ത് വൈക്കുനേരം ആയപ്പോഴേക്കും എന്റെ കാലും കയ്യും ഒരു വഴിക്കായി.... താഴേക്കും മോളിലേക്കും കയറി ഇറങ്ങി എന്റെ മുട്ടും കാലും തേഞ്ഞു തീർന്നൂന്നാ തോന്നുന്നത്...... ഞാൻ ഇങ്ങനെ ഇടക്ക് ഇടക്ക് ഇറങ്ങി പോവുന്നത് കൊണ്ട് ലാപ് ലോക്ക് ആവും....തിരിച്ചു കയറി ടൈപ്പ് ചെയ്യാൻ നോക്കുമ്പോ ലോക്ക് ആയിട്ടുണ്ടാവും.. അവനോട് പാസ്‌വേഡ് ചോദിച്ചു ചോദിച്ചു എനിക്കും, ഓപ്പൺ ചെയ്ത് ചെയ്ത് സിദ്ധുവിനും മടുത്തപ്പോ നിവൃത്തിക്കേടോണ്ടോ എന്തോ അവൻ എനിക്ക് പാസ്സ്‌വേർഡ്‌ പറഞ്ഞു തന്നു.... അതിന്റെ പാസ്സ്‌വേർഡ്‌ സിദ്ധു വിന് അല്ലാതെ വേറെ ആർക്കും അറിയില്ലെന്ന് അമ്മയും നിമ്മിയും പറയാറുണ്ട്... സിദ്ധു വിന്റെ പേഴ്‌സണൽ ലാപ് ആണ് മറ്റാരേയും കൊണ്ട് തോട്ടീക്കുക പോലും ചെയ്യിക്കില്ല...

അങ്ങനെയുള്ളപ്പോ സഹിക്കെട്ടാണെങ്കിലും അവൻ എനിക്ക് പാസ്‌വേഡ് പറഞ്ഞു തന്നപ്പോ എനിക്ക് ഭയങ്കര സന്തോഷം തോന്നി.... എത്ര വെറുപ്പാണെങ്കിലും പകയാണെങ്കിലും അവൻ എന്നെ വിശ്വസിക്കുന്നുണ്ടല്ലോ അത് മതി.... കാൽ വേദനയൊക്കെ പമ്പ കടന്നപ്പോലെ തോന്നി... പറഞ്ഞറിക്കാൻ പറ്റാത്തത്രയും സന്തോഷം എന്റെ ഉള്ളിൽ നിറഞ്ഞു...... ~~~~~~~ പാസ്സ്‌വേർഡ്‌ അടിച്ചു അടിച്ച് എനിക്ക് മതിയായി അതാ ഞാൻ പാസ്സ്‌വേർഡ്‌ പറഞ്ഞു കൊടുത്തു.... ടൈപ്പ് ചെയുന്നതിനോടൊപ്പം ബാക്കി എല്ലാരുടെയും കാര്യങ്ങളും കൂടി അവള് ഭംഗിയായി നോക്കിയിരുന്നു.... അതിന്റെ ഫലം രാത്രി വാതില് തുറന്ന് റൂമിലേക്ക് നടന്ന് വന്നപ്പോ വേദനയുടെ രൂപത്തിൽ ഉള്ളപ്പോലെ എനിക്ക് തോന്നി..... നേരെ ചെന്ന് കബോഡ് തുറന്ന് മൂവ് എടുക്കുന്നത് കണ്ടപ്പോ കയറി ഇറങ്ങി കാലിന് വേദന വന്നതാവും ന്ന് ഊഹിച്ചു... അപ്പോ ഇന്ന് ഇനി ടൈപ്പിംങിന് അവളെ കിട്ടില്ലെന്ന് മനസ്സിൽ പറഞ്ഞു തീരുന്നതിന് മുൻപേ അവള് എന്റെ അടുത്തേക്ക് വന്നിരുന്നു... വേദനയൊന്നും വലിയ കാര്യമാക്കാത്തെ ബെഡിൽ എന്റെ മുന്നിൽ അലക്ഷ്യമായി കിടന്ന ലാപ്പെടുത്ത് സോഫയിൽ ചെന്നിരുന്ന അവളെ അന്തം വിട്ട് നോക്കി നിൽകുമ്പഴാണ് അവളെന്നെ തിരിച്ചു നോക്കിയതും ഞാൻ വേഗം നോട്ടം മാറ്റി ഫയൽ എടുത്ത് പറയാൻ തുടങ്ങി...... ~~~~~~~

ടൈപ്പ് ചെയ്തോണ്ടിരിക്കുമ്പഴാണ് പെട്ടെന്ന് ലാപ്പിന്റെ താഴേ നിന്ന് മുകളിലേക്ക് പൊങ്ങി ഒരു നോട്ടിഫിക്കേഷൻ വന്ന് നിന്നത്...ആദ്യം ക്ലോസ് ചെയ്തല്ലോന്ന് വിചാരിച്ചെങ്കിലും വെറുതെ ചീത്ത ഇരന്ന് മേടികണ്ടല്ലോ ന്ന് കരുതി ഞാൻ വേഗം ലാപ്പും എടുത്ത് ബെഡിൽ ഇരിക്കുന്ന അവന്റെ അടുത്തേക്ക് പോയി ബെഡിന്റെ ഒരു സൈഡിൽ ഇരുന്ന് ലാപ് അവന്റെ മുന്നിലേക്ക് വെച്ഛ് അതിലേക്ക് കൈ ചൂണ്ടി കാര്യം പറഞ്ഞു.. ഇതൊക്കെ കുറേ ടൈപ്പ് ചെയ്ത് അവനത് ക്യാൻസൽ ചെയ്തതും എന്റെ വേറെയും കുറെ സംശയങ്ങളും ടൈപ്പ് ചെയ്തത് ശെരിയാണോന്നും ഇങ്ങനെ ആണോന്നും ഒക്കെ അവനോട് ചോദിച്ചോണ്ടിരുന്നു..... ~~~~~~~ ലാപ്പിൽ വന്ന നോട്ടിഫിക്കേഷൻ സൗണ്ട് ഞാനും കേട്ടിരുന്നു....പക്ഷേ അവള് അതും കൊണ്ട് വേഗം എന്റെ അടുത്തേക്ക് കൊണ്ടുവരുമെന്ന് പ്രതീക്ഷിച്ചില്ല...... ബെഡിന്റെ സൈഡിൽ ഇരുന്ന് ലാപ് എന്റെ നേരെ മുന്നിൽ വെച്ച് എന്റെ അടുത്തേക്ക് നീങ്ങിയിരുന്നു അവള് എന്തൊക്കെയോ കാര്യമായി കൈക്കൊണ്ട് ചൂണ്ടി കാണിച്ചു ചോദിക്കുന്നത് കേൾക്കുന്നുണ്ടെങ്കിലും ഞാൻ ശ്രദ്ധിച്ചത്,,, പറയുമ്പോ അവളുടെ മുഖത്ത് മിന്നിമറയുന്ന ഭാവങ്ങളെ ആയിരുന്നു..... കരിമഷി എഴുതിയ കരിനീല മിഴിക്കളെയായിരുന്നു....

അഴിഞ്ഞുലഞ്ഞു വീണ് കിടക്കുന്ന അവളുടെ നീണ്ട മിനുസമുള്ള മുടിയിഴകൾ എ സിയുടെ കാറ്റിന് അനുസരിച്ച് എന്റെ നെഞ്ചിൽ വന്ന് തട്ടിയിരുന്നു......അപ്പഴും അവളിത്തൊന്നും ശ്രെദ്ധിക്കാതെ ലാപ്പിലേക്ക് ചൂണ്ടിക്കാട്ടി എന്തൊക്കെയോ പറഞ്ഞോണ്ടിരുന്നു.... എന്റെ പ്രതികരണം ഒന്നും കേൾക്കാഞ്ഞിട്ടാവും അവള് എന്റെ മുഖത്തേക്ക് നോക്കാൻ തുടങ്ങിയതും ഞാൻ നോട്ടം ലാപ്പിലേക്ക് മാറ്റി.... ~~~~ ഞാൻ കുറേ എന്തൊക്കെയോ ചോദിച്ചെങ്കിലും അവൻ ഒന്നും പറഞ്ഞില്ല... മുഖത്തേക്ക് നോക്കിയപ്പോ അവൻ ലാപ്പിലേക്ക് തന്നെ നോക്കി ഇരിപ്പായിരുന്നു.....ഞാൻ നോക്കുന്നത് കണ്ടിട്ടോ എന്തോ അവൻ ഞാൻ ചോദിച്ചതിന് മറുപടി ലാപ്പിലേക്ക് നോക്കി പറയാൻ തുടങ്ങിയപ്പോ ഞാനും വേഗം ലാപ്പിലേക്ക് നോക്കി... അവൻ പറയുന്നത് എതോ ലോകത്ത് നിന്നെന്നപോലെ ഞാൻ കേട്ടെങ്കിലും ശ്രെദ്ധ ലാപ്പിലെ സ്ക്രീനിൽ തെളിഞ്ഞ സിദ്ധു വിന്റെ മുഖത്തേക്കായിരുന്നു..... ലാപ്പിലെ ഗ്ലാസ്സിൽ പ്രതിഫലിച്ച അവന്റെ മുഖത്തേക്ക് ഞാൻ കണ്ണെടുക്കാതെ നോക്കി.... ആമി പറഞ്ഞു തന്നതിൽ നിന്ന് ഞാൻ മനസ്സിൽ കോറിയിട്ട മുഖം തന്നെയായിരുന്നു സിദ്ധുവിന്.... വൃത്തിയായി വെട്ടിയൊതുക്കി താടിയും, പിരിച്ചു വെച്ച കട്ടി മീശയും, തിങ്ങിനിറഞ്ഞ മുടിയും,ഇടയ്ക്ക് മാത്രം പുറത്തേക്ക് എത്തി നോക്കുന്ന കൊന്ത്രൻ പല്ലും.... പെട്ടെന്ന് അവൻ എന്റെ മുഖത്തേക്ക് വിരൽ ഞൊട്ടിച്ചപ്പഴാണ് ഞാൻ സ്വബോധത്തിലേക്ക് തിരിച്ചു വന്നത്....

വെപ്രാളത്തോടെ അവനെ ഒന്ന് നോക്കി ഞാൻ വേഗം ലാപ് എടുത്ത് പോകാൻ തിരിഞ്ഞു..... "ആഹ്......!!!!!!!!" "ആഹ്....മുടി.........!" "ആഹ്ഹ്...!!!! ഊഫ്ഫ്..... എടീ എന്റെ കൈ...?" "അയ്യോ....സോറി.... സോറി...മുടി tshirt ന്റെ ബട്ടണയിൽ കുടിങ്ങി പോയതോണ്ടാ....... സോറി.... കൈയ്ക്ക് ഒന്നും പറ്റിയില്ലല്ലോ......?വേദനയായോ.....? ലാപ്പും കൈയിലെടുത്ത് ധൃതിയിൽ എണീറ്റപ്പഴാണ് എന്റെ ടീ ഷർട്ടിൽ അവളെ മുടി കുടുങ്ങി വലിഞ്ഞതും പോയതിലും സ്പീഡിൽ തന്നെ അവളെന്റെ നെഞ്ചിലേക്ക് വീണു കൈക്ക് തട്ടിയതും..... ഞാൻ അലറിയത് കേട്ട് അവള് വേഗം വെട്ടിതിരിഞ്ഞു ഇരുന്ന് വെപ്രാളത്തോടെ സോറി പറഞ്ഞ് മുടിയുടെ കുടുക്ക് അഴിക്കാൻ തുടങ്ങി... അവള് തിരക്കിട്ട് പേടിയോടെ അഴിക്കാൻ നോക്കിയതോണ്ടാണോന്ന് അറിയില്ല മുടി അഴിയുന്നതിന് പകരം കുറച്ചുക്കൂടി ബട്ടണിൽ ചുറ്റി മുറുക്കി.... "നീ കുടുക്ക് അഴിക്കാൻ നോക്കണോ അതോ കൂടുതൽ കെട്ടികുടുക്ക് ആകണോ...?" ഗൗരവത്തോടെ അവള് ബട്ടണിൽ കിടന്ന് മുടി അങ്ങോട്ടും ഇങ്ങോട്ടും തിരക്കിട്ട് ചുറ്റുന്നത് കണ്ട് ഞാൻ ചോദിച്ചത് കേട്ട് അവള് എന്റെ മുഖത്തേക്ക് ഒന്ന് നോക്കി വീണ്ടും അഴിക്കാൻ ശ്രമിച്ചു കൊണ്ടിരുന്നു.. "ഞാൻ ശ്രമിക്കുന്നുണ്ട്....പക്ഷേ ഇതു അഴിയുന്നില്ല....." "കൈ മാറ്റ്.... ഞാൻ അഴിച്ചു തരാം...." "വേണ്ട.... ഞാ.. ഞാൻ തന്നെ അഴിച്ചോളാം...." "നിന്നോട് കൈ മാറ്റാനാ പറഞ്ഞത്....."

കലിപ്പില് പറഞ്ഞല്ലേ ഇവള് കേൾക്കുള്ളൂ ന്ന് അറിയാവുന്നതോണ്ടാ ഞാൻ ശബ്‌ദം ഉയർത്തി സ്ട്രോങ്ങിൽ കൈ മാറ്റാൻ പറഞ്ഞത്...പറഞ്ഞൂ തീരേണ്ട താമസം സ്പോട്ടിൽ തന്നെ അവള് പെട്ടെന്ന് കൈ മാറ്റി എന്നെ നോക്കി..... അവള് കുറച്ച് അകന്ന് നിന്നാണ് അഴിക്കാൻ നോക്കിയത് ഞാൻ അവൾക്ക് നേരെ തിരിഞ്ഞു അഭിമുഖമായി ഇരുന്ന് കുടുങ്ങി വലിഞ്ഞു നിന്നിരുന്ന മുടി പിടിച്ചു വലിച്ച് എന്റെ അടുത്തേക്ക് നിർത്തിയതും അതൊന്ന് അയഞ്ഞു.... അവള് പെട്ടെന്ന് നെഞ്ചിലേക്ക് വീണപ്പോ കൈക്ക് തട്ടിയെന്നുള്ളത് നേരാ പക്ഷേ, എനിക്ക് വേദനയൊന്നും ആയില്ല.... ഞാൻ ചെറിയ നിലവിളിക്ക് പോലും അവളുടെ മുഖത്തു നിറഞ്ഞ വെപ്രാളവും ഭയവും കൈയ്ക്ക് എന്തെങ്കിലും പറ്റിയോ എന്നറിയാനുള്ള ആകാംക്ഷയുമൊക്കെ കണ്ടപ്പോ ഒന്നും പറ്റിയില്ലെന്ന് പറയാൻ തോന്നിയില്ല........ ഞാനതെല്ലാം ഒരുവേള ഞാൻ ആസ്വദിക്കുന്ന പോലെ..... ഞാൻ മുടി പിടിച്ചു വലിച്ചു അടുത്തേക്ക് അടുപ്പിച്ചപ്പോ അവളെന്നെ ഒന്നു നോക്കിയെങ്കിലും പെട്ടെന്ന് തന്നെ നോട്ടം വീണ്ടും താഴേക്ക് തന്നെ മാറ്റി....... എന്റെ കയ്യിൽ വന്ന് പതിക്കുന്ന അവളുടെ ചൂട് നിശ്വാസം ശ്വാസത്തിന്റെ വേഗത കൂടുന്നത് എനിക്ക് മനസ്സിലാക്കി തന്നോണ്ടിരുന്നു......

മുടിയുടെ കെട്ട് ഞാൻ പതിയെ അഴിച്ചതും ഒരു മിനിറ്റ് പോലും അവിടെ ഇരിക്കാതെ അവള് വേഗം ലാപ് എടുത്തു സോഫയിൽ പോയിരുന്നു..... അവളുടെ നിശ്വാസത്തിന്റെ ചൂട് എന്റെ കയ്യിൽ അപ്പഴും അനുഭവപ്പെടുക്കൊണ്ടിരുന്നു... ~~~~~~ മുടി ബട്ടണിൽ നിന്ന് അഴിക്കുന്ന വരെ അവിടെ അവന്റെ അടുത്ത് ഇരുന്നത് എങ്ങനാന്ന് എനിക്ക് തന്നെ അറിയില്ല... അവൻ എന്റെ മുടി വലിച്ഛ് എന്നെ അവനോട് അടുപ്പിച്ചപ്പോ ഞെട്ടലോടെ അവന്റെ കണ്ണിലേക്ക് നോക്കിയതും എന്റെ ശരീരത്തിൽ ആകമാനം വിറയ്ക്കുന്ന പോലെ കോരിത്തരിച്ചു... അധികം നേരം നോക്കാൻ കഴിയാതെ ഞാൻ എന്റെ നോട്ടം പിൻവലിച്ചു താഴേക്ക് നോക്കിയെങ്കിലും എന്തിനോ വേണ്ടി എന്റെ ശ്വാസം പോലും വല്ലാതെ കുതിച്ചുയർന്നിരുന്നു.... അവൻ മുടിയിലെ പിടുത്തം വിട്ടതും ഞാൻ ലാപ് എടുത്തോണ്ട് സോഫയിലേക്ക് ഓടിയതായിരുന്നു...... ഇത്രയും കാലം ഇല്ലാത്ത ഒരു കാന്തികത അവന്റെ കണ്ണിലേക്ക് നേരാതെ നോക്കിയപ്പോ എന്നെ കീഴ്പ്പെടുത്തിയ പോലെ.... പിന്നെ അവൻ പറഞ്ഞതെക്കെ അതുപോലെ ടൈപ്പ് ചെയ്തോണ്ടിരുന്നപ്പോ ഒരു തവണ പോലും ഞാൻ അവനെ മുഖമുയർത്തി നോക്കിയില്ല....നോക്കാൻ കഴിഞ്ഞില്ല ന്ന് പറയുന്നതാവും ശെരി..........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...