🌸എന്നെന്നും എന്റെ മാത്രം 🌸: ഭാഗം 28

രചന: അനു

പിന്നെ അവൻ പറഞ്ഞതെക്കെ അതുപോലെ ടൈപ്പ് ചെയ്തോണ്ടിരുന്നപ്പോ ഒരു തവണ പോലും ഞാൻ അവനെ മുഖമുയർത്തി നോക്കിയില്ല....നോക്കാൻ കഴിഞ്ഞില്ല ന്ന് പറയുന്നതാവും ശെരി... ~~~~~~~~~ ഹാവൂ അങ്ങനെ മൂന്ന് ആഴ്ചത്തെ പരീക്ഷണഘട്ടം കഴിഞ്ഞ് ഇന്ന് പ്ലാസ്റ്റർ അഴിപ്പിച്ചു.... ഇപ്പഴാ ശ്വാസം നേരെ വീണത്.... അഴിച്ചെങ്കിലും ഷോള്ഡറിൽ ഒരു പ്രത്യേക ശ്രദ്ധ കൊടുക്കണമെന്ന് പറഞ്ഞിട്ടാണ് പോയത് ഡോക്ടർ..... ഓഫീസിൽ പോയാലും ഷോള്ഡറിന് അധ്വാനമുള്ള പണിയൊന്നും ഇല്ലല്ലോ... അതോണ്ട് അച്ചമ്മേയെയും അമ്മയേയും പറഞ്ഞു സമ്മതിപ്പിച്ചു നാളെ മുതൽ ഓഫീസിൽ പോണം...... ~~~~~ ഇന്നലെ സിദ്ധു ന്റെ കയ്യിലെ പ്ലാസ്റ്റർ അഴിച്ചു....ഒരു ആഴ്ചകൂടി ഇടാമെന്ന് ഡോക്ടർ പറഞ്ഞെങ്കിലും അവൻ നിർബന്ധിച് അഴിപ്പിച്ചു.... വലിയ കോളിൽ ഡോക്ടർ പറഞ്ഞ എല്ലാ കാര്യവും അവൻ തലയാട്ടി സമ്മതിച്ചിട്ടുണ്ട്...വല്ലതും നടന്നാൽ കാണാ..... പ്രാതല് കഴിഞ്ഞു ഒരുങ്ങാൻ പോയിട്ട് മണിക്കൂർ ഒന്നായിട്ടും പുറത്തേക്ക് കാണാതിരുന്നപ്പോ ഞാൻ മുകളിലേക്ക് കയറി..... ഷർട്ടിന്റെ ഒരു കൈ ഇട്ട് മറ്റേ കൈ ഇടാൻ പാടുപെടുക്കായിരുന്നു.... വേദന ഉണ്ടെന്ന് തോന്നുന്നു മുഖം കണ്ടിട്ട്,,, ഞാൻ വേഗം ചെന്ന് കൈ പതുക്കെ വലിച്ച് ഷർട്ടും ബട്ടണും കോട്ടുമൊക്കെ ഇട്ട് കൊടുത്തു....

നിങ്ങൾ വിചാരിക്കുന്നപ്പോലെ ഇതൊക്കെ ചെയ്യാൻ ആ പാക്കാരൻ ഒറ്റയടിക്ക് സമ്മതിച്ചെന്ന് എന്നാ അങ്ങനെയല്ല,,,, എന്നത്തേയും പോലെ എല്ലാം ഭീക്ഷണി മായം.....!!!!! ~~~~~~ ഷർട്ടിന്റെ ഒരു കൈ ഇട്ട് മറ്റേ കൈ ഇടാൻ പഠിച്ച പണി പതിനെട്ട് നോക്കിയിട്ടും നടന്നില്ല,, അവസാനം ഊരാനും ഇടാനും പറ്റാതെ അമ്മയെ വിളിക്കാൻ നോക്കുമ്പഴാണ് അവള് കയറി വന്നത്....ഷർട്ട് ഇട്ട് തന്നത് മാത്രല്ല ഞാൻ വേണ്ടാന്ന് പറഞ്ഞതിന് അമ്മയുടെ പേരും പറഞ്ഞ് കോട്ടും, ഫയലും, ബാഗും, ലാപ്പുമൊക്കെ അവളെ തന്നെ എടുത്തു വെച്ചു എന്റെ പുറക്കെ താഴേക്കിറങ്ങി..... ~~~~~~~ സിദ്ധു വിന്റെ ബാഗും തൂക്കി അവന്റെ പുറകെ വരുന്ന എന്നെ കണ്ടതും അടുക്കളയിൽ നിന്ന് അമ്മ സ്തംഭിച്ചു നോക്കി നിൽപ്പുണ്ടായിരുന്നു..... അമ്മേനെ നോക്കി ഒരു ഫ്ലയിങ് കിസ്സും സൈറ്റും അടിച്ചു ഞാൻ അവന്റെ പുറക്കെ കോലയിലേക്ക് നടന്നു.... സിദ്ധു ഇറങ്ങിയതും നേരെ കേറി കാറിന്റെ ഡ്രൈവിംഗ് സീറ്റിൽ ഇരുന്നു.... ഷോള്ഡറിന് സ്ട്രെസ്സ് വരുന്നോണ്ട് കുറച്ഛ് ദിവസത്തേക്ക് ഡ്രൈവ് ചെയ്യണ്ടാ ന്ന് ഡോക്ടർ പറഞ്ഞത് കണക്കിലെടുത്തു ഞാൻ ഡ്രൈവ് ചെയ്യണ്ട ന്ന് പറഞ്ഞതിന്,,,'എന്റെ കാര്യം നോക്കാൻ എനിക്ക് അറിയാം' ന്ന് എന്റെ നേരെ രണ്ട് ചാട്ടം ചാടി സിദ്ധു കാർ സ്റ്റാർട്ട് ചെയ്ത് ആക്സിലറേറ്ററിൽ ചവിട്ടി കൊണ്ട് റൈസ് ചെയാൻ തുടങ്ങി.....

'അമ്മയെ വിളിക്കണോ' ന്നുള്ള എന്റെ ഒറ്റ ചോദ്യത്തിൽ തന്നെ സിദ്ധുന്റെ ദേഷ്യവും റൈസിങ്ങുമൊക്കെ ഫ്ലാറ്റ്..... കാരണം പ്ലാസ്റ്റർ അവൻ നിർബന്ധിപ്പിച്ഛ് അഴിപ്പിച്ചതാണ്ന്ന് അമ്മയ്ക്ക് അറിയില്ല... എന്നെ നോക്കി ദഹിപ്പിച്ചോണ്ട് കാറിന്റെ ഡോർ വലിച്ചു തുറന്ന് പുറകിൽ ചെന്നിരുന്നു ഡോർ വലിച്ചടച്ചതും ഞാൻ കണ്ണിറുക്കിയടച്ഛ് നിന്നു...... ഹമ്മേ,,കാർ മൊത്തതിലൊന്ന് കുലുങ്ങി.... ഡോർ അവിടെ തന്നെണ്ട് ഞാൻ കരുതി പൊട്ടിപ്പൊളിഞ്ഞു സിദ്ധുന്റെ കയ്യിൽ പോന്നെന്ന്.... വർഗീസ് ഏട്ടൻ ഡ്രൈവർ സീറ്റിൽ കയറി ഇരുന്നതും ഞാൻ ഗ്ലാസ് താഴ്ത്താൻ പറഞ്ഞു കാറിന്റെ അടുത്തേക്ക് നീങ്ങി വിൻഡോയിലൂടെ കുനിഞ്ഞ് അവനെ നോക്കി... "കുറച്ഛ് കാലത്തേക്ക് ഇയാളെ കാര്യങ്ങളൊക്കെ നോക്കുന്നത് ഞാനാ....!!! വർഗീസ് ഏട്ടാ വണ്ടി എടുത്തോ" അവനെ നോക്കി ചിരിച്ചോണ്ട് ഇത്രയും പറഞ്ഞു നേരെ നിന്നതും വർഗീസ് ഏട്ടൻ ശെരി മോളേ ന്നും പറഞ്ഞോണ്ട് വണ്ടി മുന്നോട്ട് എടുത്തു.... തിരിച്ചു കിച്ചണിലേക്ക് പോകുമ്പോ ദേഷ്യത്തോടെ കത്തുന്ന സിദ്ധു ഒരു ചിരിയോടെ ഞാൻ ഓർത്തു ~~~~~~~~ എന്തിനും ഏതിനും അവളുടെ ഒരു ഒടുക്കത്തെ ഭീക്ഷണി.... അമ്മേയെ വിളിക്കണോ, അമ്മേയെ വിളിക്കണോ.....? എന്റെ നിവൃത്തിക്കേട്ട് അവള് നല്ലോണം മുതലാക്കുന്നുണ്ട്....

നിന്നെ എന്റെ കയ്യിൽ കിട്ടുമെടീ കുട്ടി തേവാങ്കേ..... തരുന്നുണ്ട് ഞാൻ മുതലും പലിശയും പലിശേടെ പലിശയും കൂട് പലിശയും ഒക്കെ ചേർത്ത നിനക്ക്.... നോക്കി നിന്നോ നീ.... ~~~~~~~~ ആഴ്ചകൾ ദിവസങ്ങൾ പോലെ കടന്ന് പൊയ്ക്കൊണ്ടിരുന്നു..... സിദ്ധു വിന്റെ കൈ പൂർണ്ണമായും ഭേദം ആയി... ദേവൂ പരസഹായം ഇല്ലാതെ എണീക്കുകയും നടക്കുകയും ഒക്കെ ചെയ്യും എന്നാലും ചെറിയ സപ്പോർട്ടിന് ഒരു വാക്കർ ണ്ട്.... സിദ്ധുവിലും കാര്യമായ മാറ്റങ്ങൾ ഉണ്ടായെന്ന് അമ്മയും നിമ്മിയും ഇടയ്ക്കിടെ പറയും... എല്ലാത്തിനും പിന്നിൽ ഞാനാണെന്നാ ആ പാവങ്ങളെ വിചാരം... എല്ലാം ഭീക്ഷണി പുറത്താണെന്ന് നമ്മുക്കല്ലേ അറിയൂ...... അവന്റെ ഈ അവസ്ഥക്കും ഇപ്പോഴത്തെ ഈ മുശടൻ സ്വഭാവത്തിനും അറിഞ്ഞോ അറിയാതയോ ഞാനും ഒരു കാരണം ആണ്.... അവന് വന്ന നഷ്ടങ്ങൾ നികത്താന്നോ തിരിച്ചു നൽകാനോ എനിക്ക് ഒരിക്കലും കഴിയില്ല എന്നാലും,,, ആമി പറഞ്ഞു ഞാനറിഞ്ഞ അവളുടെ കുട്ടനിലേക്ക്,ആ പഴയ സിദ്ധുവിലേക്ക് ഞാൻ അവനെ മടക്കി കൊണ്ട് വരും..... അവന്റെ ഉള്ളിൽ എവിടേയോ എപ്പഴും ആ പഴയ സിദ്ധു ഉറങ്ങി കിടപ്പുണ്ടെന്ന് എനിക്ക് നല്ല വിശ്വാസം ഉണ്ട്...... ഇപ്രാവശ്യത്തെ ദേവൂന്റെ പിറന്നാൾ ആഘോഷമാക്കാൻ തീരുമാനിച്ചു....

അച്ഛൻ പോയതിൽ പിന്നെ വീട്ടിൽ വലിയ ആഘോഷങ്ങൾ ഒന്നും നടത്തിട്ടിലെന്ന് അമ്മ പറഞ്ഞിരുന്നു..... അതോണ്ട് തന്നെ പിറന്നാൾ ഗംഭീരമാക്കാന്നുള്ള എല്ലാ സെറ്റ് അപ്പും ഞാനും നിമ്മിയും ചേർന്ന് ചെയ്തു...മുൻകൂട്ടി കുടുംബക്കാരെ മുഴുവൻ വിളിക്കുകയും ചെയ്തിട്ടുണ്ട്... അതോണ്ട് മായ നേരത്തെ തന്നെ കെട്ടിയെടുത്തിട്ടുണ്ട്..... അവളെ കാണുമ്പോ തന്നെ ചിരി വരും..... അന്ന് നിമ്മി നല്ല മുട്ടൻ പണികൊടുത്തു വിട്ടതാ പിന്നെ എപ്പഴാണ് ആളെ കാണുന്നത്... ഇന്നലെകൂടി ഞാനും നിമ്മിയും അവൾക്ക് കൊടുത്ത പണി പറഞ്ഞു ചിരിച്ചു മണ്ണുതപ്പിയിരുന്നു..... ഒരാഴ്ച ആയി സിദ്ധു ഫുൾ ബിസിയാണ്....ഏത്‌ സമയവും ലാപ്പിന്റെ മുന്നിൽ തന്നെ.... എതോ ഒരു പ്രോജക്ട് ന്റെ കാര്യം ദേവൂനോട് പറയുന്നത് കേട്ടു..... ~~~~~~ കോണ്ഫറൻസ്സ് സക്‌സസ് ആയിതോണ്ട് ഈ ആഴ്ച്ച അതിന്റെ ഒരു മെയിൻ ക്ലയന്റ് മീറ്റിങ് വെച്ചിട്ടുണ്ട്.... ക്ലയന്റ് ഇമ്പ്രെസ്സ്ഡ് ഞാൻ വിജയിച്ചു..... ആഴ്ചകളായി ഊണും ഉറക്കവും ഇല്ലാതെ അതിന്റെ പുറക്കെ നടക്കാൻ തുടങ്ങീട്ട്..... This is my dream project... അല്ല...എന്റെ അച്ഛന്റെ ഡ്രീം...

.ഇത് വിജയിച്ചാൽ ദേവകി ഗ്രൂപ്പ് ഇന്ത്യയിൽ തന്നെ ടോപ്പ് മോസ്റ്റ് കമ്പനിയിൽ ഒന്നാക്കും.... The no.1 എന്റെ അച്ഛന്റെ ആത്മാവ് ഇതൊക്കെ കണ്ട് ഇപ്പോ ഒരുപാട് സന്തോഷിക്കുന്നുണ്ടാവും... ഈ ആഴ്ചയാണ് അച്ചമ്മേന്റെ പിറന്നാൾ വീട്ടിൽ എല്ലാരും അത് ആഘോഷമാക്കാനുള്ള ഒരുക്കത്തിലാണ്... അച്ഛന് നിർബന്ധമായിരുന്നു എല്ലാ കൊല്ലവും അച്ചമ്മേന്റെ പിറന്നാൾ ആഘോഷമാക്കണമെന്നുള്ളത്....അത് ഒരിക്കലും മുടക്കീട്ടും ഇല്ലാ,,,പക്ഷേ കഴിഞ്ഞ വട്ടം...... അച്ഛമ്മ ഇപ്പോ ഒരുപാട് ഹാപ്പിയാണ്..... ഇത്ര പെട്ടെന്ന് അച്ഛമ്മയിൽ ഇങ്ങനെ ഒരു മാറ്റം എന്നെ ഞെട്ടിച്ചു കളഞ്ഞു..... എല്ലാം അവളുടെ ഒരാളുടെ മിടുക്കാണെന്ന് അമ്മയും അച്ഛമ്മയും എപ്പഴും പറയും.... അത് സത്യണെന്ന് എനിക്കും തോന്നിട്ടുണ്ട്..... എന്നിലും പല മാറ്റങ്ങളും വന്നതായി എനിക്ക് തോന്നിട്ടുണ്ട്..... അവളോടുള്ള സമീപനത്തിൽ ചെറിയ വലിയ മാറ്റങ്ങൾ വന്നിട്ടുണ്ട്.... പലപ്പോഴും ഞാൻ പോലുമറിയാതെ കണ്ണുകൾ അവളെ തേടി അലയാറുണ്ട്........ ~~~~~~~~~ "അമ്മേ......അമ്മേ.......!!!" ഹോ എന്തിനാണാവോ ഇങ്ങേര് ഇങ്ങനെ കിടന്ന് കാറി കൂവുന്നത്.... വിളി അമ്മേ ന്ന് ആണെങ്കിലും ഞാൻ വേഗം മുകളിലേക്ക് കയറി...... "എന്താ....... എന്തിനാ നിങ്ങളിങ്ങനെ വിളിച്ചു കൂവുന്നത് ....?"

"ഡീ..... എന്റെ white shirt എവിടെ....?" "ഹോ....ഇതിനാണോ ഇങ്ങനെ ബഹളം വെച്ചത്..... ഡ്രെസ്സിങ് റൂമിലെ ലൈഫ്റ്റ് സൈഡിലെ കബോഡിൽ ഉണ്ട്....." എന്നെ നോക്കി പേടിപ്പിച്ചു അവൻ ഡ്രെസ്സിങ് റൂമിലേക്ക് കയറിപ്പോയി.... തിരിച്ചു പോവാൻ നോക്കുമ്പഴാണ് മേശ പുറത്ത് സിദ്ധു ന്റെ ലാപ്ടോപ് കണ്ടത്...... പാസ്സ്‌വേർഡ്‌ മാറ്റിക്കാണോ....? അന്ന് കൈ പൊട്ടിയപ്പോ നിവൃത്തിക്കേട് കൊണ്ട് ആ കോന്തൻ പറഞ്ഞു തന്നതാണ്.... കൈ മാറിയപ്പോ പാസ്സ്‌വേർഡ്‌ മാറ്റിയിട്ടുണ്ടാവോ......? ഡ്രസ് ചെയ്ത് വരാൻ എന്തായാലും അഞ്ച് മിനിറ്റ് ആവും ഏതായാലും ഒന്ന് നോക്കി കളയാം..... മനസ്സിൽ പറഞ്ഞു ഞാൻ വേഗം മേശയുടെ അടുത്തേക്ക് നടന്ന ലാപ് തുറന്ന് ഓണ് ആക്കി പാസ്സ്‌വേർഡ്‌ ടൈപ്പ് ചെയ്തു...... ഹോ സന്തോഷം കൊണ്ടെനിക്ക് നിൽക്കാനും ഇരിക്കാനും വയ്യ.... മാറ്റിയിട്ടില്ല മക്കളേ... പാസ്‌വേഡ് എപ്പഴും അത് തന്നെയാണ്.... ഞാൻ കരുതി കോന്തൻ കണാരൻ മാറ്റി കാണും ന്ന്.....ഹ്മ്മം..... സന്തോഷം കൊണ്ട് തുള്ളിച്ചാടി മതിമറന്ന് നിൽക്കുമ്പഴാണ് പെട്ടെന്ന് ലാപ്പിലെ ഒരു ഫോൾഡർ കണ്ണിലുടക്കിയത്....

" my soul mate " സോൾ മേറ്റ് എന്നാൽ നല്ല പാതി, പ്രണപ്രിയ എന്നൊക്കെ അല്ലെ അർത്ഥം....? ഇത്രയും ദിവസം ഇതിൽ കുത്തി കളിച്ചിട്ടും ആദ്യയിട്ടാ ഇങ്ങനെ ഒരു ഫോൾഡർ ഞാൻ ഇതിൽ കാണുന്നത്...... ഇനി സിദ്ധുവിന്.... അവന് വല്ല.....???? താടിയ്ക്ക് കൈ കൊടുത്ത് കാര്യമായി പല വഴിക്കും പല ദിശകളിലേക്ക് മാറി മാറി ചിന്തിച്ചോണ്ടിരിക്കുമ്പഴാണ് പെട്ടന്ന് ഡ്രെസ്സിങ് റൂം തുറക്കുന്ന സൗണ്ട് കേട്ടത്.... വേഗം ലാപ് ഓഫ് ആകാൻ നിൽക്കാതെ ഞാൻ മടക്കി വെച്ച് തിരിഞ്ഞു നിന്നു...... ഷർട്ടിന്റെ ബട്ടണ്സ് മുഴുവൻ ഇട്ടാതെ എന്നെ നോക്കി ദഹിപ്പിക്കുന്ന സിദ്ധുനെ കണ്ടപ്പോ എന്റെ വായിലെ വെള്ളം വറ്റി പോയി... ന്റെ കൃഷ്ണാ...ഭഗവാനേ.... ഇവൻ കണ്ട് കണോ......?വരവ് കണ്ടിട്ട് കണ്ട ലക്ഷണം ണ്ട്...... കൃഷ്ണനെ നല്ലോണം മനസ്സിൽ പ്രാർത്ഥിച്ചു കൊണ്ട് ഞാൻ അവനെ വെപ്രാളത്തോടെ നോക്കി.. "എന്താ....ഇത്.....?" "എന്ത്...... അത്... അത് ഞാൻ പിന്നെ കണ്ടപ്പോ.... വെറുതേ..... അറിയാതെ...." "അറിയാതെയോ....... ഇതാണോ ഡീ അറിയാതെ ചെയ്തത്.... നാശം പിടിക്കാൻ നിൽക്കുന്ന നിപ്പ് കണ്ടില്ലേ.....

ഞാനിനി എന്ത് ഇട്ട് പോവും......" "ങേ..... എന്താന്ന്.....?" ഇട്ട് പോവാനോ...? ലാപ് ഇവൻ ഇട്ടോണ്ട് പോവാനും തുടങ്ങിയോ ന്റെ ദൈവേ.... മനസ്സിൽ പറഞ്ഞ് കൊണ്ട് സിദ്ധു പറഞ്ഞതൊന്നും മനസ്സിലാവാതെ ഞാൻ സംശയത്തോടെ അന്തം വിട്ട് അവനെ നോക്കി നിന്നു..... "എന്താന്നോ.......? നോക്കെടീ.... എന്താ കാണിച്ചു വെച്ചേക്കുന്നതെന്ന്...... ബട്ടൻ പൊട്ടിയ ഷർട്ട് ഇട്ടോണ്ട് ഞാൻ എങ്ങനെയാടീ കോണ്ഫറൻസ് പോവുന്നത്..... നീ എന്ത് ചെയ്താലും എങ്ങനെ തന്നെ ആണല്ലോ......idiot" "ബട്ടണോ....?" "എന്താടീ നീ പൊട്ടൻ കളിക്കാ..... ഒന്നും അറിയാത്ത പോലെ അഭിനയിക്കല്ലേ.....? ഇന്ന് ഇട്ട് പോവാൻ വേണ്ടി വെച്ച ഷർട്ടാ അലക്കി ബട്ടൻ പൊട്ടിച്ഛ് വെച്ചിരിക്കുന്നത് കണ്ടില്ലേ നാശം പിടിച്ചവള്....." പൊട്ടിയ ബട്ടണ് എന്റെ നേരെ ഉയർത്തി കൊണ്ട് സിദ്ധു ദേഷ്യത്തോടെ പറഞ്ഞത് കേട്ട് ഞാൻ ആശ്വാസത്തോടെ നെഞ്ചിൽ കൈ വെച്ചു... ഹപ്പടാ കോന്തൻ ലാപ് തുറന്നത് കണ്ടിട്ടില്ല... ആശ്വാസം...!!! ഒരു നേടുവീർപ്പോടെ ഞാൻ അവനെ നോക്കി ചോദിച്ചു... "ഹൊ.....!!!!! അതാണോ.....ഞാൻ വിചാരിച്ചു....."

"നീ എന്ത് വിചാരിച്ചു.....?" "ഒന്നുല്ല ....ഈ ഷർട്ടിന്റെ ബട്ടണ് പോയാൽ വേറെ ഒരു ഷർട്ട് ഇട്ട് പൊയ്ക്കൂടെ..... ഇഷ്ടം പോലെ ഷർട്ട് കബോഡിലുണ്ടല്ലോ.....?" പറ്റില്ല......അങ്ങനെ വേറെ ഷർട്ട് ഇട്ടാനൊന്നും പറ്റില്ല... എനിക്ക് ഇന്ന് ഇതു തന്നെ ഇടണം..... ഇതെന്റെ ലക്കി ഷർട്ട് ആണ്...." "അതിനിപ്പോ ഞാൻ എന്ത് ചെയ്യാനാ....?" അവന്റെ അമ്പിനും വില്ലിനും അടുക്കാത്ത വർത്താനം കേട്ട് ഞാൻ ചോദിച്ചു... "നീ എന്ത് ചെയ്താലും വേണ്ടില്ല എനിക്ക് ഇന്ന് ഈ ഷർട്ട് ഇട്ട് പോണം.... and it's final....." ദേഷ്യത്തോടെ എന്നെ തറപ്പിച്ചു നോക്കി രാജശാസനം പോലെ അവൻ പറഞ്ഞതും ഞാൻ നീട്ടിയൊരു ശ്വാസം വലിച്ച് വിട്ടു... "ഒരു ബട്ടൻ പിടിപ്പിച്ഛ് തന്നാൽ തീരുന്ന പ്രശ്‌നല്ലേ ള്ളൂ....? ഷർട്ട് ഇങ്ങു ഊരിതാ....." "പറ്റില്ല.... ഇതിനി ഊരിയാൽ ചുളുങ്ങും പിന്നെ അത് അയേഴ്ണ് ചെയാൻ പോണം..... എപ്പോ തന്നെ,, am too late...... ഇങ്ങനെ കുന്തം പോലെ നിൽക്കാതെ വേഗം പോയി എന്തെങ്ങിലും ചെയ്യടി..... നോക്കി നിൽക്കാ..... നാശം...." ഹോ ന്റെ ഭഗവാനെ...! ഇങ്ങേരെ ഞാൻ.... ഇങ്ങന്നെയാണ് പോക്കെങ്കിൽ മിക്കവാറും ഈ കോന്തനെ ഞാൻ തന്നെയാവും കൊല്ലാ......... അവൻ ഞെട്ടിച്ചതും വേഗം മേശയുടെ അടുത്തേക്ക് നടന്ന് വലിപ്പ് തുറന്ന് സൂചിയും നൂലും തപ്പിയെടുത്ത് കോർത്ത്‌ അവന്റെ അടുത്തേക്ക് പോയി ബട്ടൻ ഷർട്ടിനോട് ചേർത്തു പിടിച്ചു തുന്നാൻ തുടങ്ങി.....

~~~~~ ഇമ്പോർട്ടൻറ് മീറ്റിങ്സിന് മാത്രം ഞാനിടുന്ന വൈറ്റ് ഷർട്ടാണ് ഈ കോന്തി കൊണ്ടുപ്പോയി നശിപ്പിച്ചത്.... ഇപ്പൊ തന്നെ നേരം വൈക്കി.... അപ്പഴാ അവളുടെ ഒരു പൊട്ടൻ കളി.... തുന്നുന്നതിന്റെ ഇടയിലൂടെ അവളെന്നെ ഒളിക്കണ്ണിട്ട് നോക്കി എന്തൊക്കെയോ പിറുപിറുക്കുണ്ട്...... "ഇന്ന്.... കഴിയോ....?" അവള് സാവധാനം തുന്നുന്നത് കണ്ട് ഞാൻ പുച്ഛത്തോടെ കളിയാക്കി ചോദിച്ചു... "ഇത് പൂവൻ കായ് ഇരിയല്ല.....കുറച്ച് സമയം എടുക്കും....?" "അലക്കാൻ അറിയാത്തവർ അലക്കിയൽ എങ്ങനെയിരിക്കും......" അത് പറഞ്ഞതും അവള് തുന്നൽ നിർത്തി എന്നെ നോക്കി... "ഹലോ..... ഇന്നലെ അലക്കി iron ചെയുന്ന വരെ ഷർട്ടിന് ഒരു കുഴപ്പവും ഇല്ലായിരുന്നു.... ഇടാൻ അറിയാത്തവർ ഇട്ടാലും ബട്ടണ് പൊട്ടും...... പൊടിച്ചതും പോരാ എന്റെ മെക്കിട്ട് കേറുന്നോ... ഞാ....." "ഹോ...നീ ഒന്ന് മിണ്ടതിരിക്കോ...... ഏത് നേരം നോക്കിയാലും ചെവിതല തരാതെ വളവളവളന്ന് ചെലച്ചോണ്ട്....... damit....." അവള് എന്തോ പറയാൻ തുടങ്ങിയതിന്റെ ഇടയ്ക്ക് കയറി നർത്തിച്ചു കൊണ്ട് ഞാൻ പറഞ്ഞതും അവള് രൂക്ഷമായി നോക്കി വീണ്ടും തുന്നാൻ തുടങ്ങി.... കയ്യിലെ വാച്ചിലേക്ക് നോക്കി ഞെരിപ്പിരി കൊള്ളുമ്പഴാണ് പെട്ടന്ന് അവളെന്റെ നെഞ്ചോരം ചാഞ്ഞത് ...... ~~~~~~~~

ഞാൻ എന്തോ മനപ്പൂർവ്വം ബട്ടൻ പൊട്ടിച്ചപ്പോലെയാ അവന്റെ ദേഷ്യവും മുഖമൊക്കെ കണ്ടാല്..... പിന്നെ നമ്മക്ക് ദേഷ്യവും ചീത്തയും ഒന്നും പുത്തരിയല്ലാത്തത് കൊണ്ട് വിട്ടു കൊടുത്തില്ല കലിപ്പിൽ ഞാനും വായിൽ തോന്നിയത് തിരിച്ചു പറഞ്ഞു... ബട്ടണ് തുന്നി കഴിഞ്ഞതും സാധരണ എല്ലാരും ചെയ്യുന്ന പോലെ നൂൽ കടിച്ചു പൊട്ടിക്കാൻ വേണ്ടി മുഖം അവന്റെ അടുത്തേക്ക് അടുപ്പിച്ചു നൂൽ കടിച്ചപ്പഴാണ് എല്ലാരേയും പോലെയുള്ള സാധാരണ സാധനം അല്ലല്ലോ ഇത് ന്ന് ഓർമ്മ വന്നത്......ഞാൻ കുറച്ചു നേരം ഒന്നും ചെയ്യാതെ അങ്ങനെ തന്നെ നിന്നു പിന്നെ മെല്ലെ മുഖമുയർത്തി നോക്കി.... അവനും ഒന്ന് ഞെട്ടിയമട്ടുണ്ട് മുഖം കണ്ടിട്ട് പക്ഷേ ഞാൻ നോക്കിയതും ദേഷ്യം ഇരച്ചു കയറി... ഇങ്ങേര് എന്നെ ഗ്രിൽ ചെയ്ത് ഇടുക്കോ ദൈവേ.... ഞാൻ വേഗം നൂൽ പല്ല് കൊണ്ട് കടിച്ചു പൊട്ടിച്ചു നൂലും സൂചിയും തിരിച്ചു വെച്ച് താഴേക്കിറങ്ങി...... ~~~~~~ തുന്നി കഴിഞ്ഞതും അവളുടെ ഭാഗത്ത് നിന്നും ഇങ്ങനെ ഒരു മൂവ്മെന്റ് ഞാനൊട്ടും പ്രതീക്ഷിച്ചില്ല..... അവളും പെട്ടെന്ന് ഒരു ഫ്ലോ യിൽ ഇങ്ങു വന്നുപോയതാണെന്ന് കുറച്ചു അടുത്തേക്ക് വന്ന് പൊടുന്നനെ നിന്നപ്പോ മനസ്സിലായി.... പോരാത്തതിന് എന്നെ ഒരു നോട്ടവും നോക്കി.... ഞാനും ഒന്ന് തിരിച്ചു നോക്കി ദഹിപ്പിച്ചു കൊണ്ട് മുഖം വെടിച്ചു.... അവള് അടുത്തേക്ക് വന്ന് നൂൽ കടിച്ചു പൊട്ടിച്ചപ്പോ അവളുടെ ചുടുനിശ്വാസം എന്റെ നെഞ്ചിൽ വന്ന് പതിച്ചു.... പെട്ടെന്ന് മേലാസക്കാലം കോരിത്തരിച്ചു....

രോമങ്ങളൊക്കെ എണീറ്റ് നിന്നു.... നൂൽ പൊട്ടുന്ന വരെ അവളുടെ ശ്വാസവും നിശ്വാസവും ഞാൻ അറിഞ്ഞിരുന്നു..... നൂൽ പൊട്ടിച്ചതും നൂലും സൂചിയും തിരിച്ചുവെച്ഛ് അവള് വേഗം താഴേക്കിറങ്ങി..... നേരം ഇപ്പോ തന്നെ ഒരുപാട് വൈക്കിയതോണ്ടും കോണ്ഫറൻസ് ഉള്ളത്തോണ്ടും അവൾക്ക് പുറക്കെ ഞാനും താഴെക്കിറങ്ങി.... അച്ഛമ്മയുടെ പിറന്നാൾ പ്രമാണിച്ച് മായ വന്നിട്ടുണ്ട്..... ഞാൻ ഈയിടെയായി കോണ്ഫറൻസ് കാര്യത്തിൽ വളരെ ബസിയായിരുന്നെങ്കിലും അവള് എന്നും റൂമിൽ വരും എന്നോട് വിശേഷങ്ങളൊക്കെ പറയുമെങ്കിലും ഞാൻ ലാപ്പിൽ വർക്ക് ചെയ്തോണ്ട് വെറുതെ മൂളികൊടുക്കുക മാത്രം ചെയ്യും.... ഞാൻ വെറുതെ ആ പാവത്തിനെ തെറ്റിദ്ധരിച്ചു അവൾ എന്നെ സ്വന്തം ഏട്ടനായിട്ടേ കണ്ടിട്ടുള്ളൂ.... ഏട്ടൻ എന്നുള്ള ഒരു ഫ്രീഡം അവള് കുറച്ഛ് അധികം എടുക്കുന്നുണ്ട് അത്രേള്ളൂ... പിന്നെ അമ്മയില്ലാതെ വളർന്ന കുട്ടിയല്ലോ അതിന്റെ ചെറിയ പ്രശ്നം അവളെ സ്വഭാവത്തിൽ ഉണ്ട്,,,പക്ഷേ അവളും മായയും തമ്മിൽ അത്ര നല്ല രീതിയില്ലെന്ന് തോന്നുന്നു....വല്യ മിണ്ടാട്ടം ഒന്നും കാണാറില്ല... അവള് കയറി വരുമ്പോ തന്നെ മായ ഇറങ്ങിപോവുന്നത് കാണാം..... ഞാൻ പ്രാതല് കഴിച്ചു കഴിഞ്ഞപ്പഴണ് മായ താഴേക്ക് ഇറങ്ങി വന്നത്....റൂമിൽ ചെന്ന് ബാഗൊക്കെ എടുത്ത് ഓഫീസിൽ പോവന്നിറങ്ങിയപ്പോ മായ കോലായിൽ വരേ കൂടെ വന്ന് കോണ്ഫറൻസ് നന്നാവാൻ വിഷ് ചെയ്തു.... ~~~~~~~~ സിദ്ധു പോയതും ഞങ്ങൾ പ്രാതല് കഴിക്കാനിരുന്നു....

കുറച്ചു കഴിഞ്ഞപ്പോ അമ്മയും ദേവൂവും ടൗണിൽ പോവാനിറങ്ങി.... ഇനി അധികം ദിവസമില്ലല്ലോ പിറന്നാളിന്.... അവര് പോവുന്നത് കണ്ടപ്പോ കനിയും കൂടെ ചാടിക്കയറി..... മായക്ക് കുറച്ചു ഷോപ്പിങ് ഉണ്ടെന്ന് പറഞ്ഞു അവളും കയറി അവരെ കൂടെ..... പോകാൻ നേരം കാറിൽ കയറി ഇരുന്നോണ്ട് അവളെന്നെ രൂക്ഷമായി നോക്കുന്നുണ്ട്.... മുഖത്താണെങ്കിൽ നിറഞ്ഞ പുച്ഛവും..... അത് പിന്നെ ഏത് നേരത്താ ഇല്ലാത്തത്...ഇവൾക്ക് പുച്ഛിക്കാൻ അല്ലാതെ മറ്റൊന്നും അറിയില്ലേ....?പക്ഷേ ഇന്നത്തെ ഈ പുച്ഛതിന് വല്ലാത്തൊരു നിഗൂഢത തോന്നുന്നു.... അവളെ കാണുമ്പോ ഞാനും തിരിച്ചു നോക്കി പുച്ഛിച്ചു ചിരിക്കുമെങ്കിലും എനിക്ക് പേടിയാ അവളെ.... എന്തും ചെയ്യാൻ മടിയില്ലാത്തവളാ..... അവള് എന്തൊക്കെ ചെയ്യുമെന്ന് അവൾക്ക് തന്നെ നിശ്ചയമില്ല.... എന്നെ തോൽപിക്കാൻ വേണ്ടി പാവം ദേവൂനെ കുരുതി കൊടുത്താവളാ...... അവളുടെ ഈ ഗൂഢമായ ചിരിയ്ക്ക് പിന്നിൽ എന്തെങ്ങിലും ഉണ്ടാവോ...?കാർ നീങ്ങുമ്പഴും അവളുടെ മുഖത്ത് ഒരു വിജയിയുടെ മന്ദഹാസം ഉണ്ടായിരുന്നു.... കാർ എന്നിൽ നിന്ന് മറയുന്ന വരെ കണ്ണെടുക്കാതെ അവള് ആ ചിരിയോടെ തന്നെ നോക്കി ഇരുന്നിരുന്നു....... അവര് പോയതും വീട്ടിൽ ഞാനും നിമ്മിയും അമ്മമാരും മാത്രമായി..... നിമ്മിയാണെങ്കിൽ അവര് എല്ലാരും പോകാൻ നിന്ന് പോലെ ഹോം തീയേറ്ററിൽ ഉറക്കെ പാട്ട് വെച്ചു..അവള് വന്നാ സിദ്ധു ഓഫീസിൽ പോയി കഴിഞ്ഞാ ഇതിവിടെ പതിവാണ്...

സിദ്ധുവിന്ന് ഓവർ സൗണ്ട്, ബഹളം ഇതൊന്നും ഇഷ്ടല്ല...നിമ്മിക്ക് ആണെങ്കിൽ പാട്ടെന്ന് പറഞ്ഞാൽ ഭ്രാന്താ...... അതും വീട് തന്നെ വിറയ്ക്കുന്ന സൗണ്ടിൽ വെക്കും വേണം..... ഉച്ചത്തെ പണിയൊക്കെ ഒരുവിധം ഒതുക്കി മോളിൽ ഉണക്കാൻ വിരിച്ച തുണികളിൽ നിന്ന് ഉണങ്ങിയ തുണിയെല്ലാം എടുത്ത് മടിക്കി അയേർഴ്ണ് ചെയ്ത് വെക്കാൻ ഞാൻ റൂമിലേക്ക് കയറി.... ~~~~~~~~ നിമ്മി ^^^^^^^ സോഫയിൽ കണ്ണടച്ഛ് ഇരുന്ന് പാട്ട് കേൾക്കുമ്പഴാണ് പാട്ടിനേക്കാൾ വലിയ സൗണ്ട് ചെവിയിലേക്ക് ഇരച്ചു കയറിയതും ഞാൻ വേഗം കണ്ണ് തുറന്നത് നോക്കിയതും.... മുറ്റത്ത് വന്ന നിന്ന ഏട്ടന്റെ കാർ കണ്ടതും ഞാൻ പോലുമറിയാതെ ഞാൻ സോഫയിൽ നിന്ന് എണീറ്റ് പോയിരുന്നു.... കാരണം വന്ന വരവ് കണ്ടാൽ ആ കാർ ഇവിടെയല്ല അപ്പുറത്തെ പറമ്പിൽൽ പോലും നിൽക്കില്ല അത്രക്കും സ്പീഡിൽ ആണ് വന്ന് നിന്നത്..... വന്നതിന്റെ ശക്തിയിൽ കാർ മൊത്തത്തിൽ ഒന്ന് മുന്നോട് ആഞ്ഞു കുലുങ്ങി നേരെ നിന്നു... വലിയൊരു ശബ്ദത്തോടെ ആണ് കാറിന്റെ ടയറുകൾ നിശ്ചലമായത്.... ദേഷ്യത്തോടെ ഡോർ തുറന്ന് പുറത്തിറങ്ങി തിരിച്ചത് വലിച്ചടച്ചു പുറത്തിറങ്ങിയ ഏട്ടനെ കണ്ടതും എന്റെ നല്ല ജീവൻ അങ്ങു പോയി..... ഇത്രയും ദേഷ്യത്തിൽ ഞാൻ ഏട്ടനെ ഈ അടുത്തൊന്നും കണ്ടിട്ടില്ല....

മുഖം കത്തിജ്വലിക്കുന്ന സൂര്യനെ പോലെ രക്തവർണമായിരുന്നു..... കണ്ണൊക്കെ തീകട്ട പോലെ തിളങ്ങി.... പേടിയോടെ ഞാൻ വേഗം ടീപോയിൽ നിന്ന് റിമോട്ട് എടുത്ത് മ്യൂസിക് മ്യൂട്ട് ചെയ്ത് ഏട്ടനെ നോക്കി..... സത്യം പറയാല്ലോ ഏട്ടൻ അടുത്തേക്ക് വരും തോറും കൂട്ടിയിടിക്കുന്ന എന്റെ കാൽ മുട്ടിന്റെ സൗണ്ട് അങ്ങു കാവല വരെ കേൾക്കാം..... ആ എ സിയിലും ഏട്ടന്റെ വരവ് കണ്ട് ഞാൻ വെട്ടിവിയർത്തു.... "അവളെവിടെ..........?" "ആ.....ആരാ..... ഏട്ടാ.....?" "നിനക്കാറിയില്ലേ ആരെയാന്ന്......? പറയെടീ..... അവളെവിടെ....?" "അത്... ഏ.... ഏ... ഏട്ടത്തിയാണെങ്കിൽ.... മോളില്.... മോളില് മുറിയിലുണ്ട്....." എനിക്ക് ഏട്ടനെ ഇത്രയും പേടിയുണ്ടെന്ന് ഇപ്പഴാ എനിക്ക് തന്നെ മനസ്സിലായത്....വിക്കി വിക്കി എങ്ങനെയോ പറഞ്ഞു ഒപ്പിച്ചു കൊണ്ട് പേടിയോടെ ഞാനേട്ടനെ കണ്ണെടുക്കാതെ നോക്കി....ഞാൻ പറയാൻ കാത്ത് നിന്ന പോലെ അതു കേട്ടതും ഏട്ടൻ കോണികളൊക്കെ ചാടിക്കയറിയിരുന്നു...... എന്താ കാര്യമെന്ന് ചോദിക്കണമെന്ന് ഉണ്ടായിരുന്നു,പക്ഷേ പേടിച്ചിട്ട് ഏട്ടൻ ചോദിച്ചതിന് തന്നെ എങ്ങനാ മറുപടി പറഞ്ഞതെന്ന് എനിക്കിപ്പഴും അറിയില്ല.... അധികം. വൈകാതെ റൂമിന്റെ വാതില് വലിച്ചടയുന്ന ശബ്ദം ചെവിക്കല് പൊട്ടുന്ന വേദനയോടെ കടന്ന് വന്നതും ഞാൻ രണ്ട് കൈക്കൊണ്ട് കാത് പൊത്തിപ്പിടിച്ചു.............തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...