🌸എന്നെന്നും എന്റെ മാത്രം 🌸: ഭാഗം 33

രചന: അനു

അവസാനം ആങ്ങളയുടേയും പെങ്ങളേയും തിരുമ്മൽ, ഉഴിച്ചിൽ, പിഴിച്ചിൽ തുടങ്ങിയ ശ്രുശൂഷക്കളെക്കെ കഴിഞ്ഞപ്പോ നേരത്തെ കുത്തി ചാടിയെങ്കിലും നടന്ന മായയെ കിടത്തിച്ചു കൊണ്ടുപ്പോവേണ്ട അവസ്ഥയിലായി... രണ്ടാളും കൂടി താങ്ങിയെടുത്താ ഹോസ്പിറ്റലിൽ പോവാൻ കാറിന്റെ അടുത്തേക്ക് നടത്തിച്ചത്,,,പാവം...!!!! ഉച്ചയൊക്കെയായപ്പോ നിമ്മിയും സിദ്ധുവും മാത്രം വീട്ടിലേക്ക് തിരിച്ചു വന്നു... സിദ്ധു വന്ന പാടേ വേഗം ഓഫീസിലേക്ക് ഇറങ്ങി പോയി... നിമ്മിയോട് അമ്മ മായയെ തിരക്കിയപ്പോ അവൾക്ക് കാര്യമായി ദേഹത്ത് ഉളുക്കും ചതവും കാലിന്റെ ഉപ്പൂറ്റി തെന്നുകയും കൈ പൊട്ടുകയുമൊക്കെ ചെയ്തിട്ടുണ്ട് ന്ന് അവള് സങ്കടത്തോടെ പറയുന്നത് കേട്ട് ഞാൻ ഒന്ന് അമർത്തി മൂളി അവളെ അടിമുടി നോക്കുന്നത് കണ്ട് പെണ്ണ് കള്ളി വെളിച്ചത്തായപ്പോലെ നിന്ന് ഞെളിഞ്ഞു... "ആങ്ങളയും പെങ്ങളും കൂടി എവിടുന്ന് താങ്ങി പിടിച്ചോണ്ട് പോയ ലഗേജ് എന്ത് ചെയ്തെന്നാ പറഞ്ഞത്....?" അമ്മ കിച്ചണിലേക്ക് നീങ്ങിയതും അവളെ സൂക്ഷിച്ചു നോക്കി കൊണ്ട് ഞാൻ ചോദിച്ചു.... "ആ ലഗേജ് സേഫായിട്ട് അതിന്റെ ഉടമസ്ഥനെ ഏൽപ്പിച്ചിട്ടുണ്ട്...so you don't worry my sweet lovely baby...." എന്റെ താടിയിൽ പിടിച്ചു കൊഞ്ചിച്ചു കൊണ്ട് നിമ്മി പറഞ്ഞത് കേട്ട് ഞാൻ അവളെ കൈ തട്ടി മാറ്റി അവളെ ഗൗരവത്തിൽ നോക്കുന്നത് കണ്ട് അവള് ഒരു ദീര്ഘശ്വാസം വലിച്ച് വിട്ടു എന്നെ നോക്കി... "എന്റെ പൊന്ന് ഏട്ടത്തി അവളെ മാമ്മൻ വന്ന് കൊണ്ട് പോയി...

ഇവിടെ കൈ പൊട്ടിയ ഒരാളുള്ള സ്ഥിതിയ്ക്ക് അവളെ നോക്കാൻ ആരും ഇല്ലല്ലോ... ത്രീ മന്ത് കംപ്ലീറ്റ് റെസ്റ്റ് വേണന്നാ ഡോക്ടർ പറഞ്ഞിരിക്കുന്നത്... so,,,,ഏട്ടൻ അപ്പോ തന്നെ മാമ്മനെ വിളിച്ചു പറഞ്ഞു... അരമണിക്കൂർ കൊണ്ട് മാമ്മൻ വന്ന് ലഗേജ് വീട്ടിലേക്ക് കൊണ്ടു പോയി.." അടുത്ത് ഞാൻ വേറെന്തെങ്കിലും ചോദിക്കുന്നതിന് മുന്നേ ഈവനിംഗ് ഏട്ടനും ഉണ്ണിയുമൊക്കെ വരും കുറേ പണിയുണ്ടെന്ന് പറഞ്ഞു പെണ്ണ് ധൃതിയിൽ റൂമിലേക്ക് കോണി കയറി പോയി.... ഏട്ടനും ഉണ്ണിയും വരുന്നതിന് ഇവൾക്കെന്താത്ര പണിയാൻ കിടക്കുന്നത്....??? എനിക്ക് അറിയാം ഞാൻ കുത്തി കുത്തി ചോദിക്കുന്നതിൽ നിന്ന് രക്ഷപ്പെട്ടു ഓടിയതാ...!!!!! നാളെയാണ് നമ്മുടെ ദേവൂസിന്റെ പിറന്നാൾ..... പിറന്നാൾ പ്രമാണിച്ച് വൈകുന്നേരമായപ്പോ തന്നെ ഹോസ്റ്റലിൽ നിന്ന് ഉണ്ണിയും അബ്രോഡിൽ നിന്ന് ഏട്ടനും ഏട്ടത്തിയും വീട്ടിൽ ലാൻഡ് ആയി.... പിറന്നാളിന് ദേവൂന് അടിപൊളി ഗിഫ്റ്റ് വാങ്ങണം ന്നൊക്കെ വിചാരിച്ചതാ,,, പക്ഷേ അതൊന്നും നടന്നതും ഇല്ലാ ഞാൻ പ്രതീക്ഷിക്കാത്ത മറ്റേതൊക്കെയോ ലൈഫിൽ നടക്കുകയും ചെയ്തു.... എന്തൊക്കെ ആയാലും വീട്ടിൽ എല്ലാരും നല്ല ഹാപ്പിയിലാണ്.. ഞാൻ തെന്നി വീണ് കൈപൊട്ടിച്ചുന്ന് അമ്മ പറഞ്ഞത് കേട്ട് ഉണ്ണി കുറേ എന്നെ കളിയാക്കി ചിരിച്ചു...

പക്ഷേ,,,, ദേവൂനെ കണ്ട് ഏട്ടനും ഏട്ടത്തിയും ഉണ്ണിയും നല്ലോണം ഞെട്ടി.... അവരോട് ദേവു എണീറ്റ് നടക്കാൻ തുടങ്ങിയതൊന്നും പറഞ്ഞിരുന്നില്ല... സപ്രൈസ് കൊടുക്കാൻ വേണ്ടി ഞങ്ങൾ മനപൂർവ്വം പ്ലാൻ ചെയ്ത് പറയാതെ ഇരുന്നതാട്ടോ... സംഭവം ഏറ്റിട്ടുണ്ട്... മൂന്നാളും അന്തം വിട്ട് കുറേ നേരം ദേവൂനെ നോക്കി നിന്നു,,,പിന്നെ ഏട്ടൻ ഓടി വന്ന് ദേവൂനെ കെട്ടിപ്പിടിച്ചു... ഏട്ടന്റെ കണ്ണൊക്കെ നിറഞ്ഞിരുന്നു,, ആരും ദേവൂന് ഇങ്ങനെയൊരു റിക്കവറി ഉണ്ടാവുമെന്ന് പ്രതീക്ഷിച്ചതല്ലല്ലോ....!!!! ഞാനാണ് കാരണം ന്ന് അമ്മ പറഞ്ഞത് കേട്ട് ഏട്ടൻ എന്നേയും ചേർത്ത് പിടിച്ചു നെറുക്കിൽ അമർത്തി ചുംബിച്ചു..അത് വരേ കളിയാക്കിയ ചെക്കൻ കിളിപ്പോയ പോലെ എന്നെ നോക്കി നിൽകുന്നത് കണ്ട് ഞാനും അവനെ കുറേ കളിയാക്കി ചിരിച്ചു...... മൂന്നാളും അന്തം വിട്ട് കുറേ നേരം ദേവൂനെ നോക്കി നിന്നു,,,പിന്നെ ഏട്ടൻ ഓടി ചെന്ന് ദേവൂനെ കെട്ടിപ്പിടിച്ചു... ഏട്ടന്റെ കണ്ണൊക്കെ നിറഞ്ഞിരുന്നു,, ആരും ദേവൂന് ഇങ്ങനെയൊരു റിക്കവറി ഉണ്ടാവുമെന്ന് പ്രതീക്ഷിച്ചതല്ലല്ലോ.... ഞാൻ ആണ് കാരണം ന്ന് അമ്മ പറഞ്ഞത് കേട്ട് ഏട്ടൻ എന്നേയും ചേർത്ത് പിടിച്ചു നെറുക്കിൽ അമർത്തി ചുംബിച്ചു..അത് വരേ കളിയാക്കിയ ചെക്കൻ കിളിപ്പോയ പോലെ എന്നെ നോക്കി നിൽകുന്നത് കണ്ട് ഞാനും അവനെ കുറേ കളിയാക്കി ചിരിച്ചു...... ~~~~~~~

ഈവനിംഗ് തന്നെ ഇവന്റ് മാനേജ്മെന്റിന്റെ ബോയ്സ് വന്ന് നാളത്തേക്കുള്ള അറേഞ്ചമെന്റ്‌സൊക്കെ ചെയ്തു തുടങ്ങിയിരുന്നു... ഹാൾ ഡെക്കറേഷനും ടേബിൾ സെറ്റിങ്ങുമൊക്കെ കഴിഞ്ഞു രാത്രിയാണ് പോയത്... ഞാൻ വീട്ടിൽ എത്തിയപ്പോഴേക്കും ഏട്ടനും ഏട്ടത്തിയും ഉണ്ണിയും ഹാജറായിരുന്നു... നിമ്മി വീക്കെൻഡ് കിട്ടുമ്പോ, കിട്ടുമ്പോ ഓടി പിടിച്ചു വീട്ടിലേക്ക് വരുമെങ്കിലും ഉണ്ണി ഇടയ്ക്കും വിടയ്ക്കും മാത്രേ വീട്ടിലേക്ക് വരൂ... പഠിത്തത്തിന്റെ കൂടെ അവിടെ ഒരു കഫേയിൽ പാർട് ടൈം വർക്കും ചെയ്യുന്നുണ്ട്... അവന്റെ അവിശ്യങ്ങൾക്ക് ഉള്ള പണം അവൻ ആരോടും ചോദിക്കാറുംല്ലാ ഞാനോ ഏട്ടനോ അയച്ചു കൊടുക്കുന്ന ക്യാഷ് എടുക്കാറും ഇല്ലാ... അവൻ അങ്ങനെയാ,,, അവന്റെ കാര്യങ്ങളിൽ അവന് അവന്റേതായ ചിട്ടയും തിയറിയും ഫോളോ ചെയ്യാറുണ്ട് എപ്പഴും.... അച്ചമ്മേനെ കണ്ട് ഏട്ടനും ഏട്ടത്തിയും ഉണ്ണിയും അന്തം വിട്ട് നിന്ന് കഥ നിമ്മി വീട്ടിലേക്ക് കയറിയപ്പോ തന്നെ പൊട്ടിപ്പും തൊങ്ങലും വെച്ചു പറഞ്ഞു തന്നു...നിമ്മി പറഞ്ഞത് വെച്ഛ് ഏട്ടന് ഹാർട്ട് അറ്റാക്ക് വരാതിരുന്നത് ഭാഗ്യം... കണ്ണീന്നൊക്കെ വെള്ളം വന്നിരുന്നൂ ന്ന് അമ്മ പറഞ്ഞു.. ഈ വീട്ടിൽ ഇങ്ങനെ ഒരു സന്തോഷവും ആഘോഷവും നടക്കുന്നുണ്ടെങ്കിലും അതിന്റെ ഫുൾ ക്രെഡിറ്റ് അവൾക്ക് ഉള്ളതാ...

ഇത് ഇത്രയും എത്തിക്കാൻ അവളൊരുപാട് കഷ്ടപ്പെട്ടിട്ടുണ്ട്... മായ ഇനി മര്യാദയ്ക്ക് സ്വയം എണീറ്റ് നടക്കാൻ എന്തായാലും രണ്ട് മാസം എടുക്കും ന്ന് തീർച്ചയാ,,അത്തരത്തിൽ ഉള്ള വീഴ്ച്ച അല്ലായിരുന്നോ രാവിലെ വീണത്... നടുവിന് കാര്യമായി പറ്റീട്ടുണ്ടെന്നാ ഡോക്ടർ പറഞ്ഞത്..... അവളെ ആ വീഴ്ചയ്ക്ക് പിന്നിൽ ഞാനും നിമ്മിയുമാണെന്ന് മായയ്ക്ക് ഒരിക്കലും മനസ്സിലാവില്ല,,അത്രക്ക് തകർത്തല്ലേ ഞങ്ങൾ അഭിനയിച്ചത്... അവളെ സ്നേഹിച്ചു കൊല്ലായിരുന്നില്ലേ ഞങ്ങൾ.. പക്ഷേ,,, ആ കോന്തിക്ക് ഞങ്ങളെ നല്ല ഡൗട്ട് ഉണ്ടെന്ന് തോന്നുന്നു... ഓഫീസിലേക്ക് ഇറങ്ങുമ്പോ നിമ്മിയോട് അവള് എന്തൊക്കെയോ ചോദിക്കുന്നത് കണ്ടായിരുന്നു.. അവളെ ഹീൽസിന്റെ പോയന്റ് ഞാൻ പറഞ്ഞത് പ്രകാരം നിമ്മി നേരത്തെ ഇളക്കി വെച്ചിരുന്നു... അവള് ഉരുണ്ട് വീഴുന്നത് കണ്ട് ഞാനും നിമ്മിയും ചിരിയടക്കാൻ പെട്ടൊരു പാട്,,,പിന്നെ എന്റെ അനിയത്തിയായതോണ്ട് പൊക്കി പറയാണെന്ന് വിചാരിക്കരുത് ആർക്കെങ്കിലും പണി കൊടുക്കാൻ അവളെ കഴിഞ്ഞേ വേറെയാളുള്ളൂ... അത് എട്ടിന്റെ വേണോ പതിനാറിന്റെ വേണോ ന്ന് പറഞ്ഞാ മാത്രം മതി...ഇനം തിരിച്ചു നല്ല വെടിപ്പായിട്ട് കൊടുത്തോളും.... ജസ്റ്റ് ഒരു മൂവിൽ തീർക്കണ്ടത് മൂന്ന് മാസത്തെ ബെഡ് റെസ്റ്റിൽ എത്തിച്ച ഞങ്ങളെ സമ്മതിക്കണം ല്ലേ...??😜

നീ എന്താ കരുതിയത് നീ ചെയ്തതൊക്കെ അറിഞ്ഞും ഞാൻ ഒന്നും മിണ്ടാതെ കൈ കെട്ടി നിൽക്കൂന്നോ...???? നിന്നെ ഇവിടെ സുഖിച്ചു വാഴാൻ വിട്ടൂന്നോ...??? അതിന് ഈ സിദ്ധാർത്ഥ് വേറെ ജനിക്കണം.. എന്റെ ജീവൻ വെച്ചാ നീ കളിച്ചത്... എന്റെ അച്ചമ്മയ്‌ക്കോ അമ്മയ്ക്കോ എന്തെങ്കിലും പറ്റിയിരുന്നെങ്കിൽ നിന്നെ ഞാൻ പച്ചയ്ക്ക് കത്തിച്ചേനെ... മാമ്മനെ ഒരാളെ വിചാരിച്ഛ് അടങ്ങി നിന്നതാ ഞാൻ... ഇതിലും വലുത് നിനക്ക് തരാൻ അറിയാഞ്ഞിട്ടല്ലാ പെങ്ങളായി പോയി..... ഇത്രയൊക്കെ ചെയ്തിട്ടും അവള് ഉരുണ്ട് വീഴുന്നത് കണ്ട് ഞങ്ങളൊക്കെ നോക്കി നിന്നെങ്കിലും അവളാണ് ആദ്യം ഓടി ചെന്നതെയും തട്ടി വിളിച്ചതും ഒക്കെ... അവള് മദർ തെരേസയ്ക്ക് പഠിക്കാനാ തോന്നുന്നത്....!!!!!!!!! ~~~~~~~ ഞങ്ങളെ കഥ പറയാലും ചിരിയും കളിയുമൊക്കെ കഴിഞ്ഞ് കിടക്കാൻ അമ്മ ഓടിച്ചു വിട്ടുമ്പോ സമയം ഒരുപാട് വൈകിയിരുന്നു... അലാറം വെച്ഛ് കിടന്നത് കൊണ്ട് ഇന്ന് കൃത്യത്തിന് എണീക്കാൻ പറ്റി... താഴേക്ക് ഇറങ്ങിയപ്പോ തന്നെ അമ്മ വേഗം കുളിപ്പിച്ച് തന്നതോണ്ട്,, ആ പണി അവിടെ കഴിഞ്ഞു.. അമ്മയും ദേവുവും അമ്പലത്തിൽ പോകാൻ നേരം എന്നേയും ഒരുപാട് വിളിച്ചു... പൊട്ടിയ കയ്യും മാക്സിയും ഇട്ടോണ്ട് എങ്ങാനാ അബലത്തിൽ പോവുന്നത്...

പറഞ്ഞാൽ അമ്മ നിർബന്ധിച്ചു കൂടി കൊണ്ട് പോവും ന്ന് ഉറപ്പുള്ളോണ്ട് ഞാൻ അമ്മയെ കാണിക്കാൻ മടിപ്പിടിച്ചു നിന്നു... സത്യത്തിൽ അവരെ കൂടെ പോണന്നോക്കെ എനിക്ക് ആഗ്രഹമുണ്ടായിരുന്നു... ബട് എന്ത് ചെയ്യാം...!!!! അതോണ്ട് തൽക്കാലത്തേക്ക് ഞാൻ പൂജാമുറിയിൽ കയറി ദേവൂന് വേണ്ടി നല്ലോണം പ്രാർത്ഥിച്ചു പുറത്തിറങ്ങി സോഫയിൽ ഇരിക്കമ്പഴാണ് ഏട്ടത്തി ടിപ്പ് ടോപ്പി സാരിയൊക്കെ ഉടുത്ത് കോണിയിറങ്ങി വരുന്നത് കണ്ടത്.... അത് കണ്ടപ്പോ എനിക്ക് എന്തോ വല്ലാത്ത സങ്കടം തോന്നി... ഞാനും സാരിയുടുക്കണം ന്ന് എന്നോ സെറ്റാകിയതായിരുന്നു.. അമ്മ എനിക്ക് സാരിയുമെടുത്ത് തന്നിരുന്നു... പക്ഷേ,,, എനിക്ക് എല്ലാരേയും പോലെ വിലസ്സി ഓടി ചാടി നടക്കാൻ യോഗല്ലാതെയായി പോയി.... കൈ ഇപ്പഴും അങ്ങനെ അനക്കാനോ ഇളക്കാനോ പറ്റാത്ത അവസ്ഥയിൽ ആണ്... എല്ലാരും വരുമ്പോ ഞാൻ മാത്രം മാക്സിയും ഉടുത്ത് ബഹളത്തിന്റെ ഇടയ്ക്കൊന്നും പോവാതെ ഒരു സോഫയിൽ ചടഞ്ഞു കൂടി ഇരിക്കണല്ലോ ന്ന് ആലോചിക്കുമ്പോ കോന്തനോട് വല്ലാത്ത ദേഷ്യം തോന്നുന്നു.. ആ മാക്രിക്ക് ഇപ്പോ എന്താ ഒരു സോറി പറഞ്ഞപ്പോ തീർന്നു, ബാക്കിയുള്ളവൻ ഇവിടെ.... പോങ്ങൻ...!!!! ഞാൻ ഏട്ടത്തിയെ നോക്കി നേടുവീർപ്പോടെ ദയനീയമായി നോക്കി ഇരിക്കുന്നത് കണ്ട് ഏട്ടത്തി നീ ഒരുങ്ങുന്നില്ലേ..?

സാരി ഉടുക്കുന്നില്ലേ...? ഗസസ്റ്റോക്കെ ഇപ്പോ വരും ന്നൊക്കെ കാര്യമായി ചോദിക്കുന്നത് കേട്ട് ഞാൻ സങ്കടത്തോടെ കൈ ചൂണ്ടിക്കാട്ടി സാരിയുടുക്കാൻ പറ്റില്ലെന്ന് പറഞ്ഞതും ഏട്ടത്തി എന്നേയും കൂടി ഒരു പോകായിരുന്നു ഞങ്ങളെ റൂമിലേക്ക്.... കൈ പ്ലാസ്റ്റർ ഇട്ടിരിക്കുന്നത് കൊണ്ട് ബ്ലൗസ് ഇട്ടാൻ കഴിയില്ലെന്നും വേദനയാവുംന്നൊക്കെ ഞാൻ ഏട്ടത്തിയോട് ആവുന്നത് പറഞ്ഞു നോക്കിയെങ്കിലും എവിടെ.....!!!!! ഞാൻ പറഞ്ഞതൊന്നും ഏട്ടത്തി കേട്ടതൂല്ലാ കൈ പൊട്ടിച്ചതിന് എന്നെ കുറേ ചീത്തയും പറഞ്ഞു... ബ്ലൗസിന്റെ സ്റ്റിച്ഛ് ലൂസാക്കി കൈ ഹാങ്ങിങ് ചെയ്ത സ്ട്രാപ്പ് മാറ്റി മെല്ലെ പതുകെ ബ്ലോസിൽ കൈ കയറ്റി തന്നു... പിന്നെ സൂചി കൊണ്ട് മെല്ലെ കാണാത്ത തരത്തിൽ ഷേപ് ചെയ്തു...... സാരിയുടുപ്പിച്ഛ് മുന്താണി ഞൊറിയുമ്പഴാണ് ഏട്ടൻ വിളിക്കുന്നത്... ധൃതിയിൽ മുന്താണി ഞൊറിഞ്ഞു തോളിലേക്ക് വെച്ചു തന്ന് ഏട്ടത്തി പുറത്തേക്ക് ഓടുന്നത് നോക്കി വെപ്രാളതോടെ ഞാൻ ഏട്ടത്തിയെ വിളിച്ചു.... "ഇത് കുത്തി തന്നിട്ട് പോ ഏട്ടത്തി....???" വാതിൽക്കൽ നിന്ന് തിരിഞ്ഞു നോക്കി ഏട്ടത്തി ദയനീയമായി പറഞ്ഞു.... "പൊന്ന് മോളല്ലേ....പ്ലീസ് ഒരു വണ് മിനിറ്റ്.... ദേ,,,, ഇപ്പോ തന്നെ രണ്ട് വിളി കഴിഞ്ഞു അടുത്ത വിളിക്ക് മുന്നേ ഞാൻ അവിടെ എത്തിയില്ലെങ്കിൽ പിന്നെ പോകേണ്ടി വരില്ല...നിന്റെ സിദ്ധുനേക്കാൾ കഷ്ടാ ആ വിളിച്ചു കൂവുന്ന സാധനം...

ഞാൻ ദാ ഇപ്പം വേഗം വരും.... നീ അപ്പോഴേക്കും ബാക്കി പുറപ്പെടൽ ഒക്കെ ചെയ്തോ....." എന്നൊക്കെ വിളിച്ചു കൂവി പറഞ്ഞോണ്ട് ഏട്ടത്തി ഏട്ടന്റെ റൂമിലേക്ക് ഓടി... ഈ ഏട്ടത്തിയുടെ ഒരു കാര്യം.... ഈ ഒറ്റ കയ്യും വെച്ചോണ്ട് ഞാൻ എങ്ങനെ പുറപ്പെട്ടാനാ...??? ഞാൻ സോഫയിൽ ഇരുന്നു.. ഒരു മിനിറ്റ് ന്ന് പറഞ്ഞാ പോയത് ഇപ്പോ വരുവായിരിക്കും ല്ലേ...? ഏട്ടത്തിയെ വെയിറ്റ് ചെയ്ത് നിൽകാ അല്ലാതെ എനിക്ക് വേറെ ഓപ്ഷൻ ഇല്ലല്ലോ.... മുന്താണി നല്ലോണം ഏട്ടത്തി ഞൊറിഞ്ഞു തന്ന പോലെ തോളിലേക്ക് തിരുകി കയറ്റി വെച്ചു ഏട്ടത്തിയെ വെയിറ്റ് ചെയ്ത് നിന്നു.... ഏതായാലും വെറുതെ നിൽകാണല്ലോ അപ്പോ പിന്നേ നനഞ്ഞ മുടി വാരി കെട്ടിയ ടവൽ അഴിച്ചു മാറ്റാന്ന് വിചാരിച്ചു ഞാൻ പതിയെ കൈ കൊണ്ട് ചുറ്റഴിച്ഛ് ടവൽ മേശപ്പുറത്തേക്കിട്ട് മുടി മുഴുവൻ മാടി കൂട്ടി മുന്നിലേക്ക് ഇട്ടതും മുടിയിൽ കുടുങ്ങി ബ്ലൗസിന്റെ ചെണ്ട് കൂടി മുന്നോട്ട് വീണു... ചെണ്ട് വലിഞ്ഞതും കൂടെ ബ്ലൗസ് കൂട്ടി കെട്ടിയ കെട്ടും അഴിഞ്ഞു... തിരുപതിയായി.... മുന്താണി പിടിക്കാൻ തന്നെ ഈ ഒറ്റകൈ തികയുന്നില്ല അപ്പഴാ ഇതും കൂടി... എന്റെ ദൈവമേ ഓരോന്ന് ഞാൻ തന്നെ ചെയ്തു വെക്കുന്നല്ലോ ന്ന് മുകളിലേക്ക് നോക്കി പറയുമ്പഴാണ് സിദ്ധു വേഗത്തിൽ റൂമിലേക്ക് കയറി വന്നത്..... ~~~~~~~~~ ഹോ,,,, രാവിലെ തുടങ്ങിയ ഓട്ടമാ, ഓഡർ ചെയ്ത കേക്ക് കൂടി വാങ്ങി കൊണ്ട് വന്നപ്പോഴാണ് ഒന്ന് ഫ്രീയായത്.. അമ്മയെ കണ്ടപ്പോ എല്ലാരും വന്നൂന്നും വേഗം റെഡിയവാനും നീ മാത്രേ ഉള്ളൂ ന്നും പറഞ്ഞത് കേട്ട് ഞാൻ വേഗം റൂമിലേക്ക് കയറിയത്...

എന്നെ കണ്ടതും അവള് വെപ്രാളത്തോടെ ചാടി എണീറ്റ് നിന്ന് പരുങ്ങുന്നത് ശ്രദ്ധിച്ചെങ്കിലും വലിയ മൈൻഡ് ആകാതെ ഞാൻ വേഗം ഡ്രസിങ് റൂമിലേക്ക് കയറി.... ഡ്രസ് ചേഞ്ച്‌ ചെയ്ത് ഇറങ്ങി റൂമിൽ ധൃതിയിൽ ഓരോന്ന് എടുക്കാൻ അങ്ങോട്ടും ഇങ്ങോട്ടും പാഞ്ഞു നടക്കുമ്പഴും അവള് എന്തോ പുറക്കിൽ മറയ്ക്കുന്ന പോലെ എനിക്ക് അനുസരിച്ച് അങ്ങോട്ടും ഇങ്ങോട്ടും തിരിഞ്ഞും ചരിഞ്ഞും കളിക്കുന്നത് കണ്ട് ഞാൻ തെല്ല് സംശയത്തോടെ അവളെ നോക്കി... മുഖത്ത്‌ നിറഞ്ഞ വെപ്രാളത്തോടെ ആകെയുള്ള ഒരു കൈ കൊണ്ട് ബ്ലൗസിന്റെ ഷോൾഡറും സാരിയുടെ മുന്താണിയും ഒരുപോലെ നേരയാക്കി നിന്ന് പരുങ്ങുന്നുണ്ട്... ആഹ്... എന്തോ ആവട്ടെ ന്ന് മനസ്സിൽ പറഞ്ഞു ഞാൻ വീണ്ടും എന്റെ പണിയിലേക്ക് തിരിഞ്ഞു.... കോംബേടുക്കാൻ കബോഡിനോട് ചേർന്നുള്ള മിററിന്റെ അടുത്തേക്ക് ഞാൻ വേഗത്തിൽ നടന്നതും അതിന്റെ കുറച്ചു മുന്നിലായി നിന്ന് അവളും എനിക്ക് അനുസരിച്ച് പിന്നിലേക്ക് ചുവട് വെച്ചു.... ~~~~~~~~ ന്റെ കൃഷ്ണാ ഏട്ടത്തി എന്താ വരാത്തത്.. കുറേ നേരമായി ഞാൻ അവനനുസരിച്ചു അങ്ങോട്ടും ഇങ്ങോട്ടും തിരിഞ്ഞു കളിക്കുന്നു പോരാത്തതിന് മുന്താണി തോളിൽ നിന്ന് ഊർന്ന് വീഴാൻ പോകുന്നത് നേരയാക്കുമ്പോ ബ്ലൗസ് മലന്ന് പോകാൻ തുടങ്ങും...

ഇത് രണ്ടും ഒറ്റകൈ കൊണ്ട് ബാലൻസ് ചെയ്ത് പിടിച്ചു നിൽകുമ്പഴാണ് സിദ്ധു എന്റെ നേരെ നടന്ന് വരുന്നത് കണ്ടതും ഞാൻ പുറക്കിലേക്ക് നടന്നു.... അവൻ അടുക്കുംതോറും ഞാൻ വേഗത്തിൽ പിറകിലേക്ക് കാൽ വെച്ചെങ്കിലും സാരി തടഞ്ഞു പുറക്കിലേക്ക് വേച്ചു പോയി.... ~~~~~~~~ ഇവളിതെന്ത് കോപ്രായാ ഈ കാണിക്കുന്നത് ന്ന് ചിന്തിച്ഛ് അവളെ നോക്കിയതും അവള് സാരി തടഞ്ഞു പുറക്കിലേക്ക് ആഞ്ഞിരുന്നു..വേഗം ചെന്ന് അരയിലൂടെ കയ്യിട്ട് ചേർത്ത് പിടിക്കുമ്പോ അവളെ മുടി തുമ്പിലെ വെള്ളം എന്റെ കയ്യിൽ നനവുണർത്തി.... ഇറുക്കിയടഞ്ഞ കണ്ണിലേക്കും പേടി നിഴലിച്ച അവളുടെ മുഖത്തേക്കും ഞാൻ നോക്കി... പതിയെ എനിക്ക് നേരെ തുറന്ന് ആ കരിനീല മിഴികൾ എന്തിനോ വേണ്ടി വല്ലാതെ പിടയ്ക്കുന്ന പോലെ തോന്നി.... കുറച്ചു നേരം അവളുടെ കണ്ണുകൾ എന്റെ കണ്ണിൽ മാത്രം ഉടക്കി നിന്നു..... നോട്ടം മാറ്റാൻ കഴിയാതെ അവളുടെ മിഴികളിലേക്ക് നിലതെറ്റി വീണപ്പോലെ.... എത്ര നേരം അങ്ങനെ നിന്നെന്നറിയില്ല... പെട്ടെന്ന് അവള് നോട്ടം താഴേക്ക്‌ മാറ്റി വെപ്രാളത്തോടെ കുറച്ഛ് വിട്ട് നേരെ നിന്ന് ബ്ലൗസിന്റെ കൈ നേരെയാക്കി മുന്താണിയും മുറുക്കെ പിടിച്ചു... അവളുടെ ബ്ലൗസിന്റെ കെട്ടഴിഞ്ഞത് കണ്ണാടിയിലൂടെ ഞാൻ അപ്പഴാ ശ്രദ്ധിച്ചത്...

അപ്പൊ അതാണ് ഇവള് കിടന്ന് പരുങ്ങി കളിച്ചത്... അവള് മുന്നോട്ട് നടക്കാൻ ആഞ്ഞതും ഞാൻ വേഗം അവളുടെ കഴുത്തിലൂടെ കയ്യിട്ട് പിന്നിലെ മുടി മുഴുവൻ മുന്നിലേക്ക് എടുത്തിട്ടു.... അതു വരെ താഴേക്ക് നോക്കി നിന്നവൾ പെട്ടെന്ന് അത്ഭുതത്തോടെ എന്റെ മുഖത്തേക്ക് നോക്കി.... ഞാൻ അവളെ നോക്കാതെ മുന്നിലെ കണ്ണാടിയിലേക്ക് നോക്കിക്കൊണ്ട് ബ്ലൗസിന്റെ രണ്ട് കയറും പിടിച്ചു കെട്ടിയപ്പഴും അവള് എന്നെ തന്നെ മിഴിച്ചു നോക്കി നിന്നു.... കയർ കെട്ടികഴിഞ്ഞപ്പോ ഞാൻ വേഗം അവളെ പിടിച്ചു കണ്ണാടിക്ക് അഭിമുഖമായി നിർത്തിച്ചത് കണ്ട് അവള് കണ്ണാടിയിലൂടെ എന്നെ പകച്ചു നോക്കി.... ഞാൻ മേശപ്പുറത്തു നിന്ന് പിൻ എടുത്തു അവള് മുറുക്കി പിടിച്ചു നിന്ന് ഞൊറിഞ്ഞു വെച്ച മുന്താണി ബ്ലൗസ് കൂട്ടി പിൻ ചെയ്ത് അവളെ നോക്കി, അവള് ഇടത്തേ കൈ കൊണ്ട് സാരി മുറുക്കി പിടിച്ഛ് കണ്ണടച്ചു താഴേക്ക് നോക്കി നിൽകുന്നത് കണ്ട് ഞാൻ വേഗം മുന്നിൽ നിന്ന് കോംബ് കയ്യിലെടുത്തു....... ~~~~~~~~ എന്താ ഇപ്പോ ഇവിടെ നടന്നത്..??, എന്റെ പുറക്കിൽ നിന്ന് സൈഡിലേക്ക് വന്ന് നിന്ന് കണ്ണാടിയിൽ നോക്കി മുടി കോംബ് ചെയ്ത് വെക്കുന്ന സിദ്ധുനെ അന്തം വിട്ട് നോക്കി കൊണ്ട് ഞാൻ മനസ്സിൽ പറഞ്ഞു... ഞാൻ ആശ്ചര്യത്തോടെ അവനെ നോക്കിയെങ്കിലും ഒന്നും സംഭവിക്കാത്ത പോലെയാണ് അവൻ നിന്ന് മുടി വരുന്നത്..... ഇനി ഇതൊക്കെ എനിക്ക് തോന്നിയതാണോ...? മുന്താണിയിലേക്കും കെട്ടിലേക്കും ഞാൻ ശ്രദ്ധിച്ചു,, ഏയ്‌...

തോന്നിയതല്ലാ സംഭവം നടന്നിട്ടുണ്ട്... അവന്റെ കൈ ദേഹത്ത് തൊട്ടപ്പോ വല്ലാത്തൊരു തണുപ്പ് കയറിയിറങ്ങി പോയപ്പോലെ തോന്നി.... അവൻ മുടി റെഡിയാക്കി വേറെയെന്തോ എടുക്കാൻ തിരഞ്ഞതും ഞാൻ കബോഡിൽ നിന്ന് ബോക്സ് എടുത്തു സോഫയിൽ ചെന്നിരുന്നു..... ദേവു വാങ്ങി തന്ന ഓർണമെന്റ്സാണ് വളയും രണ്ടു കൂട്ടം മാലയുമൊക്കെയുണ്ട്.... ആദ്യം വള കയ്യിലെടുത്തു... പക്ഷേ,, എങ്ങനെ ഇട്ടും...? വള പതിയെ വലത്തെ കയ്യിലേക്ക് വെച്ചു,, മര്യാദക്ക് പിടിക്കാൻ പോലും വലത്തെ കൈക്ക് ശേഷിയില്ല അപ്പഴാ വള ഇട്ടുന്നത്,,, പിന്നെ എങ്ങനെ ഇട്ടും...? ഇട്ടണ്ട അത്രന്നെ വള തിരിച്ചു ബോക്സിലേക്ക് തന്നെ വെച്ഛ് പകരം ബോക്സിൽ നിന്ന് വലിയൊരു മാല എടുത്തു കഴുത്തിൽ ഇട്ടു.... പക്ഷേ അതിന്റെ ഇറക്കം അഡ്ജസ്റ്റ് ചെയാൻ പറ്റുന്നില്ല.... ഞാൻ ഒരു കൈക്കൊണ്ട് ഒരുപാട് ശ്രമിച്ചു നോക്കിയെങ്കിലും പറ്റിയില്ല... എനിക്ക് എന്തോ സങ്കടം വന്നു... കണ്ണൊക്കെ നിറഞ്ഞു.... അതും അഴിച്ചു തിരിച്ചു വെച്ചു എണീക്കാൻ നോക്കിയതും സിദ്ധു വന്ന് സോഫയിൽ ഇരുന്നതും ഒരുമിച്ചായിരുന്നു... എന്നെ നോക്കാതെ ബ്ലോക്സിലെ നിന്ന് വളയെടുത് എന്റെ കൈ പിടിച്ചു അവൻ ഇട്ട് തരാൻ തുടങ്ങി... ദൈവമേ ഇതെന്തിനുള്ളാ പുറപ്പാടാണോ എന്തോ ന്ന് അവനെ നോക്കി അന്തം വിട്ട് നിന്ന് ആലോചിക്കുമ്പഴാണ് കൈ ചെറുതായി വേദനിക്കാൻ തുടങ്ങിയത്...

ആദ്യം ഞാൻ സഹിച്ചു ഇരുന്നെങ്കിലും വേദന കൂടിയപ്പോ മെല്ലെ എരിവ് വലിച്ചു... അത് കേട്ടതും അവൻ കൈവിരലുകൾ നല്ലോണം ഒടിച്ചു വള പതുക്കെ കയറ്റി കൂടെ മാലയുമിട്ടു തരുന്ന അവനെ ഞാൻ കണ്ണെടുക്കാതെ നോക്കിനിന്നു..... ~~~~~~~~~ "നിന്നോട് സ്നേഹം തുടങ്ങീട്ടോ സഹതാപം തോന്നിട്ടോ ഒന്നുംമല്ല എനിക്ക് വയ്യാതിരുന്നപ്പോ നീ സഹായിച്ചതിന് പ്രത്യുപകാരം അങ്ങനെ കണ്ടാ മതി.... വെറുതെ ഞാൻ ആരോടും ഒന്നും വാങ്ങാറില്ല.... പ്രത്യേകിച്ചു നിന്റെ അടുത്തിന് വെറുതെ പോലും ഒന്നും വാങ്ങുന്നത് എനിക്ക് ഇഷ്ടല്ല......!!!!" വളയും മാലയുമിട്ട് കൊടുക്കുമ്പോ അവള് കണ്ണെടുക്കാതെ എന്നെ തന്നെ നോക്കുന്നുണ്ടായിരുന്നു..... അറിയാതെ ആണെങ്കിലും ഞാനാണല്ലോ അവളുടെ ഈ അവസ്ഥക്ക് കാരണം അതോണ്ട് ഇടാൻ പറ്റാതെ ബോക്സിലേക്ക് തന്നെ തിരിച്ചു വെച്ച് കണ്ണുനിറയ്ക്കുന്നത് കണ്ടപ്പോ ഒരു കുറ്റബോധം... ഞാനാണല്ലോ കൈ തിരിച്ചു പൊട്ടിച്ചത്... ഇത്രയും പറഞ്ഞു ഞാൻ വേഗം താഴേക്ക് ഇറങ്ങി...... ~~~~~~~~ താഴേക്കിറങ്ങി പോകുന്ന അവനെ നോക്കി ഞാൻ അലസമായി ചിരിച്ചു..... 'പ്രത്യുപകാരം.....!!!!!!അങ്ങനെയാണെങ്കിൽ നീ എനിക്ക് വേണ്ടി പലതും ചെയ്യേണ്ടി വരും സിദ്ധു.... ഞാൻ ചെയ്ത പലതിനും പ്രത്യുപകാരം ചെയ്യാൻ നിനക്ക് ചിലപ്പോ സാധിച്ചെന്ന് വരില്ല....'!!!!!

അവൻ പോവുന്നത് നോക്കി ഞാൻ പറഞ്ഞു നിർത്തിയതും ഏട്ടത്തി കയറി വന്നിരുന്നു... സാരി ഫുൾ ഉടുത്ത് നിൽക്കുന്ന എന്നെ കണ്ട് ഒന്ന് അമർത്തി മൂളി, സിദ്ധു ഇറങ്ങിപ്പോവുന്നത് കണ്ടായിരുന്നെന്ന് ഒരു കള്ള ചിരിയോടെ പറഞ്ഞത് കേട്ട് ഞാൻ ഒന്ന് ചിരിച്ചു കൊടുത്തു..... ഏട്ടത്തി മുടിയൊക്കെ കെട്ടി മുല്ലപ്പൂവൊക്കെ വെച്ചു തന്നു.... ഞങ്ങൾ രണ്ട് പേരും താഴേക്കിറങ്ങി വരുന്നത് കണ്ട് താഴേ എല്ലാരും ഞങ്ങളെ തന്നെ നോക്കി നിന്നു..... ദേവൂന്റെ റിലേക്റ്റീവ്സ് എല്ലാരും കൂടി കല്യാണത്തിനുള്ള ബഹളം ഉണ്ട്..... സന്തോഷം അലയടിക്കുന്ന അകത്തളം..... ദേവൂന്റെ മാറ്റമാണ് എല്ലാരുടെയും പ്രധാന സംസാര വിഷയം..... അമ്മയും ദേവുവും എല്ലാരേയും സൽക്കരിക്കുന്ന തിരക്കിലാണ്.... നിമ്മിയും ഏട്ടത്തിയും അവർക്ക് വെള്ളം കൊടുക്കുന്നു.... ഞാൻ മാത്രം ഒരു പണിക്കും പോവാതെ സോഫയിൽ ഒതുങ്ങി ഇരിപ്പാ.... ബഹളത്തിന്റെ ഇട്ടയിലൊന്നും പോയി നിൽക്കരുതെന്നാണ് മുകളിനുള്ള സ്ട്രിറ്റ് ഓർഡർ.... കൈ തട്ടുകയോ മുട്ടുകയോ മറ്റോ ചെയ്താൽ ദേവു എന്നെ കൊല്ലും ന്നാ പറഞ്ഞിരിക്കുന്നത്..... സത്യത്തിൽ വീട്ടിലെ എല്ലാരും ഭയങ്കര ബസിയാണ്,,, ഞാൻ ഒഴിക്കെ..... എല്ലാരും എന്റെ അടുത്ത് വന്ന് സംസാരിക്കുന്നുണ്ട്.... എല്ലാരോടും വീണത് വിവരിച്ച് പറഞ്ഞു കൊടുത്തു എനിക്ക് മതിയായി..... ഫോണിൽ റെക്കോർഡ് ചെയ്ത് വെച്ഛ് ഫാമിലി ഗ്രൂപ്പിൽ ഇട്ടല്ലോ ന്ന് വരെയായി ചിന്താ... എല്ലാരുടേയും വിശേഷം ചോദിക്കലും അന്വേഷണം തിരക്കലുമൊക്കെ ഒന്ന് സൈഡായപ്പോ ഞാൻ പതിയെ സോഫയിൽ ചാരിയിരുന്നു....

. കേക്ക് കട് ചെയ്യേണ്ട സമയമായപ്പോ ഏട്ടത്തിയും നിമ്മിയും ടേബിളിൽ കേക്ക് വെക്കാനും മെഴുകുതിരി കത്തിക്കാനും മറ്റും തുടങ്ങിയപ്പോ ഞാനും കൂടെ കൂടി..... അവിടെ എത്താനുള്ള ടൈം പോലും തന്നില്ല ദൂരെ ന്ന് കണ്ടപ്പോ തന്നെ ഏട്ടത്തി എന്നെ തിരിച്ചു ഓടിച്ചു..... കാരണം അവിടെ തന്നെ ആവശ്യത്തിൽ കൂടുതൽ ആളുക്കൾ ഉണ്ട് പിന്നെ എന്തിനാ ഒറ്റ കയ്യും കൊണ്ട് ഞാൻ..... അവര് ശ്രദ്ധയില്ലാതെ കയ്യിൽ തട്ടിയാൽ അത് വേറെ പണിയാവും... വെറുതെ പണി മേടിച്ചു വാങ്ങേണ്ടല്ലോ ന്ന് കരുതി ഞാൻ മാറിനിന്നു..... ഹോ രാവിലെ ഒന്നും കഴിച്ചില്ല.... വിശന്നിട്ടു സത്യം പറഞ്ഞാൽ കണ്ണ് കാണുന്നില്ല... ഞാൻ എങ്ങനെയാ ഒറ്റയ്ക്ക് എടുത്തു കഴിക്കുന്നത്..... ഇവിടെ എല്ലാരും രാവിലെ മുതൽ ഭയങ്കര ബിസിയാണ്, അതിന്റെ ഇടയിൽ ഞാനും കൂടെ വെറുതെ ബുദ്ധിമുട്ടിപ്പിക്കണ്ടല്ലോന്ന് കരുതി ഫുഡ് കഴിക്കാത്തത് ആരോടും പറഞ്ഞില്ല... തിരക്കിന്റെ ഇടയിൽ ആരും ചോദിച്ചതും ഇല്ല.... വയറ്റിന് കുടൽ കരയുന്ന സൗണ്ട് വരുന്നു.... ഒന്നും കഴിക്കാഞ്ഞിട്ടാണോന്ന് അറിയില്ല വല്ലാത്ത കിതപ്പ്, കണ്ണില് ഇരുട്ട് കയറുന്ന പോലെ തോന്നുന്നു.... എല്ലാരും കേക്ക് കട്ട് ചെയ്യാനുള്ള തയാറെടുപ്പിലാണ്,അതോണ്ട് ആരെയും വിളിക്കാൻ നിൽക്കാതെ ഞാൻ പതിയെ അടുക്കളയിലേക്ക് നടന്നു.... കുറച്ചു നടന്നതും നടക്കാൻ പറ്റാത്ത വിധം കാൽ കുഴഞ്ഞു , ശരീരം മുഴുവൻ തണുപ്പ് വ്യാപിക്കുന്നു... കിതപ്പ് വല്ലാതെ കൂടിയതും സപ്പോർട്ടിന് എന്നോണം ചുമര് പിടിച്ചു നടന്ന് എങ്ങനെയോ അടുക്കളയിൽ എത്തി ഫ്രിഡ്ജ് തുറന്ന് ഒരു ബോട്ടിൽ വെള്ളം എടുത്തത് മാത്രേ ഓർമ്മയുള്ളൂ കണ്ണിൽ അപ്പോഴേക്കും ഇരുട്ട് പരന്നിരുന്നു................തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...