🌸എന്നെന്നും എന്റെ മാത്രം 🌸: ഭാഗം 35

രചന: അനു

"ഈ വായിട്ടലപ്പ് തന്നെ ഉള്ളൂല്ലേ.... ഇത്രേള്ളൂ ധൈര്യം.... കഷ്ടം......!!!!!" ~~~~~ അവൻ എന്നെ സീറ്റ് ബെൽറ്റ് ഇടീച്ചത് പോലും ഞാൻ ഇപ്പഴാ അറിയുന്നത്.... അത് കണ്ട് സംശയത്തോടെ അവനെ നോക്കിയപ്പഴാണ് ആ കോന്തൻ എന്നെ പുച്ഛത്തോടെ കളിയാക്കിത്.. അത് കണ്ട് ദേഷ്യത്തോടെ അവനെ നോക്കി ഞാനും ഒരു ലോഡ് പുച്ഛം വാരിയെറിഞ്ഞു പുറത്തേക്കും നോക്കിയിരുന്നു...... കുറച്ചൂടെ ഡ്രൈവ് ചെയ്തപ്പോ തന്നെ സിദ്ധു ഒരു റിസോർട്ടിലേക്ക് വണ്ടി കയറ്റി....എൻട്രൻസിൽ നിർത്തിയതും അവനെ ഒന്ന് നോക്കി പുച്ഛിച്ചു മുഖം കോട്ടി കൊണ്ട് ഞാൻ വേഗം വണ്ടീന്ന് ഇറങ്ങി ഡോർ വലിച്ചടച്ചു..... മറു ഭാഗത്ത്‌ നിന്ന് അവനും ഇറങ്ങി കീ സെക്യൂരിറ്റിയുടെ കയ്യിലേക്ക് പാർക്ക് ചെയ്യാൻ കൊടുത്തു..... ഞങ്ങളെ പ്രതീക്ഷിച്ചു കൊണ്ട് റിസോർട്ടിന്റെ മുന്നിൽ തന്നെ അനിതേച്ചി നിൽപ്പുണ്ടായിരുന്നു.... ഒരു ചിരിയോടെ ഞാൻ അങ്ങോട്ട് ഓടിച്ചെന്ന് ചേച്ചിയെ കെട്ടിപ്പിടിച്ചു.... " ഹോ....ഇത്ര നേരായീന്നറിയോ ഞാൻ ഈ നിപ്പ് നിൽക്കാൻ തുടങ്ങീട്ട്..... നേരത്തെ വരാമെന്ന് പറഞ്ഞിട്ട്, ഉച്ചയായി..... എന്തെടുക്കായിരുന്നു....?" അനിതേച്ചി "അത്...അനി..ഒന്നൂല്ലേടീ വരുന്ന വഴിയ്ക്ക് ചെറിയൊരു പ്രോബ്ലം... അത്രള്ളൂ...." സിദ്ധു അവൻ വലിയ കാര്യമാക്കാതെ പറയുന്നത് കേട്ട് ഞാൻ ഇടയ്ക്ക് കയറി..

"ചെറിയതോ....?? എന്റെ ജീവൻ തിരിച്ചു കിട്ടിയത് തന്നെ മഹാഭാഗ്യം......" ഞാൻ അവനെ രൂക്ഷമായി നോക്കി കണ്ണുരുട്ടി കൊണ്ട് നെഞ്ചിൽ കൈ വെച്ഛ് പറഞ്ഞത് കേട്ട് അനിതേച്ചി അവനേയും എന്നേയും മാറിമാറി നോക്കി എനിക്ക് നേരെത്തിരിഞ്ഞു.. " എന്താ അനു... എന്താ ഉണ്ടായത്...?? ഇവന് എല്ലാം ചെറിയ പ്രോബ്ലമാണ്... നീ പറ....?" ~~~~~~~ കാറിന് ഇറങ്ങി ഡോർ അവള് വലിച്ചടച്ചത് കണ്ടപ്പോ തന്നെ എനിക്ക് മനസ്സിലായി എന്നോടുള്ള ദേഷ്യം കാണിച്ചതാന്ന്... ഞാനും ഇറങ്ങി വണ്ടി പാർക്ക് ചെയ്യാൻ പറഞ്ഞു തിരഞ്ഞതും അവള് അനിയുടെ അടുത്തേക്ക് ഓടിയിരുന്നു... അനി ചോദിച്ചതിന് വള്ളി പുള്ളി വിട്ടാതെയൊക്കെ പറഞ്ഞു കൊടുക്കുകയും ഇടയ്ക്ക് എന്നെ നോക്കി പുച്ഛിക്കുകയും ചെയ്തു..... "പഠിക്കുന്ന കാലത്ത് ഞങ്ങൾ ഒരു ദിവസം ഷോപ്പിങ് പോയിരുന്നു... അന്ന് ഷോപ്പിങ് മാളിൽ വെച്ഛ് ഏതോ ഒരു വായ്നോക്കി ഒരുത്തൻ എന്നോട് മോശമായി പെരുമാറിയത്തിന് ഇവൻ കാണിച്ചു കൂട്ടിയതിന് കയ്യും കണക്കും ഇല്ലായിരുന്നു.... ഞങ്ങൾ നാല് പേരു ചേർന്ന് പിടിച്ചാണ് അവനെ കാറിൽ കയറ്റിയത്... ഇന്ന് നീ ഒറ്റയ്ക്ക് കയറ്റിയോ....?? not bad.... അല്ലെടാ സിദ്ധു....??" എന്നെ ഒന്ന് കളിയാക്കി വീമ്പ് പറയുന്ന പോലെ അനി ചോദിച്ചത് വലിയാ കാര്യം ആക്കാതെ ഞാൻ ചുറ്റും നോക്കി

"അബി എവിടെ അനി......?" "എല്ലാരും ഹാളിൽ ഉണ്ടെടാ...നീ ചെൽ.." ~~~~~~~ ഞാൻ കാര്യങ്ങളൊക്കെ പറഞ്ഞു കൊടുത്തതും അനിതേച്ചി പണ്ടത്തെ കാര്യം പറഞ്ഞു കൊണ്ട് സിദ്ധുന്റെ നേരെ തിരിഞ്ഞു... അവൻ പക്ഷേ അതൊന്നും മൈൻഡ് ചെയ്യാതെ അബിയേട്ടനെ ചോദിച്ചു... ഹാളിൽ ഉണ്ടെന്ന് പറഞ്ഞതും വേഗം അങ്ങോട്ട് നടന്ന് പോയി.... ഞാനും അനിതേച്ചിയും അനിതേച്ചിയുടെ റൂമിലേക്കും നടന്നു... റൂമിൽ അബിയേട്ടന്റെ അമ്മയും മക്കളും ഉണ്ടായിരുന്നു.... നമ്മള് പാർട്ടിക്ക് പോകുമ്പോ മക്കളെ നോക്കാനാണ് അമ്മയെ കൂട്ടിയത് ന്ന് ചേച്ചി പറഞ്ഞു... ഇരട്ട കുട്ടികളെ കൊണ്ട് ചേച്ചിക്ക് ഒരു ശല്യവും ഇല്ല,,, കിടന്നുറങ്ങിക്കോളും രണ്ടാളും... എന്നാൽ മൂത്ത മോൻ സച്ചു... അവനെ നോക്കാൻ പത്തു പേര് വേണം.... വികൃതിയുടെ ഒരു എവറസ്റ്റ് കൊടുമുടിയാണ് അവൻ... "അല്ല... പാർട്ടിക്ക് നിന്റെ കോസ്റ്റ്യും എന്താ....?" ബെഡിൽ കുട്ടികളെ തലോടി കൊണ്ടിരിക്കുമ്പഴാണ് ചേച്ചി ഇത് ചോദിച്ചതും ഞാൻ തലയുയർത്തി നോക്കിയതും.. "ഇതു തന്നെ...." "അയ്യേ.....? ഇതോ....? ഈ സിംപിൾ ചുരിദാറോ.....? ഇതൊക്കെ ഇട്ടോണ്ട് ആരെങ്കിലും ഇമ്മാതിരി പാർട്ടിക്ക് വരോ പെണ്ണേ...?" കളിയായി ചേച്ചി പറഞ്ഞത് കേട്ട് ഞാൻ ഒന്ന് ചിരിച്ചു... "എനിക്ക് അങ്ങനെ പാർട്ടിക്കൊന്നും പോയി പരിചയമില്ല ചേച്ചി....

നിമ്മി ഉണ്ടായിരുന്നെങ്കിൽ അവളോട് ചോദിക്കായിരുന്നു... ആകെയുള്ളത് ആ കോന്തൻ കണാരനാ... ഇതും ചോദിച്ചു അങ്ങോട്ട് ചെന്നാൽ മതി അതിലും ഭേദം വല്ല ട്രെയിനോ തല വെയ്ക്കുന്നതാ.....?" ഞാൻ അമർഷത്തോടെ പറഞ്ഞത് കേട്ട് ചേച്ചി പെട്ടന്ന് എന്റെ അടുത്തേക്ക് വന്നിരുന്നു ആശ്ചര്യത്തോടെ എന്റെ മുഖത്തേക്ക് നോക്കി "നിർത്ത് നിർത്ത് നിർത്ത്... ആരെന്ന്....?? എന്താ നീയിപ്പം അവനെ വിളിച്ചത്....?" ചേച്ചി ചോദിച്ചതും ഞാൻ ചടപ്പോടെ നിന്ന് ഞെളിഞ്ഞു.. "അത് പിന്നെ,,,,,,, ദേഷ്യം പിടിക്കുമ്പോ വെറുതെ.... ഞാൻ " "അതൊക്കെ ഓകെ.... നീ ഇത് പറ എന്താ വിളിച്ചത്...?? കോന്തൻ ബാക്കി എന്താ..?" "കോന്തൻ കണാരൻ " എളിമയോടെ നിഷ്‌കു ഭാവത്തിൽ ഞാൻ പറഞ്ഞത് കേട്ട് ചേച്ചി ബെഡിലേക്ക് മലന്ന് കിടന്ന് ചിരിക്കാൻ തുടങ്ങി... "ഹഹഹഹഹ.... അയ്യോ ചിരിച്ചു ചിരിച്ചു ഞാനിപ്പം ചാവും ഭഗവാനെ...! എതായാലും നല്ല പേര്..... ഹമ്മേ...!! പിന്നേയ് ഇതിട്ടോണ്ട് പാർട്ടിക്ക് പോവാൻ പറ്റില്ല.... നമ്മുക്ക് ഒരു കാര്യം ചെയാം... ഇവിടെ അടുത്തൊരു ഷോപ്പിങ് മാൾ ഉണ്ട്... അവിടെ പോയി purchase ചെയാം... വേറെ പണിയൊന്നും ഇല്ലല്ലോ പാർട്ടി വൈകുന്നേരം അല്ലേ...?" "അയ്യോ അനിതേച്ചി.... സിദ്ധു??" "അവന്റെ കാര്യം ഞാൻ ഏറ്റു...." "എന്നാൽ ഞാൻ double ok...!"

ഞാനും ചേച്ചിയും അബിയേട്ടന്റെ കാറും എടുത്തു നേരെ ഷോപ്പിങ് മാളിലേക്ക് വിട്ടു... ഞാൻ ചുമ്മാ നിന്നു കൊടുത്തെള്ളൂ സെലക്ഷനും വാങ്ങലും നോക്കലുമൊക്കെ ചേച്ചി തന്നെയായിരുന്നു.... ഞാനും എല്ലാം ചേച്ചിയുടെ ഇഷ്ടത്തിന് വിട്ടുകൊടുത്തു..... ഡ്രസും അതിനു വേണ്ട സകല സാധനങ്ങളും വാങ്ങി കഴിഞ്ഞ് ചേച്ചി എന്നെയും കൂട്ടി ബ്യൂട്ടി പാർലർ കയറി അല്ലറ ചില്ലറ മിനുക്ക് പണികളും ചെയ്തു... എല്ലാം കഴിഞ്ഞു എത്തിയപ്പോ നേരം വൈകിയിരുന്നു..... പാർട്ടിക്ക് പോവാൻ ഞാൻ ചേച്ചിയുടെ റൂമിനാണ് മാറ്റിയത് അതോണ്ട് തന്നെ അബിയേട്ടൻ പുറത്തായി... അവര് പുറപ്പെട്ടു കഴിഞ്ഞു ഞങ്ങളെ വന്ന് വിളിച്ചെങ്കിലും ചേച്ചി അവരോട് എത്തികൊള്ളാമെന്ന് റൂമീന്ന് വിളിച്ചു പറഞ്ഞു......സാരി ഉടുപ്പിച്ചതും ബാക്കി പണികളൊക്കെ ചേച്ചിയാണ് ചെയ്ത് തന്നത്.... ~~~~~~~~~~~ ഹാൾ ഡെക്കറേഷൻ കഴിഞ്ഞപ്പോ തന്നെ സമയം ഒരുപാട് ആയി... അവള് അനിന്റെ കൂടെ തന്നെയായതോണ്ട് ഞാൻ ആ ഭാഗത്തേക്കെ തിരിഞ്ഞു നോക്കാൻ നിന്നില്ല,ഷോപ്പിങിന് പൂവാണെന്ന് അനി ഫോൺ ചെയ്ത് പറഞ്ഞിരുന്നു..... രാവിലെ കണ്ടതാ പിന്നെ കണ്ടിട്ടില്ല... അബിയെ അനി പുറത്താക്കിയതോണ്ട് അവനും ഞാനും കൂടെയാണ് മാറ്റിയതും പുറപ്പെട്ടതുമൊക്കെ.... എല്ലാം കഴിഞ്ഞ് റൂമിൽ ചെന്ന് അവരെ വിളിച്ചപ്പോ അനി പൊയ്ക്കോളാൻ പറഞ്ഞതും ഞങ്ങള് ഹാളിലേക്ക് നടന്നു... അവരുടെ ഒരുക്കം ഒരുകാലത്തും തീരില്ലല്ലോ..... ഹാളൊക്കെ ഞങ്ങൾ സൂപ്പറാക്കീട്ടുണ്ട്...

ഫുൾ റോസാപ്പൂ കൊണ്ട് അലങ്കാരിച്ചിട്ടുണ്ട്.... ലൈറ്‌സ്, പൂക്കളും, മ്യൂസിക്, kids play ഗ്രൗണ്ടും, എല്ലാം പൊളിച്ചിട്ടുണ്ട്..... സമയം കുറേ കഴിഞ്ഞു,എല്ലാരും എത്തിയല്ലോ പക്ഷേ അനിയെയും അവളെയും കാണുന്നില്ലല്ലോ.... ഒരുക്കം കഴിഞ്ഞില്ലേ ഇതു വരെ....കഷ്ടം..... എൻട്രൻസിലേക്ക്‌ നോക്കി മനസ്സിൽ പറഞ്ഞു.... പെട്ടന്നാണ് ഹാളിൽ പവർ കട്ടായത്.... പ്രകാശിതമായിരുന്നു ലൈറ്റുകൾ എല്ലാം ഒരുമിച്ച് അണഞ്ഞു.... ഹാളിൽ ഇരുട്ട് പരന്നു... ചുറ്റും നോക്കുമ്പോഴേക്കും റിസോർട്ട് ബോയ് വന്ന് ജനറേറ്റർ ഓണ് ചെയ്തതും വീണ്ടും ഹാളിൽ പ്രകാശം പരന്നു... ഞാനും അബിയും ഫ്രണ്ട്‌സ് എല്ലാരും കൂടി നിന്ന് സംസാരിക്കുന്നതിനിടയിലാണ് പെട്ടെന്ന് കണ്ണ് എൻട്രെൻസിലേക്ക് പതിഞ്ഞത്.... ~~~~~~~ ഒരുക്കമൊക്കെ കഴിഞ്ഞു ഞങ്ങൾ താഴെക്കിറങ്ങിയപ്പോഴേക്കും ഹാൾ മുഴുവൻ ആളുകളെ കൊണ്ട് നിറഞ്ഞിരുന്നു.... ചേച്ചി സാരിയുടെ കൂടെ ഹൈ ഹീൽ ചെരുപ്പാണ് വാങ്ങി തന്നത്... അതാണെങ്കിൽ ഒന്നാമത് എനിക്ക് ഇട്ട് ശീലം ഇല്ലാ, പിന്നെ കാലിൽ നിൽക്കാതെ സ്ലിപായി കളിക്കുന്നത് കൊണ്ട് വേഗം നടക്കാനും വയ്യ.... "ഹായ്.... ഹാൾ പൊളിച്ചു അല്ലെ ചേച്ചി... എന്തു ഭംഗിയാ ഇവിടെ കാണാൻ... ലൈറ്റ്സ്, ഫ്ലവേഴ്ർസ് എല്ലാം കൊണ്ട് സൂപ്പർ ആയിട്ടുണ്ട്ല്ലേ.....? എനിക്ക് ഒരുപാട് ഇഷ്ടായി..... ഹാൾ ചുറ്റും കണ്ണോടിച്ചു കൊണ്ട് ആവേശത്തോടെ ഞാൻ പറഞ്ഞു.. "ഹ്മ്മം...ഹ്മ്മം.... നീ പറഞ്ഞ പോലെ സംഭവം സൂപ്പർ ആയിട്ടുണ്ട്.... ഞാൻ അതല്ല നോക്കുന്നത്,,,

നമ്മുടെ കെട്ടിയോന്മാര് എവിടെ....?ഇവിടെയൊന്നും കാണുന്നില്ലല്ലോ....?" സച്ചു ന്റെ കൈ പിടിച്ചു വലിച്ച് ചുറ്റും പരത്തി കൊണ്ട് ചേച്ചി പറഞ്ഞത് കേട്ട് ഞാനും ഒന്ന് ചുറ്റുംനോക്കി... കാലിൽ നിന്ന് ശ്രദ്ധ മാറിയതും ചെരുപ്പ് ദേ പോണു.... "ദേ ചേച്ചി.....ഈ ചെരുപ്പും ഞാനും ചേരില്ല ട്ടോ.... സ്ലിപ് ആയി കളിക്കുന്നു.....മിക്കവാറും ഞാൻ എവിടെങ്കിലും വീണ് എല്ലാർക്കും നോക്കി ചിരിക്കാനുള്ള വകയുണ്ടാക്കും.... ഇതൊക്കെ കുറച്ചു ഓവറല്ലെ ചേച്ചി....?? എനിക്ക് എന്തോ പോലെ തോന്നുന്നു... ഞാനിതു വരെ ഇങ്ങനെ ഒന്നും ഇട്ടിട്ടില്ല.... എല്ലാരും എന്നെ തന്നെ നോക്കുന്ന പോലെ....???" ചടപ്പോടെ ചുറ്റും നോക്കി സാരി പ്ലീറ്റ് ശെരിയാക്കി ഞാൻപറഞ്ഞു... "പതുക്കെ നടന്നാൽ മതി എന്നാൽ വീഴില്ല.... പിന്നെ നീ ചുറ്റും ഒന്ന് നോക്കിക്കേ എന്നിട്ട് നിന്നെയും നോക്ക്.... ഇതൊന്നും ഒരു ഓവറല്ല... മനസ്സിലായോ.......??? പിന്നെ നിന്നെ ഇപ്പൊ കണ്ടാൽ ആരായാലും ഒന്നു നോക്കും... നിന്റെ കോന്തൻ കണാരൻ വരെ കണ്ണെടുക്കാതെ നോക്കും.... നീ അത്രക്ക് സുന്ദരിയായിട്ടുണ്ടെഡീ സത്യം......!!!!!!" ചേച്ചി അടിമുടി നോക്കി പറഞ്ഞത്‌ കേട്ട് ഞാൻ ചിരിച്ചു.... "ഹ്മ്മം..ഊവ് ഊവോ.... ബാക്കിയൊക്കെ ഒക്കെ ഞാൻ വിശ്വസിക്കാം..... ചേച്ചി ലാസ്റ്റ് പറഞ്ഞത് മാത്രം ഒരിക്കലും നടക്കില്ല.....

100 ൽ110 % ഉറപ്പ്" ഞാൻ പറഞ്ഞു നിർത്തിയതും ചേച്ചി സംശയത്തോടെ എന്നെ നോക്കി "അതെന്താ.....100 ൽ 110 % ഉറപ്പ്....." ചേച്ചി ചോദിച്ചത് കേട്ട് ഒരു നേടുവീർപ്പോടെ ഞാൻ വേദന നിറഞ്ഞ ഒരു ചിരി ചിരിച്ചു.... "സിദ്ധുവെപ്പഴും പറയും,,,,,, എന്നെ കാണുമ്പോ മരിച്ചു കിടക്കുന്ന അവന്റെ അച്ഛന്റെ മുഖമാണ് മനസ്സിൽ തെളിയാ ന്ന്..... അങ്ങനെ ഉള്ള സിദ്ധു എന്നെ കണ്ണെടുക്കാതെ നോക്കി നിൽക്കുമെന്നൊക്കെ പറഞ്ഞാൽ 110 അല്ല ഞാൻ വേണെങ്കിൽ100 ൽ 200% ഉറപ്പ് തരാം.... നടക്കില്ല മോളെ.....!!! ചേച്ചിയുടെ താടിയിൽ പിടിച്ചു കൊഞ്ചിച്ചു കുലുക്കി കൊണ്ട് ഞാൻ പറഞ്ഞതും ചേച്ചി എന്റെ കൈ തട്ടി മാറ്റി തിരിച്ചു എന്നെ കൊഞ്ചിക്കാൻ തുടങ്ങി... "എന്നാൽ മിസ്.അനുരാധ സിദ്ധാർത്ഥ് കാത് തുറന്ന് കേട്ടോ.... ഇന്ന് സിദ്ധു നിന്നെ കണ്ണെടുക്കാതെ നോക്കി നിന്നില്ലെങ്കിൽ എന്റെ പേര് അനിത അബിൻന്നാല്ല.... എന്റെ മൂന്ന് മക്കളാണെ ബെറ്റ്....!!!" ചേച്ചി ആത്മവിശ്വാസത്തോടെ പറഞ്ഞത് കേട്ട് ഞാൻ തലയാട്ടി.... "ഹ്മ്മം.... ഒന്ന് പോ,,, ചേച്ചി,,,,, വെറുതെ വേണ്ടാത്ത ശപഥവും വാക്കും ഒന്നും പറയണ്ട.... പാവം ആ മക്കളെ പിടിച്ചാ ഓരോന്ന്....." ഞാൻ കെറുവോടെ പറഞ്ഞത് കേട്ട് ചേച്ചി എന്റെ തോളിലൂടെ കയ്യിട്ട് ചേർത്ത് പിടിച്ചു നടന്നു.... "നീ വാടി മോളേ...... കാണാൻ പോവുന്ന പൂരം എന്തിനാ പറഞ്ഞറിയിക്കുന്നത്.....

* you just wait and watch dear...... ok...???!!!*" എന്റെ കൈ കൂട്ടിപ്പിടിച്ചു ഗമയിൽ നടന്ന് ഡയലോഗ് അടിച്ചത് കേട്ട് ഞാൻ ഒന്ന് നിശ്വാസിചോണ്ട് 'സിദ്ധുന്റെ വക ഒരു പൂരവും വെടിക്കെട്ടുമൊക്കെ കഴിഞ്ഞാ ഇവിടെയെത്തിയത്,ഇനി അടുത്തത് എന്താണാവോ ' ന്ന് ആലോചിച്ചു വയ്യാല്ലെ നടന്നു... സംസാരിച്ചു വരുമ്പഴാണ് പെട്ടെന്ന് കറന്റ് പോയതും ഇരുട്ട് വ്യാപിച്ചതും.... ഒരു നിമിഷം എല്ലായിടത്തും നിശബ്ദത പരന്നെങ്കിലും അതൊരു ചർച്ചയാവാൻ അധിക നേരമെടുത്തില്ല.... സംസാരം മുറുക്കി വരുമ്പോഴേക്കും ലൈറ്റുകൾ വീണ്ടും പ്രകാശിതമായി.... എന്റെ തൊട്ട് മുകളിലെ ബൾബ് കത്താതെ മിന്നിമിന്നി കളിക്കുന്നത് തലയുയർത്തി നോക്കി നിൽക്കുമ്പഴാണ് കുറച്ചകലെ അബിയേട്ടനേയും സിദ്ധുനേയും ചേച്ചിയെന്നെ തോണ്ടി വിളിച്ചു കാണിച്ച് തന്നതും ഞങ്ങൾ വേഗം അവരുടെ അടുത്തേക്ക് നീങ്ങി.... ബ്ലാക്ക്‌കളർ ഷർട്ടും ക്രീം കളർ പാന്റുമാണ് കോന്തന്റെ വേഷം.... കുറ്റം പറയരുതല്ലോ ചെക്കൻ ഈ ഡ്രെസ്സിൽ ഒടുക്കത്തെ ഗ്ലാമറായിട്ടുണ്ട്.... ഇങ്ങനെയുള്ള ക്യാഷ്വൽ ഡ്രെസ്സിൽ ഞാനാദ്യമായിട്ടാണ് സിദ്ധുനെ കാണുന്നത്... എപ്പം നോക്കിയാലും ഒരുമാതിരി കോട്ടും സൂട്ടും ടൈയുമൊക്കെ ഇട്ട് വലിയൊരു ആളെപോലെ തോന്നുമായിരുന്നു,,

പക്ഷേ ഇതു കൊള്ളാം ഒരു പയ്യനെ പോലെ കാണാൻ ഒരു സുഖമുണ്ട്... ബ്ലാക്ക് ഫുൾ സ്ലീവ് ഷർട്ടിന്റെ കൈ മുട്ട് വരേ കയറ്റി ഒതുക്കത്തിൽ മടക്കി വെച്ഛ് ഇൻസൈഡ് ചെയ്തിട്ടുണ്ട്...ഒരു കൈ പാന്റിന്റെ പോക്കറ്റിലൊക്കെ തുരുക്കിയാണ് അടിപൊളി സ്റ്റൈലിൽ ആണ് പുള്ളിക്കാരന്റെ നിപ്പ്... 'നിപ്പ് കണ്ടാ ആഹാ സുന്ദരൻ,സുമുഖൻ സുശീലൻ,,, പക്ഷേ സ്വഭാവം കണ്ടാമൃഗത്തിന്റെയാ ടെറിബിളി ഹോറിബിൾ.... ഉച്ചയ്ക്ക് കണ്ടതാ കോന്തനെ പിന്നെ ഇപ്പഴാ കാണുന്നത്... പിരിച്ചു വെച്ച മേശയും കട്ട താടിയും ചിരിക്കുമ്പോ മാത്രം എത്തി നോക്കുന്ന കൊന്ത്രൻ പല്ലും എന്താന്നറിയില്ല ഞാൻ പോലുമറിയാതെ അവനെ കണ്ടപ്പോ എന്റെ ചുണ്ടിൽ ഒരു പുഞ്ചിരി വിരിഞ്ഞിരുന്നു.... അകാരണമായ ഒരു സന്തോഷം മനസിൽ നിറഞ്ഞു കവിഞ്ഞു...അവനെ തന്നെ നോക്കി നിൽക്കാൻ കണ്ണുകൾ കൊതിക്കുന്ന പോലെ.... അബിയേട്ടനെ കൂടാതെ വേറെയും കുറച്ചു പേർ അവിടെ അവന്റെ കൂടെ കൂടി നിൽപ്പുണ്ട്....നടന്ന് കുറച്ഛ് അടുത്ത് എത്തിയതും ഞാൻ വേഗം കണ്ണ് അവനിൽ നിന്ന് പറിച്ചു മാറ്റി... "ആഹാ.... അനു പൊളിച്ചല്ലോ സൂപ്പറായിട്ടുണ്ട്ട്ടോ....അടിപൊളി" അബിയേട്ടൻ "താങ്ക്സ് ഏട്ടാ...!!!! ഫുൾ ക്രെഡിറ്റ് ചേച്ചിക്കാണ്...... ചേച്ചിയാ എന്നെ ഇങ്ങനെ ഒരുക്കി തന്നത്....

" നിറഞ്ഞ ചിരിയോടെ ഞാൻ പറഞ്ഞത് കേട്ട് അബിയേട്ടൻ സംശയത്തോടെ ചേച്ചിയെ നോക്കി.. "ആര്...?? അനിയോ.....?? ഏയ്‌,,,,, അങ്ങനെ വരാൻ വഴിയില്ലല്ലോ..... സത്യയിട്ടും....?" ചേച്ചിയെ കളിയാക്കി, എന്നെ നോക്കിയും മേലോട്ട് നോക്കിയും വലിയ കാര്യത്തിൽ ചിന്തിച്ചു പറയുന്ന ഏട്ടനെ ചേച്ചി ഒന്ന് മൂളികൊണ്ട് കുറുക്കനെ നോക്കി "അബീ.....!!!!!!" "അബിയേട്ടാ വേണ്ട ട്ടോ..... പാർട്ടി കഴിഞ്ഞു തിരിച്ചു വീട്ടിൽ പോവന്നുള്ളതാ... വെറുതെ വടി കൊടുത്ത് അടി വാങ്ങണോ.....?" ഞാൻ കളിയായി ചിരിയടക്കി പിടിച്ചു ചോദിച്ചത് കേട്ട് ഏട്ടൻ ഒന്ന് പരുങ്ങി ചുറ്റും നോക്കി... "ആ അയ്യോ.... അത് ശെരിയാ.... അതല്ലേ ഞാൻ ആദ്യമേ പറഞ്ഞത്,, എന്റെ അനി ഒരുക്കിയതല്ലേ..... മോശവോ.... ല്ലേ മോളേ അനീ...? എന്റെ അനിയും തകർത്തിട്ടുണ്ട്....." ഏട്ടൻ പൊക്കിയടിക്കുന്നത് കേട്ട് ഞാൻ ചേച്ചിയെ നോക്കി ചിരിച്ചു....ചേച്ചി ഏട്ടനെ നോക്കി കൈ കൂപ്പി "യ്യോ വേണ്ട വേണ്ട.... അധികം സുഖിപ്പിക്കല്ലേ മോനെ ഹ്മ്മം........!!!!" അത് കണ്ടതും ഏട്ടൻ ചേച്ചിയുടെ അടുത്തേക്ക് വന്ന് തോളിൽ കയ്യിട്ട് ചേർത്തു "ഇതാണ് അനിന്റെ ഒരു കുഴപ്പം..... നേര് പറഞ്ഞാൽ വിശ്വസിക്കില്ല.... സത്യയിട്ടും നിങ്ങള് രണ്ടാളും അടിപൊളിയായിട്ടുണ്ട്.... ദേ... ഇവിടെ ആരൊക്കെയോ നിങ്ങളെ കമന്റടിക്കുന്നത് കേട്ടു...

നിന്റെ കൂടെയുള്ള അനു ആരാന്ന് എല്ലാർക്കും അറിയേണ്ടത്...... " ഏട്ടൻ പറഞ്ഞത് വിശ്വസിക്കാത്തെ ചേച്ചി പല്ലി ചിലയ്ക്കുന്ന പോലെ ശബ്‌ദം ഉണ്ടാക്കിയത് കേട്ട് ഏട്ടൻ സിദ്ധുന്റെ അടുത്തേക്ക് പോയി നിന്നു... " ഓകെ.....നീ എന്നെ വിശ്വസിക്കണ്ട സിദ്ധുനെ നിനക്ക് വിശ്വാസമാണല്ലോ....? ചോദിച്ചു നോക്ക്... അല്ലെങ്കിൽ ഞാൻ തന്നെ ചോദിക്കാ ഡാ സിദ്ധു,,,ഞാൻ പറഞ്ഞത് സത്യല്ലേ.....? പറഞ്ഞു കൊട്ട്....??" ഏട്ടൻ സിദ്ധുനോടായ് പറഞ്ഞു... "ഡാ സിദ്ധു..... ഡാ..... ഇവന്നിതെന്തു പറ്റി....??? ഈ ലോകത്തൊന്നും അല്ലേ.....???? ഡാ....!!!!!" ഏട്ടൻ വീണ്ടും വിളിക്കുന്നത് കേട്ട് ഞാനവനെ നോക്കി.... അനിതേച്ചി പറഞ്ഞ പോലെ അവനെന്നെ കണ്ണിമ വെട്ടാതെ നോക്കി നിൽക്കായിരുന്നു... ഒരു നിമിഷം എന്റെ കണ്ണുകൾ അവന്റെ നോട്ടത്തിൽ കുരുങ്ങി... മിന്നലേറ്റ പോലെ തോന്നി... ഞാൻ വെപ്രാളത്തോടെ മുഖം വെട്ടിച്ചു..........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...