🌸എന്നെന്നും എന്റെ മാത്രം 🌸: ഭാഗം 38

രചന: അനു

എല്ലാരും കേക്ക് കട്ട് ചെയ്യാനുള്ള തയാറെടുപ്പിലാണ്,അതോണ്ട് ആരെയും വിളിക്കാൻ നിൽക്കാതെ ഞാൻ പതിയെ അടുക്കളയിലേക്ക് നടന്നു.... കുറച്ചു നടന്നതും നടക്കാൻ പറ്റാത്ത വിധം കാൽ കുഴഞ്ഞു , ശരീരം മുഴുവൻ തണുപ്പ് വ്യാപിക്കുന്നു... കിതപ്പ് വല്ലാതെ കൂടിയതും സപ്പോർട്ടിന് എന്നോണം ചുമര് പിടിച്ചു നടന്ന് എങ്ങനെയോ അടുക്കളയിൽ എത്തി ഫ്രിഡ്ജ് തുറന്ന് ഒരു ബോട്ടിൽ വെള്ളം എടുത്തത് മാത്രേ ഓർമ്മയുള്ളൂ കണ്ണിൽ അപ്പോഴേക്കും ഇരുട്ട് പരന്നിരുന്നു........ ~~~~~~~ എന്റെ പെരുമാറ്റം അവളെ ശെരിക്കും ഞെട്ടിച്ചിട്ടുണ്ടെന്ന് മുഖം കണ്ടാൽ അറിയാം..... ഞാൻ പറഞ്ഞത് കേട്ട് അവള് അലസമായി ചിരിക്കുന്നത് ഞാൻ കണ്ടിരുന്നു..... വള ഇട്ട് കൊടുത്തപ്പോ അവൾക്ക് ചെറുതായി വേദനച്ചിട്ടുണ്ടെന്ന് തോന്നുന്നു അതോണ്ടാ ഞാൻ അമർത്തി പിടിച്ഛ് ഇട്ട് കൊടുത്തത്..... അവള് വേദനിക്കുന്നത് കാണുന്നത് എനിക്ക് എപ്പഴും ഇഷ്ടാ..... എന്തൊക്കെ പറഞ്ഞാലും അവള് എന്നോട് ചെയ്തത് ഈ ജന്മം ഞാൻ മറക്കില്ല..... അവളോട് ഒരിക്കലും ക്ഷമിക്കാനും കഴിയില്ല... പക്ഷേ മനസ്സിലെവിടെയോ ഒരു ചെറിയ സോഫ്റ്റ് കോർണറുണ്ട് അവളോട്...... ഞാനല്ലാതെ വേറെ ആരും അവളെ വേദനിപ്പിക്കുന്നത് എനിക്ക് സഹിക്കാൻ പറ്റില്ല..... അതെന്താന്ന് എനിക്കറിയില്ല.... അന്ന് അനിയുടെ വീട്ടിൽ നിന്ന് വരുമ്പോ ഉണ്ടായ പ്രശ്‌നത്തിൽ ഒരുത്തൻ അവളെ തല്ലാൻ കയ്യോങ്ങുന്നത് കണ്ടപ്പോ എനിക്ക് തോന്നിയ ദേഷ്യം പറഞ്ഞറിയിക്കാൻ പറ്റില്ല... അത്രയ്ക്ക് വലുതായിരുന്നു....

എപ്പഴും അവള് വേദനിക്കുന്നത് തന്നെയാ എനിക്ക് ഏറ്റവും ഇഷ്ടം,, ഞാൻ ആഗ്രഹിക്കുന്നതും അത് തന്നെയാണ് പക്ഷേ അത് നൽകുന്നത് ഞാനായിരിക്കണം..... വേറെ ആരെങ്കിലും അവളുടെ കണ്ണീരിന് കാരണമാക്കുന്നത് എനിക്ക് ഇഷ്ടല്ല...... വീട് മുഴുവൻ ആഘോഷ തിമിർപ്പിലാണ്..... അച്ഛൻ പോയതിന് ശേഷം ഇങ്ങനെയൊരു ഒത്തു കൂട്ടൽ ഇതാദ്യാ...... അതിന്റെ ഒരു സന്തോഷം വീട്ടിലെ എല്ലാവരിലും ഉണ്ട് താനും.... എല്ലാരോടും ചിരിച്ചു കളിച്ചു വർത്തമാനമൊക്കെ പറഞ്ഞു ഓടി നടക്കുന്ന അച്ഛമ്മയെ കണ്ടപ്പോ എനിക്ക് വല്ലാത്ത സന്തോഷംതോന്നി...... ഈ ഒരു കാഴ്ച ഇനി ഒരിക്കലും കാണാൻ പറ്റില്ലെന്ന് കരുതിയതാ... കാരണവന്മാരുടെ ഉപദേശം കേട്ട് ഞാനും ഏട്ടനും ഒരു വഴിക്കായി.. ഇവർക്ക് ഇതെന്നെയാണോ എന്നും പണി..കാണുമ്പോ കാണുമ്പോ ഫ്രീ ആയി കുറേ ഉപദേശം തന്നോളും.... വെറുതെ ഫോൺ കാണിച്ചു കാൾ വരുന്നൂന്ന് പറഞ്ഞു ഏട്ടൻ നൈസ് ആയി മുങ്ങി.... കേക്ക് സെറ്റ് ചെയ്യാൻ ഉണ്ടെന്ന് പറഞ്ഞു നിമ്മി വിളിച്ചതോണ്ടു ഞാനും രക്ഷപ്പെട്ടു..... അവളൊഴിക്കേ ബാക്കി എല്ലാരും അവിടെ പ്രെസെന്റ ആയിരുന്നു..... ആൾ കൂട്ടത്തിനിടയിൽ ഞാനവളെ തിരഞ്ഞെങ്കിലും കണ്ടെത്താൻ കഴിഞ്ഞില്ല.... ആ സോഫയിൽ ഇരിക്കുന്നത് കണ്ടിരുന്നു....

ഇവിടെ പോയോ ആവോ....? കേക്ക് വാങ്ങിയപ്പോ കത്തി വാങ്ങാൻ മറന്നു പോയത് സെറ്റ് ചെയ്യുമ്പഴാ ഓർമ വന്നത്... ഞാൻ വേഗം കത്തിയെടുക്കാൻ അടുക്കളയിലേക്ക് കയറിയപ്പഴാണ് ഫ്രിഡ്ജ് തുറന്ന് വെള്ളമെടുക്കുന്ന അവളെ കണ്ടത്..... അവളെ ഒന്ന് നോക്കി ഞാൻ ഞാൻ കത്തിയെടുത്തതും പുറക്കിൽ നിന്ന് ഒരു സൗണ്ട് കേട്ടു ഞാൻ തിരിഞ്ഞു താഴേക്ക് നോക്കി,അവളുടെ കയ്യിൽ ബോട്ടിൽ നിലത്ത് വീണാതായിരുന്നു.... നേരെ അവളെ നോക്കി തലയിൽ കൈ വെച്ച് ഫ്രിഡ്ജ് ചാരി നിൽക്കുന്ന അവളുടെ അടുത്തേക്ക് ഞാൻ നടന്നു.... ഞാൻ അവളോട് എന്താന്ന് ചോദിച്ചു തോളിൽ തൊട്ടതും അവള് എന്റെ നെഞ്ചിലേക്ക് ചാഞ്ഞു.... "എഡോ,,,, കണ്ണ് തുറക്ക്....? എന്താ പറ്റിയത്....? എഡോ...എഡോ....?" ഞാൻ അവളെ കവിളിൽ തട്ടി വിളിക്കുന്നതും ചോദിക്കുന്നതുമൊക്കെ അവള് അറിയുന്നുണ്ടെങ്കിലും ഉത്തരമായി പതിയെ മൂളുക മാത്രേ ചെയ്യുന്നുള്ളൂ... കണ്ണും പതിയെ തുറക്കാൻ നോക്കുന്നുണ്ട്... പക്ഷേ,, പറ്റുന്നില്ല ന്ന് തോന്നുന്നു..... അവള് വല്ലാതെ വിയർത്തു കുളിച്ചിരുന്നു..... അപ്പഴാണ് ശാരദാമ്മ പെട്ടെന്ന് കിച്ചണിലേക്ക് കയറി വന്നത്..... എന്നെ കാണാഞ്ഞിട്ട് അമ്മ കത്തിയെടുക്കാൻ പറഞ്ഞു വിട്ടതാണെന് തോന്നുന്നു..... അവളെ പിടിച്ചുനിൽക്കുന്ന എന്നെ കണ്ടതും ശാരദമ്മാ വേഗം വെപ്രാളത്തോടെ അടുത്തേക്ക് വന്നു... "അയ്യോ..... മോൾക്ക് എന്തു പറ്റി മോനെ.....?" അവളുടെ കവിളിൽ തലോടി കൊണ്ട് ശാരദമ്മ ആധിയോടെ ചോദിച്ചു...

" അറിയില്ല ശാരദമ്മേ...... തലക്കറങ്ങിയതാണെന് തോന്നുന്നു..... ഇവളിന്നെന്നും കഴിച്ചില്ലേ......?" അവളെ അടക്കി പിടിച്ഛ് കൊണ്ട് ഞാൻ ചോദിച്ചു.... "ഇല്ലന്ന് തോന്നുന്നു മോനേ..... മോളേ ഇന്ന് ഞാൻ ഈ ഭാഗത്തേക്ക് ഒന്നും കണ്ടിട്ടില്ല.... മോൾക്ക് വേണ്ടി ആരും ഫുഡ് എടുക്കുന്നതും കണ്ടില്ല.... ഈ കയ്യും വെച്ചോണ്ട് അതിന് ഒറ്റയ്ക്ക് കഴിക്കാൻ പറ്റില്ലലോ..... സാവത്രിയോടെ മറന്നു പോയിക്കാണും.... പാവം.... രാവിലെ കുടിച്ച കാലി ചായ മാത്രേ കാണൂ വയറ്റിൽ അതാവും തലക്കറങ്ങിയത്...... സമയം ഇത്രയായില്ലേ.... പാവം....... തളർന്നു പോയി......" അവളുടെ മുഖം തഴുകി തലോടി കൊണ്ട് വാത്സല്യത്തോടെ ശാരദമ്മ പറഞ്ഞു... "ശാരദാമ്മ.... കത്തി കൊണ്ട് പോയി കൊടുത്തിട്ട് ഇവളെ പ്രാതല് ഞങ്ങളെ റൂമിലേക്ക് കൊണ്ടുതരാവോ...? ഞാൻ അപ്പോഴേക്കും ഇവളെ കൊണ്ട് കിടത്താം....." "ഓ... അതിനെന്താ മോനെ... മോൻ മോളേയും കൊണ്ട് ചെല്ല്... ഞാനിതാ എത്തി.." എല്ലാരും കേക്ക് കട്ട് ചെയ്യുന്നതിന് ചുറ്റുമായതോണ്ട് ഞങ്ങളെ ആരും ശ്രദ്ധിച്ചില്ല... പോരാത്തതിന് ഞാൻ അവളെയും കൊണ്ട് ലിഫ്റ്റ് വഴിയാണ് റൂമിലെത്തിയത്... അവളെ ബെഡിൽ ചാരികിടത്തി അപ്പഴേക്കും ശാരദാമ്മ ഫുഡും കൊണ്ട് വന്നിരുന്നു.... പ്രാതല് കഴിക്കതോണ്ടാണ് അവൾക്ക് തലകറങ്ങിയതെന്ന് ഓർക്കേ എനിക്ക് ദേഷ്യം വന്നു....

ഫുഡ് കഴിക്കത്തോണ്ട് മരുന്നും കുടിച്ചു കാണില്ല........ ഞാൻ ഗ്ലാസ്സിലെ വെള്ളത്തിൽ വിരൽ മുക്കി പതിയെ അവളെ മുഖത്തേക്ക് തളിച്ചു... ഒരു ഞെട്ടലോടെ അവള് മെല്ലെ കണ്ണ് വലിച്ചു തുറന്നു.. ~~~~~~ മുഖത്ത് തണുപ്പ് വീണതും ഞാൻ ഞെട്ടി കണ്ണു തുറന്ന് നോക്കി,മുന്നിൽ കത്തിക്കയറി നിൽക്കുന്ന സിദ്ധുനെ കണ്ട് ഞാൻ ഒന്ന് പതറി... "നീ പ്രാതല് കഴിച്ചിരുന്നോ....???" അവൻ ദേഷ്യം കടിച്ഛ് പിടിച്ഛ് ശാന്തമായി ചോദിച്ചത് കേട്ട് ഞാനൊന്നും മിണ്ടാതെ ഹെഡ് ബോർഡിൽ തല ചാരി... "നിന്നോടാ ചോദിച്ചത്, നീ ഫുഡ് കഴിച്ചില്ലേന്ന്...???" അവൻ വീണ്ടും ചോദിച്ചു... ഞാൻ അവശതയോടെ കണ്ണ് തുറന്നു.... "ഇല്ല..!!!!" ആരെങ്കിലും എടുത്ത് തരാതെ കഴിക്കാൻ പറ്റാത്ത സ്ഥിതിയിലാക്കിയിട്ട് ചോദിക്കുന്നത് കേട്ടില്ലേ...??? എനിക്ക് സങ്കടം വന്നു.... "കഴിക്ക്......!!" അവൻ ഒരു പ്ളേറ്റ് എന്റെ നേരെ നീട്ടി.... "വേണ്ട...!!!!" ഞാൻ വാശിയോടെ പറഞ്ഞു.... "നിന്നോട് ഫുഡ് വേണൊന്ന് ചോദിച്ചതല്ല,, കഴിക്കാൻ പറഞ്ഞതാ... മനുഷ്യനെ മെനക്കെടുത്താൻ ഓരോന്ന്.....!! നിനക്ക് ആരോടെങ്കിലും പറഞ്ഞൂണ്ടായിരുന്നോ ഫുഡ് കഴിച്ചിട്ടില്ലന്ന്...????" വിശന്നിട്ട് വയർ കത്തുന്നു... കൂടെ അവന്റെ ചീത്തയും... എനിക്ക് സങ്കടം ചങ്കിൽ കെട്ടി..... "എനിക്ക് വേണ്ട.... ഞാൻ ഫുഡ് കഴിച്ചില്ലെങ്കിൽ നിങ്ങൾക്കേന്താ......?

ഒന്നുല്ലല്ലോ...??? പിന്നെന്താ.....?" ഞാൻ വാശിയോടെ നിറഞ്ഞൊഴുകുന്ന കണ്ണോടെ അവനെ നോക്കി ചോദിച്ചു.... "അയ്യോ എനിക്ക് ഒന്നുംല്ലാ.... നീ ഫുഡ് കഴിക്കുന്നത് കാണാനുള്ള കൊതികൊണ്ടൊന്നും അല്ല.... നീ കഴിക്കുന്നതും കഴിക്കാത്തതും എന്നെ ബാധിക്കുന്ന പ്രശ്നവുമല്ല.... " അവൻ പരിഹാസത്തോടെ പറഞ്ഞു.... എന്റെ കണ്ണുകൾ വീണ്ടും നിറഞ്ഞൊഴുകി.... "പക്ഷേ,,,, നിനക്ക് എന്തെങ്ങിലും പറ്റിയാൽ ഞാൻ വേണല്ലോ കൊണ്ട് ഓടാൻ.....??? മര്യാദയ്ക്ക് ഫുഡ് കഴിക്കുന്നതാ നിനക്ക് നല്ലത്..... വെറുതേ എന്നെ ദേഷ്യം പിടിപ്പിക്കരുത്....!!!!?" അവൻ ദേഷ്യത്തോടെ പല്ല് കടിച്ഛ് പറഞ്ഞു... ഞാൻ വാശിയോടെ അവനെ നോക്കി.... "എനിക്ക് വേണ്ട...!!!!" ദേഷ്യത്തോടെ പറഞ്ഞു കൊണ്ട് ഞാൻ മുഖം സൈഡിലേക്ക് വെട്ടിച്ചു.... ~~~~~~~~~ അല്ലെങ്കിൽ തന്നെ കൈ പൊട്ടിയിരിക്കാ അതിന്റെ കൂടെ ഇവള് ഫുഡും മരുന്നും കഴിക്കാതിരുന്നാലെങ്ങനാ.....??? അപ്പഴാ അവളുടെ ഒടുക്കത്തെ ഒരു വാശി......!!!!! താഴെയാണെങ്കിൽ എല്ലാരും ഞങ്ങളെ അന്വേഷിക്കുന്നുണ്ടാവും.... എല്ലാം കൂടി ദേഷ്യം മുഴുവൻ ഡ്രോയറിന്റെ മുകളിൽ വെച്ച ഫ്ലവർ വേസിൽ കാണിച്ചു.... അതെടുത്ത് എറിഞ്ഞു ഉടച്ചു കൊണ്ട് ഞാൻ ദേഷ്യത്തോടെ പ്ലേറ്റ് അവൾക്ക് നീട്ടിയതും അവള് ഞെട്ടി വിറയ്ച്ഛ് പേടിയോടെ വേഗം വാങ്ങി മടിയിൽ വെച്ചതും ഞാൻ സോഫയിൽ ചെന്നിരുന്നു....

പക്ഷേ,,,, അവള് കഴിക്കാതെ പ്ലേറ്റിലേക്ക് നോക്കി കണ്ണീരൊഴുകുന്നത് കണ്ട് വീണ്ടും ചീത്ത പറയാൻ എണീറ്റപ്പഴാണ് കയ്യിലെ പ്ലാസ്റ്റർ ശ്രദ്ധിച്ചത്....... ഞാൻ ദേഷ്യം പിടിക്കും ന്ന് കരുതി കണ്ണീരോടെ അവള് ഇടത്തേ കൈക്കൊണ്ട് കഴിക്കാൻ നോക്കിയെങ്കിലും മുറിച്ചെടുക്കാൻ കഴിഞ്ഞില്ല.... ഒരു നേടുവീർപ്പോടെ ഞാനവളുടെ അടുത്ത് ബെഡിൽ പോയിരുന്ന് പ്ളേറ്റ് വാങ്ങി ഇടത്തേ കയ്യിലേക്ക് പിടിച്ഛ് ചപ്പാത്തി മുറിച്ച് കറിയിൽ മുക്കി വായിലേക്ക് നീട്ടിയതും അവള് വാ തുറക്കാതെ കണ്ണീരോടെ എന്നെ നോക്കി ദഹിപ്പിച്ചു കൊണ്ട് മുഖം വെട്ടിച്ചു.... "കഴിക്ക്...???" ഞാൻ ശാന്തമായി പറഞ്ഞു... അവള് സൈഡിലേക്ക് മുഖം വെട്ടിച്ഛ് തന്നെ ഇരുന്നു..... *"കഴിക്കെടീ...!!!!" ഞാൻ ദേഷ്യത്തോടെ അലറി... ഞൊടിയിടയിൽ അവൾ വാ തുറന്നു.... അവളെ കവിളിലൂടെ കണ്ണീര് ഒളിച്ചിറങ്ങി.... എന്നെ തന്നെ നോക്കി കഴിക്കുന്ന അവളെ ഞാൻ മനപ്പൂർവ്വം കണ്ടില്ലെന്നു വെച്ചു.... അവളുടെ നോട്ടം എന്നെ വല്ലാതെ പിടിച്ചു കുലുക്കുന്നത് പോലെ...... ~~~~~~~~~ ഇവൻ ആരാ....??? എന്താ അവന്റെ സ്വഭാവം.....??? കുറച്ചു നേരത്തെ കണ്ടയാളിൽ നിന്നും തികച്ചും വ്യത്യസ്തനാണ്.... ഇതിൽ ശെരിക്കും സിദ്ധു ഏതാ.....??? ഹോ.... ഞാൻ മറന്നു.... നേരത്തെ കണ്ടത് ഞാൻ ചെയ്തു കൊടുത്തതിന്റെ പ്രത്യുപകാരം ചെയ്തത് ആണല്ലോ... ല്ലേ..? അവന് എങ്ങനെ ഇങ്ങനെയൊക്കെ പെരുമാറാൻ കഴിയുന്നു.....? ഒരാളെ സഹായിക്കുന്നത് ഇത്രയ്ക്കും വലിയ തെറ്റാണോ എന്റെ കൃഷ്ണാ.....

ഞങ്ങളിൽ ആരുടെ ഭാഗത്താണ് ശെരി.....???? ആരുടെ ഭാഗത്താണ് നീയുള്ളത്.....???? എന്നെ എങ്ങനെ ദ്രോഹിക്കാൻ മാത്രം..... ഞാൻ.... ഞാൻ...... എന്നെ എത്രയൊക്കെ ദ്രോഹിച്ചിട്ടും അവന് മതിയായില്ലേ....? എന്നെ ഒന്ന് നോക്കുക പോലും ചെയ്യാതെ അവൻ ചപ്പാത്തി കഴിപ്പിച്ചോണ്ടിരുന്നു.... പക്ഷേ വറ്റാത്ത കണ്ണീരോടെ ഞാനവനെ കണ്ണെടുക്കാതെ നോക്കിയിരുന്നു..... കഴിച്ഛ് കഴിഞ്ഞു താഴെ എത്തിയപ്പോഴേക്കും കേക്ക് കട്ടിങോക്കെ കഴിഞ്ഞ് എല്ലാരും ഞങ്ങളെ തിരിയാൻ തുടങ്ങിയിരുന്നു... അതോണ്ട് തന്നെ സ്റ്റയർ ഇറങ്ങി താഴെ എത്താൻ നേരമില്ലാതെ ഓരോരുത്തർ ചോദിക്കാനും തുടങ്ങി... കണ്ട ഉടനെ ദേവു എന്നേയും സിദ്ധുനേയും ഒരുപാട് ചീത്ത പറഞ്ഞു... കേക്ക് കട്ടിങ് സമയത്ത് എവിടെയായിരുന്നെന്നും മറ്റും ചോദിച്ചോണ്ട്.... ഞാൻ ഒന്നും മിണ്ടാതെ ചിരിച്ചു നിന്നെങ്കിലും സിദ്ധു എന്തൊക്കെയോ പറഞ്ഞൊപ്പിച്ചു..... ദേവു ഞങ്ങളെ രണ്ടാളേയും കൂട്ടി ടേബിളിന്റെ അടുത്തേക്ക് നടന്ന് കട് ചെയ്ത കേക്കിൽ നിന്ന് ഒരു കഷ്ണം മുറിച്ചെടുത്ത് ആദ്യം എനിക്കും അതിന്റെ ബാക്കി സിദ്ധുനും വായിൽ വെച്ചു കൊടുത്തു..... തിരിച്ചു ഒരു പീസ് മുറിച്ഛ് ഞാനും സിദ്ധുവും ദേവൂന്റെ വായ്യിൽ വെച്ചു കൊടുത്തു....കൂടാതെ പിറന്നാൾ സമ്മാനമായി എന്റെ വക ദേവൂനെ കെട്ടിപ്പിടിച്ചു ഒരു ഉമ്മ കൊടുത്തു..... ഉച്ചയിലെ ഗംഭീരമായ സദ്യയോടെ പിറന്നാൾ ആഘോഷം ഭംഗിയായി അവസാനിച്ചു.... എല്ലാരും വലിയ സന്തോഷത്തിലാണ് തിരിച്ചു പോയത്.....

അമ്മയും ദേവുവും ഇന്ന് ഫുൾ ഹാപ്പിയായിരുന്നു.... കസിൻസ് എല്ലാരും കൂടി കൂടിയാൽ പിന്നെ നല്ല രസമാ,,, എല്ലാരും കട്ട കമ്പിനിയാണ്.... വെല്യമ്മാരും ചെറിയമ്മമാരും അവരുടെ മക്കളും മക്കളെ മക്കളും ഒരു ഉത്സവത്തിനുള്ള ആളും ബഹളവും വീട് പൂരപ്പറമ്പ് പോലെയുണ്ട്.... വൈക്കുനേരമായപ്പോ തന്നെ എല്ലാരും തിരിച്ചു പോയി വീണ്ടും ഞങ്ങൾ മാത്രമായി ഈ വലിയ വീട്ടിൽ... പക്ഷേ എല്ലാരും കൂടി വീടൊക്കെ നന്നാക്കി വൃത്തിയാക്കി എടുത്തപ്പഴേക്കും പാതിരാത്രിയായി..... ഞാൻ വെറുതെ ഇതൊക്കെ നോക്കിനിന്നതല്ലാതെ ഒന്നും ചെയ്യാൻ സമ്മതിച്ചില്ല..... ഉണ്ണി വൈകുന്നേരം തന്നെ തിരിച്ചു പോയി.... അവൻ അല്ലെങ്കിലും അങ്ങനെ തന്നെയാ വന്നാൽ നിൽക്കാൻ നേരമില്ലാതെ പോവും.... ഏട്ടനും ഏട്ടത്തിയും നാളെ രാവിലെത്തെ ഫ്ളൈറ്റിന് പോവും കൂടെ ഇപ്രാവശ്യം കനിയും പോവുന്നുണ്ട്... എന്റെ കൈ പൊട്ടിയതോണ്ട് എന്നേയും അവളേയും കൂടി നോക്കാനാവില്ലല്ലോ... അല്ലെങ്കിൽ കനിയുടെ കാര്യങ്ങൾ ഒക്കെ ഞാനാ നോക്കിയിരുന്നത്... അവളില്ലാതെ എനിക്കിപ്പം പറ്റാതായി എപ്പഴും,,, എന്റെ കയ്യിൽ തൂങ്ങി ഉണ്ടാവും... അതോണ്ട് പോവാ ന്ന് പറഞ്ഞപ്പോ ഒരു സങ്കടം... ഒറ്റക്കാവുന്ന പോലെ... പക്ഷേ അവള് നല്ല ത്രില്ലിലാണ്...

പപ്പയുടെയും മമ്മയുടെയും കൂടെ നിൽക്കാൻ ഏത് കുഞ്ഞുങ്ങളാ ആഗ്രഹിക്കാത്തത്.....!!!! നാളെ വൈകുന്നേരം നിമ്മി കൂടെ പോയാൽ ഞാൻ തീർത്തും ഒറ്റപ്പെട്ടും..... പിന്നെയുള്ളത് ആ കോന്തൻ കണാരനാ.... അതു ഉള്ളതും ഇല്ലാത്തതും കണക്കാ..... അമ്മയും ദേവുവും എന്നെ ഒന്ന് അനങ്ങാൻ പോലും സമ്മതിക്കില്ല..... മൊത്തത്തിൽ ഞാൻ ബോറടിച്ചു ചാവും.... രാത്രി കിടക്കാൻ ഒരുപാട് വൈക്കിയതോണ്ട് കിടന്ന പാടെ ഞാൻവേഗം ഉറങ്ങി..... ~~~~~~~~~~~ താഴേക്കിറങ്ങിയതും എവിടായിരിയുന്നു...??എന്താക്കായിരുന്നു..??? എന്നൊക്കെയുള്ള ചോദ്യങ്ങൾ കൊണ്ട് എല്ലാരും കൂടി ഞങ്ങളെ പൊതിഞ്ഞു.... ഞാൻ എന്തൊക്കെയോ പറഞ്ഞൊപ്പിച്ചു.... കത്തിയെടുക്കാൻ പോയ എന്നെ പിന്നെ കാണുന്നത് ഇപ്പഴാണ് അതും അവളുടെ കൂടെ മതിയല്ലോ... കസിൻസ് ഒക്കെ ഒരുമാതിരി മുക്കിയും മൂളിയും കളിയാക്കി കൊന്നു... കൂട്ടത്തിൽ അച്ഛമ്മന്റെ വക കുറേ ചീത്തയും കൂടെ ആയപ്പോ തൃപ്തിയായി.... പിന്നെ വേഗം പിടിച്ചോണ്ട് പോയി എനിക്കും അവൾക്കും കേക്ക് വായിൽ വെച്ചു തന്നു... ഞങ്ങള് തിരിച്ചും കൊടുത്തു... അവള് കെട്ടിപ്പിടിച്ചു ഉമ്മ കൊടുത്തു പിറന്നാൾ സമ്മാനമായി..... ഞാൻ എന്താ കൊടുത്തതെന്ന് നിങ്ങള് വിചാരിക്കുന്നുണ്ടാവും... അച്ഛമ്മ ഇന്നിട്ടിരിക്കുന്ന സെറ്റ് സാരി ഞാൻ വാങ്ങി കൊടുത്തതാണ്.... എല്ലാകൊല്ലവും അച്ഛൻ വാങ്ങി കൊടുക്കുന്ന സാരിയാണ് അച്ഛമ്മ പിറന്നാളിന് ഇട്ടിരുന്നത്... ഇപ്രാവശ്യം ഞാൻ വാങ്ങി കൊടുത്തു....

ഇന്നലെ രാത്രി കൊണ്ട് കൊടുത്തപ്പോ കൊടുത്തപ്പോ അച്ഛമ്മയുടെ കണ്ണിൽ വെള്ളം നിറഞ്ഞിരുന്നു... അച്ഛമ്മയ്ക്ക് ഒരുപാട് ഇഷ്ടായിരുന്നു അച്ഛനെ..... സ്വന്തം ചിതക്ക് തീ കൊളുത്തേണ്ട മോൻ മരിച്ചു കിടക്കുന്നത് കാണേണ്ടി വന്ന നിർഭാഗ്യവതി..... പിറന്നാള്ക്കാരി അച്ഛമ്മയാണെങ്കിലും അവളായിരുന്നു സ്റ്റാർ.... എല്ലാർക്കും അത്ഭുതമായിരുന്നു അച്ചമ്മയെ കണ്ടപ്പോ... എല്ലാത്തിനും കാരണം എന്റെ മോളാണ് എന്നും പറഞ്ഞു അച്ഛമ്മ അവളെ ചേർത്തു പിടിച്ചിരുന്നു.. വല്യമ്മമാർക്കും ചെറിയമ്മമാർക്കും കസിൻസിനും എല്ലാർക്കും എന്തിനും ഏതിനും അവള് മതി..... കൈ പൊട്ടിയതാണെങ്കിലും എല്ലാത്തിനും അവളായിരുന്നു മുന്നിൽ..... ദൂരെ നിന്ന് ഞാനിന്നവളെ ഒരുപാട് നേരം നോക്കിനിന്നിരുന്നു.... സംസാരിക്കുമ്പോ അവളുടെ മുഖം കാണാൻ ഒരു പ്രത്യേക ഭംഗിയാ.... മുഖത്ത് നിറഞ്ഞ പുഞ്ചിരിയും വിടരുന്ന കണ്ണുകളും.... പക്ഷേ അവളോട് അടുക്കാൻ മാത്രം എന്നെ എന്തോ തടയുന്നുണ്ട്.... ഒരു പക്ഷേ അച്ഛന്റെയും ആമിയുടേയും ഓർമക്കളാവാം.... അവളെ കണ്ണുമ്പോ കൺ മുന്നിൽ നിറയുന്ന മരിച്ഛ് കിടക്കുന്ന എന്റെ അച്ഛന്റെ രൂപം,,,, അതെനിക്ക് ഒരിക്കലും മറക്കാൻ സാധിക്കില്ല....!!!! ഉച്ചയ്ക്ക് ഫുഡ് കഴിഞ്ഞു എല്ലാരും പോയ കൂട്ടത്തിൽ ഉണ്ണിയും പോയി.... നാളെ ഏട്ടനും ഏട്ടത്തിയും പോവും കൂടെ കനിയും... അവളെ വല്ലാതെ miss ചെയ്യും... എപ്പഴും സംസാരിച്ചോണ്ടിരിക്കും പെണ്ണ്... ഒരു പ്രത്യേക രസാ കേൾക്കാൻ..... നിമ്മി കൂടി പോയാൽ വീട് ഉറങ്ങിയപ്പോലെയാവും... രാത്രി കിടക്കാൻ ഒരുപാട് വൈക്കി.... ഓഫീസിലെ വർക്ക്സ് കുറച്ചു പെൻഡിങ് ഉണ്ടായിരുന്നു...... അതോണ്ട് തന്നെ കിടന്നതും ഉറങ്ങി.............തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...