🌸എന്നെന്നും എന്റെ മാത്രം 🌸: ഭാഗം 40

രചന: അനു

ചേച്ചി സംശയത്തോടെ ചോദിച്ചു.... "അത്... അത് തന്നെയാ എനിക്കും..... ആ ജ്യൂസ്.... അത് കുടിച്ചതിന് ശേഷാണ് ഇങ്ങനെ..... അതിനൊരു ചവർപ്പ് എനിക്ക് ആദ്യമേ ഫീൽ ചെയ്തിരുന്നു.. നാക്കൊക്കെ കുഴയുന്ന പോലെ...!!!" ~~~~~~~~~~~ ജയന്റെ കാൾ വന്നപ്പഴാണ് അനിയുടെ വാക്കുകളിൽ പെട്ട് വീർപ്പുമുട്ടി പോയ ഭ്രാന്തമായ ചിന്തക്കളിൽ നിന്ന് മുക്തമായത്.... ഞാൻ കാൾ അറ്റൻഡ് ചെയ്ത് പാർക്കിങ് ഏരിയലേക്ക് നടന്നപ്പോ അവരെയും കൂട്ടി വരാൻ അബിയെ ഏൽപ്പിച്ചിരുന്നു..... പാർക്കിംഗ് നിന്ന് വണ്ടി മുന്നോട് എൻട്രൻസിലേക്ക് കയറ്റി ഇടുമ്പഴാണ് അവിടെ അവളും അനിയും അബിയും കൂടി നിന്നോണ്ട് ഒരു കശപിശ ശ്രദ്ധിച്ചത് കാർ സൈഡിലേക്ക് ഒതുകിയിട്ട് ഇറങ്ങി അവരുടെ അടുത്തേക്ക് നടന്നെത്തുമ്പോ ചുമരിൽ ചാരി നിന്ന് അവള് പറയുന്നത് ഞാൻ കേട്ടിരുന്നു....

ജ്യൂസ് കുടിച്ചതിന് ശേഷമാണ് തുടങ്ങിയതെന്ന് പറഞ്ഞപ്പോ ഞാനും അനിയും സംശയത്തോടെ അബിയെ നോക്കി.... എനിക്ക് അപ്പഴേ ഡൗട്ട് തോന്നിയതാ,,, അബിയാണെങ്കിൽ ഞാനൊന്നും അറിഞ്ഞില്ലേ രാമ നാരായണാ എന്ന മട്ടിൽ മുകളിലേക്ക് നോക്കി നിൽപ്പാ.... ഞാനവന്റെ കോളറിൽ പിടിച്ചു വലിച്ചോണ്ട് കുറച്ചു മാറ്റി നിർത്തി കഴുത്തിന് കുത്തിപ്പിടിച്ച് ചുമറിനോട് ചേർത്തു..... "സത്യം പറയെടാ പന്നീ.... എന്ത് പണിയാ നീ ഒപ്പിച്ചു വെച്ചത്......?? നിന്റെ മുഖം കണ്ടാൽ അറിയാം നീ കാര്യമായിട്ട് എന്തോ പണിത്തിട്ടുണ്ടെന്ന്...??? സത്യം പറഞ്ഞോ,,,, അല്ലെങ്കിൽ പറപ്പിക്കും ഞാൻ... *പറയെടാ തെണ്ടി.....!!!!"

അവന്റെ കഴുത്തിൽ ഞെക്കിപ്പിടിച്ഛ് ഞാൻ അലറിയതും അവൻ മരണ വെപ്രാളത്തോടെ എന്റെ കൈ തട്ടി മാറ്റാൻ ശ്രമിച്ഛ് കൊണ്ട് ചുമയ്ക്കാൻ തുടങ്ങി... "ഹൊ.... ഹൊ.... ടാ... വിടെടാ കോപ്പേ.... ഹമ്മേ എന്റെ കഴുത്ത്....!!!! കഴുത്ത് ഞെക്കി പിടിച്ച് പറയാൻ പറഞ്ഞാൽ ഞാനെങ്ങനെ പറയുമെടാ തെണ്ടീ..... വിട്ടടാ വിട്ട്......!!!!" അവൻ പറഞ്ഞത് കേട്ട് ഞാൻ പിടി വിട്ടു... "ആ വിട്ട്.... ഇനി പറ,,,,, നീ എന്താ അവൾക്ക് കൊടുത്ത ജ്യൂസിൽ എന്തെങ്കിലും മിക്സ് ചെയ്തൊ....??" കഴുത്തിൽ നിന്ന് പിടിവിട്ട് കോളറിൽ പിടിച്ചു കൊണ്ട് ഞാൻ വീണ്ടും ചോദിച്ചതും അവൻ ബലമായി എന്റെ പിടിച്ച് മാറ്റി കുറച്ഛ് വിട്ടനിന്നു ഞെഞ്ചിൽ കൈ വെച്ഛ് തടവാൻ തുടങ്ങി... "ഹമ്മേ എന്റെ മക്കൾക്ക് തന്ത ഇല്ലാതെ ആകുമായിരുന്നല്ലോ മഹപാപി....

കുറച്ചൂടെ പിടിച്ചിരുനെങ്കിൽ ഞാൻ ചത്തേനെ.... !!!!!! ഹൊ... ഹൊ.... അമ്മേ....!" അബി *"ഡാ അബി... എന്റെ ക്ഷമ നശിച്ചു നിൽക്കാ...... പറയെടാ നാറീ....???"* വീണ്ടും അവന്റെ കോളറിൽ പിടിച്ഛ് ഉലച്ഛ് ഞാൻ അലറി... "കൂൾ മാൻ... കൂൾ....!!!!! പറയാം,,,,, ചൂടാവല്ലേടാ കുട്ടാ.... ഓർമയുണ്ടോ നിനക്ക് അന്ന് ഞങ്ങളെ ഫസ്റ്റ് നെറ്റിന്ന് നീ അനിക്ക് കൊടുത്ത ജ്യൂസ്.... ഞാൻ അത് അതുപോലെ ഒരെണ്ണം നിന്റെ ഭാര്യയ്ക്കും കൊടുത്തു.... അത്രേള്ളൂ.....!!!!" ഒരു കൂസലില്ലാതെ തെല്ല് ലാഘവത്തോടെ അവൻ പറഞ്ഞത് കേട്ട് ഞാൻ തലയിൽ കൈ വെച്ചു... " എടാ ദുഷ്ടാ..... ഹോട്ട് വോഡ്ക്ക മിക്സ് ചെയ്താണോ കൊടുതത്....???" ഞാൻ വെപ്രാളത്തോടെ ചോദിച്ചു....

"ആഹാ... നല്ല ഓർമണ്ടല്ലോ....!!! അന്ന് അനിക്ക് ജ്യൂസ് കൊടുത്ത്, നീ നിന്റെ പണിക്ക് പോയി ബാക്കി കൊണ്ടതും സഹിച്ചതുമൊക്കെ ഞാനാണ് മോ.......നെ...!!!!" അവൻ നീട്ടി വിളിച്ചു.... "ആ രാത്രി എനിക്ക് ഒരിക്കലും മറക്കാൻ കഴിയില്ല,,,,, ഈ രാത്രി നിനക്കും....!!!" അവനെന്നെ കൊഞ്ചിച്ഛ് റൊമാന്റിക്കായി പയ്യെ പറഞ്ഞത് കേട്ട് ഞാനവനെ നോക്കി പല്ല് കടിച്ചു.... "പിന്നെ വളരെ പ്രധാനപ്പെട്ട ഒരു കാര്യം.... നല്ല ഹോട്ട് വോഡ്ക്കയാണ് മോനെ,,,, so,,,നാളത്തേക്ക് അവൾക്ക് ഒന്നും ഓർമ കാണില്ല... നില മറന്ന് ഒന്നും ചെയ്തേക്കല്ലേ അളിയാ....??? നല്ല സെൽഫ് കണ്ട്രോൾ വേണം കേട്ടോ... ok....???"

വല്ലാത്തൊരു മൂഡിൽ അവൻ പറഞ്ഞത് കേട്ട് ദേഷ്യത്തോടെ ഞാനവനെ നോക്കി.... "ടാ നിന്നെ ഞാ.....??" ഞാൻ ദേഷ്യത്തോടെ അലറി കൊണ്ട് അവന്റെ കഴുത്ത് പിടിക്കാൻ ആഞ്ഞതും ആ തെണ്ടി അവളുമാരുടെ അടുത്തേക്ക് ഓടിയിരുന്നു.... അയ്യോ,,,, ഇവളെ,,,, ഇങ്ങനെ,,,, എങ്ങനെ,,,, "ഡാ അബി.... നിനക്ക് തന്ന പണി നീ തിരിച്ചു തന്ന് പകപോക്കിയതാ അല്ലെടാ..... " അവന്റെ പുറക്കെ നടന്ന ഞാൻ വിളിച്ച് കൂവിയപ്പഴേക്കും അവൻ കാർ പാർക്കിങ്ങിലേക്ക് ഓടിയിരുന്നു... ഞാൻ എൻട്രന്സിലേക്ക് എത്തിയതും അബി കാറിൽ അമ്മയേയും മക്കളെയും സച്ചൂനേയും കയറ്റി ഇരുത്തിയിരുന്നു...... അവന്റെ അമ്മ കൂടെയുള്ളതോണ്ട് ആ കോപ്പിനെ ഒന്നും പറയാനും വയ്യ.... വണ്ടി മുന്നോട്ട് എടുത്തതും അനി അവളെ ഭദ്രമായി എന്നെ ഏൽപ്പിച്ചു....

എന്നെ കണ്ടതും ഏതാണ്ട്‌ ആദ്യായിട്ടാ കാണുന്ന പോലെ സിദ്ധുന്ന് വിളിച്ഛ് ചിരിച്ഛ് കൊണ്ട് അവളെന്റെ മേലേക്ക് വീണു... ഞാൻ വേഗം പിടിച്ചു നേരെ നിർത്തി.... അനി പോവാണെന്ന് പറഞ്ഞതും അവള് കെട്ടിപ്പിടിക്കല്ലോ, ഉമ്മ വെക്കലോ, ബൈ പറയല്ലോ, എന്തൊക്കെയോ ചെയ്തു കൂടുന്നുണ്ട്.... ഇവളെയും കൊണ്ട് ഈ സ്ഥിതിയിൽ വീട്ടിൽ എത്തുന്നത് ആലോചിച്ചിട്ട് തന്നെ പേടിയായി....!!! ഇവളെ പെരുമാറ്റവും എന്നോട് ചേർന്നുള്ള നിപ്പും എല്ലാം കൂടി കണ്ടപ്പോ എനിക്ക് ഒരു കാര്യം ഉറപ്പായി,,,,, ഇന്നത്തോടെ എന്റെ കാര്യത്തിൽ ഒരു തീരുമാനമാകും....!!!! അബി കാർ സ്റ്റാർട്ട് ചെയ്തു എന്നെ നോക്കി all the best ഉം ഞാൻ പറഞ്ഞതൊക്കെ ഓർമ ഉണ്ടല്ലോ എന്ന രീതിയിൽ കയ്യോണ്ട് ആംഗ്യം കാണിച്ചു.... തെണ്ടി.....!!!!!

ഞാൻ അടിക്കാൻ കൈയ്യോങ്ങിയതും എന്നെ നോക്കി സൈറ്റ് അടിച്ചു അവൻ വണ്ടി വേഗത്തിൽ മുന്നോട്ടെടുത്തു.... വേറെയാരും ഇല്ലാത്തത് ഭാഗ്യായി.... ഉണ്ടെങ്കിൽ എല്ലാരുടെയും മുന്നിൽ നാണം കെട്ടേനെ.... അവര് പോയതും ഞാൻ അവളെ പിടിച്ചു വണ്ടിയിലേക്ക് നടന്നു.... don't touch me......ok ......????? ഇങ്ങനെ പിടിച്ചു നടത്തിക്കാൻ ഞാൻ കൊച്ചു കുട്ടിയൊന്നുംല്ല..... എനിക്കറിയാം നടക്കാൻ.... ok....???? u just follow me.... understand....??? ഞാൻ അവളെ follow ചെയ്യണം പോലും.... ഇവള് ഒരു നടയ്ക്ക് പോവൂന് തോന്നുന്നില്ല.... എന്റെ കൈ തട്ടിമാറ്റി കൊണ്ട് അവള് മുന്നോട്ട് നടന്ന് തുടങ്ങി.... ചെരുപ്പ് നല്ലോണം പണിക്കൊടുക്കുന്നുണ്ട്.... വളഞ്ഞു പുളഞ്ഞാണെങ്കിൽ നടന്ന് കാറിന്റെ അടുത്തെത്തി ബാക്ക് ഡോർ തുറന്ന് കേറിയിരുന്നു... ഒരടി വിട്ട് ഒരു സേഫ് ഡിസ്റ്റൻസിൽ ഞാനും അവളുടെ പുറകിൽ നടന്നിരുന്നു....

ഇപ്പൊ വീഴുംന്ന് പറയാൻ പറ്റില്ലല്ലോ... വീണാലും ഞാൻ തന്നെ വേണ്ടേ പിടിക്കാൻ... വണ്ടിയിൽ കയറി ഒഴിഞ്ഞ ഡ്രൈവിങ് സീറ്റിലേക്ക് നോക്കിക്കൊണ്ട് അവള് ഡ്രൈവർ വണ്ടി എടുക്കാൻ പറഞ്ഞപ്പോ ഞാൻ അത്ഭുതത്തോടെ ഡ്രൈവിങ് സീറ്റിലേക്ക് നോക്കി.... ആരോടാണാവോ ഈ ആജ്ഞാപിക്കുന്നത്.....??? ദീർഘമായി ഒരു ശ്വാസം വലിച്ചു വിട്ട് ഞാൻ കാറിൽ കേറി ഇരുന്ന് വണ്ടി മുന്നോട്ടെടുത്തു..... അവള് വലത്തോട്ട്, ഇടത്തോട്ട്, നേരെ, വളയ്ക്ക്, എന്നൊക്കെ instructions തരുന്നുണ്ട്... എനിക്കാണെങ്കിൽ ഇങ്ങനെ കലപില ചിലയ്ക്കുന്നത് കേൾക്കുമ്പോ ഭ്രാന്ത് പിടിക്കും... പിന്നെ സ്വബോധം ഇല്ലാത്തൊണ്ടല്ലേന്ന് വിചാരിച്ചു ദേഷ്യം മുഴുവൻ പല്ലിന്റെ മുകളിൽ തീർത്തു.... "ഡോ,,,, ഡ്രൈവറെ... പാട്ട് വെക്കഡോ.....?

ഡോ,,, തന്നോടാ പറഞ്ഞത്... പാട്ട് വെക്കാൻ....?????" ഡ്രൈവർ നിന്റെ...... എന്റെ വായിൽ എന്താണ്ടോക്കെ വരുന്നുണ്ട്..... "തനിക്കെന്താടോ മലയാളം പറഞ്ഞാൽ മനസ്സിലാവില്ലേ.... പാട്ട് വെക്കാൻ...???? മലയാളം അറിയില്ലേ എന്നാൽ ഇംഗ്ലീഷിൽ പറയാം,,,, play the music....!!!!" "ഡീ..... കുറേ നേരമായി നീ തുടങ്ങീട്ട് എനിക്ക് ദേഷ്യം വരുന്നുണ്ട്....!!!!" ഞാൻ ദേഷ്യത്തോടെ കണ്ണാടിയിൽ നോക്കി അലറി... നാശം...!!! "ഡോ.... തന്നെന്താ വിളിച്ചത്....??? ഡീ ന്നോ....??? how dare you to call me like that.....????? ഞാൻ,,,,, ഞാനാരാന്ന് അറിയോ തനിക്ക്....???? Miss. Sidharth..... Miss Anuradha sidharth.....!!!! എടീ പോടീനോക്കെ വീട്ടിൽ പോയി തന്റെ ഭാര്യയെ വിളിക്കാഡോ....???? മര്യാദക്ക് നിന്നാൽ തനിക്ക് കൊള്ളാം,,,

ഇല്ലെങ്കിൽ തന്റെ ജോലി ഞാൻ കളയും.. മനസ്സിലായോ....???? ഡോ...? ഇയാളോട് പാട്ട് വെക്കാൻ പറഞ്ഞാൽ പാട്ട് വെച്ചോണം.... വെക്കേടോ....????" ഞാനിന്ന് ഇവളെ...... സിദ്ധു.... കൂൾ.... നീ അവളെ ശ്രദ്ധിക്കാൻ നിൽക്കണ്ടാ..... നീ നിന്റെ പണി നോക്ക്.... വല്ല തുണിയോ മറ്റോ കിട്ടിയിരുന്നെങ്കിൽ അവളുടെ വായിൽ കുത്തി തിരുക്കാമായിരുന്നു..... ചെവിതല തരാതെ വളവളന്ന് ചിലച്ചോണ്ടിരിക്കാ നാശം.....!!!!!! കേട്ടിട്ട് തല പെരുത് വരുന്നുണ്ട്.... പെട്ടെന്ന് അവള് എന്റെ പുറകിലേക്ക് നീങ്ങിയിരുന്ന് എന്റെ തോളിൽ പിടിച്ചു കുലുക്കാൻ തുടങ്ങി.... "പാട്ട് വെക്ക്..... ഞാനെത്ര നേരയിട്ട് പറയുന്നു....

പാട്ട് വെക്കടാ കോന്താ.....???" ഇതു സഹിക്കാവുന്നതിലും അപ്പുറത്താ.... ഞാൻ വണ്ടി സൈഡാക്കി നിർത്തി ദേഷ്യത്തോടെ അവളെ തിരിഞ്ഞു നോക്കി... ബ്രേക്ക് പിടിച്ചതിന്റെ ഊക്കിൽ അവള് പിന്നിലേക്ക് ചാഞ്ഞിരുന്നു..... "ഡീ... ഇനി മിണ്ടിയാൽ ഞാൻ തൂക്കിയെടുത്ത് പുറത്ത് കളയും മനസ്സിലായോ...???? വാ തുറന്നാൽ നിന്റെ അന്ത്യയിരിക്കും....!!!!! കുറേ നേരമായി....!!!" ഞാൻ ദേഷ്യത്തോടെ പറഞ്ഞു.... "ഡോ.... ഞാനെന്താടോ വല്ല പട്ടികുട്ടിയോ പൂച്ചക്കുട്ടിയോ മറ്റോ ആണോ തൂക്കിയെടുത് പുറത്ത് കളയാൻ...????" അവള് വാശിയോടെ ചോദിച്ചു..... "ഡീ.......!!!!!!????" ദേഷ്യത്തോടെ അലറി വിളിച്ഛ് അവളെ കഴുത്തിന് പിടിക്കാൻ പോയതും, അവള് ആശ്ചര്യത്തോടെ എന്നെ നോക്കി...

പിന്നെ...തലയൊക്കെയൊന്ന് കുടഞ്ഞു കണ്ണൊക്കെ ഒന്ന് അമർത്തി തിരുമ്മി വീണ്ടും നോക്കി.... സൂക്ഷിച്ചു നോക്കി.... പിന്നെ ഒരൊറ്റ ചിരിയായിരുന്നു... എന്നെ വീണ്ടും നോക്കി വീണ്ടും നോക്കി പിന്നിലേക്ക് ചാഞ്ഞിരുന്നു അവള് പൊട്ടി ചിരിച്ചു.... പിന്നെ കയ്യുയർത്തി എന്റെ മുഖത്തേക്ക് ചൂണ്ടി എണ്ണാൻ തുടങ്ങി.... "1,2,3,4,5.....ആഹാ.... ഇപ്പുറത്തെ സൈഡിൽ കൂടി ഒരഞ്ചെണ്ണം ഉണ്ടായിരുന്നെങ്കിൽ നിങ്ങളെ സ്വഭാവത്തിന് perfect match ആയേനെ....!!! രാവണൻ...!!!! അയ്യോ... എനിക്ക് വയ്യ... ചിരിച്ചു ഞാനിന്ന് ചാവും.....!!!!" അവള് വീണ്ടും പൊട്ടിച്ചിരിച്ഛ് പെട്ടെന്ന് ഗൗരവത്തോടെ എന്നെ നോക്കി.... "ഇയാള് പാട്ട് വെക്കുനോ,,,, അതോ ഞാനിതിനക്കത്തു കിടന്ന് കാറികൂവണോ.....????" അവള് ഗൗരവത്തോടെ ചോദിച്ചു...

ഹൊ..... എതു നേരത്താണവോ ഇവളെ കൂട്ടാൻ തോന്നിയത്....????? മ്യൂസിക് പ്ലേയറിന്റെ ബട്ടണിൽ ആഞ്ഞു കുത്തികൊണ്ട് ഞാൻ കാർ മുന്നോട് എടുത്തു.... എടാ അബി..... നിന്നെയിപ്പോ എന്റെ കയ്യിൽ കിട്ടിയാൽ ഉണ്ടല്ലോ മോനെ... ഞാൻ നിന്നെ സ്നേഹിച്ചു കൊല്ലും....!!!! **നിലാവിന്‍റെ നീലഭസ്മ കുറിയണിഞ്ഞവളേ.. കാതിലോല കമ്മലിട്ടു കുണുങ്ങി നിൽപ്പവളേ..... ഏതപൂർവ്വ തപസ്സിനാൽ ഞാൻ സ്വന്തമാക്കി നിൻ രാഗലോല പരാഗസുന്ദര ചന്ദ്രമുഖബിംബം.....** സ്റ്റീരിയോയിൽ നിന്ന് പാട്ട് ഒഴുകി... **തങ്കമുരുകും നിന്‍റെ മെയ് തകിടിലിൽ ഞാനെൻ.... നെഞ്ചിലെ അനുരാഗത്തിൻ മന്ത്രമെഴുതുമ്പോൾ.... കണ്ണിലെരിയും കുഞ്ഞുമൺ ‌വിളക്കിൽ വീണ്ടും.... വിങ്ങുമെൻ അഭിലാഷത്താൽ എണ്ണ പകരുമ്പോൾ....

തെച്ചിപ്പൂഞ്ചോപ്പിൽ തത്തും ചുണ്ടിൻ‌മേൽ ചുംബിക്കുമ്പോൾ ചെല്ലക്കാറ്റേ കൊഞ്ചുമ്പോൾ.... എന്തിനീ നാണം... തേനിളം നാണം...** അവള് ഡോറിന്റെ മുകളിലേക്ക് രണ്ട് കയ്യും കയറ്റി വെച്ഛ് അതിന് മുകളിൽ തല മുന്നോട് ചരിച്ചു വെച്ചു കിടന്നു.... ഡോറിന്റെ പുറത്തേക്ക് എടുത്തിട്ട അവളുടെ നീണ്ട ഇടതൂർന്ന മുടി കാറ്റിൽ പിന്നിലേക്ക് പാറിപ്പറന്നു....!!!! **മേടമാസച്ചൂടിലെ നിലാവും തേടി.. നാട്ടുമാവിൻ ചോട്ടിൽ നാം വന്നിരിക്കുമ്പോൾ.... കുഞ്ഞുകാറ്റിൻ ലോലമാം കുസൃതിക്കൈകൾ നിന്റെയോമൽ പാവാടത്തുമ്പുലയ്ക്കുമ്പോൾ.... ചാഞ്ചക്കം ചെല്ലക്കൊമ്പിൽ ചിങ്കാരച്ചേലിൽ മെല്ലെ താഴം‌പൂവായ് തുള്ളുമ്പോൾ .. നീയെനിയ്ക്കല്ലേ... നിൻ പാട്ടെനിയ്ക്കല്ലേ.....!!**

പാട്ടിന്റെ വരികളിൽ എന്നോണം നിലവിൽ അവളുടെ മുഖം തിളങ്ങുന്നത് സൈഡ് മിററിലൂടെ ഞാൻ നോക്കി... അങ്ങിങ്ങായി തട്ടുകട കാണുമ്പോ തിളങ്ങുന്ന മിഴികളോടെ അവളെന്നെ നോക്കി നിർത്താൻ പറയും...ഞാൻ ശ്രദ്ധിക്കാതെ വണ്ടി മുന്നോട് നോക്കി ഓടിക്കുന്നത് കാണുമ്പോ പിറുപിറുത്തു കൊണ്ട് കണ്ണാടിയുടെ എന്നെ നോക്കി ഗോഷ്ടി കാണിക്കും.... പിന്നെ പിന്നെ അവള് പറയാതെയായി..... പുറത്തേക്ക് തന്നെ കണ്ണും നട്ട് ഇരുന്നു... ഹാവൂ,,,, ഇനി ശല്യം ഒന്നും ഉണ്ടാക്കിലെന് കരുതി ഞാൻ ആശ്വസിച്ചു... പക്ഷേ പെട്ടെന്ന് അവള് അവിടുന്ന് എണീറ്റ് വണ്ടി നിർത്താൻ എന്റെ തോളിൽ പിടിച്ചു കുലുക്കി പറഞ്ഞു....ഞാൻ നിർത്തിലെന്ന് കണ്ടതും അവള ഓടിക്കൊണ്ടിരിക്കുന്ന കാറിന്റെ ഡോർ തുറന്നു.....

"വണ്ടി നിർത്തിയില്ലെങ്കിൽ ഞാനിപ്പം ചാടും...!!!" ഡോർ കാലോളം തുറന്ന് ചാടാൻ ഒരുങ്ങി ഇരിക്കുന്ന അവളെ കണ്ടതും ഞാൻ ബ്രേക്കിൽ ആഞ്ഞു ചവിട്ടി... വണ്ടി ശക്തിയായി മുന്നിലേക്ക് കുതിച്ചു കൊണ്ട് നിശ്ചലമായി..... ഞാൻ തിരിഞ്ഞു നോക്കി എന്തെങ്ങിലും പറയാൻ തുടങ്ങുന്നതിന് മുൻപ് തന്നെ എന്റെ തോളിൽ തട്ടിക്കൊണ്ട് 'good boy' ന്നും പറഞ്ഞ് അവള് വണ്ടിന് ഇറങ്ങി നടന്നിരുന്നു..... നടുറോഡിൽ ആടി ആടി നടക്കുന്ന അവളെ ഞാൻ വായും പൊളിച്ചു നോക്കി.... പെട്ടന്നാണ് വലിയൊരു ലോറി വരുന്നത് കണ്ടത്.... അവള് ലോറിയുടെ ലൈറ്റ് കണ്ട് കൈക്കൊണ്ട് കണ്ണിനെ മറച്ചു ആടിയാടി റോഡിന്റെ നടുവിൽ നിന്നു.... പാഞ്ഞു വരുന്ന ലോറിയേയും ഒന്നും അറിയാതെ നിൽക്കുന്ന അവളേയും മാറിമാറി നോക്കിക്കൊണ്ട് ഞാൻ വേഗം ഡോർ തുറന്ന് അവളുടെ അടുത്തേക്ക് ഓടിച്ചെന്ന് കൈ പിടിച്ചു വലിച്ച് എന്റെ മുന്നിലേക്ക് നിർത്തിച്ചു....

ആ സ്പോട്ടിൽ തന്നെ ഞങ്ങളെ മറികടന്ന് ആ ലോറി പോയിരുന്നു... ഒരു മിനിറ്റ് വൈകിയിരുന്നെങ്കിൽ... ദേഷ്യത്തോടെ അവളുടെ കയ്യിൽ മുറുക്കി പിടിച്ച് എന്നോട് അടുപ്പിച്ചു..... "ഡീ.... നീ ചാക്കാനായിട്ട് ഇറങ്ങിയതാണോ കോപ്പേ...???? ഒരു മിനിറ്റ് വൈക്കിയിരുന്നെങ്കിൽ റോഡിൽ സ്റ്റിക്കറായേനെ....??? ഇങ്ങനെയാണോടി റോഡിൽ ഇറങ്ങി നടക്കുന്നത്... damit.....!!!! വെറുതെ മനുഷ്യനെ മെനക്കെടുത്താനായിട്ട് ഓരോന്ന്.... വാ വന്ന് വണ്ടിയിൽ കയറ്...? ഞാനിത്രയൊക്കെ ഷൗട്ട് ചെയ്തതിന്റെ യാതൊരു ഭാവ വ്യത്യാസവും അവളുടെ മുഖത്തില്ലായിരുന്നു... നിറഞ്ഞ ചിരിയോടെ എന്നെ തന്നെ കണ്ണെടുക്കാതെ നോക്കി നിൽക്കുന്ന അവളെ ഞാൻ സംശയത്തോടെ നോക്കി.... "ഞാൻ ചത്താ,,,,,, കോന്തന് സന്തോഷല്ലേ.....??? ശല്യം ഒഴിഞ്ഞു കിട്ടുമല്ലോ...??? എന്തിനാ പിടിച്ചു മാറ്റിയത്....???"

അവള് കുറുമ്പോടെ കൊഞ്ചി ചോദിച്ചു... ഞാനൊരു നേടുവീർപ്പോടെ മുഖം വെട്ടിച്ചു.... "നീ വന്ന് കാറിൽ കേറ്.....???" ഞാൻ അലക്ഷ്യമായി നോക്കി പറഞ്ഞു.... "അല്ലെ....??? ഞാൻ കോന്തനൊരു ശല്യല്ലേ.... പറ.....????" അവള് വീണ്ടും കൊഞ്ചി... "നിന്നോട് വണ്ടിയിൽ വന്ന് കേറാനാ പറഞ്ഞത്...???" ഞാൻ ഗൗരവത്തോടെ വീണ്ടും പറഞ്ഞു.... അവളെന്റെ നെഞ്ചോട് ചേർന്ന് നിന്നു.... "ആദ്യം ഞാൻ ചോദിച്ചതിന് ഉത്തരം താ..... ladies first.....!!!!! ആണോ...??? അല്ല്യോ...???" "നീ കേറുന്നുണ്ടോ അതോ ഞാൻ പിടിച്ചു കയറ്റണോ...???" ഞാൻ തിരിച്ഛ് ചോദിച്ചു... "അപ്പോ കോന്തന് എന്നെ ഇഷ്ടോക്കെ ആണ്ല്ലേ.....കൊച്ചു ഗള്ളൻ.....!!!!!" അവളെന്റെ വയറ്റിൽ കിള്ളി കൊണ്ട് പറഞ്ഞു... ഞാൻ അന്തം വിട്ട് അവളെ നോക്കി.... "ഏതായാലും വണ്ടി നിർത്തിയതല്ലേ... വാ നമ്മുക്ക് ആ ബീച്ചിൽ ഒന്ന് കേറീട്ട് പോവാം.... plzzz... നല്ല കോന്തനല്ലേ.... plzz... plzz.. plzz....????"

ബീച്ചിലേക്ക് കൈ ചൂണ്ടിക്കാട്ടി എന്റെ കൈ പിടിച്ചു കൊച്ചു കുട്ടിയെ പോലെ അവൾ കൊഞ്ചി.... എന്റെ ഷർട്ടിന്റെ ബട്ടണിൽ പിടിച്ചു കളിച്ചു ചിണുങ്ങി.... എന്റെ മൗനം സമ്മതമാക്കി കൊണ്ട് അവൾ എന്റെ കയ്യും പിടിച്ചു ബീച്ചിലേക്ക് നടന്നു... ഇടക്കിടെ ചെരുപ്പ് സ്ലിപ്പായതും ഞാൻ അവളെ എന്നോട് ചേർത്തു പിടിച്ചു.... വിജനമായ കടൽക്കരയിൽ ഞാനും അവളും മാത്രം.... വീശിയടിച്ച കാറ്റ് അവളുടെ മുടിയിഴകളെ തഴുകി..... അവളുടെ സാരിയുടെ മുന്താണി പാറിപ്പറന്നു എന്റെ മുഖത്ത് തങ്ങി നിന്നു... തിരമാലയ്ക്ക് അനുസരിച്ചു കൊച്ചു കുട്ടിയെ പോലെ അവൾ മുന്നിലേക്കും പിറക്കിലേക്കും ചുവട് വെച്ചോണ്ടിരുന്നു.... തിരമാലകൾ കാലിനെ കവരുമ്പോ അവള് പൊട്ടിച്ചിരിച്ചു കൊണ്ട് എന്നെ നോക്കി തുള്ളിച്ചാടി...

അപ്പഴും അവളെന്റെ കയ്യിൽ മുറുക്കെ പിടിച്ചു..... കുറേ നേരം തിരക്കളോട് മല്ലിട്ട് അവള് കരയിൽ കടലിലേക്ക് കാൽ നീട്ടി ഇരുന്ന് എന്നെ നോക്കി ഇരിക്കാൻ പറഞ്ഞു... ഞാൻ രണ്ട് കയ്യും നെഞ്ചിൽ കെട്ടി അവളുടെ അടുത്തു നിന്നു..... പെട്ടന്നാണ് അവള് എന്റെ കാൽ മുട്ടിന്റെ പിന്നിൽ കൈ കൊണ്ട് വെട്ടിയത്... പ്രതീക്ഷിക്കാതെയുള്ള അറ്റാക്കായത് കൊണ്ട് ഞാൻ അവിടെ ഇരുന്നു പോയി.... കോന്തന് തീരെ അനുസരണ ഇല്ലെന്ന് പറഞ്ഞു അവളെന്റെ കൈ തണ്ടയിൽ രണ്ട് കയ്യും കോർത്തു തോളിലേക്ക് തല വെച്ചു കിടന്നു.... അവളുടെ പാദങ്ങളെ ചുംബിച്ചു കൊണ്ട് തിരമാലകൾ പോയ്ക്കൊണ്ടിരുന്നു.... ആകാശത്ത് ഉദിച്ചുയർന്ന പൂർണ്ണ ചന്ദ്രനേയും നക്ഷത്രങ്ങളെയും കുറിച്ചു അവള് വാ തോരാതെ എന്തൊക്കെയോ പറഞ്ഞോണ്ടിരുന്നു.... ഇടയ്ക്ക് ആകാശത്തൂടെ തിളങ്ങി കടന്ന് പോയ വിമാനത്തെ എന്നെ തോണ്ടി വിളിച്ഛ് കാണിച്ചു തന്ന അവളെ ഞാൻ കണ്ണെടുക്കാതെ നോക്കി നിന്നു...

കാരണം ആ വിമാനത്തിൽ പ്രകാശിച്ചു കളർ ലൈറ്റുകളെക്കാൾ മനോഹരമായിരുന്നു ആ നേരത്തെ അവളുടെ കണ്ണിന്.... ഒരായിരം നക്ഷത്രങ്ങൾ ഒരുമിച്ചു തെളിഞ്ഞ പോലെ അത്രയ്ക്ക് ഭംഗിയായിരുന്നു.... അവളെ മുഖത്ത് നിറഞ്ഞു നിന്ന ആ excitement.... ചുണ്ടിൽ നിറഞ്ഞ പാൽ പുഞ്ചിരി.....!!!! വീണ്ടും എന്റെ തോളിലേക്ക് ചാരിയിരുന്നുക്കൊണ്ട് അവള് സംസാരിക്കാൻ തുടങ്ങി.... കോന്താ....????? കോന്താ.....???? എഡോ കോന്തൻ കണാരാ.....???? എനിക്കറിയാം ഇയാൾക്ക് ഞാൻ മിണ്ടുന്നത് പോലും ഇഷ്ടല്ലന്ന്..... ഇയാൾക്ക് എന്നോട് വെറുപ്പും ദേഷ്യവും പകയുമാക്കെ അല്ലെ....???? ഹ്മ്മം...??? ഞാൻ ആമിയെ സഹായിച്ചതോണ്ടല്ലേ ഇയാളെന്നെ കല്യാണം കഴിച്ചത്.... അതും ഭീഷണി പെടുത്തി.....!!!! പക്ഷേ,,, ഞാനെന്തിനാ ആമിയെ ഹെല്പ് ചെയ്തതെന്ന് ഇയാള് എന്നോട് ഇതുവരെ ചോദിച്ചില്ലല്ലോ...????

അവളുടെ ആ ചോദ്യം എന്നിൽ വലിയൊരു സംശയത്തിന് വഴിയൊരുക്കി... ഞാൻ നെറ്റി ഞുളിച്ഛ് അവളെ നോക്കി... പക്ഷേ,,, അവളപ്പഴും കടലിലെ തിരക്കളിൽ നീരാടുന്ന ബോട്ടുക്കളെ നോക്കി എന്റെ തോളിൽ തന്നെ ചാരി കിടന്നു..... കുറച്ചു കഴിഞ്ഞപ്പോ അവളെന്നെ തിരിഞ്ഞു നോക്കി ഒന്ന് ചിരിച്ചു.....!!! "കോന്തൻ ഇതുവരെ ചോദിച്ചില്ലല്ലോ...???" അവള് വീണ്ടും പ്രത്യാശയോടെ ചോദിച്ചു... "എന്തിനാ....???" ഞാൻ സംശയത്തോടെ ചോദിച്ചതും അവളെന്റെ അടുത്തേക്ക് വന്ന് പതുക്കെ ശബ്‌ദം താഴ്ത്തി.... "അതൊരു രഹസ്യാ..... secret..... ആരോടും പറയാൻ പാടില്ല.....!!!!" അവള് വലിയ എന്തോ കാര്യം പറയുന്ന പോലെ കണ്ണൊക്കെ വിടർത്തി കൈകൊണ്ട് ആംഗ്യമൊക്കെ കാണിച്ഛ് പറഞ്ഞു.....

പണ്ടേ എനിക്ക് ചെറിയൊരു സംശയം തോന്നിയിരുന്നു.... ഞാൻ വഴക്കിടബഴും ചീത്ത പറയുമ്പഴുമൊക്കെ അവള് മുന്ന വെച്ചു പറയാറുണ്ട്.... ഞാനറിയാതെ എന്തോ ഒരു കാര്യം ഇതിനിടയിൽ ഒളിച്ചിരിപ്പുണ്ട്... തുടങ്ങിയ സ്ഥിതിക്ക് എങ്ങനെയെങ്കിലും അത്‌ ചോദിച്ചു മനസ്സിലാക്കണം.... പക്ഷേ,,,,, ഇങ്ങനെ ചോദിച്ചാൽ അവള് പറയില്ല... കുറച്ച് മയത്തിൽ ചോദിക്കണം.... ഇവളെ തരത്തിലേക്കിറങ്ങി ചോദിക്കണം.... "secret....???? എന്ത് secret.....??? എനിക്കും കൂടെ പറഞ്ഞു താ....????" കൊച്ഛ് കിട്ടിയോടെന്നപോൽ ഞാൻ ചോദിച്ചു.... "മ്മ്മ്.... മ്മം...!!! ആരോടും പറയാൻ പാടില്ലെന്നാ പറഞ്ഞത്....!!!" അവള് കാര്യമായി പറഞ്ഞു... "ആര്...???" ഞാൻ സംശയത്തോടെ ചോദിച്ചു... "കുട്ടന്റെ ആമി...!!!" അവൾ ചിരിച്ചോണ്ട് പറഞ്ഞൂ... "ഞാനല്ലേ ചോദിക്കുന്നത്... ഞാൻ വേറെ ആരോടും പറയില്ല.... പ്രോമിസ് പറ,,,എന്താ ആ secret...??"

ഞാൻ വീണ്ടും ആകാംഷയോടെ ചോദിച്ചു... അവള് ഉത്സാഹത്തോടെ എന്റെ നേരെ ഇരുന്നു.... "പറഞ്ഞു തരാം.... പക്ഷേ,,,, എനിക്കൊരു സാധനം തരണം.....!!! തരൂ...???" അവള് ചോദിച്ഛത് കേട്ട് ഞാൻ ഉത്സാഹത്തോടെ തലയാട്ടി.... ഓഓഒ....!!!!! ഞാനെന്ത് വേണെങ്കിൽ തരാം... പറ... എന്താ secret.....????" ഞാൻ ചിരിയോടെ പറഞ്ഞൂ... അവള് ഇല്ലെന്ന് തലയാട്ടി എന്റെ മുന്നിലേക്ക് കൈ നീട്ടി.... "മ്മ്മ്... മ്മം...!!! ആദ്യം പ്രോമിസ്താ....!!!ഞാനെന്ത് ചോദിച്ചാലും തരും ന്ന് എന്നാ ഞാനിപ്പം പറയാം...!!! അവള് കുറുമ്പോടെ പറഞ്ഞു.... "ഓഹ്... പ്രോമിസെങ്കിൽ പ്രോമിസ്....!!!" ഞാനവളുടെ കയ്യിലേക്ക് കൈ ചേർത്തു.... " നീയെന്ത് ചോദിച്ചാലും തരും... promise....!!!!!" അറിയേണ്ടത് എന്റെ ആവിശ്യമായിപ്പോയി... അല്ലെങ്കിൽ തന്നെ ബോധമില്ല.....

ഇനിയെന്തൊക്കെ ചെയ്യേണ്ടി വരുമോ ആവോ...???? ഞാൻ മനസ്സിൽ ചോദിച്ചു.... വാക്ക് കൊടുത്തതും അവള് എന്നെ പിടിച്ഛ് എണീറ്റ് നിന്നു... പുറക്കെ ഞാനും.... ഞാൻ ആകാംക്ഷയോടെ അവളെ നോക്കി... പക്ഷേ,,,,, അവള് ചോദിച്ച സാധനം കേട്ട് എന്റെ തലയിലെ കിളികൾ ചെവിയിലൂടെ പാറിപോയി..... ഞാൻ അന്തം വിട്ട് അവളെ നോക്കി... അവൾക്ക് പ്രത്യേകിച്ച് ഭാവമാറ്റങ്ങൾ ഒന്നും ഉണ്ടായിരുന്നില്ല... "എന്നെ കെട്ടിപ്പിടിച്ഛ് ഉമ്മ തന്നാൽ പറയാം...!!!!" "ങേ.... എ... എന്താ.... എന്താന്ന്...??" ഞാൻ വിക്കലോടെ വീണ്ടും ചോദിച്ചു... " കേട്ടില്ലേ...??? എന്നെ കെട്ടിപ്പിടിച്ച് ഉമ്മ തരുവാണെങ്കിൽ പറയാന്ന്...!!!" കള്ള് കുടിച്ചാൽ പെണ്കുട്ടികള്ക്ക് ഇങ്ങനെയൊക്കെ ബോധം പോവോ....??അവളെ നോക്കിയപ്പം അവള് കൈയൊക്കെ നിവർത്തി സെറ്റായി നിൽക്കാണ്...

അവളെ ആ നിൽപ്പ് കണ്ടപ്പോ എനിക്ക് ചിരിയും സഹതാപവുമൊക്കെ കൂടി വന്നു.... ഇതു വല്ലതും അറിയുന്നുണ്ടോ ഇവള്....??? ഞാൻ ദീര്ഘമായൊന്ന് നിശ്വസിച്ഛ് അവളുടെ അടുത്തേക്ക് ചെന്ന് നിന്നു... അവളുടെ മുഖം സന്തോഷറ്ത്താൽ തിളങ്ങി... ഞാൻ കൈ വിടർത്തിയതും ഒരു പൂച്ചക്കുട്ടിയെ പോലെ അവളെന്റെ മാറിലേക്ക് പറ്റി ചേർന്നു... അവള് അവളുടെ കൈക്കൊണ്ട് എന്നെ കെട്ടിപ്പിടിച്ചു... നിമ്മി പലപ്പോഴും പറയുന്നത് കേട്ടിട്ടുണ്ട്, ഏട്ടത്തിയെ കെട്ടിപ്പിടിക്കാൻ നല്ല രസമാണെന്ന്.... ഇന്നാണ് ആ രസം ഞാനറിഞ്ഞത്...!!! നിമ്മി പറഞ്ഞ പോലെ എന്റെ ഒറ്റ കയ്യിൽ ഒതുങ്ങാനെള്ളൂ..... കണ്ണടച്ച് എന്നെ കെട്ടിപ്പിടിച്ചു നിൽക്കുന്ന അവളുടെ മുഖത്ത് ഒരു കൊച്ചു കുട്ടിയുടെ നിഷ്കളങ്കത നിറഞ്ഞു നിന്നിരുന്നു... കാറ്റിൽ തണുപ്പടിച്ചതും അവളൊന്നൂടെ എന്നെ വരിഞ്ഞു മുറുക്കി കെട്ടിപ്പിടിച്ഛ് ഒട്ടി നിന്നു.. എത്രനേരം നിന്നെന്ന് അറിയില്ല...

അവളെന്നെ വിട്ടത്തെ കെട്ടിപ്പിടിച്ചു നിൽക്കുന്നത് ഞാനും ഇഷ്ടപ്പെട്ടിരുന്നോ..?? അവളെ ഇങ്ങനെ കെട്ടിപ്പിടിച്ചു നിൽക്കണമെന്ന് ഞാനും ആഗ്രഹിച്ചു പോയിരുന്നോ...??? അറിയില്ല.....!!! പെട്ടെന്നാണ് secretന്റെ കാര്യമോർമ്മ വന്നത്... ഞാനവളെ എന്നിൽ നിന്നും അടർത്തി മാറ്റി.... വിട്ടാൻ കൂട്ടാക്കാതെ അവളെ പിന്നെയും എന്റെ നെഞ്ചിലേക്ക് ചാഞ്ഞു... ഞാൻ ബലമായി അവളെ പിടിച്ചു മുന്നിൽ നിർത്തി..... മടിയോടെ ചിണുങ്ങിക്കൊണ്ട് അവളെന്നെ നോക്കി.... "ഇനി പറ... എന്താ ആ secret..???" ഞാൻ പ്രതീക്ഷയോടെ ചോദിച്ചു... അവള് കുറുമ്പോടെ എന്നെ നോക്കി... "കെട്ടിപ്പിടിച്ചതല്ലേള്ളൂ ...ഉമ്മ തന്നില്ലല്ലോ....???" ഹോ ഇവളിതു വരെ അത് വിട്ടില്ലേ...??? അവിശ്യമില്ലാത്തതൊക്കെ നല്ല ഓർമ്മയുണ്ട്.... എന്റെ മുഖത്തിന് നേരെ മുഖം ചരിച്ചു വെച്ചു അവൾ കവിളിൽ തൊട്ട് കാണിച്ചു... കണ്ണടയ്ച്ച് അവള് തരാൻ പറയുന്നത് കണ്ട് എനിക്ക് ചിരി വന്നു....

ഞാൻ മൃദുവായ അവളുടെ കവിളിൽ പതിയെ ചുംബിച്ചു.... എന്തോ നിധി കിട്ടിയപ്പോലെ അവള് ആശ്ചര്യത്തോടെ എന്റെ മുഖത്തേക്ക് നോക്കി... ഉമ്മ കൊടുത്തപ്പോ എന്റെ മീശ കൊണ്ട് അവളൊന്ന് പിടഞ്ഞിരുന്നു... ഉത്സാഹത്തോടെ മറ്റേ കവിളും കാണിച്ചു തന്നു.... ഞാൻ അവിടെയും ഉമ്മ കൊടുത്തപ്പോ അവള് സന്തോഷത്താൽ തുള്ളിച്ചാടി കൈ എന്റെ നേരെ നീട്ടി.... ആദ്യം അകവും പിന്നെ പുറവും കാണിച്ചു തന്നു.... അവള് പറയുന്നത് പോലെ ഞാൻ ഉമ്മ കൊടുത്തോണ്ടിരുന്നു... ആ സമയങ്ങളിൽ അവളുടെ മുഖത്ത് വിരിയുന്ന പുഞ്ചിരിക്ക് അത്രയ്ക്ക് ഭംഗിയുണ്ടായിരുന്നു.... ഒരു കൈ കഴിഞ്ഞപ്പോ മറ്റേ കയ്യും നീട്ടി....... രണ്ട് കയ്യിലും ഉമ്മ കൊടുത്തു കഴിഞ്ഞതും അവള് അവളുടെ കൈയിലേക്ക് മാറി മാറി നോക്കി ഞാൻ ഉമ്മ വെച്ച കയ്യിൽ ഉമ്മ വെച്ചു എന്നോട് ചേർന്ന് നിന്നു...........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...