🌸എന്നെന്നും എന്റെ മാത്രം 🌸: ഭാഗം 46

രചന: അനു

അറിയാതെ തന്നെ എന്റെ മിഴികൾ നിറഞ്ഞൊഴുകി... എന്ത് കൊണ്ടോ പറഞ്ഞറിയിക്കാൻ പറ്റാത്തത്രയും സന്തോഷം എന്റെ മനസ്സിൽ നിറഞ്ഞു... അവൻ പറഞ്ഞ സ്ഥലത്ത് നിന്ന് ഒരു അണു പോലും അനങ്ങാതെ ചെയ്യാതെ എനിക്ക് കാവലായി ബാത്റൂമിന് പുറത്ത് തിരിഞ്ഞു നിൽക്കുന്ന സിദ്ധുനെ കാണേ അവനോട് എനിക്ക് വല്ലാത്തൊരു ഇഷ്ടം തോന്നി..... ഷവർ തുറന്ന് അതിന്റെ ചുവട്ടിലേക്ക് നിന്നതും തണുത്ത വെള്ളം തലയിലൂടെ ശരീരത്തിലേക്ക് അരിച്ചിറങ്ങി..... കുറേ നേരം ഞാൻ അങ്ങനെ തന്നെ നിന്നു.... അത് വരേ തോന്നിയ ക്ഷീണവും തളർച്ചയുമൊക്കെ വെള്ളത്തോടൊപ്പം ഒഴുകി അകന്നു പോയപ്പോലെ.... ഡ്രസ് ചേഞ്ച്‌ ചെയ്ത് ഞാൻ പുറത്തിറങ്ങിയപ്പഴും പറഞ്ഞ സ്ഥലത്തു നിന്ന് ഒരടിപോലും മാറാതെ സിദ്ധു അവിടെ തന്നെ നിൽക്കുന്നത് കണ്ടപ്പോ എനിക്ക് സന്തോഷവും കരച്ചിലും ഒരുപോലെ വന്നു,,,

അവനെ നോക്കി അടുത്തേക്ക് നടന്നതും കാൽ ബാത്റൂമിന്റെ വാതിലിൽ തട്ടി... "ആഹ്.....!" എന്റെ പെട്ടെന്നുള്ള നിലവിളി കേട്ട് അവൻ വേഗം പുറക്കിലേക്ക് വെട്ടിത്തിരിഞ്ഞു നോക്കി.... "എന്താ...എന്താ പറ്റിയത്.....??? നോക്കട്ടെ...???" സിദ്ധു വെപ്രാളത്തോടെ ചോദിച്ഛ് എന്റെ അടുത്തേക്ക് വന്നു... കാലിൽ അമർത്തി പിടിച്ഛ് പതിയെ ഞാൻ മുന്നോട്ട് നടന്നു... ഇത് വരെ ഇങ്ങനെയൊന്ന് ഉള്ളത് ഓര്മയില്ലായിരുന്നു.... തട്ടിയപ്പഴാണ് ഓർമ വന്നത്.... "ഒന്നുല്ല,,, കാലിന് ചെറിയൊരു മുറിവ്.. അത്രേള്ളൂ..." സിദ്ധുവെന്റെ കാലിലേക്ക് നോക്കി കൊണ്ട് അടുത്തേക്ക് വന്ന് എനിക്കൊരു സപ്പോർട്ടിനെന്നോണം എന്റെ കയ്യിൽ പിടിച്ചു... "എവിടെ... നോക്കട്ടെ...??? വാ,,ഇങ്ങോട്ട് ഇരിക്ക്..." ബെഡിന്റെ അടുത്തേക്ക് നടത്തിച്ചു കൊണ്ട് അവൻ പറഞ്ഞു.....

"വേണ്ടാ.. ഒന്നും ഇല്ല... ചെറിയ മുറിവാ... കുഴപ്പമില്ല....." ഞാൻ വേഗത്തിൽ പറഞ്ഞു.... "ഇവിടെ ഇരിക്കാൻ....!!!" ~~~~~~~~~ ചെറിയ മുറിവാണെന്ന് അവള് പറഞ്ഞെങ്കിലും കോണിപടികളിലും ഫ്ലോറിലും കണ്ട ചോര വെച്ച് മുറിവ് ചെറുതാവില്ലെന്ന് എനിക്ക് ഉറപ്പുണ്ടായിരുന്നു.... അതോണ്ട് തന്നെ ഞാൻ കുറച്ചു ദേഷ്യത്തോടെ ഒച്ചയെടുത്ത് ഇരിക്കാൻ പറഞ്ഞതും അവള് വേഗം ബെഡിൽ വന്നിരുന്നു.... നേരെ ടേബിളിന്റെ അടുത്തുള്ള ചെയർ അവളുടെ അടുത്തേക്ക് വലിച്ചിട്ട് ഇരുന്ന് ഞാൻ അവളുടെ കാലെടുത്ത് എന്റെ മടിയിലേക്ക് കയറ്റി വെച്ചു first aid box തുറന്ന് മുറിവ് ക്ലീൻ ചെയ്യാൻ തുടങ്ങി...... അത്ര വലുതല്ലങ്കിലും കുറച്ചു ആഴത്തിലുള്ള മുറിവായിരുന്നു..... മരുന്നിന്റെ നീറ്റൽ തട്ടിയതും അവള് കിടക്കയിൽ കൈകൊണ്ട് മുറുക്കെ പിടിച്ചു വേദന കടിച്ഛ് പിടിച്ഛ് മുഖം സൈഡിലേക്ക് വെട്ടിച്ചു..... "നിനക്ക് ഇത്ര ബോധം ഇല്ലേ....???

നോക്കിയും കണ്ടും നടക്കാൻ നീ ഇതുവരെ പഠിച്ചില്ലേ...???അതെങ്ങാനാ,,, ശ്രദ്ധാന്ന് പറയുന്ന സാധനം നിനക്ക് പണ്ടേ ഇല്ലല്ലോ...?? ഓരോന്ന് പറ്റിച്ചു വെച്ചിട്ട് ഇരുന്ന് കരഞ്ഞിട്ടെന്താ...?? ഇത് എങ്ങനെയാ മുറിഞ്ഞത്...?" അവളെ നോക്കാതെ മുറിവ് പതിയെ ക്ലീൻ ചെയ്തോണ്ട് ഞാൻ ചോദിച്ചു... "അത്.... അത് കറന്റ് പോയപ്പോ... ഞാൻ,,പവർ ബാങ്ക് എടുക്കാൻ വേണ്ടി കോണി കയറാൻ നോക്കിയപ്പോ അറിയാതെ ഫ്‌ളവർവേസ് തട്ടി പൊട്ടി കാലില് കുത്തി കയറിയതാ..... ആഹ്....." ~~~~~~~~~~ മരുന്നിന്റെ നീറ്റൽ കാലിൽ തട്ടിയതും എന്റെ കണ്ണീന് വെള്ളം ധാര ധാരയായി ഒഴുക്കി തുടങ്ങി..... ഡെറ്റോൾ പഞ്ഞിയിൽ മുക്കി അവൻ ഓരോ തവണ മുറിവിൽ വെക്കുമ്പഴും ജീവൻ പോകുന്ന പോലെ വേദന തോന്നി.....

മുറിവ് കെട്ടുന്നത്തിന് ഇടയിലൂടെ നടന്ന കാര്യങ്ങളൊക്കെ അവൻ ചോദിച്ചു കൊണ്ടിരുന്നു..... കറന്റ് പോയതും, ആരോ വന്നതും എല്ലാം കേട്ടുകൊണ്ട് മുറിവ് കെട്ടി തന്ന് അവൻ ദേഷ്യത്തോടെ ചെയറിൽ നിന്ന് എണീറ്റ് എന്റെ അടുത്ത ബെഡിൽ വന്നിരുന്നു..... കൈ രണ്ടും മുട്ടിന്മേൽ ഊന്നി തിരിഞ്ഞ് കൊണ്ട് എന്റെ മുഖത്തേക്ക് നോക്കി...... "ഇത്രയൊക്കെ നടന്നിട്ടും നിനക്ക് എന്നെയൊന്ന് വിളിക്കാൻ തോന്നിയില്ലല്ലോ,, ല്ലേ...?? എത്ര എത്ര തവണ ഞാൻ നിന്നെ വിളിച്ചു..... ഫോണെന്ന് പറയുന്ന സാധനം ആവശ്യത്തിന് നിന്നെ വിളിക്കാനും നിനക്ക് വിളിക്കാനും ഉള്ളതാണ്..... ഉണ്ടായിട്ട് എന്താ,,,, ചാർജും ആക്കി വെക്കില്ല, നോക്കുകയും ഇല്ല നിനക്ക് തോന്നിയ പോലെ എവിടെയെങ്കിലും കൊണ്ടിട്ടും...!! അല്ലെങ്കിൽ നീ എന്നെ മെനകെടുത്താനായിട്ടാണല്ലോ..!!!! എന്താ നിനക്കൊന്നും പറയാനില്ല...?"

അവൻ ഇങ്ങനെയൊക്കെ പറഞ്ഞപ്പോ എന്തോ ചങ്ക് പൊട്ടുന്ന പോലെ തോന്നി... കഷ്ടപ്പെട്ട് ഉമിനീരിറക്കി കൊണ്ട് നിറഞ്ഞൊഴുകുന്ന കണ്ണോടെ ഞാൻ അവനെ നോക്കി... " അത്.... അതിന്... സി...സിദ്ധു ന്റെ നമ്പർ എന്റെ ഫോണിൽ ഇല്ലല്ലോ..??" ~~~~~~~~~ നിറഞ്ഞൊഴുക്കുന്ന മിഴിക്കളോടെ ഇടറുന്ന ശബ്ദത്തോടെ അവളെന്നെ നോക്കി ചോദിച്ച ചോദ്യത്തിന് തിരിച്ചു മറുപടി പറയാൻ എനിക്ക് ഉത്തരമില്ലായിരുന്നു.... ഏറെ നേരം ഞാനവളെയും അവളെന്നേയും അങ്ങനെ നോക്കി നിന്നു.... കുറച്ചു നേരത്തെ നിശബ്ദതക്ക് ശേഷം ഞാൻ വീണ്ടും ചോദിച്ചു...... "നീ.... നീ വല്ലതും കഴിച്ചോ...?" "മ്മ്മ്....." കഴിച്ചു എന്ന അർത്ഥത്തിൽ അവള് പതിയെ തലയാട്ടിയത് കണ്ട് ഞാൻ വീണ്ടും ഒന്നൂടെ ചോദിച്ചു.. "സത്യം പറ,,, കഴിച്ചോ...???" "മ്മ്മ് മമ്മം.... ഇല്ല.... എനിക്ക് വേണ്ട വിശക്കുന്നില്ല....".

തലകുനിച്ചുള്ള അവളുടെ ആദ്യത്തെ മൂളൽ കേട്ടപ്പോ തന്നെ കഴിച്ചു കാണില്ലെന്ന് എനിക്ക് ഉറപ്പായിരുന്നു... ഞാൻ വരാതെ അവള് കഴിക്കില്ലെന്ന് എനിക്ക് നന്നായി അറിയാം... ~~~~~~~~~ അവൻ പിന്നെയും ഒരുപാട് നിർബന്ധിച്ചെങ്കിലും ഞാൻ കഴിക്കാൻ കൂട്ടാക്കിയില്ല... കാരണം എവിടെയെങ്കിലും ഒന്ന് കിടന്നാൽ മതിയായിരുന്നു... എന്റെ മനസ്സ് വായിച്ചപ്പോലെ അവനെന്നോട് കിടന്നോളാൻ പറഞ്ഞതും ഞാൻ പതുക്കെ പുതപ്പും തലയണയും എടുക്കാൻ ആഞ്ഞു... അത് കണ്ട് അവൻ എന്നോട് ബെഡിൽ കിടന്നോളാൻ പറഞ്ഞെങ്കിലും ഞാൻ വേണ്ടന്ന് പറഞ്ഞു അവനെ വക വെയ്ക്കാതെ പുതപ്പ് എടുത്തതും അവൻ ബലമായി പുതപ്പ് വാങ്ങി ബെഡിലേക്ക് തന്നെ ഇട്ട് എന്നെ തറപ്പിച്ചു നോക്കിയതും ഞാൻ വേഗം ബെഡിൽ തന്നെ ഇരുന്നു.....

കിടക്കാൻ ചരിഞ്ഞതും തുറന്നിട്ട ഡോറിലേക്ക് പേടിയോടെ ഞാൻ നോക്കി അങ്ങനെ തന്നെ ഇരുന്നു..... ഇപ്പഴും കാതിൽ മുഴങ്ങുന്നുണ്ട് ആ ശബ്‌ദം..... അവിടെ ആരോ ഇപ്പഴും ഉള്ളപോലെ തന്നെ തോന്നുന്നു... എന്റെ നോട്ടം കണ്ടിട്ടാണോന്ന് അറിയില്ല അവൻ വേഗം പോയി ഡോർ അടച്ച് കബോഡിൽ നിന്നെടുത്ത ഡ്രെസ്സുമായി ബാത്റൂമിലേക്ക് കയറി.... അവൻ കയറി ഡോർ അടച്ചതും പെട്ടെന്ന് എനിക്ക് ചുറ്റും പേടിപ്പെടുത്തുന്ന ശൂന്യത പടർന്നു.... റൂമിൽ പലയിടത്തും ആ കറുത്ത രൂപം നിൽക്കുന്ന പോലെ കണ്ണിൽ തെളിഞ്ഞു... ബെഡിന്റെ നടുവിലേക്ക് കയറി ഹെഡ് ബോർഡിൽ ചാരി കാൽ കൈകൊണ്ട് വട്ടം പിടിച്ച് ചേർത്ത് ഒതുങ്ങിയിരുന്നു..... ഫ്രഷ് ആയി ബാത്റൂമിന്റെ ഡോർ തുറന്ന് വന്ന സിദ്ധുനെ കണ്ടപ്പഴാണ് ശ്വാസം നേരെ വീണത്.... അവനെ കണ്ടതും ഞാൻ വേഗം കാൽ നീട്ടിയിരുന്നു........

വന്ന ഉടനെ തന്നെ ബാഗിൽ നിന്ന് ലാപ് എടുത്ത് സോഫയിൽ പോയിരുന്നു വർക്ക് ചെയ്യുന്ന അവൻ നോക്കി ഞാൻ ബെഡിൽ ഇരുന്നു..... "നീ കിടന്നോ.... എനിക്ക് കുറച്ച് പെൻഡിങ് വർക്‌സ് ഉണ്ട്....." ലാപ് തുറന്ന് ഓണാക്കി കൊണ്ട് എന്റെ നേരെ തിരിയാത്ത അവൻ പറഞ്ഞത് കേട്ട് സമ്മതത്തോടെ ഒന്ന് മൂളി കൊണ്ട് ബെഡിൽ അവന്റെ ഭാഗത്തേക്ക് തിരിഞ്ഞു ചുരുണ്ട് കൂടി കിടന്നു.. ~~~~~~~~ ഞാൻ പറഞ്ഞത് അനുസരിച്ച് അവൾ ബെഡിൽ ചുരുണ്ട് കൂടിയെങ്കിലും പുറത്ത് നിന്ന് കേൾക്കുന്ന ചെറിയ സൗണ്ടിന് പോലും അവള് ഞെട്ടിക്കൊണ്ട് പേടിയോടെ ശബ്‌ദം കേട്ട ഭാഗത്തേക്ക് നോക്കിയിരുന്നു...... എന്റെ വർക് കഴിയുന്ന വരേ അവള് കണ്ണ് തുറന്ന് എന്റെ സൈഡിലേക്ക് നോക്കി തന്നെ കിടന്നു....

വർക്ക് തീർന്നതും ഞാൻ ലാപ് ഓഫാക്കി ഇന്ന് സോഫയിൽ കിടക്കാന്നുള്ള ധാരണയിൽ അവള് കിടക്കുന്നതിന്റെ തൊട്ടപ്പുറത്തുള്ള എന്റെ പുതപ്പും തലയണയും എടുക്കാൻ ബെഡിന്റെ അടുത്തേക്ക് നടന്നു... " സി.... സിദ്ധു... ഇവിടെ... ഇവിടെ കിടക്കാവോ.... പ്ലീസ്..... ഇവിടെയൊക്കെ ആരോ നിൽക്കുന്ന പോലെ ഒരു തോന്നൽ... വല്ലാതെ പേടിയാവുന്നു ഒറ്റയ്ക്ക് കിടക്കാൻ.... പ്ലീസ്....ഇന്ന്,,, ഇന്നൊരു രാത്രി മാത്രം,,, ഇവിടെ,,, എന്റെ അടുത്ത് കിടക്കാവോ...?" ~~~~~~~~~ ലാപ് ഓഫാക്കി അവൻ കിടക്കാൻ പോവാണെന്ന് തോന്നിയതും എന്റെ പേടി നൂറിരട്ടിയായി വർദ്ധിച്ചു.... പുതപ്പ് എടുക്കാൻ വന്നതും ഞാൻ എണീറ്റ്‌ ഇരുന്ന് അവനെ ദയനീയമായി നോക്കി ഇത്രയും പഞ്ഞു... അവൻ ഒരുമടിയും കൂടാതെ തിരിച്ചൊന്നും പറയാതെ ബെഡിന്റെ മറ്റേ സൈഡിൽ വന്ന് കിടന്നു... എത്രയൊക്കെ ഉറങ്ങാൻ ശ്രമിച്ചിട്ടും സമ്മതിക്കാതെ,,

കണ്ണടയ്ക്കുമ്പോൾ താക്കോൽ പഴുത്തിലൂടെ ഞാൻ കണ്ട രൂപം കണ്മുന്നിൽ തെളിഞ്ഞു.... കുറേ നേരം സിദ്ധുനെ നോക്കി കിടന്നിട്ടും ഉറക്കം വന്നില്ല... അതോണ്ടാ അവനോട് വന്ന് കിടക്കാൻ പറഞ്ഞത്... അവൻ അടുത്ത് വന്ന കിടന്നപ്പോ തന്നെ ആശ്വാസത്തോടെ ഞാനും കിടന്നു.... സിദ്ധു കൈ നീട്ടി ലൈറ്റ് ഓഫാക്കാൻ നോക്കിയതും ഞാൻ വെപ്രാളത്തോടെ വേണ്ടന്ന് കെഞ്ചി പറഞ്ഞു.... എന്നെയൊന്ന് നോക്കി നേരെ കിടന്ന് ഒരു കൈ കണ്ണ് മറച്ഛ് മറ്റേ കൈ നെഞ്ചിലേക്ക് ചേർത്ത് അവൻ കണ്ണടച്ഛ് കിടക്കുന്നത് കണ്ടപ്പോ എനിക്ക് വീണ്ടും പേടികൂടി അവൻ വന്ന് കിടന്നപ്പോ തോന്നിയ ആശ്വാസം അവൻ കണ്ണടച്ച് കിടന്നതും പോയി...... റൂം ചുറ്റും കണ്ണോടിച്ചു പേടിയോടെ അറ്റത്ത് നിന്ന് ഞാൻ കുറച്ചൂടെ അവന്റെ അടുത്തേക്ക് നീങ്ങി കിടന്നു.... ~~~~~~~~

ഛേ....!!!! ഈ ലൈറ്റ് കാരണം ഉറങ്ങാൻ പറ്റുന്നില്ലല്ലോ...??? ലൈറ്റ് ഓഫാക്കാൻ നോക്കിയപ്പോ അവള് സമ്മതിച്ചില്ല അതോണ്ട് കൈ കൊണ്ട് കണ്ണ് മറച്ചു കിടന്നു.... പെട്ടന്നാണ് അവളുടെ കൈ നെഞ്ചിൽ വെച്ചിരുന്നു എന്റെ കയ്യോട് ചേർന്നത്... ഞാൻ ഞെട്ടലോടെ കൈ തട്ടി മാറ്റി സൈഡിലേക്ക് നോക്കിയതും അവള് പെട്ടെന്ന് കണ്ണടയ്ച്ചു..... പേടിച്ചിട്ടാവും..!! അവളുടെ സൈഡിലേക്ക് തിരിഞ്ഞു കിടന്ന് അലസമായി കിടക്കുന്ന അവളുടെ കയ്യുടെ മുകളിലേക്ക് എന്റെ കൈ ചേർത്ത് തോർത്തു പിടിച്ചതും അവള് പെട്ടെന്ന് കണ്ണ് തുറന്ന് എന്നെ നോക്കി... ഉറങ്ങിക്കോന്നുള്ള അർത്ഥത്തിൽ ഞാൻ കണ്ണടച്ച് കാണിച്ചത് കണ്ട് എന്നെ നോക്കി ചിരിക്കാൻ ശ്രമിച്ചു കൊണ്ട് എന്റെ കൈ അവളുടെ രണ്ട് കൈകൊണ്ട് പൊതിഞ്ഞ് മുഖത്തോട് ചേർത്ത് തലയണ പോലെ വെച്ച് ആശ്വാസത്തോടെ അവള് കണ്ണടച്ചു കിടന്നു.... ~~~~~~~~~~~

മടിയോടെയാണ് വിറക്കുന്ന കൈക്കൾ അവന്റെ കയ്യോട് ഞാൻ ചേർത്തത്... പക്ഷേ അവൻ പെട്ടെന്ന് കൈ തട്ടി മാറ്റിയപ്പോ പേടിയോടെ ഞാൻ കണ്ണുകൾ ഇറുക്കിയടച്ചിരുന്നു.. പക്ഷേ ഒട്ടും പ്രതീക്ഷിക്കാതെ അവൻ കുറച്ചൂടെ എന്റെ അരികിലേക്ക് നീങ്ങി കിടക്കുകയും അവന്റെ കൈ എന്റെ കയ്യിന്റെ മുകളിൽ വെച്ച് കണ്ണടച്ച് കൊണ്ട് ഉറങ്ങാൻ പറഞ്ഞത് കൂടി കണ്ടപ്പോ ഞാൻ അവന്റെ കൈ എന്റെ കയ്ക്കുള്ളിലാക്കി അതിന്റെ മുകളിലേക്ക് മുഖം ചേർത്ത് കിടന്നു.... വല്ലാത്തൊരു സമാധാനം തോന്നിയെനിക്ക്.... ഇനി എന്നെ ആർക്കും ഒന്നും ചെയ്യാൻ കഴിയില്ലെന്ന ഉറച്ച വിശ്വാസത്തോടെ ഉറക്കത്തിന് വഴിമാറി കൊണ്ട് ഞാൻ കണ്ണുകൾ അടഞ്ഞു..... ~~~~~~~~ അവള് സമാധാനത്തോടെ ഉറങ്ങുന്നത് ഞാൻ അങ്ങനെ നോക്കി കിടന്നു..... കുറച്ചു നേരം കൊണ്ട് തന്നെ അവള് പൂർണമായും ഉറക്കത്തിലേക്ക് ലയിച്ചിരുന്നു....

പതുകെ അവളെ ഉണർത്താതെ എന്റെ കൈ ഊരിയെടുത്തു കൊണ്ട് ഞാൻ ഡോറിന്റെ അടുത്തേക്ക് നടന്നു.... വാതിലിന്റെ പിടി ലൂസായി, ചെറുതായി ഒടിഞ്ഞിട്ടുണ്ട്.... തള്ളിതുറക്കാനും ചവിട്ടി തുറക്കാനും മറ്റും നോക്കിയത്തിന്റെ ലക്ഷണങ്ങൾ വാതിലിൽ കാണാന്നുണ്ട്.... മഴയായതുകൊണ്ട് വന്നതിന്റെയും പോയത്തിന്റെയും ഫുട്ട് പ്രിന്റ് നല്ല വൃത്തിയായി ഫ്ലോറിൽ പതിഞ്ഞിരുന്നു.... ഈ റൂമിലേക്കല്ലാതെ വേറെ എവിടേക്കും ആ പ്രിന്റ് പോയിട്ടില്ല.... ഞാൻ ഫുട്ട് പ്രിന്റ് പിന്തുടർന്ന് നേരെ നടന്ന് ചെന്ന് നിന്നത് ബാൽക്കണിയിലാണ്... So,, ഈ വഴിയാണ് അകത്തേക്ക് കയറിയത്.... സംഭവം അവള് പറഞ്ഞപ്പോലെ ഇവിടെ ആരോ വന്നിട്ടുണ്ട്.. വന്ന ആളെ കണ്ട അവള് നന്നായി പേടിച്ചിട്ടുമുണ്ട്,,,, പാവം.... പോരാത്തതിന് വയ്യാത്ത സമയവും.... ഞാൻ കുറേ കൂടെ കെയർ ഫുളാകണമായിരുന്നു....

പക്ഷേ,,,, എന്നാലും ആരായിരിക്കും...??അവളെ തന്നെ ഐം ചെയ്തു വന്നതാണെന്ന് തീർച്ച.... പക്ഷേ എന്തിന്...?? ഇതൊക്കെ മനസ്സിൽ ചിന്തിച്ചു കൊണ്ട് ഞാൻ റൂമിലേക്ക് തന്നെ തിരിച്ചു നടന്നു..... ബെഡിൽ ഞാൻ അടുത്തുണ്ടെന്ന ധൈര്യത്തിൽ ആശ്വാസത്തോടെ കിടന്ന് ഉറങ്ങുന്ന അവൾക്ക് അരികിൽ പതിയെ ചെന്നിരുന്നു മുഖത്തേക്ക് നോക്കി.... കുറച്ച് മണിക്കൂർ കൊണ്ട് തന്നെ അവള് വല്ലാതെ ക്ഷീണിച്ചപോലെ തോന്നി.... പുതപ്പെടുത് അവളെ പുതപ്പിച്ചു നെറ്റിയിൽ അവള് പോലും അറിയാത്ത വിധത്തിൽ ചുംബിച്ഛ് കൊണ്ട് അവളോട് ചേർന്ന് ഞാനും കിടന്നു..... ~~~~~~~~~~ "വലിയൊരു ശബ്ദത്തോടെ വാതിൽ പൊട്ടിപൊളിഞ്ഞു അകത്തേക്ക് വീണു.... അവന്റെ കാലുകൾ എന്നെ ലക്ഷ്യമാക്കി നടന്നു വന്നു....."......തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...