🔥എന്റെ മാത്രം : ഭാഗം 17

എഴുത്തുകാരി: അല്ലി

അവൻറെ വിശേഷമൊന്നും നീ പറഞ്ഞില്ലല്ലോ സുമതി.... ആഹാരം കഴിക്കുന്ന സമയത്ത് ഗൗരവത്തോടെ ശ്രീധരൻ ചോദിച്ചതും മാമ്മച്ചനും സുമതിയും ഇടo കണ്ണിട്ട് ചിരിയോടെ പരസ്പരം നോക്കി.... ആരുടെ കാര്യവാ ഏട്ടാ....... അയാൾക്ക് കറി വിളമ്പികൊടുത്തുകൊണ്ട് അറിയാത്ത ഭാവത്തിൽ അവർ ചോദിച്ചതും ശ്രീധരൻ കടുപ്പിച്ചൊന്ന് നോക്കി. നിനക്കറിയില്ലേ???? അത്... പിന്നെ.....സുമതിയമ്മ തല കുഞ്ഞിച്ചു.... ഹ നീ ശിവന്റെ കാര്യം അങ്ങോട്ട് പറഞ്ഞു കൊടുക്ക് മോളെ....വെറുതെ അവനെ ദേഷ്യം പിടിപ്പിക്കാതെ...... മാമ്മച്ചൻ ചിരിയോടെ പറഞ്ഞു.... അവന് കുഴപ്പമൊന്നുമില്ല. സുഖം... അവന്റെ വല്യച്ചനെ തിരക്കി... നല്ല സങ്കടമുണ്ട് എന്റെ കുഞ്ഞന്. പക്ഷെ അവനറിയാം അവൻ ചെയ്തത് ഏട്ടന് ഇഷ്ടം അല്ലാത്തതാണെന്ന്.... ഹ്മ്....... എന്റെ കാര്യം ഒന്നും തിരക്കിയില്ലേ അവൻ.....??? കൗതകത്തോടെ അയാൾ ചോദിച്ചു. അതല്ലേടാ മോനെ പറഞ്ഞത് നിന്നെ തിരക്കി അവന് നല്ല സങ്കടമുണ്ടെന്ന്??? അങ്ങനെയാണോ തിരക്കേണ്ടേ ഏഹ്? വല്യച്ചന്റെ ആരോഗ്യം എങനെയുണ്ട്... മരുന്ന് കഴിക്കുന്നുണ്ടോ? അവനെ തിരക്കിയോ ?? അങ്ങനെയൊക്കെയല്ലേ തിരക്കേണ്ടത്...... പരിഭവത്തിൽ ദേഷ്യം കലർന്ന് അത്രയും പറഞ്ഞ് ഊണ് മതിയാക്കി ശ്രീധരൻ എഴുന്നേറ്റ് പോയ്‌. അവനെ പോയ്‌ കാണുവോ അതുമില്ല എന്നിട്ട് പിള്ളേരെ പോലെ കെറുവിച്ച് പോകുന്നത് കണ്ടില്ലേ...... മാമ്മച്ചൻ താടിക്ക് കൈ വെച്ചുകൊണ്ട് പറഞ്ഞു... അച്ഛൻ കഴിക്ക് ഞാൻ പോയ്‌ സമാധാനിപ്പിക്കട്ടെ........ സുമതിയമ്മ അങ്ങോട്ട് പോയ് ... നീ കേൾക്കുന്നുണ്ടോ ചെറുക്കാ അമ്മച്ചി ചോദിച്ചതും ജോയ് ഇല്ലെന്ന് പറഞ്ഞു.. കിടന്ന അവന്റെ പുറത്ത് ഒറ്റ അടി.... അഹ് എന്നതാ അമ്മച്ചി... എന്റെ പുറം പോയ്‌..... പിന്നല്ല ഇങ്ങനെ ഏത് നേരവും മടിയാനായിട്ട് കിടന്നോ.... ഇവിടെ ഒരു തള്ള ഇങ്ങനെ വിഷമിച്ചിരിക്കുന്നത് നിന്റെ കണ്ണിൽ കാണില്ലലോ....

അമ്മച്ചി പരിഭവം പറയാൻ തുടങ്ങി... ഓ എന്റെ അമ്മച്ചി സോറി എന്നതാ കാര്യം പറ....... എടാ ജോയ് കെട്ടുപ്രായം ആയില്ലേടാ..പോയ്‌ ഒരു പെണ്ണിനെ മിന്നു കെട്ടിക്കൊണ്ട് വാ,... തോന്നി എനിക്ക് തോന്നിയിതാകുമെന്ന് അമ്മച്ചി പോയേ ഞാൻ ഒന്നും കൂടി കിടക്കട്ടെ....... ജോയ് ഇത് അധികനാൾ ഇങ്ങനെ ഒഴിഞ്ഞു പോകാമെന്ന് കരുതണ്ടാ... ഞാൻ മിണ്ടാതെ നിൽക്കുന്നത് പോട്ടേന്ന് വെച്ചിട്ടാ... ഒന്നെങ്കിൽ നീ ഭാമ കൊച്ചിനെ മിന്ന് കെട്ടി ഇവിടെ കൊണ്ടു വരണം. അല്ലെങ്കിൽ ഞാൻ കണ്ടു പിടിക്കുന്ന പെണ്ണിനെ നീ മിന്ന് കെട്ടി കൂടെ പൊറുപ്പിച്ചോണം.. ഇതിൽ എന്തെങ്കിലും ഒന്ന് നടക്കും അല്ലെങ്കിൽ നടത്തിക്കും ഓർത്തോ.... അത്രയും പറഞ്ഞ് അമ്മച്ചി അവിടെ നിന്നുo പോയ്‌.... ഈ കിളവി ഇനി എന്തൊപ്പിക്കാനാണോ എന്തോ..?? ജോയ് തലയിൽ കൈ വെച്ച് പറഞ്ഞു. ******* ചേച്ചി........... തുണി അലക്കിക്കൊണ്ടിരിക്കുമ്പോഴാണ് പുറകിൽ നിന്നുള്ള വിളി കേൾക്കുന്നത്... തിരിഞ്ഞു നോക്കുമ്പോൾ ഭദ്ര കാണുന്നത് രണ്ട് കുഞ്ഞി പിള്ളേർ.... അലക്ക് നിർത്തി കൈ കഴുകി അവരെ ഒന്ന് ഉഴിഞ്ഞു നോക്കി. ഹ്മ് എന്താ....... പിരികം പൊക്കി ഭദ്ര ചോദിച്ചതും രണ്ടാളും മാവിന്റെ മുകളിലേക്ക് കൈ ചൂണ്ടി..... ഞങ്ങൾക്ക് മാങ്ങ വേണം... തരുവോ.... നിഷ്കളങ്കമായ് ചോദിക്കുന്നത് കേട്ട് അവൾക്ക് ചിരി വന്നു..... ആഹാ കൊള്ളാലോ രണ്ടാളും വല്ലവരുടെയും മാവിലെ മാങ്ങ വേണം അല്ലേ... തരില്ല പൊയ്ക്കോ രണ്ടാളും... അത് കേട്ടതും രണ്ടാളുടെയും മുഖം ഇരുണ്ടു... ഒരെണ്ണം മതി ചേച്ചി... കൊതിയായിട്ടാ...... അതെയോ..... ചിരിയോടെ രണ്ടാളുടേയും താടി തുമ്പിൽ പിച്ചി അവൾ തോട്ടിയെടുക്കാൻ പോയ്‌. അത് കണ്ട് രണ്ടാളുടേയും മനസ്സിൽ ലഡു പൊട്ടി.....

. ഭദ്രയേ കാണാത്തതുകൊണ്ട് തിരക്കിയ ശിവൻ കാണുന്നത് മാങ്ങ പറിക്കാൻ പെടാപാട് പെടുന്ന ഭദ്രയേയാണ്..... അന്ന് അവളുടെ കണ്ണിൽ ഉമ്മ വെച്ചത് ഓർമ്മ വന്നപ്പോൾ വശ്യമായൊരു ചിരി അവന്റെ ചുണ്ടിൽ വിരിഞ്ഞു....... ഒന്നും കൂടി നോക്കിയപ്പോൾ രണ്ട് പൊടിക്കുപ്പി പിള്ളേർ അവിടെ നിൽക്കുന്നു. അവർക്ക് വേണ്ടിയാണെന്ന് അവന് മനസ്സിലായി..... അവൻ അങ്ങനെ നോക്കിനിന്നും.. കുസൃതിയോടെ അവന്റെ കണ്ണുകൾ അവളുടെ വയറ്റിലായി.... പക്ഷെ ദാവാണികൊണ്ട് നന്നായി മറിച്ചതിനാൽ വെടിപ്പായിയൊന്നും അവൻ കണ്ടില്ല....... ഡി..............എന്നൊരു ഒറ്റ അലറക്കം തോട്ടിയുo കൊണ്ട് ഭദ്ര ധാ കിടക്കുന്നു മണ്ണിൽ...... പിള്ളേർ രണ്ടും ഞെട്ടിത്തരിച്ച് നിൽക്കുകയാണ്....... യ്യോ എന്റെ നടു പോയ്‌.... അവൾ നടു തിരുമ്മി മണ്ണിൽ നിന്നും എഴുന്നേറ്റ് അവനെ നോക്കി.... എന്താടാ കാലമാട നിന്റെ ആരെങ്കിലും ചത്തോ ... എന്റെ നടു.......... വേദനയോടെ അവൾ പറഞ്ഞതും ശിവൻ അവളുടെ അടുത്തേക്ക് വന്നു.... അവളുടെ വേദന കണ്ടപ്പോൾ കാര്യം കൂടിപോയോന്നോർത്ത് അവന് വല്ലാതെ യായി..... വേദനയുണ്ടോ ???? .... ഒന്നും നോക്കിയില്ല ഒറ്റ തെള്ള് വെച്ചുകൊടുത്തു..വിചാരിക്കാത്ത നേരത്തായത് കൊണ്ട് ദോ കിടക്കുന്നു ചട്ടിയും കലവും...... പിള്ളേർ രണ്ടും ചിരിയോട് ചിരി........ അത് കണ്ടപ്പോൾ ശിവ പല്ല് കടിച്ച് അവരെ നോക്കി.. രണ്ടും അപ്പോൾ തന്നെ ചിരി നിർത്തി ഭദ്രയേ നോക്കി.... വേദനയുണ്ടോ???? മൂടുംതട്ടി നിലത്ത് നിന്ന് എഴുന്നേറ്റ ശിവനോട് അവൾ ചോദിച്ചതും കൈ പിടിച്ച് ഒറ്റ വലി ... അവന്റെ നെഞ്ചിലേക്ക് അവൾ ചാരി നിന്നും... കുതറി മാറാൻ നോക്കുന്നുണ്ടെങ്കിലും അവൻ വിടാതെ അവളെ ചേർത്ത് പിടിച്ചു....

അധികം സാമർഥ്യം കാണിക്കല്ലേ.... ഈ മാവ് നിന്റെ തന്ത വിത്തിട്ട് മുളപ്പിച്ചതല്ല.. കണ്ണിൽ കണ്ട പിള്ളേർക്ക് മാങ്ങ പിച്ചി കൊടുക്കാൻ... കേട്ടല്ലോ..... ദേഷ്യം വന്ന്‌ കാലിൽ ഒറ്റ ചവിട്ട് വെച്ച് കൊടുത്തു. എവിടുന്ന് ഒരു കുലുക്കവുമില്ല.. മുഖമുയർത്തി അവനെ ഒന്ന് നോക്കി..... ചവട്ടടി വീണ്ടും ചവിട്ടടി എന്ന ഭാവമായിരുന്നു അവന്റെ മുഖത്ത്. അയ്യോ ചേച്ചിയേ ഒന്നും ചെയ്യല്ലേ... ചേച്ചി പാവാ........ പിള്ളേർ രണ്ടും പേടിയോടെ പറയുന്നത് കേട്ട് ശിവൻ അവളിൽ നിന്നുള്ള പിടി വിട്ടു.... ഞങ്ങൾക്ക് വേണ്ടാ ചേച്ചി... പോവാ.... അതും പറഞ്ഞ് രണ്ടാളും പോകുന്നത് കണ്ട് അവൾക്ക് നല്ല സങ്കടം വന്നു.... കുഞ്ഞു പിള്ളേർ കൊതികൊണ്ട് വന്നതാ....... അവളുടെ ഉള്ളിൽ ഒരു നോവുണ്ടായി..... അവർ പോകുന്നതും നോക്കി തിരിഞ്ഞതും ശിവൻ നിന്നിടത്ത് ആളില്ല..അവനെ ഒന്ന് കൈ യിൽ കിട്ടാൻ അവൾ കാത്തു.... കൊച്ചു പിള്ളേരോടാ അവന്റെയൊരു അഹങ്കാരം...... തുണി വിരിച്ചിട്ട് തിരിയുമ്പോൾ ഉമ്മറത്തെ കാഴ്ച കണ്ട് ഭദ്ര ഒന്ന് അന്തിച്ചു... നേരത്തെ മാങ്ങ ചോദിച്ചു വന്ന രണ്ടാളും അവിടെയിരുന്നു കഴിക്കുവാ.. കൈയിൽ ഓരോരോ മാങ്ങകൾ വീതമുണ്ട്..... മടിയിലാണെങ്കിൽ ഒരുപാട് പഴുത്തതും .... കൊതിയോടെ ചപ്പി ചപ്പി കഴിക്കുവാ രണ്ടാളും,. അത് കാണുമ്പോൾ തന്നെ എന്ത്‌ രസവ....... നിങ്ങൾക്ക് എവിടുന്നാ ഇത്രയും മാങ്ങ ആരാ തന്നെ ഇവിടുത്തെ അമ്മയാണോ?? അവരുടെ അടുത്തേക്ക് വന്നവൾ ചോദിച്ചതും രണ്ടാളും അല്ലെന്ന് തലയാട്ടി.... അല്ലേ പിന്നെ..... ആരാ?? ഇവിടുത്തെ മാമ്മൻ തന്നതാ.... ഞങൾ പോകാൻ പോയപ്പോൾ വിളിച്ച് ഇത്രയും മാങ്ങ തന്നു ചേച്ചി... എന്നിട്ട് ഇവിടെയിരുന്നു കഴിച്ചിട്ട് പോയാൽ മതിയെന്ന് പറഞ്ഞു.

എന്റെ വയർ നിറഞ്ഞു ഖർ................ എന്റെയും ചേച്ചി........ ഖർ....... മാമ്മനോ.....നേരത്തെ കണ്ട ആളാണോ... അവർ രണ്ടും അതേയെന്ന് തലയാട്ടി..... എന്ത്‌ പറയണമെന്ന് അവൾക്കറിയില്ലായിരുന്നു.. മനസ്സ് തണുത്തതുപോലെ തോന്നി... ഇയാളെ മനസ്സിലാക്കാൻ പറ്റുന്നതേയില്ല.... ഭദ്ര മനസ്സിൽ പറഞ്ഞു..... ********* ദിവസങ്ങൾ കൊഴിഞ്ഞു പോയ്.... രാധമ്മ അടുപ്പം കാണിക്കാൻ ശ്രമിക്കുമ്പോഴുള്ള ശിവന്റെ ഒഴിഞ്ഞു മാറ്റം ഭദ്രയേയും കുഴപ്പിച്ചു...... എങ്കിലും അവളെ കൊണ്ട് പറ്റുന്ന സാഹചര്യമെല്ലാം അവൾ അവർക്കായി ഉണ്ടാക്കികൊടുത്തു..... രാവിലെ അമ്പലത്തിൽ പോയ്‌ തിരിച്ചു വരുന്ന വഴിയിൽ പുറകിൽ നിന്നുള്ള വിളി കേട്ട് അവൾ തിരിഞ്ഞു നോക്കിയതും മുന്നിൽ നിൽക്കുന്ന ആളെ അവൾ അടിമുടി ഒന്ന് നോക്കി. അനിൽ..... കൈ ഒക്കെ കെട്ടി വെച്ചിട്ടുണ്ട്.... മുഖമൊക്കെ പൊട്ടിയ പാട്..... നെറ്റി കെട്ടി വെച്ചേക്കുന്നു... മൊടന്തി മൊടന്തിയാണ് വരവ്...ആ വരവ് കണ്ടാൽ കാണുന്നവർക്ക് സങ്കടം തോന്നുo... എന്നാൽ ഭദ്രയ്ക്ക് ഒരു തരി സഹതാപം പോലും അവനോട് തോന്നിയില്ല.....അവനെ കാണുമ്പോഴുള്ള അതേ പുച്ഛം അവളുടെ മുഖത്തുണ്ടായിരുന്നു അവളുടെ അടുത്ത് വന്ന് അവൻ മുഖം കുഞ്ഞിച്ച് നിന്നുo. എന്താടാ വീണ്ടും റേറ്റ് ചോദിക്കാൻ വന്നതാണോ.. ഏഹ്???? ഗൗരവത്തോടെ അവൾ ചോദിച്ചതും അവൻ മുഖം ഉയർത്തി അവളെ നോക്കി... ചേച്ചി ഞാൻ....... ചേച്ചിയോ.. എന്ന് മുതൽ.. ഓഹ് നാട്ടിൽ നട്ടെല്ലുള്ള ആണുങ്ങളുടെ കൈയിൽ നിന്നുo അടി കിട്ടി ശവമായി കിടന്നപ്പോൾ ഞാൻ ചേച്ചി ആയല്ലേ.. കൊള്ളാം. അവൾ പുച്ഛിച്ചു..... എന്നോട് ക്ഷമിക്കണം ചേച്ചി... ഞാൻ അറിയാതെ എന്റെ തെറ്റാ...... ഇനി ഞാൻ ഒന്നിനും വരില്ല... ഒരു പെണ്ണിനോടും മോശമായി ഒന്ന് നോക്കുക പോലുമില്ല.... അയാളോട് എന്നെ ഒന്നും ചെയ്യല്ലേന്ന് പറയണേ ചേച്ചി... ഞാൻ വേണമെങ്കിൽ കാല് പിടിക്കാം.... അയാളോട് ആര്??? ഭദ്ര ഞെട്ടി ചോദിച്ചു.... ആ അമരവദിയിലെ ശിവനോട്... അയാൾ എന്നെ ഈ പരുവത്തിലാക്കിയത്..

അന്ന് ചേച്ചിയോട് അങ്ങനെ പറഞ്ഞതിന് രാത്രിയിൽ എന്നെ അടിച്ച് പരുവമാക്കി.... ഒന്നും ചെയ്യല്ലേന്ന് കരഞ്ഞു കാല് പിടിച്ചിട്ടും കേൾക്കാതെ എന്നെ പട്ടിയേ പോലെ അടിച്ചു....... പേടിയോടെ അവൻ പറയുന്നത് കേട്ട് വിശ്വസിക്കാൻ പറ്റാതെ നിൽക്കുകയാണ് ഭദ്ര.... നീ.. സത്യമാണോ പറയുന്നത്.??? കണ്ണുകൾ വിടർത്തി അവൾ ചോദിച്ചു. ഞാൻ എന്തിനാ ചേച്ചി കള്ളം പറയണേ...... ഹ്മ് നീ പൊയ്ക്കോ നന്നായാൽ നിനക്ക് കൊള്ളാം അല്ലെങ്കിൽ അറിയാലോ?? അത്രയും പറഞ്ഞതും തലയാട്ടി അവൻ പോയ്‌..... കേട്ടതൊന്നും അവൾക്ക് വിശ്വസിക്കാൻ പറ്റുന്നില്ലായിരുന്നു... ശിവൻ ... അങ്ങനെ ചെയ്യുമെന്ന് ഒരിക്കലും കരുതിയില്ല. വേഗം അവനെ കാണണമെന്ന് മനസ്സിലുറപ്പിച്ചു..... - തറവാടിന്റെ മിറ്റത്ത് എത്തിയതും ചാരു കസേരയിൽ ചാഞ്ഞു കിടന്ന് കണ്ണടച്ച് കിടക്കുന്ന ശിവൻ. ഭദ്ര അവനെ അങ്ങനെ നോക്കി നിന്നും....എന്നും കാണുന്നതിൽ നിന്നു വല്ലാത്തൊരു പുഞ്ചിരി അവനെ കണ്ടപ്പോൾ അവളിൽ ഉണ്ടായി..... അനിൽ പറഞ്ഞ കാര്യങ്ങൾ ആയിരുന്നു മനസ്സിൽ..... തനിക് വേണ്ടി അടിച്ചു എന്നതല്ല ഒരു പെണ്ണിനെ അപമാനിച്ചവനെ ആണ് അമരവദിയിലെ ശിവ ശങ്കരൻ പ്രതികരിച്ചത്.... ഇപ്പോൾ ഈ നിമിഷം മനസ്സ് പറയുന്നുണ്ട്.... അമരാവദിയിലെ ശിവ ശങ്കരൻ ഉശിരുള്ള ഒരാണ് തന്നെയാണ്.... അവൾ അവന്റെ അടുത്തേക്ക് വന്ന് നിന്നും....കണ്ണിമ ചിമ്മാതെ അവനെ അങ്ങനെ നോക്കി നിന്നും.. ഹ്മ് ഇപ്പോൾ ഇച്ചിരി മതിപ്പൊക്കെ തോന്നുന്നുണ്ട് ......അവനെ നോക്കി പറഞ്ഞ് കുസൃതിയോടെ അവന്റെ കട്ടി മീശ പിരിച്ച് വെച്ചു..... കൈ യിലെ ഇലചീന്തിലിരുന്ന ചന്ദനമെടുത്ത് അവന്റെ നെറ്റിയിൽ തൊട്ടു......മുഖത്തെ ഭംഗി ഒന്നും കൂടി ഇരട്ടിച്ചപോലെ അവൾക്ക് തോന്നി. എന്തിനാണ് അങ്ങനെ ചെയ്തതെന്ന് അവൾക്കറിയില്ല......പക്ഷെ ചെയ്തു..... അവനെ ഒന്നും കൂടി നോക്കി തിരിഞ്ഞു നടന്നതും അവളുടെ കൈയിൽ അവന്റെ പിടിത്തം വീണതും ഒത്തായിരുന്നു🔥...............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...