🔥എന്റെ മാത്രം : ഭാഗം 2

എഴുത്തുകാരി: അല്ലി

അങ്ങോട്ട് മേലനക്കി പണി ചെയ്യടാ... ജിപ്സി യുടെ മുകളിൽ സിഗരറ്റ് വലിച്ച് കൊണ്ട് ശിവൻ പണിക്കാരോട് അലറി... പാട ത്തോടെ ചേർന്ന പറബ് കിളയ്ക്കുകയായിരുന്നു പണിക്കാർ.... വിശാല മായ പറമ്പിൽ ഇല്ലാത്തതായി ഒന്നും തന്നെയില്ല.. തറവാട് വക സ്വത്തിന്റ ഒരു ഭാഗം തന്നെ ഈ വിശാല മായ പറമ്പാണ്.... കാറ്റിൽ നെറ്റിയിലോട്ട് വീഴുന്ന മുടികൾ മാടി ഒതുക്കി വെയ്ക്കുമ്പോൾ ആണ് ഭദ്ര വരുന്നത് അവൻ കണ്ടത്..... അവളെ കണ്ടതും പതിവ് ചിരി അവന്റെ ചുണ്ടിൽ വിരിഞ്ഞു... മറ്റെവിടെയോ നോക്കിയാണ് വരവ്.. തന്നെ കാണാഞ്ഞിട്ടല്ല മനഃപൂർവം നോക്കാത്തതാണെന്ന് അവളുടെ വരവിൽ അവന് മനസ്സിലായി അവളെ അടുത്ത് കണ്ടതും ഒന്നുകൂടി അവന്റെ കണ്ണുകൾ വിടർന്നു... ഇരു നിറം ആണെങ്കിലും ഐശ്വര്യo ആണ് അവളുടെ മുഖത്ത്... ഉണ്ട കണ്ണുകൾ... ഇച്ചിരി കരി പോലും എഴുതിയിട്ടിയില്ലെങ്കിലും പീലികൾ കൊണ്ട് മനോഹരമാണ്... കാതിൽ കുഞ്ഞു ജിമിക്കി കമ്മൽ... കട്ടി പിരികം അതിന്റെ നടുക്ക് ഇച്ചിരി വല്യ കറുത്ത പൊട്ട്.. അതിന് മുകളിൽ ഒരു കുറി...

കുളിപ്പിഞ്ഞാൽ വെച്ച് കെട്ടി വിടർത്തിയ മുടി... എല്ലാം കൊണ്ടും അവൾ സുന്ദരിതന്നെയാണ്... എന്നത്തെയും പോലെ ആ ഗൗരവം അവളുടെ മുഖത്തുണ്ട്...... അമ്പലത്തിൽ പോയിട്ട് വരുവാണോ മോളെ... ജോലി ചെയ്തു കൊണ്ടിരുന്ന ആൾ ചോദിച്ചതും അവൾ അതേയെന്ന് ചിരിച്ചു കൊണ്ട്..തലയാട്ടി "മിണ്ടാതെ പണി എടുക്കടോ..... കണ്ടവളുമാരുമായി കൊച്ചു വർത്താനം പറഞ്ഞ് നിൽക്കാതെ"" .... ശിവൻ ദേഷ്യത്തിൽ പറഞ്ഞതും അയാൾ വേഗം ജോലി ചെയ്തു. ഭദ്ര അവനെ ഒന്ന് ദഹിപ്പിച്ച് നോക്കി വേഗം നടന്നു.... ".. ഇത് വഴി അല്ല എന്റെ പറമ്പാ..... ഇങ്ങനെ ചാടി തുള്ളിയുള്ള പോക്ക് ഇതിലൂടെ വേണ്ട കേട്ടല്ലോ...." പുറകിൽ നിന്നുo അവൻ വിളിച്ച് കൂവി യതും അവൾ ഒന്ന് നിന്നുo.... ഇവൻ സമ്മതിക്കില്ല...... മനസ്സിൽ പറഞ്ഞ് കൊണ്ട് അവൾ തിരിഞ്ഞു നോക്കി... ജിപ്സി യുടെ മുകളിൽ ഇരുന്ന് കാലുമേൽ കാലും കേറ്റി അവളെ നോക്കി ഇരിക്കുകയാണ് ശിവൻ..... "നീ ഉണ്ടാക്കിയിട്ടതല്ലല്ലോ അമരാവദിയിലെ ശിവ ശങ്കര.... നിന്റെ അപ്പുപ്പന്മാർ ഉണ്ടാക്കിയിട്ടയിടത്ത് ഞെളിഞ്ഞിരുന്ന് ഇങ്ങനെ രാജാവ് കളിക്കാൻ നാണം ഇല്ലേടോ തനിക്ക് ... അയ്യാ ഒരു ആള് വന്നേക്കുന്നു. ഈ ഭദ്ര ഇതിലൂടെ നടക്കും.... വേണ്ടി വന്നാൽഇവിടെ പാ വിരിച്ച് കിടക്കും... നീ എന്താണെന്ന് വെച്ചാൽ ചെയ്യ്.....'"

അത്രയും പറഞ്ഞ് ഒന്ന് കടുപ്പിച്ച് നോക്കിയിട്ട് അവൾ അവിടെ നിന്നുo പോയ്‌.. എടി കരിവണ്ടേ.......... "പോയ്‌ നിന്റെ തന്തേ വിളിക്കടാ നാറി......" അവൾ അതും പറഞ്ഞോണ്ട് നടന്നു.... അവൾ പോകുന്നതും നോക്കി ചിരിച്ച് കൊണ്ട് അവൻ വണ്ടി മേലെ കിടന്നു... ഈ കുഞ്ഞ് എന്തിനാ ആ കൊച്ചിനെ കരിവണ്ടെന്ന് വിളിക്കുന്നത്... അത്രയ്ക്ക് കറുത്തതല്ലല്ലോ ഇച്ചിരി ഇരുണ്ട തായാലും എന്തൊരു ഭംഗിയ......കിളയ്ക്കുന്ന ഒരാൾ വെറുരാളോട് ചോദിച്ചു.... അതൊന്നും എനിക്കറിയാൻ പാടില്ല കുമാര... പണ്ട് മുതലേ ഈ ചെറുക്കൻ അങ്ങനെയ ആ പെണ്ണിനെ വിളിക്കുന്നത്.. എന്നാൽ വേറെ ആരെങ്കിലും കരിവണ്ടെന്ന് വിളിച്ചാൽഇവൻ അവരുടെ മൂക്കടിച്ച് പരത്തും ഉള്ളതാണോ... ആണെന്നെ പണ്ട് ഇവന്റെ ഒരു കൂട്ടുകാരൻ ആ പെണ്ണിനെ കരിവണ്ടെന്ന് വിളിച്ചതിന് സ്വന്തം കൂട്ടുകാരൻ ആണെന്ന് പോലും നോക്കാതെ അടിച്ച് അവന്റെ അണപ്പല്ല് തെറിപ്പിച്ചില്ലേ........ ഇവന് വട്ടാണോ ..... എന്താടോ അവിടെ ഒരു മുറു മുറുപ്പ്... എന്റെ കൊണം മാറ്റരുത്..ജോലി ചെയ്യടോ വേഗം.....കിടന്നു കൊണ്ട് തന്നെ അവൻ അലറിയതും രണ്ടാളും വാ അടച്ച് ജോലി വീണ്ടും തുടങ്ങി..... ******** അലക്കിയ തുണി അലയിൽ വിരിച്ചപ്പോഴാണ് നരച്ച സാരി കീറിയത് രാധമ്മ കണ്ടത്.... അത് കണ്ടപ്പോൾ അറിയാതെ കണ്ണുകൾ നിറഞ്ഞു...........

രാവിലെ ശിവൻ പറഞ്ഞത് അവരുടെ കാതിൽ വീണ്ടും വീണ്ടും വന്നു കൊണ്ടിരുന്നു........ ഒരുപാട് മടിച്ചാണ് അവന്റെ മുറിയിൽ പോയത്... ഇന്നലത്തെ കോലാഹലം അവരെ നന്നായി പേടിപ്പിച്ചായിരുന്നു.. കുളി കഴിഞ്ഞ് റൂമിലേക്ക് വന്ന ശിവൻ അമ്മയേ കണ്ട് സംശത്തിൽ ഒന്ന് നോക്കി... "ഹും എന്ത്‌ വേണം ഇന്നല്ലത്തെ പോലെ ഉപദേശിക്കാൻ വന്നതാണോ നിങ്ങൾ " ഷർട്ട്‌ ഇട്ട് കൊണ്ട് ശിവൻ പറഞ്ഞതും രാധമ്മ അല്ലെന്ന് തലയാട്ടി.... എന്തെങ്കിലും പറയാനുണ്ടെങ്കിൽ വാ തുറന്ന് പറയ്യ്... എനിക്ക് വേറെ ജോലി ഉണ്ട്....... "അത് എന്റെ സാരി എല്ലാം നരച്ച് കീറി മോനെ.... ഒരു ഇരുന്നൂറു രൂപ തരുവോ ഇവിടെ അടുത്ത് ചെറിയ ഒരു കട ഉണ്ട്.. വില കുറവാ... ഒരു സാരി മേടിക്കാന... " ധൈര്യത്തോടെ അത്രയും പറഞ്ഞ് മുഖം ഉയർത്തി അവനെ നോക്കിയതും തന്നെ തുടിച്ച് നോക്കുന്ന ശിവനെയാണ് കണ്ടത്.. " കിടക്കാൻ ഒരിടവും കഴിക്കാൻ ആഹാരവും തരുന്നത് പോരാഞ്ഞിട്ട് ഇനി നിങ്ങൾക്ക് തുണിയും ഞാൻ മേടിച്ച് തരണം അല്ലേ..... " അവരെ നോക്കി പുച്ഛത്തോടെ പറഞ്ഞ് കണ്ണാടിയിൽ നോക്കി നീളൻ മുടി ഒന്ന് ചിക്കി അവൻ അവരെ മറികടന്നു പോയ്‌... വല്ലാത്ത ഒരു വേദന അ അമ്മയുടെ മനസ്സിലുണ്ടായി..... അവൻ പറഞ്ഞത് സത്യം ആണ്..

ആരുമില്ലാത്ത പാഴ് ജന്മത്തിന് കിടക്കാൻ ഒരു സ്ഥലം തന്ന് അന്നത്തിന് മുട്ടില്ലാതെ നോക്കുന്നില്ലേ അവൻ അത് തന്നെ വല്യ കാര്യം... ഓർമകളിൽ നിന്നുo ഉണർന്ന് കീറിയ സാരി യിൽ രാധമ്മ വിരലോടിച്ചു... തുന്നി ചേർക്കാം..... അതിന്റെ ആവിശ്യമേയുള്ളൂ.... ഇച്ചിരി നരച്ചാലും വേണ്ടില്ല എവിടെയും പോകുന്നില്ലല്ലോ അവർ സ്വയം പറഞ്ഞ് ആശ്വസിച്ചു...... **—**---*-- എണ്ണയിൽ വാഴയ്ക്കാപ്പം ചുട്ടെടുക്കുകയാണ് ഭദ്ര.... ചായക്കടയിൽ തിരക്ക് ഇച്ചിരി കുറവാണ്... രാജൻ മാമ്മ അവിടെ ഉള്ളവർ പറയുന്നതിനനുസരിച്ച് എല്ലാം എടുത്ത് കൊടുക്കുന്നുണ്ട്.... ഇച്ചിരി വല്യ കടയിലാണ് ഭദ്ര ജോലി ചെയ്യുന്നത്.... ആദ്യം തയ്യൽ ആയിരുന്നു... അമ്മയ്ക്ക് തീരെ വയ്യാതായപ്പോൾ അതിൽ നിന്നുമുള്ള വരുമാനം മാത്രം പോരെന്ന് അവൾക്ക് മനസ്സിലായി.. അങ്ങനെ ജോലി തിരക്കി നടന്നപ്പോഴാണ് ഈ കടയിൽ ജോലി ചെയ്യാൻ മാമ്മ വിളിച്ചത്... അത്യാവശ്യം പൈസ എല്ലാ മാസവും മാമ്മ തരും... സന്ധ്യ ആകുമ്പോൾ വീട്ടിൽ പോകാനും സമ്മതിക്കും... എന്ത്‌ കൊണ്ടും ഈ ജോലി അവൾക്കൊരു അനുഗ്രഹമാണ്... ********* ഭദ്ര മോളെ ഇവിടെ ഒരു ചായ........ മാമ്മ പറഞ്ഞതും അവൾ ഗ്യാസ്സിന്റെ തീ കുറച്ച് ചായ യുമായി അവിടേക്ക് ചെന്നു... മാമ്മേ...... ഹ അങ്ങോട്ട് കൊടുക്ക് മോളെ ഞാൻ ഈ കുല ഒന്ന് കെട്ടി തൂക്കട്ടേ........ ഹും.... അതും പറഞ്ഞ് അവൾ ചായ ബെഞ്ചിൽ വെച്ച് മുഖം ഉയർത്തിയതും ശിവൻ...

അവനെ കണ്ടതും അവൾ കലിപ്പിൽ ഒന്ന് നോക്കി... അതേ പോലെ അവനും ഒന്ന് നോക്കി ചായ ചുണ്ടോട് ചേർത്തു.... ഹ.... എന്ത്‌ ചായയാ ഇത്..... മുഖം ചുളുക്കി ശിവൻ പറഞ്ഞതും ആ ചായ അവന്റെ തലവഴി ഒഴിക്കാനാ അവൾക്ക് തോന്നിയത്..... എന്താ പറ്റിയെ കുഞ്ഞേ........ മാമ്മ അവരുടെ അടുത്തേക്ക് വന്ന് ചോദിച്ചു.... എന്ത്‌ ചായയാ രാജൻ മാമ്മേ ഇത് ഒരു വകയ്ക്കും കൊള്ളില്ല...വെറുതെ അല്ലല്ലോ പൈസ കയ്യിൽ തന്നിട്ടല്ലേ...... എന്താ മോളെ.......... തനിക്ക് വേണമെങ്കിൽ കുടിച്ചിട്ട് പോടോ..അല്ലെങ്കിൽ എടുത്ത് കളഞ്ഞേരെ തന്റെ ചായയുടെ പൈസ ഞാൻ കൊടുത്തോളാം........... അവനെ നോക്കി അവൾ പറഞ്ഞതും ശിവൻ ഒന്ന് അടിമുടി അവളെ നോക്കി.... അത്രയ്ക്ക് ചൊണ കാണിക്കല്ലേ... ആദ്യം തരാൻ ഉള്ള പൈസ തന്ന് നിന്റെ വീടിന്റെ ആധാരം മേടിക്കാൻ നോക്ക്.... അത് കേട്ടപ്പോൾ ഭദ്രയ്ക്ക് അനക്കം ഒന്നും ഇല്ലാതെയായി പോയ്‌....ശരിയാണ് അമ്മയുടെ ഓപ്പറേഷന് വേണ്ടി വീടിന്റെ ആധാരം പണയം വെച്ചായിരുന്നു എന്താടി നിന്റെ നാവ് പോയോ... എന്തൊരു നാക്കായിരുന്നു.... ഏഹ്.... എന്റെ നാക്കിന് ഒരു കുഴപ്പവും ഇല്ലെടോ....ഇന്നേ വരെ പലിശ ഒരു മുടക്കവും ഇല്ലാതെ തന്റെ വല്യച്ചൻ ഇല്ലേ അയാളുടെ കയ്യിൽ ഞാൻ കൊടുക്കുന്നുണ്ട്.... പിന്നെ ഞാൻ എന്തിനാ തന്റെ മുന്നിൽ നാവാടാക്കി നിൽക്കുന്നത്... എന്റെ മേലെ കുതിര കേറാൻ വന്നുണ്ടല്ലോ ഈ ചൂട് ചായ എടുത്ത് തന്റെ മുഖത്തൊഴിക്കും ഈ ഭദ്ര.....

മോളെ നീ എന്തൊക്കെയാ പറയുന്നേ പോയേ പോയ്‌ ജോലി നോക്ക്.... മാമ്മേ ഇയാൾ......... പോകാനാ പറഞ്ഞത്...... മാമ്മ ഇച്ചിരി ദേഷ്യത്തോടെ പറഞ്ഞതും പിന്നെ ഒന്നും മിണ്ടാതെ അവനെ ഒന്ന് അടിമുടി നോക്കിയിട്ട് അവൾ അടുക്കളയിലേക്ക് പോകാൻ നേരം അവന് കൊടുത്ത ചായ എടുത്ത് റോഡിലോട്ട് ഒറ്റ ഒഴി..... ശിവൻ അവളെ ചിരിയോടെ നോക്കി.. ഇതൊക്കെ അവൻ പ്രതീക്ഷിച്ചതാനെന്ന മട്ടിൽ.... കൊള്ളാത്ത ചായ കുടിക്കണ്ട അമരവദിയിലെ ശിവ ശങ്കര...... ഹും..... അവൾ പോകുന്നതും നോക്കി അവൻ ചിരിച്ചു.... എന്റെ മോനെ എന്തിനാ അവളെ ദേഷ്യം പിടിക്കുന്നത്... അറിയില്ലേ നിനക്ക് അവളെ.... ഇതൊക്കെ ഈ ശിവന്റെ ഒരു തമാശ അല്ലേ രാജൻ മാമ്മേ..... അവളെ ഇങ്ങനെ ദേഷ്യം പിടിപ്പിക്കണം.. എന്ത്‌ ഭംഗിയാ...... മോനെ ശിവ എന്താ ഉദ്ദേശം.. ഏഹ്..... അവൻ കള്ള ചിരിയോടെ കണ്ണിറുക്കി മുണ്ടും മടക്കി കുത്തി വെളിയിലേക്ക് പോയ്‌..... ********* അടുക്കളയിൽ ജോലി ചെയ്യുന്ന തിരക്കിൽ ആയിരുന്നു രാധമ്മ... അടുപ്പിൽ ഇരിക്കുന്ന മാമ്പഴ പുളിശ്ശേരിയിൽ തവി കൊണ്ട് ഇളക്കി ഇച്ചിരി എടുത്ത് രുചി നോക്കി.... ഹും..... മോന് ഒരുപാട് ഇഷ്ട്ടവാ ഇത് മുഴുവൻ കൊതികൊണ്ട് അവൻ കഴിക്കും... എനിക്കറിയില്ലേ......... അവർ ഇച്ചിരി രുചിച്ച് ആരോടെന്നില്ലാതെ പറഞ്ഞതും ആരോ വാതിലിൽ മുട്ടുന്നത് കേട്ടു.... ആരാ ഈ സമയത്ത്... എന്നും പറഞ്ഞ് ഡോർ തുറന്നതും മുന്നിൽ നിൽക്കുന്ന ശിവൻ.... എന്താണോ ഈ സമയത്ത്... ഉച്ചയ്ക്ക് കഴിക്കാൻ വരാത്തതാ..

അത്താഴത്തിന് മാത്രമേ ഇവിടെ കാണു... അങ്ങോട്ട് മാറി നിൽക്ക്...... അവന്റെ അലർച്ച കേട്ടതും രാധമ്മ പെട്ടെന്ന് മാറി കൊടുത്തു... അവൻ അകത്തേക്ക് കേറി.... എന്താ മോനെ പതിവില്ലാതെ ഈ നേരത്ത്..... എന്റെ വീട്ടിൽ വരാൻ ഞാൻ ഇനി നിങ്ങളുടെ അനുവാദം ചോദിക്കണോ ??? ഒന്നും മിണ്ടാതെ തല കുഞ്ഞിച്ച് നിന്നു... ഇന്നാ......... കൈയിൽ കരുതിയാ കുറച്ച് കവർ അവർക്ക് നേരെ നീട്ടി മുഖം തിരിച്ച് അവൻ പറഞ്ഞതും അവർ സംശയത്തോടെ അവനേയും കവറിനേയും മാറി മാറി നോക്കി... എന്താ ഇത്???? എന്താണെന്ന് അറിഞ്ഞാലേ നിങ്ങൾ മേടിക്കത്തുള്ളോ.. അവൻ ഒന്ന് കലിപ്പിൽ പറഞ്ഞതും അവർ അത് മേടിച്ച് തുറന്ന് നോക്കി.... അപ്പോഴേക്കും അവൻ മുകളിലേക്ക് നടന്നു...... കവർ തുറന്നതും ആ അമ്മയുടെ കണ്ണുകൾ വിടർന്നു.... സാരി.... വില കൂടിയ മനോഹരമായ സാരികൾ... ഒന്നല്ലാ രണ്ടല്ലാ... കുറേ ഉണ്ട്.......... ആ അമ്മയുടെ ഹൃദയം സന്തോഷം കൊണ്ട് നിറഞ്ഞു..... കണ്ണും നിറച്ച് അവൻ പോകുന്നതും നോക്കി നിന്നും... പിന്നെ അത് നെഞ്ചോട് ചേർത്ത് വെച്ചു...... എന്റെ മോനാ.... എന്റെ വേദന അവന് അറിയാം... വല്യമ്മയല്ലാ അമ്മ.... എന്നെങ്കിലും എന്റെ മോൻ അങ്ങനെ വിളിക്കും... എനിക്ക് ഉറപ്പാ......... അവർ മനസ്സിൽ പറഞ്ഞു.................................................തുടരും…………

എന്‍റെ മാത്രം : ഭാഗം 1