🔥എന്റെ മാത്രം : ഭാഗം 21

എഴുത്തുകാരി: അല്ലി

താഴെ കിടക്കുന്ന രാജനെ ജോയ് മാറി മാറി ചവിട്ടാൻ തുടങ്ങി... ഒന്ന് തടയാൻ പോലുമാകാതെ അവൻ കരഞ്ഞു... ഭാമയും പൊന്നു മോളും കരയുവാണ്... വേണ്ടെന്ന് പറയുന്നുണ്ടെങ്കിലും അവന്റെ ചെവിയിൽ അതൊന്നും എത്തിയതേയില്ല.. മനസ്സ് മുഴുവൻദേഷ്യമായിരുന്നു... ഒരിക്കൽ ആഗ്രഹിച്ചതാണ് പ്രണയിച്ചതാണ്. ഇപ്പോഴും അതുണ്ടോന്ന് ചോദിച്ചാൽ വല്ലാത്ത വേദനയാണ്. പക്ഷെ ഒരിക്കലും അവളുടെ അവസ്ഥ മുതലെടുത്ത് കൂടിയിട്ടില്ല..... പക്ഷെ ഒരുത്തനും അവളുടെ അടുത്ത് മോശമായി പെരുമാറിയാൽ പോർക്കില്ല.. വേണ്ട ജോയ് വിട്ടേരെ..... ചത്തു പോകും.. വേണ്ടാ ജോയിച്ചാ... വേണ്ടാ... പൊന്നു മോളും ഭാമയും അവനെ ബലമായി പിടിച്ചു മാറ്റി....... കിതയ്ക്കുവായിരുന്നവൻ....... വീണ് കിടക്കുന്നവനെ താക്കില് പോലെ വിരൽ ചൂണ്ടി.... എന്നാത്തിനാടി കരയുന്നത് കണ്ടവന്മാർ തന്തയില്ലായ്മ കാണിക്കാൻ വന്നാൽ ഇങ്ങനെ തൊലിച്ചോണ്ട് ഇരിക്കുകയല്ലാ വേണ്ടത്.... അവളുടെ ഒരു കണ്ണിര്...... ജോയ് കരയുന്ന ഭാമയുടെ നേരേ ചീറി... അവൾ കരയുകയാണ്...... നിസ്സഹായയായ ഒരു പെണ്ണിന്റ വേദന... അമ്മേ വഴക്ക് പറയല്ലേ ജോയിച്ച.... അവന്റെ കാലിൽ കെട്ടിപ്പിടിച്ച് വിതുമ്പി പറയുന്ന പൊന്നു മോളെ അവൻ വാരിയെടുത്ത് കവിൾ ഉമ്മ വെച്ചതും ആരോ അവനെ തെള്ളി മാറ്റി.. മോളെ ബാലൻസ് തെറ്റി വീഴാൻ പോയതും ഭാമ പിടിച്ചു നിർത്തി. അഹ്.... എന്ന അലർച്ച കേട്ടതും കത്തിയുമായി നിൽക്കുന്ന രാജനും കയ്യിൽ ചോര ഒഴുകി നിൽക്കുന്ന ശിവനും.... അയ്യോ..... ഭാമ കരഞ്ഞു പോയ്‌... എന്റെ ശങ്കരനെ കുത്തിയോട നായിന്റെ മോനെ.. നിന്നെ ഞാൻ കൊല്ലും..... ജോയ് അലറിയെങ്കിലും രാജൻ അപ്പോൾ തന്നെ അവിടെ നിന്നും ഓടി....

അവന്റെ പിറകെ പോകാൻ നിൽക്കാതെ പകയോടെ അവന്റെ നേരേ നോട്ടം നോക്കി. വേദനകൊണ്ട് നീറുന്ന ശിവന്റെ അടുത്തേക്ക് ജോയ് ചെന്നു..... ശങ്കര.... അയ്യോ........ ചോര വരുന്നു..... ഭാമ കൊച്ചേ വേഗം പോയ്‌ തുണിഎടുത്തോണ്ട് വാ... ജോയ് വെപ്രാളത്തോടെ പറഞ്ഞതും അവൾ അകത്തേക്ക് ഓടി...... സാരമില്ലടാ....... ശിവൻ വേദന കടിച്ചു പിടിച്ച് പറയുന്നത് കേട്ട് ജോയുടെ കണ്ണുകൾ നിറഞ്ഞു.... പൊന്നുമോൾ കരച്ചലിലാണ്.... പെട്ടെന്ന് ഭാമ തുണിയുമായി വന്ന് ശിവന് ശ്രദ്ധയോടെ കെട്ടികൊടുത്തു... ഇച്ചിരി ആഴത്തിലുള്ള മുറിവാണ്... അതുകൊണ്ട് തന്നെ ചോര നിൽക്കുന്നില്ല.. എന്നാത്തിനാടാ പരന്നാറി നീ ഇങ്ങോട്ട് വന്നത് . അതുകൊണ്ടല്ലേ............. ജോയ് കരഞ്ഞു കൊണ്ട് പറയുവാണ്.. സാരമില്ലടാ ഇത് ചെറിയ മുറിവാ.. മരുന്ന് വെച്ച് കെട്ടിയാൽ മതി.... വേദന യോടെ ശിവൻ പറയുന്നത് കേട്ട് ഭാമ കരയുകയാണ്... ആ ##₹**₹മോനെ ഞാൻ കൊല്ലും അവനെ എന്റെ കൈയിൽ കിട്ടട്ടെ... ജോയ് അവന്റെ മുറിവ് കെട്ടിക്കൊണ്ട് പറഞ്ഞു. ഹോസ്പിറ്റലിൽ കൊണ്ടുപോകാം ജോയ്... ചോര നിൽക്കുന്നില്ല.. എനിക്ക് പേടിയാകുന്നു... വാ.... നീ വരണ്ട ഞാൻ കൊണ്ടു പൊയ്ക്കോളാം... ജോയ് ശിവനെ ചേർത്ത് പിടിച്ച് നടന്നുകൊണ്ട് പറഞ്ഞു.. ഇല്ലാ ഞാനും വരുവാ....... ഒറ്റ നോട്ടമേ ജോയ് അവളെ നോക്കിയുള്ളു. ഭാമ പേടിച്ചു കൊണ്ട് പൊന്നുമോളെ ചേർത്ത് പിടിച്ചുകൊണ്ട് വിതുമ്പി....... ജോയ് ശിവനെയു പിടിച്ചു കൊണ്ട് വെളിയിലേക്ക് നടന്നു.  ഹോസ്പിറ്റലിൽ കേറി സ്റ്റിച്ചിട്ട് ഡ്രസ്സ്‌ ചെയ്ത് ശിവനെയും കൊണ്ട് ജോയ് തറവാട്ടിലേക്ക് വിട്ടു..... ഞാൻ കാരണമെല്ലേടാ ശങ്കര നീയി വേദന തിന്നുന്നെ...... വണ്ടി ഓടിക്കുന്നതിനിടയിൽ ജോയ് സങ്കടത്തോടെ പറയുന്നത് കേട്ട് ശിവൻ ചിരിച്ചു സാരമില്ലെടാ.... നിനക്ക് വേണ്ടി ചാകാൻ വരെ ഈ ശിവൻ തയ്യാറാ... ഇത് ചെറിയ ഒരു മുറിവല്ലേ കുറച്ചു ദിവസം കഴിയുമ്പോൾ സ്റ്റിച്ചെടുത്ത് എല്ലാം ശരിയാകും.....പിന്നെ...... പിന്നെ???

അവളെ കൊണ്ട് എന്റെ കാര്യങ്ങൾ നോക്കിപ്പിക്കാലോ... കള്ള ചിരിയോടെ ശിവൻ പറയുന്നത് കേട്ട് ജോയ് വാ തുറന്നു പോയ്‌. എന്റെ ശങ്കര ഇത്രയും വേദനയിലും ഇങ്ങനെ കണ്ണംതിരിവ് ചിന്തിക്കാൻ നിന്നെക്കൊണ്ട് മാത്രമേ പറ്റു...... എന്റെ ഇശോയെ ഇങ്ങനെയൊരുത്തൻ..... അല്ല രാധമ്മച്ചിയോട് എന്തോ പറയും നീ... എന്ത് പറയാൻ.... ഇത് എങനെ പറ്റിയെന്ന് ചോദിച്ചാൽ?? അങ്ങനെ ചോദിക്കാനൊന്നും അവർ വരില്ല...... അങ്ങനെയല്ല ശങ്കര നിന്നെ ഇങ്ങനെ കാണുമ്പോൾ അവർ എന്തോരം വേദനിക്കുമെന്ന് അറിയോ നിനക്ക്?? ആവോ എനിക്കറിയില്ല... അറിയേണ്ട കാര്യവുമില്ല...... കൂസലില്ലാതെ അവൻ പറഞ്ഞു. ഇതിനെല്ലാം ആ നായിന്റെ മോനാ കാരണം. എന്നാലും അവൻ എങനെ ഓടിയെന്നാ ആ പരുവം വെച്ച്... എന്റെ കൈ യിൽ കിട്ടട്ടെ.... ജോയ് പല്ല് കടിച്ചു.  രണ്ടാളും ഉമ്മറത്ത് കാര്യം പറഞ്ഞോണ്ടിരിക്കുമ്പോഴാണ് ജോയുടെ വണ്ടി വന്നു നിന്നത്. അത് കണ്ട് എഴുന്നേറ്റതും വണ്ടിയിൽ നിന്നും മുറിവായ കൈ യോടെ വരുന്ന ശിവനെ കണ്ട് ഭദ്രയും രാധമ്മയും ഞെട്ടി.... രാധമ്മ കണ്ണും നിറച്ച് അവന്റെ അടുത്തേക്കോടി... ഭദ്രയുടെ ഉള്ളിൽ വല്ലാത്ത വേദനയുണ്ടായി..... ഹൃദയത്തിൽ മുള്ളു മുരിക്ക് കൊണ്ട് കുത്തികിറുന്ന വേദന..... ജോയ് ശിവനെ പിടിച്ചു കൊണ്ട് മുന്നോട്ട് നടന്നു. ഹ എടാ എന്റെ കാലിന് കുഴപ്പമില്ല. നീ വിട്ടേ..... ശിവൻ കുതറി മാറാൻ നോക്കിക്കൊണ്ട് പറഞ്ഞു. എടാ ശങ്കര നീ അങ്ങോട്ട് നോക്ക് രാധമ്മ ഓടി വരുന്നത് കണ്ടോ.? ആ കണ്ട്.. നീ നിന്റെ പെണ്ണിനെ ഒന്ന് നോക്കിയേ... അത് കേട്ടതും ശിവൻ ഭദ്രയിലേക്ക് നോക്കി. ആ മുഖം കണ്ടാലറിയാം അവളുടെ ഉള്ളിലെ വേദന... ഇച്ചിരി സഹതാപം വേണമെങ്കിൽ മുടന്ത് പോലെ അഭിനയിച്ചോ ആ സമയം കൊണ്ട് അവളുടെ ഉള്ളിൽ കേറി പറ്റാം. എന്റെ ജോയ് ഒന്നാമത് വേദന കൊണ്ട് ഞാൻ ഇല്ലാണ്ടായി നിൽക്കുവ.. എന്റെ കൈ യിൽ നിന്ന് മേടിച്ചു കൂട്ടുവേ... ദേഷ്യത്തിൽ ശിവൻ പറഞ്ഞു. അയ്യോ എന്റെ മോന് എന്ത് പറ്റിയതാ.. രാധമ്മ കരഞ്ഞു കൊണ്ട് അവന്റെ മുറിവിൽ തലോടി പറഞ്ഞു. അഹ്.... നിങ്ങളാ കൈ മാറ്റ് മനുഷ്യൻ വേദനയെടുത്ത് ചത്തു ( ശിവൻ ) പെട്ടെന്ന് രാധമ്മ പേടിയോടെ കൈ മാറ്റി അവന് വേദനിക്കുമോന്നുള്ള പേടി...

അപ്പോഴേക്കും ഭദ്ര അവരുടെ അടുത്തേക്ക് വന്നു. എന്ത് പറ്റിയതാ. ആരെങ്കിലും കുത്തിയതാ..... അവന്റെ മുറിവിൽ നോക്കി അവൾ പറയുന്നത് കേട്ട് മൂന്നാളും ഞെട്ടി. രാധമ്മ യുടെ മനസ്സിൽ പല ചിന്തകളും പോയ്‌ മറഞ്ഞു. അതെന്താ നീ അങ്ങനെ ചോദിച്ചത്?? (ജോയ്യ് ) ഞാൻ എന്റെ സംശയം പറഞ്ഞെന്നെയുള്ളൂ. കൈയിലിരിപ്പ് നല്ലതായൊണ്ട് പറയാൻ പറ്റില്ലല്ലോ.... ജോയ് ഇവളോട് മിണ്ടാതിരിക്കാൻ പറ.... ശിവൻ മുഖം തിരിച്ചു. എന്ത് പറ്റിയതാ മോനെ.. മോൾ പറഞ്ഞത് സത്യമാണോ.??? ഒന്നുവില്ല രാധമ്മച്ചി.. ഒരു ആക്‌സിഡന്റ് പറ്റിയതാ ഭാഗ്യത്തിന് കൈക്ക് മാത്രമേ കുഴപ്പമുള്ളൂ സ്റ്റിച് ഉണ്ട്.... അയ്യോ.. സൂക്ഷിക്കണ്ടേ മോനെ...രാധമ്മ അരുമയോടെ അവന്റെ തലയിൽ തലോടി...അവന്റെ ഉള്ളിൽ ഒരു തണുപ്പ് തോന്നി..... ഭദ്ര ജോയ് പറഞ്ഞത് വിശ്വസിക്കാൻ പറ്റാതെ നിൽക്കുകയാണ്.. ബാക്കി അകത്ത് കേറിയിട്ട് സംസാരിക്കാം.....അതും പറഞ്ഞ് ജോയ് ശിവനെ പിടിച്ചു കൊണ്ട് നടന്നു.... സൂക്ഷിച്ച് ജോയ്ച്ചാ കൈ ഇളക്കല്ലേ.... പുറകിൽ നിന്ന് ഭദ്ര പറയുന്നത് കേട്ട് ശിവൻ ജോയേ നോക്കി ചിരിച്ചു... സത്യത്തിൽ ശിവൻ ഒരു അത്ഭുതമാണ്. അവന്റെ വേദനയിലും ഭദ്രയിലൂടെ അവൻ സന്തോഷം കണ്ടെത്തുന്നു..... ആണോ.... ഹോസ്പിറ്റലിലോ.... ഹ്മ്... അടിച്ചവന്റ പരിപ്പിളക്കണം.. ഹ.. ശരി... ഫോൺ കട്ട്‌ ചെയ്ത് ജോയ് ശിവന്റെ അടുത്തിരുന്നു. എന്താടാ....... Si കുമാറാ വിളിച്ചത്. അവനെ പൊക്കിയിട്ടുണ്ട്. ഇപ്പോൾ ഹോസ്പിറ്റലിലാ... ഞാൻ അവിടെ വെച്ച് ഒന്ന് പരുമാറിയിരുന്നു. ഇന്ന് തന്നെ സ്റ്റേഷനിൽ കൊണ്ടുപോകും. അവന്റെ പരിപ്പെടുക്കാൻ പറഞ്ഞിട്ടുണ്ട്. ബാക്കി നമ്മൾക്ക് ആ നായിന്റെ മോൻ വെളിയിൽ വരുമ്പോൾ കൊടുക്കാം... ജോയ് പല്ലു കടിച്ചു. നമ്മൾ എന്തെങ്കിലും ചെയ്താൽ അവൻ ആ പെണ്ണിനേയും കൊച്ചിനെയും ആ വീട്ടിൽ നിന്ന് ഇറക്കി വിടും.... അത് അപ്പോൾ നോക്കാം. നിന്റെ മേലെ തോട്ടവനെ ഈ ജോയ് വെറുതെ വിടില്ല.... ഇരുട്ടടി കൊടുത്തിരിക്കും ഈ ജോയ്..... ഞാൻ ഒന്ന് സ്റ്റേഷൻ വരെ പോയിട്ട് വരാം....... ഹ ശരി......  ദേഷ്യത്തോടെ ശ്രീധരൻ കസേര നിലത്തേക്കെറിഞ്ഞു. സുമതിയമ്മ കരയുകയാണ്... മാമനും അതേ അവസ്ഥ...

ആ നശൂലം വന്നതും കൊണ്ട് മാത്രമാ എന്റെ മോന് ഇങ്ങനെ പറ്റിയത്...... എന്റെ ശിവൻ...... ശ്രീധരൻ ദേഷ്യവും സങ്കടവും കൊണ്ട് അലറി... അവനെ പോയ്‌ കാണാം. നമ്മൾക്ക്.... എന്റെ കുഞ്ഞൻ...വേദനകൊണ്ട് കിടക്കുകയാകും.. നമ്മക്കൊന്ന് പോകാമേട്ടാ... സുമതിയമ്മ കരഞ്ഞു കൊണ്ട് പറഞ്ഞു.... ശ്രീധരൻ ശബ്‌ദിച്ചില്ല... മോള് പറഞ്ഞത് ശരിയാ മോനെ.. നിന്റെ വാശി ഒന്ന് മതിയാക്ക്... ഒരു ആപത്ത് സമയത്ത് നമ്മളൊക്കെയല്ലേ ഉള്ളു നിങ്ങൾ പോയ്‌ ഒന്ന് കണ്ടിട്ട് വാ...... (മാമ്മൻ ) ഹ്മ് പോകാം....വേറെയൊന്നും ആലോചിക്കാതെ അദ്ദേഹം പറഞ്ഞു...എന്താ എന്തിനാ വിളിച്ചത് വേദനയുണ്ടോ... അടുക്കളയിൽ നിന്നും ഭദ്ര ശിവന്റെ അടുത്തേക്ക് ഓടി വന്നു... നന്നായി അണയ്ക്കുന്നുണ്ട്..... എന്റെ ഷർട്ട് അഴിക്കണം. ഒറ്റയ്ക്ക് പറ്റില്ല. അവരെവിടെ????? അവൻ രാധമ്മയെ തിരക്കി. ( രാധമ്മ ഇവിടെ ഇല്ലെന്ന് നന്നായിട്ട് അവനറിയാം ) രാധമ്മ എന്തൊക്കെയോ നേർച്ച പറയാൻ അമ്പലത്തിൽ പോയ്‌..... ഞാൻ സഹായിക്കാം അതും പറഞ്ഞ് അവൾ അവന്റെ അടുത്ത് വന്നിരുന്നു.... ഷർട്ടിന്റ ഓരോ ബട്ടെൻസ്സും അഴിക്കാൻ തുടങ്ങി.. അവൾ അടുത്ത് ഇരിക്കുബോൾ തന്നെ തുളസി പൂവിന്റെ മണമാണ്...... അവളുടെ സാമിപ്യം പോലും അവന് മത്താണ്..... അവളിൽ നിന്ന് വമിക്കുന്ന ഗന്ധം നുകർന്നു കൊണ്ട് ഇമ ചിമ്മാതെ ശിവൻ അവളെ നോക്കിക്കൊണ്ടിരുന്നു. ഇടയ്ക്ക് കൈ വേദനിക്കുന്നുണ്ടെങ്കിലും അവൻ അത് കാര്യമാക്കുന്നതേയില്ല.... ഭദ്ര ശ്രദ്ധയോടെ ഷർട്ട് അഴിച്ചു... അവന്റെ നെഞ്ചിലെ പച്ച കുത്തിയത് വീണ്ടും അവൾക്ക് മുന്നിൽ തെളിഞ്ഞു. "ശിവദ്ര " അവളുടെ മുഖത്തെ അത് കണ്ടപ്പോഴുള്ള ഭാവം ആസ്വദിക്കുകയാണ് ശിവൻ. അവളുടെ കൈകൾ അവൾ പോലുമറിയാതെ അവിടെ തഴുകി ഇതെല്ലാം വാതിലിന്റടുത്ത് നിന്ന് രണ്ടുപേർ കാണുന്നുണ്ടായിരുന്നു....🔥...............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...