🔥എന്റെ മാത്രം : ഭാഗം 22

എഴുത്തുകാരി: അല്ലി

അവളുടെ ഹൃദയത്തിന്റെ താളത്തിൽ തന്നെ വല്ലാത്ത അനുഭൂതിയാണ് അവന്റെ നെഞ്ചിലെ പച്ച കുത്തിയത് കാണുമ്പോൾ. അറിയാതെ പോലും അവളുടെ കൈകൾ അവന്റെ നെഞ്ചിൽ ഇഴയും... കൊതിയോടെ ചുണ്ടും നാക്കും അവിടെ പതിപ്പിക്കാൻ അവളുടെ ഉള്ളിന്റെയുള്ളിൽ ആരോ പറയുന്നത് പോലെ ഭദ്രയ്ക്ക് തോന്നും.... അവളുടെ കൈ കൾ അവന്റെ നെഞ്ചിൽ ഇഴഞ്ഞു... അവളുടെ ഓരോ സ്പർശനവും ശിവന് ലഹരിയാണ്... പ്രണയമാണ്... കാമമാണ്....... " ശിവദ്ര " കാണുമ്പോഴുണ്ടാകുന്ന അവളുടെ മാറ്റത്തിൽ അവന് അത്ഭുതമില്ല... താൻ പറയാതെ തന്നെ അവളുടെയുള്ളിൽ പ്രണയമുണ്ടാകണം... " പ്രണയമെന്നത് ഞാൻ പറയത്തിടത്തോളം നീ അറിയാത്തതും നീ അറിയത്തിടത്തോളം ഞാൻ പറയാത്തതുമാണ് ❣🔥" ( കടപ്പാട് ) ആരുടെയോ മുരടക്കം കേട്ടതും ഭദ്ര ഞെട്ടി കൈ പിൻ വലിച്ചു...ശിവൻ അവളെ നോക്കി. ഈ സമയത്ത് ആരാ വന്നതെന്ന് ദേഷ്യത്തോടെ നോക്കിയതും വാതിൽ പടിയിൽ നിൽക്കുന്ന ഭാമയേയും പൊന്നു മോളേയും കണ്ട് അവന്റെ മുഖം തെളിഞ്ഞു. താനെന്താണ് ചെയ്തതെന്ന് ഭദ്രയ്ക്ക് ഓർമ്മ വന്നതും വല്ലാത്ത ജാള്യതയോടെ ഭാമയേ നോക്കി. ആ മുഖത്തു ഒരു കള്ള നോട്ടമുണ്ട്.... പെട്ടെന്ന് ചാടി എഴുന്നേറ്റ് അവളുടെ അടുത്തേക്ക് നടന്നു. ചേച്ചി....... എന്താ ഇവിടെ.... ഇയാളെ കാണാൻ വന്നതാ ?? ഭാമയുടെ കൈയിൽ പിടിച്ചു കൊണ്ട് പറഞ്ഞതും ഭാമ അതേയെന്ന് തലയാട്ടി.. പൊന്നുവും മാമ്മനെ കാണാൻ വന്നതാണല്ലോ.... കുറുമ്പി പെണ്ണ് പറയുന്നത് കേട്ട് ഭദ്ര അവളുടെ കവിളിൽ പിച്ചി.... യ്യോ ഇതെന്താ മുഖം വീർത്തിരിക്കുന്നത്.. ഭാമേച്ചി കരഞ്ഞോ ഏഹ്?? ഭദ്ര ആധിയോടെ ചോദിച്ചതും അവൾ ശിവനെ നോക്കി. ഒന്നും പറയണ്ടെന്ന് കണ്ണ് ചിമ്മി കാണിച്ചു... ഒന്നുവില്ല മോളെ തല വേദന. അതാ.... പക്ഷെ....... നീ അവളെ ഒന്ന് കയറ്റി വിടുന്നുണ്ടോ..

വീട്ടിൽ ആരെങ്കിലും വന്നാൽ കുറേ ചോദ്യവുമായി പൊയ്ക്കോണം അവരെ ബുദ്ധിമുട്ടിക്കാൻ. പോ.. പോയ്‌ കുടിക്കാൻ എന്തെങ്കിലും എടുക്ക് ചെല്ല്..... ശകാരം പോലെ ശിവൻ പറഞ്ഞതും ഭദ്ര അവനെ തിരിഞ്ഞു നോക്കി. വയ്യാതെയിരിക്കുവാണെന്ന് കരുതില്ല . ഉറങ്ങി കിടക്കുമ്പോൾ മുളക് പൊടിയെടുത്ത് നിന്റെ മുറിവിൽ തേക്കുമട..... അവൾ പുറു പുറുത്തോണ്ട് പോയ്‌... വാ ഭാമേ..... വാടി കള്ളിപ്പെണ്ണേ.... ശിവൻ രണ്ടാളെയും അകത്തേക്ക് വിളിച്ചു. ഭാമയുടെ കൈയിൽ പിടിച്ചു കൊണ്ട് പൊന്നു മോൾ അകത്തേക്ക് കേറി. അവന്റെ കൈ യിലെ മുറിവ് കാണുമ്പോൾ ഭാമയുടെ കണ്ണുകൾ നിറഞ്ഞു തുളുമ്പി..... എടോ നീ ഇങ്ങനെ കരയാതെ....... ഒരു ഗതി പിടിക്കാത്ത ജന്മവാ ശിവാ എന്റെ. എന്നെ സഹായിക്കുന്നവർക്കെല്ലാം ഈ ഗതിയല്ലേ...ചിറ്റമ്മേടെ ഉപദ്രവത്തിൽ നിന്ന് രക്ഷച്ച് പാതിയാക്കിയ എന്റെ ഏട്ടൻ പോയ്‌. ഇപ്പോൾ എനിക്കും എന്റെ മോൾക്കും വേണ്ടി..... സാരി തലപ്പ് പിടിച്ച് അവൾ വിതുമ്പി . ജീവിതം പൊരുതി ജീവിക്കേണ്ടതാ അല്ലാതെ ഇങ്ങനെ കരഞ്ഞു തീർക്കേണ്ടതല്ല. എനിക്ക് കുഴപ്പമൊന്നുമില്ല. ഇച്ചിരി ദിവസം കഴിഞ്ഞാൽ സ്റ്റിച് എടുക്കണം. അത്രയുള്ളൂ. ഇവിടെ ആരോടും പറഞ്ഞില്ലല്ലേ....... ഇല്ല... ഇനി പറയാൻ നിന്നാൽ എല്ലാം വിശദീകരിക്കണം. നീ പേടിക്കണ്ട അവനിനി നിന്നെ ശല്യം ചെയ്യാൻ വരില്ല. ഇനി അഥവാ വന്നാൽ ജോയ് നോക്കിക്കോളും..അവന് നീയെന്ന് വെച്ചാൽ ജീവനാ..... എന്താ...??? ഭാമ ഞെട്ടി ശിവനെ നോക്കി. അല്ല പൊന്നു മോളെ ജീവനാണെന്ന് പറഞ്ഞതാ.. ശിവൻ തിരുത്തി പറഞ്ഞു. കൊച്ചച്ചൻ ചീത്തയാ മാമ്മ... അതോണ്ടല്ലേ മാമ്മനെ കുത്തിയെ.. നൊന്തോ മാമ്മാ...... ശിവന്റെ മുറിവിൽ നോക്കി പൊന്നു മോൾ പറഞ്ഞതും അവളുടെ കവിളിൽ ആരുമായി മുത്തി അവൻ ഒന്നുമില്ലെന്ന് കണ്ണ് ചിമ്മി..... ജോയ് എവിടെ??....

അവൻ സ്റ്റേഷനിൽ പോയ്‌. ആ തന്തയില്ലാത്തവനെ പോലീസ് പിടിച്ചിട്ടുണ്ട്....നീ പേടിക്കണ്ട നിന്നെ ആ വീട്ടിൽ നിന്നും അവൻ ഇറക്കി വിടില്ല... ഒരു ജീവനില്ലാത്ത ചിരി മാത്രം അവന് നൽകിക്കൊണ്ട് യാത്ര പറഞ്ഞ് അവളും പൊന്നു മോളും ഇറങ്ങൻ പോയ്‌. ചായ കുടിച്ചിട്ട് പോടീ...... പിറകിലായി അവൻ പറയുന്നത് കേട്ടതും രണ്ടാളും നിന്നും. അപ്പോഴേക്കും ഭദ്ര ചായയുംമായി വന്നു.... ദ ഇത് എന്റെ പൊന്നു മോൾക്ക്.. ഹോർലിക്സ് ഇട്ടുട്ടുണ്ട്..ശ്ശടേന്ന് കുടിക്ക് അതും പറഞ്ഞ് കുറുമ്പി പെണ്ണിന് നേരേ പാൽ ഗ്ലാസ്സ് നീട്ടിയതും കൊതിയോടെ അവൾ അത് നുണഞ്ഞു... ഇന്നാ ചേച്ചി... ... ഭാമ ചായ മേടിച്ച് കുടിച്ചു.... എനിക്കില്ലേ... കുസൃതിയോടെ ശിവൻ ചോദിച്ചു. ഇല്ല പോത്തിന് കൊടുക്കാൻ വേണ്ടി കാടി വെച്ചിട്ടുണ്ട് കുറച്ചെടുക്കട്ടെ..... അത് നിന്റെ തന്തയ്ക്ക് കൊടുക്കടി...... ശിവൻ പല്ല് കടിച്ചു... അവനെ ഒന്ന് പുച്ഛിച്ച് ഭദ്ര അടുക്കളയിലേക്ക് പോയ്‌... നിങ്ങൾ തമ്മിലുള്ള അടി നിർത്താറായില്ലല്ലേ... ഭാമ ചിരിയോടെ പറഞ്ഞു.. ഇല്ലമ്മേ ഇവര് തമ്മിൽ ലവ്വാ അതോണ്ടല്ലേ.... പൊന്നു മോൾ ബാക്കി പറയുന്നതിന് മുന്നേ അവളുടെ വാ പൊത്തി. ശിവൻ ആകെ ചമ്മിയിരുന്നു.  വണ്ടി നിർത്ത് ശ്രീധരന്റെ ഉത്തരവ് കേട്ട് ഡ്രൈവർ വണ്ടി നിർത്തി. സുമതിയമ്മ എന്ത് പറ്റിയെന്ന ചിന്തയിൽ അയാളെ നോക്കി ആ മുഖം ദേഷ്യം കൊണ്ട് വലിഞ്ഞു മുറുകി.ഞരമ്പുകൾ തെളിയുന്നത് വെടിപ്പായി കാണാം. അയാൾ നോക്കുന്ന ഭാഗത്തേക്ക് നോക്കിയതും കൈയിൽ പ്രസാദവുമായി തറവാടിന്റെ ഗേറ്റ് കഴിഞ്ഞ് കേറാൻ പോകുന്നു രാധമ്മ. അവർ സ്നേഹത്തോടെ തന്റെ ഉറ്റ കളിക്കൂട്ടുകാരിയേ നോക്കി.....ഒരുപാട് ക്ഷിണിച്ചു അവൾ. തിരിച്ചു പോകാം...... ഉറച്ച തീരുമാനമായിരുന്നു അയാളുടേത്... ഇവിടം വരെ വന്നിട്ട് കുഞ്ഞനെ കാണാതെ പോവല്ലേയേട്ടാ.. അവളെ ഇവിടെ കാണുമെന്നറിഞ്ഞോണ്ടല്ലേ നമ്മൾ ഇങ്ങോട്ട് വന്നത്......

അമ്മ ദയനീയ മായി പറഞ്ഞു ആ നശുലത്തെ കണ്ടാൽ ഞാനെന്തെങ്കിലും പറഞ്ഞു പോകും സുമതി. നാളെവരെ കാക്ക്. അവൾ ഇവിടെ ഇല്ലാത്തപ്പോൾ നമ്മൾക്ക് വരാം... അത് മതി.. പക്ഷെ അവളെവിടെ പോകാനാ.... അതൊക്കെ ഞാൻ നോക്കിക്കോളാം. എന്നെ വിശ്വസിക്ക് അത്രമാത്രം അദ്ദേഹം പറഞ്ഞതും വണ്ടി തിരിച്ചെടുത്തു.  നിനക്ക് ഈ അടുക്കള പണിയല്ല ചേരുന്നത് നേഴ്സിന്റെ ജോലിയാ.. അവന്റെ മുറിവിലെ തുണി മാറ്റി വേറെ കെട്ടുന്ന ഭദ്രയോട് ശിവൻ പറഞ്ഞതും അവൾ ഒന്നിരുത്തി നോക്കി. കൈയിലിരിപ്പ് നല്ലതല്ലെങ്കിൽ നേഴ്സല്ലാ മിക്കവാറും ഡോക്ടറാകേണ്ടി വരും.,. എന്റെ കൈയിലിരിപ്പ് നല്ലതായോണ്ടാടി അധിക പ്രസoഗിയായ നിന്നെ ഇവിടെ ഞാൻ ജോലിക്ക് നിർത്തിയത്.....അല്ലാതെ നിന്റെ കൈയിരിപ്പ് വെച്ച് ഏതെങ്കിലും വീട്ടിൽ നിന്നെ ജോലിക്ക് നിർത്തുവോ... എന്റെ കൈയിലിരിപ്പ് നല്ലതായോണ്ടാ ഇത്രയും പറയുന്ന നിന്നെ ഞാൻ ഒന്നും ചെയ്യാതെ വിടുന്നത് അല്ലെങ്കിൽ അടിച്ച് നിന്റെ അണപ്പല്ല് ഞാൻ തെറിപ്പിച്ചേനെ... എടി.... ശിവൻ കൈ അനക്കി.... അഹ്.......... വേദന കൊണ്ട് അവന്റെ മുഖം ചുളിച്ചു.... എന്താ നൊന്തോ....... നില മറന്ന് തുള്ളല്ലേ അമരവദിയിലെ ശിവ ശങ്കര . തുള്ളിയാലേ ദ ഇതുപോലെ വേദനിക്കും. അവിടെ അടങി കിടക്കടോ... അത്രയും പറഞ്ഞ് അവനെ ഒന്ന് കടുപ്പിച്ച് നോക്കിയിട്ട് അവൾ റൂമിൽ നിന്നും ഇറങ്ങി.

അപ്പോഴേക്കും രാധമ്മ അകത്തേക്ക് കേറി. ഭദ്രയുടെ നെറ്റിയിൽ ചന്ദനം തൊട്ടിട്ട് രാധമ്മ ശിവന്റെ അടുത്തേക്ക് ചെന്നു. രാധമ്മേ കണ്ടതും അവൻ ശ്രദ്ധിക്കാതെ കിടന്നു... അവന്റെ നെറ്റിയിൽ ഇല ചീന്തിൽ നിന്നും ചന്ദനo തൊട്ട് കൊടുത്തു....നെറ്റിയിലെ തണുപ്പ് അവന്റെ ഉള്ളിലും പടർന്നു... വേദനയുണ്ടോ മോനെ..... അരുമയോടെ രാധമ്മ ചോദിച്ചതും അവൻ അവരുടെ മുഖത്തേക്ക് നോക്കി.... ഇല്ല. നല്ല സുഖവാ.... വേദനയുണ്ടോ പോലും... അവൻ മുഖം തിരിച്ചു. അത് കണ്ടതും രാധമ്മ ചിരിച്ചു. പണ്ടും നീയിങ്ങനെ യാ വേദന വന്നാൽ വേറെയരോടും ദേഷ്യം കാണിക്കില്ല എന്നോട് മാത്രം....... ചിരിയോടെ അവർ പറഞ്ഞു. അവന്റെ ചുണ്ടിലുമൊരു ചിരി തെളിഞ്ഞു. വേദനയെല്ലാം മാറും ഞാൻ പ്രാർത്ഥിച്ചിട്ടുണ്ട്..... എന്റെ പ്രാർത്ഥന കേൾക്കാതെയിരിക്കില്ല..... രാധമ്മ വിശ്വാസത്തോടെ പറഞ്ഞു. അങ്ങനെയാണെങ്കിൽ നിങളുടെ ജീവിതം നല്ലതാക്കാനായിരുന്നു ആദ്യം പ്രാർത്ഥിക്കേണ്ടത്.... തറഞ്ഞു പോയ്‌ രാധമ്മ . ഉള്ളിൽ നീറ്റലുണ്ടായി....കണ്ണിൽ നിന്നും കണ്ണീർ പൊടിഞ്ഞു.. ഒന്നും മിണ്ടാതെ തിരിഞ്ഞു പോയ്‌. വാതിലിൽ ഭദ്ര നിൽപ്പുണ്ടായിരുന്നു ദേഷ്യത്തോടെ അവൾ അവന്റെ അടുത്തേക്ക് വന്നു അതേ അധികo നെഗളിക്കല്ലേ... അങ്ങടിയിൽ തോറ്റതിന് അമ്മയോടല്ല ഇങ്ങനെ ദേഷ്യം കാണിക്കേണ്ടത്. അതിന് എന്റെ അമ്മ ചത്തു പോയല്ലോ.... പുരികമുയർത്തിയുള്ള അവന്റെ ചോദ്യത്തിൽ പിന്നെയൊന്നും മിണ്ടാതെ അവൾ അവിടെ നിന്നും വീട്ടിലേക്ക് പോകാൻ പോയ്‌  ജോയ്ച്ച......... വീട്ടിലെത്തിയപ്പോൾ ഉമ്മറത്തിരിക്കുന്ന ജോയേ കണ്ട് പൊന്നുമോൾ അവന്റെ അടുത്തേക്ക് ഓടി. അവനെ കോരിയെടുത്ത് നെറ്റിയിൽ മുത്തി. സാധാരണ ഓടി വന്ന് പോക്കറ്റിൽ കൈയിടുന്നവളാ. ഇപ്പോളിങ്ങനെ നെഞ്ചിൽ പറ്റിപ്പിടിച്ച് കിടക്കുന്നത് അവൾ നന്നായി പേടിച്ചിട്ടുണ്ട് ഭാമ ജോയേ നോക്കി. ഇപ്പോൾ അവന്റെ മുഖം ശാന്തമാണ്...

വളരെ വളരെ..... ആ ഭാമ കൊച്ചേ നീ പേടിക്കണ്ടാട്ടൊ അവനെ അടിച്ച് ശരിപ്പെടുത്തിയിട്ടുണ്ട്.. ജോയ് ചിരിയോടെ പറയുന്നത് കേട്ട് അവൾ വാ തുറന്നു.. നേരത്തെ ചീറി വന്ന മനുഷ്യനാണ്.... ഹ്മ്മ്.....ജോയ്.. ഞാൻ കാരണം..... അത്..... അങ്ങനെ നീ വിചാരിക്കുകയെ വേണ്ടാ നിനക്ക് ചോദിക്കാനും പറയാനും ഞാനില്ലേ.......... ജോയ് ഉള്ളിലെ പ്രണയത്തോടെ പറഞ്ഞു. അവൾക്കത് മനസ്സിലായില്ലെങ്കിലും ആശ്വാസത്തോടെ അവനെ നോക്കി ചിരിച്ചു..... ഞാൻ പോട്ടേ... ശിവനെ കാണണം.....പൊന്നു മോളുടെ കവിളിൽ മുത്തിക്കൊണ്ട് അവൻ പറഞ്ഞു..... ഹ്മ്മ്,..... അവൾ ഒന്ന് മൂളി..... ഉള്ളിന്റെ ഉള്ളിറിയാം ഇത് ഇവിടം കൊണ്ടവസാനിക്കില്ല 🙂  രാത്രി എന്നാലും ആ കുഞ്ഞിന് മാത്രമെന്താണോ ഇങ്ങനെ പറ്റുന്നത്???ചുട്ട ദോശ പാത്രത്തിയിട്ട് അമ്മ പറയുന്നത് കേട്ട് അവൾ കഴിപ്പ് നിർത്തി അമ്മയെ നോക്കി കൈയിലിരിപ്പ് അങ്ങനെയല്ലേ... ആരെയും പേടിയില്ല അത് തന്നെകാര്യം. അതുകൊണ്ടല്ലേ അടിക്കൊക്കെ പോണേ. ഇതിപ്പോൾ ആക്‌സിഡന്റ് പറ്റിയതാ....... നിയന്ദ്രിക്കാനാരുമില്ല അത് തന്നെ...... ഒരു പെണ്ണ് കെട്ടിയാൽ അവൻ നന്നായിക്കോളുമടി........ നിനക്ക് നന്നായി ചേരും......... ഖോ.... ഖോ.... ഖോ......ഭദ്ര അവിടെയിരുന്ന് ചുമയ്ക്കാൻ തുടങ്ങി.... ഹോ പയ്യേ കഴിക്ക് പെണ്ണെ... അവളുടെ തലയിൽ തട്ടിക്കൊണ്ട് അമ്മ പറഞ്ഞു. ഒരു മുറിദോശ മാത്രമേ അവൾ കഴിച്ചിരുന്നുള്ളു.... ചുമ ഒന്ന് നിന്നതും അവൾ അമ്മയേ കണ്ണുരുട്ടി നോക്കി.... ഞാൻ തിന്നതിന്റെ കുഴപ്പമല്ല.. അമ്മായിതെന്തോന്ന പറഞ്ഞത്? എനിക്ക് ചേരും പോലും..... അതിനെന്താ ഞങൾ അമ്മമാർ അങ്ങനെയൊക്കെ പറയും . അതിന് നീയെന്താ ഇങ്ങനെ വെപ്രാളം കാണിക്കുന്നത് അല്ലേ??? അതും പറഞ്ഞ് അമ്മ വീണ്ടും ദോശ ചുട്ട് അവളുടെ പ്ളേറ്റിൽ വെച്ചു. എന്നാൽ ഒന്നും കഴിക്കാതെ അവൾ മുറിയിലേക്ക് പോയ്‌.🔥...............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...