🔥എന്റെ മാത്രം : ഭാഗം 26

എഴുത്തുകാരി: അല്ലി

"അല്ല പോയിട്ട് എപ്പോൾ വരാനാണ് മഹതിയുടെ ഉദ്ദേശം..." തുണി അടുക്കി ബാഗിലേക്ക് വെയ്ക്കുന്ന അമ്മയേ നോക്കി ഭദ്ര ചോദിച്ചു. അതിപ്പോൾ ഇന്ന് സ്വികരണം നാളെ കല്യാണം. അത് കഴിഞ്ഞിട്ട് വന്നാൽ പോരെ മോളെ...... ഓഹ് വേണ്ടാ നല്ലവാതിലും വിരുന്തും എല്ലാം കഴിഞ്ഞ് ഇങ്ങോട്ട് വന്നാൽ മതി നാണമില്ലല്ലോ.... അവൾ പുച്ഛിച്ചു. നിനക്കെന്താടി പെണ്ണേ....എന്തിനാ നാണിക്കുന്നത്. എന്റെ ആങ്ങളയുടെ മോളുടെ കല്യാണവാ... ഞാൻ പോകും.. നിന്നോട് വരാൻ പറഞ്ഞാൽ വരില്ലല്ലോ?? എന്റെ പട്ടി വരും... എന്റെ അച്ഛൻ മരിച്ചതിൽപ്പിന്നെ ഈ വീട് കേറാത്ത ആളാ നിങ്ങടെ അറുത്ത കൈക്ക് ഉപ്പ് തേക്കാത്ത ആങ്ങള... ഒറ്റയ്ക്ക് അങ്ങോട്ട് പോയാൽ മതി.... പിണങ്ങല്ലേ മോളെ... അമ്മ കല്യാണം കഴിഞ്ഞു ഓടി വരാം...... ഉവ്വാ ഉവ്വാ..... ഓടി വന്നാൽ നിങ്ങൾക്ക് കൊള്ളാം. അല്ലെങ്കിൽ ഈ പടി കേറാൻ ഭദ്ര സമ്മതിക്കില്ല. അവിടെ നിന്നോണം.... അയ്യടി എന്റെ കെട്ടിയോൻ ഉണ്ടാക്കിയ വീടാ... ഞാൻ ഇങ്ങോട്ട് തന്നെവരും..... അവളുടെ ഒരു അമ്മച്ചിചമയൽ ... പുറു പുറുത്തുകൊണ്ട് അമ്മ പോകുന്നത് കേട്ട് ഭദ്രയ്ക്ക് ചിരി വന്നു....

എന്റെ കർത്താവേ എന്നാ മണവാ....... ആഞ്ഞു ശ്വാസം വലിച്ച് ഹാളിൽ നിന്നും അടുക്കളയിലേക്ക് വരുന്ന ജോയേ കണ്ട് അമ്മച്ചിയും രാധമ്മയും ചിരിച്ചു.... വെപ്രാളത്തോടെ പാത്രത്തിന്റെ അടുത്തേക്ക് വന്ന് മൂടിയ അടപ്പ് തുറന്നതും കൈ പൊള്ളി അവൻ കിടന്ന് അലറി.... എടാ വെളിവില്ലാത്തവനെ....കൊതി മൂത്ത് നിനക്ക് വെളിവില്ലാതെയായോ.... അമ്മച്ചി കലിപ്പിൽ പറഞ്ഞു. അവൻ ചമ്മി രാധമ്മേ നോക്കി. പുള്ളിക്കാരി ഊറി ചിരിക്കുവാണ്. അത് പിന്നെ കൊതിവന്നാൽ പിടിച്ചു നിൽക്കാനൊന്നും എന്നെ കിട്ടില്ല... ഇങ്ങനെ കുരുമുളകിട്ട് വരട്ടിയ ബീഫ് കണ്ടാൽ... എന്റെ കണ്ട്രോൾ പോകില്ലേ... ഇച്ചിരി പ്ളേറ്റിൽ താ അമ്മച്ചി കൊതിയാകുന്നു..... അമ്മച്ചി ഇച്ചിരി കപ്പയും ബിഫും അവന് കൊടുത്തു. കൊതിയോടെ രണ്ടും കൂട്ടിക്കൊഴച്ച് ജോയ് വായിൽ വെച്ചു..... ഹ്മ്..... എന്നാ രുചിയാ... രാധമ്മച്ചി പൊളിച്ചു.... ജോയ് ചിരിയോടെ പറഞ്ഞു... ജോയ്ക്ക് എങനെ മനസ്സിലായി ഞാൻ ഉണ്ടാക്കിയതാണെന്ന്??? രാധമ്മ സംശയത്തോടെ ചോദിച്ചു. അത് പിന്നെ ഈ രുചി അറിഞ്ഞപ്പോൾ എനിക്ക് കത്തി. ഈ കിളവി ഉണ്ടാക്കുന്നതൊന്നും വായിൽ വെയ്ക്കാൻ കൊള്ളൂലന്നേ....... മുഖം ചുളുക്കി ജോയ് പറയുന്നത് കേട്ട് രാധമ്മ ചിരിച്ചു. പല്ല് കടിച്ച് അമ്മച്ചി ചട്ടുകമെടുത്ത് അവന് നേരേ ചെന്നു......

അത് കണ്ടതും പ്ളേറ്റിലുള്ളത് വടിച്ച് അവൻ ഒറ്റ ഓട്ടംവെച്ച് കൊടുത്തു നിൽക്കട പരന്നാറി ഇത്രയുംനാൾ ഞാനുണ്ടാക്കി വെച്ചത് വടിച്ച് നക്കിയിട്ട് അവൻ പറയുന്നത് കേട്ടില്ലേ........ അമ്മച്ചി അവിടെ നിന്ന് വിളിച്ച് കൂവി....... രാധമ്മയ്ക്ക് ചിരി പൊട്ടി.പെട്ടെന്ന് ശിവന്റെ കാര്യം ഓർത്തു. അയ്യോ ജോയോട് ശിവന്റെ കാര്യം ചോദിക്കാൻ ഞാൻ വിട്ടുപോയല്ലോ കത്രിനേ...... അവൻ അവിടെ എത്തികാണില്ല എന്റെ രാധകൊച്ചേ.... കൊച്ചനൻ സമയം കിട്ടുമ്പോൾ വിളിക്കും.... ഇങ്ങോട്ട് വന്നേ. നമ്മൾക്ക് ആ അയില കൂടി പൊരിക്കാം..... വ.. വാ..... അതും പറഞ്ഞ് അമ്മച്ചി രാധമ്മയേ ഉഷാറാക്കി.  വണ്ടി ഓടിക്കുമ്പോഴുo വല്ലാത്ത വെപ്രാളം ശിവനെ വന്ന്മൂടി.... നെഞ്ചിലെ പെടപ്പ് ഇതുവരെ മാറിയിട്ടില്ല. ആർക്കോ എന്തോ ആപത്ത് വരാൻ പോകുന്ന പോലെ..... സ്ഥലം എത്താറായി. സന്ധ്യ ആകുമ്പോഴേക്കും എത്തു. പിന്നെ കാര്യം കഴിഞ്ഞ് തിരിച്ചു പോകുമ്പോൾ ഒരു നേരമാകും..... വണ്ടി ഒരു നിമിഷം അവൻ ബ്രേക്ക്‌ പിടിച്ചു. തിരിച്ച് പോയാലോ..... പക്ഷെ വല്യച്ചൻ പറഞ്ഞ കാര്യമാണ്. പിണക്കം മാറി വന്നിട്ട് ആദ്യമായി പറഞ്ഞ കാര്യമാ.......

ഫോണെടുത്ത് ജോയേ വിളിച്ചു. ഹലോ ശങ്കര.......... അവിടെ കുഴപ്പമൊന്നുമില്ലല്ലോ..... ശിവൻ വല്ലാത്ത പരവേശത്തോടെ ചോദിച്ചു. ഇവിടെ എന്ത് കുഴപ്പം.... നിനക്കെന്താ ശങ്കര ഭ്രാന്തായാ......... ജോയ് സംശയത്തോട് ചോദിച്ചു. ഞാൻ ചോദിച്ചതിന് മറുപടി പറയടാ.... എന്നെ വെറുതെ ഭ്രാന്ത്‌ കേറ്റല്ലേ..... ശിവൻ കലിപ്പിൽ പറഞ്ഞു. എന്റെ ശങ്കര ഇവിടെ ഒന്നുവില്ല... ദ രാധമ്മച്ചി ഊണും കഴിഞ്ഞ് അമ്മച്ചിയുടെ കൂടെ കാര്യം പറയുന്നു. ദണ്ടേ ഞാൻ നിന്റെയെടുത്ത് ഇങ്ങനെ കാര്യം പറയുന്നു??? എന്റെ പെണ്ണോ.......... ശിവൻ എടുത്ത വായാലെ ചോദിച്ചു. ആരാ ശങ്കര....... ജോയ് കുസൃതിയോടെ ചോദിച്ചു. നിന്റെ അമ്മുമ്മേടെ #-₹--%-%-%--%-%%--%-%-%-%- ശിവൻ പൂരപ്പാട്ട് തുടങ്ങി. ഹോ എന്റെ ശങ്കര...... മതി മതി.... ഭദ്രകൊച്ചിന് ഇത് വരെ ഒരു കുഴപ്പവുമില്ല.... സുഖമായിട്ട് ഇരിക്കുന്നു. അഹ് പിന്നെ അവൾ ഒറ്റയ്‌ക്കെ ഉള്ളു ഒറ്റയ്ക്കോ അമ്മ എവിടെ?? ഏതോ ബന്ധുവിന്റെ കല്യാണം. അവിടെ പോയേക്കുവാ.... ഇന്ന് വരുവായിരിക്കും..... ഇന്ന് തന്നെ വരുവോ.????? പിന്നെന്താ അവളെ ഒറ്റയ്ക്കാക്കി പോകുവോ.??? ഹ്മ്.........ശരി.... ഞാൻ വെയ്ക്കുവാ....അവിടെ എത്തണം ഹലോ ഹലോ..... വെച്ചോ......ജോയ് ദേഷ്യത്തോടെ പറഞ്ഞു. എല്ലാം തോന്നലാണ്...... തോന്നൽ മാത്രം.മനസ്സിൽ സ്വയം പറഞ്ഞ് ശിവൻ വണ്ടി മുന്നോട്ടെടുത്തു. -

രാത്രിയായപ്പോഴേക്കും വല്ലാത്തൊരു ശുന്യത ഭദ്രയേ വന്നുമൂടി... അമ്മയില്ലാത്തതുകൊണ്ട് ആകെ ഒരു വിഷമം........ മനസ്സിൽ തന്റെ പ്രിയപ്പെട്ടവരുടെ മുഖം മിന്നി മറഞ്ഞു.അമ്മ രാധമ്മ...വേണ്ടെന്ന് വെച്ചിട്ടും ശിവന്റെ മുഖം അവളുടെ മുന്നിൽ തെളിഞ്ഞു. രാവിലെ കണ്ടപ്പോൾ ഉള്ളിൽ എന്തോ ഒരു,നീറ്റൽ തോന്നിയിരുന്നു. പക്ഷെ എന്തിന്?? അഹ്.... ഓരോ വട്ട്..,.ഒറ്റയ്ക്കിരുന്ന് എന്തെങ്കിലും ചിന്തിച്ച്കൂട്ടും അവൾ എഴുന്നേറ്റ് ടീവി ഓൺ ചെയ്തു...... പൊന്നു മോളെ.......... ജോയ് ഫോണിൽ നീട്ടി വിളിച്ചിട്ടും പെണ്ണ് മിണ്ടുന്നില്ല...... ഭാമയുടെ ശബ്ദം ഇടയ്ക്ക് കേൾക്കാo പൊന്നു മോൾ മിണ്ടിയില്ലേ ജോയിച്ചൻ മിണ്ടില്ലാട്ടോ...... ജോയ് കെറുവോടെ പറഞ്ഞു. പൊന്നു പിണക്കവാ.....അവൾ കെറുവോടെ പറഞ്ഞു. അതിന് ഞാൻ എന്നതാ ചെയ്തേ...??പൊന്നുനെ കാണാൻ വന്നില്ലല്ലോ... ചോക്ലേറ്റ് തന്നില്ലല്ലോ?? ജോയ്ക്ക് ചിരി വന്നു. അച്ചോടാ പിണങ്ങല്ലേ.... ജോയിച്ചൻ നാളെ വരാട്ടോ... ഒരുപാട് മിട്ടായി തരാം.... മ്മ്ഹ്...ഇപ്പോൾ വന്നാ മതി....... ഈ രാത്രിയിലോ......നാളെ ആകട്ടെ മോളെ.. ജോയിച്ചന് ഉറക്കം വരുവാ.... കോട്ടുവാ വിട്ട് ജോയ് പറഞ്ഞു.... ഇല്ലാ... പറ്റത്തില്ല അപ്പോഴേക്കും ഭാമ പൊന്നു മോളുടെ കൈ യിൽ നിന്നും ഫോൺ പിടിച്ച് മേടിച്ചു... ഈ പെണ്ണ് നിർബന്ധിച്ചത് കൊണ്ടാ ജോയ് വിളിച്ചത്... ഒന്നും തോന്നരുത്.....

ഭാമയുടെ പറച്ചിൽ കേട്ട് അവന് ചിരി വന്നു..... ഓഹോ.... സാരമില്ല ഭാമകൊച്ചേ.... ഞാൻ നാളെ രാവിലെ എന്റെ കുഞ്ഞി പ്പെണ്ണിനെ കാണാൻ വരാമെന്ന് പറയ്...... ഹ്മ്മ്....... തുടർച്ചയായുള്ള തട്ടൽ കേട്ടാണ് ഉറക്കത്തിൽ നിന്നും ഭദ്ര ഉണർന്നത്. ഈ രാത്രിയിൽ ആരാകും.ക്ലോക്കിൽ സമയം നോക്കി 12.15 മണി. അവളുടെ മനസ്സിൽ ചിന്തകൾ പോയ്‌ മറഞ്ഞു. തലയണ കീഴിൽ കരുതിവെച്ച കത്തിയെടുത്ത് അവൾ ഹാളിലേക്ക് നടന്നു. ജന്നലിലുടെ വെളിയിലേക്ക് നോക്കി. മാഷ്............ അവളുടെ ചുണ്ടുകൾ മന്ദ്രിച്ചു... വെപ്രാളത്തോട് കതക് തുറന്നപ്പോൾ കണ്ടു വേദനയോടെ തന്നെ നോക്കുന്ന മാഷിനെ...... മാഷേ... എന്താ ഈ സമയത്ത് എന്ത് പറ്റി...വെപ്രാളത്തോടെയുള്ള അവളുടെ ചോദ്യത്തിന് മറുപടിയായി ദയനീയ മായി ബാലൻ താഴേക്ക് നോക്കി. അവൾ എന്തെന്ന ഭാവത്തിൽ നോക്കിയതും കാലിൽ നിന്ന് ഒഴുകുന്ന ചോര....... വേദനകൊണ്ട് ബാലൻ പുളഞ്ഞു.. യ്യോ ചോര.... എന്താ പറ്റിയേ മാഷേ.. വാ അകത്തേക്ക്....... ഭദ്ര ഒന്ന് കാത്ത് നിൽക്കാതെ അവനെ പിടിച്ചു കൊണ്ട് അകത്തേക്ക് കേറി ഒരു കസേരയിൽ ബാലനെയിരുത്തി. എന്ത് പറ്റിയതാ മാഷേ...,.... നാട്ടിൽ നിന്ന് വരുന്ന വഴിയാടോ. ഒരു പാട് താമസിച്ചു.എളുപ്പ വഴി നോക്കി നടന്നതാ. ഇരുട്ടത്ത് കുപ്പിച്ചില്ലുകൾ കിടക്കുന്നത് കണ്ടില്ല.... അഹ്......... ബാലൻ വേദന കൊണ്ട് മുഖം ചുളിച്ചു... .. ഭദ്ര വേഗം തുണിയും മരുന്നു എടുത്തോണ്ട് വന്നു.അവന് താഴെയിരുന്ന് കാല് പിടിച്ച് ഉയർത്തി....

കുപ്പിച്ചില്ലുകൾ കാൽ പ്പാദത്തിൽ തുളച്ചു കേറിയിട്ടുണ്ട്.ഭദ്ര അത് ശ്രദ്ധയോടെ വലിച്ചെടുത്ത് അവിടം മരുന്ന് വെച്ച് കെട്ടി. ബാലനെ നോക്കിയപ്പോൾ വേദന കടിച്ച് പിടിച്ചിരിക്കുകയാണ്. ആ മുഖം കണ്ടാലറിയാം. മാഷേ........ ഭദ്ര വിളിച്ചപ്പോഴാണ് അവൻ കണ്ണ് തുറന്നത്. സോറിടോ വേറെ നിവൃത്തിയില്ലാതെ വന്നതാണ്. ബാലൻ ദയനീയ മായി പറഞ്ഞു. അത് സാരമില്ല മാഷേ........ അവൾ ഒന്ന് ചിരിച്ചു. അല്ല താൻ ഒറ്റയ്ക്കേ ഉള്ളോ അമ്മ എവിടെ?? അത് അമ്മ..... അവൾ എന്തോ പറയാൻ വന്നതും പുറത്ത് വല്ലാത്ത ബഹളം കേട്ടു. രണ്ടാളും ഞെട്ടി പരസ്പരം മുഖത്തേക്ക് നോക്കി. ഭദ്ര വേഗം പുറത്തേക്കിറഗി..... വീടിന് ചുറ്റും നിൽക്കുന്ന ആൾക്കാരെകണ്ട് അവൾ ഞെട്ടി..... സംശയത്തോടെ അത്രയും പരിഭ്രമത്തോടെ അവൾ അവരെ നോക്കി. എന്താ..... എന്താ ഈ രാത്രിയിൽ....അവൾ അതിൽ ഒരാളോട് ചോദിച്ചു........ പാതിരാത്രി ഏതവനെയാടി വിളിച്ച് വീട്ടിൽ കയറ്റിയേക്കുന്നത്??? വിളിക്കടി അവനെ....... ശബ്ദം കേട്ട ഭാഗത്ത് നോക്കിയപ്പോൾ അനിൽ ( അന്ന് ശിവൻ അടിച്ചവൻ ) മരിയാദയ്ക്ക് എന്റെ മിറ്റത്ത് നിന്ന് പൊയ്ക്കോ അല്ലെങ്കിൽ പോലീസിനെ വിളിക്കും. അവൾ ദേഷ്യത്തിൽ അലറി. ഇത്രയും നാൾ നീയൊരു അഹങ്കാരി മാത്രമാണെന്നാ കരുതിയത്....

ഒരു വേശ്യയാണെന്ന് ഇപ്പോഴാ മനസ്സിലായത്.... കുട്ടത്തിൽ ഒരാൾ പറയുന്നത് കേട്ട് അവൾ പതറി...... തോന്നിവാസം പറഞ്ഞാലുണ്ടല്ലോ.??? അപ്പോഴേക്കും അകത്ത് നിന്ന് മാഷ് വെളിയിലേക്ക് വന്നു അവനെ കണ്ടതും എല്ലാരും അത്ഭുതത്തോടെ നോക്കി. മാഷേ നിങ്ങളോ........ അതിൽ ഒരുത്തൻ പറഞ്ഞു. നിങ്ങൾ വിചാരിക്കുന്നത് പോലെയല്ല ഞാൻ എന്റെ കാല്....... താനൊന്നും പറയണ്ടടോ.... വീട്ടിലിൽ ആരുമില്ലാത്ത നേരത്ത് കണ്ടവന്റെ കൂടെ കിടക്കാൻ നാണമില്ലേടി നിനക്ക്....?? അനിൽ.... എടാ........ എന്നും അലറി അവന്റെ കവിളിൽ ആഞ്ഞടിച്ചതും..... അവൻ നിലത്തേക്ക് വീണ്... കണ്ടില്ലേ ഇവളുടെ അഹങ്കാരം.... പിടിച്ച് കേട്ടടാ രണ്ടാളെയും..... കൂട്ടത്തിൽ ആരോ പറഞ്ഞതും ബാലനെയും അവളെയും അവർ പൊതിഞ്ഞു. ----------------------- രാവിലെ ബാലന്റെയും ഭദ്രയുടെയും ചുറ്റിനും നാട്ടുകാരാണ്. അതിൽ തനിക് പ്രിയപ്പെട്ടവരും...... അമ്മയേ നോക്കി. തുളുബി വന്ന കണ്ണീർ തുടച്ച് തന്നെ നോക്കുകയാണ് ആ പാവം സ്ത്രീ. അറിയാം തന്റെ മോൾ ഒരിക്കലും തെറ്റ് ചെയ്യില്ലെന്ന്. എല്ലാരുടെയും മുഖത്ത് പുച്ഛമാണ്......നാട്ടിലെ പ്രമാണിശ്രീധരൻ ആയതിനാൽ മദ്യസ്ഥതഅയാളാണ്. എന്ത് തോന്നിവാസവാ കാണിക്കുന്നത്. അവർ ഒരു തെറ്റും ചെയ്യത്തില്ലെന്ന് എല്ലാർക്കും അറിയാം. വെറുതെ ആവിശ്യമില്ലാത്ത കാര്യം ചെയ്യരുത് നിങ്ങൾ.??? ജോയ് ദേഷ്യത്തോട് അലറി. നി എന്തിനാ ഇങ്ങനെ തുള്ളുന്നത് ജോയ്. പാതിരാത്രി ആരുമില്ലാത്ത നേരത്ത് വീട്ടിൽ വിളിച്ച് കയറ്റിയിട്ട്.

തെറ്റൊന്നും ചെയ്തിട്ടില്ലെന്നാണോ?? ( ശ്രീധരൻ ) വല്യച്ച ഇതൊക്കേ വെറുതെയാണ്... അല്ലെങ്കിലും നെറിയില്ലാത്ത ഈ ചെറ്റകൾ ഇങ്ങനെയൊക്കെ കരുതും. നിങ്ങളും ഇങ്ങനെ...... മതി ജോയ്... നാട്ടുകാരെ മണ്ടന്മാരാക്കാൻ നോക്കണ്ട..... നോക്ക് തെറ്റ് ചെയ്തിട്ട് മുഖം കുഞ്ഞിച്ച് നിൽക്കുന്നത് കണ്ടില്ലേ രണ്ടാളും (ശ്രീധരൻ ) അവളുടെ അമ്മയുടെ മുഖം കാണാൻ വയ്യാത്തത് കൊണ്ട് മാത്രമാണ് ഭദ്ര മുഖം താഴ്ത്തി നിൽക്കുന്നതെന്ന് അവർ മനസ്സിലാക്കിയില്ല...... ശ്രീധര... പാവം കൊച്ചാ.. ( രാജൻ മാമ്മ) ഓഹ് തനിക്ക് അങ്ങനെ തോന്നും കുറച്ച് നാൾ താൻ വെച്ചോണ്ട് നടന്നതല്ലേ അവളെ ( അനിൽ) തന്തയില്ലായ്മ പറയുന്നോ നായിന്റെ മോനെ...... ജോയ് അവനെ അടിക്കാനായി പോയപ്പോഴേക്കും ബാക്കിയുള്ളവർ അവനെ തടഞ്ഞു. ബാലൻ ഒന്നും മിണ്ടിയില്ല.... മിണ്ടിയിട്ടും കാര്യമില്ല. പോലീസിനെ വിളിക്ക് ശ്രീധരാ...... കൂട്ടത്തിൽ ഒരുവൻ.... അയ്യോ.....പോലീസിനെ വിളിക്കില്ലേ... എന്റെ മോൾ ഒരു തെറ്റും ചെയ്യൂല്ല..... കൈകൾ കൂപ്പി അവളുടെ അമ്മ പറഞ്ഞതും ഭദ്രയുടെ കണ്ണുകൾ നിറഞ്ഞു...... ശ്രീധരൻ ഒന്ന് ആഞ്ഞു ശ്വാസം വലിച്ചു.... പോലീസ് വിളിക്കണ്ട.... നമ്മളുടെ നാട്ടിൽ ഇങ്ങനെ ഒരു കാര്യം നടന്നെന്ന് അറിഞ്ഞാൽ നാണക്കേട് നമ്മൾ നാട്ടുകാർക്കാണ്..... അതുകൊണ്ട് ഇവിടെ വെച്ച് ഈ നിമിഷംഇവൻ ഇവളെ താലിക്കെട്ടണം ..... ഇടുത്തി പോലുള്ള അയാളുടെ വാക്കുകൾ കേട്ട് എല്ലാരും ഞെട്ടി...ജോയുടെ തലയിൽ ഭ്രാന്ത് കേറുന്നത് പോലെ തോന്നി. അവൻ ചുറ്റും നോക്കി. ഭദ്ര മിണ്ടാതെ നിന്നും. തോറ്റു പോയ്‌....

ഇന്ന് ഭദ്ര തോറ്റു പോയ്‌. തെറ്റ് ചെയ്യാതെ എല്ലാരുടെയും മുന്നിൽ തെറ്റുകാരിയായി. എല്ലാരുടെയും മുന്നിൽ തല താഴ്ത്തി നിൽക്കേണ്ട അവസ്ഥയായി. ഇന്ന് ആദ്യമായി അവളുടെ ധൈര്യം ചോർന്നു...... അവൾ തല ഉയർത്തി നോക്കി..... തങ്ങൾക്ക് ചുറ്റും നാട്ടുകാരണ്.... എല്ലാരുടെയും മുഖത്ത് പുച്ഛം മാത്രം..... അവരുടെ കൂട്ടത്തിൽ തന്റെ അമ്മയുണ്ട്.... സാരി തലപ്പ് കൊണ്ട് വിതുമ്പി കരയുകയാണ് അമ്മ..... അവളുടെ ഹൃദയം വേദന കൊണ്ട് പിളർന്നു....... ഒരമ്മയും സ്വന്തം മോൾക്ക് ഉണ്ടാകരുതെന്ന് കരുതുന്ന അവസ്ഥ.... അമ്മയേ കാണുമ്പോൾ അവളുടെ നെഞ്ചം പൊട്ടി......തനിക്ക് വേണ്ടി കരയുന്ന ഭാമ ചേച്ചിയേ അവൾ കണ്ടു്.. ആ കണ്ണിൽ തനിക്ക് വേണ്ടി ഒന്നും ചെയ്യാൻ പറ്റാത്തത്തിലുള്ള സങ്കടം മാത്രമാണ്... മറു ഭാഗത്ത് ജോയ്ച്ചനുണ്ട്. ആ മനുഷ്യന്റെ മുഖത്തും അതേ നിസ്സഹായ അവസ്ഥ..... ആൾക്കൂട്ടത്തിൽ അനിലിന്റെ മുഖം അവൾ കണ്ടു.... അവന്റെ മുഖത്ത് പുച്ഛo മാത്രമായിരുന്നു... രാജൻ മാമ്മയും വേദനയോടെ തന്നെ നോക്കി നിൽക്കുകയാണ്.... ആരോ ഒരാൾ താലി മേടിച്ച് ശ്രീധരന്റെ കൈയിൽ കൊടുത്തു. ഇന്നാ മേടിക്ക്..... ശ്രീധരൻ പറഞ്ഞതും ബാലൻ വിറയ്ക്കുന്ന കൈകളിൽ അത് മേടിച്ചു...... കെട്ടവളെ...............

നിന്നോട് അവളുടെ കഴുത്തിൽ താലി കെട്ടാനാനാണ് പറഞ്ഞത്. ശ്രീധരൻ അവന്റെ നേരെ അലറി. ബാലൻ കൈയിലെ താലിയിൽ പിടിത്തം മുറുക്കി ഭദ്രയേ നോക്കി..... നിസ്സഹായതയാണ് അവളുടെ മുഖത്ത്... മെല്ലേ താലി അവളുടെ കഴുത്തിൽ കെട്ടാനായി ബാലൻ ഉയർത്തി.... ചത്തു പോയെങ്കിലെന്നുവരെ അവൾക്ക് തോന്നി.....ഒരിക്കലും തോൽക്കില്ലെന്ന് കരുതിയ തനിക്ക് തെറ്റി പെണ്ണായി പിറന്നവൾക്ക് ലോകം വിലക്ക് നൽകിയിയിരിക്കുന്നു. ബാലൻ ഭദ്രയുടെ കഴുത്തിലേക്ക് താലി കെട്ടാനായി പോയ്‌.ഭദ്ര തല കുഞ്ഞിച്ച് നിൽക്കുകയാണ്.... കഴുത്തിലേക്ക് അവന്റെ കൈകൾ ഇഴഞ്ഞതും ബാലനെ പുറകിൽ നിന്ന് ആരോ ശക്തമായി ചവിട്ടി അവൻ നിലത്തേക്ക് വീണു..... എല്ലാരും അമ്പരന്ന് നോക്കിയതും കോപം കൊണ്ട് കത്തി നിൽക്കുന്ന "ശിവനെ ". എല്ലാരും ഞെട്ടി..... ദേഷ്യംകൊണ്ട് താണ്ഡവമാടുന്ന പരമ ശിവന്റെ പ്രതീക മായിരുന്നു അപ്പോൾ അവന്......ഭദ്ര മുഖം ഉയർത്തി അവനെ നോക്കി " എന്റെ പെണ്ണിനെ എന്നിൽ നിന്നും പറിച്ച് മാറ്റാൻ നോക്കിയാലുണ്ടല്ലോ... ആരാണെന്ന് പോലും നോക്കാതെ അരിഞ്ഞു വീഴ്ത്തും ഞാൻ എല്ലാത്തിനേയും.......... " ഭദ്രയേ നെഞ്ചിലേക്ക് വലിച്ച് വീറോടെ പറയുന്ന അവന്റെ വാക്കുകൾ കേട്ട് ഭദ്ര ഞെട്ടി. 🔥...............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...