🔥എന്റെ മാത്രം : ഭാഗം 28

എഴുത്തുകാരി: അല്ലി

ഒരുതരം മരവിപ്പോടെ മുറിയിലെ ചാര് കസേരയിൽ ചാരി കിടക്കുകയാണ് ശ്രീധരൻ. മനസ്സ് തകർന്നിരിക്കുന്നു. എന്തൊരു സ്വപ്നങ്ങളായിരുന്നു തന്റെ ശിവനെ പറ്റി. എല്ലാം മറന്ന് കൂടെ കൂട്ടിയിട്ട്. തകർത്ത് കളഞ്ഞല്ലോ നീ...... സുമതിയമ്മ മുറിയിലേക്ക് മെല്ലേ വന്നു. കാര്യങ്ങളെല്ലാം അറിഞ്ഞ് അവരും നെഞ്ച് തകർന്ന് നിൽക്കുകയാണ്. തന്റെ പ്രിയപ്പെട്ടവന്റെ അവസ്ഥയാണ് അവരെ ഒന്നും കൂടി വേദനിപ്പിക്കുന്നത്. ഏട്ടാ........ സുമതിയമ്മ തോളിൽ കൈ വെച്ച് വിളിച്ചതും അദ്ദേഹം മുഖം ഉയർത്തി. അ കണ്ണുകൾ കരഞ്ഞു ചുവന്നിട്ടുണ്ട്. അവൻ എന്നേ വീണ്ടും തോൽപ്പിച്ചു സുമതി....വീണ്ടും..വേദനയോടെ അദ്ദേഹം പറയുന്നത് കണ്ണിരോടെ കേൾക്കുകയല്ലാതെ അവർക്ക് ഒന്നും തന്നെ ചെയ്യാനില്ലായിരുന്നു. മാറി നിന്ന് മാമ്മച്ചനും എല്ലാം കണ്ടും കേട്ടും നിന്നും. വിഷമിക്കുകയല്ലാതെ വേറൊന്നും അയാൾക്ക് ചെയ്യാനില്ലായിരുന്നു.

ആൾക്കാർ ഓരോരുത്തരായി വീട്ടിൽ വന്നുകൊണ്ടിരുന്നു. മുന്നിൽ ജീവനറ്റ് കിടക്കുന്ന അമ്മയേ കരഞ്ഞു തളർന്ന മിഴികളോടെ രാധമ്മയുടെ മാറിൽ ചാരി അവൾ ഇമ ചിമ്മാതെ നോക്കിയിരുന്നു. രാധമ്മയുടെ കൈ കൾ അവളെ പുണർന്നു..... ശിവനും ജോയും വേണ്ട കാര്യങ്ങൾ ചെയ്യുകയാണ്. മകന്റെ സ്ഥാനം ഏറ്റെടുത്ത് ശിവൻ തന്നെയാണ് വേണ്ടതെല്ലാം ചെയ്യുന്നത്. വന്നവരൊക്കെ ഭദ്രയുടെ ഇരുത്ത കണ്ട് സഹതപിക്കുന്നുണ്ട്.ചിലരുടെ മുഖത്ത് അതേ പുച്ഛം. ചിലരുടെ മുഖത്ത് ദേഷ്യം.. ഒന്നും അറിയുന്നില്ല അവൾ... അമ്മ മാത്രം...... ഇത്രയും നാൾ ആർക്ക് വേണ്ടി ജീവിച്ചോ അവരിപ്പോൾ ഇല്ലാ.. ❤ അമ്മ........❤ "കൊന്ന് തിന്നിട്ട് കൂട്ടം പോലെ വരുന്നത് കണ്ടില്ലേ.... കൊല്ലും ഞാൻ........" ആൾക്കാർ വരുന്നത് കണ്ട് ശിവൻ മുന്നോട്ട് പോയതും ജോയ് ബലമായി അവനെ തടഞ്ഞു. വിട് ജോയ്.... വിടാൻ...... എല്ലാം തകർന്നു നിൽക്കുവാ ശങ്കര നിന്റെ പെണ്ണ്....ഇനിയും അവളെ തളർത്തി കൊല്ലരുത്.......

വേദനയോടെ ജോയ് പറഞ്ഞതും ശിവൻ അവിടെ തന്നെ നിന്നും. തന്റെ പെണ്ണ്.... അവൻ വേഗം അകത്തേക്ക് കേറി.... ഇങ്ങനെയിരിക്കുകയാണ്..... രാധമ്മയുടെ നെഞ്ചിൽ ചാരി ഇമ ചിമ്മാതെ നോക്കി നെഞ്ച് പൊട്ടി പോകുന്ന പോലെ അവന് തോന്നി  മകന്റെ സ്ഥാനത്ത് ശിവൻ നിന്ന് വേണ്ടത്തെല്ലാം ചെയ്തു. അവസാന നിമിഷം അമ്മയേ എടുക്കാനായി പോയപ്പോൾ അവൾ അടുത്തേക്ക് വന്നു... നെറ്റിയിൽ ചുണ്ടുകൾ ചേർത്തു.... അവസാന ചുംബനം...... കൈ കൾ മുഖത്തൊന്ന് തലോടി...... വയ്യാ..... ഇനി വയ്യാ..... ഹൃദയം പൊട്ടിച്ചിതറി അതിൽ നിന്നും ചോര ഒലിച്ചു...... തെക്കേ തൊടിയിൽ അമ്മയ്ക്കായ് ഒരുക്കിയ ചിതയിൽ ...... മകനായി നിന്ന് ശിവൻ തീ കൊളുത്തി,... അവന്റെ കണ്ണുകൾ നിറഞ്ഞു തൂകി. മാറി നിന്ന് ജന്നൽ പാളികളിലൂടെ കരഞ്ഞു കൊണ്ട് ഭദ്ര നോക്കി നിന്നും.... പോയ്‌...... എല്ലാം പോയ്‌.... എല്ലാം..... അവൾ പുലമ്പിക്കൊണ്ടിരുന്നു

ദിവസങ്ങൾ എത്ര വേഗം പോയ്‌ മറഞ്ഞു. ഒരു മാസംകഴിഞ്ഞു അമ്മയുടെ മരണം നടന്നിട്ട്.... ഈ വീട്ടിലെ ഓരോയിടത്തും ഓരോ മുക്കിലും മൂലയിലും അമ്മയുടെ ഗന്ധവും സാമിപ്യവുമാണ്....... സന്ധ്യയ്ക്ക് ഉമ്മറത്തിരിക്കുമ്പോൾ തന്നെ തഴുകി ഒരു തണുത്ത കാറ്റ് വീശു. നല്ല കുളിരാണ് അതിന്. അമ്മയുടെ ആത്മവാണെന്ന് ചിലപ്പോഴൊക്കെ തോന്നി പോകും വല്ലാത്ത ശ്വാസം മുട്ടലാണ് ഈ വീട്ടിൽ... ഓരോ ദിവസവും അമ്മയുടെ ഓർമ്മകൾ വിതുമ്പലോടെ ഓർത്ത് കരയും. അന്ന് മുതൽ ഇന്ന് വരെ രാധമ്മയും ഭാമേച്ചിയും ജോയും അമ്മച്ചിയും ഒക്കെ എന്നും വരും തന്നെ ആശ്വസിപ്പിക്കും. നെഞ്ചോട് ചേർക്കും... ഒരു വറ്റ് പോലും തൊണ്ടയിൽ നിന്ന് താഴേക്ക് ഇറക്കാൻ പറ്റില്ലെങ്കിലും നിർബന്ധിപ്പിച്ച് കഴിപ്പിക്കും.... ഓരോരുത്തരുടെയും ആശ്വാസവാക്കിന് മുന്നിൽ തളരുകയല്ലാതെ വേറെ ഒന്നും തന്നെ മെച്ചം ഇല്ലായിരുന്നു. രാത്രിയാകുമ്പോൾ വല്ലാത്ത ശുന്യത വന്ന് മൂടും... ആരെയും അടുപ്പിക്കില്ല..അവൾ ഒറ്റയ്ക്ക് ആ വീട്ടിൽ താനും അമ്മയും മാത്രം... അമ്മയുണ്ട്...... രാത്രിയുടെ ഏകാന്തതയിൽ ഭയം അവളെ വന്ന് മൂടും.....

പക്ഷെ അവൾക്ക് കൂട്ടായി ഈ ദിവസങ്ങളിൽ ഉറക്കം നഷ്ട്ടപ്പെട്ട് കഴിക്കാൻ പ്രയാസപ്പെട്ട് ഉമ്മറത്ത് കിടന്ന് നിലാവിനെ നോക്കി നെഞ്ചിലെ "ശിവദ്ര "യിൽ തഴുകി വേദന കടിച്ചമർത്തുന്ന ശിവനെ അവൾ കണ്ടില്ല. അവനും ക്ഷിണിച്ചിരിക്കുന്നു..... ഇന്ന് വരെ അവളുടെ മുന്നിൽ നിൽക്കാൻ അവൻ ധൈര്യപ്പെട്ടിട്ടില്ല.... അവളുടെ വേദനയിൽ ഉരുകുന്ന മനസ്സോടെ മുന്നിൽ നിൽക്കാൻ അവന് പറ്റില്ല പക്ഷെ ഇനി ഇങ്ങനെ പറ്റില്ല. ഇവിടുത്തെ അന്തരീക്ഷം അവളുടെ സമനില തെറ്റിക്കും. ഈ ശിവൻ ജീവിച്ചിരിക്കുമ്പോൾ അത് നടക്കില്ല.അവൻ ചിലതൊക്കെ മനസ്സിൽ ഉറപ്പിച്ചു.  രാവിലെ കുളിച്ച് ഈറനോടെ മുറിയിലേക്ക് വന്നു. ചോറ് വെയ്ക്കണം കറിയുണ്ടാക്കണം.. സ്വന്തം കാര്യം ചെയ്യാൻ ഇനി വേറെയാരുടെയും സഹായം തേടരുത്. തനിക്ക് ഇനീ താൻ മാത്രമേയുള്ളൂ... മനസ്സിനെ ഓരോന്ന് പറഞ്ഞു പഠിപ്പിച്ച് അവൾ അമ്മയുടെ ഫോട്ടോയിലേക്ക് നോക്കി. കാണുമ്പോൾ കാണുമ്പോൾ കണ്ണ് നിറയും..മായ്ക്കാൻ പറ്റാത്ത മുറിവ്. അമ്മേടെ മോള് തളരില്ലമ്മേ...

എന്നെയും എന്റെ അമ്മയെയും ഇല്ലാണ്ടാക്കിയ ഈ കഴുകന്മാരുടെ മുന്നിൽ തന്നെ ജീവിച്ച് കാണിക്കും ഞാൻ ....... കാണിക്കും....കണ്ണീർ അമർത്തി തുടച്ചു കൊണ്ട് അവൾ പറഞ്ഞു. മെല്ലേ കണ്ണാടിയുടെ മുന്നിൽ വന്ന് നിന്നും. സ്വന്തം രൂപത്തെ നോക്കി ഒരു മാസം കൊണ്ട് ഒരുപാട് മാറിയിരിക്കുന്നു. മുഖം ഒന്നും കൂടി ഇരുണ്ടും.. ചുണ്ടുകൾ വരണ്ട്.എണ്ണ തേക്കാത്ത മൂടി.. കറുത്ത പാടുകൾ കണ്ണിന് ചുറ്റും.. അവൾ നിർവികാരത്തോടെ നോക്കി പിന്നീട് അവളുടെ നോട്ടം കഴുത്തിൽ പിണഞ്ഞു കിടക്കുന്ന താലി മാലയിലായി... അവളുടെ കൈകൾ അതിൽ പിടിത്തം മുറുക്കി. ഇത്രയും ദിവസം തന്റെ കഴുത്തിൽ കിടന്നിട്ട് താൻ ശ്രദ്ധിച്ചില്ല......താലി കെട്ടിയ ആളെയും.... അവിടെയും ഇവിടെയും നിൽക്കുന്നത് കാണാം. തന്നെ മാറി നിന്ന് നോക്കുന്നത് കാണാം...... അവൾ ഒന്നും കൂടി താലിയിൽ പിടിത്തം മുറുക്കി.., വല്ലാതെ പൊള്ളുന്നു.. കണ്ണിൽ അന്നത്തെ കാര്യങ്ങൾ ഓർമ്മ വന്നു....എല്ലാത്തിന്റെയും അവസാനം അമ്മയുടെ മരണം...... വേറൊന്നു അവളുടെ മനസ്സിലുയർന്ന് വന്നില്ല. അവളുടെ ഉള്ളം നൊന്തു.

പെട്ടെന്ന് ആരുടെയോ കാൽപ്പെരുമാറ്റം അറിഞ്ഞതും വെപ്രാളത്തോടെ തിരിഞ്ഞു നോക്കി. മുന്നിൽ നിൽക്കുന്ന ശിവൻ. അവൾ അടിമുടി അവനെ നോക്കി.ഇത്രയും ദിവസത്തിന് ശേഷം ഇപ്പോഴാണ് നേരെ അവനെ കണ്ടത്. വല്ലാതെ ക്ഷിണിച്ചിരിക്കുന്നു. അവനും അവളെ നോക്കുകയാണ്. തന്റെ പെണ്ണിനെ....... അവനിൽ നിന്നും മുഖം മാറ്റി ഭദ്ര തിരിഞ്ഞു നിന്നും. ശിവൻ അവളുടെ അടുത്തേക്ക് ഒന്നും കൂടി ചേർന്ന് നിന്നും..... വെപ്രാളത്തോടെ ഭദ്ര അവനെ നോക്കി. " മുറിയിൽ നിന്ന് പോ...... " അവനെ നോക്കി അവൾ ആർദ്രമായ് പറഞ്ഞു..... " പോകാം പക്ഷെ എന്റെ കൂടെ നീയും കാണും. " കൂസലില്ലാതെ അവൻ പറയുന്നത് കേട്ട് മുഖം ഉയർത്തി അവനെ നോക്കി. " എവിടേക്ക് " " അമരവദിയിലേക്ക് " "ഞാൻ എന്തിന് അവിടെ വരണം. ഇതാണെന്റെ വീട്. ഇവിടം വിട്ട് ഞാൻ എങ്ങോട്ടുമില്ല..."ഉറച്ചതായിരുന്നു അവളുടെ വാക്കുകൾ. പക്ഷെ അതിലും ഉറച്ചതായിരുന്നു അവന്റെ വിശ്വാസം. ഒരിക്കലും തന്റെ പെണ്ണിനെ ഭ്രാന്തിന്റെ ചങ്ങലയിൽ ബന്ധിക്കാൻ അവൻ സമ്മതിക്കില്ലയെന്നുള്ള തീരുമാനം. " നീ വരും ഇപ്പോൾ തന്നെ... കൊണ്ടു പോകും ഞാൻ.... "

" തന്നോടല്ലേ വരില്ലെന്ന് പറഞ്ഞത്. എല്ലാം തകർന്ന് നിൽക്കുവാ ഞാൻ. എന്തിന്റെ അധികാരത്തിലാ നീ എന്നോട് ഇങ്ങനെ സംസാരിക്കുന്നത്???? " അത് പറയുമ്പോൾ അവളുടെ ശബ്ദം ഉയർന്നു... " ദാ ഇതിന്റെ പേരിൽ. ഈ അമരാവദിയിലെ ശിവ ശങ്കരന്റെ പെണ്ണെന്ന അധികാരത്തിൽ " അവളുടെ കഴുത്തിലെ താലിയിൽ പിടിച്ചു കൊണ്ട് ശിവൻ പറഞ്ഞതും ഭദ്ര തരിച്ചു നിന്നും. പിന്നീട് ദേഷ്യമായി അവന്റെ കൈ തട്ടി മാറ്റി......ശിവൻ പകപ്പോടെ അവളെ നോക്കി " ഇതെന്റെ കഴുത്തിൽ കിടക്കുമ്പോൾ പൊള്ളുവ..... അറിയോ?? ഓരോന്ന് മനസ്സിൽ കിടന്നെനിക്ക് ശ്വാസം മുട്ടുവാ....... " അറിയോ??? അറിയോന്ന്......... ഇത്രയും ദിവസം അടക്കിപ്പിടിച്ച ദേഷ്യം അവന്റെ മുന്നിൽ പറയുമ്പോൾ അവളുടെ കണ്ണുകൾ നിറഞ്ഞു..... " ഞാൻ കെട്ടിയ താലി നിന്റെ കഴുത്തിൽ കിടക്കുമ്പോൾ നിന്നെ ഇവിടെ നിൽക്കാൻ സമ്മതിക്കില്ല ഞാൻ. കൊണ്ടു പോകും എന്റെ പെണ്ണായിട്ട് " " ഈ താലി കഴുത്തിൽ ഉണ്ടെങ്കിലല്ലേ.. ഞാൻ തന്നെ പൊട്ടിച്ച് കളഞ്ഞാലോ??? "

അതും പറഞ്ഞ് താലിയിൽ പൊട്ടിക്കാനായി പിടിച്ചതും അവൾക്ക് അതിന് പറ്റാതെ നിന്നും. കൈകൾ മരവിച്ച് തണുത്തുപോയി. പറ്റുന്നില്ല.... കൈകൾ വിറയ്ക്കുന്നു. എന്താ പൊട്ടിക്കുന്നില്ലേ???? ശിവൻ ചോദിച്ചതും മുഖം ഉയർത്തി അവനെ നോക്കി.അവന്റെ മുഖത്ത് എന്ത് ഭാവമാണ്........ അവൾ കൈകൾ പിൻവലിച്ച് മുഖം താഴ്ത്തി. ശിവൻ അവളെ പിടിച്ച് നെഞ്ചോട് ചേർത്ത് നിർത്തി.. അവനെ തെള്ളി മാറ്റാൻ നോക്കുന്നുണ്ടെങ്കിലും സാധിച്ചില്ല.. ദേഷ്യത്തോടെ അവനെ നോക്കി "വിട്ട് കൊടുക്കില്ലടി നിന്നെ ഒന്നിനും ആർക്കുംവേണ്ടിയും...കൊണ്ടു പോയിരിക്കും ഈ ശിവൻ.... എന്റെ പെണ്ണായി അമരാവദിയിൽ..." തെല്ലോന്ന് ആലോചിക്കാതെ അവളെ കോരിയെടുത്ത് കൊണ്ട് ശിവൻ വെളിയിലേക്ക് നടന്നു....... വിടടാ..... വിടാൻ... താഴെയിറക്കാൻ...... അവന്റെ നെഞ്ചിലിടിച്ച് കരഞ്ഞു കൊണ്ട് അവൾ പറയുന്നുണ്ടെങ്കിലും അതൊന്നും കേൾക്കാതെ അവൻ മുന്നോട്ട് നടന്നു. അവൾ നൽകുന്ന ഓരോ അടിയും ചിരിയോടെ മേടിച്ചുകൊണ്ട് അവൻ ഉമ്മറത്തേക്ക് നടന്നു. അവന്റെ കൈയിൽ നിന്ന് കുതറിമാറാൻ അവൾക്ക് പറ്റാതെയായി.

ഉമ്മറത്ത് എത്തിയപ്പോൾ വെളിയിൽ ജിപ്സിയിൽ കാത്തിരിക്കുന്ന ജോയ്. അവരെ രണ്ടാളെയും കണ്ടതും അവൻ ചിരിച്ചു..... വണ്ടിയെടുക്കടാ.....ജോയ്.............ശിവൻ മിറ്റത്തേക്ക് ഇറങ്ങിക്കൊണ്ട് പറഞ്ഞതും അവൻ വണ്ടി സ്റ്റാർട്ടാക്കി. ഞാൻ വരില്ല.... എന്നെ താഴെയിറക്കാൻ..... ഞാൻ വരില്ല..... വിടടാ...... വിടാൻ.................. അവൾ അവന്റെ നെഞ്ചിൽ അടിച്ചു കൊണ്ട് അലറി......... ശിവൻ അതൊന്നും കൂസലാക്കാതെ അവളെ ജിപ്സിയിൽ കേറ്റി അവനും ഇരിക്കാനായി പോയതും അവനെ തെള്ളി മാറ്റി ഭദ്ര ഓടനായി പോയ്‌. അപ്പോഴേക്കും അവളുടെ വയറ്റിന് കുറുകെ കൈ പിടിച്ച് വലിച്ച് മടിയിലിരുത്തി. വണ്ടിവിടടാ അമരാവദിയിലേക്ക്........ ശിവൻ വെപ്രാളത്തോടെ പറഞ്ഞതും ജോയ് വണ്ടി മുന്നോട്ടെടുത്തു..... ഞാൻ വരില്ല..... വിടാൻ............ വണ്ടി മുന്നോട്ട് പോകുo ന്തോറും അവളുടെ ശബ്ദവും നേർത്തു.... തൊണ്ട വരണ്ടു...... തളർന്നു അവൾ.... അപ്പോഴും ഉടുമ്പിനെ പോലെ തന്റെ പെണ്ണിനെ പൊതിഞ്ഞു പിടിച്ചിട്ടുണ്ട് ശിവൻ. 🔥ശിവൻ 🔥എപ്പോഴുo ഒരു അത്ഭുതമാണ് നീ..🔥...............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...