🔥എന്റെ മാത്രം : ഭാഗം 30

എഴുത്തുകാരി: അല്ലി

രാധമ്മേ............. അടുക്കളയുടെ വാതിൽ പടിയിൽ നിന്ന് കൊണ്ട് ഭദ്ര വിളിച്ചതും രാധമ്മ തിരിഞ്ഞു നോക്കി ആഹാ മോള് എഴുന്നേറ്റോ... വന്നേ.. ഈ ചായ കുടിക്ക്...... രാധമ്മ ഒരു കപ്പ് ചായ മാറ്റി വെച്ച് കൊണ്ട് പറഞ്ഞു. എനിക്ക് കുളിക്കണം രാധമ്മേ........ എന്നിട്ട് മതി ചായ...........അവൾ ക്ഷീണത്തോടെ പറഞ്ഞു. എന്നാ മോള് പോയ്‌ കുളിക്ക് തണുത്ത വെള്ളം ദേഹത്ത് വീഴുമ്പോൾ സുഖവാ.. മോളുടെ തുണിയെല്ലാം മുറിയിലെ അലമാരയിൽ ഉണ്ട്..... ഞാൻ... തുണി... നിനക്ക് വേണ്ടതൊക്കെ എന്റെ മോൻ മേടിച്ചിട്ടുണ്ട്. പോയ്‌ കുളിക്ക് കുഞ്ഞേ... ഒന്ന് മൂളുക മാത്രം ചെയ്ത്. മറുപടിയൊന്നുമില്ല.... ഉള്ളിൽ വല്ലാത്ത വെപ്രാളമാണ്..സത്യമെന്ത് മിഥ്യയേതെന്ന് തിരിച്ചറിയാൻ പറ്റുന്നില്ല... പിന്നെ മോളെ മുകളിൽ നിങ്ങളുടെ മുറിയിലാണ് തുണിയൊക്കെ....കേട്ടോ... പുറകിൽ നിന്നും രാധമ്മ പറഞ്ഞതും ഞെട്ടി തിരിഞ്ഞ് രാധമ്മയെ നോക്കി. ആ നോട്ടം പ്രതീക്ഷിച്ച പോലെ അവളെ നോക്കി നിന്നും.

ശിവന്റെയും മോളുടെയും മുറി മുകളിലാണ്. നീ പലപ്പോഴും മറക്കുന്നു മോളെ നീ അമരവദി യിലെ ശിവന്റെ ഭാര്യ യാണെന്ന്.... മനസ്സ് കൊണ്ട് ഭാര്യ പദവി അലങ്കരിക്കാൻ എനിക്ക് പറ്റുന്നില്ല രാധമ്മേ... ഭിക്ഷപോലെയാ ദേ ഈ താലി യേ കാണുമ്പോൾ തോന്നുന്നത്. താലിയിൽ പിടിത്തമിട്ട് അവൾ പറഞ്ഞു. രാധമ്മ ചിരിക്കുക മാത്രം ചെയ്തു. അവളെ തെറ്റ് പറയാൻ ഒരിക്കലും പറ്റില്ല.  പടികൾ കേറി മുറിയുടെ മുന്നിലെത്തി. എത്ര പ്രാവശ്യം ഇവിടെ വന്നിരിക്കുന്നു. ഒരിക്കൽ പോലും കരുതിയില്ല ഇങ്ങനെ.... ഒന്ന് ശ്വാസം വലിച്ച് അവൾ ഡോർ മെല്ലേ തുറന്നു. ആദ്യo കണ്ണുടക്കിയത് കട്ടിൽ കമന്ന് കിടക്കുന്ന ശിവനിലാണ്. നല്ല ഉറക്കത്തിലാണ്. ഇന്നലെ കുറേ നേരം അവളുടെ കൂടെയിരുന്നിട്ടാ അവൻ വന്ന് കിടന്നത്... ശബ്ദം ഉണ്ടാക്കാതെ ഡോർ അടച്ച് അകത്തേക്ക് കേറി. കട്ടിലിനോട്‌ അടുത്തുള്ള അലമാര തുറന്നു........

അതിൽ പകുതിയിൽ കുടുതലും അവൾക്ക് വേണ്ടിയുള്ള തുണികളാണ്.സാരി ദാവാണി....... ലളിത മായ തുണികൾ...... അവൾക്ക് വേണ്ടുന്ന ഇന്നർ അടക്കമെല്ലാo അതിലുണ്ട്.... അവൾക്ക് ചെറിയ ജാള്യത തോന്നി.... അവനെ ഒന്ന് നോക്കി. കുഞ്ഞു പിള്ളേരെ പോലെ കിടന്നുറങ്ങുവാണ് പുള്ളി. "വെളുത്ത് ചുവന്ന മുഖത്തിന് ഒന്നും കൂടി ഭംഗികൂട്ടാൻ കട്ടി താടിയും മീശയും. അലസമായി നെറ്റി തടത്ത് കിടക്കുന്ന മുടിചുരുളിന് പോലും അഴകാണ്. ദൃഡമായ ശരീരം. അത്രയും ഉറപ്പും കരുത്തും ഉണ്ടെന്ന് ആ ശരീരം കാണുമ്പോൾ അറിയാം " അവനെ നോക്കി കൈയിൽ കിട്ടിയ തുണിയെടുത്ത് അവൾ ബാത്‌റൂമിലേക്ക് കേറി. തുണി അഴിച്ച് നഗ്നമായ് ഷവറിന്റെ മൂട്ടിൽ നിന്നും. തണുത്ത വെള്ളം ദേഹത്തേക്ക് ഒലിച്ച് ഒഴുകുമ്പോൾ വല്ലാത്തൊരു ആശ്വാസം അവളെ വന്ന് മൂടി. മാറിൽ നനഞ്ഞു ഒട്ടികിടക്കുന്ന താലിയിൽ അവളുടെ കണ്ണുകൾ ഉടക്കി. അത് നെഞ്ചിൽ കിടന്ന് നന്നായി പൊള്ളുന്നുണ്ട്. കാണുമ്പോൾ എല്ലാം ഓർമ്മ വരും. പക്ഷെ അഴിച്ച് കളയാൻ പറ്റുന്നില്ല.... ~~~~~~~~

കുളി കഴിഞ്ഞ് വെളിയിൽ ഇറങ്ങിയപ്പോൾ കട്ടില് ശുന്യമാണ്. താഴേക്ക് പോയേക്കാം. എന്തെങ്കിലും ആകട്ടെ. തലയിൽ നിന്നും കെട്ട് അഴിച്ച് കണ്ണാടിക്ക് മുന്നിൽ വന്ന് നിന്നും. കണ്ണാടിക്ക് അടുത്ത് തന്നെ പൊട്ടും ചാന്തും കൺ മഷിയും വളയും മാലയും എല്ലാം ഉണ്ട്.... കണ്ണാടിയിൽ തന്റെ മുഖത്ത് നോക്കി. പിന്നെ അവിടെയിരുന്ന കറുത്ത വട്ട പൊട്ടെടുത്ത് നെറ്റിയിൽ ഒട്ടിച്ചു. മുടി കോതിപിന്നിയിട്ടും. മതി... ഇത് തന്നെ ധാരാളം. പെട്ടെന്ന് പിന്നിലൂടെ അവളെ മുറുക്കെ പുണർന്നു. ശ്വാസം മുട്ടുന്ന അത്രയും മുറുക്കെ.. ആരാണെന്ന് അറിയാൻ കണ്ണാടിയിൽ നോക്കേണ്ട കാര്യം അവൾക്കില്ലായിരുന്നു. " വിട് വിടാൻ.ഞാൻ പറഞ്ഞിട്ടുള്ളതാ അനാവശ്യമായ് എന്റെ ദേഹത്ത് തൊടരുതെന്ന്...." അവനിൽ നിന്നും കുതറി മാറാൻ നോക്കിക്കൊണ്ട് കണ്ണാടിയിലൂടെ അവനെ നോക്കി പറഞ്ഞു. " അതിന് ആര് പറഞ്ഞു അനാവശ്യമാണെന്ന്. അതും പറഞ്ഞ് അവിടെയിരുന്ന സിന്ദൂരചെപ്പിൽ നിന്നും ഒരു നുള്ള് സിന്ദൂരം അവന്റെ കൈ കൊണ്ട് അവൾക്ക് തൊട്ട് കൊടുത്തു. കണ്ണുകൾ മെല്ലേ അടഞ്ഞു. ഇരുനിറത്തിന് അഴക് കൂട്ടി....."

കെട്ട് കഴിഞ്ഞ പെണ്ണ് ഇങ്ങനെ സിന്ധുരം തൊടണമെന്ന് അറിയില്ലേ നിനക്ക് ഏഹ്?? ഇന്ന് ഞാൻ തൊട്ട് തന്നു. ഇനി ആവർത്തിക്കരുത് കേട്ടല്ലോ...... കണ്ണാടിയിലൂടെ അവളെ നോക്കി പറഞ്ഞു. പെണ്ണ് കണ്ണ് കൂർപ്പിച്ച് അങ്ങനെ നോക്കി നിൽക്കുകയാണ്. " വല്ലാത്ത മണം ആണെടി നിനക്ക്.. തുളസി പൂവിന്റെ മണം..... " ആഞ്ഞു ശ്വാസം വലിച്ച് ശിവൻ പറഞ്ഞതും കൈ മുട്ട് കൊണ്ട് ഒറ്റ ഇടി വെച്ച് കൊടുത്തു... അഹ്.... വേദനയോടെ അവളിൽ നിന്നും പിടി വിട്ട ശിവന് നേരെ അവൾ തിരിഞ്ഞു. " എന്താ നിങ്ങളുടെ ഉദ്ദേശം.? ഇതൊക്കെ കണ്ട് എനിക്ക് ഭ്രാന്ത് പിടിക്കുവാ... അറിയോ?? എന്തിനാ എന്റെ കഴുത്തിൽ ഇത് കെട്ടിയത്?? സഹതാപത്തിന്റെ പുറത്താണോ..... അതോ വേറെ എന്തെങ്കിലും കാര്യം നേടാനോ??ആർക്കറിയാം നിങ്ങ..... ബാക്കി പറയുന്നതിന് മുന്നേ അവളെ വലിച്ച് നെഞ്ചോട് ചേർത്തു ശിവൻ. അവന്റെ നഗ്നമായ നെഞ്ചിലെ ചൂട് അവളിലേക്ക് വ്യാപിച്ചു.

അവന്റെ ഒരു വിരൽ പൊക്കിൾ ചുഴിയിൽ അമർത്തിക്കൊണ്ട് അവളെ പിടിച്ചു നിർത്തി....... " ഇനി ഒരക്ഷരം നീ പറഞ്ഞാൽ ?? സഹതാപം കാണിച്ച് നിന്നെ കെട്ടാൻ അത്ര പുണ്യാളനൊന്നും അല്ലടി ഞാൻ. ശിവനാ ശിവൻ...... ദാ ഈ താലി ഉണ്ടല്ലോ ഇങ്ങനെ കേട്ടാനല്ല ഈ ശിവൻ ആഗ്രഹിച്ചത്...എല്ലാരുടെയും മുന്നിൽ വെച്ച് അന്തസ്സായി എന്റെ പെണ്ണിനെ സ്വന്തമാക്കാനായിരുന്നു ഞാൻ ആഗ്രഹിച്ചത്. പക്ഷെ.. അത് നടന്നില്ല.... എന്ന് വെച്ച് ഇങ്ങനെ പറഞ്ഞാലുണ്ടല്ലോ കൊന്നു തള്ളും ഞാൻ... അഹ്..... " അത്രയും പറഞ്ഞ് അവൻ നന്നായി അണയ്ക്കുന്നുണ്ടായിരുന്നു.. ഭദ്ര ഇമ ചിമ്മാതെ അവനെ നോക്കി നിൽക്കുകയാണ്... കണ്ണ് നിറഞ്ഞു തൂകി..നെഞ്ചിൽ വല്ലാത്ത വേദന. " ഇന്നോ ഇന്നലെയോ അല്ലടി. പണ്ട് അന്ന് സ്കൂളിൽ പഠിക്കുമ്പോൾ എന്റെ പിറകെ വാല് പോലെ വന്ന നിന്നെ മറിച്ചിട്ടപ്പോൾ. പിന്നെ എന്നെ ശ്രദ്ധിക്കാതെ.. നോക്കാതെ.... മിണ്ടാതെ....പുറകിൽ വരാതെ........

നടന്ന ആ ദിവസങ്ങളിൽ ഞാൻ അറിഞ്ഞതാടി കോപ്പേ എനിക്ക് നിന്നോടുള്ള ഭ്രാന്ത്..... ഭ്രാന്ത്..... മുഴുത്ത ഭ്രാന്ത്..... അത് നിന്നോട്.......... അന്ന് മുതൽ ഇന്ന് വരെ നിന്നെ ഞാൻ വഴക്ക് പറഞ്ഞിട്ടുണ്ടെങ്കിൽ തൊട്ടിട്ടുണ്ടെങ്കിൽ ധാ ഇവിടെ.. ഇവിടെ.. യൊക്കെ പിടിച്ചിട്ടുണ്ടെങ്കിൽ അത് നീ എന്റെയായത് കൊണ്ട് മാത്രം ആണ്.... 🔥എന്റെ മാത്രം 🔥ആയോണ്ട്.. അത് അങ്ങനെ തന്നെയാകും എന്റെ മരണം വരെയും...... അത്രയ്ക്ക് മുഴുത്ത വട്ടാടി എനിക്ക് നിന്നോട്... അറിയോ?? അറിയോന്ന്.....അവളെ പിടിച്ച് ഉലച്ചു കൊണ്ട് ശിവൻ പറയുമ്പോൾ അവന്റെ കണ്ണുകളും നിറഞ്ഞു... അവൾ തരിച്ച് നിൽക്കുകയാണ്. കുഞ്ഞ് ഭദ്രപെണ്ണിന്റ മനസ്സിൽ മൊട്ടിട്ട പ്രണയത്തെ പാടെ പുച്ഛിച്ച് തള്ളിയ അമാരവദിയിലെ ഒരേ ഒരു അവകാശിയാണോ ഇത്?? അവഗണനയും കളിയാക്കലും അടിയും വഴക്കും വെറുപ്പും മാത്രം അറിഞ്ഞ മനുഷ്യന്റെ വായിൽ നിന്ന് വീഴുന്ന ഓരോ വാക്കുകളും അവളിൽ പകപ്പ് ഉണ്ടാക്കി. " അതിന്റെ ഇടയിൽ ആ തന്തയില്ലാത്തവൻ വന്നപ്പോഴും ഞാൻ ഒന്നും ചെയ്യാൻ നിന്നില്ല..

അതെന്റെ പിടിപ്പ്കേട് കൊണ്ടല്ല എന്റെ വിശ്വാസം. നിന്നെ ഒരുത്തനും വിട്ട് കൊടുക്കില്ലെന്ന വിശ്വാസം . പിന്നെ ഈ താലി.. ഇത് ഞാൻ നിന്റെ കഴുത്തിൽ കെട്ടിയത് പ്രണയം കൊണ്ട് മാത്രല്ലടി നിന്നോടുള്ള ഭ്രാന്ത്.......അതുകൊണ്ട് മാത്രം ... അവളുടെ അടുത്തേക്ക് മുഖം അടുപ്പിച്ച് അവൻ പറഞ്ഞതും അവളുടെ ബലം നഷ്ട്ടപ്പെടുന്ന പോലെ തോന്നി....." " മതി.... എനിക്കിനി ഒന്നും കേൾക്കണ്ട... " ഇടറിയ ശബ്ദത്തോടെ അവൾ പറഞ്ഞതും ഒന്നും കൂടി അവളെ തന്നോട് അമർത്തി...... " നീ എന്ത് പറഞ്ഞാലും ഞാൻ കേൾക്കും. പക്ഷെ എന്നെയിട്ടിട്ട് പോകാൻ നോക്കിയാലുണ്ടല്ലോ" അത്രയും പറഞ്ഞ് അവളെ മാറ്റി നിർത്തി അവൻ ബാത്‌റൂമിലേക്ക് പോയ്‌. " പണ്ട് തകർത്തുടച്ച പ്രണയത്തിന്റ ഒരു അവശിപ്പ് പോലും ഇത് വരെ മനസ്സിൽ മുളപൊട്ടിയിട്ടില്ല....... അത്രമേൽ അവന്റെ വാക്കുകൾ പ്രവൃത്തികൾ അന്നെന്റെ കുഞ്ഞി ഹൃദയം തകർത്തു കളഞ്ഞതാണ്...

പക്ഷെ.... ചിലപ്പോഴൊക്കെ ആ കണ്ണുകളിൽ വല്ലാത്ത ഭാവം തനിക്ക് തോന്നിയിട്ടുണ്ട്. പക്ഷെയെന്നിട്ട് പോലും...... " അവൾ നിലത്തേക്ക് ഉതിർന്നു.... "ഒന്നുo ആലോചിക്കാൻ വയ്യാ.... ഒന്നും അംഗീകരിക്കാൻ മനസ്സനുവദിക്കുന്നില്ല.. ഒരു സൂചന പോലും ഇന്നേവരെ തന്നിട്ടില്ല. ഇനി തന്നിരുന്നെങ്കിൽ തന്നെയും ഒരിക്കലും സമ്മതിക്കില്ല... എല്ലാം കൊണ്ടും താഴെയാണെന്നുള്ള ബോധ്യo.... ഇല്ലാ...കഴുത്തിൽ കിടക്കുന്ന താലി വരെ പൊള്ളുവ,.തനിക്ക് എത്തിച്ചേരേണ്ടതല്ലാ. അഭിമാനം വൃണപ്പെട്ട് അമ്മയേ ഇല്ലാണ്ടാക്കിയ അവസ്ഥയിൽ തനിക്ക് എത്തിച്ചേർന്ന ഔദാര്യം..... അങ്ങനെ മതി.... അതിൽ കൂടുതൽ ഒന്നും ഈ ഭദ്രയ്ക്ക് അറിയണ്ട... ഒന്നും..... അവൾ മനസ്സിൽ ഉറപ്പിച്ചു.ജോയെയും കൂട്ടി ശിവൻ വല്യച്ചനെ കാണാൻ പോയ്‌. ഭദ്ര രാധമ്മയുടെ കൂടെത്തന്നെ കൂടി. അവന്റെ മുന്നിൽപ്പെടാതെ നോക്കി. വല്ലാത്ത ദേഷ്യവും സങ്കടവും നിരാശയും അവളെ വന്ന് മൂടിക്കൊണ്ടിരുന്നു 

നീയും വാ ജോയ്.വണ്ടിയിൽ നിന്നും ഇറങ്ങി ശിവൻ പറഞ്ഞു. എന്നിട്ട് വേണം നിന്റെ വല്യച്ചൻ എന്റെ മണ്ടയ്ക്ക് കേറാൻ.. ഒന്ന് പോയേ ശങ്കര...... ജോയ് മുഖം തിരിച്ചു. എന്നാൽ നീ ഇവിടെയിരിക്ക് ഞാൻ പോയിട്ട് വരാം. അത്രയും പറഞ്ഞ് ശിവൻ മുന്നോട്ട് നടന്നു. വർഷങ്ങൾക്ക് ശേഷം ഇപ്പോഴാണ് ഈ പടി കേറുന്നത്. അന്ന് രാധമ്മയെ കൊണ്ടു വന്നപ്പോൾ ഇല്ലാണ്ടായതാണ് ഇവിടെയുള്ള വരവ്. മാമ്മച്ചാ......... ഹാളിലിരിക്കുന്ന മാമ്മനെ കണ്ടതും അവൻ ഓടിചെന്ന് കെട്ടിപിടിച്ചു. ആ വൃദ്ധൻ കരഞ്ഞു.... വാത്സല്യത്തോടെ നെറ്റിയിൽ മുത്തി. ഞാൻ.. അത്.... വേണ്ടാ മോനെ..... നീ തെറ്റൊന്നും ചെയ്യില്ലെന്ന് തന്നെയാണ് എന്റെ വിശ്വാസം.... പക്ഷെ ശ്രീധരൻ.... അവനാകെ തകർന്നു പോയ്‌ മോനെ........,. ചെല്ല് പോയ്‌ കാണ്... നിന്ന നിൽപ്പിൽ അവൻ വേഗം ശ്രീധരന്റെ മുറിയിലേക്ക് ഓടി. മുറിയിൽ നിന്ന് സുമതിയമ്മ വന്നതും അവൻ അവിടെ തറഞ്ഞ് നിന്നും. കുഞ്ഞാ....

അവർ സ്നേഹത്തോടെ അവനെ വിളിച്ചു. വല്യമ്മേ.... ഞാൻ വല്യച്ചനെ..... അകത്തുണ്ട്. അന്നത്തെ സംഭവത്തിന് ശേഷം ഇങ്ങനെ മുറിക്കുള്ളിൽ മാത്രമാ... ചെല്ല്... പോയ്‌ കാണ്. ----- അകത്തേക്ക് കേറിയപ്പോൾ കണ്ടു കട്ടിലിൽ തിരിഞ്ഞു കിടക്കുന്ന വല്യച്ചനെ... കണ്ണ് നിറഞ്ഞു.... കടലോളം സ്നേഹം കൊണ്ട് മൂടിയിട്ടേയുള്ളൂ ഈ മനുഷ്യൻ. വേദനിപ്പിക്കേണ്ടി വന്നിട്ടുണ്ട്. പക്ഷെ അതിന്റെ ഇരട്ടി സ്വയം ശപിച്ചിട്ടുണ്ട് താൻ..... വല്യച്ച,...... ആർദ്രമായ അവന്റെ വിളിയിൽ മെല്ലേ മുഖം തിരിച്ച് ആ മനുഷ്യൻ നോക്കി. ഒരുപാട് ക്ഷിണിച്ചു. താൻ കാരണം.... താൻ നൽകിയ വേദന കാരണം. അവനെ കണ്ടതും ആ കണ്ണുകൾ നിറഞ്ഞു. മെല്ലേ എഴുനേറ്റു. വല്യച്ചന്റെ ശിവൻ തെറ്റ് ചെയ്യില്ലാ.... ഒന്ന് മനസ്സിലാക്ക്...... എനിക്ക് ഇനി വല്യച്ചനോട്‌ കാണാതെയോ മിണ്ടാതെയോ പറ്റില്ല..... ഇത്രയും ദിവസം വരാതെയിരുന്നത് മുന്നിൽ നിൽക്കാൻ വല്ലാത്ത ഭയം. പക്ഷെ.... ഇപ്പോൾ...... പറ്റണില്ല..... എന്നോട് ഒന്ന് ക്ഷമിക്കോ... ഈ ഒരു പ്രാവശ്യം കൂടി...... കൈകൾ കൂപ്പി കരഞ്ഞു കൊണ്ട് അവൻ പറഞ്ഞതും വല്യച്ചന്റെ കൈ കൾ അവന്റെ കൈകളിൽ ചേർത്ത് പിടിച്ചു.🔥...............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...