🔥എന്റെ മാത്രം : ഭാഗം 37

എഴുത്തുകാരി: അല്ലി

"എങനെയുണ്ട് സുമതി " വിഷു കൈനീട്ടമായ് ശിവൻ നൽകിയ ഷർട്ടും മുണ്ടുമിട്ട് ശ്രീധരൻ സന്തോഷത്തോടെ ചോദിച്ചു. സുമതിയമ്മ അടിമുടിയൊന്ന് നോക്കി സൂപ്പറെന്ന് കൈ കാണിച്ചു. " പിന്നെ അങ്ങനെയല്ലാതെയിരിക്കുവോ എന്റെ മോൻ തന്നതല്ലേ.." ഇച്ചിരി ഗമയോടെ ചോദിച്ചു. " ഓഹോ പിന്നെ എന്തിനാണാവോ എന്നോട് ചോദിച്ചത്. രാവിലെ കുഞ്ഞൻ ഇത് കൈയിൽ തന്നപ്പോൾ എന്താ ജാടയായിരുന്നു ഏട്ടന് " " അവനോട് ഇച്ചിരി നീരസമുണ്ടെന്ന് അറിയട്ടേയെന്ന് കരുതി..... പക്ഷെ അവന് ഞാൻ വിഷുവായിട്ടൊന്നും കൊടുത്തില്ലല്ലോ സുമതി " നിരാശയോടെ ശ്രീധരൻ പറഞ്ഞു. " ഞാൻ ഒരു കാര്യം പറഞ്ഞാൽ ഏട്ടൻ സമ്മതിക്കണം. "

പതർച്ചയോടെ സുമതിയമ്മ പറഞ്ഞതും അവരെ സംശയത്തോടെ നോക്കി എന്തെന്ന് ചോദിച്ചു " കുഞ്ഞന്റെയും ആ കുട്ടിയുടെയും കല്യാണം കഴിഞ്ഞിട്ട് ഇത്രയും ദിവസമായില്ലേ... നമ്മൾ അവരെ ഒന്ന് ഇവിടെ വിരുന്തിന് ക്ഷണിച്ചത് പോലുമില്ല നാളെ പോയ്‌ നമ്മൾക്ക് അവരെ ഇങ്ങോട്ട് വിളിക്കാം.... " " നീ എന്താ പറയുന്നത്. മനസ്സ് കൊണ്ട് ഈ കല്യാണം ഞാൻ അംഗീകരിച്ചിട്ടില്ല. എന്നിട്ടാ.. അത് നടക്കില്ല സുമതി.... "ദേഷ്യത്തോടെ ശ്രീധരൻ പറഞ്ഞു. " ഏട്ടന്റെ ഈ പിടി വാശിയുണ്ടല്ലോ നമ്മടെ കുഞ്ഞനെ വീണ്ടും അകറ്റാൻവേണ്ടിയാ. അവന് നമ്മളെയുള്ളൂ. ഒന്ന് മനസ്സറിഞ്ഞ് അവനെ അനുഗ്രഹിക്കണ്ടേ.... ഏട്ടന് മനസ്സില്ലെങ്കിൽ എനിക്കതുണ്ട്. എനിക്കതിന് അവകാശവുoമുണ്ട്... ഇല്ലേ ഏട്ടാ???? " "നീ എനിക്ക് നേരെ ചോദ്യം ചെയ്യുകയാണോ സുമതി " " അങ്ങനെയല്ലയേട്ടാ..... നമ്മളുടെ കടമയാ അത്... നമ്മളുടെ ഭാഗത്ത് നിന്ന് ചെയ്യേണ്ടത് ചെയ്യണ്ടേ.....

അവനും അത് ആഗ്രഹിക്കുന്നുണ്ടാകില്ലേ?? " മറുപടി മൗനമായിരുന്നു.... ശരി നീ പോയ്‌ അവരെ ഇങ്ങോട്ട് വിരുന്തിന് വരാൻ ക്ഷണിച്ചോ. ഞാൻ വരില്ല.. നീ എന്നെ നിർബന്ധിക്കാനും വരണ്ടാ. അതും പറഞ്ഞ് അയാൾ അവിടെ നിന്നും പോയ്‌. സുമതിയമ്മയുടെ മുഖത്ത് ആശ്വാസം നിറഞ്ഞു. താൻ മാത്രം പോയ്‌ ക്ഷണിച്ചാൽ കുഞ്ഞന് അത് മനസ്സിലാകും പക്ഷെ ആ കുട്ടി.......❣️ ---------------------- "അതേ ...." രാത്രിയിൽ കട്ടിലിൽ കിടക്കുന്ന ശിവനെ ഒന്ന് തോണ്ടി ഭദ്ര വിളിച്ചതും അവൻ കണ്ണ് തുറന്ന് അവളെ നോക്കി. "എന്താ....." " അല്ല ഞാൻ ഇന്ന് വിഷുവായിട്ട് തനിക്കും രാധമ്മയ്ക്കും ഒന്നും തന്നില്ലല്ലോ "അവളുടെ പറച്ചിൽ കേട്ട് ശിവന് നന്നേ ചിരി വന്നു " അതിന്.. ഞാൻ നിന്നോട് ചോദിച്ചോ ഇല്ലല്ലോ??

ഇനി അവർ " " ഏയ്യ് രാധമ്മ ചോദിച്ചില്ല. എന്നാലും അതല്ലല്ലോ ശരി... ഞാൻ എന്തെങ്കിലും തരേണ്ടതായിരുന്നു..... " " അതിന് നീ ഒന്നും തന്നില്ലെന്നാരാ പറഞ്ഞത്. ഇന്ന് സദ്യ ആരാ ഉണ്ടാക്കിയത്? നീ യല്ലേ..... പായസo ഉണ്ടാക്കിയതാരാ നീയല്ലേ... ജോയേക്കൊണ്ട് പൂത്തിരിയും പടക്കവും മേടിച്ച് പൊട്ടിച്ച് ആഘോഷിച്ചതാരാ നീയല്ലേ...... ഇത്രയും പോരെ..... " " ഇതൊക്കെ എന്ത്.... " അവൾ അലസമായി പറഞ്ഞു. " എന്നാൽ ഒരു കാര്യം ചെയ്യ് ധാ ഇവിടെ കൈ നീട്ടമായിട്ട് ഒരുമ്മ തന്നോ.... ഞാൻ ഇങ്ങനെ കണ്ണടച്ചിരിക്കാം... " " പോയ്‌ നിന്റെ പെണ്ണുംപിള്ളയോട് പറയടാ കാർക്കോടകാ... " പല്ല് കടിച്ച് അവൾ പറഞ്ഞതും കിടന്നയിടത്ത് നിന്ന് ശിവൻ എഴുന്നേറ്റിരുന്നു. " എനിക്ക് വേറെ പെണ്ണുബിള്ളയില്ല. നീ ഒരുത്തിയേയുള്ളൂ. അധികം വാചകം അടിക്കല്ലേ... " ശിവൻ പുച്ഛിച്ചു. "ഇവനോടൊക്കെ ചോദിച്ച എന്നെ അടിക്കണം..... കോപ്പ് " പുറുപുറുത്ത് കൊണ്ട് അവൾ കട്ടിലിലേക്ക് കിടന്നു....

ചിരിച്ചു കൊണ്ട് അവനും. ------------- ഇതേ സമയം ഉറക്കത്തിൽ ജോയുടെ സ്വപ്നത്തിൽ ഭാമയും അവന്റെ പൊന്നു മോളുമായിരുന്നു.... അവരുടെ ലോകത്തിൽ താനും..❣️ -------------- രാവിലെ തറവാട് മിറ്റത്ത് സുമതിയമ്മ വണ്ടിയിൽ നിന്നും ഇറങ്ങിയതും ഉമ്മറത്തിരുന്ന ശിവൻ അവരുടെ അടുത്തേക്കോടി...... വല്യമ്മേയെന്നും പറഞ്ഞ് അവരെ ഇറുക്കെ പുണർന്നു.. അവർ തിരിച്ചും സുഖാണോ വല്യമ്മേ....... അവരുടെ കവിളിൽ തലോടിക്കൊണ്ട് അവൻ പറഞ്ഞു അതുശരി ഇന്നലെ കണ്ടതല്ലേയുള്ളൂ.... ഏഹ്...... അപ്പോഴേക്കും ഭദ്ര അകത്ത് നിന്ന് വന്നു. അവരെ കണ്ടതും ഒരു ചിരി നൽകി. സുമതിയമ്മ അവളെ തന്റെ അടുത്തേക്ക് വിളിച്ചു ഭദ്ര ഇച്ചിരി മടിച്ച് അവരുടെ അടുത്തേക്ക് വന്നു.....

സുഖാണോ മോളെ നിനക്ക്.... അവളുടെ തലയിൽ തലോടിക്കൊണ്ട് പറഞ്ഞതും അവൾ അതേയെന്ന് തലയാട്ടി..... അകത്തേക്ക് വാ....... ഭദ്ര അവരോട് പറഞ്ഞു. ഞാനത് മറന്നു വാ വല്യമ്മേ........ അതും പറഞ്ഞ് അവരുടെ കൈയിൽ പിടിച്ച് വലിച്ചതും സുമതിയമ്മ അത് തടഞ്ഞു..... അവൻ സംശയഭാവത്തിൽ അവരെ നോക്കി ഭദ്രയും.... അകത്തേക്ക് കേറുന്നില്ല കുഞ്ഞാ. അറിയാലോ വല്യച്ചനെ........... അവൻ ഒരു ചിരി മാത്രം നൽകി എത്ര പ്രായം കൂടിയാലും വാശിക്കൊരു മാറ്റമില്ലല്ലേ?? ഞാൻ തിരുത്താൻ നോക്കിയാലും എവിടം വരെ പോകുമെന്ന് അറിയാലോ കുഞ്ഞാ. ഞാൻ ഇപ്പോൾ വന്നത് നിങ്ങളെ രണ്ടാളെയും നാളെ വിരുന്തിന് വിളിക്കാൻ വന്നതാ.......... വരണം രണ്ടാളും...... രണ്ടാളെയും നോക്കി പറഞ്ഞതും ശിവൻ വരാമെന്ന് തലയായാട്ടി പക്ഷെ ഭദ്രയുടെ മുഖത്ത് നല്ല നിരസം ഉണ്ടായിരുന്നു നടുമിറ്റത്ത് നിന്ന് വിളിക്കുന്നതാണെന്ന് തോന്നല്ലേ മോളെ.. അറിയാലോ...

എന്റെ അവസ്ഥ... അതൊന്നും കാര്യമാക്കാതെ നാളെ രാവിലെ തന്നെ രണ്ടാളും വരണം അവളുടെ മുഖത്തെ ഇഷ്ട്ടക്കേട് മനസ്സിലായത് പോലെ സുമതിയമ്മ പറഞ്ഞു. " ഞാൻ അവിടെ വന്നാൽ എന്നെ കയറ്റുവോ സുമതിയമ്മേടെ ഭർത്താവ് " ഗൗരവത്തോടെയുള്ള ഭദ്രയുടെ ചോദ്യം അവരിൽ ഞെട്ടലുണ്ടാക്കി. അവന് വല്യ ഭാവ വത്യാസമില്ലായിരുന്നു " അങ്ങനെയൊന്നുമുണ്ടാകില്ല മോളെ അദ്ദേഹം ആയച്ചതായ എന്നെ... " അവൾ ഒന്ന് ചിരിക്കാൻ ശ്രമിച്ചു ഞാൻ പോട്ടെ കുഞ്ഞാ.... നാളെ രണ്ടാളും അങ്ങോട്ട് വന്നേക്കണം കേട്ടോ... ശിവൻ വരാമെന്ന് പറഞ്ഞതും അവരുടെ നോട്ടം അകത്തേക്കായി.... ആരെയോ പ്രതീക്ഷിച്ച പോലെ.. രാധമ്മ കുളിക്കുവാ.......

ഭദ്ര ആ നോട്ടം കണ്ടുകൊണ്ട് പറഞ്ഞു അവർ ഒരു വിളറിയ ചിരി അവൾക്ക് നൽകി രണ്ടാളോടും യാത്ര പറഞ്ഞ് വണ്ടിയിൽ കേറി പോയ്‌. ശിവന് മുഖം കൊടുക്കാതെ അവൾ അകത്തേക്ക് പോയ്‌.അവൻ ഇതെന്തെന്ന ഭാവത്തിൽ അവൾ പോകുന്നതും നോക്കി. ഞാൻ വരുന്ന പ്രശ്നമില്ല... എന്നെ നോക്കണ്ട......... മുറിയിൽ ശിവൻ വന്നതും ദേഷ്യത്തോടെ അവൾ പറഞ്ഞു. എന്താ നിനക്ക് വന്നാൽ ഇവിടെ വന്ന് വിളിച്ചതല്ലെ വല്യമ്മ . ഇങ്ങനെയാണോ വിളിക്കേണ്ടത്. നിങ്ങളുടെ വല്യച്ചനും കൂടി ചേർന്നല്ലേ നമ്മളെ വിളിക്കണ്ടേ.? അത് പോട്ടെ അകത്ത് പോലും കേറാൻ മനസ്സില്ലാതെ മിറ്റത്ത് നിന്ന്.. എനിക്ക് തീരെ ഇഷ്ടപ്പെട്ടില്ല. അവൾ മുഖം തിരിച്ചു.... നിന്റെ അടവ് എന്റെയെടുത്ത് എടുക്കല്ലേടി...

എന്ത് കൊണ്ട് വല്യച്ചൻ വരാത്തതെന്നും മിറ്റത്ത് നിന്ന് വിളിച്ചതെന്നും നിനക്ക് നന്നായിട്ട് അറിയാം. ഇത് നിനക്ക് മനസ്സിലാഞ്ഞിട്ട്..... എന്നെ പൊട്ടനാക്കാൻ നോക്കല്ലേ...... ഇനിയാക്കാൻ എന്തിരിക്കുന്നു.. എന്ത്?? എന്തെങ്കിലും പറയാനുണ്ടെങ്കിൽ എന്റെ മുഖത്ത് നോക്കി പറയണം... അല്ലാതെ കുണു കുണുന്ന് പറയരുത്...... കേട്ടല്ലോ.... പിന്നെയൊന്നും പറയാതെ അവനെ ഒന്ന് നോക്കിയിട്ട് അവൾ താഴേക്ക് പോയ്‌.  ഹയ്യ് എങനെയുണ്ടമ്മേ....... പൊന്നു മോൾ ജോയ് തന്ന പുത്തനുടുപ്പിട്ട് ഭാമേടെയടുത്ത് ചോദിച്ചു. പാത്രം കഴുകുന്നത് നിർത്തി അവൾ പൊന്നുമോളെ ഒന്ന് നോക്കി. കുട്ടി പാവാടയും ഉടുപ്പുമിട്ട് സുന്ദരിയായിട്ടുണ്ട് ഗുണ്ടുമണി..... എങനെയുണ്ടമ്മേ.... അവൾ വീണ്ടും ചോദിച്ചു. ഹ്മ് കൊള്ളില്ല....

മുഖം തിരിച്ച് പറഞ്ഞു. കൊള്ളില്ലേ.... ചുണ്ട് പിളർത്തി പൊന്നു മോൾ വീണ്ടും ചോദിച്ചപ്പോൾ അവൾക്ക് ചിരി വന്നു. സത്യമായിട്ടും കൊള്ളില്ല... ഈ അമ്മ കള്ളം പറയുവാ . എന്റെ ജോയിച്ചൻ തന്ന ഉടുപ്പാ.... സൂപ്പെറാ.. അമ്മ കൊള്ളില്ല പോ.... അതും പറഞ്ഞ് അവൾ മുഖം വീർപ്പിച്ച് കള്ളിപ്പെണ്ണ് പോയ്‌. ഭാമ വാ തുറന്ന് നിന്നും.ഇയാളിത് എന്ത് കൈ വിഷമാണോ ഈ പെണ്ണിന് കൊടുത്തത് .... അവൾ തലയിൽ കൈ വെച്ച് പറഞ്ഞു. എന്നിട്ട് എന്നെ തിരക്കിയോ അവൾ. കഷ്ട്ടമായി പോയല്ലോ മോളെ. എനിക്ക് ഒന്ന് കാണാൻ പറ്റിയില്ല അവളെ... ശിവൻ വെളിയിൽ പോയതും ഭദ്രയും രാധമ്മയും ഉമ്മറത്തിരുന്ന് കാര്യം പറയുകയായിരുന്നു. രാധമ്മേ തിരിക്കിയില്ല. പക്ഷെ അകത്തേക്ക് എത്തി നോക്കി. ആണോ... പാവം ....... അപ്പോൾ രാധമ്മയെന്താ ഈ കഥയിലെ വില്ലത്തിയാണോ?? ഞാനും ഒരു നായികയാ......

രാധമ്മ ചിരിച്ചു കൊണ്ട് പറഞ്ഞു. ഞാൻ നാളെ പോകില്ല രാധമ്മേ... എനിക്ക് ഇഷ്ടല്ലാ....... അവൾ കെറുവോടെ പറഞ്ഞു. അങ്ങനെ പറയല്ലേ മോളെ. നിങ്ങളെ അങ്ങോട്ട് വിളിക്കാൻ വേണ്ടിയല്ലേ അവൾ ഇങ്ങോട്ട് വന്നത്. പോകാതെയിരുന്നാൽ അത് മരിയാദകേടാകും. പോകാൻ തോന്നുന്നില്ല രാധമ്മേ അവിടെ ആർക്കും എന്നെ പിടിക്കില്ല. ഈ കല്യാണത്തിന് തന്നെ അവിടുത്തെ വല്യച്ചന് അറപ്പല്ലേ... എന്നെ കണ്ടാൽ അയാള്...... ഒന്നുവില്ല... അദ്ദേഹത്തിന്റെ സമ്മതത്തോടെയല്ലേ വിളിച്ചത്... അതോർത്ത് നീ പേടിക്കണ്ടാ. നാളെ പോകാൻ നോക്ക് രണ്ടാളും.. കേട്ടോ. അവളുടെ തലയിൽ തലോടിക്കൊണ്ട് പറഞ്ഞതും അവൾ പിന്നെ ഒന്നും മിണ്ടാൻ പോയില്ല. 

ഇത് വേണ്ടാ രാധമ്മേ .... രാവിലെ വല്യച്ചന്റെ വീട്ടിലേക്ക് പോകാൻ തയ്യാറാകുന്ന ഭദ്രയുടെ കൈയിൽ മാങ്ങമാലയും സ്വർണ്ണ ജിമിക്കി കമ്മലും വെച്ച് നീട്ടിയപ്പോൾ രാധമ്മയോട് പറഞ്ഞു. എന്റെ മോള് ഇതൊക്കെയിട്ട് അവിടെ പോകണം... രാധമ്മേടെ ആഗ്രഹവാ.. വേണ്ടെന്ന് പറയല്ലേ...... സങ്കടത്തോടെ രാധമ്മ പറഞ്ഞു. ഇതൊക്കെയിട്ടാൽ എനിക്ക് ശ്വാസം മുട്ടും രാധമ്മേ..... എനിക്ക് വേണ്ടാത്തോണ്ടാ. എത്ര വേഷം കെട്ടിയാലും ഞാൻ ഇങ്ങനെയല്ലേ...... ചിരിയോടെ അവൾ പറഞ്ഞതും രാധമ്മയുടെ മുഖം ഇരുണ്ടു.. കണ്ണുകൾ നിറഞ്ഞു യ്യോ എന്റെ രാധമ്മ എന്തിനാ കരയണേ ഏഹ്??? അവൾ ആധിയോടെ ചോദിച്ചു. നിക്കറിയാം...എന്റെ മോൾക്ക് ഇതിന്റെ ആവിശ്യമില്ലെന്ന്....കൊതികൊണ്ട് ഞാൻ പറഞ്ഞതാ.. അല്ലാതെ...... കണ്ണ് തുടച്ച് രാധമ്മ പരിഭവത്തോടെ പറഞ്ഞു. എന്റെ ഈശ്വര ഇങ്ങനെയൊരു പൊട്ടിയമ്മ ....

ഇങ്ങോട്ട് താ ഇതൊക്കെയിട്ട് നല്ല ചുന്ദരിയായിട്ട് ഞാൻ പോകാം പോരെ.... രാധമ്മയുടെ കൈയിൽ നിന്നും അത് മേടിച്ച് പറഞ്ഞതും മതിയെന്ന് തലയാട്ടി.. ചിരിച്ചു.... അവളും കുളി കഴിഞ്ഞ് ശിവൻ മുറിയിൽ വന്നതും കണ്ണാടിയുടെ മുന്നിൽ നിന്ന് മാലയിലും കമ്മലിലും സംശയത്തിൽ നോക്കുകയാണ്.... നീ എന്താ കണ്ണാടിയുടെ മുന്നിൽ നിന്ന് കഥകളി കാണിക്കുവാ.... തല തുവർത്തിക്കൊണ്ട് ശിവൻ പറഞ്ഞതും അവൾ അവനെ കണ്ണ് കുർപ്പിച്ച് നോക്കി. ദേ ഇത് കണ്ടോ ഇതൊക്കെ ഞാൻ ഇടണമെന്നാ രാധമ്മ പറയുന്നേ.... ഇതൊക്കെയിട്ട് ബ്ലാ എനിക്ക് ശ്വാസം മുട്ടും. അല്ലെങ്കിൽ നീ ഇടാതിരിക്കുന്നതാ നല്ലത്. ഒരുമാതിരി വേഷംക്കെട്ട് ച്ചേ...... അവൻ പുച്ഛത്തോടെ മുഖം തിരിച്ചു. ഭദ്രയ്ക്ക് ആകെ അങ്ങോട്ട് പെരുത്ത് കേറി ഓഹോ ഞാനിട്ടാൽ അത് വേഷംക്കെട്ട് അല്ലേ.... എന്നാ ഞാൻ ഇത് ഇട്ട് തന്റെ മുന്നിൽ അങ്ങോട്ടും ഇങ്ങോട്ടും നടക്കും അല്ലപിന്നെ അതും പറഞ്ഞ് അവൾ അത് ഇടാൻ തുടങ്ങി.. ശിവന്റെ ചുണ്ടിൽ ചിരി വിരിഞ്ഞു........................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...