🔥എന്റെ മാത്രം : ഭാഗം 40

എഴുത്തുകാരി: അല്ലി

" തുടർച്ചയായ വാതിലിൽ തട്ട് കേട്ട് കതക് തുറന്ന ഭദ്ര കാണുന്നത് മുഖത്ത് മുറിവും അലംകോല മായി കീറി പറിഞ്ഞ ഷർട്ടുമായി മുന്നിൽ നിൽക്കുന്ന ശിവനെയാണ്. അവനെ ആ വേഷത്തിൽ കണ്ടതും വല്ലാത്ത ദേഷ്യവും സങ്കടവും ഭദ്രയ്ക്ക് വന്നു.ഉറക്കം ഒഴിച്ച് പാതിരാത്രി വരെ ആധിയോടെ കാത്തിരുന്നിട്ട് മുന്നിൽ നിൽക്കുന്ന കോലം കണ്ടില്ലേ? അവൾ അറിയാതെ തന്നെ അവന് വേണ്ടി കാത്തിരിക്കാൻ തുടങ്ങി. താമസിച്ച് വന്നാലതിൽ പരിഭവം തോന്നാൻ തുടങ്ങി. അവന്റെ മുറിവിൽ അവളിൽ വേദനയുണ്ടാകാൻ തുടങ്ങി. " " എന്താ പറ്റിയേ...ഇതെന്ത് കോലവാ..ഏഹ്.. " ആധിയോടെ ഭദ്ര പറയുന്നത് ചെവി കൊടുക്കാതെ ശിവൻ അകത്തേക്ക് കേറി. അവന്റെ ചിന്തകളിൽ അപ്പോൾ ജോയുടെ മുഖം മാത്രമായിരുന്നു.

അവന്റെ പെണ്ണിനേയും കുഞ്ഞിനേയും നാശത്തിന് ഇട്ടുകൊടുത്ത ആ ചെറ്റയെ കൊതിച്ചിപ്പട്ടിയുടെ വില പോലും കൊടുക്കാതെ പൊതിരെ തല്ലിയ ജോയ്. അവന്റെ ചതയാനായി ഒരു ഭാഗം പോലും ബാക്കിയില്ല. തന്നെപ്പോലും അടുപ്പിക്കാതെ തുരുതുരെ അവൻ അടിച്ചു. രാജൻ മാത്രമല്ലായിരുന്നു രണ്ടാളും വരും എന്നറിയാവുന്നത് കൊണ്ട് കൂട്ടിന് അവന്റെ കൂട്ടുകാരും കൂടി ഉണ്ടായിരുന്നു. ആ ധൈര്യത്തിലാണവൻ ഇതിനെല്ലാം തുനിഞ്ഞ ത് " ചോദിച്ചത് കേട്ടില്ലേ.എവിടെയായിരുന്നു ഇത്രയും നേരമെന്ന്.... മനുഷ്യനെ തീ തീറ്റിക്കാൻ... " . അവളെ നോക്കാതെ പടി കേറുന്ന ശിവന്റെ പിന്നാലെ വായിട്ടലച്ചുകൊണ്ട് ഭദ്ര നടന്നു.

" നീ യെന്തിനാ തീ തിന്നുന്നത് "സ്സ്....അടി കിട്ടി ചുണ്ട് മുറിഞ്ഞ നിറ്റലിൽ അവൻ വേദന വലിച്ചുകൊണ്ട് മുറിയുടെ വാതിൽ തുറന്ന് അകത്ത് കേറി ഷർട്ട് ഊരിയെറിഞ്ഞു "ഞാൻ നിങ്ങളുടെ ഭാര്യയല്ലേ. ഒന്നും പറയാതെ എന്നെയിട്ടിട്ട് പോയിട്ട് ഈ കോലത്തിൽ വന്നാൽ ഞാൻ തീ തിന്നില്ലേ... അവനെ തിരിച്ച് നിർത്തി ഭദ്ര പറഞ്ഞതും അവന്റെ നെഞ്ചിലെ ചവിട്ട് കിട്ടി കരിനിലിച്ച പാട് കണ്ട് അവൾ ഞെട്ടി. കൈകൾ അവിടെ തലോടി... "അഹ്. വേദനിക്കുന്നടി.. കൈ തട്ടി മാറ്റി പറഞ്ഞു കൊണ്ട് അവൻ കട്ടിലിലിരുന്നു. കണ്ടവന്മാരോട് അടിയുണ്ടാക്കി വന്നതാല്ലേ... നിങ്ങൾക്കിങ്ങനെ നടന്നാൽ മതിയല്ലോ.. ചോദിക്കാനും പറയാനും ആരുമില്ലെന്ന വിചാരം.

അല്ലാതെന്താ..... കലി തുള്ളി നിൽക്കുകയാണ് ഭദ്ര കാളി. ശിവൻ താടിക്ക് കൈ വെച്ച് ഇരിക്കുകയാണ്. ദേഹം നന്നായി വേദനിക്കുന്നുണ്ടെങ്കിലും അവൻ അത് ശ്രദ്ധിക്കുന്നതേയില്ല. അവളുടെ ശകാരം നന്നായി ആസ്വദിക്കുകയാണ് അവൻ. കുത്തഴിഞ്ഞ ജീവിതമായിരുന്നല്ലേ തനിക്. ആകെ ഭയം വല്യച്ചനോട്‌ മാത്രം. സ്വന്തം ഇഷ്ടം പോലെ ജീവിച്ചു. അടിയിട്ടും കള്ളും കുടിച്ച് നാല് കാലിൽ. അന്നൊന്നും ഇങ്ങനെ വഴക്ക് പറഞ്ഞ് തന്റെ വാ അടപ്പിക്കാനാരുമില്ലായിരുന്നു. ജോയ് ഇടയ്ക്ക് പറയുമായിരുന്നു നിനക്ക് എന്നാ സ്വാതന്ത്ര്യവാ പാതിരാത്രി കള്ള് കുടിച്ച് വീട്ടിൽ വന്ന് കേറിയലും എന്റെ തള്ളയുടെ കൂട്ട് ചുലെടുത്ത് കൊണ്ട് വരാൻ ആരുമില്ലല്ലോന്ന്. അന്ന് ചിരിക്കും. താനും ആഗ്രഹിക്കുന്നുണ്ടായിരുന്നു. ഇങ്ങനെ ചീത്ത പറയാനാരെങ്കിലും ഉണ്ടെങ്കിൽ? രാധമ്മ .... പാവം സ്ത്രീ... കള്ള് കുടിച്ച് വന്നാലും പേടിയോടെ മാറി നിൽക്കും.

"ഞാൻ ഇത്രയും പറഞ്ഞിട്ട് വല്ല കൂസലുണ്ടോ.... അതും പറഞ്ഞ് ഭദ്ര തലയിണകൊണ്ട് ഒറ്റ ഏറ് വെച്ച് കൊടുത്തു." അവൻ ദേഷ്യത്തോടെ അവളെ നോക്കി. അപ്പോഴേക്കും മുഖത്തെ മുറിവ് തുടച്ച് വൃത്തിയാക്കുകയായിരുന്നു പെണ്ണ്. അങ്ങോട്ട് മാറ് ഇത്രയും നേരം എന്റെ ചെവി തിന്നിട്ട് ഒലിപ്പിക്കാൻ വന്നിരിക്കുന്നു പോടീ....... അവളെ തട്ടി മാറ്റി ശിവ പറഞ്ഞു. അവൾ കെറുവോടെ അവനെ നോക്കിയിരുന്നു. എന്താ പറ്റിയത്. അടിയിട്ടോ....... അവൻ ആർദ്രമായ് ചോദിച്ചതും അവൻ മുഖമുയർത്തി അവളെ നോക്കി. കണ്ണ് നിറഞ്ഞിരിക്കുന്നു പെണ്ണിന്റ... അവന്റെ കണ്ണുകൾ വിടർന്നു. തനിക്ക് വേണ്ടിയല്ലേ അവൾ കരയുന്നത് ?? ആണ് ആ നോട്ടം മുഴുവൻ തന്റെ മുറിവുകളിലാണ്.....

" ഒന്ന് പറയോ " അവൻ അതേയെന്ന് തലയാട്ടി...... ആരുമായിട്ടാ....... അറിയാനുള്ള ആകാംഷയിൽ ഭദ്ര ചോദിച്ചതും നടന്ന കാര്യങ്ങൾ അവൻ ഓരോന്നായി പറയാൻ തുടങ്ങി.ഓരോന്ന് കേൾക്കവേ അവളിൽ ദേഷ്യം വന്ന് നിറയാൻ തുടങ്ങി....... കൈകൾ ചുരുട്ടിപ്പിടിച്ച് ദേഷ്യം നിയന്ദ്രിച്ചു....... " അവന്റെ നാക്കും കൂടി പിഴുത്തെടുത്തിട്ട് നിങ്ങൾ ഇങ്ങോട്ട് വന്നാൽ മതിയായിരുന്നു.... നാറി.... " പല്ല് കടിച്ച് ഭദ്ര പറഞ്ഞു. അതുകൊള്ളാം ഭർത്താവിനെ വഴി തെറ്റിക്കുന്നോടി പെണ്ണുമ്പിള്ളേ.... ഏഹ്. കുസൃതിയോടെ ശിവൻ പറഞ്ഞു. " പാവം ഭാമേച്ചി.. അനിയനല്ലേ അവൻ.. എന്നിട്ട് എങനെ തോന്നി കാമ കണ്ണ് കൊണ്ട് നോക്കാൻ... ചെ "

" സ്വന്തത്തിനും ബന്ധത്തിനും ഇപ്പോൾ യാതൊരു വിലയുമില്ലെന്ന് ഇത്രയും നാളായിട്ടും നിനക്കറിയില്ലേ ഏഹ്..സ്സ്... " അവൻ എരിവ് വലിച്ചു. എന്ത് പറ്റി നിറ്റലുണ്ടോ..ദ ഇത് തേക്ക് അതും പറഞ്ഞ് ചുണ്ടിലെ മുറിവിൽ മരുന്ന് വെയ്ക്കാനായി അവൾ പോയതും ശിവൻ അവളെ തടഞ്ഞു. കള്ള ചിരിയോടെ ഞൊടിയിഴയിൽ അവളെ തന്നോട് അമർത്തിയിരുത്തി അവളുടെ വട്ട മുഖം കൈ വെള്ളയിലെടുത്തു. അവൾ അവനെ ഇതെന്തെന്ന രീതിയിൽ നോക്കി... "എനിക്കത് വേണ്ടടി ദാ ഇത് മതി.....അത്രയും പറഞ്ഞ് അവന്റെ ചുണ്ടുകൾ അവളുടെ അധഃരങ്ങളിൽ അമർത്തി ചുംബിച്ചു. അവളുടെ കണ്ണുകൾ വിടർന്നുകൈയിൽ നിന്ന് ഓയിൽമെന്റ് നിലത്തേക്ക് വീണു.....

സാരിയിൽ പിടിത്തം മുറുക്കി. അവനെ തെള്ളി മാറ്റാൻ നോക്കി. പക്ഷെ അവന്റെ ചൂണ്ടും നാവും അവളുടെ അധഃരങ്ങളിലായിരുന്നു... മതി വരാതെ അത് നുകർന്നുകൊണ്ടിരുന്നു.... അവളുടെ എതിർപ്പുകൾ താനെ അയഞ്ഞു.... മെല്ലേ മെല്ലേ അവളും അതിൽ അറിയാതെ ലയിച്ചു.... ❤അല്ലെങ്കിലും അതങ്ങനെയാണ്. അടക്കിപ്പിടിച്ച പ്രണയം ഒരു നാൾ അവൾ പോലും അറിയാതെ പുറത്ത് വരും ❤ മെല്ലേ അവളും തിരിച്ച് ചുമ്പിക്കാൻ തുടങ്ങി അവളുടെ കൈകൾ അവന്റെ തലയിൽ കോർത്ത് തന്നോട് ചേർത്തു നിർത്തി നാവ് കൊണ്ട് ചുണ്ട് പൊട്ടിയ ഭാഗത്തൊന്ന് ഉഴിഞ്ഞുക്കൊണ്ട് അവൾ അവന്റെ ചുണ്ടുകളിൽ ചുംബിച്ചുണർത്തി.

അവസാനം ശ്വാസം കിട്ടാതെ പിടഞ്ഞുകൊണ്ട് അവനെ തെള്ളി മാറ്റി മുഖം കൊടുക്കാതെ ബാത്‌റൂമിലേക്ക് ഓടി. അവൾ പോകുന്നതും നോക്കി കള്ള ചിരിയോടെ പ്രണയത്തിന്റെ ബാക്കി പത്രമായ ഉമിനിർ തുടച്ച് കൊണ്ട് മെല്ലേ കട്ടിലിലേക്ക് കിടന്നു....... കുറച്ച് നേരം അവളെ നോക്കി കിടന്നു. അസഹ്യമായ ദേഹo വേദന കൊണ്ട് അവന്റെ കണ്ണുകൾ മെല്ലേ അടഞ്ഞു. ബാത്‌റൂമിൽ കേറി കതകടച്ച് കിതപ്പ് മാറ്റാൻ ഭദ്ര നന്നായി പാട്പ്പെട്ടു. നെഞ്ചിൽ കൈ വെച്ച് ആഞ്ഞു ശ്വാസം വലിച്ച് ചുണ്ടുകളിൽ മെല്ലേ തലോടി അവന്റെ ഉമിനീർ ഇപ്പോഴും അവളുടെ ചുണ്ടിലുള്ളത് പോലെ ഭദ്രയ്ക്ക് തോന്നി. താനും തിരിച്ചു ചുംബിച്ചുവോ??

അതേ ഉള്ളിലെ പ്രണയത്തിന്റെ അംശം ഓരോന്നായി മറനീക്കി വരുന്നു. താനും ചുംബിച്ചു... കൊതിയോടെ പ്രണയത്തോടെ വല്ലാത്ത പരവേശം തോന്നി. ഒരുതരം വെപ്രാളം. മെല്ലേ വാതിൽ തുറന്നു. നല്ല ഉറക്കത്തിലാണ് ശിവൻ. അവന്റെയടുത്ത് കിടന്ന് കൊണ്ട് ഇമ ചിമ്മാതെ അവനെ നോക്കിയവൾ കിടന്നു. ഒരു തരം ചമ്മൽ അവളെ വന്ന് മൂടി.... അവന്റെ മുഖത്ത് വിരലുകളോടിച്ച് ഒന്നും കൂടി അവനോട് ചേർന്ന് കിടന്നു. അവന്റെ ഹൃദയമിടിപ്പ് ശ്രവിച്ചുക്കൊണ്ട്. രാവിലെ എന്റെ കർത്താവേ ഈ തള്ള എന്റെ നടു പൊള്ളിക്കുവല്ലോ..... ചൂട് പിടിക്കുന്ന അമ്മച്ചിയെ നോക്കി ജോയ് അലറി.... ദേ മിണ്ടാതെ കിടന്നാൽ നിനക്ക് കൊള്ളാം അല്ലെങ്കിൽ ഈ ചൂട് വെള്ളം മുഴുവൻ നിന്റെ അണ്ണാക്കിൽ കമഴ്ത്തും ഞാൻ. പറഞ്ഞേക്കാം. വെള്ളത്തിൽ മുക്കി തുണി പിഴിഞ്ഞു കൊണ്ട് അമ്മച്ചി പറഞ്ഞു. ഭാമ സങ്കടത്തോടെ അത് നോക്കി നിൽക്കുകയാണ്. ഒന്നും വേണ്ടായിരുന്നു ജോയ്.

അവനെ അടിക്കാൻ പോകണ്ടായിരുന്നു. അതുകൊണ്ടല്ലേ ഇങ്ങനെ.... നിറഞ്ഞു വന്ന കണ്ണീർ തുടച്ച് കൊണ്ട് ഭാമ പറഞ്ഞു. പൊന്നു മോൾ ജോയുടെ അടുത്തിരിക്കുവാണ്. നീ ഇങ്ങനെ കരഞ്ഞിട്ട് കാര്യമില്ല കൊച്ചേ.. അവൻ കൊടുത്തത് കൊണ്ട് നേരെയായില്ലെങ്കിൽ അങ്ങോട്ട് തിർത്തേക്ക് ചെറുക്കാ....... (അമ്മച്ചി ) ആഹാ തള്ള ആള് കൊള്ളാലോ.... ( ജോയ് ) പോലീസ് വരുവോ ജോയ്... പേടിയോടെ അവൾ ചോദിച്ചു. അവൻ ചത്താ ഉറപ്പായും വരും . അല്ലെങ്കിൽ വരില്ല. കൂടെ പത്ത് പേരുണ്ടെന്ന അഹങ്കാരം കൊണ്ട് ഇന്നലെ നെഗളിപ്പ് കാണിക്കാൻ വന്നവനാ അവൻ.... ജോയ് പുച്ഛിച്ചു. . ഇടിച്ച് പരിപ്പെളക്കിയോ ജോയിച്ചാ.... പൊന്നു മോൾ അവന്റെ താടി തുമ്പിൽ പിടിച്ചു കൊണ്ട് ചോദിച്ചു. പിന്നല്ലാതെ....

എന്റെ കള്ളി പെണ്ണിനെ കരയിപ്പിച്ചവനല്ലേ അവൻ. വെറുതെ വിടുവോ..... ജോയ്... പിന്നെ... എനിക്കറിയാം കൊച്ചേ. ഈ വീട്ടിൽ ഒരുപാട് മുറിയുണ്ട്. നിനക്ക് ഇഷ്ട്ടം ഉള്ളതിൽ താമസിക്കാം. വെറുതെ വേണ്ടാ മാസം മാസം എനിക്ക് വാടക തന്നോ. ഞാൻ രണ്ട് കൈ യും നീട്ടി മേടിച്ചോളാം. അല്ലാതെ യിപ്പോൾ എന്റെ മോളെകൊണ്ട് വേറെ വീട്ടിൽ പോകാമെന്നുള്ള ഉദ്ദേശം വേണ്ടാ. അധികാരം കാണിച്ചതല്ലാ നീയും ഒന്ന് ചിന്തിക്ക്. ഭാമ അമ്മച്ചിയേ നോക്കി. അവൻ പറഞ്ഞത് ശരിയെന്ന ഭാവത്തിൽ അവർ തലയാട്ടി. രാവിലെ മുതൽ ഭദ്രയേ ശിവൻ കണ്ടിട്ടില്ല. ദേഹത്ത് ചെറിയ വേദനയുണ്ടെങ്കിലും അവളെ കാണാനായ് താഴേക്ക് വീണു.... യ്യോ ഇതെന്താ മോനെ മുഖത്തൊക്കെ ....

അവനെ കണ്ടതും രാധമ്മ പേടിയോടെ അവന്റെ അടുത്തേക്ക് വന്ന് ചോദിച്ചു. ഒന്നുവില്ല ഒരു ആക്‌സിഡന്റ്.. അവൻ മെല്ലേ പറഞ്ഞു സൂക്ഷിച്ച് പോകണ്ടേ മോനെ... എന്തെങ്കിലും പറ്റിയിരുനെങ്കിലോ?? കണ്ണീർ തുടച്ച് കൊണ്ട് രാധമ്മ പറഞ്ഞു. എനിക്ക് ഒന്നുമില്ല.... അവളെവിടെ?? ചുറ്റും നോക്കി അവൻ ചോദിച്ചു. മോൾ ഭാമേ കാണാൻ പോയിട്ട് വരാമെന്ന് പറഞ്ഞ് പോയ്‌.... ഇപ്പോൾ വരും........ ഹ്മ്മ്...... കഴുത്തെന്താ ഒഴിഞ്ഞു കിടക്കുന്നെ... മാല യെവിടെ?? ശിവൻ രാധമ്മയുടെ കഴുത്തിൽ നോക്കിക്കൊണ്ട് ചോദിച്ചു. അത്. പൊട്ടി പോയ്‌ മോനെ...... ഞാൻ പോയ്‌ ചായ യെടുത്തോണ്ട് വരാം. നിൽക്ക്..... തിരിഞ്ഞ് നടന്ന രാധമ്മയെ നോക്കി പറഞ്ഞതിന് ശേഷം അവൻ പടി കയറി.

രാധമ്മ ഒന്നും മനസ്സിലാകാതെ നിന്നും. കൈയിൽ എന്തോ എടുത്തുകൊണ്ട് അവരുടെ മുന്നിൽ ശിവൻ നിന്നും. ഇന്നാ ഇതിട്ടോ. അതും പറഞ്ഞ് കുഞ്ഞ് സ്വർണ്ണ മാല അവൻ രാധമ്മയ്ക്ക് നേരെ നീട്ടി വിശ്വാസം വരാതെ അവനെ നോക്കി. വല്യ ഭാവ വത്യാസം ആ മുഖത്തില്ല... സന്തോഷം കൊണ്ട് എന്ത് ചെയ്യണമെന്ന് അവർക്കറിയില്ലായിരുന്നു. പിടിക്കാൻ.... വീണ്ടും അവൻ പറഞ്ഞതും അവർ അത് മേടിച്ചു...... ഇത്.. എനിക്കാണോ മോനെ... കണ്ണുകൾ വിടർത്തി രാധമ്മ ചോദിച്ചതും മറുപടി പറയാതെ അവൻ തിരിഞ്ഞു നടന്നു അവൻ പോകുന്നതും നോക്കി ചിരിയോടെ ആ പൊന്നിൽ വിരലോടിക്കുകയായിരുന്നു രാധമ്മ  ഭാമേച്ചി യേയും പൊന്നു മോളെയും കണ്ട് തിരിച്ച് നടന്നുവരുമ്പോഴാണ് ശ്രീധരന്റെ വണ്ടിവരുന്നത് കണ്ടത്. വേറൊന്നും ചിന്തിക്കാതെ രണ്ടുo കല്പിച്ച് ഭദ്ര വണ്ടിയുടെ മുന്നിൽ വന്ന് നിന്നും.........................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...