🔥എന്റെ മാത്രം : ഭാഗം 54

എഴുത്തുകാരി: അല്ലി

" ആരുടെയും കൈയിൽ നിന്നും ഇരന്നു മേടിക്കുന്നതല്ലാ പ്രണയo.സത്യമാണ്. പക്ഷെ ചില പ്രണയങ്ങൾ അങ്ങനെയാണ്. വിട്ടുകൊടുക്കാനും വിട്ടുപോകാനും ആ പ്രണയത്തിന് പറ്റില്ല. കാത്തിരിക്കും മരണം വരെയും ❤ വാശികാണിക്കും ❤ കൈ വിട്ട് പോകുന്ന നിമിഷം അവന്റെ ജീവനും പോകും ❤" ജോയ് ഉമ്മറത്ത് നിന്നെഴുനേറ്റ് അകത്തേക്ക് കേറി.മുറിയിൽ അമ്മച്ചിയുടേയും പൊന്നു മോളുടെയും ബഹളം കേൾക്കാം. കുറുമ്പി പെണ്ണിനെ കുളിപ്പിക്കുന്ന തിരക്കിലാണ്. അവൻ മെല്ലേ ശബ്ദം ഉണ്ടാക്കാതെ അവിടെ നിന്നും മാറി ഭാമയുടെ മുറിയിലേക്ക് നടന്നു. തല എത്തി നോക്കിയതും ഏതോ ഫോട്ടോയിൽ നോക്കി മുഖം താഴ്ത്തി കരയുകയാണ് പെണ്ണ് ഇടയ്ക്കിടയ്ക്ക് അവളുടെ കൈകൾ അവിടം തലോടുന്നുണ്ട്.

ഒറ്റ നോട്ടത്തിൽ അത് അവളുടെ പാതിയുടെ ഫോട്ടോയാണെന്ന് മനസ്സിലാക്കാൻ ബുദ്ധിമുട്ടില്ലാ യിരുന്നു... അവൻ അവളുടെ അടുത്തേക്ക് വരുന്നെന്നുമനസ്സിലായതും അവനെ മുഖമുയർത്തി നോക്കി ആ ഫോട്ടോ മാറ്റി വെയ്ക്കാൻ പോയ്‌. അപ്പോൾ തന്നെ ജോയ് അത് തടഞ്ഞു കൊണ്ട് അവളുടെ കൈയിൽ പിടിച്ചു. ഭാമ സംശയത്തോടെ അവനെ നോക്കി " ഒന്നിന് വേണ്ടിയും ഇത് മറച്ച് പിടിക്കേണ്ട കാര്യമില്ല കൊച്ചേ. ഇത് നിന്റെ ഭർത്താവിന്റ ഫോട്ടോയാണ്.നിന്റെ കുഞ്ഞിന്റെ അച്ഛൻ. നിന്റെ പ്രണയം. ഒരിക്കലും ഞാൻ നിങ്ങളുടെ ബന്ധത്തെ തകർക്കില്ല..... കാരണം നിന്റെ സ്നേഹം സത്യാണ് ❤ അതുപോലെ എന്റെയും.❤ ഒരിക്കലും നിന്നിൽ ഞാൻ എന്നെ അടിച്ചേൽപ്പിക്കില്ല. എനിക്കറിയാം നിന്റെയുള്ളിൽ എന്നോടുള്ള പ്രണയം ഒരു തരിയെങ്കിലും ഉണ്ടെന്ന്. വേണ്ടുന്ന സമയം നീ യെടുത്തോ....

എന്നതായാലും എന്നെ ഇഷ്ടമാണെന്ന് പറഞ്ഞല്ലോ..... അതുമതി..... അത്രയും പറഞ്ഞ് അവളുടെ കവിളിൽ തട്ടി പറഞ്ഞു കൊണ്ട് ജോയ് മുറിയിൽ നിന്നും ഇറങ്ങി..... നിറഞ്ഞു വന്ന കണ്ണുകൾ തുടച്ചു കൊണ്ട് ഭാമയുടെ ചുണ്ടിൽ ഒരു പുഞ്ചിരി വിരിഞ്ഞു. അവൾ ഭാഗ്യവതിയാണ്. തന്നെ മനസ്സിലാക്കുന്ന തന്റെ വികാരങ്ങളെ മാനീക്കുന്ന ഒരു പുരുഷനെ കിട്ടികയെന്നത് ഏതൊരു പെണ്ണിന്റെയും ഭാഗ്യമല്ലേ..... കടപ്പാടിന് അപ്പുറം വീണ്ടും മനസ്സിന്റെ തട്ടിലൊളുപ്പിച്ച പ്രണയം വീണ്ടും മൊട്ടിടുന്നു. "അവനെവിടെ സുമതി...... " ആരുട്ടനെ തിരക്കി ശ്രീധരൻ അടുക്കളയിലേക്ക് വന്നു.....ദോശ ചുട്ട് തീർന്നു ഗ്യാസ്സ് ഓഫ്‌ ചെയ്ത് സുമതിയമ്മ അയാളെ പേടിയോടെ നോക്കി.

"അത്.. അവൻ ശിവൻറെ അടുത്തേക്ക് പോയ്‌..." മുഖം താഴ്ത്തി പറഞ്ഞു. " എപ്പോഴും എന്തിനാ അവൻ അവിടെ പോകുന്നത്. എനിക്കറിയാം ആ അടുക്കളക്കാരിയേ കാണാനല്ലേ... നശുലം.... ". അറപ്പോടെ അയാൾ മുഖം തിരിച്ചു.. അവന് ആ കുട്ടിയെ നല്ല ഇഷ്ട്ടവ ഏട്ടത്തി ഏട്ടത്തിയെന്നും വിളച്ചോണ്ട് പിറകെ നടക്കുവല്ലേ നമ്മളുടെ മോൻ.....അവർ ചിരിയോടെ പറഞ്ഞു. " അല്ലെങ്കിലും ആണുങ്ങളെ മയക്കാൻ അവൾക്ക് നല്ല മെടുക്കാണല്ലോ? " " ഏട്ടാ......." സുമതിയമ്മ ദേഷ്യത്തോടെ വിളിച്ചു. " ശബ്ദമുയർത്തണ്ടാ..... സത്യമല്ലേ ഞാൻ പറഞ്ഞത്.എന്റെ ശിവനെ വളച്ച് അവളുടെ സാരിതുമ്പിലാക്കി. ഇപ്പോൾ എന്റെ മോനെയും "

" നിങ്ങൾക്ക് ഇത്രയ്ക്ക് വൃത്തിക്കെട്ട മനസ്സാണെന്ന് എനിക്കറിയില്ലായിരുന്നു ഏട്ടാ.... ". അവർ പുച്ഛിച്ചു. " സുമതി....." " അതേ സുമതി തന്നെ... ബന്ധത്തിന്റെ പവിത്രത എന്നു മുതലാ ഏട്ടൻ മറന്നു പോയത്.? അതോ നിങ്ങളുടെ ആദ്യ ഭാര്യനൽകിയ മുറിവ് ഓർത്തിട്ടോ.? അങ്ങനെയാണെങ്കിൽ ഈ നിൽക്കുന്ന എന്നെ നിങ്ങൾ സംശയിക്കേണ്ടിയിരിക്കുന്നു. ഇപ്പോൾ നിങ്ങൾ പറഞ്ഞ നിങ്ങളുടെ മോൻ അത് സ്വന്തം ചോരയാണെന്ന് നിങ്ങൾ സംശയിക്കേണ്ടിയിരിക്കുന്നു " "എടി.........." " വീറോടെ അത്രയും പറഞ്ഞ സുമതിയമ്മയുടെ കവിളിൽ ശ്രീധരൻ വലിച്ചടിച്ചു നിറ കണ്ണുകളോടെ അയാളെ നോക്കി അവർ അവിടെ നിന്നും പോകുമ്പോൾ കേട്ട വാക്കുകളുടെ വേദനയോ ദേഷ്യമൊ പറഞ്ഞ തെറ്റെന്ന ചിന്തയോ അയാളിൽ വല്ലാത്ത വിഭ്രാന്തിയുണ്ടാക്കി...കട്ടിലിൽ നിന്നേഴുന്നേൽക്കുമ്പോൾ തലയ്ക്ക് നല്ല പെരുപ്പ് തോന്നി ശിവന്.

മെല്ലേ കട്ടിലിൽ നിന്നും എഴുന്നേറ്റ് ക്ലോക്കിൽ നോക്കി. സമയം ഒരുപാടായിരിക്കുന്നു. കവിളിൽ പോറിയ നീറ്റൽ തോന്നിയതും അവൻ എരിവ് വലിച്ചെടുത്ത്. ഇന്നലത്തെ കാര്യം ഓർമ്മിച്ചു. അവന്റെ ചുണ്ടിൽ കള്ള ചിരി വിരിഞ്ഞു. അഹങ്കാരി... കള്ള് കുടിച്ച് തൊട്ടാലെന്താ അവളുടെ ഭർത്തവല്ലേ...... കവിളിൽ തലോടിക്കൊണ്ട് അവൻ പരിഭവം പറഞ്ഞു. മെല്ലേ അവിടെ നിന്നും എഴുന്നേറ്റ് ബാത്‌റൂമിലേക്ക് കേറി.  ഭദ്രയുടെ കണ്ണുകൾ നിറഞ്ഞു തുളുമ്പി. മാഷ്..... ഇത്രയും നാൾ എവിടെയാണെന്ന് പോലും അറിവില്ലായിരുന്നു. തന്നെയും ചേർത്ത് അപവാദം പറഞ്ഞ് നാട്ടിൽ തലയുയർത്തി നിൽക്കാൻ പറ്റാതെ നാട് വിട്ടുപോയെന്ന് ആരൊക്കെയോ പറഞ്ഞു കെട്ടായിരുന്നു.

വല്ലാത്ത സങ്കടമായിരുന്നു... ആരോ തീർത്ത ചതിയിൽ ബലിയാടായ രണ്ടു ജന്മങ്ങൾ. ആരുട്ടൻ ഒന്നും മനസ്സിലാകാതെ നിൽക്കുകയാണ്. ഭദ്ര ബാലനെ ശരിക്കും നോക്കി.പണ്ടത്തെ ഭംഗിയൊന്നും ആ മുഖത്തില്ല. ക്ഷിണിച്ചിരിക്കുന്നു. മുടിയെല്ലാം പാറിപ്പറന്ന് കണ്ണൊക്കെ കരഞ്ഞു കരിവാളിച്ചിക്കുന്നു. കണ്ണുകൾ ചുവന്നു.... ബാലൻ മെല്ലേ അവളുടെ അടുത്തേക്ക് നടന്നു . അവന്റെ കണ്ണുകൾ അവളുടെ മുഖത്ത് ഓടിനടന്നു. അവസാനമത് നെറുകയിലെ സിന്ധുരത്തിലും കഴുത്തിലെ താലിയിലുമായി. ശിവന്റെ ഭദ്ര...... വല്ലാത്ത അസൂയയായിരുന്നു രണ്ടാളോടും..... കാരണം പ്രണയം തന്നെ.... ഭദ്ര......❤

മ.... മാഷേ....... അവളുടെ വിളിയാണ് അവനെ ചിന്തകളിൽ നിന്നും ഉണർത്തിയത്..... ഭദ്രേ.......... എവിടെയായിരുന്നു മാഷേ. ഇത്രയും നാൾ...... എന്ത് കോലമായിത്...കണ്ടിട്ട് സഹിക്കുന്നില്ലലോ.... ഭദ്രയുടെ കണ്ണുകൾ നിറഞ്ഞു തുളുമ്പി. അവളുടെ കണ്ണീർ അവനെ ചുട്ടുപൊള്ളിക്കുന്ന പോലെ അവന് തോന്നി.ചെയ്ത പാപത്തിന്റ കറ അവന്റെ ദേഹത്തിരുന്ന് അഴുകി പഴുത്തു....... ഭദ്രേ..... ഞാൻ.... എനിക്ക്..... ബാലൻ വിക്കി..... എവിടെയായിരുന്നു മാഷേ...... എന്തിനാ പേടിച്ചു പോയത് .....ഇവിടെത്തന്നെ നിന്നുടായിരുന്നോ?? ഞാ.. ഞാൻ ഇവിടെ നിന്നാൽ പ്രശ്നങ്ങൾ കൂടുത്തതെയുള്ളായിരുന്നു ഭദ്രേ..... അതാ. ഞാൻ...... ഇതിൽ കൂടുതൽ എന്ത് സംഭവിക്കാനാ മാഷേ...... നമ്മളെ രണ്ടാളെയും ചതിച്ചതാ.. ആ അനിൽ..... അവനാ അന്ന് നാട്ടുകാരെയൊക്കെ വിളിച്ച്...... ബാക്കി പറയാതെ അവൾ പല്ലുകടിച്ചു.....

ബാലനിൽ മൗനം മാത്രമായിരുന്നു..... മാഷ് ഇവിടെ നിന്ന് ഒളിച്ചോടി പോയത് പോലെയായില്ലേ... തെറ്റ് ചെയ്തവനെ പോലെ...... എന്തിനായിരുന്നു മാഷേ....?? അവനോടാണ് ചോദ്യം. ആരുട്ടന് ഇപ്പോൾ എല്ലാം മനസ്സിലായി. അവൻ ഒന്നും മിണ്ടാതെയിരുന്നു. " ഞാൻ തെറ്റ് ചെയ്തു ഭദ്രേ........" " മാഷേ... എന്താ ഈ പറയുന്നത്.... മാഷ് എങനെ തെറ്റുകാരനായെന്നാ... അവനല്ലേ അനിൽ... " " അനിലിനെ കൂട്ടുപിടിച്ച് ഞാനാ എല്ലാം ചെയ്തത് ഭദ്രേ. ... " അവന്റെ വാക്കുകൾ കേട്ട് ഒരടി പിന്നോട്ട് ഭദ്ര നടന്നു. വിശ്വാസം വരാതെ അവളുടെ കണ്ണുകൾ വികസിച്ചു. കണ്ണിൽ നിന്നും കണ്ണീർ ഉരുണ്ടുകൂടി... ശ്വാസംമുട്ടുന്ന പോലെ തോന്നി...... "മ... മാഷേ....നീ... നിങ്ങൾ.... എ... എന്താ...."

അവന്റെ അടുത്തേക്ക് വന്ന് ഭദ്രയ്ക്ക് വാക്കുകൾ കിട്ടിയില്ല..... " ഞാനാ... എല്ലാം ഞാ... " ബാക്കി പറയുന്നതിന് മുന്നേ അവന്റെ കവിളിൽ ഭദ്ര ശക്തിയായി അടിച്ചു...... അവൻ ഒന്ന് സൈഡിലോട്ട് ചാഞ്ഞു..... ആരുട്ടൻ ഞെട്ടിപോയ്‌.... ബാലൻ വേദനയോടെ മുഖം ഉയർത്താൻ പോയതും വീണ്ടും അവന്റെ മാറുകവിളിൽ അവൾ അടിച്ചു.... " എന്ത് തെറ്റാടാ നിന്നോട് ഞാൻ ചെയ്‌തത് ഏഹ്.... എന്തിനാ നീ എന്നെ ചതിച്ചത് ?? വിശ്വസിച്ചതല്ലെ ഞാൻ....?? സ്നേഹിച്ചതലല്ലേ?.... എന്നിട്ട് എങനെതോന്നി നിനക്കെന്നോട് ഇങ്ങനെ ചെയ്യാൻ.... ഏഹ്.... " അവന്റെ കോളറിൽ പിടിച്ച് വലിച്ചു കൊണ്ട് കരഞ്ഞു കൊണ്ടാണ് അവളുടെ ചോദ്യം.

ബാലൻ കുറ്റബോധത്തോടെ മുഖം താഴ്ത്തി " സ്വന്തം മോനെ പോലെ കണ്ടതല്ലേ എന്റെയമ്മാ... ആ അമ്മേ.... കൊന്നില്ലേ നീ..... എന്നെ പിഴച്ചവളാക്കിയില്ലേ..... എന്തിനാ ... എന്തിനാ... നീ ഇങ്ങനെ ചെയ്തത്... എന്തിനാണെന്നം.... " " നിനക്ക് വേണ്ടി...... " അവന്റെ വാക്കുകൾ കേട്ടതും ഭദ്ര ഞെട്ടി കൊണ്ട് അവനിൽ നിന്നും പിടി വിട്ടു.... " അതേ നിനക്ക് വേണ്ടി.... ഒരുപാട് ഇഷ്ട്ടമായിരുന്നു നിന്നെ.... സ്വന്തമാക്കാൻ ഒരുപാട് കൊതിച്ച പെണ്ണ്.... കൈ വിട്ട് കളയാൻ എനിക്ക് തോന്നിയില്ല. ഇഷ്ടം പറയാനും ഭയന്നു. ശിവൻ. അവന് നിന്നോടുള്ള ഭ്രാന്ത്‌ എന്നെ തളർത്തി.. അതുകൊണ്ടാ ഞാൻ അങ്ങനെയൊക്കെ ചെയ്തത്...... പക്ഷെ അവിടേയും അവൻ എന്നെ തോൽപ്പിച്ചു....

അവന് നിന്നോട് ഇത്രയും ഭ്രാന്താണെന്ന് ഞാൻ അറിഞ്ഞില്ല..... പക്ഷെ നിന്റെ അമ്മ.. മരിക്കുമെന്ന് സ്വപ്‌നത്തിൽ പോലും ഞാൻ കരുതിയില്ല ഭദ്രേ...... തെറ്റായി പോയ്‌....... " തെറ്റ് ഏറ്റു പറഞ്ഞാൽ എന്റെ അമ്മ ജീവനോടെ വരുവോടാ വരുവോ ഏഹ്... " അവന്റെ കോളറിൽ പിടിച്ചു കൊണ്ട് വീണ്ടും അവൾ ചോദിച്ചു. " മകൻ ചെയ്ത തെറ്റിന് എന്റെ അമ്മ അനുഭവിച്ചു ഭദ്രേ....സുഖമായി ഞാൻ കിടന്നുറഗിയപ്പോൾ അപ്പുറത്തെ മുറിയിൽ എന്റെ അമ്മ ശ്വാസം കിട്ടാതെ.... " ബാക്കി പറയാൻ പറ്റാതെ അവന്റെ ഉള്ളം പിടഞ്ഞു......അവളുടെ കൈകൾ അയഞ്ഞു.. തളർന്നു കൊണ്ട് നിലത്തിരുന്ന് കരയാൻ തുടങ്ങി....

നിറഞ്ഞ കണ്ണുകൾ തുടച്ച് കൊണ്ട് ആരുട്ടൻ അവളെ സമാധാനിപ്പിച്ചു. താഴെ വന്നപ്പോഴും ഭദ്രയേ കണ്ടില്ല. അടുക്കളയിൽ നോക്കിയപ്പോഴാണ് അവൾ ഇവിടെയില്ലെന്ന് രാധമ്മ പറഞ്ഞത്..... ദേഷ്യത്തോടെ അവൻ ഹാളിലിരുന്നു പറഞ്ഞിട്ട് പൊയ്ക്കൂടെ അവൾക്ക്??? അപ്പോഴാണ് അച്ഛന്റ്റെ മുറി തുറന്ന് കിടക്കുന്നതവൻ കണ്ടത് . മെല്ലേ അവിടെ നിന്നും എഴുന്നേറ്റ് ഡോർ അടയ്ക്കാനായ് പോയ്‌. തന്നെ ഏതോ ശക്തി അകത്തേക്ക് വലിക്കുന്ന പോലെ ശിവന് തോന്നി. അകത്തേക്ക് കേറി ചുറ്റും നോക്കി. വല്ലാത്ത വേദനയാണ് ഈ മുറിയിൽ. പിന്നെ അവിടെ നിൽക്കാതെ തിരികെ പോകാൻ പോയതും അലമാരയ്ക്ക് മുകളിൽ എന്തോയിരിക്കുന്നത് പോലെയവന് തോന്നി. അവിടേക്ക് നടന്ന് കൈയെത്തി അതെടുത്തു. "ഡയറി " അവൻ അത് മെല്ലേ തുറന്ന് നോക്കി.

ഹൃദയം വല്ലാതെ യിടിച്ചു.പിന്നീട് ഓരോ പേജുകളും മറിക്കാൻ തുടങ്ങി.  നിലത്തിരുന്ന് കരയുകയാണ് ഭദ്ര. ബാലൻ അവളുടെയടുത്ത് മുട്ടുകുത്തിയിരുന്നു... "ഞാൻ ചെയ്തത് തെറ്റാണ്.... പക്ഷെ എന്നെ കൊണ്ട് അങ്ങനെ ചെയ്യിപ്പിച്ചത്.. വേറെ ഒരാളാണ്...." അവന്റെ വാക്കുകൾ കേട്ടതും അവൾ ഞെട്ടി അവനെ നോക്കി...... " കള്ളമല്ല ഭദ്രേ.. ഈ ബാലന് എല്ലാം നഷ്ടമായി എന്റെ അമ്മ നീ.... ഇനി ഈ ജീവനെയുള്ളൂ.. ഇനി അതും പോകുന്നതിന് മുൻപ് എനിക്കിത് നിന്നോട് പറയണം....ഒരു സഹായിയേ പോലെ വന്ന് ഈ ബുദ്ധി എനിക്ക് ഉപേദേശിച്ച് തന്നത്... അയാളാണ്... " "ആ... ആര് " " അമാരവദി യിലെ പാർത്ഥൻ..... ശിവന്റെ മാമ്മച്ഛൻ "...................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...