🔥എന്റെ മാത്രം : ഭാഗം 57

എഴുത്തുകാരി: അല്ലി

" കുഞ്ഞാ...... " സുമതിയമ്മ വേദനയോടെ അവനെ വിളിച്ചു.ശിവൻ മുഖമുയർത്തി വല്യച്ചനെ നോക്കി. ആ മുഖത്ത് തന്നോടുള്ള ദേഷ്യം മാത്രമായിരുന്നു. മുഖത്തൊരിറ്റ് വേദനയില്ല. അല്ലെങ്കിൽത്തന്നെ എന്തിന് ആ മനുഷ്യൻ വേദനിക്കണം. വിശ്വാസം കൊണ്ട് കണ്ണ് മൂടികെട്ടിയവന്റെ കണ്ണിൽ ബാക്കിയെല്ലാം ഇരുട്ടാണ്. ഇതേ സമയം പാർത്ഥന്റെ മുഖത്ത് പുച്ഛംമാത്രമായിരുന്നു. ഇതാണ് തന്റെ ധൈര്യം. തന്നെ ഭയപ്പെടുത്താത്തത് ഈ മണ്ടന്റെ വിശ്വാസമാണ്. " നിങ്ങളിത് എന്താ കാണിച്ചത് നമ്മളുടെ കുഞ്ഞ..... " "മിണ്ടരുത് നീ.... " സുമതിയമ്മ പറയുന്നത് തടഞ്ഞു കൊണ്ട് അയാൾ ശിവനെ നോക്കി. അവന്റെ കണ്ണുകൾ ചുവന്ന് നിറഞ്ഞു തൂകി....

ജീവിതത്തിൽ ആദ്യമായ് തന്റെ വല്യച്ചൻ തല്ലി യിരിക്കുന്നു. സന്തോഷത്തോടെ സ്വികരിച്ചേനെ.... ഒരിറ്റ് അഭിമാനയിടിവുമില്ലായിരുന്നു പക്ഷെ......... " നിനക്കെങ്ങനെ ധൈര്യം വന്നൂ ശിവാ..... ഇത്രയും നാൾ നിന്നെ ഞാൻ കൈ നൂത്തടിച്ചിട്ടില്ല..... അതുകൊണ്ടാ ഇന്നിങ്ങനെയൊരു അവസ്ഥ എനിക്കുണ്ടായത്.... " ശ്രീധരൻ അറപ്പോടെ പറഞ്ഞു. " നിങ്ങളെയങ്ങനെ അടിക്കാത്തത് കൊണ്ടാ നിങ്ങളുടെ ആദ്യ ഭാര്യ. എന്റെ രാധമ്മയ്ക്ക് ഇങ്ങനെ നരഗിച്ച് ജീവിക്കേണ്ടി വന്നത് അമരവാദിയിലെ ശ്രീധരൻ......... " വീറോടെ കൈ പിടിയിൽ ഇത്രയുംനേരം ഒതുക്കി പിടിച്ച അവന്റെ ദേഷ്യത്തിന് മുന്നിൽ ശ്രീധരൻ പതറി പോയ്‌. ശിവാ........ "

അതേ ശിവൻത്തന്നെ.......... ഒരു ഭർത്താവെന്ന രീതിയിൽ നിങ്ങൾ വെറും വട്ട പുജ്യമായിരുന്നു. വട്ട പുജ്യം."കൈ ചുണ്ടിയുള്ള അവന്റെ ചോദ്യതിന് മുന്നിൽ അയാൾ തകർന്നു. മോ മോനെ........ സുമതിയമ്മ ദയനീയ മായ് അവനെ വിളിച്ചു. പക്ഷെ അതൊന്നും അവന്റെ ചെവിയിൽ കൊണ്ടില്ല..... " അതേ വെറും പൂജ്യം.അഗ്നി സാക്ഷി ഒരു പെണ്ണിനെ ജീവിതത്തിൽ കൂട്ടുമ്പോൾ അവളെ പ്രണയിക്കുകയും കാമിക്കുകയും ചെയ്യുന്നതിനോടൊപ്പം അവളെ വിശ്വസിക്കണമായിരുന്നു. പക്ഷെ നിങ്ങളത് ചെയ്തില്ല.ഈ വൃത്തികെട്ടവൻ വെച്ച കെണിയിൽ ആ പാവം സ്ത്രീ.. നിങ്ങളുടെ ആദ്യ ഭാര്യ അകപ്പെട്ടപ്പോൾ കരഞ്ഞു വന്നതല്ലേ നിങ്ങളുടെ മുന്നിൽ വിശ്വസിച്ചോ താൻ....

അവരുടെ ഭാഗം കേൾക്കാൻ നോക്കിയോ... ഇല്ലാ... ഒരിക്കലും നിങ്ങളത്തിന് തയ്യാറായില്ല........ സ്വന്തം ഭാര്യയേ വിശ്വസിക്കുന്നത് പോയിട്ട് തെറ്റെന്ത് ശരിയെന്തെന്ന് മനസ്സിലാക്കാൻ ശ്രമിക്കാത്ത നിങ്ങൾ ഒരു കഴിവ് കെട്ട ഭർത്താവായിരുന്നു വല്യച്ച......വെറും വട്ട പൂജ്യം..... " ശിവാ.........ന്നും വിളിച്ച് അവനെ വീണ്ടും ശ്രീധരൻ അടിച്ചു..... അവന്റെ ചുണ്ടുകൾ പൊട്ടി ചോര വന്നു. " ശിവൻ തിരിച്ചടിക്കാത്തത് അവന്റെ കഴിവ് കേടല്ല വല്യച്ച. നിങളെനിക്ക് ജീവനാ ... നിങ്ങളെത്ര അടിച്ചാലും ഞാൻ കൊള്ളും. ഇനി എന്നെ കൊന്നാലും ഇവനെ ഞാൻ വെറുതെ വിടില്ല....... " പാർത്ഥന് നേരെ വിരൽ ചൂണ്ടി അവൻ പറഞ്ഞു. അപ്പോഴും അയാളുടെ മുഖത്ത് പുച്ഛമായിരുന്നു.

" നീ കരുതിയിരുന്നോ... വെറുതെ വിടില്ല ഞാൻ... ഈ മനുഷ്യനെ മുതലെടുത്തുള്ള നിന്റെ ജീവന് ഇനി ആയുസ്സ് കുറവാ.ഓർത്തോ.. അത്രയും പറഞ്ഞ് എല്ലാരേം ഒന്ന് നോക്കി അവൻ അവിടെ നിന്നും പോകുമ്പോൾ വല്യച്ചനെ ഒന്നും കൂടി നോക്കാൻ മറന്നില്ല. " എല്ലാം തകർന്നവനെ പോലെ അയാൾ അവിടെ നിന്നും. തന്റെ മോനല്ലേ അവൻ. അവന്റെ വാക്കുകൾക്ക് തന്നെ കുത്തികൊല്ലാനുള്ള ആയുധമായിരുന്നു . " സുമതിയമ്മ അദ്ദേഹത്തെ ആശ്വസിപ്പിച്ചുകൊണ്ട് മാമ്മനെ നോക്കി. അവരുടെ നോട്ടം കണ്ടതും പെട്ടെന്നയാളുടെ മുഖഭാവം മാറി പഴയത് പോലെ അഭിനയിക്കാൻ തുടങ്ങി. എന്നാൽ സുമതിയമ്മയുടെ മനസ്സിൽ പല ചിന്തകളും വന്നു തുടങ്ങി.

ഒരിക്കലും തന്റെ കുഞ്ഞൻ തെറ്റ് ചെയ്യില്ല... അപ്പോൾ അച്ഛൻ??? " മോനെ ശ്രീധരാ ...... " പാർത്ഥൻ അയാളുടെ തോളിൽ പിടിച്ചു കൊണ്ട് ചോദിച്ചതും അദ്ദേഹം മുഖമുയർത്തി നോക്കി. കണ്ണുകൾ നിറഞ്ഞു തുളുമ്പി. അത്രമേൽ അവന്റെ വാക്കുകൾ അയാളിൽ വേദന നിറച്ചിരിക്കാം. " അവൻ പറഞ്ഞത് കേട്ടില്ലേ മാമ്മ ഞാൻ കഴിവ് കെട്ട ഭർത്താവായിരുനെന്ന്... ശരിയാ എന്റെ കഴിവ് കേട് കൊണ്ട് തന്നെയ അവൾ വേറെ ഒരുത്തൻറെ കൂടെ കിടന്നു കൊടുത്തത്......... "

" ഇതൊന്നും അവൻ സ്വന്തം ഇഷ്ട്ടത്തിന് പറയുന്നതല്ലാ കുട്ട്യേ. ആ മുദേവിയ അവനെ നമ്മൾക്കെതിരെയാക്കിയത്. എല്ലാം ശരിയാകും... നീ സമാധാനിക്ക്..... " ഒരു ചിരിയോടെ അയാൾ അങ്ങനെ പറയുമ്പോൾ മനസ്സിൽ പല കണക്കു കൂട്ടലുമുണ്ടായിരുന്നു.വണ്ടി ഓടിക്കുമ്പോഴും ശിവന്റെ കണ്ണുകൾ നിറഞ്ഞു തൂകി........ എന്തിന് വേണ്ടിഎന്നറിയില്ല. മനസ്സ് സമ്മതിക്കുന്നില്ലെങ്കിലും വല്യച്ചന്റെ പ്രവർത്തി അവന് നൊന്തു. മനസ്സ് പിന്നോട്ട് സഞ്ചരിക്കുമ്പോൾ തന്നോട് തന്നെ പുച്ഛം തോനുന്നു.

ഇത്രയും നാൾ കൂടെ നടന്ന ആ മൃഗത്തെ തനിക്ക് മനസിലാക്കാൻ പറ്റിയില്ല. ഇനി എങനെ വല്യച്ചനെ മനസ്സിലാക്കിപ്പിക്കും.? എങനെ സത്യം പുറത്ത് കൊണ്ടുവരും. ഒരു ഒറ്റ നിമിഷം മതി എന്റെ കൈ പിടിയിൽ ഞെരിച്ച് അവനെ കൊല്ലാൻ. പക്ഷെ താൻ അങ്ങനെ ചെയ്താൽ തന്റെ പെണ്ണ് രാധമ്മ ജോയ് ഇവരൊക്കെ എങനെ സഹിക്കും. എടുത്ത് ചാടി ഓരോന്ന് ചെയ്താൽ തന്നെക്കാൾ വേദനിക്കുന്നത് തനിക്ക് പ്രിയപ്പെട്ടവരാകും. പെട്ടെന്ന് ഫോൺ റിങ് ചെയ്തതും ശിവൻ വണ്ടിയുടെ സ്പീഡ് കുറച്ച് അതെടുത്തു " നീയിത് എവിടെ പോയ്‌ കിടക്കുവാ ശങ്കരാ...... " മറുതലയ്ക്കൽ ജോയ് ദേഷ്യത്തോടെ സംസാരിച്ചു. " ഞാൻ ഒരു കാര്യത്തിന് പുറത്ത് പോയതാ...... ഇപ്പോൾ എത്തും ജോയ്... "

" ഒന്ന് വേഗം വാടാ രാധമ്മയ്ക്ക് വയ്യാണ്ടായി. ഭദ്ര എന്റെ കൺട്രോളിൽ നിൽക്കുന്നില്ല...... " ജോയ് ആശങ്കയോടെ പറഞ്ഞു " രാ.... രാധാമ്മയ്ക്ക് വയ്യാണ്ടായോ..... ഞാ... ഞാൻ വേഗം വരാം....... " അതും പറഞ്ഞ് അവൻ ഫോൺ കട്ട്‌ ചെയ്ത് വണ്ടി വേഗത്തിൽ ഓടിച്ചു. അവന്റെ മനസ്സിൽ ഭയം വന്നു മൂടി. അനാഥനെന്ന വേദനിയിൽ മരണം വരെ ഉരുക്കാനാണോ തന്റെ വിധി. മനസ്സിന്റെ നിയന്ത്രണം കൈ പിടിയിൽ ഒതുക്കാൻ പറ്റാത്ത പോലെ വണ്ടിയുടെ നിയന്ത്രണം അവന്റെ കൈ പിടിയിൽ നിന്നും വഴുതി പോയതും എതിരെ വന്ന വണ്ടി നേരെ ശിവന്റെ ജിപ്സിയിലേക്ക് ഇടിച്ചു........  മുറിയിൽ അങ്ങോട്ടും ഇങ്ങോട്ടും ആവലാതിയോടെ നടക്കുകയാണ് മാമ്മച്ചൻ.

താൻ വിചാരിച്ചത് പോലെയേ ഇതുവരെ നടന്നിട്ടുള്ളു. അല്ല നടത്തിയിട്ടുള്ളു മുൻ കൂട്ടി എല്ലാം ചെയ്തു തീർക്കും. പക്ഷെ ശിവൻറെ കാര്യത്തിൽ തനിക്കൊന്ന് പിഴച്ചു പക്ഷെ ഇനി അങ്ങനെയുണ്ടാകില്ല... അയാൾ പുച്ഛത്തോടെ ചിരിച്ചതും ഫോൺ റിങ് ചെയ്തു. ഹലോ എന്തായി.......... അയാൾ ഫോൺ ചെവിയിൽ വെച്ച് ചോദിച്ചു. - ചത്തില്ലേ അവൻ ???? --------------- ഹ്മ്... അത്ര പെട്ടെന്ന് ചാവില്ലവൻ. അമരവദി യിലെ ശിവ ശങ്കരൻ....... അയാൾ പല്ല് കടിച്ചു ഒരു കാര്യം ചെയ്യ് ആ ഗസ്റ്റ് ഹൌസില്ലേ ... ----------- ആ ആ ആളൊഴിഞ്ഞ സ്ഥലത്ത് ഉള്ള പഴ വീട്. അതിന്റെ മുകളിൽ അവനെ കെട്ടിയിട്ടിട്ട് നിങ്ങൾ പൊയ്ക്കോ. അവനെ കൈ കാര്യം ചെയ്യാൻ ഈ കിളവൻ മാത്രം മതി... കേട്ടല്ലോ..... ---------------- ഹ്മ്മ്.... ശരി......

അതും പറഞ്ഞ് അയാൾ ഫോൺ കട്ട്‌ ചെയ്തു...... എടാ മോനെ..... ഒരു കത്തി മുനയിൽ ഈ മാമച്ചൻ നിന്നെ പരലോകത്തായ്ക്കും. കാത്തിരുന്നോ. അയാൾ പുച്ഛിച്ചു. എന്നാൽ മുറിയുടെ വാതിലിൽ മാറി നിന്ന് ഇതെല്ലാം കേട്ട സുമതി വാ പൊത്തിപിടിച്ച് കരഞ്ഞു............ അലറി കരയാൻ പോലും പറ്റാതെ പേടിയോടെ അവിടെ നിന്നും റൂമിലേക്ക് ഓടി......  തലയ്ക്ക് നല്ല വേദന തോന്നി. കണ്ണ് തുറക്കാൻ വയ്യാ.. ദേഹത്ത് അവിടെയും ഇവിടെയുമായി വേദന. ശിവൻ മെല്ലേ കണ്ണ് തുറന്നു.....ഇരുണ്ട വെളിച്ചത്തിൽ തന്നെ നോക്കി നിൽക്കുന്ന മാമ്മച്ചനെ കണ്ടതും അവന്റെ ഉള്ളിലെ അറപ്പ് വീണ്ടും കൂടി. അതേ അയാള് തന്നെയാണ് തന്നെ ഈ അവസ്ഥയിലാക്കാൻ കാരണം. " അയ്യയ്യോ എന്താ പറ്റിയേ എന്റെ മോന് ദേ ചോര.... "

അവന്റെ നെറ്റിയിൽ കൈ കൊണ്ട് തുടച്ച് കൊണ്ട് അയാൾ പറഞ്ഞു. അറപ്പോടെ കൈ തട്ടി മാറ്റണമെന്നുണ്ട്. പക്ഷെ കയ്യും കാലും കെട്ടിയിട്ടേക്കുവാണ്..... പകയോടെ അവൻ അയാളെ നോക്കി. " ആഹാ ദേഷ്യം വരുന്നുണ്ടോ നിനക്ക് ഏഹ്... ഉണ്ടോടാ. ദേഷ്യം വരുന്നോ.. അതും പറഞ്ഞ് അവന്റെ കവിളിൽ അയാൾ കുത്തിപിടിച്ചു..... " അവന്റെ ഞരമ്പുകൾ ദേഷ്യം കൊണ്ട് വലിഞ്ഞു. " തന്തയെ പോലെയല്ലാ മോൻ... മെരുക്കാൻ ഇച്ചിരി പാടാ. അതെനിക്ക് പണ്ടേ അറിയായിരുന്നു. അതുകൊണ്ട് മാത്രമാ ഒറ്റയ്ക്ക് താമസിക്കുന്ന നിന്നെ പല വട്ടം എന്റെ വീട്ടിൽ ഞാൻ താമസിക്കാൻ ഞാൻ നിർബന്ധിച്ചത്. പക്ഷെ നീ കേട്ടില്ല..... ഹാ ആയുസ്സ് ഉണ്ടായിരുന്നു... അല്ലാതെ എന്താ.......... "

" പക്ഷെ ഇനി ഈ പാർത്ഥൻ സമ്മതിക്കില്ലടാ..... നിന്നെ ഇനി ജീവനോടെ ഞാൻ വിട്ടാൽ എന്റെ എല്ലാം എല്ലാരും അറിയും. അങ്ങനെസത്യമെല്ലാം പുറത്ത് വന്നാൽ നിന്റെ വല്യച്ചൻ എന്റെ മരുമോൻ എന്നെ വെറുതെ വിടില്ല....... " " ഇങ്ങനെ കയ്യും കാലും കെട്ടി വെച്ച് കൊരയ്ക്കാതെ ഒന്നഴിച്ച് വിട്ട് നോക്കടാ. ഇത്രയും നേരം നിന്നെ കൊല്ലണ്ടെന്നായിരുന്നു മനസ്സിൽ. പക്ഷെ ഇനി നിന്നെ കൊല്ലത്തെ ഞാൻ വിടില്ല " " ഹ ചുമ്മാതെ യിരി ചെറുക്കാ. നിന്റെ തന്തയേയും തള്ളയേയും വണ്ടി കയറ്റി കൊന്നപ്പോൾ പോലും ഈ കൈ വിറച്ചിട്ടില്ല.

ഇനി ഇപ്പോൾ നിന്നെ കൊല്ലുമ്പോഴും ഈ പാർത്ഥൻ വിറയ്ക്കില്ല പിന്നെ നിന്നെ കെട്ടിയിയിട്ടത് വയസ്സായില്ലേ മോനെ.. പഴയ ആരോഗ്യമില്ല. " അയാളുടെ പുച്ഛത്തോടെ യുള്ള വാക്കുകൾ അവനിൽ ദേഷ്യം നിറച്ചു. " ഈ പാർത്ഥൻ മനസ്സിൽ കണ്ടതൊക്കെ നടത്തിയിട്ടേയുള്ളൂ മോനെ.നിന്റെ തന്തയേയും തള്ളയേയും കൊന്നു നിന്റെ വല്യച്ചനെ കൊണ്ട് എന്റെ മോളെ ഞാൻ കെട്ടിച്ചു....ഇപ്പോൾ നിന്നെ കൊല്ലാൻ പോകുന്നു. നീ വിഷമിക്കണ്ട നിന്റെ പെണ്ണുപിള്ളയേയും നിന്റെ ആ പിഴച്ച രാധയേയും ഒക്കെ ഞാൻ പിറകെ ആയിക്കാം....... " " നിന്നെ ഞാൻ വെറുതെ വിടില്ലടാ പാർത്ഥ...........അരിഞ്ഞു തള്ളും ഞാൻ " " അതിന് മുന്നേ നിന്നെ ഞാൻ കൊല്ലുമടാ..... "

അലറിക്കൊണ്ട് അയാൾ കത്തിയെടുത്ത് അവന്റെ നേരെ കുത്താൻ പോയതും അയാളുടെ തലയിൽ ശക്തമായ അടി കിട്ടിയതും ഒത്തായിരുന്നു. അയാൾ അലറി..കണ്ണുകൾ മിഴിഞ്ഞു. കൈയിൽ നിന്നും കത്തി നിലത്ത് വീണു... തല പൊട്ടി ചോര ചീറ്റി.. ശിവനും ഞെട്ടി......... പിന്നിൽ നിൽക്കുന്ന ആളെ കണ്ട് അവൻ വിറച്ചു........ മാമ്മച്ചൻ മുഖം പിറകോട്ട് ചരിച്ചു. രക്തo തെറിച്ച മുഖത്തോടെ നിൽക്കുന്ന ശ്രീധരനെ കണ്ടതും അയാൾ ഞെട്ടി വിറച്ചു... മോ... മോനെ.......... പറഞ്ഞു മുഴുപ്പിക്കുന്നതിന് മുന്നേ ഇരുമ്പ് കൊണ്ട് വീണ്ടും അയാളുടെ തലയിൽ ശ്രീധരൻ വലിച്ചടിച്ചു........ രക്തം ചീറ്റി അയാളുടെ മുഖത്ത് തെറിച്ചു. ❤ ................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...