🔥എന്റെ മാത്രം : ഭാഗം 8

എഴുത്തുകാരി: അല്ലി

ഇങ്ങനെ നുള്ളി പെറുക്കി ഇരുന്നാലെങ്ങനെയാ രാധമ്മേ .... ആ കഞ്ഞി അങ്ങോട്ട് കോരി കുടിക്ക്. എന്നിട്ട് വേണം കാല് തടകിതരാൻ. കഞ്ഞി കുടിക്കുന്ന രാധമ്മയെ നോക്കി പറഞ്ഞു. അവൻ വല്ലതും കഴിച്ചോ.... മോള് പോയ്‌ മോന് കഞ്ഞി കൊടുക്കുവോ. ഉച്ചയ്ക്ക് ഇവിടെ നിന്നുo അവൻ കഴിക്കില്ല. ഇന്ന് വീട്ടിൽ ഉണ്ടായോണ്ട് എവിടെയും ഇനി പോകില്ലായിരിക്കും... അതാ.... ഹും ഞാൻ കൊടുത്തോളം അതിന്റെ കാര്യം പറഞ്ഞ് ഇങ്ങനെ നുള്ളി പെറുക്കി എന്നെ ദേഷ്യം പിടിപ്പിക്കല്ലേ രാധമ്മേ വേഗം കഴിക്കാൻ നോക്കിയേ..... അമ്മയേ പോലെ ശകാരിക്കുന്ന ഭദ്രയേ അമ്മയ്ക്ക് വല്ലാതെ ഇഷ്ട്ടപ്പെട്ടു. മനസ്സിൽ അപ്പോൾ ആ കൊച്ചു പെണ്ണായി താൻ മാറിയത് പോലെ.അവളെ നോക്കി തലയാട്ടി വീണ്ടും കുടിക്കാൻ തുടങ്ങി..... ***** തന്തയില്ലായ്‌മ കാണിക്കുന്നോ നായിന്റെ മോനെ...... എന്നും അലറി ശിവൻ ഒരാളുടെ നെഞ്ചിൽ ആഞ്ഞു ചവിട്ടി.. അയാൾ നിലത്തേക്ക് വീണു... ശിവന്റെ ഒരു കാല് അയാളുടെ നെഞ്ചിൽ വെച്ചു.. അത് കണ്ട് ഭദ്ര നിഛലമായി.. ഒന്നും ചെയ്യല്ലേ കുഞ്ഞേ... ഒരു തെറ്റ് പറ്റി പോയ്‌... ഇനി ആവർത്തിക്കില്ല.... അയാൾ കരഞ്ഞു കൊണ്ട് പറഞ്ഞതും കാല് വെച്ച് ഒറ്റ തട്ട് വെച്ചു കൊടുത്തു.... ഈ അമരവദി ശിവ ശങ്കരൻ ആരാണെന്നാടാ നായെ കരുതിയത്. മില്ലിലെ തടി മറിച്ച് വിറ്റ് നിന്റ കീശ നിറച്ചത് ഞാൻ അറിയില്ലെന്ന് കരുതിയോ ഏഹ്....... അവൻ അയാൾക്ക് നേരെ ചീറി വീണ്ടും ചവിട്ടാനായി പോയതും അയാൾ കാലിൽ പിടിച്ച് കരഞ്ഞു.....

ഇനി തല്ലല്ലേ .... എന്റെ മോളെ മരുമോൻ സ്ത്രീധനം കൊടുക്കാത്തതിൽ വീട്ടിൽ കൊണ്ടാക്കി. എനിക്ക് വേറെ നിവൃത്തിയില്ലായിരുന്നു മാപ്പാക്കണം........ എടാ എന്റെ മുന്നിൽ വന്ന് നീ ചോദിച്ചാൽ കൂടുതൽ പണം ഞാൻ തന്നേനെ..... പക്ഷെ വിശ്വാസ വഞ്ചന കാണിച്ച നിന്നെ ( ഇതിന് മുന്നേ ചേട്ടൻ എന്നാണ് വിളിക്കുന്നത്. ഇപ്പോൾ ഒന്ന് ചേഞ്ച്‌ ആയി ആള് ശിവൻ ആണേ ) വെറുതെ വിടില്ല ഞാൻ..... പോലീസിനെ വിളിക്കടോ....... ശിവൻ ദേഷ്യത്തോടെ അലറി..... അയാളെ വിട്ടേരെ........ പുറകിൽ നിന്നുള്ള പറച്ചിൽ കേട്ടതും എല്ലാരും അങ്ങോട്ട് നോക്കി.. ഭദ്ര.... അവരുടെ അടുത്തേക്ക് അവൾ വന്നു. ബാക്കി എല്ലാരും ഞെട്ടി നോക്കി. ഒരു പീറപ്പെണ്ണ് അതും ശിവനോട് എന്ന രീതിയിൽ.... അയാളെ വിട്ടേരെ...... .... അത് പറയാൻ നീ ആരാടി..... അവൻ ചെയ്തത് വിശ്വാസവഞ്ചന ... സഹിക്കില്ല ഞാൻ..... ദേഷ്യത്തോടെ കത്തി നിൽക്കുന്ന അവസ്ഥയിലായിരുന്നു ശിവൻ. അയാൾ ചെയ്തത് തെറ്റാണ്. പക്ഷെ സ്വന്തം കുടുംബത്തിന് വേണ്ടി അല്ലേ. തെറ്റ് പറ്റാത്തതായി ആരാ ഉള്ളത്. എല്ലാം ക്ഷമിക്കാനുള്ള ഒരു മനസ്സ് വേണം പോലീസിനെ വിളിക്കണ്ട. പക്ഷെ ഇനി ഇവിടെ ജോലിക്ക് ഇയാൾ വേണ്ട.... പറഞ്ഞു വിട്ടേരെ....... അത്രയും പറഞ്ഞ് അവനെ അവൾ നോക്കി. എന്ത്‌ കൊണ്ട് ഇവിടെ അഭിപ്രായം പറഞ്ഞതെന്ന് അവൾക്ക് അറിയില്ലായിരുന്നു. പറയണമെന്ന് തോന്നി.....

ശിവൻ ഒന്ന് ആലോചിച്ച്..... അയാളെ നോക്കി.. ഇപ്പോൾ നിന്നെ വെറുതെ വിട്ടേക്കുവാ.... പൊയ്ക്കോ.. പക്ഷെ ഇനി എന്റെ മുന്നിൽ പെട്ടുപോകരുത്.... ന... നന്ദി ഉണ്ട് കുഞ്ഞേ.. ആ പൈസ... ഞാൻ.. നിന്റെ കൈയിൽ നിന്ന് ഒരു പൈസയും ഈ ശിവന് വേണ്ട. മനസ്സറിഞ്ഞു ഞാൻ തരേണ്ട പൈസയാ നീ നിന്റെ വഞ്ചന കൊണ്ട് നേടിയത് അത് നീ തന്നെ വെച്ചോ... എന്റെ ഔദാര്യമായിട്ട് കണ്ടോ... പൊ....... അത് കേട്ടതും അയാൾ അവിടെ നിന്നുo എഴുന്നേറ്റ് മുഖം താഴ്ത്തി നടന്നു....... ഒന്ന് നിന്നെ........ പുറകിൽ നിന്നുo ശിവൻ വിളിച്ചതും പേടിയോടെ അയാൾ അവനെ നോക്കി... അയാളുടെ അടുത്തേക്ക് വന്ന് മുണ്ടിന്റെ കെട്ടിൽ മടക്കി വെച്ചേക്കുന്ന നോട്ടുകൾ അയാൾക്ക് നേരെ നീട്ടി.... ഇന്നാ വെച്ചോ നെഞ്ച് വേദന കാണും ഹോസ്പിറ്റലിൽ കാണിക്ക്...... ഇന്നാ.. വേണ്ട.......... കുഞ്ഞേ.... പിടിക്കാൻ...... അലറക്കം കേട്ടതും അയാൾ അത് മേടിച്ചു... ഭദ്ര ഇതെന്ത് ജീവി എന്ന കണക്കെ നോക്കുവാണ്.. ആ എന്തെങ്കിലും ആകട്ടെ. എന്നും പറഞ്ഞ് അവൾ തിരിഞ്ഞു നടന്നു... നിൽക്കടി............ അവൻ പുറകിൽ നിന്നുo അലറിയതും അവൾ എന്തെന്ന രീതിയിൽ അവനെ തിരിഞ്ഞു നോക്കി മുണ്ടും മടക്കി അവളുടെ അടുത്തേക്ക് വന്ന് കൂർപ്പിച്ച് നോക്കി. നീ ആരാടി കാര്യങ്ങൾ തീരുമാനിക്കാൻ ഏഹ്..

അയാളെ വെറുതെ വിടാൻ പറയാൻ നീ ആരാണെന്ന്...... ഭദ്ര........ ഭദ്രയാണ് ഞാൻ.....ശരിയെന്ന് തോന്നിയത് ഞാൻ പറഞ്ഞു. അത്രയേ ഉള്ളു. ഹോ ശരി എന്നാൽ സാക്ഷാൽ ഭദ്രേ..... മനുഷ്യൻ തെറ്റ് ചെയ്താൽ ക്ഷമിക്കാനുള്ള മനസ്സ് വേണമെന്ന് നേരത്തെ മൊഴിഞ്ഞല്ലോ... എന്ത്‌ കൊണ്ട് നീ എന്റെ കാര്യത്തിൽ അങ്ങനെ ചിന്തിക്കുന്നില്ല??? കൈ കൾ മാറിൽ കെട്ടി അവൻ ചോദിച്ചതും അവൾ ഒന്ന് മുഖം കുർപ്പിച്ച് അവനെ നോക്കി . സ്ഥിരം തെറ്റ് ചെയ്യുന്നവരോട് ക്ഷമിക്കാൻ ഞാൻ ഞാൻ അത്രയും പാവമല്ല..... വന്നേക്കുന്നു ഒരു ശിവൻ.... ശിവൻ മാങ്ങയാണ് ചേനയാണ് ഒലക്കേടെ മൂടാണ്.... വാ തുറന്നാൽ ഒരു കരിവണ്ട്..... നീ എന്നോട് എന്ന് ക്ഷമ പറയുന്നോ അന്ന് ഈ ഭദ്ര ആലോചിക്കാം നിന്നോട് ക്ഷമിക്കണോ വേണ്ടയോന്ന്... ഹും അത്രയും പറഞ്ഞ് അവൾ മുന്നോട്ട് നടന്നു ... എടി കരിവണ്ടെ.... ഈ ശിവൻ ക്ഷമ പറയുമെന്ന് കരുതണ്ട.... ഞാൻ ക്ഷമ പറയാതെ തന്നെ നീ എന്റെ ആകും..... അവൻ മീശ പിരിച്ച് മനസ്സിൽ പറഞ്ഞു... ******** രാത്രി മനസ്സ മൈനേ വരൂ............. കു.... കു........ ഫ.... നാറി......... അവന്റെ ഒരു മാനസ്സ മൈന...... വേറെ പാടടാ കോപ്പേ..... നാക്ക് കുഴഞ്ഞു കൊണ്ട് ജോയോട് പറഞ്ഞു...... ഇന്നാ പിടിച്ചോ...... എന്നും പറഞ്ഞ് ഒരു ഗ്ലാസ്സ് കള്ള് അവൻ വായിൽ കമ്ഴ്ത്തി...... മാനസ്സ മൈനേ വരൂ........... എടാ എടാ നസ്രാണി...... ഇത് തന്നെയല്ലേ നീ നേരത്തെ പാടിയത് ....... എന്തെന്നറിയില്ല .

രണ്ടെണ്ണം വയറ്റിൽ ചെന്നാൽ എനിക്ക് പഴയതെല്ലാം ദാണ്ടേ ഈ നെഞ്ചിൽ ഇങ്ങനെ കുത്തി വരുവാടാ ശങ്കര.... അറിയോ....... അത് നിന്റെ പിടിപ്പ് കേട് കൊണ്ട്.....അവളോട് പറയണമായിരുന്നു..... അതോണ്ടല്ലേ..... അവൻ വീണ്ടും കള്ള് മോന്തി....... ധൈര്യം ഇല്ലായിരുന്നടാ...... പക്ഷെ നിനക്ക് ഉണ്ടല്ലോ...പോയ്‌ ഇഷ്ട്ടം പറഞ്ഞ് മിന്ന് കെട്ടിക്കൊണ്ട് വാടാ നിന്റെ ഭദ്രകൊച്ചിനെ.,..... ഹും ഹും.......നിന്നെ പോലെ ഈ ശിവൻ വിട്ടുകൊടുക്കില്ലടാ എന്റെ പെണ്ണിനെ...ആർക്കും .. അവളെ...... അവൾ..... അവൾ...... ബാക്കി പറയുന്നതിന് മുന്നേ അവൻ ബോധം കെട്ടു....... അമ്മച്ചി........ അമ്മച്ചി.... കുയ്.... ഞങൾ ഇവിടെ കിടക്കുവാണേ........ രണ്ട് തലയണ കൊണ്ടുവായോ...... ചൂലെടുത്തടിക്കും ഞാൻ.. എന്റെ കർത്താവേ ഇങ്ങനെ തല തെറിച്ച രണ്ടെണ്ണം........... അമ്മച്ചി കലിപ്പ് മൂഡ് ഓൺ.... ശിവനും ജോയും സിറ്റഔട്ടിൽ കിടന്നു... ഇടയ്ക്ക് രണ്ടാളും ചിരിക്കുന്നുണ്ട്. ഭാമയ്ക്ക് വേണ്ടിയും ഭദ്രയ്ക്ക് വേണ്ടിയും... ***** ബോധം ഒന്ന് തെളിഞ്ഞ് രാവിലെ നേരെ വിട്ടത് തറവാട്ടിലേക്കാണ്... തല നന്നായി പെരുക്കുന്നുണ്ടായിരുന്നു.... വണ്ടിയിൽ നിന്നുo ഇറങ്ങി. ഡോറിൽ മുട്ടിയപ്പോഴാണ് ഇന്നലെ രാധമ്മ ഒറ്റയ്‌ക്കെ ഉള്ളായിരുന്നുള്ള കാര്യം അവന് മനസ്സിലായത്.

ഡോർ തുറന്ന് അകത്ത് കേറാൻ പോയതും ഭദ്ര ഡോർ തുറന്ന് അവന്റെ മുന്നിൽ നിന്നു. അവളെ മറികടന്ന് പോകാൻ പോയതും ഭദ്ര അവന്റെ കൈയിൽ കേറി പിടിച്ചു. ഒന്ന് ഞെട്ടി അവൻ അവളെ നോക്കി. ഇങ്ങനെ ആണെങ്കിൽ ശരിയാവില്ല. വയ്യാത്ത ഒരമ്മേ ഒറ്റയ്ക്ക് ആക്കിയിട്ട് രാത്രി കള്ള് മോന്താൻ പോയേക്കുന്നു. നീ കാരണം എനിക്കിന്നലെ വീട്ടിൽ പോകാൻ പറ്റിയില്ല അറിയോ........... ഞാൻ ഓർത്തില്ല..... ഇച്ചിരി കൂടി പോയ്‌.... അലസമായി അവൻ പറഞ്ഞു...... അത് കണ്ടതും ഭദ്രയ്ക്ക് ദേഷ്യം ഇരച്ച് കേറി....... കൂടിപോയ്‌ പോലും.... ഇട്ട് മൂടാൻ എല്ലാമുണ്ടായിട്ടും ഇങ്ങനെ കള്ളും കുടിച്ച് ഇല്ലാണ്ടായി നടന്നോ. ഇനി കള്ള് മാത്രമല്ല പെണ്ണ്.... ബാക്കി പറയുന്നതിന് മുന്നേ അവളെ വലിച്ച് ഭിത്തിയോട് ചേർത്ത് നിർത്തി അവളുടെ കവിളിൽ കുത്തിപ്പിടിച്ചു. അവനെ മാറ്റാനായി ശ്രമിക്കുമ്പോഴും അവൾ പരാജപ്പെട്ടു അവനിൽ നിന്നുമുള്ള കള്ളിന്റെ ഗന്ധം അവളെ വെറുപ്പിച്ചു.... കവിളിൽ നന്നായി വേദന തോന്നി..... എന്നാൽ അവനിൽ ദേഷ്യം മാത്രമേ ഉള്ളായിരുന്നു.... ഞാൻ പറഞ്ഞതല്ലെടി കുറച്ച് കൂടിപോയെന്ന്... ഇന്നലെ മാത്രം...... അതിന് കാരണം നീ ഒറ്റ ഒരുത്തി മാത്രമാ.... നീ മാത്രം...... അവളുടെ ഒരു മാഷ്.... തുഫ്.......മുഖം ചരിച്ച് അവൻ തുപ്പുന്ന പോലെ കാണിച്ചു. ഭദ്ര വല്ലാതെ നിൽക്കുവാണ്. താൻ കാരണമോ ? മാഷ്.... അതേടി നിന്റെ ഒരു മാഷ്.... എനിക്കിഷ്ട്ടല്ല നീ അവനോട് മിണ്ടുന്നത്..

അവനെന്നല്ലാ ഒരുത്തനും നിന്നോട് മിണ്ടുന്നത് എനിക്കിഷ്ട്ടല്ല. ഓർത്തോ.... അവനോട്‌ അധികം അടുക്കാൻ നോക്കണ്ടാ..... നോക്കിയാൽ?? അത്രയും പറഞ്ഞ് അവളെ തെള്ളി അവൻ അവിടെനിന്നുo പോയ്‌..... ഭദ്ര ആകെ കുഴഞ്ഞ അവസ്ഥയായിരുന്നു. പെട്ടെന്നാണ് ഇന്നലെ മാഷിനെ പറ്റി പറഞ്ഞപ്പോൾ അവൻ ദേഷ്യം കാണിച്ചത് അവൾക്ക് ഓർമ്മ വന്നത്.... പണ്ടും ഇങ്ങനെയായിരുന്നു ആരെയും എന്റെയെടുത്ത് അടുപ്പിക്കില്ല. ഇപ്പോഴും....അവൾ വേദനയോടെ ഓർത്തു.... എന്തിന് ഇങ്ങനെ ചെയ്യുന്നു. എന്റെ കാര്യത്തിൽ എന്തിനാ ഇങ്ങനെ. എനിക്ക് വേദനിക്കില്ല എന്തുകൊണ്ട് ശിവേട്ടാ ബാക്കി പറയുന്നതിന് മുന്നേ അവൾ നിർത്തി.. ഇല്ല ഞാൻ ഭദ്രയാ ഭദ്ര.... വേദനകളിലും തളരാത്തവൾ. മാഷ് നല്ലൊരു സുഹൃത്താ ഒരിക്കലും ഒന്നിന്റെ പേരിലും നല്ലൊരു സുഹൃത്തിനെ വേണ്ടെന്ന് വെയ്ക്കില്ല.. ഒരിക്കലും അവൾ മനസ്സിലുറപ്പിച്ചു ***** മുകളിലത്തെ പടി കേറാൻ പോകുന്നതിന് മുന്നേ അടുത്ത മുറിയുടെ ഡോർ തുറന്ന് ശിവൻ അകത്തേക്ക് നോക്കി കട്ടിലിൽ കിടക്കുന്ന രാധമ്മേ അവൻ അലിവോടെ നോക്കി.. സഹതാപം മാത്രമാണ് അവരോട്... ഉള്ളിൽ ഒരു തരി സ്നേഹം പോലുമില്ലെന്നാണ് ഇന്നുവരെ അവന്റെ വിശ്വാസം...... പക്ഷെ... ചിലപ്പോഴൊക്കെ തന്റെ അമ്മയേ ഓർക്കാറുണ്ട്....

തുളസി പൂവിന്റെ ഗന്ധമാണ് ഇവർ വരുമ്പോൾ പണ്ട് അമ്മയുടെ ശരീരത്തിൽ നിന്ന് വമിക്കുന്ന അതേ ഗന്ധം....... ഒന്ന് നെടുവിർപ്പിട്ട് അവൻ ഡോർ മെല്ലേ അടച്ച് പടികൾ കേറി. **:***** താൻ അമരവദിയിൽ ജോലിക്ക് പോകുന്ന കാര്യം എന്നോട് പറഞ്ഞില്ലല്ലോ ഭദ്രേ..... രാവിലെ വീട്ടിലേക്ക് പോകുന്ന ഭദ്രയോട് പറയുന്ന ബാലനെ അവൾ ചിരിയോടെ നോക്കി... പെട്ടെന്ന് ശിവനെ ഓർത്തതും ആ ചിരി മാഞ്ഞു.... മറന്നു പോയതാ മാഷേ..... ഓഹോ എന്റെ ഭദ്രേ തനിക് പഠിച്ചുടെ.ഇങ്ങനെ അടുക്കള പണി ചെയ്യണോ ?? പഠിച്ച് ഒരു ജോലി മേടിച്ചൂടെ..... ഞാൻ പണ്ടേ പഠിക്കാൻ മണ്ടിയാ മാഷേ. എന്റെ തലയിൽ ഒന്നും കേറില്ല. അതുകൊണ്ട് മാത്രമ പ്ലസ് ടു കഴിഞ്ഞപ്പോൾ പഠിത്തം നിർത്തിയത്. പിന്നെ അച്ഛൻ മരിച്ചപ്പോൾ രണ്ട് വയറു കഴിയണ്ടേ ....... അവൾ ചിരിയോടെ പറഞ്ഞു...... ഹും...അല്ല അവൻ എങനെയാ... ശിവൻ..... എങനെയെന്ന് ചോദിച്ചാൽ അങ്ങനെ തന്നേ.... സമയം ഒരുപാടായി മാഷേ വീട്ടിൽ പോയിട്ട് വീണ്ടും എനിക്ക് തിരിച്ച് പോണം .... പോട്ടെ.... ശരിയടോ ഞാൻ കവലയിലോട്ടാ.. താൻ വിട്ടോ...... അത് കേട്ടതും തലയാട്ടി അവൾ വേഗം നടന്നു.. അവൾ പോകുന്നതും നോക്കി അവൻ അങ്ങനെ നിന്നും... ചിലപ്പോഴൊക്കെ ശിവനോട് കുശുമ്പ് തോന്നാറുണ്ട് തനിക്ക്. അടി ഇടാനാണെങ്കിലും അവർ അത്രയും അടുത്താണ് അത്രയും....................................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...