🔥എന്റെ മാത്രം : ഭാഗം 9

എഴുത്തുകാരി: അല്ലി

ഞാൻ കുറേ നേരമായി ശ്രദ്ധിക്കുവാ എന്താ അമ്മേടെ പ്രശ്നം... മുഖമാകെ വിഷമം ആണല്ലോ ഞാൻ ഇന്നലെ ഇങ്ങോട്ട് വരഞ്ഞോണ്ടാണോ.... തറവാടിൽ നിന്നുo വന്ന് കുളിച്ച് അടുക്കളയിൽ കേറി സാമ്പാർ വെയ്ക്കാൻ വേണ്ടി പച്ചക്കറി നുറുക്കുന്നിടയിൽ അമ്മയോട് ഭദ്ര ചോദിച്ചു. ആ ഭാർഗവി വന്നായിരുന്നു അവളുടെ മോളുടെ കല്യാണം പറയാൻ. നിന്നേക്കാട്ടിൽ ഒരു വയസ്സ് ഇളപ്പമുള്ള കുട്ടിയല്ലേ. എന്റെ മോളുടെ കാര്യം ഓർക്കുമ്പോൾ ഞാൻ വെറും പാഴായ അമ്മ.... ബാക്കി പറയുന്നതിന് മുന്നേ പാത്രം എടുത്ത് ഒറ്റയേറ് വെച്ചുകൊടുത്തു..... അമ്മ ഒന്ന് ഞെട്ടി അവളെ നോക്കി... കണ്ണൊക്കെ നിറച്ച് ചുമന്ന് ദേഷ്യത്തോടെ നോക്കുന്നുണ്ട്.... ഇനീ മേലിൽ ഇങ്ങനെ പറഞ്ഞാൽ എവിടെങ്കിലും ഇറങ്ങി പോകും ഞാൻ നോക്കിക്കോ..... കൈ ചൂണ്ടി ഭദ്ര പറഞ്ഞതും കുറ്റവാളിയേ പോലെ മുഖം താഴ്ത്തി.... പാഴായ അമ്മ പോലും.... ആണോ അമ്മേ ഞാൻ അങ്ങനെയാണോ കരുതിയേക്കുന്നേ അമ്മയ്ക്ക് വേണ്ടിയല്ലേ ഞാൻ ഇങ്ങനെ ജീവിക്കുന്നെ.... അമ്മയല്ലാതെ ആരാമ്മേ എനിക്കുള്ളേ........... അത്രയും കരഞ്ഞു കൊണ്ട് പറഞ്ഞ് അവൾ അമ്മയേ ഇറുക്കെ പുണർന്നു... അവരുടെ കണ്ണുകളും നിറഞ്ഞു..... അമ്മയ്ക്ക് അറിയാടാ.... നിന്റെ അമ്മയല്ലേ ഞാൻ....

എനിക്ക് വേണ്ടി ഇങ്ങനെ മാടിനെ പോലെ പണിയെടുക്കുന്നത് കാണുമ്പോൾ സഹിക്കുന്നില്ലടി....... നിനക്കൊരു ജീവിതം വേണ്ടേ മോളെ... ഒരു കല്യാണം കുടുംബം.... വല്ലാതെ ആഗ്രഹിക്കുന്നുണ്ട് കുഞ്ഞേ.... അതുകൊണ്ടാ.. ഞാൻ.. അവളുടെ പുറം തടകി കൊണ്ട് അമ്മ പറഞ്ഞതും അവൾ മുഖം ഉയർത്തി അവരെ നോക്കി കണ്ണ് നിറയാത്തവളാണ് ഭദ്ര. പക്ഷെ എത്ര വളർന്നാലും അവരുടെ അമ്മയുടെ മുന്നിൽ മക്കൾ എപ്പോഴും കൊച്ചു കുട്ടിയാണ്. എന്റെ അമ്മ അതോർത്ത് വിഷമിക്കല്ലേ....ഉറപ്പായും എനിക്കൊരു കുടുംബമുണ്ടാകും സന്തോഷമുണ്ടാകും എന്റെ അമ്മ അതെല്ലാം കാണും. പക്ഷെ ഇപ്പോഴല്ല...സമയമാകുമ്പോൾ..അതുo വരെ അമ്മ വിഷമിക്കരുത്. ഇങ്ങനെയൊന്നും എന്നോട് പറയരുത്... പറഞ്ഞാൽ ദേ ഞാൻ കരയും.... കേട്ടല്ലോ.... ചുണ്ട് പിളർത്തി പറഞ്ഞതും അമ്മ ഇല്ലെന്ന് തലയാട്ടി നല്ല അമ്മയെന്നും പറഞ്ഞ് കവിളിൽ ഒരു മുത്തം കൊടുത്തു..... ********* ഇന്നാ.......... കൈയിൽ ഒരു കടലാസ് പൊതി രാധമ്മയ്ക്ക് നേരെ നീട്ടി. അമ്മ അവനെ സംശയത്തോടെ നോക്കി മുഖം തിരിച്ച് നിൽക്കുകയാണ് കക്ഷി ഒന്നും മിണ്ടാതെ അതുമേടിച്ച് തുറന്ന് നോക്കി കപ്പലണ്ടി മിട്ടായിയും കുറേ തേൻമിട്ടായിയും..... അത് കണ്ടപ്പോൾ ചിരിയാണ് വന്നത്. അറിയാതെ അവർ ചിരിച്ചു പോയ്‌....

ഹും എന്താ ചിരിക്കണേ.... നിങ്ങൾക്കാ കണ്ടപ്പോൾ മേടിച്ചു അത്രയുള്ളു അതിന് ഇത്ര തമാശയെന്താ.......... അവൻ ഗൗരവത്തിൽ പറഞ്ഞതും പെട്ടെന്ന് തന്നെ ചിരി നിർത്തി.... എനിക്ക് ഇതൊന്നും കഴിക്കാൻ പറ്റില്ല മോനെ ഷുഗർ ആണേ........... കളി പോലെ രാധമ്മ പറഞ്ഞതും അവന്റെ മുഖത്ത് ഇച്ചിരി ചമ്മലുണ്ടായി... എന്നാഇവിടെ കഴിക്കുന്ന ആർക്കെങ്കിലും കൊടുക്കണം........ഭദ്രയേ ഉദ്ദേശിച്ച് അവൻ പറഞ്ഞു അഹ് ഭദ്രമോൾക്ക് കൊടുക്കാം..... അവൾ ഇപ്പോൾ വരും അതും പറഞ്ഞ് പൊതി മടക്കി ടേബിളിൽ വെച്ചു..... ശിവൻ അവിടെ തന്നെ നിൽക്കുകയാണ്... എന്താ മോനെ എന്തെങ്കിലും പറയാനുണ്ടോ? അവന്റെ നിൽപ്പ് കണ്ട് രാധമ്മ ചോദിച്ചു??? വേദന കുറവുണ്ടോ..... ഗൗരവത്തോടെ അവൻ ചോദിച്ചതും വന്ന സന്തോഷത്തെ അടക്കിപ്പിടിച്ച് രാധമ്മ ഉണ്ടെന്ന് തലയാട്ടി..... കുറവുണ്ടെന്ന് കരുതി തുള്ളി ചാടി നടക്കാൻ നിൽക്കണ്ട. ഇനിയും വേദന ഉണ്ടാക്കി എന്റെ പോക്കറ്റിലെ പൈസ കളയിക്കരുത് കേട്ടല്ലോ........ കേട്ടെന്ന് തലയാട്ടി.... എന്ത്‌ പറഞ്ഞാലും ഒരു തല കുലുക്കം..അതും പറഞ്ഞ് മുണ്ടും മടക്കി അവൻ വെളിയിലേക്ക് പോയ്‌.. അത് കണ്ടപ്പോൾ സത്യത്തിൽ രാധമ്മ ചിരിച്ചു പോയ്‌. അവന്റെ അച്ഛന്റ്റെ അതേ ദേഷ്യം... പക്ഷെ പാവ...കൃഷ്ണ നാരായണൻ. അവന്റെ അച്ഛൻ.... എന്റെ അനിയൻ( ഭർത്താവിന്റ അനിയൻ )അവരുടെ കണ്ണുകൾ നിറഞ്ഞു.... ******* അമ്മച്ചി...... അമ്മച്ചിയെ........ വെളിയിൽ നിന്നുമുള്ള വിളികേട്ടാണ് ജോയ് അകത്ത് നിന്ന് ഇറങ്ങിയത്.....

മുന്നിൽ നിൽക്കുന്ന ഭാമയേ കണ്ടതും അവൻ ഒന്ന് ഞെട്ടി... ഷർട്ട് ഇട്ടിട്ടില്ല........ ഇച്ചിരി ജാള്യത അവന് തോന്നി. പക്ഷെ അവൾക്ക് വല്യ ഭാവ വത്യാസം ഒന്നുമില്ലായിരുന്നു.... ആരിത് ഭാമ കൊച്ചോ എന്നതാ പതിവില്ലാതെ.....അവൻ സംശയത്തോടെ ചോദിച്ചു..... അമ്മച്ചിയില്ലേ ജോയ്...... എന്നോട് മുട്ട ഉണ്ടോന്ന് ഇന്നാളിൽ കണ്ടപ്പോൾ ചോദിച്ചായിരുന്നു..... അതും കൊണ്ട് വന്നതാ......സാരി തലപ്പ് കൊണ്ട് വിയർപ്പൊപ്പി അവൾ പറഞ്ഞു.. അമ്മച്ചി അടുക്കളയിലാ വെള്ളം വേണോ കൊച്ചേ ആകെ വിയർത്തല്ലോ. ഓ ഇതൊക്കെ പതിവാ ജോയ്... വെള്ളമൊന്നും വേണ്ട.... ഇത് അങ്ങോട്ട് മേടിച്ചോ ഇനി അമ്മച്ചിയേ വിളിക്കാനൊന്നും നിൽക്കണ്ട.അവന് നേരെ അത് നീട്ടിയതും ജോയ് അത് മേടിച്ചു.... ഇത് കുറേ ഉണ്ടല്ലോ കൊച്ചേ...... ഈ അമ്മച്ചിക്ക് വേറെ പണിയില്ല... ആര് കഴിക്കാനാ ഇത്രയും.... അത് ഒന്ന് ഉയർത്തി ജോയ് ചോദിച്ചു.... ശരിയാ ജോയ് ഞാനും അത് ചിന്തിച്ചു. അമ്പത് മുട്ടയുണ്ട്....എന്തിനാ അമ്മച്ചിക്ക് ഇത്രയുമെന്ന്. പിന്നേ എനിക്ക് മനസ്സിലായി എനിക്ക് വേണ്ടി തന്നെയാണെന്ന്..... ഒരു ചിരിയോടെ അവൾ പറഞ്ഞതും അവനും ചിരിച്ചു..... ശരിയാണ്....... അല്ല പൊന്നു മോള് എവിടെ ഭാമകൊച്ചേ... കണ്ടില്ലല്ലോ..... അവൾ ട്യൂഷൻ പോയ്‌... ഞാൻ ചെല്ലട്ടെ. . പശു വിന് കാടി കലക്കി വെച്ചിട്ടുണ്ട് അത് കൊടുക്കണം..... അതും പറഞ്ഞ് അവൾ വേഗം പോയ്‌.... ജോയ് അവൾ പോകുന്നതും നോക്കി നിന്നുo. പണ്ട് എങനെ നടന്ന പെണ്ണാ.....

ഇപ്പോൾ... ഒന്ന് കെട്ടി പെറ്റ കൊച്ചാടാ കഴുവറടാമോനെ അതിനെ ഇങ്ങനെ ഊറ്റി കുടിക്കാതെ വാതിൽ പടിയിൽ നിന്നുകൊണ്ട് അമ്മച്ചി പറഞ്ഞതും അവൻ തിരിഞ്ഞ് നോക്കി ഒരു വളിച്ച ചിരി നൽകി..... അമ്മച്ചി എന്നതാ പറയുന്നേ.. ഞാൻ വെറുതെ നോക്കിയെന്നെ ഉള്ളു.... അതിന് ഞാൻ ഒന്നും പറഞ്ഞില്ലല്ലോടാ കൊച്ചനെ... നീ വെറുതെ ആണെങ്കിലും അല്ലെങ്കിലും ഈ അമ്മച്ചിക്ക് ഒരു പ്രശ്നം ഇല്ലെന്നേ... ഒന്ന് കണ്ണിറുക്കി കാണിച്ചിട്ട് അമ്മച്ചി അടുക്കളയിലേക്ക് പോയ്‌.... ഈ കിളവി ഇനി എന്താണോ മനസ്സിൽ കരുതിയേക്കുന്നത് കർത്താവേ.... നെഞ്ചിൽ കൈ വെച്ചുകൊണ്ട് ജോയ് പറഞ്ഞു...... ********* . ഒന്ന് പതുക്കെ കഴിക്കെന്റെ ഭദ്രമോളെ.തലമണ്ടയിൽ കേറും... രാധമ്മ ചിരിയോടെ പറഞ്ഞു.. ഭദ്ര ഒന്ന് കണ്ണ് കൂർപ്പിച്ച് നോക്കിയിട്ട് അവൾ വീണ്ടും ശിവൻ കൊണ്ടുവന്ന മിട്ടായി വായിലാക്കി... എനിക്ക് ഈ തേൻ മിട്ടായി എന്തിഷ്ട്ടം ആണെന്നോ രാധമ്മേ.... ഹയ്യ് ഇങ്ങനെ ഒറ്റ വായിലാക്കി തിന്നാൻ എന്ത്‌ രുചിയ... അതും ഇങ്ങനെ ഷുഗർ ഉള്ള ആളുടെ മുന്നിൽ ഇങ്ങനെ ഇരുന്ന് കഴിക്കാൻ..... ഏഹ്....... അമ്പടി നീ ആള് കൊള്ളാലോ.... ശിവൻ മേടിച്ചതാ.. എനിക്ക് ഷുഗർ ആണെന്ന് അവന് അറിയില്ലല്ലോ അതാ.... ഹും..... രാധമ്മയ്ക്ക് ശിവനെ ഇഷ്ട്ടാണല്ലേ....... ഇഷ്ടമെന്നോ... എന്റെ ജീവനാ..... എന്നിട്ട് ഇത്രയും നാൾ എവിടെ ആയിരുന്നു ആ ജീവനെ കാണാതെ ഏഹ്??? പിരുകം പൊക്കി ഭദ്ര ചോദിച്ചപ്പോൾ രാധമ്മയുടെ മുഖം താഴ്ന്നു..... കണ്ണീർ ഉരുണ്ടുകൂടാൻ തുടങ്ങി..... ദാ തുടങ്ങി.....

എന്റെ രാധമ്മേ ഞാൻ വെറുതെ പറഞ്ഞതല്ലേ.... രാധമ്മയോട് ഞാൻ ഒന്നും ചോദിക്കില്ല. പോരെ... അത് കേട്ടതും തല ഉയർത്തി അവളെ നോക്കി ശരിയെന്ന് തലയാട്ടി... ഭദ്രയ്ക്ക് അതുകണ്ടപ്പോൾ ചിരി പൊട്ടി... ഇത്രയും സാധു സ്ത്രീ......... ഇങ്ങനെ ഇരുന്നാൽ മതിയോ ഈ നെറ്റിയിലെ മുറിവിന്റെ മരുന്ന് തേക്കണ്ടേ... ഏഹ്....??? അഹ് അത് പറഞ്ഞപ്പോഴാ.. ആ അലമാരിയിൽ വേദന മാറാൻ വേണ്ടിയുള്ള ഗുളികയുടെ ചീട്ടുണ്ട്... അത് ശിവന്റെ കൈയിൽ ഒന്ന് പോയ്‌ കൊടുക്ക് മോളെ... അല്ലെങ്കിൽ അവൻ ഇപ്പോൾ പോകും അവൾ ഒന്നാലോചിച്ചു. രാവിലെ അവന്റെ ദേഷ്യവും കവിളിൽ കുത്തി പിടിച്ചതും അവന്റെ അടുത്ത് പോകാൻ മനസ്സനുവദിച്ചില്ല.... മോളെ.......... അവൾ ആലോചനയിൽ നിന്നുo ഞെട്ടി ഉണർന്നു ഞാൻ കൊടുക്കാം രാധമ്മേ. വേറൊന്നും ചിന്തിക്കാതെ അവൾ പറഞ്ഞു.. ********* അവിടെ മുഴുവൻ നോക്കിയിട്ടും അവനെ കണ്ടില്ല.... വെളിയിൽ ഇറങ്ങി നോക്കിയപ്പോൾ ജിപ്സി ഉണ്ട്. സാധാരണ അതിലാണ് സഞ്ചാരം...... ഇയാളിത് എവിടെ പോയ്‌..... ഇനി മുറിയിൽ കാണുവോ... അകത്ത് കേറി മുകളിലേക്ക് നോക്കി... പോണോ..... താഴെ വരുമ്പോൾ കൊടുത്താൽ പോരെ.... അതുവരെ കത്തിരിക്കാൻ എനിക്ക് വയ്യാ.... എന്നും പറഞ്ഞ് പടികൾ കേറി.... റൂമിന്റെ മുന്നിൽ എത്തി..... ഡോറിൽ തട്ടി... ഒരനക്കവും ഇല്ല... മെല്ലേ തുറന്ന് അകത്ത് കേറി.. വല്യ മുറി......മേശയുടെ മുകളിൽ കുറേ ബുക്കുകൾ.... ചുവരിൽ ശിവന്റെ ഫോട്ടോകൾ അലമാര ഫ്ലവർ വെസ്.... എല്ലാം കൊണ്ടും അടിപൊളി......

ചുറ്റും കണ്ണുകൾ പായിച്ചപ്പോഴാണ് തന്നേ നോക്കി നിൽക്കുന്ന ശിവനെ ഭദ്ര കണ്ടത് അവന്റെ നിൽപ്പ് കണ്ട് സത്യത്തിൽ അവൾ അന്തിച്ചുപോയ്‌... ബാത്‌റൂമിൽ നിന്നുള്ള വരവക്കം ആണ്.... നനവോടെ..... വിരിഞ്ഞ നഗ്നമായ നെഞ്ച്. കഴുത്തിലൊരു സ്വർണ ചെയ്ൻ.... നനഞ്ഞ മുടിയിഴകൾ... ടൗവൽ കഴുത്തിൽ ചുറ്റിയേക്കുന്നു.... ആദ്യമായിട്ടല്ല ഇങ്ങനെ അവനെ കാണുന്നതെങ്കിലും അവളിൽ ഒരു ചമ്മൽ ഉണ്ടാക്കി... യ്യേ.... എന്താ ഇത്........ മുഖം വെട്ടി തിരിച്ച് അവൾ പറഞ്ഞതും ഒന്ന് ചിരിച്ചു കൊണ്ട് ശിവൻ അവളുടെ അടുത്തേക്ക് വന്നു. അനക്കം ഒന്നുമില്ലാത്തതുകൊണ്ട് അവൾ മുഖം തിരിച്ച് നോക്കിയതും ആ നിമിഷം കൊണ്ട് തന്നെ അവളെ തന്നിലേക്ക് അടുപ്പിച്ച് അവളുടെ ഇടുപ്പിൽ അവന്റെ കൈ കൾ മുറുകി... അവൾ ഒന്ന് ഉയർന്നു. ഹൃദയം ഇപ്പോൾ പൊട്ടും എന്നപോലെ... അവന്റെ ദേഹത്തെ ഈർപ്പം അവളുടെ ദേഹത്തിലേക്ക് വ്യാപിച്ചു..... അവന്റെ ദേഹത്ത് നിന്ന് വമിക്കുന്ന ഗന്ധം അവളുടെ നാസികയിൽ തുളച്ചു കേറി..... എ...എന്ത്‌ തോന്നിവാസമാ കാണിക്കുന്നത്... വിട്..... വിടാൻ.... അവനിൽ നിന്നുo കുതറി മാറാൻ നോക്കി ക്കൊണ്ട് ഭദ്ര അലറി. എന്നാൽ അവൻ അങ്ങനെ തന്നെ അവളെ പിടിച്ചു.... നീ രാവിലെ എന്തോ പറഞ്ഞല്ലോ കള്ള് മാത്രമല്ല പെണ്ണ്... ബാക്കി എന്തൊക്കെയോ ഏഹ്...???? എന്താ ഞാൻ പെണ്ണുപിടിയൻ അല്ലേടി.... അല്ലേയെന്ന്...... അവളുടെ അടുത്തേക്ക് മുഖം അടുപ്പിച്ച് കൊണ്ട് അവൻ പറഞ്ഞതും. അവളുടെ നോട്ടം അടുത്തിരിക്കുന്ന ഫ്ലവർ വേസിലായി....... പക്ഷെ അവന്റെ നോട്ടം അവളിൽ തന്നെയായിരുന്നു... തന്റെ പെണ്ണിൽ... തന്റെ ആത്മാവിൽ അലിഞ്ഞു ചേർന്നവളിൽ...........................................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...