💙ഗൗരിപാർവതി 💙: ഭാഗം 35

രചന: അപ്പു അച്ചു

അവളുടെ മുടിയിലൂടെ തഴുകി പോയ കുളിരുള്ള മന്ദമാരുതനും പൂനിലാവ് പൊഴിച്ചു നിൽക്കുന്ന ചന്ദ്രബിംബവും.., അവളുടെ നാസികയിലേക്ക് ഇരച്ചു കേറിയ ഇലഞ്ഞിയുടെയും ചെമ്പകത്തിന്റെയും പാരിജാതത്തിന്റെയും സുഗന്ധവും അവളെ പലതും ഓർമ്മിപ്പിക്കാൻ ശ്രമിച്ചു. പക്ഷേ അതവൾ അറിഞ്ഞില്ല...................... സമയം നാലുമണി ആയതേ ഉള്ളൂ. നിശബ്ദതയെ ബേദിച്ച് ദുരെന്ന് കുയിൽ നാദം മുഴങ്ങി. ശിവ ക്ഷേത്രത്തിൽ നിന്നു സ്തുതികൾ കേൾക്കാൻ തുടങ്ങി. പാരിജാതം പൂക്കൾ പൊഴിഞ്ഞുകൊണ്ടിരുന്നു. തന്റെ മനസിലെ സംഘർഷത്തെ നിയന്ത്രിക്കാൻ കഴിയാതെ ഗൗരി മഹിയെ വിളിക്കാൻ ഫോൺ എടുക്കാൻ തിരിഞ്ഞു. 🕉️🕉 സൗരാശ്രീ സോമനാഥം ച്ചാ.. ശ്രീശൈലേ മല്ലികാർജുനം ഉജ്ജയിൻയാം മഹാകാലം ഓംകാരം അമലേശ്വരം ഓം നമശിവായ ഓം നമശിവായ പരല്യം വൈദ്യനാഥം ച്ചാ.. 🕉️🕉️🕉️ ഗൗരിയുടെ ഫോണിൽ ആ പേര് തെളിഞ്ഞു "ദേവേട്ടൻ ". അവൾ വേഗം ഫോൺ എടുത്തു. രണ്ടുപേർക്കും ഒന്നും പറയാൻ കഴിഞ്ഞില്ല. കുറച്ചു നേരത്തെ മൗനത്തിന് ശേഷം അവർ പറയാൻ തുടങ്ങി. " പാറു.... " മഹിയുടെ ശബ്‌ദം അവളുടെ കാതിൽ പതിച്ചു.

" മ്മ്... ". ഗൗരി മൂളുക മാത്രം ചെയ്‌തു.. മഹിയുടെ ശബ്‌ദം തന്റെ ഉള്ളിലെ ഭയത്തെ ഇല്ലാതെയാക്കുന്നത് അവൾ അറിഞ്ഞു. "നീ എന്താ ഈ നേരത്ത് എഴുന്നേറ്റോ " മഹി. " ഞാൻ ഒരു സ്വപ്നം കണ്ട് എഴുനേറ്റതാ ദേവേട്ടാ.. " ഗൗരി. " എന്ത് സ്വപ്നം... " മഹി. " അത്.... " ഗൗരിക്ക് താൻകണ്ട സ്വപ്നം പറയാൻ തോന്നിയില്ല. അത് ഓർക്കുമ്പോൾ തന്നെ മഹിക്ക് എന്തെങ്കിലും പറ്റുമോ എന്ന പേടി അവളെ മൂടി. " എന്താ.. പാറുട്ടി പറയടി " മഹി. ". അത് എന്തോ ഓർക്കുന്നില്ല... അല്ല ദേവേട്ടൻ എന്താ ഇപ്പോ വിളിച്ചേ... ". ഗൗരി. " ചുമ്മാ.. " മഹിക്കും പറയാൻ തോന്നിയില്ല. " ഈ സമയത്തോ " ഗൗരി. " എന്താ ഇഷ്ടമായില്ലേ.. " മഹി "ചുമ്മ ചോദിച്ചതാണേ... " ഗൗരി കളിയായി പറഞ്ഞു. "അന്നാ ശെരിയടാ... രാവിലെ വിളിക്കാം " മഹി. " ദേവേട്ടാ.... " ഗൗരി ഒരു ഈണത്തിൽ വിളിച്ചു. മഹിയുമായി സംസാരിച്ചപ്പോൾ അവളുടെ മനസിലെ പേടി പാടെ ഇല്ലാതെയായി. " എന്താ പാറുട്ടി " മഹിയും ഗൗരി വിളിച്ചപോലെ ചോദിച്ചു. " എനിക്ക് ദേവേട്ടനെ കാണാൻ തോന്നുവാ... " ഗൗരി ചിണുങ്ങി.

" വീഡിയോ കാൾ വിളിക്കാം ". മഹി. "വേണ്ടാ എനിക്ക് നേരിട്ട് കാണണം. " ഗൗരി. "അതിന് നീ നിന്റെ നാട്ടിലല്ലേ... പാറു. ഞാൻ എങ്ങനാ വരുക. " മഹി. മഹിക്ക് ഗൗരി ഈശ്വരമഠത്തെ ആണെന്ന് അറിയാം. ഗൗരിക്ക് മഹി വന്നത് ഇവിടെയാണെന്ന് അറിയില്ല. " മ്മ് ... " ഗൗരി വിഷമത്തോടെ മൂളി. "പോയ്‌ കിടന്നോടാ... "മഹി. മഹി ഫോൺ വെച്ചു. ബെഡിലേക്ക് കിടന്നു. ഗൗരി താഴേക്ക് ഇറങ്ങി ചെന്നു. സ്ത്രീ ജെനങ്ങൾ എല്ലാവരും എഴുനേറ്റു വരുന്നതേ ഉള്ളൂ. ദേവകിയാണ് ആദ്യം എഴുനേൽക്കുന്നത്. " എന്താ കുട്ട്യേ.. നീ ഈ നേരത്ത് എഴുനേറ്റേ... " വിളക്ക് കത്തിച്ചു പൂജാമുറിയിൽ നിന്നു ഇറങ്ങിയ ദേവകി ഗൗരിയോട് ചോദിച്ചു. " മുത്തശ്ശി ഈ പുലർച്ചെ കാണുന്ന സ്വപ്നം ഫലിക്കുവോ... " ഗൗരി. " അതെന്താ മോളേ നീ സ്വപ്നം വെല്ലതും കണ്ടുവോ " ദേവകി. " മുത്തശ്ശി ഞാൻ ഒരു സ്വപ്നം കണ്ടു.... ചോരയിൽ കുളിച്ചു കിടക്കുന്ന ഒരാളെ.... എന്താ മുത്തശ്ശി ഞാൻ അങ്ങനെ കണ്ടേ " മഹിയുടെ പേര് ഗൗരി പറഞ്ഞില്ല. ഗൗരി പറയുന്നത് കേട്ട ദേവകിയുടെ മുഖം വിളറി. നേര്യതിന്റെ തുമ്പ്കൊണ്ട് മുഖം തുടച്ചു. " ക്ഷേത്രത്തിൽ കോടികേറുന്ന ദിവസമാ ഇന്ന്. കുട്ടി ചെന്ന് തലയിൽ തേക്കാൻ എണ്ണ എടുത്തുകൊണ്ടു വാ മുത്തശ്ശി തേച്ചുതരാം.

മുടിയിൽ ഒരു ശ്രദ്ധയുമില്ല കുട്ടിക്ക്... ചെല്ല് " ദേവകി അവളുടെ ശ്രദ്ധ തിരിക്കാനായി തലമുടിയിൽ തഴുകി പറഞ്ഞു. ഗൗരി ദേവകിയെ ഒന്ന് നോക്കിയിട്ട് എണ്ണ എടുക്കാൻ പോയി. " ന്റെ ഈശ്വരന്മാരെ.. ന്റെ കുട്ടിക്ക് ഒരാപത്തും വരുത്തരുതെ.. കാത്തോളണേ " ദേവകി നെഞ്ചിൽ കൈവെച്ചു പൂജമുറിയിലേക്ക് നോക്കി പ്രാർത്ഥിച്ചു. ഗൗരിയും ദേവകിയും കുളത്തിലേക്ക് നടന്നു. ദേവകി പടിയിൽ ഇരുന്നു. ഗൗരി അതിന്റെ താഴയും. ദേവകി അവളുടെ തലയിൽ കറ്റാർവാഴയും തുളസിയും ചെമ്പരത്തിയും ബ്രമ്മിയും കൂവളവും രാമച്ചവും അങ്ങനെ പലതരം ഔഷത ചെടികൾ ഇട്ട് കാച്ചിയ എണ്ണ അവളുടെ അരക്ക് താഴോട്ട് നീണ്ടു കിടക്കുന്ന മുടിയിൽ തേച്ചു. ദേഹത്ത് കസ്തൂരിമഞ്ഞൾ അരച്ചതും തേച്ച് ഗൗരി കുളത്തിലേക്ക് ഇറങ്ങി മുങ്ങി പൊങ്ങി. കിഴക്കേ ചക്രവാളത്തിൽ സൂര്യൻ ഉദിച്ചു വരുന്നതേ ഉള്ളൂ. വെള്ളത്തിന്റെ തണുപ്പ് അവളുടെ ശരീരത്തിലേക്കും മനസ്സിലേക്കും വ്യാപിച്ചു. അവൾ കൈകൊണ്ട് വെള്ളത്തെ അനക്കികൊണ്ടിരുന്നു.

" മതി കുട്ടി വെള്ളത്തിൽ കിടന്നത് ഇങ് കേറി വാ... " മുത്തശ്ശി തോർത്തുമായി പടവിൽ ഇരുന്നു വിളിച്ചു. " ദാ വരണു "ഗൗരി കുളത്തിൽ നിന്ന് കേറി. ദേവകി അവളുടെ തല തോർത്തി കൊടുത്തു. കുളപ്പുരയിൽ കേറി നനഞ്ഞത് മാറി ദാവണി ഉടുത്തു. മുത്തശ്ശിയുമായി ഗൗരി തിരികെ വീട്ടിലേക്ക് നടന്നു. കാക്ക മരത്തിൽ ഇരുന്നു വിരുന്ന് വിളിക്കുന്നുണ്ട്. എന്നത്തേയും പോലെ മാവിൻ കൊമ്പിലിരുന്നു കുയിൽ പാടുന്നുണ്ട്. " കുട്ടി പുതിയ ദാവണി ഉടുത്ത് വേഗം വാ.. കേട്ടോ മുത്തശ്ശി അങ്ങോട്ട് ചെല്ലട്ടെ എല്ലാരും ഒരുങ്ങികാണും. " ദേവകി മുറിയിലേക്ക് കേറി പോയി. ഇന്ന് ഈശ്വരപുത്തെ ശിവക്ഷേത്രത്തിൽ ഉത്സവം കൊടികേറുവാണ്. കാർത്തി കാത്തുന് പിറകേയും കാളി കീർത്തിക്ക് പിറകേയും മീൻ ചട്ടിക്ക് ചുറ്റും കറങ്ങുന്ന പൂച്ചകളെ പോലെ കറങ്ങികൊണ്ടിരുന്നു. കീർത്തിക്ക് ഇത് മനസിലായെങ്കിലും അവൾ അറിഞ്ഞതായി ഭാവിച്ചില്ല. കാത്തു ഇതൊന്നും ശ്രദ്ധിക്കുന്നില്ല.. അലൻ ഗായുനും അനുനും ഒപ്പം ഓരോന്ന് പറയുവാണ്.

ആണുങ്ങൾ എല്ലാം ഒരുമിച്ചും പെണ്ണുങ്ങൾ എല്ലാം ഒരുമിച്ചും നിന്നു. " എന്റെ മക്കളായതുകൊണ്ട് പറയുവല്ല... ഒരു മയത്തിലൊക്കെ.. ഇങ്ങനെ ആ പിള്ളാരുടെ ചോര ഊറ്റാതെ " അതുവഴി വന്ന അനന്തൻ ( കാർത്തി ആൻഡ് കാളി അച്ഛൻ ) കാളിയെയും കാർത്തിയെയും നോക്കി പറഞ്ഞു. രണ്ടുപേരും നല്ലോണം ഇളിച്ചു കാണിച്ചു. " മനുഷ്യനെ നാണം കെടുത്തരുത്... എന്റെ പോന്നു മക്കൾ അവിടെ ഒതുങ്ങി നിന്നോണം " ശ്രീവിദ്യ. ( കാർത്തി ആൻഡ് കാളി അമ്മ ) " ട വരുൺ ഇവൻ മാരുടെ മേലേ ഒരു കണ്ണ് വേണം " അനന്തൻ. " എനിക്ക് അതിൽ ഒരു ഉറപ്പുമില്ല മാമേ... " വരുൺ. അനന്തൻ ചിരിച്ചുകൊണ്ട് അവിടുന്ന് പോയി. "ഡാ... " കാർത്തിയും കാളിയും അവന്റെ വയറ്റിൽ ഇടിച്ചു. " ആഹ്...ഡാ തെണ്ടികളെ.. എന്തൊരു ഇടിയാ ഇടിച്ചെ.. ഞാൻ പരലോകം കണ്ടു.. ഞാൻ അങ്ങ് പോയാൽ എന്റെ രാധുന് ആരാ ഉള്ളെ.. ". വയറും തിരുമി വരുൺ വിളിച്ചു പറഞ്ഞു. "രാധുവാ.... ആരാടാ വക്കിലെ നിന്റെ രാധു" കാളി. "ഒന്ന് പോടാ.. " വരുൺ അവിടുന്ന് എസ്‌കേപ്പായി... " നിന്നെ ഞങ്ങൾടെ കൈയിൽ കിട്ടും വക്കിലെ ".കാർത്തി അവൻ പോകുന്നതും നോക്കി വിളിച്ചു കൂവി.. എല്ലാവരും ക്ഷേത്രത്തിലേക്ക് നടന്നു.

നടന്നു പോകാൻ ഉള്ള ദൂരമേ കൊട്ടാരത്തിൽ നിന്ന് ക്ഷേത്രത്തിലേക്ക് ഉള്ളൂ. 💜💙💜💙💜💙💜💙💜💙💜💙💜💙💜💙💜💙💜💙💜💙💜💙💜💙 " മോളേ ഇത് ഇട്ടോളൂ.. കുട്ടി ഇത് ഇടാറില്ല്യേ.... " പത്മിനി മാളൂന് അമ്പലത്തിൽ പോകാൻ ഒരു ധാവണിയും ആഭരണവും കൊടുത്തു. "ആ മുത്തശ്ശി... ഞാൻ ഇത് ഇട്ടോളാം. എനിക്ക് ഈ ആഭരങ്ങൾ ഒന്നും വേണ്ടാ മുത്തശ്ശി ഞാൻ ഇടാറില്ല.... " മാളു സൗമ്യമായി പറഞ്ഞു. "അത് പറഞ്ഞ ശെരിയാവില്ല... ഇത് ഇട്ടോണ്ട് വേണം മോള് താഴേക്ക് വരാൻ... " അവളുടെ കവിളിൽ തഴുകികൊണ്ട് പത്മിനി താഴേക്ക് പോയി. " Oo my god ഞാൻ ദാവണി ഈ ജന്മത്ത് ഇട്ടിട്ടില്ല.... " മാളു തലയിൽ കൈവെച്ച് പത്മിനി പോകുന്നതും നോക്കി ഇരുന്നു. " ഹാം... നോക്കാം" അവൾ മുറിയിലേക്ക് കേറി കതകടച്ചു. 🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁 മഹി ഡാർക്ക്‌ ഗ്രീൻ കളർ ഷർട്ടും അതേ നിറത്തിലെ കസവുള്ള മുണ്ടും ഉടുത്തു. കൈയിലെ സിൽവർ കളർ ഇടിവള ഒന്നുംകൂടി കൈയിലേക്ക് കേറ്റിയിട്ട്. ചൂണ്ടി ഒരു പുഞ്ചിരിയുമായി കണ്ണാടി നോക്കി മീശ പിരിച്ചു വെച്ചു. മുടി രണ്ടുകൈകൊണ്ടും സെറ്റ് ചെയ്ത് അവൻ ബാല്കണിയിലേക്ക് ഇറങ്ങി.

ഫോണിൽ ഗൗരിയുടെ പിക് നോക്കി അവൻ പറഞ്ഞു. " നീ എന്താ ഗൗരി എന്നെ കുറിച്ച് വിചാരിച്ചേ.. ഞാൻ കോളേജിൽ വന്ന ദിവസം തന്നെ നിന്റെ ഡീറ്റെയിൽസ് പൊക്കിയതാ... ഇന്ന് നീ അമ്പലത്തിൽ വരുമെന്ന് അറിയാം.. അപ്പോ അവിടെ വെച്ച് കാണാട്ടോ മൈ സ്വീറ്റ് പാറുട്ടി... " അവൻ ചിരിച്ചു. എന്തിനോ കാവിലെ പാലമരം കാറ്റിൽ ആടുന്നുണ്ടായിരുന്നു. അതിന്റെ വേരുകൾ മണ്ണിൽ മുറുകുന്ന ശബ്‌ദം കേട്ട് അതിൽ തൂങ്ങി കിടന്ന വവ്വാലുകൾ പറന്ന് മറ്റൊരു മരത്തിൽ ചേക്കേറി..... 🌿 🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿🍁🌿 " What is നൊറി man... !! " മാളു ദാവണിയുടെ പാവാടയും ബ്ലൗസുമിട്ട് ഷാൾ ഇട്ട് വട്ടം കറങ്ങുവാണ്. കൊറേ വട്ടം പണിഞ്ഞിട്ട് ശെരിയാകാതെ അവൾ ഷാൾ ചുരുതാറിന് ഇടുന്ന പോലെ കഴുത്തിൽ ചുറ്റി ഇട്ടു. " ഒരു കൂളിംഗ് ഗ്ലാസും കൂടി വേണമായിരുന്നു. ആ സാരമില്ല ഏട്ടനോട് ചോദിക്കാം.. " മാളു സ്വയം കണ്ണാടി നോക്കി പറഞ്ഞു. അപ്പോഴാണ് ഭൂമിയും രാധുവും അവളെ വിളിക്കാൻ വന്നത്. മുടി മുനിയമ്മ സ്റ്റൈലിൽ കേട്ടി. ഷാള് കഴുത്തിൽ ചുറ്റി കണ്ണാടിക്ക് മുമ്പിൽ നിൽക്കുന്ന മാളൂനെ കണ്ട് അറിയാതെ അവർക്ക് ചിരിപൊട്ടി.. 😁😁😁😁.

"എന്താ മാളു നീ ഇങ്ങനെ നിൽകുന്നെ " ചിരിക്കിടയിൽ ഭൂമി ചോദിച്ചു. " New fashion എങ്ങനെ ഉണ്ട് ". മാളു. ചമ്മി നിൽകുവാണേലും സമ്മതിച്ചു കൊടുക്കില്ല... " അയ്യോ ട്രെൻഡ് കാരൊന്നും കണ്ടില്ലാന്നു തോന്നുന്നു "ഭൂമി. മാളു അവർ പറഞ്ഞത് കേട്ട് മുഖം വീർപ്പിച്ചു. " ഇത് ഉടുക്കാൻ അറിയില്ലേ.., ". രാധിക. " മ്മ്ഹ്.. " മാളു നിഷ്കളങ്കമായി ഇല്ലാന്ന് തലയാട്ടി. വയലറ്റും യെല്ലോയും കലർന്ന ധാവണിയായിരുന്നു അത്. "താ.. ഞങ്ങൾ ഉടിപ്പിക്കാം " രാധുവും ഭൂമിയും അവളെ അത് ഉടുപ്പിച്ചു. മുടി അഴിച്ച് രണ്ടുസൈഡിൽ നിന്നും എടുത്ത് കെട്ടി. മുഖത്തെ ഒരു പൊട്ടു തൊട്ടു. "ഇപ്പൊ കാണാൻ ഒരു ചേലുണ്ട് " ഭൂമി അവളുടെ കവിളിൽ നുള്ളി. "ആണോ ചേച്ചി... " മാളു രണ്ടുകൈയും കവിളിൽ വെച്ച് കണ്ണാടിയിലേക്ക് നോക്കി. " അതേലോ.... വാ.. ഞങ്ങൾ നിന്നെ വിളിക്കാൻ വന്നതാ.. " രാധു അവളുടെ കൈയിൽ പിടിച്ച് നടന്നു. പുറകേ ഭൂമിയും. പോകുന്ന വഴിയിൽ മഹിയുടെ റൂമിലേക്ക് അവൾ നോക്കി.

മഹി ബാൽക്കണിയിൽ നിൽക്കുന്നത് കണ്ട് അവൾ അവനെ നോക്കി നിന്നു. " നീ എന്തെടുക്കാ ഭൂമീ.... വാ.. " ഭൂമി നിൽക്കുന്നത് കണ്ട് രാധു വിളിച്ചു പറഞ്ഞു. ഭൂമി പതിയെ തലയിൽ കൊട്ടി ചിരിച്ചുകൊണ്ട് അവരോടൊപ്പം പോയി. മഹി ഇതൊന്നുമറിയാതെ ഗൗരിയുടെ പിക്കിൽ നോക്കി നിന്നു. താഴെ സച്ചുവിനെയും സാന്ദ്രയെയും കണ്ടതോടെ മാളു അവരോടൊപ്പം കൂടി. മാളൂനെ കണ്ട അർജുൻ സൂപ്പർ എന്ന് കൈകൊണ്ട് കാണിച്ചു. ഭൂമിയുടെ കണ്ണുകൾ മഹിയുടെ ചുറ്റുമായിരുന്നു. എല്ലാവരും അമ്പലത്തിലേക്ക് നടന്നു. 💙💙💙💙💙💙💙💙💙💙💙💙💙💙💙💙💙💙💙💙💙💙💙💙💙 അമ്പലത്തിലേക്ക് ചെന്നു കേറിയ മഹി കണ്ടത് പച്ച കലർന്ന കസവ് ദാവണി ഉടുത്തു കൽവിളക്ക് കത്തിക്കുന്ന ഗൗരിയെയാണ്. വിളക്കിലെ ദീപം അവളുടെ വൈര്യകല്ല് മൂക്കുത്തിയിൽ തട്ടി പ്രകാശിക്കുന്നുണ്ട്. വാലിട്ടെഴുതിയ കണ്ണുകളും ഇടക്ക് മുഖത്തേക്ക് വീഴുന്ന കുഞ്ഞു മുടികളും മഹി അവളെ നോക്കി നിന്നു. അവളിൽ നിന്നു കണ്ണുകളെ മാറ്റുവാൻ അവന് കഴിഞ്ഞില്ല. ഗൗരി അരലിന്റെ അടുത്തേക്ക് നടന്നു. "" മൂലതോ ബ്രഹ്മ രൂപായ മദ്ധ്യതഃ വൈഷ്ണുരൂപിണേ അഗ്രതഃ ശിവരൂപായ വൃക്ഷരാജായ തേ നമഃ ""

വൃക്ഷമൂലത്തിൽ ബ്രഹ്മാവും മധ്യത്തിൽ വിഷ്ണുവും അഗ്രത്തിൽ ശിവനും എന്നാണ് സങ്കൽപ്പം. """"അശ്വത്ഥ ഹുതഭുക്വസൊ ഗോവിന്ദസ്യ സദാശ്രയ അശേഷം ഹരമേശോകം വൃക്ഷരാജ നമോസ്തുതേ""". എന്ന മന്ത്രവും ചൊല്ലി ഗൗരി ഏഴുതവണ അരയലിനെ വലം വെച്ചു. ആലിലകളെ വകഞ്ഞുമാറ്റി മഹി ഗൗരി അറിയാതെ അവളെ പിന്തുടർന്നു. ഗൗരിയുടെ ഹൃദയമിടിപ്പ് ഉയർന്നു. അവൾ ചുറ്റും ആർക്കോ വേണ്ടി പരതി . മഹി ഒരു പുഞ്ചിരിയോടെ ആലിന്റെ പുറകിലേക്ക് നീങ്ങി. ആരും അടുത്തില്ലന്ന് കണ്ട മഹി നാഗദേവങ്ങളുടെ അടുത്ത് കണ്ണടച്ചു തൊഴുതു നിന്ന ഗൗരിയുടെ കൈപിടിച്ച് കുളത്തിന്റെ അടുത്തേക്ക് നടന്നു. കുറച്ചു നിമിഷം ഗൗരിക്ക് ഒന്നും മനസിലായില്ല. പെട്ടന്ന് മഹിയെ കണ്ട ഗൗരിക്ക് വിശ്വസിക്കാൻ ആയില്ല. അവൾ അത്ഭുതത്തോടെ അവനെ നോക്കി. " എന്താ എന്റെ പാറുകുട്ടി ഇങ്ങനെ നോക്കണേ " തന്നെ കണ്ണിമച്ചിമ്മാതെ നോക്കി നിൽക്കുന്ന ഗൗരിയുടെ കവിളിൽ തട്ടി ഒരു കുസൃതി ചിരിയോടെ ചോദിച്ചു.

" ഹേ.... " പെട്ടന്ന് കണ്ട സന്തോഷത്തോടെ ഗൗരി അവനെ പരിസരം മറന്നു കെട്ടിപിടിച്ച് അവന്റെ നെഞ്ചിൽ തലവെച്ചു. അവൻ ചിരിയോടെ അവളുടെ തലയിൽ തഴുകി. പെട്ടന്ന് ഓർമ്മ വന്നപോലെ അവൾ അവനിൽ നിന്ന് അകന്നു. " എന്നെ പറ്റിച്ചല്ലേ.... ദുഷ്ട്ടാ... നിങ്ങൾ ദേവൻ അല്ല അസുരനാ.... " പരിഭവത്തോടെ വായിൽ വന്നതെല്ലാം ഗൗരി അവനെ വിളിച്ചു. അവനെ തല്ലാൻ തുടങ്ങി. അവൻ തടയാതെ കൊണ്ടുകൊണ്ടിരുന്നു. " പോ.. പോ... എനിക്ക് കാണേണ്ട.. ഒരു വട്ടം പറഞ്ഞോ എന്നോട് " അവൾ തല്ലുന്നതിന്റെ ഇടയിൽ പറഞ്ഞുകൊണ്ടിരുന്നു. മഹി ഒരു പുഞ്ചിരിയോടെ അവളുടെ കൈപിടിച്ചു വെച്ചു. " ദേഷ്യം മാറിയോ... " മഹി. "ഹ്മ്മ്... " അവൾ മുഖം തിരിച്ചു. " പിണക്കം മാറിയില്ലേ എന്റെ പാറുവമ്മേ.... " മഹി അവളുടെ രണ്ടു തോളിലും കൈവെച്ചു തനിക്ക് നേരെ നിർത്തി പതിയെ പതിയെ അവളുടെ ചുണ്ടിൽ പുഞ്ചിരി വിരിഞ്ഞു. എല്ലാരും അമ്പലത്തിന് അകതായിരുന്നതിനാൽ അവർ കുളത്തിലെ പടവിൽ ഇരുന്നു. ഒന്നും മിണ്ടാതെ മൗനത്തെ കൂട്ടുപിടിച്ച് കൈകൾ കോർത്ത് അവർ എങ്ങോ നോക്കി ഇരുന്നു. ചുണ്ടിൽ പുഞ്ചിരിയുമായി. സൂര്യപ്രകാശത്തിൽ താമരപൂക്കളിൽ ഇരുന്ന വെള്ളത്തുള്ളികൾ വജ്രം പോലെ തിളങ്ങി. ഒപ്പം അവളുടെ വൈര്യകല്ല് മൂക്കുത്തിയും. മഹി അവളെ നോക്കി ഇരുന്നു. "എന്താ ഇങ്ങനെ നോക്കണേ... "

അവന്റെ കണ്ണുകളെ നേരിടാനാകാതെ അവൾ തലകുഞ്ഞിച്ചു. അവൻ അവളെ ചേർത്തു പിടിച്ചു. " ഇനി എന്നോട് പറയാത്ത വെല്ല കാര്യവും ഉണ്ടോ " ഗൗരി കുറുമ്പൊടെ ചോദിച്ചു. " ഉണ്ടല്ലോ..." മഹി. " ഹേ.. ഉണ്ടോ പറ എന്താ കാര്യം " ഗൗരി അവന് നേരെ തിരിഞ്ഞിരുന്നു. മുഖം വീർപ്പിച്ചു അവനെ നോക്കി. " ഇപ്പോ എന്റെ പാറുകുട്ടി അത് അറിയണ്ടാ " മഹി. " പക്ഷേ പറയണം " ഗൗരി കുഞ്ഞുകുട്ടികളെ പറഞ്ഞു. " പറയാടി... " മഹി അവളുടെ തോളിൽ കൂടി കൈയിട്ടു. " ദേവേട്ടൻ എങ്ങനെയാ ഇവിടെ വന്നേ.., മാളു പറഞ്ഞത് അമ്മ വീട്ടിൽ പോകുവാന്ന് അല്ലേ " ഗൗരി സംശയത്തോടെ ചോദിച്ചു. " അമ്മ വീട്ടിൽ ആണല്ലോ വന്നത്.. " മഹി. "ഇവിടെയോ... ഇവിടെ ഏത് വീട്ടിലെയാ " ഗൗരി ആകാംഷയോടെ അവനെ നോക്കി. ""ചെമ്പകശ്ശേരി മന "" മഹി. "മനയിലേയൊ.... " ഗൗരി ചാടി എഴുനേറ്റു. മഹിയും. "എന്താ..., " മഹി ചോദ്യഭാവത്തിൽ അവളെ നോക്കി. " അവിടത്തെ സുഭദ്ര എന്ന അമ്മ ദേവേട്ടന്റെ അമ്മയാണോ " ഗൗരി. " ആഹ് അതേ ".മഹി. " ദേവേട്ടന്റെ അച്ഛന്റെ ഫാൻസാ.. കാളിയനും കാർത്തിയേട്ടനും വിച്ചുവേട്ടനും എന്റെ എല്ലാ എട്ടായി മാരും. " ഗൗരി. " ഫാൻസൊ... എന്തിന് "

മഹിക്ക് ഒന്നും മനസിലായില്ല. " മനയിലെ പെണ്ണ്കൊച്ചിനെ കൊണ്ട് പോയാ ആ മഹാനെ ഒരു വട്ടമെങ്കിലും കാണണമെന്ന് എല്ലാരും പറയും.. അത്ര നിസാരകാര്യമല്ലല്ലോ ചെയ്യ്തത്. ... എന്റെ എട്ടായിമാരുടെ റോൾമോഡലാണ് ദേവേട്ടന്റെ അച്ഛൻ പ്രേത്യേകിച്ച് കാളിയന്. "ഗൗരി. " ആരാ ഈ കാളിയൻ ".മഹി. "അതോ അതാണ് എന്റെ ക്രൈം പാർട്ണർ. കാളിദാസ് ". ഗൗരി. " ദോ.. വിച്ചുവേട്ടൻ ".ഗൗരി അതുവഴി ഫോൺ വിളിച്ചുകൊണ്ട് വിച്ചു വരുന്നത് കണ്ട് ഗൗരി മഹിയെ വലിച്ചു കൊണ്ട് അവിടുന്ന് മാറി. 💜💜💜💜💜💜💜💜💜💜💜💜💜💜💜💜💜💜💜💜💜💜💜💜 "ശെടാ.. ആ കൊച്ചുങ്ങൾ എന്ത്യേ... എവിടെ പോയി... " മാളു ഏണിഞ്ഞു കൈവെച്ച് സച്ചുനേയും സാന്ദ്രയെയും നോക്കി. കുട്ടുകാരെ കണ്ടപ്പോൾ മാളൂന്റെ കൈവിട്ട് അവർ ഓടി. മാളു ചുമ്മാ അതുവഴി നടന്നു. "ആ കുരിപ്പുകൾ എവിടെ പോയി കിടക്കുവാ... " മാളു അതും പറഞ്ഞ് തിരിഞ്ഞപ്പോഴാണ് തിരിഞ്ഞു നിന്ന് ഫോൺ വിളിക്കുന്ന ആളെ കാണുന്നത്. " ഇതുപോലൊരാളെ ഞാൻ എവിടെയോ കണ്ടിട്ടുണ്ടല്ലോ..... ". മാളു താടിയിൽ കൈവെച്ച് മുകളിലേക്ക് നോക്കി ആലോചിച്ചു. ഫോൺ വെച്ച് തിരിഞ്ഞ വിച്ചു കാണുന്നത് തന്നെ സംശയത്തോടെ നോക്കുന്ന മാളൂനെയാണ്. "ഈശ്വരാ ഈ കുരിശ് എന്റെ പുറകേ ഉണ്ടല്ലോ.... എവിടെ പോയാലും എനിക്ക് സമാധാനം തരത്തില്ലേ ഇവള് " വിച്ചു നെഞ്ചിൽ കൈവെച്ചു.

വിച്ചൂന്റെ മുഖം കണ്ട മാളുന് വിശ്വസിക്കാൻ ആയില്ല... അവൾ കണ്ണ് ഒന്ന് തിരുമ്മി. " ഇവൾക്ക് എന്നെ മനസിലായില്ലേ... ഭാഗ്യം. " (ആത്മ വിച്ചു ) " അയ്യോ എന്റെ ഡോക്ടർ.... " മാളു സന്തോഷത്തിൽ പറഞ്ഞു. "വിചേട്ടാ...... " മാളു അവന്റെ അടുത്തേക്ക് ഓടി. " കണ്ടു പിടിച്ചു ഫൗൾ... ഫൗൾ... ഞാൻ സമ്മതിക്കൂലാ.... ഇവിടെ ആരുമില്ലേ എന്നെ ഈ മറുതയുടെ കൈയിൽ നിന്ന് രക്ഷിക്കാൻ ..... ഈശ്വര കാവടി തുള്ളിയാണല്ലോ വരുന്നത്. " (ആത്മ വിച്ചു ) മാളു ഓടി ചെന്ന് അവന്റെ ദേഹതേക്ക് ചാടി കേറി. ദാ പോകുന്നു രണ്ടും...ഐശ്വര്യമായിട്ട് ഭൂമി ദേവിയെ വന്ദിച്ചു. താഴോട്ട് ശൈനപ്രതിക്ഷണം വെച്ചു. അമ്പലപറമ്പിൽ പടപടാന്ന് വെടി വെട്ടി. " ആ വെടി എന്റെ നെഞ്ചിത്തേക്ക " ആത്മ വിച്ചു. " എന്റെ നെഞ്ച് എന്താ ഫുഡ്‌ബോൾ ഗ്രൗണ്ടോ... വരുന്നവരും പോകുന്നവർക്കുമെല്ലാം ചവിട്ട്നാടകം കളിക്കാൻ. " (ആത്മ വിച്ചു ) " എഴുനേറ്റ് മാറടി.... എന്ത് വെയ്റ്റാ നിനക്ക്.. " അവന്റെ നെഞ്ചത്ത് ഇരുന്ന് ചോര ഊറ്റുന്ന അവളോട് അവൻ അലറി. മാളുവും വിച്ചുവും വീഴുന്നത് കണ്ട മഹിയും ഗൗരിയും അവരുടെ അടുത്തേക്ക് ഓടി എത്തി. "അയ്യോ ഏട്ടാ എന്തേലും പറ്റിയോ... " ഗൗരി വിച്ചൂനെ പിടിച്ച് എഴുനേൽപ്പിച്ചു. മഹി മാളൂനെയും

. " എന്ത് പറ്റാൻ...ഇതിൽ കൂടുതൽ ഒന്നും പറ്റാൻ ഇല്ല.. mr മഹാദേവ് താങ്ങൾ താങ്കളുടെ ഈ പെങ്ങളെ പിടിച്ച് പുട്ടിയിട്ടിലേൽ ""ഇവള്ടെ അന്ത്യം എന്റെ കൈ കൊണ്ടായിരിക്കും ""' വേദനകൊണ്ട് ആദ്യത്തെത് വിനയപൂർവവും അവസാനം പറഞ്ഞത് മാളൂനെ നോക്കി ദേഷ്യത്തിലായിരുന്നു. വിച്ചു പറയുന്നത് എന്താണെന്ന് മഹിക്കും ഗൗരിക്കും മനസിലായില്ല. പക്ഷേ മാളൂ അത് മൈൻഡ് ചെയ്യാതെ പൊടി തട്ടി കളയുവാണ്. എനിക്ക് ഇതെല്ലാം ഗ്രാസാണ്. എന്ന് പറയാതെ പറയുന്നപോലെ 😎 " Wait.. wait... നീ എന്താ വിളിച്ചത് ഏട്ടൻ എന്നോ " മാളു സംശയത്തോടെ ഗൗരിക്ക് നേരെ തിരിഞ്ഞു. " അതേ ഇതാണ് എന്റെ ഏട്ടൻ വൈഷ്ണവ് വർമ്മ. എന്ന വിച്ചുവേട്ടൻ. " ഗൗരി വിച്ചൂന്റെ നേരെ തിരിഞ്ഞ് മാളുനോട്‌ പറഞ്ഞു. അനക്കമൊന്നും കേൾക്കാതെ തിരിഞ്ഞു നോക്കിയ ഗൗരിയും മഹിയും വിച്ചുവും കാണുന്നത് വെട്ടിയിട്ട ചക്ക പോലെ താഴെ കിടക്കുന്ന മാളൂനെയാണ്. " ടി മാളു... മാളു... " മഹി ആൻഡ് ഗൗരി. മാളു എഴുന്നേറ്റിരുന്നു എല്ലാരേയും നോക്കി ചിരിച്ചു . "ങ്ങാഹാ... എല്ലാരും ഉണ്ടല്ലോ.... സുഖമല്ലേ.. "😇 പിന്നെയും ബോധം പോയി വീണു. ലോട്ടറി അടിച്ചപ്പോൾ ഇന്നസെന്റ് വീണപോലെ 😁😁..................തുടരും...

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...