💖 HeZliN💖: ഭാഗം 44

രചന: Jumaila Jumi

അവന്റെ കൈകളിൽ അവളൊരു പൂച്ചക്കുട്ടിയെ പോലെ കിടന്നു..ഇടക്കവൻ വീഴാൻ പോയതും അവൾ അവന്റെ കഴുത്തിലൂടെ കൈ ഇട്ട് നെഞ്ചോട് ചേർന്ന് കിടന്നു.. ഓ എന്തൊരു പാവാണെന്ന് നോക്കിയേ....കണ്ണ് തുറക്കണ്ടേ അവളുടെ സ്വഭാവം കാണാൻ.. കാർക്കോടകാ ഇപ്പൊ ഞാൻ കണ്ണ് തുറന്നാൽ ശരിയാവില്ല..പക്ഷെ ഞാനെന്റെ തൃക്കണ്ണ് തുറക്കും മോനെ..അന്ന് ഞാൻ നിന്നെ ഒരു പൂട്ട് പൂട്ടും.. അപ്പോഴേക്കും അവൻ അവളെയും കൊണ്ട് റൂമിൽ എത്തിയിരുന്നു..പതിയെ അവളെ അവൻ കട്ടിലിൽ കിടത്തി.. ഓ ന്റെ റൂം ആരാ ഇത്ര അടുത്ത് കൊണ്ടന്ന് വെച്ചേ..ഇങ്ങനെ എടുത്തോണ്ട് നടന്നപ്പോ നല്ല സുഖം ഉണ്ടായിരുന്നു. അവൻ അവളെ തന്നെ നോക്കി നിന്നു.. അവൾ പാതി കണ്ണ് തുറന്ന് നോക്കിയപ്പോ കണ്ടത് അവളെ തന്നെ നോക്കി നിൽക്കുന്ന ഷാനുവിനെയാണ്. യാ അള്ളാ. ഈ കിഴങ്ങൻ എന്നെ എന്തിനാ ഇങ്ങനെ സ്കാൻ ചെയ്യുന്നേ..

ഉമ്മാ ന്റെ ഹിസ്റ്ററി ഇപ്പൊ ബയോളജി ആവോ.. പെട്ടന്നാണ് ഷാനു അവളുടെ അടുത്തോട്ട് കുനിഞ്ഞു ഇരുന്നത്.. ഇത് തത് തന്നെ. പെട്ടന്ന് എന്തേലും ചെയ്തേ പറ്റു.. അപ്പോഴാണ് അവൻ അവളുടെ നെറ്റിയിൽ ഉമ്മ വെച്ചത്..അതും കൂടി ആയതും ഹെസ്‌ലി ഞെട്ടി പണ്ടാരമടങ്ങി.. തമ്പുരാനേ കിസ്സോ.. അപ്പൊ എന്നും ഇത് പതിവാണല്ലേ.. എന്ത് വന്നാലും നിന്റെ ഉള്ളിലെ ഇഷ്ടം എന്നോട് പറയരുത് കേട്ടോടി ചീന മുളകെ..നീ ഓവർ ബിൽഡപ്പ് ഒന്നും കൊടുക്കണ്ട. ഞാൻ വിചാരിച്ചാൽ നാളെ തന്നെ നിന്നെ കൊണ്ട് i love u ഷാനുക്കാ എന്ന് പറയിപ്പിക്കും...വേണ്ടാന്ന് വെച്ചിട്ടാ.. അയ്യേ ഷാനുക്കയോ..എനിക്ക് കാർക്കോടകൻ മതി.. അപ്പൊ നമുക്ക് നാളത്തെ അങ്കത്തിന് കാണാട്ടോ.. എന്നും പറഞ്ഞു അവളുടെ കവിളിലും അവൻ ഉമ്മ വെച്ച്.. പടച്ചോനേ ഇങ്ങേരെന്താ ഉമ്മച്ചനാവാൻ പഠിക്കാണോ.. അവൻ അപ്പുറത്തെ സൈഡിൽ പോയി കിടന്ന് ലൈറ്റ് ഓഫ് ചെയ്തതും അവൾ കണ്ണ് തുറന്നു.. ഹോ ന്റെ കാർക്കോടകാ താൻ കുറച്ച് നേരം കൂടി എന്റെ മുഖം സ്കാൻ ചെയ്തിരുന്നുവെങ്കിൽ ഞാൻ ഉണർന്നേനെ മാധവാ ഞാൻ ഉണർന്നേനെ..

എന്നാലും ന്റെ കാർക്കോടക തനിക്ക് ഇങ്ങനെയൊക്കെ കാണിക്കാൻ അറിയാവോ..അറിഞ്ഞില്ല്യ ആരും പറഞ്ഞുല്ല്യ ഉണ്ണി ഇത്ര വലുതായീന്ന്.. പിന്നെ എന്റെ അടുത്ത് നിന്നും i love u കിട്ടും എന്ന് പൊന്ന് മോൻ പ്രതീക്ഷിക്കണ്ട..വേണേൽ ഇങ്ങോട്ട് വാ..അപ്പൊ നോക്കാം..ഇപ്പൊ ഞാൻ ഉറങ്ങട്ടെ ഗുഡ് നൈറ്റ്.. അവനെ നോക്കി അത്രയും പറഞ്ഞിട്ട് അവൻക്ക് ഒരു ഫ്ലയിങ് കിസ്സും കൊടുത്തു അവൾ പതിയെ ഉറക്കത്തിലേക്ക് പോയി.. രാവിലെ ഹെസ്‌ലി കണ്ണ് തുറന്നപ്പോ ഷാനു അവളെ തന്നെ നോക്കി കിടക്കുന്നതാണ് കണ്ടത്.. എന്താ രാവിലെ തന്നെ എന്റെ മുഖത്തോട്ടും നോക്കി കിടക്കുന്നെ..എന്റെ മുഖം കണി കാണാൻ അത്രക്ക് നല്ലതാണോ.. ക്രാഫ് തു.... വേണ്ട വേണ്ടാത്തോണ്ടാ.. എന്റെ കൈ തന്നിട്ട് എണീറ്റ് പോടീ.. അപ്പോഴാണ് താൻ അവന്റെ കയ്യും കൂട്ടി പിടിച്ചാണ് ഉറങ്ങിയത് എന്ന് അവൾ ഓർത്തത്..അവൾ വേഗം അവിടെ നിന്നും എണീറ്റ് ബാത്റൂമിലോട്ട് പോയി..

അവൾ ഫ്രഷ് ആയി വന്നപ്പോഴും അവൻ അതെ കിടപ്പ് തന്നെയായിരുന്നു..അവൾ അവനെ ഒന്ന് നോക്കിയിട്ട് പുറത്തോട്ട് പോവാൻ നിന്നു.. എന്റെ വീട്..എന്റെ മുറി..ഞാൻ എനിക്ക് ഇഷ്ടം ഉള്ളിടത്തു കിടക്കും..എന്നൊക്കെ ഓരോരുത്തർ ഡയലോഗ് അടിച്ചു പോയിരുന്നു..അവസാനം ഡയലോഗ് മാത്രം മിച്ചം.. അത് കേട്ടപ്പോഴാണ് ഹെസ്‌ലിക്ക് ഇന്നലത്തെ കാര്യം ഓർമ വന്നത്..അവൾ ഒന്ന് ചിരിച്ചിട്ട് അവനു നേരെ തിരിഞ്ഞു.. ചിലർക്ക് ഉറക്കത്തിൽ എടുത്തോണ്ട് നടക്കുന്ന ശീലം ഉള്ളതോണ്ടു ഞാൻ ചിലപ്പോ ഇവിടെ കിടന്നുന്ന് ഒക്കെ വരും..Take it easy man.. അത്രയും പറഞ്ഞു അവന്റെ കവിളിൽ ഒന്ന് തട്ടി ഒരു കള്ളചിരിയോടെ അവൾ പുറത്തോട്ട് പോയി..ഇതൊക്കെ കേട്ട് ഷാനു ആകെ അന്തം വിട്ട് ഇരിക്കാണ്.. ഓളിപ്പോ പറഞ്ഞത് വെച്ച് നോക്കാണെൽ ഞാൻ എടുത്തോണ്ട് വന്നത് അവൾ അറിഞ്ഞു കാണുമോ..ന്റെ റബ്ബേ ന്റെ മാനം..

അവൻ വേഗം അവിടെ നിന്നും എണീറ്റ് ഫ്രഷ് ആയി താഴോട്ട് ചെന്നു.. ഹെലോ ബ്രോ..എന്താണ് കല്യാണ ചെക്കന് ഒരു ഉഷാറില്ലാത്തത്.. ഹൈസാൻ്റെ അടുത്തോട്ട് പോയി അവന്റെ തോളിൽ ഒന്ന് കൊട്ടി കൊണ്ട് ചോദിച്ചതും അവൻ അവളെയൊന്ന് കൂർപ്പിച്ചു നോക്കി.. What..😢 സ്വന്തം ആങ്ങളയുടെ കല്യാണത്തിന് പെങ്ങള് എണീറ്റ് വരുന്ന നേരം കണ്ടില്ലേ..എട്ടര മണി.. അതിന് നിന്റെ കല്യാണം അല്ലേ അല്ലാതെ എന്റെയല്ലല്ലോ.. മ് മ്.. എവിടെ എവിടെ എന്റെ പുന്നാര അളിയൻ... ഫ്രഷ് ആകുന്നുണ്ട്.. മ് ഫ്രഷ് നന്നായി ഫ്രഷ് ആവട്ടെ..ഇവിടെ എത്തിയിട്ട് എനിക്ക് ശരിക്ക് ഒന്ന് കാണാനുള്ളതാ അവനെ.. എന്തിന്.. എടി..നീ എന്റെ മുഖത്തോട്ടൊന്നു സൂക്ഷിച്ചു നോക്കിക്കേ എന്തേലും കുഴപ്പം കാണുന്നുണ്ടോ.. അതിന് സൂക്ഷിച്ചു നോക്കേണ്ട ആവശ്യം ഒന്നും ഇല്ല്യ മൊത്തം കുഴപ്പം തന്നെയാ.. ഗർർർ😬😬 ഈ ഈ😀😀😀അല്ല എന്താപ്പൊ അന്റെ പ്രശ്നം..

ഇന്നലെ വൈകുന്നേരം ഞാനെന്റെ മുടിയും താടിയും ഒക്കെ ഒന്ന് റെഡി ആക്കാൻ ബാർബർ ഷോപ്പിലോട്ട് പോവാൻ വേണ്ടി അവനെ വിളിച്ചു.. മ് എന്നിട്ട്.. അപ്പൊ അന്റെ കെട്ട്യോൻ ഇല്ലേ എന്റെ പുന്നാര അളിയൻ ഓൻ പറയാ ഇപ്പൊ കൊറോണ ഒക്കെ അല്ലെ നമുക്ക് ഷോപ്പിലോട്ട് പോണ്ട നാളെ രാവിലെ അവന്റെ ഒരു ഫ്രണ്ട് ഉണ്ടത്രേ അവൻക്ക് ബ്യൂട്ടിപാർലർ ഉണ്ട്..അവന്റെ വീട്ടിൽ പോയി നമുക്ക് ശരിയാക്കാം എന്ന്..ഞാൻ ഓക്കേയും പറഞ്ഞു.. പിന്നെന്താ കുഴപ്പം..ന്റെ കെട്ട്യോൻ അനക്ക് കൊറോണ വരണ്ട എന്ന് വെച്ചല്ലേ അങ്ങനെയൊക്കെ പറഞ്ഞെ.. എന്നിട്ട് ആരാടി എന്റെ താടിയും മുടിയും ഒക്കെ ശരിയാക്കി തന്നത്.. ശരിയാണല്ലോ..ചീമ പന്നിനെപോലെയുണ്ട് ഇപ്പൊ മുടി കണ്ടാൽ.. Dii.. കൂൾ കൂൾ..ഇപ്പോഴത്തെ പ്രശ്നം പറ.. അവന്റെ ഫ്രണ്ടിന്റെ അടുത്തോട്ട് പോവാൻ വേണ്ടി ഞാൻ അവനെ വിളിച്ചു..തെണ്ടി കാൾ കട്ട് ചെയ്തു. സ്വാഭാവികം.. വീണ്ടും വിളിച്ചു..

അപ്പൊ സ്വിച്ച് ഓഫ് ആക്കി.. സ്വാഭാവികം.. പിന്നെ ഞാൻ ഇങ്ങളെ റൂമിൽ വന്ന് വിളിച്ചു..അപ്പോഴും no mind.. സ്വാഭാവികം..ഹേ എപ്പോ..കാക്കു എപ്പോഴാ വിളിച്ചെ.. ഹാ ബെസ്റ്റ് ചക്കിക്കൊത്ത ചങ്കരൻ തന്നെ..അന്റെ കെട്ട്യോൻ ആണ് എല്ലാത്തിനും കാരണം.. ഇത്രയും ദിവസം ഉണ്ടായിട്ടും അനക്ക് ഇന്നലെ ആണോ ഈ പശു നക്കിയ മുടിയും ജട പിടിച്ച താടിയും നന്നാക്കാൻ തോന്നിയെ..എന്നിട്ട് കുറ്റം മുഴുവൻ എന്റെ കെട്ട്യോൻക്കും.. അവൾ നിന്ന് ഉറഞ്ഞു തുള്ളുന്നത് കണ്ട് അവൻ വേഗം ഒരു ചാവി അവളുടെ കയ്യിൽ കൊടുത്തു.. ഇതെന്തിനാ എന്ന രീതിയിൽ അവൾ അവനെ നോക്കി.. അന്റെ ഇളക്കം നിക്കാനാ.. കാക്കോ.. ഹാ രണ്ടും ഇവിടെ കിന്നാരം പറഞ്ഞോണ്ട് നിക്കാണോ..കുഞ്ഞോനെ ആൾക്കാർ വരുമ്പോഴേക്കും ഇജ്ജ് പോയി റെഡി ആവ്..ഹാ ന്റെ മോൾക്ക് പിന്നെ പെരുന്നാള് വന്നാലും ഖിയാമത് നാള് വന്നാലും ഒരു പോലെയാണല്ലോ..പോയി റെഡി ആവടി..

ഉമ്മ രണ്ട് പേരെയും ആട്ടിയതും രണ്ടും രണ്ട് വഴിക്ക് പോയി... ഷാനു ഡ്രെസ് ഒക്കെ മാറ്റി ഹൈസാന്റെ അടുത്തോട്ട് ചെന്നു.. ഒരു വയലറ്റ് കളർ ജുബ്ബയും അതെ കരയുള്ള മുണ്ടും ആണ് അവന്റെ വേഷം..ഹൈസാൻ ഓറഞ്ചു കളർ ജുബ്ബയും അതെ കരയുള്ള മുണ്ടും ആണ് ധരിച്ചിട്ടുള്ളത്..അവരെ രണ്ട് പേരെയും കണ്ടതും അവിടെ ഉണ്ടായിരുന്നവർ അന്തം വിട്ട് അവരെ തന്നെ നോക്കി നിന്നു.. അപ്പോഴാണ് അവരുടെ അടുത്തോട്ട് വയലറ്റ് ആൻഡ് ഓറഞ്ച് കളർ പാർട്ടി വെയർ പലാസയും ടോപ്പും ഇട്ടോണ്ട് ഹെസ്‌ലി അങ്ങോട്ട് വന്നത്.. അവരെ കണ്ടതും ഹെസ്‌ലി അവളെയും അവരെയും മാറി മാറി നോക്കാൻ തുടങ്ങി..അവളുടെതിന് മാച്ച് ആയ ഡ്രസ്സ് ആണല്ലോ രണ്ട് പേരും ഇട്ടിരിക്കുന്നത്..അവൾ നോക്കുന്നത് കണ്ട് അവർ രണ്ട് പേരും പരസ്പരം നോക്കി ചിരിച്ചിട്ട് അവളുടെ അടുത്തോട്ട് പോയി.... എന്താണ് എന്റെ കുറുമ്പിയിങ്ങനെ കണ്ണും മിഴിച്ചു നോക്കി നിൽക്കുന്നെ.. അല്ല കാക്കോ ഇതെങ്ങനെ.. നിനക്ക് ഒരു സർപ്രൈസ് തരാൻ. എന്നും പറഞ്ഞു അവൻ അവളെ ചേർത്ത് പിടിച്ചു..ഇത് കണ്ട് രണ്ട് ഉമ്മമാരും ഖാസിമും പരസ്പ്പരം നോക്കി ചിരിച്ചു..

അപ്പൊ തന്നെ ഫോട്ടോഗ്രാഫർ വന്ന് അവരുടെ ചറ പറ ഫോട്ടോസ് എടുത്തു.. വീടിന് ഉള്ളിലൂടെ ഹെസ്‌ലി ആരെയോ തേടി നടക്കാണ്.. ഈ കാർക്കോടകൻ ഇതെവിടെ പോയി.. അവൾ പുറത്തോട്ട് ഇറങ്ങി നോക്കാൻ തുടങ്ങിയതും മൂന്ന് പെണ്കുട്ട്യോൾ ചേർന്ന് എന്തോ പറയുന്നത് കേട്ട്..അവർ നോക്കുന്ന ഭാഗത്തോട്ട് അവൾ നോക്കിയതും കണ്ണ് തള്ളി പോയി..മുറ്റത്തു നിന്നും കുറച്ച് മാറി ഒരു ഒഴിഞ്ഞ സ്ഥലത്ത് കുറച്ച് പെണ്ണുങ്ങളുടെ ഇടയിൽ ഷാനു നിൽക്കുന്നു വിത്ത് അവന്റെ ക്യാമറ ആൻഡ് ഫോട്ടോ.. .അവർ ഫോട്ടോ എടുക്കുന്ന തിരക്കിൽ ആണ്.. കാലമാടൻ ഇങ്ങേർക്കിത് എന്തിന്റെ കേടാ..സ്വന്തമായി ഒരു പ്രോപ്പർട്ടി ഇവിടെ ഉള്ളപ്പോഴാണ് അങ്ങേര് അതിർത്തിയിൽ നുഴഞ്ഞ് കയറാൻ പോയെക്കുന്നെ.. ഹെസ്‌ലി അവനെ തന്നെ നോക്കി നിന്ന്..ജുബ്ബയുടെ മുകളിലെ രണ്ട് ബട്ടൺ ഓപ്പൺ ചെയ്തിട്ടുണ്ട് കയ്യിൽ ഒരു റോഡോ വാച്ച് മറ്റേ കയ്യിൽ സിൽവറിന്റെ ഒരു ബ്രേസ്ലെറ്റ് ..

ജുബ്ബയുടെ കൈ മുട്ട് വരെ തെരുത്ത് വെച്ചിട്ടുണ്ട് ഒരു സൺ ഗ്ലാസ് ജുബ്ബയുടെ മുന്നിൽ തൂക്കിയിട്ടുണ്ട്.. പടച്ചോനേ പഹയൻ മുടിഞ്ഞ ലുക്ക് ആണല്ലോ..വെറുതെ അല്ല പിടക്കോഴികൾ തീറ്റ ഇട്ടൊണ്ട് പിറകെ നടക്കുന്നെ..എന്നാലും മനുഷ്യന്മാർ ഇങ്ങനെയൊക്കെ മാറോ.. സ്വന്തം ഓഫീസിലെ ഗേൾസിന്റെ മുഖത്തോട്ട് പോയിട്ട് അവരുടെ പേര് പോലും അറിയാത്ത മനുഷ്യൻ ആയിരുന്നു.. അവൾ ആരോടെന്നില്ലാതെ പറഞ്ഞു.. എങ്ങനെയുണ്ട് എന്റെ ട്രെയിനിങ് ആണ്.. അടുത്ത് നിന്ന് ആരോ പറഞ്ഞത് കേട്ടപ്പോ അവൾ മുഖം തിരിച്ചു നോക്കി..അപ്പൊ ഹൈസാൻ ഉണ്ട് അവളെ നോക്കി ചിരിക്കുന്നു.. മോനെന്താ പറഞ്ഞെ.. എന്റെ അളിയൻ ഓഫീസിലെ ഗേൾ സ്റ്റാഫിനോടൊന്നും മിണ്ടുന്നില്ല എന്ന് നീ തന്നെയല്ലേ പറഞ്ഞെ. അയിന്.. അപ്പൊ ഞാൻ ഇന്നലെ അവൻക്ക് ഗേൾസിനോട് എങ്ങനെയാ സംസാരിക്കേണ്ടത് എന്നൊക്കെ ക്ലാസ് എടുത്തു കൊടുത്തിരുന്നു..കണ്ടോ ചെക്കന് എന്റെ ക്ലാസ് നന്നായി ഗുണം ചെയ്തിട്ടുണ്ട്.. സ്വന്തം പെങ്ങളെ കഞ്ഞിയിൽ പൂഴി വാരിയിട്ടിട്ട് തന്നെ വേണം നിന്റെ ക്ലാസ് എടുക്കൽ..കേട്ടോടാ തെണ്ടി..

നിന്റെ കല്യാണം ആയി പോയി..ഇല്ലേൽ ഈ മത്തങ്ങ മോറു ഞാൻ ബുൾ്‌സൈ ആക്കി മാറ്റിയേനേ.. ഇവൾക്കിത് എന്താ..ആ എന്തേലും ആവട്ടെ..എന്നാലും ചെക്കന്റെ imbrovement.. ഹെസ്‌ലി ഓരോന്ന് പിറുപിറുത്തോണ്ട് നടക്കുമ്പോൾ ഷാനു അവളുടെ മുന്നിൽ വന്ന് പെട്ടു.. കാല മാടൻ സൺ ഗ്ലാസും വെച്ച് പെണ്ണുങ്ങളെ വീഴ്ത്താൻ ഇറങ്ങിയെകുവാ.. ഇങ്ങ് വന്നേ.. എന്നും പറഞ്ഞു അവൾ അവന്റെ കൈ പിടിച്ച് വലിച്ചോണ്ട് പോയി. എന്താ.. റൂമിൽ എത്തിയപ്പോ ആണ് അവൾ കൈ വിട്ടത്.... അവൾ അവനെയൊന്ന് സൂക്ഷിച്ചു നോക്കിയിട്ട് അവന്റെ അടുത്തോട്ട് പോയി.. പടച്ചോനേ ഇവള് ഇനി എന്നെ കേറി ഉമ്മിക്കാൻ പോവാണോ..ഹാ എന്തായാലും കണ്ണടച്ചു നിക്കാം കിട്ടിയാൽ ഒരുമ്മ..ഇല്ലേൽ ഒരിടി.. പെട്ടന്നാണ് അവൾ അവന്റെ മുടി കേട് വരുത്താൻ തുടങ്ങിയത്.. Di നീയിത് എന്താ കാണിക്കുന്നെ.. കാണിച്ചു കഴിഞ്ഞു തന്നിട്ട് കാണിച്ചു തന്നാൽ പോരെ.. അതും പറഞ്ഞു അവൾ ഡ്രോയറിന്റെ അങ്ങോട്ട് പോയി എന്തോ എടുത്തു.... ഇതെന്തിനാടി എനിക്ക് സുറുമ..ഞാൻ ഇതൊന്നും ഉപയോഗിക്കില്ല. ..

ഓ പിന്നെ..ഉള്ളത് കൊണ്ട് തന്നെ മനുഷ്യൻ ഇവിടെ ഇടങ്ങേർ ആയി ഇരിക്കാണ്.. അവൾ സുറുമയും പൗഡറും മിക്സ് ചെയ്തിട്ട് അവന്റെ അടുത്തോട്ട് വന്നു..ഇതെന്തിനാ എന്നാ രീതിയിൽ അവളെ നോക്കിയതും അവൾ അത് അവന്റെ മുഖത്ത് ഇട്ട് കൊടുത്തു.. എടി തെണ്ടി..എന്താടി ഇജ്ജ് ഈ കാണിച്ചത്.. എവടെ അവൾ no mind.. അവസാനം എല്ലാം കഴിഞ്ഞു അവൾ അവൻക്ക് ഒരു മിറർ കൊടുത്തു..അതിലോട്ട് അവൻ നോക്കിയിട്ട് ഹെസ്‌ലിയെ നോക്കിയതും അവൾ എങ്ങനെയുണ്ടെന്ന് പുരികം പൊക്കി ചോദിച്ചു.. ഗർർർ😬😬 എടി ഹെസ്‌ലി ഇജ്ജ് ഷാനുവിനെ കണ്ടോ.. ഹൈസാൻ അങ്ങോട്ട് വന്ന് ചോദിച്ചതും ഹെസ്‌ലിയും ഷാനുവും പരസ്പരം നോക്കി.. ഇജ്ജെന്താ ഇങ്ങനെ നോക്കുന്നെ..അല്ല ഇതാരാ ഈ പറക്കും തളികയിലെ വാസന്തിയെ പോലെ ഇരിക്കുന്നത്.. വാസന്തി നിന്റെ കുഞ്ഞമ്മ ഇത് ഞാനാടാ.. മുഖം അമർത്തി തുടച് ഷാനു അവനു നേരെ അലറി.. ഉയ്യോ ഷാനോ..ഇജ്ജെന്താഡാ ഈ കോലത്തിൽ അതിന് അവൻ ഹെസ്‌ലിയെ ഒന്ന്. നോക്കിയതും അവൾ കൈ തട്ടി കൊണ്ട് പുറത്തോട്ട് പോയി..

ഇജ്ജെന്താടാ അവളുടെ ബാക് നോക്കി നിക്കുന്നെ.. ഹെസ്‌ലി പോയ വഴിയേ നോക്കി നിന്ന ഷാനുവിനോട് ഹൈസൻ ചോദിച്ചു.... പന്ന..നിനക്ക് ഇപ്പൊ എന്താ വേണ്ടേ. .. ഇതെന്താ ഇങ്ങനെ.. എന്നും പറഞ്ഞു അവൻ ഷാനുവിന്റെ മുഖത്ത് തൊട്ട് നോക്കി.. ആങ്ങളക്കും പെങ്ങൾക്കും അസൂയ തീരെ ഇല്ലാത്തോണ്ട് എന്നെ ചിലപ്പോ ഇങ്ങനെയൊക്കെ കാണേണ്ടി വരും.. ഈ അത് ഞങ്ങൾ ഒരേ ചോരയല്ലടാ..അതാ.. ചോര..നീ എന്നെക്കൊണ്ട് കൂടുതൽ ഒന്നും പറയിപ്പിക്കാതെ ഇറങ്ങി പോയെ.. അവൻ പോയതും ഷാനു മുഖം കഴുകാൻ പോയി. ഇനി ആ പിടക്കോഴികൾക്കുള്ള പണി കൂടി കൊടുക്കണം..അവരുടെ തീറ്റ കൊടുക്കലിന് ഇന്നത്തോടെ ഒരു പരിഹാരം കണ്ടേ പറ്റു.... ആഹാ കോഴികൾ ഇവിടെ നിക്കായിരുന്നോ.. അവരുടെ അടുത്തോട്ട് പോകാൻ നിന്നപ്പോഴാണ് അതിലൂടെ പോയ് ഹൈസാനെ അവർ വിളിച്ചത്.. എന്താടി.. വിളിച്ചവളുടെ അടുത്തോട്ട് പോയി അവൻ ചോദിച്ചു..

അത് കണ്ട് ഹെസ്‌ലി കുറച്ചൂടെ അവരുടെ അടുത്തോട്ട് നീങ്ങി നിന്ന്..ഇപ്പൊ അവർ പറയുന്നത് അവൾക്ക് വ്യക്തമായി കേൾക്കാം.. അല്ലടാ നിന്റെ കൂടെ ഉണ്ടായിരുന്ന നിന്റെ ഫ്രണ്ട് എവിടെ.. ആര് ഷാനോ.. ആ..അതെ.. അവൻ റൂമിലുണ്ട്..എന്തെ വിളിക്കണോ.. വേണ്ട..നീ എനിക്കൊരു ഹെല്പ് ചെയ്യോ.. Yaa tell me. അതേയ് വീട്ടിൽ എനിക്ക് പ്രൊപോസൽ നോക്കുന്നുണ്ട്.. Vry sry..am engaged.. ഹോ ഇത് അവരെക്കാൾ വല്യ കോഴി ആയിരുന്നോ..ഇതൊന്ന് കഴിഞ്ഞോട്ടെ മോനെ..ഷെറിനെ കൊണ്ട് നിന്നെ മലയാളം അക്ഷരമാല ബാക്കിൽ നിന്ന് എഴുതിപ്പിക്കും ഞാൻ.. ഷെറിൻ ഹൈസാൻ കെട്ടാൻ പോകുന്ന കുട്ടിയാണ് ട്ടോ.. അതിന് നിന്നെയല്ല ആലോജിക്കുന്നെ.. പിന്നെ. ..

എനിക്ക് ഇഷ്ടം ഉള്ള ആളെ കെട്ടിക്കോളാൻ ആണ് ഉപ്പ പറഞ്ഞത്.. അതിന്.. ഒരു പുരികം മാത്രം പൊക്കി അവൻ ചോദിച്ചതും ഹെസ്‌ലിയും അത് പോലെ അവളെ നോക്കി.. എനിക്ക് നിന്റെ ഫ്രണ്ടിനെ ഇഷ്ടം ആണ്..നീ എങ്ങനെയെങ്കിലും അതൊന്ന് ശരിയാക്കി തരാം.. അത് കേട്ടതും ഹെസ്‌ലിയുടെ കണ്ണ് ബുൾ്‌സൈ പോലെയായി..ഹൈസാൻ ആണെങ്കിൽ ആ പെണ്ണിനെ തന്നെ നോക്കി നിക്കാണ്.. ഓ ഇജ്ജ് എന്തൊരു ആങ്ങളയാണെടാ..സ്വന്തം പെങ്ങളെ കെട്ട്യോനെ ആണ് ഓൾ സെറ്റ് ആക്കി തരാൻ പറയുന്നേ..പോയി പ്രതികരിക്കടാ.. ഹൈസാൻ ചുറ്റും ഒന്ന് നോക്കിയിട്ട് അവളുടെ അടുത്തോട്ട് നീങ്ങി നിന്നിട്ട് പറഞ്ഞു.. അവൻ സിംഗിൾ ഒക്കെ തന്നെയാണ്..പക്ഷെ പിന്നെന്ത് പക്ഷെ.. ഇവൻ ഇത് എന്ത് തേങ്ങയാ ഈ പറയുന്നേ......... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...