💞ഹൃദയത്തിൽ ഒരിടം💞: ഭാഗം 16

എഴുത്തുകാരി: മിന്നു 

രാവിലെ ഉറക്കമുണരുമ്പോൾ ദേവു ആദിയുടെ നെഞ്ചിൽ കിടക്കുകയാണ്. അവന്റെ നെഞ്ചിലും കഴുത്തിലും പതിഞ്ഞു കിടക്കുന്ന സിന്ദൂരം കണ്ടപ്പോൾ കഴിഞ്ഞ രാത്രിയിലെ കാര്യങ്ങൾ ദേവുവിന്റെ മനസ്സിലേക്ക് ഓടി വന്നു. തന്നെ ചേർത്ത് പിടിച്ച ആദിയുടെ കൈ എടുത്തു മാറ്റി എണീക്കാൻ നോക്കുമ്പോഴേക്കും ആദി അവളെയും കൊണ്ട് ഒന്ന് മറിഞ്ഞു. തനിക്ക് മുകളിലായി കൈ കുത്തി നിന്ന് ഒരു കള്ളച്ചിരിയോടെ ആദി അവളെ നോക്കി. ആദിയുടെ ഓരോ നോട്ടവും ഉള്ളിലേക്ക് ആഴ്ന്നിറങ്ങുന്നത് പോലെ തോന്നിയപ്പോൾ ദേവു അവന്റെ കണ്ണുകൾ മറച്ചു പിടിച്ചു. "ഇങ്ങനെ നോക്കല്ലേ ആദിയേട്ടാ..... എന്തോ പോലെ തോന്നുന്നു."

ആദി അവളുടെ കൈ മുഖത്ത് നിന്നും തട്ടി മാറ്റി. "നോക്കിയാൽ എന്താ.....😉 എന്റെ പെണ്ണിനെ അല്ലേ ഞാൻ നോക്കുന്നേ.... നോക്കുക മാത്രമല്ല ചിലപ്പോൾ ഇതുപോലെ ഉമ്മയും വയ്ക്കും😘". ആദിയുടെ ചുണ്ടുകൾ അവളുടെ കഴുത്തിൽ പതിഞ്ഞു. പതിയെ ചുണ്ടുകൾ താഴേക്ക് സഞ്ചരിക്കാൻ തുടങ്ങിയപ്പോൾ ദേവു അവനെ തടഞ്ഞു. "മതി, എണീറ്റേ... സമയം ഒരുപാടായി....." "ഹോ..... എന്റെ ദേവൂ.... ആ ഫ്ലോ അങ്ങ് കളഞ്ഞു. ഇന്ന് ഓഫീസിലും പോവണ്ട പോരാത്തതിന് പുറത്ത് നല്ല മഴയും. ഈ മഴയത്ത് നിന്നെയും കെട്ടിപ്പിടിച്ച് പുതച്ചു മൂടി കിടക്കാൻ എന്തൊരു സുഖമാണ്..." അതും പറഞ്ഞ് ആദി ദേവൂനെ ഇറുക്കെ കെട്ടിപുണർന്നു.

കുറച്ചു കഴിഞ്ഞ് തന്റെ നെഞ്ചിൽ മയങ്ങുന്ന ആദിയെ മാറ്റി കിടത്തി ദേവു വേഗം ചെന്നു കുളിച്ചു. കുളി കഴിഞ്ഞു വരുമ്പോൾ ആദി മുറിയിൽ ഇല്ലായിരുന്നു. ദേവു വേഗം കട്ടൻകാപ്പി ഉണ്ടാക്കി വരാന്തയിലെ ചാരുകസേരയിൽ ഇരുന്ന് മഴ ആസ്വദിക്കുന്ന ആദിക്ക് കൊണ്ട് കൊടുത്തു. "നീ കുടിച്ചോ..." "ഇല്ല....." "എന്നാൽ വാ ഇവിടെ ഇരിക്ക്....." ആദി അവളെ പിടിച്ച് തന്റെ മടിയിൽ ഇരുത്തി. "അയ്യോ ആദിയേട്ടാ വിട്ട്, ആരേലും കാണും" "അടങ്ങി ഇരിക്കെഡീ അവിടെ... ഈ മഴയത്ത് ആര് വരാനാ ഇങ്ങോട്ട്.... തൽക്കാലം നീ ഈ കാപ്പി കുടിക്ക്... ഇന്നലെ രാത്രി പാൽ ഒക്കെ വേണ്ടതായിരുന്നു.. പറ്റിയില്ല😌..

താൽക്കാലത്തേക്ക് നമ്മുക്ക് ഈ കാപ്പി കുടിച്ച് ആ കുറവ് പരിഹരിക്കാം......എന്തേ....." ആദി അവന്റെ കാപ്പി ദേവുവിന് നേരെ നീട്ടി. ചിരിച്ചു കൊണ്ട് അവൾ അത് വാങ്ങി കുടിച്ചപ്പോൾ ആദിയുടെ മുഖവും തെളിഞ്ഞു. " പുറത്ത് നല്ല മഴയും കൈയിൽ കട്ടൻകാപ്പിയും നെഞ്ചോടു ചേർന്നിരിക്കാൻ എന്റെ പെണ്ണും... ആഹാ അന്തസ്സ്..." ചിരിച്ചു കൊണ്ട് ദേവു ആദിയുടെ നെഞ്ചിലേക്ക് തല ചായ്യ്ച്ചു. "ദേവൂ.... പുതുമഴ നനഞ്ഞ മണ്ണിന്റെ സുഗന്ധം ഉണ്ടല്ലേ ഇവിടെ??..... "ഉണ്ടോ?? എനിക്ക് കിട്ടുന്നില്ലല്ലോ... ആദിയേട്ടന് തോന്നിയതായിരിക്കും..." "അല്ലെന്നേ ഉണ്ട്... ഇന്നലെ ഇതേ ഗന്ധമായിരുന്നു നിനക്കും....."

പറയുന്നതിനോടൊപ്പം അവൻ ദേവുവിന്റെ ചെവിയിൽ മൃദുവായി ഒന്ന് കടിച്ചു. ഒന്ന് ചിണുങ്ങി ചിരിച്ചു കൊണ്ട് അവൾ അവന്റെ നെഞ്ചിൽ ഒട്ടി കിടന്നു. ആദിയുടെ മടിയിൽ ചുരുണ്ട് കൂടി ഇരിക്കുമ്പോഴാണ് ദേവു ചോദിച്ചത് "ആദിയേട്ടൻ അച്ഛനെ വിളിച്ചോ?????" "ആ... നേരത്തെ വിളിച്ചു പക്ഷേ കിട്ടിയില്ല, നമ്മുക്ക് കിച്ചുവിനെ ഒന്ന് വിളിച്ചു നോക്കാം." ആദി ഫോൺ എടുത്ത് കിച്ചുവിനെ വിളിച്ചു "ഹലോ..... ആദീ....." "ഡാ..... കിച്ചു നിങ്ങൾ ഇതെവിടാ.....അച്ഛനെ വിളിച്ചിട്ട് കിട്ടിയില്ല." "ഇവിടെ എല്ലാ ഫോണിനും റേഞ്ച് ഇല്ല അതായിരിക്കും." "ഓ.... അല്ല ചിന്നു എവിടെ???" "ഇവിടുണ്ട്, കളിക്കുവാ.....

നീ ഇവിടുത്തെ കാര്യം ആലോചിച്ചു ടെൻഷൻ ആവാത്തെ കിട്ടിയ സമയം ദേവുവിന്റെ കൂടെ എൻജോയ് ചെയ്യ്... അപ്പോ ശരി ഞാൻ വയ്ക്കുവാ.......പിന്നെ വായ്നോക്കുന്നതിന്റെ ഇടേല് എന്നെ ഇങ്ങനെ ഇടയ്ക്കിടെ വിളിച്ച് ശല്യപ്പെടുത്തരുത്ത് കേട്ടോ" "നീ പോടാ മരമാക്രി........". "ആ..... ഇപ്പോ ഞാൻ മരമാക്രി, സ്മരണ വേണമെടാ സ്മരണ... നിനക്ക് ഫസ്റ്റ് നൈറ്റ് ആഘോഷിക്കാൻ വേണ്ടിയാണ് കൈയിന്ന് കാശ് മുടക്കി എല്ലാവരെയും കൂടി ട്രിപ്പ് വന്നവൻ ഞാൻ.. എന്നിട്ട് അവൻ പറയുന്നത് കേട്ടില്ലേ... ദുഷ്ടൻ" കിച്ചുവിൻ്റെ മറുപടി കേട്ടതും ആദി ഉച്ചത്തിൽ പൊട്ടിച്ചിരിച്ചു "ദേ..... ആദി ഇളിക്കല്ലേ..... നിനക്ക് ഉള്ളത് ഞാൻ വന്നിട്ട് തരാം. ബൈ......."

കിച്ചു ഫോൺ കട്ടാക്കി തിരിഞ്ഞു നോക്കിയപ്പോൾ അവന്റെ അച്ഛനും അമ്മയും ഉണ്ടായിരുന്നു പിറകിൽ.. "ആഹാ..... നിങ്ങൾ എപ്പോ വന്നു...." "മ്മം...... ശാരദേ ഇപ്പോ നിനക്ക് മനസ്സിലായില്ലേ ഇവൻ എന്തിനാ ഇത്ര തിരക്കിട്ട് നമ്മളെയും കൊണ്ട് ട്രിപ്പിനു വന്നതെന്ന്..." "അല്ലാതെ പിന്നെ..... വിവരമില്ലാത്ത കാരണവൻമാർ ഉള്ളപ്പോൾ ഇതല്ല ഇതിന് അപ്പുറവും സംഭവിക്കും....😎 അവരുടെ കല്യാണം കഴിഞ്ഞിട്ട് ഇത്ര ദിവസമായി, ചിന്നുവിനെ അവരുടെ അടുത്ത് നിന്നും മാറ്റി കിടത്താനുള്ള ബുദ്ധി പോലും നിങ്ങൾക്ക് ഉണ്ടായില്ലലോ.." "ഡാ.... ഞാൻ ദേവുവിനോട് പറഞ്ഞതാ ....അവള് കേൾക്കണ്ടേ... ആദിയോട് പിന്നെ ഒന്നും പറഞ്ഞിട്ട് കാര്യമില്ല"

" എൻറെ അമ്മേ അങ്ങനെ പറഞ്ഞാൽ ആരെങ്കിലും ഉടനെ മാറ്റി കിടത്തുമോ?? അതൊക്കെ അതിൻറെതായ രീതിയിൽ പറയണം" " സോറി മോനെ നിൻറെ അത്ര കുരുട്ടുബുദ്ധി ഞങ്ങൾക്ക് ഇല്ലാതെ പോയി ...." " ശാരദേ എനിക്ക് ഇപ്പോഴാണ് മനസ്സിലായത് ഇവനെ പിടിച്ച് കെട്ടിക്കേണ്ട സമയമായി, ഇനിയും വച്ചോണ്ടിരുന്നാൽ ശരിയാവില്ല." "അച്ഛാ..................... 😮" "എന്താടാ നിനക്ക് കല്യാണം വേണ്ടേ" " പിന്നെ....... വേണം..... അച്ഛന് ഇപ്പോഴെങ്കിലും നല്ല ബുദ്ധി തോന്നിയല്ലോ എന്ന് ഓർത്തു വിളിച്ചു പോയതാ..." "മ്മം......നാട്ടിൽ എത്തിയിട്ട് വേണം ആ ബ്രോക്കർ നാണു ഏട്ടനോട് വീട്ടിലേക്ക് ഒന്ന് വരാൻ പറയാൻ" " അച്ഛാ എന്തിനാ വെറുതെ ബ്രോക്കർ കാശ് ചിലവാക്കുന്നേ......

എനിക്കതിലൊന്നും തീരെ താല്പര്യമില്ല" "എന്താ മോനെ നീ എവിടെയെങ്കിലും ആരെങ്കിലും കണ്ടുവച്ചിട്ടുണ്ടോ " "അത് പിന്നെ.... " കിച്ചു നിന്ന് തല ചൊറിഞ്ഞു "മ്മം..... തോന്നി... അല്ല ആരാണ് ആ ഹതഭാഗ്യ...??" "അത് നമ്മുടെ ആദിയുടെ അമ്മാവന്റെ മകൾ ഹിമ." "ഹിമയോ??? അയ്യോ അത് ഒരു പാവം കൊച്ചല്ലേ.... കാണാനും നല്ല ഭംഗിയുണ്ട്... പക്ഷേ ബുദ്ധിക്ക് കുഴപ്പമുണ്ടെന്ന് ഇപ്പോഴാ മനസ്സിലായേ.." "അച്ഛാ..... വേണ്ടാട്ടോ....." "ആഹ്..... ശരി... ശരി.... നാട്ടിൽ ചെല്ലട്ടേ, ഞാൻ ഭാസ്‌കരനോട് സംസാരിക്കാം" "ശരിക്കും....." "ആ.... എന്തായാലും നിന്നെ പിടിച്ച് കെട്ടിക്കണം, അവൾക്ക് ആണ് ആ ദുർവിധി എങ്കിൽ അത് അങ്ങനെ തന്നെ നടക്കട്ടെ......"

"അച്ഛാ...... നിങ്ങൾ വെറും അച്ഛനല്ല എന്റെ പൊന്നച്ഛനാണ്. Love you.....ഉമ്മാ.......ഹ്😘😘😘" "അയ്യോ ശാരദേ എന്നെ ഒന്ന് രക്ഷിക്ക്... ഇവൻ എന്നെ ഉമ്മ വച്ചു കൊല്ലും" "ആഹ്..... നിങ്ങളുടെ അല്ലേ വിത്ത് അങ്ങനെയേ സംഭവിക്കൂ"  അവർ തിരിച്ചു വന്നപ്പോൾ ചെറിയച്ഛൻ വാക്ക് പാലിച്ചു. ഹിമയെ പെണ്ണ് ആലോചിച്ച് അമ്മാവന്റെ വീട്ടിലേക്ക് പോയി. അമ്മാവനും എന്ത് കൊണ്ടോ എതിർപ്പ് ഒന്നും ഉണ്ടായില്ല. നീലിമയ്ക്കും കൂടി ഒരാളെ കണ്ടെത്തിയിട്ടേ വിവാഹം നടക്കൂ എന്ന് അമ്മാവൻ പറഞ്ഞതിന്റെ പിറ്റേന്ന് മിഥുവും അവന്റെ അച്ഛനെയും കൂടി വന്ന് അവിടെ ഹാജർ വച്ചു. അങ്ങനെ അവരുടെ കാര്യത്തിലും തീരുമാനമായി. സുമേച്ചിയെ വീട്ടിലേക്ക് കൂട്ടിക്കൊണ്ട് വന്നതിനു ശേഷം മതി കല്യാണമെന്ന് കിച്ചു തീർത്തു പറഞ്ഞത് കൊണ്ട് കല്യാണം ആറ് മാസത്തേക്ക് നീട്ടി വച്ചിരിക്കുകയാണ്.

അന്ന് മുതൽ വീട്ടുകാരുടെ ലൈസൻസോട് കൂടി അവർ അവരുടെ പ്രണയകാലം കൂടുതൽ മനോഹരമാക്കി. ഒപ്പം ആദിയും ദേവുവും കല്യാണത്തിന് ശേഷമുള്ള അവരുടെ പ്രണയവും.... ആദി എന്തെങ്കിലും കുറുമ്പുമായി ദേവുവിന്റെ അടുത്തേക്ക് ചെല്ലുമ്പോഴേക്കും ചിന്നു അവളുടെ രക്ഷകയായി അവിടെ പ്രത്യക്ഷപ്പെട്ടും. രാത്രി ചിന്നു ഉറങ്ങിയെന്ന് കരുതി മാറ്റി കിടത്തിയാലും രാവിലെ എഴുന്നേൽക്കുമ്പോൾ അവൾ അവരുടെ നടുവിൽ കിടപ്പുണ്ടാകും... രാത്രി ദേവുവിന്റെ അടുത്ത് കിടക്കാൻ ആദിയും ചിന്നുവും കൂടി തല്ല്കൂടൽ പതിവായി... അവസാനം രണ്ടാളെയും ചേർത്ത് പിടിച്ചാണ് ദേവു ആ വഴക്ക് അവസാനിപ്പിക്കാറ്.

സന്തോഷത്തിന്റെ നാളുകൾ കടന്നു പോയികൊണ്ടിരുന്നു. ഒരു ദിവസം ഓഫീസിൽ നിന്നും വീട്ടിൽ എത്തിയപ്പോഴാണ് ആദിക്ക് ഒരു കോൾ വന്നത്. നോക്കിയപ്പോൾ ദേവുവിന്റെ അമ്മയാണ്. സന്തോഷത്തോടെ കോൾ അറ്റന്റ് ചെയ്ത്ത ആദി അപ്പുറത്ത് നിന്നും ഒരു പൊട്ടികരച്ചിലാണ് കേട്ടത്. അമ്മയുടെ ഫോൺ വന്നപ്പോൾ സന്തോഷത്തോടെയാണ് ആദി അറ്റന്റ് ചെയ്തത്. എന്നാൽ അപ്പുറത്തു നിന്നും ഒരു പൊട്ടി കരച്ചിൽ ആണ് കേട്ടത്. " എന്താ അമ്മേ.......എന്താ കാര്യം???" " നമ്മുടെ മാളുവിനെ കാണാനില്ല മോനേ...." "അമ്മേ അമ്മ എന്താ പറയുന്നേ ....." "അതേ..മോനെ.... എനിക്ക് ഒന്നിനും വയ്യ അവൾക്ക് എന്തുപറ്റി എന്നറിയില്ല...."

"അമ്മ പേടിക്കേണ്ട ഞാൻ ഉടനെ വരാം...." ആദി വേഗം ബൈക്ക് എടുത്തു പുറത്തേക്കു പോവാൻ നോക്കിയപ്പോൾ ദേവു അങ്ങോട്ടേക്ക് വന്നു. "ആദിയേട്ടൻ എങ്ങോട്ടാ......." " എനിക്കൊന്ന് പുറത്ത് പോണം വരാൻ ചിലപ്പോൾ ലേറ്റ് ആവും." ദേവുവിനോട് അത്രയും പറഞ്ഞ് ആദി വേഗം ദേവുവിന്റെ വീട് ലക്ഷ്യമാക്കി പോയി. വീടിൻറെ അടുത്ത് എത്തിയപ്പോൾ മുറ്റത്തു തന്നെ അമ്മ നിൽപ്പുണ്ടായിരുന്നു. " അമ്മേ..... പറ.. മാളുവിന് എന്താ പറ്റിയത്" "എനിക്കൊന്നും അറിയില്ല മോനേ.... രാവിലെ കോളേജിലേക്ക് എന്നും പറഞ്ഞ് ഇറങ്ങിയത് അവള്, ഇപ്പോ വൈകുന്നേരം വരുന്ന സമയം കഴിഞ്ഞിട്ടും കാണാഞ്ഞിട്ടാ ഞാൻ അവളെ വിളിച്ചു നോക്കിയത് കിട്ടിയില്ല അവളുടെ ഒരു കൂട്ടുകാരിയെ വിളിച്ചപ്പോൾ ഇന്ന് അവള് കോളേജിൽ ചെന്നില്ല അത്രേ......

എനിക്ക് അറിയില്ല അവള് എങ്ങോട്ട് പോയിന്ന്...." ആദിക്ക് അപ്പോഴാണ് കാര്യങ്ങൾ ഏകദേശം മനസ്സിലായത്. ഒന്നുകിൽ രാവിലെ കോളേജിൽ പോകുന്ന വഴി എന്തെങ്കിലും അപകടം സംഭവിച്ചിരിക്കണം അല്ലെങ്കിൽ കള്ളം പറഞ്ഞു മറ്റ് എവിടെക്കോ അവൾ പോയിരിക്കണം. "അമ്മ അവളുടെ ഫ്രണ്ട്സിനെ ഒക്കെ വിളിച്ച് നോക്കിയോ..... ഇനി വല്ല സ്ഥലത്തും പറയാതെ കറങ്ങാനോ മറ്റോ പോയതാണെങ്കിലോ.....????" "ഞാൻ എല്ലാവരെയും വിളിച്ചു മോനേ..... ആർക്കും ഒന്നും അറിയില്ല എന്നാ പറഞ്ഞത്...." "ഓക്കെ അമ്മ വിഷമിക്കാതെ ഞാൻ ഒന്ന് അന്വേഷിക്കട്ടെ......." "കണ്ണൻ അവളുടെ ഫ്രണ്ട്സിന്റെ വീട്ടിൽ ഒക്കെ അന്വേഷിച്ചു പോയിട്ടുണ്ട്. ബാലേട്ടനും എവിടെയൊക്കെയോ തിരയുന്നുണ്ട്. എനിക്ക് ഒരു സമാധാനവും ഇല്ല മോനേ....... ഒരു ആപത്തും കൂടാതെ കിട്ടിയാ മതി എന്റെ മോളേ....."

"അമ്മ ടെൻഷൻ ആവാതെ, അവൾക്ക് ഒന്നും സംഭവിക്കില്ല ഞാൻ ഒന്ന് നോക്കിയിട്ട് വരാം." ആദി ബൈക്ക് തിരിച്ച് പോകാൻ നോക്കുമ്പോഴാണ് പിറകിൽ നിന്നും ഒരു വിളി "മോനേ........", തിരിഞ്ഞു നോക്കിയപ്പോൾ ദേവുവിന്റെ അച്ഛനാണ്. "അച്ഛാ...... മാളുവിനെ കുറിച്ച് എന്തെങ്കിലും വിവരം കിട്ടീയോ ...?????" "ഇല്ല മോനേ.... ഇനി തിരയാൻ ഒറ്റ ഇടവും ബാക്കിയില്ല ഇല്ല എവിടെപ്പോയി എൻറെ മോള്..." " അച്ഛൻ ടെൻഷൻ ആവാതെ.... നമുക്ക് നോക്കാം എന്തായാലും പോലീസിൽ ഒരു പരാതി കൊടുക്കാം... സമയം ഇത്രയും ആയില്ലേ......" കരഞ്ഞു വീർത്ത കണ്ണുകളുമായി ആദിയുടെ ഒപ്പം ബൈക്കിൽ കയറി പോകുമ്പോഴും മകളെ കുറിച്ചുള്ള ആധിയായിരുന്നു ആ അച്ഛന്റെ മനസ്സിൽ...................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...