💞ഹൃദയത്തിൽ ഒരിടം💞: ഭാഗം 18

എഴുത്തുകാരി: മിന്നു 

ഇന്നാണ് വിവാഹദിനം. കിച്ചു ഹിമയെയും മിഥു തന്റെ നീലിമയെഅ സ്വന്തമാക്കുന്ന ദിവസം. ആറു മാസങ്ങളായി അവർ കണ്ടിരുന്നു സ്വപ്നങ്ങൾ യാഥാർത്ഥ്യമാക്കുവാൻ അവർ ഒന്ന് ചേരുന്നദിനം.💞💞💞 വിവാഹദിവസം രാവിലെ മുതൽ ആദിയും ദേവുവും ഫുൾ ബിസിയാണ്. ഏറ്റവും അടുത്ത സുഹൃത്ത് എന്ന നിലയിൽ കിച്ചുവിന്റെയും മിഥുവിന്റെയും വീട്ടിൽ ചെന്ന് ഒന്ന് തല കാണിച്ചിട്ട് അവർ ഓഡിറ്റോറിയത്തിലേക്ക് പോയി. രണ്ടുപേരുടെ വിവാഹം ഒരേ ഓഡിറ്റോറിയത്തിൽ വച്ച് ആയതിനാൽ അത്രയും ഓട്ടം കുറഞ്ഞു. സഹോദരന്റെ സ്ഥാനത്തുനിന്ന് ആദിയാണ് കിച്ചുവിന്റെയും മിഥുവിനെയും കാൽ കഴുകി സ്വീകരിച്ചത്. സുഹൃത്തായും ഒരു സഹോദരനായും ഒരേ സമയം മാറുകയായിരുന്നു ആദി.

മിഥുവിന് സ്വന്തം പെങ്ങൾ ഇല്ലാത്തതിനാൽ ദേവു ആണ് ആ സ്ഥാനത്ത് നിന്ന് താലി പിടിച്ചു കൊടുത്തത്. അങ്ങനെ എല്ലാവരുടെയും അനുഗ്രഹാശിസ്സുകളോടെ ഹിമ കിച്ചുവിനും ഒപ്പം നീലിമ മിഥുവിനും സ്വന്തമായി. 🤵👰 🤵👰 🤵👰 🤵👰 ചടങ്ങുകളെല്ലാം പൂർത്തിയാക്കി വീട്ടിലേക്ക് പോകാൻ ഒരുങ്ങുമ്പോൾ കരഞ്ഞ മുത്തശ്ശിയെയും അമ്മാവനെയും അമ്മായിയെയും ഒക്കെ ആശ്വസിപ്പിച്ചത് ആദിയാണ്. " എന്റെ അനിയത്തികുട്ടികളെ ഒരു കുറവും കൂടാതെ അവര് നോക്കും. അതോർത്ത് ആരും സങ്കടപ്പെട്ടണ്ട, പിന്നെ ഇവർ വരുന്നത് എൻറെ വീടിൻറെ തൊട്ടടുത്ത് അല്ലേ... ഒന്ന് കൊണ്ടും നിങ്ങൾ ടെൻഷൻ ആവണ്ട...."

ഇതുവരെ സുഹൃത്തുക്കളായി കഴിഞ്ഞ് പരസ്പരം ചുമ്മാ അളിയാ എന്ന് വിളിച്ചവർ ഇനിമുതൽ ശരിക്കും അളിയൻ ആയതിന്റെ സന്തോഷത്തിൽ ആണ് കിച്ചുവും മിഥുവും ആദിയും... തനിക്ക് കൂട്ടായി ആയി ഹിമയും യും നീലിമയും വന്നതിന്റെ സന്തോഷത്തിലാണ് ദേവുവും. അങ്ങനെ കരച്ചിലും ഒരുപാട് സന്തോഷവും ആയി അവരുടെ വിവാഹം നല്ല രീതിയിൽ തന്നെ നടന്നു. കല്യാണം കഴിച്ച അവരെക്കാൾ ക്ഷീണം ആയിരുന്നു ആദിക്കും ദേവുവിനും. രണ്ട് ദിവസം ലീവ് ആയതിനാൽ നല്ലവണ്ണം കിടന്ന് ഉറങ്ങാം എന്ന് കരുതിയെങ്കിലും സൽക്കാരവും വിരുന്ന് പോകും ഒക്കെയായി രണ്ട് ദിവസം അതിന്റെ പാട്ടിന് പോയി.

മിഥുവും കിച്ചുവും അമ്മാവൻറെ വീട്ടിൽ രണ്ടുദിവസം നിൽക്കാൻ പോയപ്പോഴാണ് ദേവുവിനെയും കൊണ്ട് ആദിയും രണ്ട് ദിവസം അവിടെ നിൽക്കണമെന്ന് മുത്തശ്ശി വാശി പിടിച്ചത്. അപ്പോ പിന്നെ എല്ലാവരുംകൂടി അടിച്ചുപൊളിക്കാൻ രണ്ടുദിവസം അവരും തറവാട്ടിൽ കൂടി. പുതുമോടിയും എല്ലാവരും ഒത്തുചേർന്നതിന്റെ ആഘോഷവും ഒക്കെ കൂടി ഉത്സവം ആയിരുന്നു ആ രണ്ടു ദിവസം. കല്യാണം കഴിഞ്ഞ് കുറേ ആയെങ്കിലും ആദിയുടെയും ദേവുവിന്റെയും വിരുന്നും അടിച്ച്പൊളിയും ഒക്കെ ഇപ്പോഴാണ്. തിരിച്ചു വരുന്ന ദിവസം വൈകുന്നേരം എല്ലാവർക്കും കൂടി ഒരു സിനിമയ്ക്ക് പോകാമെന്ന് പറഞ്ഞത് കിച്ചുവാണ്.

കല്യാണം ഉറപ്പിച്ച സമയത്ത് ദേവു ഉണ്ടെങ്കിൽ മാത്രമേ അമ്മാവൻ ഹിമയെയും നീലിമയെയും അവരോടൊപ്പം കറങ്ങാൻ സമ്മതിച്ചിരുന്നുള്ളു. എത്ര നിർബന്ധിച്ചാലും ഒരു സിനിമയ്ക്ക് വരാൻ രണ്ടുപേരും തയ്യാറല്ലായിരുന്നു. അതിന് ഒരു പകരം വീട്ടൽ എന്ന നിലയിൽ ആണ് ഈ സിനിമ പ്രോഗ്രാം. അമ്മാവനെയും അമ്മായിയും ഒക്കെ കൂട്ടി അവരെല്ലാവരും കൂടി സിനിമക്ക് പോയി. മാളിൽ സിനിമ കാണുന്നതിനിടയിൽ സ്വന്തം ഭാര്യ ആണെന്ന അധികാരത്തിൽ അമ്മാവന് മുന്നിൽ ഹിമയുടെ തോളിൽ കയ്യിട്ടു ഇരുന്ന് കിച്ചു അവൻറെ മധുരപ്രതികാരം നടപ്പിലാക്കി....

സിനിമയും കഴിഞ്ഞ് ഫുഡ്കോട്ടിൽ ഓർഡറും കൊടുത്ത് ഇരിക്കുമ്പോഴാണ് ദേവു ഹിമയെയും കൂടി വാഷ്റൂമിലേക്ക് പോയത്. ഓരോ കടയിൽ വച്ച ഡ്രസ്സിന്റെ ഭംഗിയും നോക്കി നടന്നതിനാൽ പോകുന്ന വഴിയിൽ ദേവു അറിയാതെ ഒരുത്തനെ ഇടിച്ചു. ഉടനെ സോറി പറഞ്ഞ് ദേവു അത് അവസാനിപ്പിച്ചെങ്കില്ലും അവൻമാര് വിട്ടാനുള്ള ഉദ്ദേശ്യം ഇല്ലായിരുന്നു. ഓരോന്ന് പറഞ്ഞ് അവൻമാര് അവരുടെ പിറകെ കൂടി. ദേവുവും ഹിമയും ആദ്യം മൈൻഡ് ആകാതെ നടന്നെങ്കിലും പിന്നീട് അവൻമാര് ഇടയ്ക്കിടെ തട്ടാനും മുട്ടാനും കമന്റടിക്കാനും ഒക്കെ തുടങ്ങി. ദേവു വേഗം ആദിയുടെ അടുത്തേക്ക് പോവാൻ തുടങ്ങിയപ്പോൾ അതിൽ ഒരുത്തൻ ദേവുവിന്റെ കൈയിൽ കയറി പിടിച്ചു.

"ഡാ.... കൈയിന്ന് വിട്ടേടാ....." "അങ്ങനെ അങ്ങ് പോയാലോ മോളേ.... എന്തായാലും പിടിച്ചു അപ്പോ പിന്നെ നിന്നെ ഒന്ന് ശരിക്ക് കണ്ടിട്ട് വിട്ടാം." അവൻ മറ്റേ കൈ ദേവുവിന്റെ മുഖത്തിന് നേരേ കൊണ്ട് പോയതും ദേവു പേടിച്ച് കണ്ണുകൾ ഇറുകി അടച്ചു. 🔥🔥🔥🔥🔥🔥🔥ആഹ്...്‌്‌്‌്‌്‌്‌....... 🔥🔥🔥 ദേവു കണ്ണ് തുറക്കുമ്പോൾ മുന്നിൽ കണ്ടത് ആദിയെ ആണ്. ദേഷ്യം കൊണ്ട് അവൻ ആകെ അടി മുടി വിറച്ച് നിൽക്കുവാണ്. മുഖത്തെ ഞരമ്പുകൾ ഒക്കെ വലിയ വലിഞ്ഞു ചുവന്ന കണ്ണുകളുമായി നിൽക്കുന്ന ആദ്യം കണ്ടപ്പോൾ വല്ലാതെ പേടിയായി എൻറെ പെണ്ണിനെ തൊടാൻ മാത്രം ആയോ നീ... അപ്പോഴാണ് കുറച്ചപ്പുറത്ത് വീണു കിടക്കുന്നവനെ ദേവു കണ്ടത്. ആദി ചവിട്ടി വീഴ്ത്തിയത് ആണെന്ന് അവൾക്ക് മനസ്സിലായി.

ആദിയുടെ മുഖഭാവം കണ്ടപ്പോൾ ദേവുവിന് ആകെ പേടിയായി. പിന്നെ അവിടെ ഇടിയുടെ പെരുന്നാൾ ആയിരുന്നു. കൂട്ടത്തിൽ ഒരുത്തൻ ആദിയെ പിറകിൽ നിന്നും അടിക്കാൻ നോക്കിയപ്പോൾ കിച്ചുവും മിഥുവും ഇടപെട്ടു. "പിന്നിൽ നിന്നും അടിക്കുന്നത് ആണുങ്ങൾക്ക് ചേർന്നതല്ല, അവന്റെ പെണ്ണിനെ തൊട്ടിട് അല്ലേ അവൻ ഇടിക്കുന്നേ അത് അവർക്ക് കിട്ടേണ്ടതാ..." അവനെ പിടിച്ച് മാറ്റുമ്പോൾ കിച്ചു പറഞ്ഞതാ എല്ലാരെയും ചവിട്ടി കൂട്ടിയിടും ആദിയുടെ കലി അടങ്ങിയില്ല. വീണ് കിടന്ന അവനെ കഴുത്തിന് പിടിച്ച് എണീപ്പിച്ച് ദേവുവിനെ കൊണ്ട് അവന്റെ കരണം നോക്കി ഒന്ന് പൊട്ടിച്ചിട്ടാണ് ആദി നിർത്തിയത്.

എന്നിട്ട് കലിപ്പിൽ ദേവുവിന്റെ കൈയും പിടിച്ച് അവിടെ നിന്ന് ഇറങ്ങുമ്പോൾ പിറകിൽ നിന്നും വരുന്ന കിച്ചുവിനെയോ മിഥുവിനെയോ എന്തിന് അമ്മാവനെ പോലും അവൻ മൈൻഡ് ആകിയില്ല. ആദിയുടെ ദേഷ്യത്തിന്റെ അളവ് കൈയിൽ മുറുകുന്ന പിടിയിൽ നിന്നും ദേവു അറിയുന്നുണ്ടായിരുന്നു. അത് കൊണ്ട് അവൾ ഒന്നും മിണ്ടാതെ വേദന സഹിച്ചു നിന്നു. ദേഷ്യത്തിൽ ദേവുവിനെ കാറിനുള്ളിലേക്ക് പിടിച്ച് തള്ളിയിട്ട് ആദി നല്ല സ്പീഡിൽ കാറും കൊണ്ട് ഒരു പോക്ക് ആയിരുന്നു ആദിയുടെ ദേഷ്യത്തിന്റെ അളവ് അവന്റെ സ്പീഡിൽ നിന്നും ദേവൂന് മനസ്സിലാവുന്നുണ്ട്. ഇപ്പോ എന്തെങ്കിലും മിണ്ടിയാൽ നല്ലോണം കിട്ടുമെന്ന് അറിയാവുന്നത് കൊണ്ട് അവൾ മിണ്ടാതെ ഇരുന്നു.

പക്ഷേ ഈ സ്പീഡ്........ ദേവൂന് നല്ലോണം പേടി ആവുന്നുണ്ട്. പെട്ടെന്ന് ആളൊഴിഞ്ഞ ഒരു സ്ഥലത്ത് ആദി കാർ ഒതുക്കി കണ്ണും പൂട്ടി സീറ്റിലേക്ക് ചാരി ഇരുന്നു. ആദിയുടെ പെട്ടെന്നുള്ള മാറ്റം കണ്ടപ്പോൾ ദേവൂന് അവനെ വിളിക്കണമെന്ന് ഉണ്ട്. പതിയെ അവൾ അവന്റെ തോളിൽ കൈ വച്ചപ്പോൾ ഒറ്റ തട്ട് ആയിരുന്നു. മടിച്ചു മടിച്ച് ആണെങ്കിലും ദേവു ആദിയുടെ കൈയിൽ മുറുകെ പിടിച്ചു. "ആദിയേട്ടാ......." "മിണ്ടരുത് നീ...... കണ്ടവൻമാര് കൈയിൽ കയറി പിടിച്ചപ്പോൾ എവിടെ ആയിരുന്നു നിന്റെ ഈ നാക്ക്...... അപ്പോ തന്നെ നീ അവനിട്ട് ഒന്ന് പൊട്ടിച്ചിരുന്നെങ്കിൽ അവൻ നിന്നെ തൊട്ടുമായിരുന്നോ..... നിന്ന് മോങ്ങാൻ മാത്രം അറിയാം...

എത്ര പറഞ്ഞാലും മനസ്സിലാവില്ല. ബുദ്ധിയും ബോധവും ഇല്ലാത്ത ഒരു സാധനം"............... ആദി പിന്നെയും അവളെ എന്തോക്കെയോ ചീത്ത പറഞ്ഞുകൊണ്ടിരുന്നു. കരഞ്ഞു പോകുമെന്ന് തോന്നിയപ്പോൾ ദേവു ആദിയെ മുറുക്കി കെട്ടിപിടിച്ചു. പെട്ടെന്ന് ദേവുവിന്റെ ഭാഗത്തുനിന്നും അങ്ങനെ ഒരു പ്രതികരണം ആദി പ്രതീക്ഷിച്ചിരുന്നില്ല. ഉച്ചത്തിൽ ചീത്ത പറഞ്ഞുകൊണ്ടിരുന്ന അവൻറെ ശബ്ദമിടറി.... "ദേ..... ...ദേവു.... എന്നെ വിട്ട്......." "ഇല്ല വിട്ടില്ല... ആദിയേട്ടൻ വഴക്ക് പറഞ്ഞോ ഞാൻ കേട്ടോളാം....." "നീ എന്നെ വിട്ട്......... എന്നാലെ പറയാൻ പറ്റൂ...." "ഇല്ല, വിട്ടില്ല......" ദേവു ആദിയെ ഒന്നുകൂടി മുറുകെ കെട്ടിപ്പിടിച്ചു. പതിയെ ആദിയുടെ കൈകളും അവളിൽ പിടി മുറുക്കി.

"എന്തിനാ പെണ്ണേ നീ എന്നെ ഇങ്ങനെ വിഷമിപ്പിക്കുന്നേ....... എനിക്ക് ഇഷ്ടമല്ല നിന്റെ മേൽ ആരും കൈ വയ്ക്കുന്നത്... നീ എന്റെയാ എന്റെ മാത്രം ...... " ദേവൂന് അത് കേട്ടപ്പോൾ ഉണ്ടായ സന്തോഷം എത്രയാണെന്ന് പറയാൻ കഴിയില്ല. അവൾ ആദിയുടെ കവിളിൽ അമർത്തി ചുംബിച്ചു. "ഞാൻ ആദിയേട്ടന്റെ അല്ലേ...... ആദിയേട്ടന്റെ മാത്രം... പിന്നെ എന്നെ ആരെങ്കിലും തൊട്ടാൽ ആദിയേട്ടൻ ചോദിക്കാൻ വരുമെന്ന് എനിക്ക് അറിയാല്ലോ.. അതല്ലേ എന്റെ ധൈര്യം.... ആദിയേട്ടൻ അല്ലേ എന്റെ എല്ലാം........" "ശരിക്കും..........???" "സത്യമായിട്ടും....." "Love you ദേവൂ...... love you so much 😘" ആദി അവളെ ചേർത്ത് പിടിച്ചു. സമയം കടന്നു പോയി. ആദി പിടി വിട്ടില്ല എന്ന് ഉറപ്പായപ്പോൾ ദേവു അവനെ വിളിച്ചു.

"ആദിയേട്ടാ..... എന്നെ വിട്ട്, നമ്മുക്ക് പോവണ്ടേ..." "ആയില്ല, കുറച്ചു നേരം കൂടി......" ആദി കൊഞ്ചി "അതേ.... അവിടെ കുറേപേരെ ഉപേക്ഷിച്ചിട്ടാ നമ്മള് വന്നത്. ഓർമ്മയുണ്ടോ.???" "അയ്യോ🙆‍♂️.. മറ്റുള്ളവരെ സാരമില്ല അമ്മാവനും അമ്മായിയും ഇല്ലേ അവരുടെ കൂടെ... ശ്ശെ...." "ഇനി പറഞ്ഞിട്ട് കാര്യമില്ല, അവിടെ വച്ച് മോന്റെ ഗംഭീര പെർഫോമൻസ് കണ്ടതല്ലേ അവര് അതിലും വലുത് അല്ല ഇത്..." "ദേവൂ വേണ്ടാട്ടോ.... എന്തായാലും സമയം ഇത്ര ആയലോ. കിച്ചുവിന്റെ കാറിൽ അവര് വീട്ടിൽ പോയിട്ടുണ്ടാവും. നമ്മുക്ക് വീട്ടിൽ പോയി നോക്കാം". ആദിയുടെ ഊഹം ശരിയായിരുന്നു.

ആദിയും ദേവുവും തറവാട്ടിൽ തിരിച്ചെത്തുമ്പോൾ മറ്റുള്ളവർ നേരത്തെ എത്തിയിരുന്നു. കൊടുങ്കാറ്റ് പോലെ പോയ ആദി ഇളം തെന്നൽ പോലെ മടങ്ങി വരുന്നത് കണ്ട് കിച്ചു വായും പൊളിച്ചു നോക്കി നിൽക്കുന്നുണ്ടായിരുന്നു. "എന്നാലും ദേവൂ നീ എന്ത് മാജിക് കാണിച്ചിട്ടാ ഇവനെ ഇങ്ങനെ ആകിയെടുത്തേ..." "കിച്ചു വേണ്ടാട്ടോ....... ദേവൂ നീ വേഗം ചെന്ന് ഡ്രസ്സ് ഒക്കെ പാക്ക് ചെയ്യ് നമ്മുക്ക് പോണ്ടേ..." "ഇപ്പം എടുത്തു വയ്ക്കാം" ന്ന് പറഞ്ഞ് ദേവു അകത്തേക്ക് പോയി. ദേവു അകത്തേക്ക് പോയപ്പോൾ കിച്ചു വീണ്ടും ആദിയെ തോണ്ടാൻ തുടങ്ങി. "എന്നാലും ആദി അവൾ എങ്ങനെയാ നിന്റെ ദേഷ്യം മാറ്റിയത് ഒന്ന് പറഞ്ഞു താ...plzzzzz.."

"അത് തന്നെ ആദീ.... ഇപ്പോ ഞങ്ങളുടെയും വിവാഹം കഴിഞ്ഞില്ലേ.... ഭാവിയിൽ ഞങ്ങൾക്കും ആവശ്യം വന്നാലോ ഒന്ന് പറഞ്ഞു താ....." മിഥുവിനും അറിയണം ആ രഹസ്യം. "അവൾ കാണിച്ച മാജിക് എന്താണെന്ന് അല്ലേ രണ്ടാൾക്കും അറിയേണ്ടത് അതിന്റെ പേരാണ് സ്നേഹം.... പ്രണയമെന്നോ ഇഷ്ടം എന്നൊക്കെ അതിനെ വിളിക്കാം. എനിക്ക് അവളോടുള്ള പ്രണയം അതിനേക്കാൾ നൂറിരട്ടിയായി അവൾ എനിക്ക് തിരിച്ചു തരുന്നുണ്ട്. ഞാൻ എത്ര പിണങ്ങിയാലും ദേഷ്യപ്പെട്ടാലും കുറച്ചു കഴിഞ്ഞ് ഞാൻ ഒന്ന് ചേർത്ത് പിടിച്ചാൽ തീരും അവളുടെ സങ്കടവും പരിഭവവുമൊക്കെ. ഇന്ന് ഞാൻ ദേഷ്യപ്പെട്ടപ്പോൾ അവൾ അത് തിരിച്ചു പ്രയോഗിച്ചു അത്രേയുള്ളൂ....". ഇപ്പോ ടെക്നിക് പിടി കിട്ടി എന്ന ഭാവത്തിൽ കിച്ചുവും മിഥുവും പരസ്പരം നോക്കി ചിരിച്ചു. അതേസമയം അകത്ത് ഹിമയും നീലിമയും ഇതേ ടെക്നിക് ദേവുവിൽ നിന്നും ചോർത്തി എടുത്തിരുന്നു...

 അങ്ങനെ എല്ലാവരും തിരിച്ചു വീട്ടിലേക്ക് വന്നു. പിറ്റേന്ന് മുതൽ ആദിയും ദേവുവും പതിവുപോലെ ബാങ്കിൽ പോയി തുടങ്ങി. മിഥുവും കിച്ചുവുമൊക്കെ പുതുമോടി ആഘോഷിക്കാനായി ലീവിലാണ്. കിച്ചുവിന്റെ വീട്ടിൽ ആകെ കൂടി ബഹളമാണ്. ഉണ്ണികുട്ടനെയും കൊണ്ട് അപ്പച്ചി നടക്കാൻ തുടങ്ങിയാൽ ചിന്നുവും വാവയെ കളിപ്പിച്ചു കൊണ്ട് പിറകെ ഉണ്ടാവും. ഉണ്ണികുട്ടനെയും കൊണ്ട് അപ്പച്ചി പുറത്തിറങ്ങിയാൽ അപ്പോ തന്നെ നിഖിലേട്ടൻ സുമേച്ചിയുടെ പിറകെ കൂടും. പാവം ഒരു പ്രവാസിയുടെ രോദനം... ചെറിയച്ഛൻ കയറി വരുമ്പോൾ കണ്ടത് മുറ്റത്ത്‌ നിൽക്കുന്ന അപ്പച്ചിയെ ആണ്.

അകത്തേക്ക് കയറുമ്പോൾ ഒരു ഭാഗത്ത് ഹിമയും കിച്ചുവും മറുഭാഗത്ത് നിഖിലേട്ടനും സുമേച്ചിയും കട്ട റോമൻസ്... വന്ന പോലെ ചെറിയച്ഛൻ മുറ്റത്തേക്ക് തന്നെ മടങ്ങി. "എന്താ സഹു ഏട്ടാ......" വിവിധ ഭാവങ്ങൾ മുഖത്ത് വിരിയുന്ന ചെറിയച്ഛനോട് അപ്പച്ചി ചോദിച്ചു. "ഒന്നുമില്ല, ഇങ്ങനെ പോയാൽ തൊട്ടിലിന്റെ എണ്ണം കൂടുമല്ലോ എന്ന് ഓർത്തു നിന്ന് പോയതാ...." അപ്പോഴാണ് നാണിച്ചു കൊണ്ട് ഓടി വരുന്ന സുമേച്ചിയെയും പിറകിൽ വന്ന നിഖിലേട്ടനെയും അപ്പച്ചി കണ്ടത്. അപ്പച്ചി അവരെ ഒന്ന് ഇരുത്തി നോക്കുമ്പോഴാണ് ഹിമയുടെ കൈയും പിടിച്ച് കിച്ചുവും അങ്ങോട്ട് വന്നത്. "ഓഹ്....... അച്ഛനും അമ്മയും മുറ്റത്ത് നിന്നാണോ റോമൻസ് കളിക്കുന്നേ അകത്ത് കേറി പോ അച്ഛാ.... "

പരസ്പരം നോക്കി നിൽക്കുന്ന അപ്പച്ചിയെയും ചെറിയച്ഛനെയും നോക്കി കിച്ചുവിന്റെ മാസ്സ് ഡയലോഗ്.. "ദേ..... എന്നെ കൊണ്ട് പറയിപ്പിക്കല്ലേ കിച്ചു... നിങ്ങളുടെ ഒക്കെ റോമൻസ് കണ്ട് കണ്ണും തള്ളി നിൽക്കുവാ നിന്റെ അച്ഛൻ. ദയവ് ചെയ്തു മക്കൾ എല്ലാവരും കൂടി വീട്ടിലെ അംഗസംഖ്യ ക്രമാതീതമായി ഉയർത്തരുത്ത്. അപേക്ഷയാണ്...🙏" അതോടെ ഇളിച്ചു കൊണ്ട് നിഖിലേട്ടനും കിച്ചുവും പുറത്തേക്കും ഹിമയും സുമേച്ചിയും അകത്തേക്കും വലിഞ്ഞു. "ഡാ മോനേ നിഖിലേ..... ഒന്ന് അവിടെ നിന്നേ... ഈ കൈയിൽ ഉള്ളത് ഒന്ന് നടക്കാൻ പഠിക്കട്ടെ എന്നിട്ട് മതി അടുത്തത്, മനസ്സിലായോ......" ചെറിയച്ഛന്റെ ഉപദേശത്തിന് ക്ലോസപ്പിന്റെ പരസ്യം പോലെ ഒരു ചിരി പാസാക്കി നിഖിലേട്ടൻ സ്ഥലം കാലിയാക്കി.... പിന്നെ കിച്ചുവും അവിടെ നിന്നില്ല................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...