💞ഹൃദയത്തിൽ ഒരിടം💞: ഭാഗം 4

എഴുത്തുകാരി: മിന്നു 

വീട്ടിൽ നിന്നും ഇറങ്ങിയിട്ട് കുറേ നേരമായി. എന്തോ ഇവിടെ ഇങ്ങനെ ഇരിക്കുമ്പോൾ ദേവുവിനെ കാണാൻ തോന്നുന്നു.💕 പക്ഷേ വീട്ടിൽ പോയിട്ട് എന്തിനാ നാട്ടിലെ മുഴുവൻ പെണ്ണുങ്ങളും ഉണ്ട്‌ അവിടെ. അവളെ കാണാൻ വന്നതാ അത്രേ😤 എന്താ ഇതിനും മാത്രം അവളെ കാണാൻ?? എന്റെയും കല്യാണം ആയിരുന്നില്ലേ ഇന്നലെ എന്നിട്ട് ആർക്കും എന്നെ കാണണ്ട. അവരുടെ ഓരോ ചോദ്യങ്ങളിൽ നിന്നും രക്ഷപ്പെടാൻ വേണ്ടിയാണ് മിഥൂനെയും കൂടി ഇവിടെ വന്ന് ഇരുന്നത്. ആ തെണ്ടി ആണെങ്കിൽ വന്നത് മുതൽ ഫസ്റ്റ്നൈറ്റ് എങ്ങനെ ഉണ്ടായിരുന്നു എന്ന് ചോദിച്ച് കളിയാക്കാൻ തുടങ്ങിയതാ...... എന്റെ സ്വഭാവത്തിന് നേരത്തെ അവന് എന്റെ കൈയിന്ന് ഒന്ന് കിട്ടേണ്ടതാ.....

പിന്നെ അവൻ പറയുന്നത് കേൾക്കാനും ഒരു സുഖം അതാ മിണ്ടാതെ ഇരിക്കുന്നത് ഉച്ചയ്ക്ക് ഊണു കഴിക്കാൻ ചെല്ലുമ്പോൾ മിഥുനെയും ഒപ്പം കൂടി. അവനും അറിയട്ടെ എന്റെ ഭാര്യയുടെ കൈപുണ്യം😎😎. വീട്ടിൽ ചെല്ലുമ്പോൾ അപ്പച്ചിയും ദേവുവും മാത്രമേ ഉള്ളൂ. അച്ഛൻ ചിന്നുവിനെയും കൂടി പുറത്ത് എവിടെയോ പോയിരിക്കുകയാണ്. ഊൺ കഴിക്കുമ്പോൾ പലപ്പോഴും മനസ്സ് അരുതെന്ന് വിലക്കിയിട്ടും അനുസരണ ഇല്ലാത്ത എന്റെ കണ്ണുകൾ അവൾക്ക് നേരെ നീണ്ടു.💕...ഞാൻ കെട്ടിയ താലി അവളുടെ കഴുത്തിൽ അങ്ങനെ ചേർന്ന് കിടക്കുന്നത് കാണുമ്പോൾ വല്ലാത്ത ഒരു സുഖം.

ഇടയ്ക്ക് ഒന്ന് രണ്ടു തവണ ഞങ്ങളുടെ കണ്ണുകൾ തമ്മിൽ ഇടഞ്ഞെങ്കില്ലും അവൾ ഉടനെ നോട്ടം മാറ്റി. ഊണു കഴിഞ്ഞ് എല്ലാവരും സംസാരിക്കാൻ തുടങ്ങി. അൽപ്പസമയം കൊണ്ട് തന്നെ മിഥുനും ദേവുവും നല്ല കൂട്ടായി. മിഥു ദേവുനെ സ്വന്തം പെങ്ങളായി ഏറ്റെടുത്തു കഴിഞ്ഞു. ദേവു എന്തൊക്കെയോ പറഞ്ഞു ചിരിക്കുന്നുണ്ട്. ഇതാണോ ആദി പറഞ്ഞ ആരോടും മിണ്ടാത്ത കുട്ടി എന്ന് പോലും മിഥുന് സംശയമായി. ദേവുവിന്റെ പെരുമാറ്റം കണ്ട് ആദിയും ആകെ അൽഭുതപ്പെട്ട് ഇരിക്കുവാ... ഓഫീസിൽ ആരോടും മിണ്ടാതെ തലയും താഴ്ത്തി നടക്കുന്ന ദേവു തന്നെയാണോ ഇത്??

ഇത്രയും നന്നായി സംസാരിക്കുന്ന ഇവൾ എന്താ ഓഫീസിൽ ആരോടും കൂട്ട് കൂടാത്തത്?? ഇപ്പോഴും അപ്പച്ചിയോടും മിഥുനോടും ഒക്കെ മിണ്ടുന്നുണ്ടെങ്കില്ലും എന്നെ അത്ര മൈൻഡ് ആകുന്നില്ല. പിന്നെ അവിടെ ഇരിക്കാൻ തോന്നിയില്ല എണീറ്റ് മുറിയിലേക്ക് ചെന്നു. എല്ലാവരും ഇവിടെ ഇരിക്കുമ്പോൾ ആദിയേട്ടൻ എന്താ എണീറ്റ് പോയത്??? ഇനി സുഖമില്ലാതെ മറ്റോ ഉണ്ടോ... ഒന്ന് ചെന്നു നോക്കിയിട്ട് വരാം. ഷെൽഫിൽ ഒരു ബുക്ക് തിരഞ്ഞു കൊണ്ടിരിക്കുമ്പോഴാണ് മുറിയിൽ ആരോ വന്നതായി ആദിക്ക് തോന്നിയത്. തിരിഞ്ഞു നോക്കിയപ്പോൾ ദേവു ആണ്. 🤔എന്നെ നോക്കി വന്നതാണെന്ന് തോന്നുന്നു.... ഡോറിന്റെ അടുത്ത് നിന്നതിനാൽ അവൾ തന്നെ കണ്ടിട്ടില്ല എന്ന് ആദിക്ക് മനസ്സിലായി.

പെട്ടെന്ന് തോന്നിയ കുസൃതിയിൽ അവൻ അവളുടെ കൈയിൽ പിടിച്ച് നെഞ്ചിലേക്ക് വലിച്ചിട്ടു. ആദ്യം ഒന്ന് പേടിച്ചെങ്കില്ലും ആദി ആണെന്ന് മനസ്സിലായപ്പോൾ അവൾക്ക് ആശ്വാസമായി. അപ്പോഴാണ് പ്രതീക്ഷിക്കാതെ ആദിയുടെ കൈകൾ അവളുടെ ഇടുപ്പിൽ അമർന്നത്.. ... അറിയാതെ തന്നെ നിന്നിടത്തു നിന്ന് അവൾ ഒന്ന് ഉയർന്നു. വർദ്ധിച്ചു വരുന്ന അവളുടെ ഹൃദയമിടിപ്പും നെറ്റിയിൽ പൊടിഞ്ഞ വിയർപ്പുതുള്ളികള്ളും അവനിൽ ചിരി പടർത്തി. "ദേവൂ......എന്താ നീ നോക്കുന്നത്??" "ഒന്നൂല്ല" "ഒന്നൂല്ലേ......" "അത്....... അത് ഞാൻ ചിന്നുവിനെ നോക്കി വന്നതാ....." "അതിന് ചിന്നു പുറത്ത് പോയിരിക്കുവല്ലേ" "അത്.... ഞാൻ പെട്ടെന്ന് അതോർത്തില്ല

(ആദിയുടെ നോട്ടവും ചിരിയും സ്പർശവും എല്ലാം തന്നിൽ എന്തോക്കെയോ മാറ്റങ്ങൾ വരുത്തുന്നതായി അവൾക്ക് തോന്നി.) "എന്നെ വിട്ട്...... ഞാൻ പോട്ടെ....." "അങ്ങനങ്ങ് പോയാല്ലോ......എന്റെ ഭാര്യയെ ഞാൻ ശരിക്കൊന്ന് കാണട്ടെ......" "വേണ്ട, എന്നെ വിട് എനിക്ക് പോണം....." അത്രയും പറഞ്ഞപ്പോഴേക്കും അവളുടെ കണ്ണുകൾ ഈറനണിഞ്ഞു. അത് കണ്ടതും ആദി അവളിലെ പിടി വിട്ട് പുറത്തേക്ക് പോയി. ഞാൻ ഒന്ന് തൊട്ടത്തിന് അവൾ എന്തിനാ കരഞ്ഞത്.... അതിനും മാത്രം ഞാൻ ഒന്നും ചെയ്യ്തിലല്ലോ....... ഒന്ന് ശരിക്ക് കെട്ടിപ്പിടിച്ചതും കൂടി ഇല്ല. ഒന്നൂല്ലേല്ലും ഞാൻ അവളുടെ ഭർത്താവ് അല്ലേ... ഒന്ന് തൊട്ടാനുള്ള അവകാശം പോലും എനിക്ക് ഇല്ലേ...... ഇനി അവൾക്ക് എന്നെ ഇഷ്ടമല്ലേ അതായിരിക്കുമോ.... ശ്ശെ വേണ്ടായിരുന്നു..... മതി ഞാൻ നിർത്തി. ഇനി അവൾ ഇഷ്ടം പറഞ്ഞ് ഇങ്ങോട്ട് വരട്ടെ.....

അല്ലാതെ ഇനി ഒന്നുമില്ല. ശ്ശൊ എന്നാലും ആദിയേട്ടൻ എന്ത് കരുതി കാണും.... എന്തിനാ ആദിയേട്ടൻ പിടിച്ചപ്പോൾ എന്റെ കണ്ണ് നിറഞ്ഞത്... ഇനി ആദിയേട്ടനെ എനിക്ക് ഇഷ്ടമല്ലേ..... ഏയ്യ് അതല്ല...എനിക്ക് ആദിയേട്ടനോട് പിണക്കമൊന്നും ഇല്ലാല്ലോ. മാത്രമല്ല ആദ്യം ആദിയേട്ടൻ തൊട്ടപ്പോൾ ശരീരം മുഴുവൻ ഒരു കുളിര് കോരിയത് പോലെ തോന്നിയല്ലോ... അപ്പോ ഇഷ്ടമുണ്ട്. ആദിയേട്ടൻ പിണങ്ങി പോയതാന്ന് തോന്നുന്നു. അത് സാരമില്ല, ആ പിണക്കമൊക്കെ ഞാൻ മാറ്റിക്കോളാം. ഈ ഒരു ചെറിയ പിണക്കം മാറ്റാൻ കഴിഞ്ഞില്ലെങ്കിൽ ഞാൻ എന്ത് ഭാര്യയാ... രാത്രി ആണ് ആദി പിന്നെ വീട്ടിലേക്ക് തിരിച്ചു വന്നത്. കലിപ്പിൽ ആണെന്ന് തോന്നിയത് കൊണ്ട് ദേവു ഒന്നും മിണ്ടിയില്ല.

ഭക്ഷണം കഴിക്കുമ്പോഴും ആദി ദേവുവിനെ മൈൻഡ് ചെയ്യാതെ ഇരുന്നു. ആദി തന്നെ ശ്രദ്ധിക്കുന്നില്ല എന്ന് മനസ്സിലായപ്പോൾ ദേവുവിന്റെ ഉള്ളിൽ എന്തോ ഒരു പിടച്ചിൽ...ം അടുക്കള ഒതുക്കി റൂമിലേക്ക് ചെല്ലുമ്പോൾ ആദിയും ചിന്നുവും കെട്ടിപ്പിടിച്ചു കിടക്കുകയാണ്. ചിന്നു നല്ല ഉറക്കത്തിലാണ് . ആദി ദേവു വരുന്നത് കണ്ടപ്പോൾ ഉറക്കം നടിച്ചു കിടന്നതാണെന്ന് അവൾക്ക് മനസ്സിലായി. ചിരിച്ചു കൊണ്ട് ചിന്നുവിന്റെ അടുത്തായി അവളും സ്ഥാനം പിടിച്ചു. ദേവു ഒരു കൈ കൊണ്ട് ചിന്നുവിനെ കെട്ടിപ്പിടിച്ചതും ആദി അവളുടെ കൈ തട്ടി മാറ്റി. ആദി നല്ല കലിപ്പിൽ ആണ്. ഇപ്പോ എന്തെങ്കിലും പറഞ്ഞാൽ ചൂടായി നിൽക്കുന്ന ഓവനിൽ അറിഞ്ഞു കൊണ്ട് തല വച്ച് കൊടുത്ത അവസ്ഥ ആവും എന്ന് അറിയാവുന്നത് കൊണ്ട് ഒന്നും മിണ്ടാതെ ദേവു തിരിഞ്ഞു കിടന്നു. പിറ്റേന്ന് ഒരു തിങ്കളാഴ്ച ആയിരുന്നു..

ചിന്നു സ്കൂളിലേക്കും ആദി ബാങ്കിലേക്കും പോവാനുള്ള ഒരുക്കത്തിലാണ്. ചിന്നുവിനെ ഒരുക്കുന്നതിനിടയിൽ മാഷ് ദേവുവിനോട് ചെന്നു ചോദിച്ചു :"മോള് ഇന്ന് ഓഫീസിൽ പോണില്ലേ..." ന്ന്. കുറേ നേരമായി അവളും അത് ആലോചിക്കുന്നു. പക്ഷേ ഇതുവരെ ആദി ഒന്നും പറഞ്ഞില്ല.മുറിയിൽ ചെല്ലുമ്പോൾ ആദി ബാങ്കിൽ പോവാൻ ഉള്ള ഒരുക്കത്തിലാണ്. കുറേ നേരം അവിടെ ചുറ്റി തിരിഞ്ഞിട്ടും ആദി അവളെ മൈൻഡ് ആകിയതേയില്ല.... അവൻ ശ്രദ്ധിക്കാൻ വേണ്ടി അവൾ അവിടെ നിന്ന് മൂന്നാല് കള്ള ചുമ ചുമച്ചു. എവിടെ യാതൊരു പ്രയോജനവും ഉണ്ടായില്ല... ആദി റെഡിയായി പുറത്തേക്ക് ഇറങ്ങുന്നത് കണ്ടപ്പോൾ ദേവു വിളിച്ചു. "ആദിയേട്ടാ............"

(ആദ്യമായി അവളുടെ വായിൽ നിന്നും ആ വിളി കേട്ടത് കൊണ്ട് അവൻ ഒരു നിമിഷം സ്റ്റക്കായി. എന്താന്നുള്ള ഭാവത്തിൽ അവളെ തിരിഞ്ഞു നോക്കി.) "ആദിയേട്ടൻ എങ്ങോട്ടാ....." "ഞാൻ പൂരം കാണാൻ പോവുവാ എന്താ നീ വരുന്നോ"( ആദി ഒരു ലോഡ് പുച്ഛം വാരിവിതറി) "ഞാനും വരട്ടെ......." "ങ്ങേ........🙄" "അല്ല, ഓഫീസിലേക്ക് ഞാനും വരട്ടെ ന്ന്..." (അപ്പോഴാണ് ദേവുവും തന്റെ ഓഫീസിലാണ് വർക്ക് ചെയ്യുന്നത് എന്ന കാര്യം അവൻ ഓർത്തത്). "എന്റെ ഭാര്യയെ സംരക്ഷിക്കാൻ എനിക്ക് അറിയാം, അതിനു വേണ്ടി നീ ജോലിക്ക് പോവണ്ട ആവശ്യമില്ല. എന്നാൽ നിനക്ക് ജോലി ക്ക് പോവുന്നതാണ് ഇഷ്ടമെങ്കിൽ നിനക്ക് പോകാം ഞാൻ തടയില്ല. മാത്രമല്ല നിന്റെ പോസ്റ്റിങ് കഴിഞ്ഞിട്ട് അത്രയല്ലേ ആയുള്ളൂ. പെട്ടെന്ന് മറ്റോരാളെ കിട്ടാൻ ബുദ്ധിമുട്ടാണ്. അതുകൊണ്ട് നീ ഓഫീസിൽ വരേണ്ടി വരും."

ഇത്രയും പറഞ്ഞിട്ട് ആദി പുറത്തേക്ക് ഇറങ്ങി പോയി. ഇത് ഇപ്പോ ആദിയേട്ടൻ തന്നോട് വരണ്ട എന്നാണോ വരണം എന്നാണോ പറഞ്ഞത്... ഒന്നും മനസ്സിലായില്ല ദേവു ചിന്തിച്ചു നിൽക്കുമ്പോഴാണ് ആദി വീണ്ടും മുറിയിലേക്ക് വന്നത്. "ആദിയേട്ടാ......ആദിയേട്ടൻ പറഞ്ഞത് എനിക്ക് മനസ്സിലായില്ല." "മനസ്സിലാക്കാൻ ഒന്നുമില്ല, ഇന്ന് നീ എന്തായാലും വരണ്ട . പലരുടെയും ചോദ്യവും പറച്ചിലും ഒക്കെ ഉണ്ടാവും. നാളെ മുതൽ എന്റെ കൂടെ വരണം. പെട്ടെന്ന് ഒരു അക്കൗണ്ടന്റിനെ വേറെ കിട്ടില്ലല്ലോ. ജോലി continue ചെയ്യണോ വേണ്ടയോ എന്നൊക്കെ നമ്മുക്ക് പിന്നെ തീരുമാനിക്കാം. ഇപ്പോ മനസ്സിലായോ.......🙂🙂." "മ്മം......."

ആദി ബൈക്ക് സ്റ്റാർട്ട് ചെയ്യുമ്പോൾ ചിന്നുവിനെ യും കൂട്ടി ദേവു അങ്ങോട്ടേക്ക് ചെന്നു. ചിന്നുവിനെ ആദിയുടെ മുന്നിലേക്ക് ഇരുത്തി. ചിന്നുവിന്റെ ഇരിപ്പും മട്ടും ഭാവവും കണ്ടാൽ തോന്നും അവൾ ആണ് ബൈക്ക് ഓടിക്കുന്നതെന്ന്. ചിന്നുവിനെ നോക്കി നിൽക്കുമ്പോഴാണ് പെട്ടെന്ന് ചിന്നു ദേവുവിനെ അടുത്തേക്ക് വിളിച്ചത്. ചെന്നപ്പോൾ ഇങ്ങ് വാ..... ന്നും പറഞ്ഞ് അവളുടെ കൈയിൽ പിടിച്ച് വലിച്ചു. ദേവു കുനിഞ്ഞ് നിന്നപ്പോൾ ചിന്നു അവളുടെ കവിളിൽ ഉമ്മ വച്ചു. "എന്റെ ഫ്രണ്ട് ലിയ പറഞ്ഞല്ലോ, അവൾ എന്നും വരുമ്പോൾ അമ്മയ്ക്ക് ഉമ്മ കൊടുക്കുമെന്ന്. ഇനി എന്നും ഞാൻ സ്കൂളിൽ പോകുമ്പോ ഏടത്തിയമ്മയ്ക്ക് ഉമ്മ തരാവേ....."

ചിന്നുവിന്റെ മുഖത്തെ സന്തോഷം കണ്ടപ്പോൾ ദേവുവും അവളെ കെട്ടിപ്പിടിച്ച് ഒരുമ്മ കൊടുത്തു. ഇത് കണ്ടപ്പോൾ ആദിയുടെ കണ്ണുകൾ സന്തോഷം കൊണ്ട് നിറഞ്ഞു. ഒപ്പം തനിക്ക് കിട്ടിയിലല്ലോ ഉമ്മ എന്ന കുഞ്ഞുനിരാശയും. ദേവു ചെറു ചിരിയോടെ ആദിയും ചിന്നുവും പോവുന്നത് നോക്കി നിന്നു.മിററിലൂടെ ആദി ദേവുവിനെ യും നോക്കുന്നുണ്ടായിരുന്നു.💕💕💕 ഓഫീസിൽ എത്തിയപ്പോൾ മുതൽ എന്തോ ഒരു മിസ്സിങ്ങ്. ഒഴിഞ്ഞ് കിടക്കുന്ന ദേവുവിന്റെ സീറ്റിലേക്ക് ഇടയ്ക്കിടെ മിഴികൾ എന്തിനോ വേണ്ടി തിരയുന്നു. പലരും ദേവു എന്താ വരാത്തത് എന്ന് ചോദിച്ചു. എന്നാൽ മറ്റ് പലരിലും ഒരു പരിഹാസചിരി.

അത് ഒഴിവാക്കാൻ വേണ്ടി തന്നെയാ ഇന്ന് വരണ്ട എന്ന് ദേവുനോട് പറഞ്ഞത്. കാര്യമായി ഒരു ഫയൽ നോക്കി കൊണ്ടിരിക്കുമ്പോഴാണ് പ്യൂൺ രാമേട്ടൻ ഒരു വിസിറ്റർ ഉണ്ടെന്ന് വന്ന് പറഞ്ഞത്. "അവരോട് അകത്തേക്ക് വരാൻ പറയൂ....." "അവർക്ക് സാറിനോട് എന്തോ പേഴ്സണൽ മാറ്റർ ആണ് സംസാരിക്കാൻ ഉള്ളത് അത്രേ... സാറിനോട് ഒന്ന് പുറത്തേക്ക് ചെല്ലുമോ എന്ന് ചോദിച്ചു"(രാമേട്ടൻ). "പേഴ്സണൽ മാറ്ററോ??? ആരായിരിക്കും അത്???" "ഒരു സ്ത്രീ ആണ് സാർ" "സ്ത്രിയോ ഓക്കെ ഞാൻ വരാം" "എന്നാലും അതാരായിരിക്കും വിസിറ്ററെ കാണാൻ ചെന്ന ഞാൻ മുന്നിൽ നിൽക്കുന്ന ആളെ കണ്ട് അൽഭുതപ്പെട്ടു. ദേവുവിന്റെ അമ്മ. "അമ്മ..........അമ്മ എന്താ ഇവിടെ???"

"മോനേ..... ഞാൻ മോനേ ഒന്ന് കാണാൻ വന്നതാ......" "അമ്മേ..... ദേവു ഒരു തെറ്റും ചെയ്തിട്ടില്ല.അമ്മ അവളെ വെറുക്കരുത്" "എനിക്ക് അറിയാം മോനേ എന്റെ മോൾ ഒരു തെറ്റും ചെയ്തിട്ടില്ല എന്ന്... അവൾ ഒരിക്കലും എന്റടുത്ത് കള്ളം പറയില്ല അന്ന് സ്റ്റേഷനിൽ വച്ച് എന്റെ കാല് പിടിച്ചു പറഞ്ഞപ്പോഴേ എനിക്ക് അത് മനസ്സിലായി നിങ്ങൾ നിരപരാധികൾ ആണെന്ന്. എന്നിട്ടും ഞാൻ അവളെ കൂടെ കൊണ്ട് പോവാഞ്ഞത് ഞങ്ങളുടെ വീട്ടിൽ നിന്നാൽ ഒരിക്കലും അവൾക്ക് നല്ല ഒരു ജീവിതം ഉണ്ടാവില്ല എന്ന് ഉള്ളത് കൊണ്ട് തന്നെ ആണ്. മോനേ കുറിച്ച് ഞാൻ അന്വേഷിച്ചു. എന്റെ മോൾക്ക് ഇതിൽ പരം ഒരു ഭാഗ്യം ഇല്ല എന്ന എല്ലാവരും പറഞ്ഞത്.

അത്ര ഒന്നുമില്ലേലും അല്ലൽ ഇല്ലാതെ എന്റെ മോള് കഴിയുന്നുണ്ടെന്ന് അറിഞ്ഞാൽ മതി എനിക്ക്..... (കണ്ണ് തുടച്ചു കൊണ്ട് ആ അമ്മ പറഞ്ഞപ്പോൾ നെഞ്ചിലോരു നീറ്റൽ......) "അമ്മ പേടിക്കണ്ട, പൊന്നു പോലെ നോക്കും എന്നൊന്നും ഞാൻ പറയുന്നില്ല പക്ഷേ സങ്കടപെടുത്തില്ല ജീവനുള്ള കാലത്തോളം...." "സന്തോഷമായി മോനേ..... അത് കേട്ടാൽ മതി." "അച്ഛന് ഞങ്ങളോട് ദേഷ്യമായിരിക്കും അല്ലേ അമ്മേ......" "അങ്ങേരുടെ ദേഷ്യം മോൻ നോക്കണ്ട, ദേവു പോയതിൽ അങ്ങേർക്ക് സന്തോഷം ആണ്. " "അതെന്താ അമ്മേ......" "അങ്ങേർ അവളുടെ അച്ഛനല്ല, ദേവുന്റെ അച്ഛൻ മരിച്ചപ്പോൾ എന്നെ രണ്ടാമത്ത് വിവാഹം കഴിച്ചതാ ബാലേട്ടൻ. ഞങ്ങൾക്ക് മക്കൾ ഉണ്ടാവുന്നത് വരെ ദേവു നെ വലിയ കാര്യമായിരുന്നു.

പക്ഷേ പിന്നീട്........ ബാലേട്ടൻ അവളുടെ അച്ഛൻ അല്ലാന്ന് അറിഞ്ഞപ്പോൾ തകർന്നു പോയതാ എന്റെ മോള്. പിന്നെ കളിയില്ല ചിരിയില്ല ഒരു തരം ഒതുങ്ങികൂടൽ ആയിരുന്നു അവള്. സ്വന്തം കാലിൽ നിന്ന അവള് പഠിച്ചതും ഈ ജോലി വാങ്ങിയതും ഒക്കെ....കുറേ കഷ്ടപ്പാടുകൾ അനുഭവിച്ചതാ എന്റെ കുട്ടി. ഈ ജോലിക്ക് വരാൻ തുടങ്ങിയപ്പോൾ മുതൽ പഴയ ഉൽസാഹമൊക്കെ തിരിച്ചു കിട്ടിയതാ അവൾക്ക്. ഇനിയെങ്കിലും അവൾ സന്തോഷത്തോടെ ജീവിക്കുന്നത് കണ്ടാൽ മതി എനിക്ക്." "അമ്മയ്ക്ക് എപ്പോ വേണമെങ്കില്ലും എന്റെ വീട്ടിലേക്ക് വരാം. അല്ലേൽ ഒരു ദിവസം ഞാൻ അവളെയും കൂടി വരാം". "ശരി മോനേ, ഞാൻ ഇറങ്ങട്ടെ ബാലേട്ടൻ വരുന്നതിനു മുമ്പ് അങ്ങെത്തണം"

(അമ്മ പോകുന്നത് നോക്കി നിൽക്കുമ്പോൾ ആദിയുടെ മനസ്സ് വല്ലാതെ തണുത്തു. അമ്മയോട് സംസാരിച്ചപ്പോൾ മനസ്സിന്റെ വലിയ ഒരു ഭാരം കുറഞ്ഞത് പോലെ. അമ്മ തങ്ങളെ മനസ്സിലാക്കി എന്നതിൽ അവൻ ഒരുപാട് സന്തോഷത്തിൽ ആണ്. രാവിലെ ആദിയേട്ടനും ചിന്നുവും പോയതിന്റെ പിന്നാലെ അച്ഛനും പുറത്തേക്ക് പോയി. ചിന്നു സ്കൂളിൽ പോയി തുടങ്ങിയപ്പോൾ മുതൽ അച്ഛൻ അടുത്തുള്ള ഒരു പാരലൽ കോളേജിൽ പഠിപ്പിക്കാൻ പോകുന്നുണ്ട്. ഒറ്റയ്ക്ക് ആയപ്പോൾ വല്ലാത്ത ഒരു മിസ്സിങ്ങ്..... വീട്ടിലെ ജോലികൾ ഒക്കെ ഒതുക്കിയിട്ട് കുറച്ചു നേരം സുമേച്ചിയുടെ അടുത്ത് ചെന്നിരുന്നു. ഓരോന്ന് സംസാരിച്ച് ഇരുന്നു. തിരിച്ച് വന്ന് വീണ്ടും ഓരോ ജോലിയിൽ മുഴുകി. ഉച്ച ആയപ്പോൾ ചിന്നുവും അച്ഛനും വന്നു. ചിന്നുവിന് ഉച്ച വരെയേ ക്ലാസ് ഉള്ളൂ. ചോറ് കഴിച്ചപ്പോൾ പിന്നെ അവൾക്ക് ഉറങ്ങണം .

ആദിയേട്ടൻ വരുന്നത് വരെ ചിന്നു അടങ്ങിയിരിക്കാൻ വേണ്ടി അച്ഛൻ ശീലിപ്പിച്ചതാ അവളുടെ ഈ ഉറക്കം. ഓരോ കഥയും പറഞ്ഞ് അടുത്ത് കിടന്ന ഞാനും അവസാനം ഉറങ്ങിപ്പോയി. വൈകിട്ട് ആദി വരുമ്പോൾ ദേവുവിനും ചിന്നുവിനും കുറച്ചു ഡ്രസ്സ് വാങ്ങി. ദേവുവിന്റെ കൈയിൽ ഇന്നലെ അച്ഛൻ കുറച്ച് ഡ്രസ്സ് മാത്രമേ ഉള്ളു. വീട്ടിൽ എത്തുമ്പോൾ ദേവു അടുക്കളയിൽ കാര്യമായ എന്തോ പണിയിലാണ്. ചിന്നു മുറിയിൽ കളിപ്പാട്ടങ്ങൾ മുഴുവൻ നിരത്തി വച്ചിട്ടുണ്ട്. എന്തോ വീട്ടിൽ കയറിയത് മുതൽ ഒരു പോസിറ്റീവ് എനർജി. വീടിന് തന്നെ എന്തോക്കെയോ മാറ്റം വന്നതു പോലെ.. ചാരുകസേരയിൽ ഇരിക്കുന്ന അച്ഛന്റെ മുഖത്തും സന്തോഷമാണ്.

അമ്മ പോയതിന് ശേഷം അച്ഛന്റെ മുഖത്ത് ചിരി കാണുന്നത് ഇപ്പോഴാ. ഒരു പെണ്ണ് വന്ന് കയറിയാൽ ഇത്രയോക്കെ മാറ്റങ്ങൾ ഉണ്ടാവുമോ??? ചിന്നു ഏട്ടാ..... ന്ന് വിളിച്ച് സംസാരിക്കുന്നത് കേട്ടപ്പോഴാണ് ആദിയേട്ടൻ വന്നത് അറിഞ്ഞത്. റൂമിൽ ചെന്നു നോക്കുമ്പോഴേക്കും ആള് കുളിക്കാൻ കയറിയിരുന്നു. അപ്പോഴാ ബെഡിൽ കുറച്ചു കവർ കണ്ടത്. തുറന്നു നോക്കിയപ്പോൾ ഡ്രസ്സ്... ഓരോന്നും എടുത്ത് എനിക്ക് ചേരുമോ ന്ന് നോക്കുമ്പോഴാണ് ആദിയേട്ടൻ കുളി കഴിഞ്ഞു ഇറങ്ങി വന്നത്. ബാത്ത്‌റൂമിൽ നിന്ന് ഇറങ്ങി വരുമ്പോഴാണ് എനിക്ക് ഏറ്റവും ഇഷ്ടപ്പെട്ട റോയൽ ബ്ലൂ ടോപ്പ് ദേഹത്ത് വച്ച് നോക്കുന്ന ദേവുനെ കണ്ടത്. ആഹാ..... അവൾക്ക് അത് നന്നായി ചേരുന്നുണ്ടല്ലോ....

ഒരു നിമിഷം നോക്കി നിന്നു പോയി. അപ്പോഴാ അവൾ എന്നെ നോക്കിയത്. കണ്ണുകൾ തമ്മിൽ ഉടഞ്ഞപ്പോൾ അവൻ മുഖം തിരിച്ചു കളഞ്ഞു. വെറുതെ നോക്കി കൺട്രോൾ കളയണ്ടല്ലോ ന്ന് വിചാരിച്ചിട്ടാ... ബാത്ത്റൂമിൽ നിന്നും പുറത്തേക്ക് കാൽ എടുത്തു വച്ചതും ചിന്നു നിരത്തി വച്ച കളിപ്പാട്ടത്തിൽ ഒന്നിലാണ് ചവിട്ടിയത്. തെന്നിയത് മാത്രം ഓർമ്മയുണ്ട്. പിന്നെ കണ്ണ് തുറക്കുമ്പോൾ മുന്നിൽ കാണുന്നത് ദേവുവിന്റെ കരിനീല കണ്ണുകളാണ്. കവിളിൽ ദേവുവിന്റെ ചുണ്ടുകളുടെ ഇളം ചൂടും.💕💕💕💕

ഒന്ന് റീവൈൻഡ് ചെയ്ത് ആലോചിച്ചപ്പോഴാണ് തെന്നി വീണത് മുന്നിൽ നിന്ന ദേവുവിന്റെ മേലേക്കാണ് ഒന്ന് മനസ്സിലായത്. അവളെയും കൊണ്ട് മറിഞ്ഞു വീണത് കട്ടിലിലേക്ക് ആയത് ഭാഗ്യം... അവൾ നോക്കിയപ്പോൾ തല തിരിച്ചു കളഞ്ഞത് കൊണ്ടാണ് ഉമ്മ കവിളിൽ കിട്ടിയത്. ശ്ശെ തല തിരിക്കണ്ടായിരുന്നു. "ആദിയേട്ടാ..... ഒന്ന് എണീക്ക്....." (അത് പറയുമ്പോൾ ദേവു ന്റെ മുഖത്ത് വിരിഞ്ഞു നിന്നത് നാണമായിരുന്നു. അത് കണ്ടപ്പോൾ ആദിക്ക് കുറച്ച് ആശ്വാസമായി. ഭാഗ്യം കരച്ചിലും പിഴിച്ചലും ഒന്നുമില്ല.,).

"ആഹാ..... ഞാൻ ആണോ മാറണ്ടേ... നിന്നോട് ആരാ ഞാൻ വീഴുമ്പോഴേക്കും മുന്നിൽ വന്ന് നിൽക്കാൻ പറഞ്ഞത് " "അതിന് ആദിയേട്ടൻ വീഴാൻ പോവുവാന്ന് എനിക്ക് അറിയുമോ" "ഓ...... പിന്നെ അറിയാതെ അല്ലേ വീണ ഉടനെ നീ എന്നെ കെട്ടിപ്പിടിച്ചതും ഉമ്മ തന്നതും" (ആദി അവന്റെ കവിളിൽ തഴുകി അത് പറഞ്ഞതും ദേവുവിന്റെ മുഖം കൂടുതൽ ചുവന്നു.) "ഉമ്മയോ അത് വീണപ്പോൾ അറിയാതെ പറ്റിയതായിരിക്കും. ആദിയേട്ടൻ ഒന്ന് മാറിക്കേ... എനിക്ക് പോണം." "നീ പോയ്ക്കോ....." "അതിന് ആദ്യം ആദിയേട്ടൻ എണീക്കണം" (അപ്പോഴാ അവളുടെ മേലേ കിടന്നു കൊണ്ടാണ് ഈ കണ്ട ഡയലോഗ് ഒക്കെ അടിച്ചത് എന്ന് അവന് ബോധം വന്നത്.

ദേവുന്റെ നേരെ ഒരു ഇളി പാസാക്കി. ആദി എണീറ്റ് മാറിയതും ദേവു അടുക്കളയിലേക്ക് ഒറ്റ ഓട്ടമായിരുന്നു. "ശ്ശൊ, ഇപ്പോ എന്താ സംഭവിച്ചത്... ആദിയേട്ടൻ ആയത് കൊണ്ട് കുഴപ്പമില്ല... ഒന്നൂല്ലേല്ലും എന്റെ sweeeet hubby അല്ലേ... ഒരുമ്മ കൊടുത്താൽ എന്താ ആദിയേട്ടന്റെ പിണക്കം മാറിയില്ലേ അത് മതി അന്ന് പിന്നെ ദേവു ആദിയുടെ മുന്നിലേക്കേ ചെന്നില്ല. അമ്മ വന്ന കാര്യം ദേവുനോട് പറയണം എന്ന് കരുതിയതാ പക്ഷേ അവളെ ഒന്ന് കണ്ടു കിട്ടണ്ടേ.... പിന്നെ വിചാരിച്ചു പറയണ്ട ഒരു ദിവസം സർപ്രൈസ് ആയി വീട്ടിൽ കൂട്ടിക്കൊണ്ടു പോകാമെന്ന്...............തുടരും………

ഹൃദയത്തിൽ ഒരിടം : ഭാഗം 3