💞ഹൃദയത്തിൽ ഒരിടം💞: ഭാഗം 6

എഴുത്തുകാരി: മിന്നു 

വീട്ടിൽ എത്തുമ്പോൾ അച്ഛനും ചിന്നുവും കളിക്കുവായിരുന്നു. ദേവുവിനെ കണ്ടതും ഏടത്തിയമ്മേ...... ന്ന് വിളിച്ച് ചിന്നു അവളെ വട്ടം പിടിച്ചു. "ഏടത്തിയമ്മയുടെ ചിന്നൂട്ടിക്ക് ചായ വേണ്ടേ, ഇപ്പം ഉണ്ടാകി തരാട്ടോ......" "ചിന്നൂട്ടി ചായ കുടിച്ചല്ലോ.... അച്ഛ ഉണ്ടാകി തന്നു." "അയ്യോ അച്ഛൻ എന്തിനാ അടുക്കളയിൽ കയറിയേ..... ഞാൻ വന്നിട്ട് ഉണ്ടാകി തരില്ലേ...." "അത് സാരമില്ല മോളേ.... നിങ്ങൾക്ക് ഉള്ള ചായ അച്ഛൻ മേശപ്പുറത്ത് വച്ചിട്ടുണ്ട്. തണിഞ്ഞു പോയിട്ടുണ്ടാകും ഒന്ന് ചൂടാക്കി കുടിച്ചോ രണ്ടാളും" ആദിയേട്ടൻ കുളിച്ചു വരുമ്പോഴേക്കും ചായ ചൂടാക്കി വയ്ക്കാം എന്ന് കരുതി ദേവു നേരേ അടുക്കളയിലേക്ക് ചെന്നു. ചായ ചൂടാക്കുന്നതിന്റെ ഇടയിലാണ് ദേവുവിന്റെ വയറ്റിൽ ആദി വട്ടം പിടിച്ചത്. ആദിയുടെ നിശ്വാസം പിൻകഴുത്തിൽ പതിയുന്നതിനോടൊപ്പം ദേവുവിന്റെ ഹൃദയമിടിപ്പും കൂടി വന്നു.

"ആദിയേട്ടാ..... വിട്, കളിക്കല്ലേ......" ആദി മറുപടി പറയാതെ ഒന്ന് കൂടി ദേവുനോട് ചേർന്ന് നിന്നു. "ഇതാ ആദിയേട്ടാ..... ചൂട് ചായയാണ് എന്റെ കൈയിൽ പൊള്ളും മാറിക്കേ......" എന്നിട്ടും ആദി ഒന്നും മിണ്ടിയില്ല. ആദിയുടെ വിരലുകൾ അവളുടെ പിൻകഴുത്തിൽ സഞ്ചരിച്ചു തുടങ്ങിയപ്പോൾ ദേവു കുതറി മാറാൻ ശ്രമിച്ചു. അപ്പോഴാണ് വാതിൽക്കൽ നിന്നും ചിന്നുവിന്റെ ഒച്ച കേട്ടത്‌ :"ഇതാ അച്ഛാ..... ഈ ഏട്ടൻ ഏടത്തിയമ്മയേ........" ചിന്നു ബാക്കി പറയുമ്പോഴേക്കും ആദി ഓടി ചെന്ന് അവളെ എടുത്തു. "അയ്യോ ചിന്നൂട്ടി..... ഏട്ടൻ ഏടത്തിയമ്മയെ ചുമ്മാ പേടിപ്പിചതാ മോള് ആരോടും പറയല്ലേ plzzz..... ഏട്ടന്റെ ചക്കര അല്ലേ......"

ചിന്നു സംശയത്തോടെ ആദിയെയും ദേവുവിനെ യും മാറിനോക്കി. ദേവു ആണേൽ തല താഴ്ത്തി നിൽക്കുവാണ്. "ഏട്ടൻ എന്തിനാ ഏട്ടത്തിയമ്മയെ പേടിപ്പിക്കുന്നേ😡... ഏടത്തിയമ്മ പാവമല്ലേ...... ഇനി ഏട്ടൻ ഏടത്തിയമ്മയോട് കുറുമ്പ് കാണിച്ചാൽ ഞാൻ അച്ഛനോട് പറഞ്ഞു കൊടുക്കും..." ചിന്നുവിന്റെ ഭീഷണിക്ക് മുന്നിൽ ഒന്നും മിണ്ടാതെ നിൽക്കുന്ന ആദിയെ കണ്ടപ്പോൾ ദേവുന് ചിരി നിർത്താനായില്ല.... ദേവുനെ നോക്കി കണ്ണുരുട്ടി കാണിച്ചിട്ട് ആദി ചിന്നുവിനെയും കൊണ്ട് പുറത്തേക്ക് പോയി... രാത്രി പണിയൊക്കെ കഴിഞ്ഞ് ദേവു മുറിയിൽ എത്തുമ്പോൾ ചിന്നുവിനെ ചുമരിന്റെ സൈഡിലേക്ക് മാറ്റി കിടത്തി ആദി കട്ടിലിന്റെ നടുവിൽ സ്ഥാനം പിടിച്ചിട്ടുണ്ട്.

"ഇന്ന് എന്താ ആകെ ഒരു മാറ്റം...." "ഒരു ചേഞ്ച്‌ ആർക്കാ മോളെ ഇഷ്ടമല്ലാത്തത്..." (ആദി സൈറ്റ് അടിച്ചു കൊണ്ട് ദേവുനോട് പറഞ്ഞപ്പോൾ തന്നെ അവന്റെ ഉദ്ദേശ്യം ദേവുന് മനസ്സിലായി കഴിഞ്ഞിരുന്നു) "അയ്യടാ..... അങ്ങനെ ഇപ്പം മോൻ change ഉണ്ടാകണ്ട.... മര്യാദയ്ക്ക് മാറി കിടക്ക്...". "എന്തായാലും ഞാൻ ഇന്ന് ഇവിടെ തന്നെ കിടക്കും നിനക്ക് പറ്റില്ലേൽ നീ കിടക്കണ്ട" "ആ്‌...... ഓക്കെ.... എന്നാൽ ഞാൻ നിലത്ത് കിടന്നോളാം" "ഡീ... നീ നിലത്ത് കിടക്കുവോ......" "ആ.......കിടക്കും...." "എന്നാ പിന്നെ ഞാനും നിലത്താ..." ആ മറുപടി ദേവു പ്രതീക്ഷിച്ചില്ല അവള് വായും പൊളിച്ചു നിന്നു പോയി....

രണ്ട് ചീത്ത കിട്ടുമെന്ന് പ്രതീക്ഷിച്ച് നിന്ന അവളെ നോക്കി ആദി ഒരു കള്ളച്ചിരിയോടെ കിടക്കുന്നത് കണ്ടപ്പോഴേ അവൾക്ക് ഉറപ്പായി ഇനി രക്ഷയില്ല ന്ന്.. "അവിടെ നിന്ന് കഥകളി കാണിക്കാതെ വന്ന് കിടക്കെഡീ". ആദി കലിപ്പിൽ പറഞ്ഞതും ദേവു നല്ല കുട്ടിയായി കട്ടിലിന്റെ ഒരു മൂലയിൽ ഒതുങ്ങി കിടന്നു. പുറംതിരിഞ്ഞു കിടക്കുന്ന ദേവുനെ ആദി വിളിച്ചു "ദേവൂ..............." "മ്മം..... എന്താ..........." "നിന്റെ ഈ പിൻകഴുത്തിലെ കാക്കപുള്ളി പൊളിയാട്ടോ.... ഞാൻ നേരത്തെ നോക്കി വച്ചതാ😝" "അയ്യേ....... ഈ ആദിയേട്ടൻ... എങ്ങോട്ടേക്ക് ഒക്കെയാ നോട്ടം പോവുന്നേ" (അവൾ തിരിഞ്ഞു കിടന്ന് ആദിയെ നോക്കി കെറുവിച്ചു).

"പിന്നെ.... പുറംതിരിഞ്ഞു കിടക്കുന്ന നിന്റെ കഴുത്തിലേക്ക് അല്ലേ ഞാൻ നോക്കിയുള്ളൂ. വേറെ എവിടെയും അല്ലാല്ലോ.....ഒന്ന് അടുത്ത് കിടന്നു ന്ന് വച്ച് നിന്നെ ഞാൻ പിടിച്ച് തിന്നതൊന്നുമില്ല.... വിശ്വാസമില്ലെങ്കിൽ എണീറ്റ് പോടീ........" ആദി അവളോട് കെറുവിച്ച് മാറി കിടന്നു. ചിന്നുവിനെ നടുവിൽ കിടത്തി ആദി സൈഡിലേക്ക് മാറി. ദേവു എന്തെങ്കിലും പറയുന്നതിന് മുൻപ് തലവഴി പുതപ്പിട്ടു ആദി കമിഴ്ന്നു കിടന്നു. "എന്താ ഇപ്പോ ഇവിടെ ഉണ്ടായേ... ഒന്നും പറഞ്ഞൂട്ടാ.... അപ്പോഴേക്കും ദേഷ്യം... കെട്ടിയോൻ ആയി പോയി അല്ലെങ്കിൽ പണ്ടേ എടുത്ത് കിണറ്റിൽ ഇടനേ... ഇനി ഇങ്ങോട്ട് വാ ദേവൂ....... ന്ന് വിളിച്ച്...

കാണിച്ചു തരാം. എനിക്കും വരും ദേഷ്യമൊക്കെ... കർത്തവേ.... എന്റെ കെട്ടിയോനോട് മുട്ടി നിൽക്കാനുള്ള power തരണേ.....🙏🙏." ആദിയോട് പിണങ്ങി അവളും തിരിഞ്ഞു കിടന്നു. അല്ല പിന്നെ...... രാവിലെ എഴുന്നേറ്റത് മുതൽ ആദി ദേവുനെ മൈൻഡ് ആകിയതേയില്ല. അത് കണ്ടപ്പോൾ ദേവൂന് ഉള്ളിൽ ഒരു വിങ്ങൽ.... ഇനി കർത്താവ് എന്റെ പ്രാർത്ഥന കേട്ടില്ലേ... അല്ലേല്ലും അങ്ങേരോട് പിടിച്ചു നിൽക്കാൻ എനിക്ക് ആവില്ല. എങ്ങനെയെങ്കിലും പിണക്കം മാറ്റിയേ പറ്റൂ..... പിന്നെയൊന്നും നോക്കിയില്ല ചായയും എടുത്ത് ആദിയേട്ടന്റെ മുന്നിൽ ചെന്നു നിന്ന് നന്നായി ഒന്ന് ഇളിച്ചു കൊടുത്തു.... മൂപ്പരെന്നെ ഒന്ന് മൈൻഡ് പോലും ആകാതെ കടന്നു പോയപ്പോൾ വീണ്ടും നെഞ്ചിൽ അതേ വിങ്ങൽ.

"അടങ്ങൂ ഹൃദയമേ..... അടങ്ങൂ. നമ്മുക്ക് എല്ലാം ശരിയാകാം. "(ദേവു അവളെ തന്നെ ആശ്വസിപ്പിച്ചു. ഇങ്ങേരുടെ പിണക്കം മാറ്റിയിട്ട് തന്നെ കാര്യം.. ദേവുവിന്റെ കളി കമ്പനി കാണാൻ ഇരിക്കുന്നതേയുള്ളു...ം ഓഫീസിൽ പോവാനുള്ള ഒരുക്കത്തിൽ ആയിരുന്നതിനാൽ ആദിയേട്ടന്റെ പിണക്കം എങ്ങനെ മാറ്റും എന്ന് പ്ലാൻ ചെയ്യാൻ പറ്റിയില്ല. അല്ലേല്ലും അങ്ങേർക്ക് ഒരു അഞ്ചു പൈസയുടെ വിവരമുണ്ടോ ഇന്നലെ ഞാൻ കാണിച്ചത് ഒരു പെണ്ണിന്റെ നാണമാണെന്ന് പോലും മനസ്സിലാക്കാൻ കഴിയാത്ത മണ്ടൻ... ആ അവസരം വരും അതുവരെ കാത്തിരിക്കാം. ഓഫീസിലേക്ക് പോവാൻ ബൈക്കിൽകയറി ഇരുന്നതും ആദി രൂക്ഷമായി ദേവുനെ ഒന്ന് നോക്കി.

അതോടെ ആദിയുടെ വയറ്റിൽ ചുറ്റിപ്പിടിക്കാൻ റെഡിയായി നിന്ന ദേവുവിന്റെ കൈകൾ അവന്റെ ചുമലിലേക്ക് സ്ഥാനം പിടിച്ചു. ഹും പേടിച്ചിട്ട് ഒന്നുമല്ല ചുമ്മാ ഒരു ഭയം... ഇനി ഇതിന്റെ പേരിൽ കൂടാതെ പോയാലോ.... അല്ലേങ്കില്ലേ ദേഷ്യത്തിലാ..... ഇനി ഞാനായിട്ട് അത് കൂട്ടണ്ടല്ലോ എന്ന് വിചാരിച്ച് അടങ്ങി ഇരുന്നു. ചിന്നുവിന്റെ സ്കൂളിനു മുൻപിൽ അവളെ ഇറക്കുമ്പോഴും ആദി ദേവൂനെ മൈൻഡ് ആകിയില്ല. ചിന്നുവിനെ കെട്ടിപ്പിടിച്ചു ഉമ്മ കൊടുക്കുമ്പോഴും ദേവു നോക്കിയത് ആദിയെ ആണ്. എവിടെ എയറും പിടിച്ചു നിൽക്കുവാ സാധനം. ഇനിയും മടിച്ചിരുന്നിട്ട് കാര്യമില്ല എന്ന് തോന്നിയത് കൊണ്ട് വീണ്ടും ആദിയേട്ടന്റെ പിറകിൽ കയറി ഇരുന്ന് വയറ്റിൽ വട്ടം പിടിക്കാൻ തുടങ്ങവേ കലിപ്പൻ തിരുവാ തുറന്നു.

"എങ്ങോട്ടാ ഈ ഉന്തിതള്ളി കയറി വരുന്നത്. ഞാൻ പതിയെ ബൈക്ക് ഓടിച്ചോളാം ഇനി ആ പേരും പറഞ്ഞ് ആരും എന്നെ തൊട്ടാനും പിടിക്കാനും വരണ്ട". "ഇതേ കിടക്കുന്നു ചട്ടിം കലോം.... പോയി പോയി മൂഡ് പോയി ഇങ്ങേരുടെ പിണക്കം മാറ്റാനുള്ള എല്ലാ മൂഡും പോയി.. പക്ഷേ നമ്മളെ കൊച്ചാക്കിയിട്ട് അങ്ങനെ വെറുതെ വിട്ടാൻ പറ്റുമോ. ഹും.....(ആത്മഗതം) "അതേയ്....... നിങ്ങളെ കെട്ടിപ്പിടിച്ചിരിക്കാൻ ഉള്ള പൂതിക്ക് അടുത്തേക്ക് വന്നതാണെന്ന് കരുതിയോ😏 എന്നാൽ തെറ്റിപ്പോയി, സ്പീഡ്ബ്രേക്കറിന്റെ പേരും പറഞ്ഞ് ഇടയ്ക്കിടെ ഉള്ള ഈ ബ്രേക്ക് പിടിത്തം എനിക്ക് മനസ്സിലാവുന്നില്ല എന്ന് കരുതണ്ട........😜".

"ഓഹോ മനസ്സിലായോ... എന്നാ പൊന്നുമോള് ഒന്നിറങ്ങിയേ..... നീയെ ബസ്സിൽ വന്നാ മതി. കൂടെ കൂടിയതും പോരാ അവളുടെ ഒരു കണ്ടുപിടിത്തവും.... ഇറങ്ങെഡീ ബൈക്കിന്...." "ഇതാ ഞാൻ പറഞ്ഞത് നിങ്ങൾക്ക് അത്മനിയന്ത്രണം ഇല്ലാന്ന്. ഞാൻ പിറകിൽ ഇരുന്നാൽ നിങ്ങക്ക് control പോവുമെന്ന് പേടി ഉണ്ടല്ലേ...😜 അതല്ലേ എന്നെ ഇവിടെ ഇറക്കി വിട്ടുന്നേ..." " ഓ........ control കളയാൻ പറ്റിയ ഒരു സാധനം... ഓഫീസിൽ എത്തുന്നത് വരെ അനങ്ങാതെ ഇരുന്നോളണം ഇല്ലേൽ വഴിയിൽ എവിടെയെങ്കിലും ഞാൻ തൂക്കിയെറിയും..." (പിന്നെ ദേവു ഒന്നും മിണ്ടിയില്ല അതാ അവളുടെ ആരോഗ്യത്തിനു നല്ലത് എന്ന് അവൾക്ക് മനസ്സിലായി).

ഓഫീസിന്റെ മുൻപിൽ എത്തിയതും ദേവു വേഗം അകത്തേക്ക് കയറി പോയി. ബൈക്ക് പാർക്ക് ചെയ്യാൻ പോയ ആദിക്ക് ആണേൽ ചിരി സഹിക്കാൻ കഴിഞ്ഞില്ല. "ഇന്നലെ വരെ പൂച്ചയെ പോലെ നടന്ന പെണ്ണാ... തന്റെ കൂടെ കൂട്ടിയിട്ട് രണ്ടു ദിവസം ആയതേയുള്ളൂ അപ്പോഴേക്കും പെണ്ണിന് വന്ന മാറ്റം കണ്ടോ.... കരഞ്ഞു കൊണ്ട് ഇരിക്കുന്ന ദേവുവിനെക്കാൾ ആദിക്ക് ഇഷ്ടം ദേഷ്യപ്പെട്ട് ചുണ്ട് കൂർപ്പിച്ചു നിൽക്കുന്ന ദേവുവിനെ ആണ്. അതിനാ ഓരോന്നും പറഞ്ഞ് അവളെ ദേഷ്യം പിടിപ്പിക്കാൻ ശ്രമിക്കുന്നത്. ദേവുവിന്റെ മേൽചുണ്ടിന് അടുത്തായി ഒരു കുഞ്ഞ് കാക്കപ്പുള്ളിയുണ്ട്. ആദ്യരാത്രിയിൽ അവളെ തന്നെ നോക്കി കിടന്നപ്പോൾ കണ്ടുപിടിച്ചതാ...

ചിരിക്കുമ്പോൾ ഉള്ളതിനേക്കാൾ അവൾ ദേഷ്യപ്പെടുമ്പോഴാണ് ആ മറുക് കൂടുതൽ സുന്ദരമാക്കുന്നത്.... അതിനാ ഇങ്ങനെ ഓരോന്ന് പറഞ്ഞ് അവളെ ദേഷ്യം പിടിപ്പിക്കുന്നത്. അത്‌ മാത്രമല്ല അന്ന് ചെറുതായി ഒന്ന് പിണങ്ങിയപ്പോഴാണ് ആദ്യമായി അവളിൽ നിന്നും ഒരു കിസ്സ് കിട്ടിയത്. അപ്പോ വലുതായി പിണങ്ങിയാൽ വലിയത് എന്തെങ്കിലും കിട്ടിയാലോ അന്ന് ആദി മാക്സിമം ദേവൂനെ അവഗണിച്ചു കൊണ്ടിരുന്നു ഒപ്പം ഓഫീസിലെ മറ്റ് ലേഡി സ്റ്റാഫുമായി കൂടുതൽ ഇടപഴകുകയും ചെയ്തു. ഓഫീസിലെ മീരയ്ക്ക് പണ്ടേ ആദിയുടെ മേൽ ഒരു നോട്ടം ഉണ്ടായിരുന്നതാ. ദേവുമായുള്ള ആദിയുടെ വിവാഹം എടുപിടി ന്ന് കഴിഞ്ഞത് കൊണ്ട് മീരയ്ക്ക് ഒന്നും ചെയ്യാൻ കഴിഞ്ഞില്ല.

ഇന്ന് ദേവൂനെ ദേഷ്യം പിടിപ്പിക്കാൻ ഉള്ള മൂഡിൽ ആയത് കൊണ്ട് മീര അവന്റെ അടുത്ത്‌ കൊഞ്ചി കൊണ്ടു വന്നപ്പോൾ ആദിയും അവളോട് നന്നായി സംസാരിച്ചു. ഇതൊക്കെ കണ്ട് ദേവു ആകെ കലി തുള്ളി നിൽക്കുവാ. ഇനിയും അവളെ ദേഷ്യം പിടിപ്പിച്ചാൽ ദേവു തന്നെ ഇടിട് പോകുമെന്ന് മാത്രമല്ല മീര ചിലപ്പോൾ തലയിലാവും എന്നും മനസ്സിലായപ്പോൾ ആദി നൈസ് ആയിട്ട് അവിടുന്ന് സ്കൂട്ടായി. ആദിയോട് കൊഞ്ചി കൊണ്ടുള്ള മീരയുടെ നിൽപ്പ് കണ്ടപ്പോഴേ ദേവുവിന്റെ രക്തം തിളച്ചു വന്നതാ.. ഓഫീസ് ആയി പോയി അത് കൊണ്ട് മാത്രം ക്ഷമിച്ചിരുന്നതാ.

ആദി കാബിനിലേക്ക് പോയപ്പോൾ ചാടിതുള്ളിയുള്ള മീരയുടെ വരവ് കണ്ടപ്പോൾ പിടിച്ച് ഒന്ന് പൊട്ടിക്കാൻ തോന്നിയതാ ദേവൂന് എന്നിട്ടും അവൾ ക്ഷമിച്ചു. പക്ഷേ മീര അടുത്ത് എത്തിയതും അറിയാതെ തന്നെ ദേവുവിന്റെ കാല് മീരയുടെ കാലിന്റെ ഇടയ്ക്ക് കയറി. മൂക്കിടിച്ചു വീണ മീരയെ ആദ്യം പിടിച്ച് എഴുന്നേൽപ്പിച്ചത് ദേവു തന്നെയാണ്. "എന്തായിത് മീരാ..... നടക്കുമ്പോൾ സൂക്ഷിക്കണ്ടേ.... അത് എങ്ങാനെയാ സ്വപ്നം കണ്ടു നടന്നാൽ ഇതല്ല, ഇതിനപ്പുറവും സംഭവിക്കും". മീര വീണതിന് പിന്നിൽ ദേവു ആണെന്ന് മറ്റാർക്കും മനസ്സിലായില്ല എങ്കിലും ആദിക്ക് മനസ്സിലായി. "എന്തെങ്കിലും പറ്റിയോ മീര????" (ആദി ചോദിച്ചു) "ഒനുമില്ല ശാർ.....

.മ്യൂക്കിന് ചെയ..ഒരു വേയന...." (മീരയുടെ മറുപടി കേട്ട് ദേവു മാത്രമല്ല ഓഫീസിലുള്ള എല്ലാവരും പൂരചിരിയായിരുന്നു. മൂക്കിടിച്ചു വീണത് കൊണ്ടാണ് അവളുടെ ശബ്ദം ഇങ്ങനെ ആയതെന്ന് എല്ലാവർക്കും അറിയാമെങ്കിലും ആ വലിയ ശരീരത്തിൽ നിന്നും ഇങ്ങനെ ഒരു ശബ്ദം ആരും പ്രതീക്ഷിച്ചില്ല. ചിരിച്ചു മണ്ണ് കപ്പുന്ന ദേവുവിനെ ആദി ഒന്ന് ഇരുത്തി നോക്കിയതും ദേവു ചിരി നിർത്തി മര്യാദക്കാരിയായി.🤭 മറ്റ് പരിക്കുകൾ ഒന്നും ഇല്ലെങ്കിലും മീര ഹാഫ്ഡേ ലീവ് എടുത്ത് വീട്ടിലേക്ക് പോയി. അത് കൂടി ആയപ്പോൾ ആദിക്ക് ദേവുനോട് ഒന്ന് കൂടി ദേഷ്യമായി. വീട്ടിൽ എത്താൻ വേണ്ടി കാത്തിരിക്കുകയായിരുന്നു ആദി.

വീട്ടിൽ എത്തി ഡ്രസ്സ് മാറാൻ മുറിയിൽ കയറിയ ദേവുവിന്റെ പിന്നാലെ ആദിയും മുറിയിലെത്തി. "എന്താ ദേവൂ നീ ഇന്ന് കാണിച്ചത്......." "എന്ത്😞" ദേവു നിഷ്കുവായി "ഇതാ ഒന്നും അറിയാത്തപോലെ ഉള്ള നിന്റെയീ നിൽപ്പ് വേണ്ടാട്ടോ... എനിക്ക് അറിയാം നീയാ മീരയെ വീഴ്ത്തിയതെന്ന്" ആദി ദേഷ്യത്തിൽ അവളെ നോക്കി "അതിന് ആദിയേട്ടൻ കണ്ടോ ഞാനവളെ വീഴ്ത്തുന്നത്....." "ഇതാ ദേവൂ കളിക്കാൻ നിൽക്കല്ലേ..... ഒന്നങ്ങ് വച്ച് തരും ഞാൻ" (ആദി ദേവുവിന്റെ നേരേ കൈയോങ്ങി). അത്ര നേരവും കൂസല്ലിലാതെ നിന്നെങ്കിലും ആദി ആദ്യമായി അവളുടെ നേരേ കൈയോങ്ങിയപ്പോൾ ഉള്ളിൽ ഒരു വിങ്ങൽ. അതും ആ മീരയ്ക്ക് വേണ്ടി ആണല്ലോ എന്ന് ഓർത്തപ്പോൾ ദേവുന് സങ്കടം പിടിച്ച് നിർത്താനായില്ല.

😢 "ഓ...... തുടങ്ങിയല്ലോ അവളുടെ കള്ളകണ്ണീർ..... എന്തെങ്കിലും പറഞ്ഞാൽ ഉടനെ മോങ്ങിക്കോളും പിന്നെ ആരും ഒന്നും പറയില്ലലോ... ഏത് നേരത്താണവോ ഇതിനെയോക്കെ ഇങ്ങോട്ട് കെട്ടിയെടുക്കാൻ എനിക്ക് തോന്നിയത്". അത് കൂടി കേട്ടതും പൂർത്തിയായി ദേവു കരഞ്ഞു കൊണ്ട് ഓടി ബാത്ത്റൂമിൽ കയറി ഡോർ അടച്ചു. കുറേനേരം അവിടെ നിന്ന് കരഞ്ഞു. ഏടത്തിയമ്മേ....... ന്നുള്ള ചിന്നുവിന്റെ വിളി കേട്ടപ്പോഴാണ് ദേവു പിന്നെ പുറത്തേക്ക് ഇറങ്ങിയത്. "ഏടത്തിയമ്മയുടെ കണ്ണ് എന്താ ചുവന്നിട്ട്, സുഖമില്ലേ....." "ഒന്നൂല്ല ചിന്നൂട്ടി... ഏട്ടൻ എവിടെ" "ഏട്ടൻ പുറത്ത് പോയി. ഏടത്തിയമ്മയ്ക്ക് തലവേദന ഉണ്ടോ ചിന്നൂട്ടി ബാം പുരട്ടി തരാം🤗 "അത് സാരമില്ല, ചിന്നൂട്ടി വാ....."

(അന്ന് വീട്ടിലെ ഓരോ ജോലികൾ ചെയ്യുമ്പോഴും ഇടയ്ക്കിടെ ദേവുവിന്റെ കണ്ണുകൾ നിറഞ്ഞു കൊണ്ടിരുന്നു.) "ശരിയാ.... ആദിയേട്ടൻ പറഞ്ഞത്, ഞാൻ അങ്ങനെ ചെയ്ത്തത് ശരിയായില്ല മീരയ്ക്ക് കാര്യമായി എന്തെങ്കിലും പറ്റിയിരുന്നെങ്കിലോ??? ആദിയേട്ടനോട് ഉള്ള ഇഷ്ട കൂടുതൽ കൊണ്ട് മറ്റൊന്നും ആലോചിച്ചില്ല. സാരമില്ല നാളെ മീരയെ കണ്ട് ഒരു സോറി പറയാം. മീര ക്ഷമിക്കുമായിരിക്കും പക്ഷേ ആദിയേട്ടൻ......" ദേവുവിന്റെ നിറഞ്ഞ കണ്ണുകൾ കണ്ടപ്പോൾ ആദിക്കും നല്ലോണം വിഷമമായി. എന്താണെങ്കിലും അവളുടെ നേരേ കൈ ഉയർത്താൻ പാടില്ലായിരുന്നു. ദേവൂനെ ദേഷ്യം പിടിപ്പിച്ചത് താൻ തന്നെയല്ലേ അത് അല്ലേ അവൾ മീരയോട് അങ്ങനെ ചെയ്ത്തത്.

മീരയ്ക്ക് പിന്നെ ഒന്ന് കിട്ടേണ്ടതാ ഇനി എന്തായാലും എന്നെ ശല്യപ്പെടുത്താൻ അവൾ ഒന്ന് പേടിക്കും... പക്ഷേ എന്നോട് മിണ്ടിന്ന് വച്ച് എല്ലാവരോടും ദേവു ഇങ്ങനെ പെരുമാറിയാല്ലോ.... അതുകൊണ്ട് രണ്ട് ദിവസം അവള് കുറച്ചു സങ്കടപ്പെട്ടട്ടേ" വീട്ടിൽ എത്തിയപ്പോൾ ദേവൂനെ പുറത്ത് ഒന്നും കണ്ടില്ല. "ദേവു എവിടെ അച്ഛാ......." "ആ കുട്ടി തലവേദന ആണെന്ന് പറഞ്ഞ് കിടന്നു. ചിന്നു ഉണ്ട് അടുത്ത്." (ആദി മുറിയിലേക്ക് പോവാൻ നിന്നതും അച്ഛൻ വിളിച്ചു. "ആദി........" "എന്താ അച്ഛാ......." "നിങ്ങൾ തമ്മിൽ പിണങ്ങിയോ, ആ കുട്ടിയുടെ മുഖം കണ്ടപ്പോൾ എനിക്ക് അങ്ങനെ തോന്നി" "ഏയ്യ്..... അങ്ങനെ ഒന്നും ഇല്ല അച്ഛാ....." "അതൊരു പാവമാണ്,

നിന്റെ ദേഷ്യവും വാശിയും ഒന്നും അവളോട് വേണ്ട, അറിയാല്ലോ വീട്ടുകാർ ഉപേക്ഷിച്ച അവള് നിന്നെ മാത്രം വിശ്വസിച്ചാ ഇപ്പോ ജീവിക്കുന്നേ... നിന്റെ ഭാഗത്തു നിന്നുള്ള ചെറിയ അവഗണന പോലും അവളെ വല്ലാതെ വേദനിപ്പിക്കും. അത് കൊണ്ട് മോൻ അതൊന്ന് ശ്രദ്ധിക്കണം. വഴക്ക് കൂടണ്ട എന്നൊന്നും അച്ഛൻ പറയില്ല, പിണക്കത്തിന് ശേഷമുള്ള ഇണക്കത്തിന് ഒരു പ്രത്യേക സുഖമാണ്. മനസ്സിലായോ നിനക്ക്😊" "ഉവ്വ് അച്ഛാ.... ഞാൻ ശ്രദ്ധിച്ചോളാം......" (മുറിയിൽ ചെല്ലുമ്പോൾ ചിന്നുവും ദേവുവും കെട്ടിപ്പിടിച്ച് നല്ല ഉറക്കമാണ്. ദേവുവിന്റെ മുഖത്ത് കണ്ണീർ ചാലുകൾ ഇപ്പോഴും ഉണ്ട്.... അത് കണ്ടപ്പോൾ ആദിക്ക് എന്തോ ഒരു ഇത്........ അവളുടെ അടുത്തിരുന്ന് തലയിൽ തലോടി മൂർദ്ദാവിൽ മൃദുവായി ഒന്ന് ചുംബിച്ചു..... ചിന്നുവിന്റെ അടുത്ത് കിടക്കുമ്പോഴും ആദിയുടെ കൈകൾ ദേവുവിന്റെ മുടിയിൽ തലോടികൊണ്ടിരുന്നു പിറ്റേന്ന് കാലത്ത് ആദി സംസാരിക്കാൻ ചെന്നപ്പോൾ ദേവു ഒഴിഞ്ഞു മാറി.

ബൈക്കിൽ ഒരുമിച്ച് പോകുമ്പോഴും ദേവു ആ അകലം പാലിച്ചു. ഓഫീസിൽ എത്തി മീരയോട് സോറി പറഞ്ഞപ്പോഴാണ് ദേവൂന് മനസ്സിന് ഒരു ആശ്വാസമായത്. ഇനി വേണം ആദിയേട്ടന്റെ പിണക്കം മാറ്റാൻ.......രാവിലെ സംസാരിക്കാൻ പിറകെ വന്നത് കൊണ്ട് ഈ പിണക്കം അധികം നീണ്ടു പോവില്ല എന്ന് അവൾക്ക് ഉറപ്പായിരുന്നു. അത് കൊണ്ട് തന്നെ പിന്നീട് ദേവൂന്റെ മുഖം തെളിഞ്ഞു. ദേവു മീരയോട് ചെന്നു മാപ്പ് പറഞ്ഞത് ആദി കണ്ടിരുന്നു. അതിന്റെ ആവശ്യമില്ലെന്ന് തോന്നിയെങ്കിലും പിന്നീട്‌ദേവുവിന്റെ മുഖം തെളിഞ്ഞത് കണ്ടപ്പോൾ ആദിക്ക് സന്തോഷമായി. അപ്പോഴാണ് അറിയാത്ത ഒരു നമ്പറിൽ നിന്നും ആദിക്ക് ഒരു കോൾ വന്നത്...............തുടരും………

ഹൃദയത്തിൽ ഒരിടം : ഭാഗം 5