💞ഹൃദയത്തിൽ ഒരിടം💞: ഭാഗം 7

എഴുത്തുകാരി: മിന്നു 

ഓഫീസിൽ ഇരിക്കുമ്പോഴാണ് ആദിക്ക് അറിയാത്ത ഒരു നമ്പറിൽ നിന്നും കോൾ വന്നത് "ഹലോ..... ആരാ......." "ആദിമോനേ... ദേവൂന്റെ അമ്മയാ സംസാരിക്കുന്നേ....." "ആഹ്........ അമ്മേ എന്തൊക്കെ ഉണ്ട് വിശേഷം, സുഖമാണോ" "സുഖം മോനേ, നിങ്ങൾക്കോ??" "ആ സുഖമാണ് അമ്മേ...." "മോൻ എവിടെയാ ഓഫീസിൽ ആണോ, ദേവു ഉണ്ടോ കൂടെ" "ആ..... അമ്മേ ഓഫീസിലാണ്. ദേവു അവളുടെ സീറ്റിലാണ്. കൊടുക്കണോ???" "ഏയ്യ്..... വേണ്ട മോനേ, അവളെ ഒന്ന് നേരിട്ട് കാണണമെന്ന് ഉണ്ട്. മോൻ കൂട്ടിക്കൊണ്ടു വരുമോ??" "അതിനെന്താ അമ്മേ ഞാൻ കൂടി വരാം. എപ്പോഴാ വരേണ്ടത് എന്ന് അമ്മ പറഞ്ഞാൽ മതി"

"എങ്കിൽ വരുന്ന ഞായറാഴ്ച എനിക്ക് ദേവൂനെ കാണണമെന്ന് ഉണ്ട്. അന്ന് അവളുടെ പിറന്നാളാണ്." "ആണോ ഞാൻ കൂട്ടിട് വരാം അമ്മേ...." "എന്നാൽ ശരി മോനേ.....വയ്ക്കട്ടെ....." "ശരി അമ്മേ....." (ഫോൺ വച്ചപ്പോൾ ആദിക്ക് ഭയങ്കര സന്തോഷം. അപ്പോ വരുന്ന ഞായറാഴ്ച ദേവൂന്റെ പിറന്നാളാണ്. കല്യാണത്തിന് ശേഷമുള്ള അവളുടെ ആദ്യത്തെ പിറന്നാൾ... അവളുടെ ജീവിതത്തിലെ ഒരിക്കലും മറക്കാൻ പറ്റാത്ത ഒരു പിറന്നാൾ ആയിരിക്കണം ഈ പ്രവശ്യം. ആദി മനസ്സിൽ പലതും കണക്കുകൂട്ടി. വൈകിട്ട് തിരിച്ചു പോകുമ്പോൾ ബൈക്കിൽ കയറിയതും ദേവു ആദിയോട് പറ്റിചേർന്ന് ഇരുന്നു. "എങ്ങോട്ടാ ഇങ്ങനെ പറ്റിചേർന്ന്???

രാവിലെ വരുമ്പോൾ ഇങ്ങനെ ഒന്നും ആയിരുന്നില്ലല്ലോ..... ഒന്ന് മിണ്ടാൻ വന്നപ്പോൾ പോലും ഭയങ്കര ജാഡയായിരുന്നല്ലോ... , നീങ്ങി ഇരിക്കെടീ അങ്ങോട്ട്...." "ഇല്ല..." "ഇല്ലേ......." "ഇല്ല. ഞാനേ എന്റെ കെട്ടിയോനെയാ പിടിച്ചത് അതിന് നിങ്ങൾക്ക് എന്താ......" "എനിക്ക് എന്താന്ന് അല്ലേ...... വീട്ടിൽ എത്തട്ടെ ടാ ഞാൻ കാണിച്ചു തരാം" (ആദിയുടെ മുഖത്തെ കള്ളച്ചിരി കണ്ടതോടെ വീട്ടിൽ എത്തിയാൽ പണി കിട്ടുമെന്ന് ദേവൂന് ഉറപ്പായി. ശ്ശൊ വേണ്ടായിരുന്നു. അപ്പോഴാ ആദിയുടെ മൈൻഡ് മാറ്റാൻ ഒരു ഐഡിയ കിട്ടിയത്). "അതേ...... ആദിയേട്ടാ, പച്ചക്കറി വാങ്ങാൻ പോണം..." (ആദി ഒരു സംശയഭാവത്തിൽ ദേവൂനെ നോക്കി.) "സത്യായിട്ടും, ചിന്നൂന്ന് ബിസ്സ്ക്കറ്റും കുറച്ചു ബേക്കറി സാധനങ്ങളും ഒക്കെ വേണം,

എല്ലാം തീർന്നിരിക്കുവാ..." (ഷോപ്പിങ് ഒക്കെ കഴിഞ്ഞ് വീട്ടിൽ എത്തുമ്പോഴേക്കും ആദി ഈ കാര്യം മറക്കുമെന്ന് ദേവു വിചാരിച്ചു.... അങ്ങനെ അത്യാവശ്യം സാധനങ്ങൾ ഒക്കെ വാങ്ങി വീട്ടിൽ എത്തുമ്പോഴേക്കും ഇരുട്ട് ആയിരുന്നു. അച്ഛനെ നേരത്തെ വിളിച്ചു പറഞ്ഞതിനാൽ കുഴപ്പമില്ല. പക്ഷേ ചിന്നൂട്ടി മുഖവും വീർപ്പിച്ച് ഇരിക്കുവാ അവളെ കൂടാതെ കറങ്ങാൻ പോയതിന്റെ പരിഭവം. അവസാനം കൊണ്ട് വന്ന ചോക്ലേറ്റ്സ് കൊടുത്ത് പ്രശ്നം തീർപ്പാക്കി.) അടുക്കളയിൽ പാട്ടും കേട്ട് പച്ചക്കറി മുറിച്ചിട്ടുമ്പോഴാണ് ആദിയേട്ടൻ ഒരു ചോക്ലേറ്റ് കൊണ്ട് വന്ന് വായിൽ ഉന്തി തന്നത് അതും എന്റെ ഫേവറിറ്റ് ഡയറിമിൽക്ക്....

കിട്ടിയ ഉടനെ അതും തിന്ന് പാട്ടും ആസ്വദിച്ചു നിൽക്കുമ്പോഴാണ് മുന്നിൽ നിൽക്കുന്ന ആദിയേട്ടൻ കലിപ്പിൽ ആണെന്ന് ശ്രദ്ധിച്ചത്.🙄 "എന്താ......." "കുന്തം😡". "എന്താ ആദിയേട്ടാ കാര്യം പറയ്......" "ഞാൻ ഒരു റൊമാന്റിക് situation create ചെയ്യാൻ നോക്കിയതാ... എല്ലാം നശിപ്പിച്ചില്ലേ..." "ഞാൻ എന്ത് ചെയ്തു..." "എടീ നീ ഈ റോമാന്റിക് മൂവീസ് ഒന്നും കണ്ടിട്ടില്ലേ... ഒരു ചോക്ലേറ്റ് ഭാര്യയും ഭർത്താവും കൂടി ഒരുമിച്ച് കഴിക്കുന്നത് ഒന്നും കണ്ടിട്ടില്ലേ..... എന്തോക്കെ പ്രതീക്ഷയിലാണ് ഒരു ചോക്ലേറ്റ് തന്നത് ഒക്കെ നശിപ്പിച്ചിട്ട് ഇരിക്കുന്നത് കണ്ടില്ലേ......" "ആദിയേട്ടന് ഇപ്പോ എന്താ വേണ്ടത് ഒരു ചോക്ലേറ്റ് അല്ലേ ചിന്നുന്റെ അടുത്ത് നിന്നും ഞാൻ വാങ്ങി തരാം...."

(എണീറ്റ് പോവാൻ നിന്ന ദേവൂന്റെ കൈയിൽ ആദി പിടിത്തമിട്ടു. ) "ചോക്ലേറ്റ് മാത്രം പോരാ, നീയും വേണം" "അയ്യടാ..... അങ്ങനെ ഇപ്പം മോൻ ചോക്ലേറ്റ് തിന്നണ്ട....". "വേണ്ട ചോക്ലേറ്റ് വേണ്ട, നിന്നെ മതി......" (ആദി ഒരു കള്ളച്ചിരിയോടെ അതും പറഞ്ഞ് ദേവുനെ നെഞ്ചിലേക്ക് വലിച്ചിട്ടു.അങ്ങനെ ഒരു അറ്റാക്ക് പ്രതീക്ഷിക്കാത്തത് കൊണ്ട് ദേവു നിന്ന് വിയർത്തു. ദേവു എന്തോ പറയാൻ തുടങ്ങിയതും ആദി അവളുടെ ചുണ്ടുകളിലേക്ക് ചൂണ്ടുവിരൽ ചേർത്ത് മിണ്ടരുത് എന്ന് പറഞ്ഞു. ദേവുന്റെ ഹൃദയം പെരുമ്പറ പോലെ മുഴങ്ങാൻ തുടങ്ങി. പേടിച്ച് വിറച്ച് അവളുടെ കൈയിലിരുന്ന കാബേജ് കൃത്യമായി ആദിയുടെ കാലിൽ തന്നെ വീണു.).

"ഔ..........ഹ്........ എന്തോന്നാടീ ഇത്...." "അത് പിന്നെ ജോലി ചെയ്യുന്നതിന്റെ ഇടയ്ക്ക് വന്നിട്ടല്ലേ..." "സ്നേഹം വരുമ്പോഴല്ലേ മോളെ അത് പ്രകടിപ്പിക്കേണ്ടത്..." "അയ്യടാ അങ്ങനെ തോന്നുന്ന സമയത്ത് സ്നേഹം വന്നാൽ ചിലപ്പോൾ ഇങ്ങനെയൊക്കെ സംഭവിക്കും...." "പോടീ...... ഇങ്ങനെ ഒരു അൺറോമന്റിക് മൂരാച്ചി.... പൊന്നുമോള് എന്തായാലും ഒന്ന് റൂമിലേക്ക് വാ..." "എന്തിന്" ദേവു നിന്ന് കണ്ണ് മിഴിച്ചു "അതിനല്ല, കാല് നല്ല വേദന😥 നീ ആ ബാം ഒന്ന് പുരട്ടി താ....." "അയ്യോ പാവം....... അത് മോൻ ഒറ്റയ്ക്ക് അങ് പുരട്ടിയാൽ മതി. ഇവിടെ ഒരുപാട് പണിയുണ്ട് എനിക്ക്........" "ആഹാ..... നീ അല്ലേ എന്നെ വേദനിപ്പിച്ചേ.... അപ്പോ നീ തന്നെ പുരട്ടി തരണം" ആദിയുടെ ഒച്ച ഉയർന്നു.

"ആ.... ശരി, ഞാൻ വരാം ഇനി അതിന്റെ പേരിൽ ദേഷ്യപ്പെട്ടണ്ട". (അത് കേട്ടപ്പോൾ ഒരു ചിരിയും ചിരിച്ചു ആദി മുറിയിലേക്ക് പോയി. അത്യാവശ്യം ഞൊണ്ടി നടക്കുന്നുണ്ട്. ഒരു കാബേജ് വീണാൽ ഇങ്ങനെയൊക്കെ ആവുമോ🤔 അത് പരീക്ഷിച്ച് ഇനി എന്റെ കാലും കൂടി വേദനിപ്പിക്കണ്ടല്ലോ...) ദേവു മുറിയിൽ എത്തുമ്പോൾ ആദി കട്ടിലിൽ നന്നായി വിശാലമായി കിടക്കുന്നുണ്ട്. "അയ്യേ...... ഒരു കാബേജ് വീണതിനാണോ ഇത്രയും വലിയ ബിൽഡപ്പ്..." "അത് പിന്നെ കട്ടിൽ കണ്ടപ്പോൾ ചുമ്മാ കിടന്നു ന്നേയുള്ളൂ...." "മ്മം........ കാല് കാണിക്ക്....." (ദേവു ആദിയുടെ കാല് എടുത്ത് മടിയിൽ വച്ച് ബാം പുരട്ടി കൊടുത്തു. ആദി ദേവൂനെ തന്നെ നോക്കി കിടന്നു.

ശരിക്കും ആദിക്ക് വലിയ വേദന ഒന്നുമില്ല പിന്നെ ദേവു തന്റെ കൂടെ കുറച്ചു നേരം ഇരിക്കാൻ ഒരു മോഹം. ) "ദേവൂ..............." "മ്മം................" "ദേവൂ.............." "എന്താ ആദിയേട്ടാ........" "ഞാൻ ഒരു കാര്യം ചോദിച്ചാൽ നീ സത്യം പറയുമോ????" "ആദ്യം ചോദിക്ക്, എന്നിട്ട് പറയാം" "എന്നാ ചോദിക്കുന്നില്ല😏" "ചുമ്മാ ചോദിക്ക്.........." "സത്യം പറയണം എന്നല്ലേ ചേദിക്കൂ......." "ആ....... പറയാം എന്താ......" "നിനക്ക് എന്നെ ഇഷ്ടമാണോ ദേവൂ......." (ആദിയുടെ ഭാഗത്തു നിന്നും അങ്ങനെ ഒരു ചോദ്യം അവൾ പ്രതീക്ഷിച്ചില്ല. ഒരു നിമിഷം അവൾ ഒന്ന് സ്റ്റക്കായി. എന്ത് മറുപടി പറയണം🤔... കല്യാണം കഴിഞ്ഞെങ്കിലും ഇതുവരെ പരസ്പരം ഞങ്ങൾ അങ്ങനെ ഒന്നും പറഞ്ഞിട്ടില്ല.

ഒരു i love you പോലും പറഞ്ഞിട്ടില്ല... എന്നാലും എനിക്ക് ഇഷ്ടമാണ്. എപ്പോ എങ്ങനെ എന്നൊന്നും അറിയില്ല എന്നാലും ആദിയേട്ടൻ എനിക്ക് ഇപ്പോ എന്റെ ജീവനാണ്❤️❤️❤️ ആദിയേട്ടൻ ഇല്ലാതെ ദേവു ഇല്ലാന്ന് ലോകത്തോട് മുഴുവൻ വിളിച്ച് പറയണമെന്ന് തോന്നി. ആദിയേട്ടൻ തൊട്ടുമ്പോൾ ഞാൻ എതിർപ്പ് പ്രകടിപ്പിക്കാത്തത് കണ്ടാൽ മനസ്സിലാക്കികൂട്ടേ ഇനി അത് ഞാനായിട്ട് പറയണോ???) "നീ എന്ത് ഓർത്തിരിക്കുവാ ദേവൂ.... ചോദിച്ചതിനുള്ള ഉത്തരം പറയ്......." "അത്.........." (ദേവു എന്തോ പറയാൻ തുടങ്ങുമ്പോഴേക്കും ചിന്നു ഏട്ടാ ന്ന് വിളിച്ച് അകത്തേക്ക് വന്നു. പിന്നെ അവിടെ ചിന്നുവിന്റെ ബഹളമായിരുന്നു.

ആദിക്ക് ആണേൽ ദേവൂന്റെ ഉത്തരം അറിയാതെ ഇരിക്കപ്പൊറുതിയില്ല. രാത്രി പണിയൊക്കെ ഒതുക്കി ദേവു മുറിയിൽ എത്തുമ്പോഴേക്കും ആദി ചെറുതായി ഒന്ന് മയങ്ങി പോയി. പിന്നെ ആദി ഞെട്ടി എണീപ്പിച്ചപ്പോഴേക്കും ദേവു നല്ല ഉറക്കം) "ദേവൂ..... ദേവൂ.... എണീക്ക്......" "എന്താ ആദിയേട്ടാ.........."(ദേവു പാതിമയക്കത്തിൽ ചോദിച്ചു) "നീ നേരത്തെ ഞാൻ ചോദിച്ചതിന് ഉത്തരം പറഞ്ഞില്ല" "നട്ടപാതിരയ്ക്ക് ആണോ നിങ്ങളുടെ സംശയം... കിടന്നുറങ്ങ് ആദിയേട്ടാ......" "പറ ദേവൂ......." (അപ്പോഴേക്കും ചിന്നു ബഹളം കേട്ട് എണീറ്റ് ചിണുങ്ങാൻ തുടങ്ങി.) "കണ്ടോ ഞാൻ അപ്പോഴേ പറഞ്ഞതാ ആദിയേട്ടനോട് മിണ്ടാതെ കിടക്കാൻ..... ഓ.... ചിന്നൂട്ടി കരയണ്ട ഉറങ്ങിക്കോ"

"ഹും ഞാൻ ഒന്നും പറഞ്ഞില്ല......" (ആദി പരിഭവിച്ചു കിടന്നു.) രാവിലെ വീണ്ടും ആദി ദേവുവിന്റെ പിന്നാലെ ഉത്തരം തേടി അലഞ്ഞു. അവസാനം സഹിക്കെട്ടപ്പോൾ ദേവു ആദിയെ പിടിച്ച് നിർത്തി നെറ്റിയിൽ അമർത്തി ചുംബിച്ചു. "ഇതാ ഉത്തരം, മനസ്സിലായോ......." " അങ്ങട്ട് വ്യക്തമായില്ല😜 എന്നാലും സുഖമുള്ള ഉത്തരമാണെന്ന് മനസ്സിലായി😉" അത് കേട്ടപ്പോൾ ദേവുവിന്റെ മുഖം ചുവന്നു തുടുത്തു. "ഇനി ഇതിന് എന്റെ മറുപടി വേണ്ടേ നിനക്ക്" ആദി ഒരു കുസൃതി ചിരിയോടെ ദേവുനോട് ചോദിച്ചു "അയോ വേണ്ടായേ.... മോൻ ചെന്നു റെഡി ആയേ വേഗം ഓഫീസിൽ ലേറ്റാവും" "ഞാൻ ഇന്ന് ലീവ് എടുത്താലോ...... ന്ന് ആലോചിക്കുവാ"

"എന്നാ ആദിയേട്ടൻ ഇവിടെ ഇരുന്ന് റെസ്റ്റ് എടുക്ക് ഞാൻ ഓഫീസിൽ പോകുവാ" "പിന്നെ ഞാൻ എന്തിനാ ഇവിടെ ഇരിക്കുന്നേ... ഞാനും വരുവാ..." അങ്ങനെ അവർ ഓഫീസിലേക്ക് തയ്യാറായി ഇറങ്ങിയപ്പോഴാണ് മുറ്റത്ത് ഒരു കാർ വന്നു നിന്നത്. കാറിൽ നിന്നും സുമുഖനായ ഒരു ചെറുപ്പക്കാരൻ ഇറങ്ങി വന്നു. അവനെ കണ്ടതും ആദിയുടെ മുഖം തെളിഞ്ഞു. "ഡാ കിച്ചു നീ എന്താ പെട്ടെന്ന്......." "പെട്ടെന്ന് ആണല്ലോ ഇവിടെ ഓരോ കാര്യങ്ങൾ നടക്കുന്നേ........ ഒറ്റ ദിവസം കൊണ്ട് ഇവിടെ ചിലരുടെ കല്യാണം കഴിയുന്നു പിന്നെയാണോ ഞാൻ ബാംഗ്ലൂരിൽ നിന്നും ഇവിടെ വരെ വരുന്നത്..." (ആദിയുടെ കൈയും പിടിച്ചു അത് പറയുമ്പോഴാണ് അരികിൽ നിൽക്കുന്ന ദേവൂനെ അവൻ ശ്രദ്ധിച്ചത്.)

"എടാ........ആദി...... ഇതാണോ ഡാ നിന്റെ ദേവൂ... അമ്മ പറഞ്ഞപ്പോൾ ഇത്രയും സുന്ദരി ആണെന്ന് പ്രതീക്ഷിച്ചില്ല... എന്നാലും എന്റെ മോളെ നിനക്ക് ഈ കാട്ടുപോത്തിനെ അല്ലാതെ വേറെ ആരെയും കിട്ടിയില്ലേ" "ഡാ കിച്ചു വേണ്ട വേണ്ട, രാവിലെ തന്നെ എന്റെ കൈയിന്ന് വാങ്ങിക്കും നീ.........😬" " ഓ...... കല്യാണം കഴിഞ്ഞിട്ടും നിന്റെ സ്വഭാവത്തിന് ഒരു മാറ്റവുമില്ല. എങ്ങനെ സഹിക്കുന്നു ദേവൂ നീ ഇവനെ" (ദേവു ആണെങ്കിൽ ഇതാരാണെന്ന് അറിയാതെ കൺഫ്യൂഷൻ അടിച്ചു നിൽക്കുവാണ്. കിച്ചുവിന്റെ ചോദ്യങ്ങൾക്ക് മറുപടിയായി ഒന്ന് ചിരിക്കുന്നതിനോടൊപ്പം ഇടയ്ക്ക് അവൾ ആദിയോട് കണ്ണുകൾ കൊണ്ട് ഇതാരാണെന്ന് ചോദിക്കുന്നുണ്ട്. എന്നാൽ ആദി അത് ശ്രദ്ധിക്കുന്നതെയില്ല. )

അപ്പോഴാ അപ്പുറത്തെ വീട്ടിൽ നിന്നും അപ്പച്ചി ഇറങ്ങി വന്നത്. കിച്ചുവിനെ കണ്ടതും അവർ ഓടി വന്നു. "എന്റെ കിച്ചു...... വന്നിട്ട് ഇനിയും നിനക്ക് വീട്ടിൽ കേറാനായില്ലേ.... ശബ്ദം കേട്ടിടാ ഞാൻ വന്നു നോക്കിയത്....." "ആഹാ....... എന്റെ ശാരദകുട്ടി ഇങ്ങ് എത്തിയോ.... വീട്ടിൽ എത്തിയിട്ട് സ്നേഹിക്കാം ന്ന് കരുതിയതാ ഇനി ഇപ്പോ ഇവിടുന്ന് തന്നെ ആവട്ടെ..." (കിച്ചു ശാരദ അപ്പച്ചിയെ കെട്ടിപ്പിടിച്ചു ഉമ്മ കൊടുത്തു. അപ്പോഴാണ് വന്നിരിക്കുന്നത് അപ്പച്ചിയുടെ മകൻ കിരൺ ആണെന്ന് ദേവൂന് മനസ്സിലായത്.). "ഓ..... മതി സ്നേഹിച്ചത് ഒന്ന് മാറി നിൽക്ക് ചെക്കാ.... നീ ഒന്നും കഴിച്ചിട്ടുണ്ടാവില്ലാല്ലോ വാ അമ്മ എടുത്തു തരാം" "അതിന് മുമ്പ് ഞാൻ നമ്മുടെ ആദിയുടെ പെണ്ണിനെ ഒന്ന് പരിചയപ്പെട്ടടെ അമ്മേ....

അവൾ ഇപ്പോഴും ഞാൻ ആരാന്ന് അറിയാതെ നിൽക്കുവാ....." "ആണോ ദേവുമോളേ.....മോൾക്ക് മനസ്സിലായില്ലേ???" "മനസ്സിലായി അപ്പച്ചി" "മനസ്സിലായോ എന്നാ പറ ഞാൻ ആരാ" "കിരണേട്ടൻ അല്ലേ???" "ആഹാ.....എങ്ങനെ മനസ്സിലായി???" "അപ്പച്ചിയെ അമ്മേ ന്ന് വിളിച്ചപ്പോൾ അപ്പച്ചിയുടെ മോൻ ആണെന്ന് മനസ്സിലായി. വന്നപ്പോഴേ പറഞ്ഞല്ലോ ബാംഗ്ലൂരിൽ നിന്നാ വരുന്നതെന്ന്. നിഖിലേട്ടൻ ഗൾഫിൽ ആണെന്ന് സുമേച്ചി പറഞ്ഞിരുന്നു" "ആഹാ..... അപ്പോ look മാത്രമല്ല ബുദ്ധിയുമുണ്ട്. ആദി നിന്റെ ഭാഗ്യം..... എന്തായാലും രണ്ടാളും നല്ല മാച്ച് ഉണ്ട്." (അത് കേട്ടപ്പോൾ ആദിക്കും ദേവൂനും ഒരുപാട് സന്തോഷമായി. അപ്പോഴാണ് കിച്ചേട്ടാ്‌.....ന്നും വിളിച്ച് ചിന്നു ഓടി വന്നത്.)

"ആ...... ഇതാര് ചിന്നൂട്ടിയോ, എത്ര നേരമായി കിച്ചേട്ടൻ വന്നിട്ട് നീ എവിടെ ആയിരുന്നു" "അച്ഛന്റെ അടുത്ത് ഉണ്ടായിരുന്നു. കിച്ചേട്ടൻ ബാഗ്ലൂരിന് ചീന്നൂട്ടിക്ക് എന്താ കൊണ്ട് വന്നേ...." "ആഹ്..... എനിക്ക് അറിയാം നീ ഇത് തന്നെ ചോദിക്കുമെന്ന് ബാഗിൽ ഉണ്ട്. സ്കൂളീന്ന് വന്നിട്ട് തരാം........ ഡാ ആദി നീ ഇന്ന് ലീവ് എടുക്ക്... അതാ നല്ലത്" "എന്റെ കിച്ചു അവര് ഇന്ന് പോക്കോട്ടെ.... നാളെ എന്തായാലും ലീവ് എടുക്കേണ്ടത് അല്ലേ......" "നാളെ എന്തിനാ അപ്പച്ചി ലീവ് എടുക്കുന്നേ..." "എന്റെ ആദീ... നാളെ അല്ലേ സുമയെ കൂട്ടി കൊണ്ട് പോവുന്നത്. അവളുടെ 7ആം മാസത്തിലെ ചടങ്ങ് നാളെ അല്ലേ.... അതിനല്ലേ കിച്ചു വന്നത്...." "അയ്യോ അപ്പച്ചി പറഞ്ഞത് നന്നായി ഞാൻ അത് മറന്നിരിക്കുവായിരുന്നു."

"നീ മറക്കും ഇപ്പോ കുടുംബസ്ഥൻ ആയതല്ലേ... അതാ എന്റെ ഏടത്തിയമ്മയുടെ കാര്യത്തിന് ഞാൻ തന്നെ വന്നത്...." "ഡാ...... നിന്നെ ഇന്ന് ഞാൻ.... വന്നപ്പോ തൊട്ടു തുടങ്ങിയതാ ഇവൻ... അപ്പച്ചി ഇവനെ എത്രയും പെട്ടെന്ന് പിടിച്ചു കെട്ടിക്കണം. അതിന്റെ അസൂയയാണ് ഇതൊക്കെ...." "പിന്നെ നിനക്ക് കിട്ടിയത് പോലെ എല്ലാവർക്കും എടുപിടി ന്ന് പെണ്ണ് കിട്ടുമോ... കണ്ടാൽ ഉടനെ പെൺപിള്ളേർക്ക് പ്രേമം തോന്നാനുള്ള മൊഞ്ചും ദൈവം തന്നില്ല.... പിന്നെ ആകെ ഉള്ള ഒരു മുറപ്പെണ്ണാണെങ്കിലോ ഈ പരുവവും.... (അതും പറഞ്ഞു കിച്ചു ചിന്നുവിനെ എടുത്തു പൊക്കി. എല്ലാവരും അത് കണ്ട് ചിരിക്കുമ്പോൾ ചിന്നു കിച്ചു കൊണ്ട് വന്ന സാധനങ്ങൾ കിട്ടാൻ വേണ്ടി അവനെ സോപ്പിട്ടുകയായിരുന്നു.....

"മീശയിൽ പിടിച്ചു വലിക്കാതെടീ പെണ്ണേ.... ആകെ അത്രയേയുള്ളൂ എന്നിട്ടും കുറുമ്പിന് കുറവൊന്നുമില്ല. ആദി നീ തന്നെ പിടിച്ചോ നിന്റെ പെങ്ങളെ എനിക്ക് ഒന്നും വേണ്ടായേ.... അമ്മാവൻ ഇതിനെ ലേറ്റ് ആകിയത് നന്നായി ഇവളെയെങ്ങാനും കെട്ടിയിരുന്നേൽ ഇവൾ എന്റെ പരിപ്പ് എടുത്തേനേ...... കിച്ചു കെറുവിച്ച് കൊണ്ട് ചിന്നുവിനെ ആദിയുടെ കൈയിലേക്ക് കൊടുത്തു. ആദി അവളെ എടുക്കുന്നതിനിടയിൽ "നീ പോടാ കോരങ്ങാ..." ന്നും പറഞ്ഞ് കിച്ചുവിന്റെ മോന്തയ്ക്കിട്ട് ഒന്ന് കൊടുക്കാനും ചിന്നു മറന്നില്ല. "ഹോ...... എന്തോരു അടിയാ.... നീ എങ്ങനെയാ ദേവൂ ഇതിനെ രണ്ടിനെയും സഹിക്കുന്നേ..... ഏട്ടനും കൊള്ളാം അനിയത്തിയും കൊള്ളാം"

"മതി കിച്ചു കിന്നാരം പറഞ്ഞത്, അവര് ഓഫീസിൽ പോവട്ടെ ലേറ്റാവും, ഇനി വിശേഷങ്ങൾ ഒക്കെ വന്നിട്ട് പറയാം.....(അപ്പച്ചി സഭ പിരിച്ചു വിട്ടു). "ആ..... എന്നാ ശരി നിങള് വിട്ടോ വൈകിട്ട് കാണാം " ന്നും പറഞ്ഞ് അപ്പച്ചിയുടെ തോളിലൂടെ കൈയിട്ട് എന്തോക്കെയോ പറഞ്ഞു കൊണ്ട് കിച്ചു വീട്ടിലേക്ക് പോയി. ഇടയ്ക്ക് "ഏടത്തിയമ്മേ പൊന്നനിയൻ വന്നു" ന്ന് ഉറക്കെ വിളിച്ചു പറയുന്നുണ്ട്. അവന്റെ വരവ് സുമേച്ചി മാത്രമല്ല നാട്ടുകാര് മൊത്തം അറിഞ്ഞൂന്ന് തോന്നുന്നു..................തുടരും………

ഹൃദയത്തിൽ ഒരിടം : ഭാഗം 6