💕കാണാച്ചരട് 💕: ഭാഗം 25

രചന: RAFEENA MUJEEB

" അമ്പലത്തിലേക്ക് പോകുന്ന വഴിയിലെല്ലാം ദേവ മൗനം പാലിച്ചു. പല ഓർമകളും അവളെ വേദനിപ്പിക്കുന്നുണ്ടെന്നു ആ മുഖം വ്യക്തമാക്കുന്നുണ്ട്. അമ്പലത്തിൽ ക്ഷണിക്കപ്പെട്ട കുറച്ച് അതിഥികൾ മാത്രം, എല്ലാത്തിനും മുൻപന്തിയിൽ അനിരുദ്ധൻ സാർ തന്നെയാണ്.

വധൂവരന്മാരോട് അമ്പലത്തിൽ കേറി പ്രദക്ഷിണം വെച്ച് വരാൻ പറഞ്ഞു. അവർ രണ്ടുപേരും ഭക്തിയോടെ തന്നെ പ്രദക്ഷിണം വെച്ചു. ആ തിരുനടയിൽ നിന്നു തൊഴുകുമ്പോൾ ദേവയുടെ കണ്ണുകൾ നിറഞ്ഞു തുളുമ്പി. പൂജാരി നീട്ടിയ താലി വാങ്ങി ഗിരി ദേവയുടെ കഴുത്തിൽ കെട്ടിയപ്പോൾ അവൾ തൊഴുകൈയ്യോടെ ആ താലി ഏറ്റുവാങ്ങി.

നെറ്റിയിൽ സിന്ദൂരത്തിന്റെ ചുവപ്പ് പടർന്നപ്പോൾ ദേവയിൽ അതുവരെയുണ്ടായിരുന്ന അനാഥത്വം എങ്ങോ പോയി മറഞ്ഞതുപോലെ തോന്നി. താലികെട്ട് കഴിഞ്ഞ് ദേവയും ഗിരിയും അനുഗ്രഹത്തിനായി അനിരുദ്ധന്റെ കാലിലേക്ക് വീണു തന്റെ രണ്ടുമക്കളെയും മനസ്സറിഞ്ഞു അനുഗ്രഹിക്കുമ്പോൾ ആ മനസ്സും ഒരു നിമിഷം തന്റെ പ്രിയകൂട്ടുകാരനെ ഓർത്തു തേങ്ങി. ചടങ്ങുകളെല്ലാം കഴിഞ്ഞ് അമ്പലത്തിൽ തന്നെ സദ്യക്കുള്ള ഏർപ്പാടും ഉണ്ടായിരുന്നു.

എല്ലാം കഴിഞ്ഞ് തിരികെ വീട്ടിലെത്തുമ്പോൾ വധുവരന്മാരെ സ്വീകരിക്കാനുള്ള എല്ലാ ഒരുക്കങ്ങളും പൂർത്തിയായി. നിലവിളക്കുമായി ദേവ ആ വീടിന്റെ പടി കയറി ഒരുപാട് പ്രതീക്ഷകളും ഒരുപാട് സ്വപ്നങ്ങളുമായി ഒരു പുതിയ ജീവിതത്തിലേക്ക്..... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...