Love for Unexpected💜: ഭാഗം 1

രചന: Ansiya shery

"അയ്യോ ബസ്സേ പോകല്ലേ.. ഞാനും ഉണ്ട്.. വണ്ടി നിർത്ത്" ഉച്ചത്തിൽ വിളിച്ചു കൊണ്ട് അവൾ ബസ്സിന്റെ പിറകെയോടി... ശബ്ദം കേട്ട് ഡ്രൈവർ വണ്ടി നിർത്തിയതും ബാക്ക് ഡോറിലൂടെ അവൾ ബസ്സിലേക്ക് കയറി... "ഈ നേരത്ത് ബാഗും തൂക്കി എവിടേക്കാ കൊച്ചേ...ഒളിച്ചോട്ടം വല്ലതുമാണോ?" അവളുടെ കയ്യിലുള്ള വലിയ ബാഗിലേക്ക് നോക്കി കണ്ടക്ടർ ചോദിച്ചതും അയാളെ ഒന്ന് നോക്കിയതിന് ശേഷം അടുത്ത് കണ്ട സീറ്റിലേക്ക് അവൾ ചെന്നിരുന്നു... "കണ്ടക്ടർ ചേട്ടൻ എന്നെ അറിയാമോ?" അവളുടെ ചോദ്യം കേട്ടതും അയാൾ ഇല്ലെന്ന നിലക്ക് തലയാട്ടി... "ഈ ബസ്സിലുള്ള ഏതേലും യാത്രക്കാരെ അറിയാമോ?" "എന്റെ പൊന്ന് കൊച്ചേ എനിക്കാരെയും അറിയില്ല..." "അറിയില്ലല്ലോ...ഇത്രയും പേരോട് ചോദിക്കാത്ത ചോദ്യം അപ്പൊ അവരെ പോലെയുള്ള ഒരാളായ എന്നോട് ചോദിക്കേണ്ട കാര്യമെന്താ..ഞാൻ ഒളിച്ചോടുകയോ ഓടാതിരിക്കുകയോ ചെയ്തോളാം.

അത് നിങ്ങളോട് പറയേണ്ട ആവശ്യമില്ലല്ലോ.." "അഹങ്കാരി"ടിക്കറ്റ് കൊടുത്തിട്ടയാൾ അവളെ നോക്കി പറഞ്ഞു കൊണ്ട് തിരിഞ്ഞു നടന്നതും ഒന്ന് പുച്ഛിച്ചു കൊണ്ട് അവൾ ബാഗ് ഊരി മടിയിലേക്ക് വെച്ചു.. "ഒരു പെൺകുട്ടി രാത്രി ഒന്ന് തനിയേ പുറത്തേക്ക് ഇറങ്ങിയാൽ തുടങ്ങിക്കോളും ഓരോന്ന്.." പിറു പിറുത്തു കൊണ്ട് തല ചെരിച്ചു നോക്കിയപ്പോഴാണ് അടുത്തിരിക്കുന്ന ആളെ അവൾ കണ്ടത്... ഒരു പുരുഷൻ ആണ് അതെന്ന് അറിഞ്ഞതും ഞെട്ടലോടെ ഇരുന്നിടത്ത് നിന്നും എഴുനേറ്റ് ചുറ്റും നോക്കി...ബാക്കി എല്ലാ സീറ്റും ഫുൾ ആണെന്ന് കണ്ടതും ഒന്ന് ചിന്തിച്ചു കൊണ്ട് അവിടെ തന്നെ ഇരുന്നു... "അടുത്തൊന്ന് ഇരുന്നെന്ന് വെച്ച് ഒന്നും സംഭവിക്കില്ലല്ലോ.അപ്പൊ കുഴപ്പല്ല.." സ്വയം പറഞ്ഞാശ്വസിപ്പിച്ചു കൊണ്ട് അവൾ തല ചെരിച്ച് അടുത്തിരിക്കുന്നവനെ നോക്കി. ചെവിയിൽ ഹെഡ്‌സെറ്റും വെച്ച് കണ്ണടച്ച് സീറ്റിൽ ചാരി ഇരിക്കുവാണ് കക്ഷി..

"ഡോ..." വിളിച്ചിട്ടും ആൾ നോക്കുന്നില്ലെന്ന് കണ്ടതും അവളവന്റെ കയ്യിലൊന്ന് തോണ്ടി..ഞെട്ടലോടെ കണ്ണ് തുറന്നവൻ നോക്കിയതും അടുത്തിരിക്കുന്നവളെ കണ്ട് പെട്ടെന്ന് തന്നെ ഹെഡ്‌സെറ്റ് ചെവിയിൽ നിന്നും എടുത്തു മാറ്റിക്കൊണ്ട് അവളെ നോക്കി കണ്ണ് മിഴിച്ചു... "ഹലോ ഞാൻ നിഹ ഷാദിയ.." ആദ്യത്തെ ഞെട്ടലൊന്ന് വിട്ട് മാറിയതും അവനവളെ നോക്കി നെറ്റിചുളിച്ചു. "അതിന് ഞാൻ എന്ത് വേണം..?" "അയ്യോ ഒന്നും വേണ്ട...പരിചയപ്പെടുത്തേണ്ടത് എന്റെ കടമയല്ലേ...തന്റെ പേരെന്താ?" "പറയാൻ സൗകര്യമില്ല" "ഓഹ് ജാഡയാണോ" "അങ്ങനെ എങ്കിൽ അങ്ങനെ...എവിടുന്ന് വരുന്നു ഇതൊക്കെ.." പിറു പിറുത്തു കൊണ്ടവൻ ഹെഡ് സെറ്റ് എടുത്ത് വീണ്ടും ചെവിയിലേക്ക് തന്നെ തിരുകി... അത് കണ്ടതും ബാഗ് തുറന്ന് അവൾ തന്റെ ഫോണെടുത്ത് നോക്കി... "ശെ ചാർജ് തീർന്നല്ലോ..."ചുണ്ട് ചുളുക്കിക്കൊണ്ട് അടുത്തിരുന്നവനെയൊന്ന് തോണ്ടി... "എന്താടി.." ഹെഡ്‌സെറ്റ് ചെവിയിൽ നിന്നും എടുത്ത് കൊണ്ട് അവൻ അവൾക്ക് നേരെ അലറിയതും ബസ്സിലുള്ള എല്ലാവരുടേയും ശ്രദ്ധ അവരിലേക്ക് നീണ്ടു.. അപ്പോഴാണ് അവൻ ബോധം വന്നത്....

അവളെ നോക്കിയതും തല താഴ്ത്തി ഇരിക്കുന്നത് കണ്ട് ഒന്ന് നിശ്വസിച്ചു...! "എന്താ തനിക്ക് വേണ്ടത്?" "അത് പിന്നെ ഞാനീ സീറ്റിൽ ഇരുന്നോട്ടെ.." മറുത്തൊന്നും പറയാതെ അവൻ എഴുനേറ്റ് മാറിക്കൊടുത്തതും വിടർന്ന കണ്ണുകളോടെ അവൾ സൈഡ് സീറ്റിലേക്ക് ഇരുന്നു...അവൾക്കടുത്തായി അവനും... "താങ്ക്സ്.." അവനെ നോക്കി പറഞ്ഞു കൊണ്ടവൾ ആവേശത്തോടെ പുറത്തേക്ക് മിഴികൾ നട്ടു... ചെവിയിലേക്ക് വെച്ച ഹെഡ്‌സെറ്റ് മാറ്റിക്കൊണ്ട് അവൻ അവളെ സംശയത്തോടെ നോക്കി... "എന്താ പറഞ്ഞേ..?" അവളതൊന്നും കേട്ടിരുന്നില്ല...ദേഹത്തേക്ക് അടിച്ച് വീശുന്ന രാത്രിയിലെ തണുത്ത കാറ്റിൽ ലയിച്ച് പുറത്തേക്ക് നോക്കിയിരിക്കുകയായിരുന്നു... കാറ്റിൽ മുഖത്തേക്ക് പാറി വീഴുന്ന മുടിയിഴകളെ തട്ടത്തിനുള്ളിലേക്ക് മറച്ചു വെക്കുന്നവളെ നോക്കി ഒന്ന് ദീർഘനിശ്വസിച്ചു കൊണ്ട് അവൻ ഹെഡ്‌സെറ്റ് ചെവിയിലേക്ക് വെച്ചു... ശേഷം പഴയ പോലെ സീറ്റിലേക്ക് ചാരി ഇരുന്ന് കണ്ണടച്ചു...! ----💜 എന്തൊക്കെയോ ശബ്ദങ്ങൾ കേട്ടാണ് നിഹ കണ്ണ് തുറന്നത്...

തല ചെരിച്ച് നോക്കിയതും അടുത്തിരുന്നവനെ കാണാഞ്ഞത് കണ്ട് ഞെട്ടലോടെ ഇരുന്നിടത്ത് നിന്നും എഴുന്നേറ്റു... "ഞാനെപ്പോഴാ ഉറങ്ങിപ്പോയത്..?" സ്വയം ചോദിച്ചു കൊണ്ട് പുറത്തേക്ക് നോക്കിയതും ബസ്സെവിടെയോ നിർത്തിയിട്ടിരിക്കുന്നത് കണ്ട് ബാഗുമെടുത്ത് വേഗം പുറത്തേക്കിറങ്ങി... "കുട്ടിയെന്തിനാ പുറത്തേക്ക് ഇറങ്ങിയിരിക്കുന്നത്...എല്ലാവരോടും ഉള്ളിൽ തന്നെ ഇരിക്കാൻ പറഞ്ഞതല്ലേ... ഞങ്ങളിതൊന്ന് ശെരിയാക്കട്ടെ.." അവളെ കണ്ടതും കണ്ടക്ടർ അടുത്തേക്ക് വന്ന് ദേഷ്യപ്പെട്ടു... "എന്താ പറ്റിയത്..?" "ടയർ പഞ്ചറായതാ..മോൾ ഉള്ളിൽ കയറി ഇരുന്നോ.." മറുപടി പറഞ്ഞത് ഡ്രൈവറായിരുന്നു... അതിനൊന്ന് തലയാട്ടിക്കൊണ്ട് അവൾ ചുറ്റും നോക്കി... അടുത്തൊരു ബസ് സ്റ്റോപ്പിലെ തിണ്ടിലിരിക്കുന്നവനെ കണ്ടതും അവരാരും തന്നെ ശ്രദ്ധിക്കുന്നില്ലെന്ന് ഉറപ്പ് വരുത്തിക്കൊണ്ട് അവൾ അവന്റെ അടുത്തേക്ക് നടന്നു...

"ഏത് നേരത്തും ഇങ്ങനെ ഫോണിൽ തോണ്ടിയിട്ട് തന്റെ ഫോണിന്റെ ചാർജ് തീരുന്നില്ലെടോ.." ഫോണിലേക്ക് തല കുമ്പിട്ടിരിക്കുന്നവനെ നോക്കി ചുണ്ട് ചുളുക്കി ചോദിച്ചതും തല ഉയർത്തി നോക്കിയ അവൻ മുന്നിൽ അവളെ കണ്ടതും ഞെട്ടലോടെ ഇരുന്നിടത്ത് നിന്നും എഴുന്നേറ്റു... "നീ എന്താടി ഇവിടെ?ബസ്സിൽ നിന്നും ഇറങ്ങരുതെന്ന് പറഞ്ഞതല്ലേ..?" "അപ്പൊ താൻ ഇറങ്ങിയില്ലേ?പിന്നെന്താ എനിക്കും ഇറങ്ങിയാൽ.." "ഞാൻ അത്യാവശ്യം ഉണ്ടായിട്ട് ഇറങ്ങിയതാ... അല്ലാതെ നിന്നെപ്പോലെ ആവശ്യമില്ലാതെ അല്ല.." "എന്താ ഇത്ര അത്യാവശ്യം..?" കണ്ണ് കൂർപ്പിച്ചു കൊണ്ട് അവൾ ചോദിച്ചതും അവനവളെ കണ്ണുരുട്ടി നോക്കി... "അത് നിന്നോട് പറയേണ്ട ആവശ്യം എനിക്കില്ല.." പറഞ്ഞു കൊണ്ട് അവൻ ബസ്സിനടുത്തേക്ക് നടന്നതും അവളും പിറകെ ഓടി.... "ഇത് ശെരിയാകാൻ ഇനിയും ഒരുപാട് സമയം ആകോ ചേട്ടാ..?" "കുറച്ച് സമയമെടുക്കും മോനേ..?" കണ്ടക്ടറുടെ മറുപടി കേട്ടതും തലയാട്ടിക്കൊണ്ട് അവൻ മുന്നോട്ട് നടന്നു..പിറകെ അവളും...!

"നീയെന്തിനാടീ എപ്പോഴും എന്റെ പിറകെ ഇങ്ങനെ നടക്കുന്നത്..?" "എനിക്കിയാളെ മാത്രമേ അറിയൂ അത് കൊണ്ടാ.." "ആണോ എന്നാ ഞാൻ ഒരു കാര്യം പറയട്ടെ... ഞാൻ ഒരു പീഡകനാ നിന്നെ പീഡിപ്പിക്കും... പീഡിപ്പിക്കേണ്ടെങ്കിൽ പോയി ബസ്സിൽ കേറിക്കോ.." കണ്ണുരുട്ടി അവളെ നോക്കിക്കൊണ്ട് അവൻ മുന്നോട്ട് നടന്നതും ആദ്യമൊന്ന് അന്തിച്ചെങ്കിലും പിന്നെ അവന്റെ പിറകെ അവൾ പാഞ്ഞു... ----💜 "ഹായ്..." കുറച്ച് മുന്നോട്ട് നടന്നതും സൈഡിൽ ഉള്ള എക്സ്പ്പോ കണ്ട് അവളുടെ മിഴികൾ വിടർന്നു...അവളുടെ ശബ്ദം കേട്ടതും ഞെട്ടലോടെ തിരിഞ്ഞവൻ അവളെ നോക്കി... "നീയപ്പോ പോയില്ലേ..? നിന്നോടല്ലെടി ബസ്സിൽ കയറി ഇരിക്കാൻ പറഞ്ഞത്..?ഞാൻ പീഡിപ്പിക്കുംന്ന് പറഞ്ഞതല്ലേ..?" "സാരല്ല ഞാനത് സഹിച്ചോളാം.." അവളുടെ മറുപടി കേട്ടതും അവന്റെ കണ്ണുകൾ തള്ളി... പിറു പിറുത്തു കൊണ്ട് മുന്നോട്ട് നടന്നതും പിന്നിൽ അവളുടെ അനക്കമൊന്നും കേൾക്കാഞ്ഞത് കണ്ട് തിരിഞ്ഞു നോക്കി.. എക്സ്പ്പോക്ക് മുന്നിൽ കണ്ണ് മിഴിച്ച് നിൽക്കുന്നവളെ കണ്ടതും സ്വയം തലക്കിട്ട് ഒരു കൊട്ട് കൊടുത്തു..! തുടരും💜