Love for Unexpected💜: ഭാഗം 12

രചന: Ansiya shery

"മോളേ... ഒന്നും പറ്റിയില്ലല്ലോ... അവൻ പിടിച്ചപ്പോൾ വേദനിച്ചോ..?"നിഹക്കടുത്തേക്ക് വെപ്രാളത്തോടെ വന്ന് കയ്യിലും മുഖത്തും തഴുകി ഉമ്മ ചോദിച്ചതും അവളുടെ കണ്ണുകൾ നിറഞ്ഞു...ഇല്ലെന്ന നിലക്ക് അവൾ നിറഞ്ഞമിഴികളോടെ തന്നെ തലയാട്ടി.. "എന്താ ഇച്ചു.. എന്താ ഞങ്ങളീ കേട്ടതൊക്കെ.. എപ്പോഴാ നീ ഇവളെ കെട്ടിയത്..?അത് പോലെ തന്നെ നീ എന്തിനാ ഇവളിവിടെ ഉള്ള കാര്യം അവനോട് പറഞ്ഞത്..?" ഇച്ചുവിനോടായി ഉപ്പ ചോദിച്ചതും അവൻ നിഹയെ നോക്കി..അവളും അവന്റെ മറുപടി എന്തെന്ന് അറിയാൻ വേണ്ടി അവനെ തന്നെ നോക്കി നിൽക്കുകയായിരുന്നു...ഒന്ന് ദീർഘനിശ്വസിച്ചു കൊണ്ട് അവൻ പറഞ്ഞു... "നിഹയെ കാണാനില്ലെന്ന് പറഞ്ഞ് അവൻ എന്റെ അടുത്തായിരുന്നു കേസ് തന്നത്.. ഇവളെ കുറിച്ച് അപ്പൊ എനിക്കൊന്നും അറിയാത്തത് കൊണ്ടും പിന്നെ അവൻ കുറേ ഇല്ലാത്തത് എന്തൊക്കെയോ പറഞ്ഞത് കൊണ്ടുമാണ് ഇവൾ ഇവിടെയുണ്ടെന്നുള്ള കാര്യം ഞാൻ പറഞ്ഞു കൊടുത്തത്..അതിന് ശേഷം ഇപ്പോഴാണ് എല്ലാ കാര്യവും അറിഞ്ഞത്..ഇവളെ അവന്റെ കൂടെ അയച്ചാൽ ഇനി നല്ലതല്ലല്ലോ.. അത് കൊണ്ടാ അപ്പൊ എനിക്ക് അങ്ങനെ ഒരു കള്ളം പറയേണ്ടി വന്നത്.. നിഹയെ ഞാൻ കെട്ടിയിട്ടൊന്നുമില്ല..

പെട്ടെന്ന് ബുദ്ധിയിൽ വന്ന ഒരു ഐഡിയ എടുത്ത് പ്രവർത്തിച്ചതാണ്.. അത് നടക്കുകയും ചെയ്തു.." "അപ്പൊ നിഹയുടെ കഴുത്തിൽ കണ്ട മഹറോ?"പാച്ചു "അത് മറിയുന്റെ മാലയാണ്.. അവൾ ഇന്നലെ ഇവൾക്ക് അത് കൊടുക്കുന്നത് ഞാൻ കണ്ടതാ.. ഞാൻ മഹറെന്ന് പറഞ്ഞ് കാണിച്ചപ്പോൾ അവൻ നന്നായി ശ്രദ്ധിച്ചില്ല.. അതാ.." "ഹോ.. ഞാനാകെ പേടിച്ചു പോയി"നെഞ്ചിൽ കൈ വെച്ച് നെടുവീർപ്പിട്ട് ദിലു പറഞ്ഞതും ഇച്ചുവവനെ നോക്കി... "ഇപ്പോ അവൻ പോയി.. പക്ഷെ ഇനിയും വന്നാലോ.. അപ്പൊ നിങ്ങൾ തമ്മിൽ ഒന്നുമില്ലെന്ന് അറിഞ്ഞാൽ കൊണ്ട് പോകില്ലേ"ഉമ്മ ചോദിച്ചതും അവൻ നിഹയെ നോക്കി.. അവളവനെ നോക്കാതെ മറ്റെങ്ങോ നോക്കി നിൽക്കുകയാണ്... "ഞാൻ ഇവിടുന്ന് പൊക്കോട്ടെ ആന്റി.. ഇനിയും നിങ്ങൾക്ക് ഒരു ബുദ്ധിമുട്ട് ആകാൻ ആഗ്രഹിക്കുന്നില്ല.. വേറെ എവിടേക്കെങ്കിലും ഞാൻ പൊക്കോളാം.. അവർ ഇനി തിരഞ്ഞു വരികയാണെങ്കിൽ ഞാൻ മരിച്ചെന്നോ നിങ്ങളെ പറ്റിച്ച് വേറൊരുത്തന്റെ കൂടെ പോയെന്നോ പറഞ്ഞാൽ മതി..

അതാകുമ്പോ നിങ്ങൾക്ക് ആർക്കും പ്രശ്നമുണ്ടാകില്ല" "ഡീ.." ആരെയും നോക്കാതെ അവൾ പറഞ്ഞു നിർത്തിയതും പെട്ടെന്ന് അലർച്ച കേട്ട് ഞെട്ടിത്തിരിഞ്ഞു നോക്കി...തനിക്ക് നേരെ ഉയർന്നു വന്ന കൈകണ്ട് പെട്ടെന്ന് ഞെട്ടലോടെ കണ്ണ് ചിമ്മിക്കൊണ്ട് അവൾ കവിൾ പൊത്തി.. അടി കവിളിൽ പതിഞ്ഞില്ലെന്ന് മനസ്സിലായതും മെല്ലെ കണ്ണ് തുറന്ന് നോക്കിയപ്പോൾ കത്തുന്ന കണ്ണുകളോടെ തന്നെ നോക്കുന്ന ഇച്ചുവിനെ കണ്ട് അവളൊന്ന് ഭയന്നു... "പോടീ.. വേഗം പോ...പോയാൽ നിന്നെ ഞാൻ കൊന്ന് കളയും" അത്രയും പറഞ്ഞ് അവൻ മുകളിലേക്ക് പാഞ്ഞു പോയതും നിഹ വായും പൊളിച്ചു കവിളിൽ കൈ വെച്ച് നിന്നു..! ഇവിനെന്തിനാപ്പൊ എന്നോട് ചൂടാകുന്നേ..? "അവനെന്താ പറ്റിയെ?" അവൾക്കുണ്ടായ അതേ സംശയം പാച്ചു ചോദിച്ചതും എല്ലാവരുടേയും നോട്ടം അവൻ പോയ വഴിയിലേക്ക് നീണ്ടു.. "എന്നാലും നീ ഇങ്ങനെ പറയണ്ടായിരുന്നു.. നീ ഞങ്ങൾക്ക് ബുദ്ധിമുട്ട് ആകുമെന്ന് നിനക്ക് തോന്നുന്നുണ്ടോടീ.." ഇടർച്ചയോടെ മറിയു ചോദിച്ചതും മറുപടിയില്ലാതെ നിഹ മുഖം താഴ്ത്തി നിന്നു.. "സാരമില്ല... എല്ലാത്തിനും നമുക്ക് പരിഹാരം ഉണ്ടാക്കാം" സോഫയിൽ നിന്നും എഴുനേറ്റ് പറഞ്ഞ് ഉപ്പ അകത്തേക്ക് പോയി... 🌸🌸🌸🌸

ബെഡ്‌ഡിൽ താടക്ക് കയ്യും കൊടുത്ത് എന്തോ ഓർത്തിരിക്കുവാണ് നിഹ... അവളുടെ ഇരുത്തം നോക്കി റഷയും മറിയുവും അടുത്ത് തന്നെയുണ്ട്... കുറേ കഴിഞ്ഞിട്ടും അവൾക്കൊരു മാറ്റവും ഇല്ലെന്ന് കണ്ട് മറിയു അവളുടെ കൈകിട്ട് ഒരു കൊട്ട് കൊടുത്തു... "എന്താടീ.." ഞെട്ടലോടെ നിഹ അവളെ നോക്കി ചോദിച്ചതും അവളൊന്ന് ഇളിച്ചു കാട്ടി.. "എന്താ നിനക്കിത്ര ആലോചിക്കാൻ.. ഞങ്ങളോട് കൂടെ പറ" റഷ ചോദിച്ചതും നിഹ പെട്ടെന്ന് ചുമരോട് ചാരിയിരുന്ന് കൊണ്ട് തലയിണ എടുത്ത് മടിയിൽ വെച്ചു... "അതില്ലേ...ആ കുരങ്ങനോട്‌ എന്തിനാ ആ ജാസിം എന്നെ കാണാൻ ഇല്ലെന്ന കാര്യം പറഞ്ഞത്... അവര് തമ്മിൽ മുൻ പരിജയം വല്ലതും ഉണ്ടാവോ?" നിഹ ചോദിച്ചത് കേട്ടതും മറിയുവും റഷയും പരസ്പരം നോക്കി പൊട്ടിച്ചിരിച്ചു.. "അപ്പൊ നിനക്ക് ഒന്നും അറിയില്ലേ?"റഷ "എന്തറിയാൻ?" "എടി... ഇച്ചുക്ക പോലീസ് ആടി.. നിന്റെ നാട്ടിൽ ആയിരുന്നു അങ്ങേർക്ക് ആദ്യം ജോലി.. അവിടുന്ന് പരിജയം ഉണ്ടായതാകാം അവനെ.. പിന്നെ ഇങ്ങോട്ട് ട്രാൻസ്ഫർ ആയതാ.." മറിയു പറഞ്ഞതും നിഹ കണ്ണും തള്ളി ബെഡ്‌ഡിൽ നിന്നും എഴുന്നേറ്റു... "പോ... പോലീസോ...😱" .....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...