Love for Unexpected💜: ഭാഗം 16

രചന: Ansiya shery

"എന്താ..?" ഞെട്ടലോടെ അവളവനോട് ചോദിച്ചതും മറുപടിയൊന്നും പറയാതെ അവൻ സീറ്റ് ബെൽറ്റ്‌ അവൾക്കിട്ട് കൊടുത്തു കൊണ്ട് നേരെയിരുന്നു കാർ സ്റ്റാർട്ട്‌ ആക്കി... അവനെന്തിനാണ് അടുത്തേക്ക് വന്നതെന്ന് അപ്പോഴാണ് അവൾക്കും മനസ്സിലായത്.. അവനെയൊന്ന് നോക്കി ദീർഘ ശ്വാസം വിട്ടു കൊണ്ടവൾ പുറത്തേക്ക് നോക്കിയിരുന്നു.. അവിടെ ചെന്നാൽ ഇനി ഞാൻ ആരാണെന്ന് പറഞ്ഞായിരിക്കും പരിചയപ്പെടുത്താ.. ജാസിം ഇനി എന്നെ തിരഞ് വന്നാൽ എന്തായിരിക്കും പറയാ.. ഞാൻ കാരണം ഇവർക്ക് കൂടെ ഇപ്പൊ പ്രശ്നമായി..എന്തിനാ പടച്ചോനേ എന്നെപ്പോലെ ഒരു ജന്മത്തിനെ ഈ ഭൂമിയിലേക്ക് നീ അയച്ചത്..

കണ്ണുകൾ നിറയാൻ തുടങ്ങിയതും പെട്ടെന്ന് തന്നെ അത് തുടച്ചു കൊണ്ട് അവൾ സീറ്റിൽ ചാരി കണ്ണടച്ചു... 🌸🌸🌸🌸 കണ്ണടച്ച് കിടക്കുന്നവളെ കാർ ഓടിക്കുന്നതിനിടയിലും ഞാൻ ഒന്ന് പാളി നോക്കി.. ആ കവിളിലൂടെ കണ്ണീർ ഒലിച്ചിറങ്ങുന്നത് കാണുമ്പോ വല്ലാത്തൊരു സങ്കടം എന്നിൽ നിറഞ്ഞു..! സത്യത്തിൽ എന്താണ് തനിക്കവളോട്.. ആദ്യത്തെ പോലെ ഇപ്പൊ ദേഷ്യപ്പെടാൻ ഒന്നും തോന്നുന്നില്ല.. ഇക്കാനോട്‌ അവളെ ഒരിക്കലും ഭാര്യയായി കാണാൻ എനിക്ക് പറ്റില്ലെന്ന് പറഞ്ഞപ്പോഴും ദിലു അവളെ കെട്ടിക്കോളാം എന്ന് പറഞ്ഞപ്പോഴും എന്തിനാണ് എന്റെ ഉള്ളം പിടഞ്ഞത്..? ഞാനവളെ പ്രണയിക്കുന്നുണ്ടോ..? ഹേയ് ഇല്ല.. അവളെ കുറിച്ചറിഞ്ഞപ്പോൾ തോന്നിയ സഹതാപം ആകാം.. ആകെ വട്ട് പിടിക്കാൻ തുടങ്ങിയതും അവളെ നോക്കാതെ ഞാൻ ഡ്രൈവിങ്ങിലേക്ക് മാത്രം ശ്രദ്ധ കൊടുത്തു...

മുഖത്തേക്ക് വെള്ളം വീണപ്പോഴാണ് നിഹ കണ്ണ് തുറന്നത്.. കുറച്ച് നിമിഷം വേണ്ടി വന്നു എവിടെയാണ് ഉള്ളതെന്ന് മനസ്സിലാകാൻ.. ഡ്രൈവ് ചെയ്തോണ്ടിരിക്കുന്ന ഇച്ചുവിനെ ഒന്ന് നോക്കിയതിന് ശേഷം അവൾ പുറത്തേക്ക് നോക്കി.. മാനം കറുത്തിരുണ്ടിട്ടുണ്ടായിരുന്നു.. ചെറുതായി മഴ ചാറുന്നും ഉണ്ട്.. ദേഹത്തേക്ക് അടിച്ച് വീശുന്ന കാറ്റിനൊപ്പം തെന്നിത്തെറിക്കുന്ന മഴത്തുള്ളികൾ അവൾക്ക് പുതുമയുള്ളതായിരുന്നു..! "അതേയ് പാട്ടിടോ" പെട്ടെന്നവൻ നേരെ തിരിഞ്ഞവൾ ചോദിച്ചതും അവൻ എന്തെന്ന നിലക്ക് അവളെ നോക്കി... "ഇതിലെന്തോ പാട്ട് കേൾക്കുന്ന സാധനം ഇല്ലേ.. അത് ഓൺ ആക്കോന്ന്.. ചാറ്റൽ മഴ ഉള്ള സമയത്ത് പാട്ട് കേൾക്കാൻ നല്ല രസാ.."

അവൾ പറഞ്ഞത് കേട്ടവൻ ചിരി വരുന്നുണ്ടായിരുന്നു.. മറുപടിയൊന്നും പറയാതെ അവൻ ഡ്രൈവിങ്ങിലേക്ക് തന്നെ മുഴുവൻ ശ്രദ്ധ കൊടുത്തതും അവളുടെ മുഖം വീർത്തു.. "ഓഹ് ജാഡക്കുരങ്ങൻ" "അത് നിന്റെ ഓനാടീ കുരങ്ങത്തി" അവളെ നോക്കാതെ തന്നെ പറഞ്ഞു കൊണ്ടവൻ കയ്യെത്തിച്ച് സ്റ്റീരിയോ ഓൺ ചെയ്തു.. അത് കണ്ടവളും ഒന്ന് പുച്ഛിച്ചു കൊണ്ട് സീറ്റിൽ ചാരി പുറത്തേക്കും നോക്കി ഇരുന്നു..!....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...