Love for Unexpected💜: ഭാഗം 18

രചന: Ansiya shery

"ഡീ.. പോത്ത് പോലെ കിടന്നുറങ്ങാണ്ട് എഴുന്നേൽക്ക്.. ഇത് വീടല്ല.." ഇച്ചുവിന്റെ ശബ്ദം കേട്ടതും നിഹ കണ്ണുകൾ തുറന്നവനെ നോക്കി..ഫുഡ്‌ കഴിച്ചതിന് ശേഷം കാറിൽ വന്നിരുന്നപ്പോൾ മുതൽ തുടങ്ങിയതാണ് അവളുടെ ഉറക്കം.. ഇപ്പോഴാണ് എഴുനേൽക്കുന്നത്.. "എന്താ വീടെത്തിയോ..?"കോട്ടു വായിട്ട് കൊണ്ടവൾ പുറത്തേക്ക് നോക്കിയതിന് ശേഷം അവനോടായി ചോദിച്ചു.. "ഇല്ല... എത്താനായി.. കുറച്ചൂടെ പോകാൻ ഉള്ളു.." അതിന് ഒന്നും പറയാതെ അവൾ പുറത്തേക്ക് നോക്കിയിരുന്നു... കുറച്ചങ്ങോട്ട് പോയതും വഴിയിലൂടെ ഒരാൾ നടന്ന് വരുന്നത് കണ്ടവൻ കാർ അയാൾക്കടുത്തായി നിർത്തി... "ചേട്ടാ.... ഇവിടെ ഒരു മേലെടത്ത് തറവാട് ഇല്ലേ.. അതെവിടെയാ..?" അവന്റെ ചോദ്യം കേട്ടതും അയാൾ അവനെയും നിഹയേയും മാറി മാറി നോക്കി.. "ദാ ഇവിടെ തന്നെയാ.. ഇവിടുന്നങ്ങോട്ടിറങ്ങിയാൽ കാണുന്നതാണ് വീട്‌...അല്ല ആരാ നിങ്ങളവിടുത്തെ..?" കുറച്ച് മുന്നിലേക്ക് വിരൽ ചൂണ്ടി അയാൾ പറഞ്ഞു... "ടാങ്ക്‌സ്..അവിടുത്തെ കൊച്ചു മകനാ..എന്നാ പോട്ടെ..."

അയാൾ മറ്റെന്തെങ്കിലും ചോദിക്കുന്നതിനു മുന്നേ അവൻ കാറെടുത്ത് വീടിന്റെ മുന്നിൽ നിർത്തി... "ഇത് ഒരു കുന്നിറങ്ങാൻ ഉള്ളത്ര ഉണ്ടല്ലോ..?" പുറത്തേക്ക് നോക്കിയവൻ പറഞ്ഞതും നിഹ അവന്റെ അടുത്തേക്ക് കുറച്ച് നീങ്ങി ഇരുന്നിട്ട് തല എത്തിച്ച് സൈഡിലൂടെ പുറത്തേക്ക് നോക്കി... "പേര് കേട്ട തറവാട് എന്നൊക്കെ പറഞ്ഞപ്പോ ഞാൻ വിചാരിച്ചു സിനിമയിലെ ഒക്കെ പോലെ റോഡിന്റെ വക്കത്ത് വലിയൊരു ബംഗ്ലാവ് ആയിരിക്കും എന്ന്...ഇത് കണ്ടാൽ അങ്ങനെ ഒന്നും തോന്നില്ലല്ലോ.." അവൾ പറഞ്ഞത് കേട്ടവൻ അവളെ സീറ്റിലേക്ക് തള്ളിക്കൊണ്ട് കണ്ണുരുട്ടി.. "തുടങ്ങി അവൾ... ഒന്ന് നിർത്ത്.. ഇതിപ്പോ എങ്ങനെയാ അങ്ങോട്ട് പോകാ.." നെറ്റി ഉഴിഞ്ഞു കൊണ്ടവൻ പറഞ്ഞതും അവളവനെ അടിമുടി നോക്കി.. "കാലില്ലേ.. അപ്പൊ നടന്ന് പോകണം..🙄" "ഹ്ർർ...." പല്ല് കടിച്ചു കൊണ്ടവൻ പെട്ടന്ന് അവളുടെ കഴുത്തിൽ പിടിക്കാൻ തുനിഞ്ഞതും അവൾ ഞെട്ടിക്കൊണ്ട് ഡോറിലേക്ക് ചാരി... "ആകെ വട്ട് പിടിച്ചു നിൽക്കുമ്പോഴാ അവളുടെ അസ്ഥാനത്തെ ഒരു ചളി..😬 എന്ത് പറഞ്ഞാ ആ വീട്ടിലേക്ക് കയറി ചെല്ലാ എന്നാ ഞാനിപ്പോ ആലോചിക്കുന്നത്.." "കൊച്ചു മോൻ ആണെന്ന് പറയണം.." "അത് ഞാൻ.. നിന്നെ എന്ത് പറഞ്ഞാ അങ്ങോട്ട് കൊണ്ട് പോകാ.."

"ഫ്രണ്ട് ആണെന്ന് പറയണം..." "അതും പറഞ്ഞ് ചെന്നാൽ വേണേൽ ഉലക്ക എടുത്ത് അടിക്കും.. തനി പഴഞ്ചൻ ആൾക്കായിരിക്കും അവിടെ മുഴുവൻ..ഉമ്മാനോട് ഇപ്പോഴും ദേഷ്യം ഉണ്ടോ ഇല്ലയോ എന്ന് പോലും പടച്ചോൻ അറിയാം.." ഒന്ന് ദീർഘനിശ്വസിച്ചു കൊണ്ട് അവൻ കാറിൽ നിന്നിറങ്ങി.. "ഇപ്പൊ വണ്ടി ഇവിടെ കിടക്കട്ടെ... അങ്ങോട്ട് പിന്നെ കൊണ്ട് പോകാം.." സ്വയം പറഞ്ഞു കൊണ്ടവൻ നിഹയെ നീട്ടി വിളിച്ചു.. "ഡീ.. ഇറങ്ങ്...പോയി നോക്കാം...അവിടെ ചെന്ന് നീ വീട്ടിൽ കാണിക്കുന്നത് പോലെ കാണിക്കരുതേ... എനിക്ക് പോലും അറിയാത്ത ആൾക്കാരാ.." അതിന് മറുപടിയായി അവളൊന്ന് പുച്ഛിച്ചു ചിരിച്ചു.. "തന്റെ ഉപദേശം എനിക്ക് വേണ്ട.. ആന്റി എനിക്കെല്ലാം പറഞ്ഞു തന്നിട്ടുണ്ട്.." "അയ്യോ.. അറിഞ്ഞില്ലായിരുന്നു.. എന്നാൽ തമ്പുരാട്ടി നടന്നാലും.." തിരികെ പുച്ഛിച്ചവനും പറഞ്ഞു കൊണ്ട് മാറി കൊടുത്തു.. "കൂടുതൽ ശോ വേണ്ട.. നിന്നെക്കാൾ ഓണം ഉണ്ടവളാ ഞാൻ.." അവനെ തട്ടിമാറ്റി അവൾ ഗേറ്റിനടുത്തുള്ള കോളാമ്പിയിൽ നിന്നും ഒന്ന് പറിച്ചെടുത്തു കൊണ്ട് ആ വീട്ടിലേക്ക് നടന്നു..

"ഡീ.. നില്ലെടി അവിടെ.. പടച്ചോനേ.. ഇവളെങ്ങോട്ടാ സ്വന്തം വീട്‌ പോലെ പാഞ് പോകുന്നത്.." തലയിൽ കൈ വെച്ച് കൊണ്ടവൻ ശ്രദ്ധിച്ച് അവൾക്കടുത്തേക്ക് ഓടി.. ശേഷം തലയിലിരുന്ന കോളാമ്പി എടുത്തു വലിച്ചെറിഞ്ഞു കൊണ്ട് അവളുടെ കയ്യിൽ പിടിച്ചു... "കുറച്ച് നേരത്തേക്ക് നീ ഒന്നും ചെയ്യാനും മിണ്ടാനും പാടില്ല... കേട്ടോ..." ഒരു ഭീഷണി സ്വരത്തിൽ അവൻ പറഞ്ഞതും അവൾ അറിയാതെ തലയാട്ടി അവന്റെ കൂടെ നടന്നു.... ഇറക്കം ഇറങ്ങി വീടിന്റെ മുന്നിലെത്തിയപ്പോഴാണ് അവരവിടെ മുഴുവനായി ശ്രദ്ധിക്കുന്നത്.. പഴയ മോഡലിലുള്ള ഒരു ഓടിട്ട ഇരു നില വീട്‌.. വീടിന്റെ വലത്തേ സൈഡിലായി ഒരു ആട്ടിൻ കൂടുണ്ട്.. ഇടത്തേ സൈഡിൽ ചെടികളും.. ചെമ്പരത്തി ചെടിയിൽ ധാരാളം പൂക്കൾ വിരിഞ് കാണാൻ മനോഹരമായിരിക്കുന്നു.. അവിടത്തന്നെ നെല്ലിയുടെ ഒരു മരമുണ്ട്.. കുറച്ച് മുന്നിലായി മതിലിനോട് ചേർന്ന് വലിയൊരു പ്ലാവ് മരവും..! "ആരാ..." ആ ചോദ്യം കേട്ടാണ് രണ്ട് പേരും വീട്ടിലേക്ക് നോക്കിയത്.. എൺപതിനോടടുത്ത് പ്രായം തോന്നിക്കുന്ന ഒരാൾ അവരെ രണ്ട് പേരെയും സംശയത്തോടെ നോക്കി...കണ്ടപ്പോൾ തന്നെ അതാണ് തന്റെ ഉപ്പുപ്പയെന്ന് അവൻ മനസ്സിലായി... "ഞാൻ ഇവിടുത്തെ കൊച്ചു മോനാ.. സൈനബയുടെ മകൻ.."

ചിരിയോടെ പറഞ്ഞതും അയാളുടെ മുഖത്ത് ദേഷ്യം നിറയുന്നത് കണ്ട് അവനൊന്ന് പതറി.. എന്തെങ്കിലും ചെയ്യും മുന്നേ കവിളിൽ അയാളുടെ കരം പതിഞ്ഞതും ഞെട്ടലോടെ അവൻ കവിളിൽ കൈ വെച്ചു..! 🌸🌸🌸🌸 "ആരാ ഉപ്പാ..?" അകത്ത് നിന്നാരോ അതും ചോദിച്ച് പുറത്തേക്ക് വന്നതും ഇച്ചു ഉപ്പുപ്പയെ നോക്കി.. അയാളിപ്പോഴും അവരെ രണ്ട് പേരെയും മാറി മാറി നോക്കി നിൽക്കുകയാണ്.. ങേ..അപ്പൊ അടി കിട്ടിയിട്ടില്ലേ.. കവിളിൽ കൈ വെച്ച് കൊണ്ടവൻ നിഹയെ നോക്കിയതും അവളെന്തെന്ന നിലക്ക് പുരികം പൊക്കി.. അതിനൊന്നുമില്ലെന്ന് ചുമൽ കൂച്ചിക്കൊണ്ട് അവൻ മുന്നിലേക്ക് നോക്കി.. "അറിയില്ല... ആരാ നിങ്ങൾ രണ്ടാളും.. എവിടുന്നാ വരുന്നേ.. എന്താ കാര്യം.. ഇതിന് മുമ്പ് ഇവിടെയെങ്ങും കണ്ടിട്ടില്ലല്ലോ.." ഗൗരവത്തോടെ അയാൾ പറഞ്ഞു നിർത്തിയതും നിഹയുടെ കയ്യിൽ നിന്നും തന്റെ കൈ വിട്ട് ഇച്ചു പെട്ടെന്ന് ഉപ്പുപ്പാടെ കാലിലേക്ക് വീണു.. നിഹയും അവരും കണ്ണ് മിഴിച്ചവനെ നോക്കി.. "ഉപ്പുപ്പ ഞങ്ങളോട് ക്ഷമിക്കണം.." "ഉപ്പുപ്പയോ..?" അവൻ പറഞ്ഞത് കേട്ടയാൾ സംശയത്തോടെ നിഹയെ നോക്കിയതും അവളെന്ത്‌ പറയും എന്നറിയാതെ ഒന്ന് പതറി.. ശേഷം അയാൾക്ക് ഒരു വളിച്ച ഇളി ഇളിച്ചു കൊടുത്തു...! "മോനെന്തൊക്കെയാ ഈ പറയുന്നത്.. ആദ്യം എഴുന്നേൽക്ക്.."

അയാളവനെ പിടിക്കാൻ കുനിഞ്ഞതും അതിന് മുന്നേ അവൻ എഴുന്നേറ്റു നിന്നു.. ശേഷം അടുത്തേക്ക് ചെന്ന് അയാളുടെ കൈകൾ കൂട്ടിപ്പിടിച്ചു... "ഇവിടുത്തെ സൈനബയുടെ മകനാണ് ഞാൻ.. ഉപ്പുപ്പ ഉമ്മാനോട് ക്ഷമിക്കണം.." അവൻ പറഞ്ഞു നിർത്തിയതും അയാളുടെ കൈകൾ വിറക്കുന്നതും മുഖഭാവം മാറുന്നതും അറിഞ്ഞപ്പോൾ നിഹയും ഇച്ചുവും ഒന്ന് ഭയന്നു..! അയാൾ പെട്ടെന്ന് അവന്റെ കൈകളിൽ നിന്നും തന്റെ കൈകളെ വേർപെടുത്തി.. ശേഷം അവന്റെ കവിളിൽ വിറക്കുന്ന കൈകളോടെ തലോടി... "എ... എന്റെ സൈനുന്റെ മോനാണോ നീ..?" അയാളുടെ കണ്ണുകൾ നിറഞ്ഞിരുന്നു.. സംശയത്തോടെ അവൻ തലയാട്ടിയതും അയാളവനെ വാരി പുണർന്നു... "ആയിശു.... ഡീ... ഇവിടെ വന്നേ.. ഇതാരാ വന്നേക്കുന്നെ എന്ന് നോക്കിയേ.. എടാ.. ഇത് ഞമ്മടെ സൈനുന്റെ മോനാ.." അടുത്ത് നിൽക്കുന്ന ആളോട് അയാൾ പറഞ്ഞതും അവനയാളെ നോക്കി.. "നിന്റെ അമ്മാവനാ.." ഉപ്പുപ്പ പറഞ്ഞതും അയാളവനെ നോക്കിയൊന്ന് പുഞ്ചിരിച്ചിട്ട് കവിളിൽ തലോടി... "ആരാ ഇക്കാ..." അകത്ത് നിന്നും ചോദിച്ചു വന്നയാളെ അവൻ നോക്കി... ഉമ്മുമ്മ....ഒറ്റ നോട്ടത്തിൽ തന്നെ അവനാളെ മനസ്സിലായി...! ഉമ്മുമ്മാക്ക് പിറകെ വേറെയും ആരൊക്കെയോ പുറത്തേക്കിറങ്ങി വന്നതും അവനാരെയും മനസ്സിലാകാതെ മാറി മാറി നോക്കി... "നോക്കിയേഡീ... ഇതാരാന്ന് നിനക്ക് മനസ്സിലായോ.. നിങ്ങൾക്ക് ആർക്കെങ്കിലും മനസ്സിലായോ..?"

അവർക്ക് മുന്നിലേക്ക് അവനെ നിർത്തി അയാൾ ചോദിച്ചതും എല്ലാവരുടെയും നോട്ടം ഇച്ചുവിൽ മാത്രം തങ്ങി നിന്നു.. "ഉപ്പുപ്പാടെ ആദ്യ കാമുകിയുടെ മോനാണോ..?" ആ ചോദ്യം കേട്ടതും ഇച്ചു പറഞ്ഞ ആളെ നോക്കി.. തന്റെ അതേ പ്രായം തോന്നിക്കുന്ന ഒരു ചെക്കൻ... "എടാ കുരുത്തം കെട്ടവനെ..."എന്നും പറഞ്ഞാരോ അവന്റെ ചെവിക്ക് പിടിക്കുന്നതും അവൻ അലറുന്നതും കണ്ടവൻ ചിരിച്ചു... "ആരാ ഇത്.. എനിക്ക് മനസ്സിലായില്ല.."ഉമ്മുമ്മ ചോദിച്ചതും അവൻ ഉപ്പുപ്പയെ നോക്കി.. അയാൾ അവനോട് പറയാൻ പറഞ്ഞതും അവനൊന്ന് ചിരിച്ചു കൊണ്ട് ഉമ്മുമ്മയെ നോക്കി... "ഞാൻ ഉമ്മുമ്മാടെ കൊച്ചു മോനാ.. സൈനബാടെ മകൻ.." അത് കേട്ടതും പെട്ടെന്നവരവന്റെ കവിളിലേക്ക് തല്ലി... അവൻ വായും പൊളിച്ച് ഉമ്മുമ്മയെ നോക്കിയതും അവരവനെ ഇറുകെ കെട്ടിപ്പിടിച്ചു... "ഇപ്പോഴാണോടാ നിനക്ക് ഞങ്ങളെ കാണാൻ തോന്നിയത്.." കരച്ചിലോടെ ഉമ്മുമ്മ പറഞ്ഞതും അവനെന്ത്‌ പറയണം എന്നറിയാതെ നിഹയെ നോക്കി... "അല്ല ഇതാരാ..?" നിഹയെ നോക്കി പെട്ടെന്നുപ്പുപ്പ ചോദിച്ചതും അവൾ ഇച്ചുവിനെ നോക്കി...!..തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...