Love for Unexpected💜: ഭാഗം 19

രചന: Ansiya shery

"ഇത് ഉപ്പാടെ ഫ്രണ്ടിന്റെ മോളാ.. സ്വന്തമെന്ന് പറയാൻ ആരുമില്ല ഇവൾക്ക്.. അത് കൊണ്ട് ഞങ്ങടെ കൂടെയാണ് താമസം..മനസ്സൊന്ന് തണുത്തൊട്ടേ എന്ന് വെച്ച് എന്റെ കൂടെ കൂട്ടിയതാ..." ഇച്ചു അത് പറഞ്ഞതും ഉമ്മുമ്മ അവൾക്കടുത്തേക്ക് ചെന്ന് കയ്യിൽ പിടിച്ചു.. "മോളുടെ പേരെന്താ..?" "നിഹാ ഷാദിയ... ഉമ്മുമ്മ നിഹ എന്ന് വിളിച്ചോ.." ഇളിച്ചു കൊണ്ടാണ് അവളത് പറഞ്ഞത്... "കാണുന്ന പോലെ അല്ലല്ലോ.. അസ്സൽ വായാടി ആണല്ലോ മോൾ.." ഉമ്മുമ്മ പറഞ്ഞതും അവൾ ഇച്ചുവിനെ ഇടം കണ്ണിട്ട് ഒന്ന് നോക്കി.. അവനവളെ കണ്ണുരുട്ടി നോക്കുന്നത് കണ്ടവൾ വേഗം നോട്ടം ഉമ്മുമ്മയിലേക്ക് മാറ്റി... "കുട്ടികളെ അവിടെ തന്നെ നിർത്താതെ അകത്തേക്ക് കയറ്റെന്റെ ആയിശു.. അവരാകെ ക്ഷീണിച്ച് വരികയായിരിക്കും.." ഉപ്പുപ്പ പറഞ്ഞതും ഉമ്മുമ്മ നിഹയുടെ കൈ പിടിച്ച് അകത്തേക്ക് നടന്നു... 🌸🌸🌸🌸 "ഹായ് ബ്രോ..." അവര് പോകുന്നതും നോക്കി നിൽകുമ്പോഴാണ് തോളിലൂടെ കയ്യിട്ട് കൊണ്ട് ആരോ വിളിച്ചത്...തല ചെരിച്ചു നോക്കിയതും നേരത്തെ ഉപ്പുപ്പാക്ക് കാമുകിയെ ഉണ്ടാക്കിയവൻ..! "എന്താ..?" ഗൗരവത്തോടെ തോളിലുള്ള അവന്റെ കയ്യിലേക്കും മുഖത്തേക്കും മാറി മാറി നോക്കി ഞാൻ ചോദിച്ചതും അവൻ പെട്ടെന്ന് കൈ എടുത്തു മാറ്റിക്കൊണ്ട് എന്നെ നോക്കി ഇളിച്ചു.. "ബ്രോ ആളൊരു കലിപ്പൻ ആണല്ലോ..?" "ആണെങ്കിൽ നിനക്കെന്താ..?" "ഹീ... ഞാനൊരു തമാശ പറഞ്ഞതല്ലേ..എന്റെ പേര് ആഷിഫ്..ബ്രോടെ പേരെന്താ..?"

"ഇസാൻ..." "ഞാൻ ഇച്ചുന്ന് വിളിക്കാം.. ഞമ്മൾ രണ്ടാളും ഒരേ പ്രായം അല്ലേ.." അതിന് മറുപടിയായി ഞാൻ ഒന്ന് തലയാട്ടി... ___💜 "ഹായ്... ഞാൻ ആദില..." "ഞാൻ ഷെഫ്ന..." തനിക്ക് നേരെ കൈ നീട്ടി പറയുന്ന രണ്ട് പേരെയും അവൾ മാറി മാറി നോക്കി... "അതിന് ഞാൻ നിങ്ങടെ പേര് ചോദിച്ചില്ലല്ലോ..?"നിഹ ചോദിച്ചതും രണ്ട് പേരും പെട്ടെന്ന് കൈ മാറ്റി ഇളിച്ചു... "അത്... പിന്നെ...." "നിങ്ങളെന്താ പിള്ളേരെ ആ കൊച്ചിൻ ഒന്ന് സമാധാനം കൊടുക്ക്... വന്നല്ലേ ഉള്ളു...വിശ്രമിക്കാൻ പറയേണ്ടതിന് പകരം അതിനെ ഇട്ട് ചോദ്യം ചെയ്യുവാ.." പെട്ടെന്നങ്ങോട്ട് വന്ന് ആരോ പറഞ്ഞതും അവൾ ചെയറിൽ നിന്നും എഴുന്നേറ്റു.. ആരാണ് അതെന്ന് അറിയില്ലെങ്കിലും അവളവർക്കൊന്ന് ചിരിച്ചു കൊടുത്തു... "മോൾ ദാ ഇത് കുടിക്ക്... ക്ഷീണം മാറട്ടെ.. ഞാനിത് ഇച്ചു മോൻ കൊടുത്തിട്ട് വരാം.." അവളുടെ കയ്യിലേക്ക് ഗ്ലാസ്‌ വെച്ച് കൊടുത്തു കൊണ്ട് അവർ പറഞ്ഞതും അവൾ മറുപടിയായി തലയാട്ടി ചെയറിലേക്ക് തന്നെ ഇരുന്നു.. അവർ പുറത്തേക്ക് പോയതും നിഹ ഗ്ലാസ്‌ ചുണ്ടോട് ചേർത്തു.. അപ്പൊ തന്നെ അവിടെ നിന്നിരുന്ന രണ്ടെണ്ണവും ചെയർ വലിച്ചിട്ടു കൊണ്ട് അവൾക്ക് മുന്നിലേക്ക് ഇരുന്നത് കണ്ടവൾ ഗ്ലാസ്‌ മാറ്റി അവരെ നോക്കി... "ജാഡയാണോ...?" ആദില ചോദിച്ചതും നിഹ അവളെ ഗൗരവത്തോടെ നോക്കി.. "ആണെങ്കിൽ...?🤨" "ആണെങ്കിലെന്ത്... ആ ജാഡ ഞങ്ങൾ ഒടിച്ചു മടക്കി പുഴയിലെറിയും.."ഷെഫ്ന നിഹ രണ്ട് പേരെയും സൂക്ഷ്മമായി ഒന്ന് നോക്കിക്കൊണ്ട് ജ്യൂസ് കുടിക്കാൻ തുടങ്ങി...

രണ്ട് പേരും അവൾ കുടിച്ചു കഴിയുന്ന വരെ അവളെ തന്നെ നോക്കിയിരുന്നു.. ജ്യൂസ് കുടിച്ചു കഴിഞ്ഞപ്പോഴാണ് തന്നെ തന്നെ ഇപ്പോഴും നോക്കിയിരിക്കുന്ന രണ്ടിനെയും കണ്ടത്.. "നോക്കി വെള്ളം ഇറക്കുവായിരുന്നല്ലേ.. വയർ വേദന പിടിക്കാതിരുന്നാൽ മതിയായിരുന്നു..." നിഹ പറഞ്ഞതും രണ്ട് പേരും പരസ്പരം നോക്കി എഴുന്നേറ്റു... "എന്താ...?"നിഹ അവരെ മാറി മാറി നോക്കി ചോദിച്ചതും രണ്ടാളും അവളെ നോക്കി പുച്ഛിച്ചു... "പാവമല്ലേ കൂടെ കൂട്ടാം വെച്ച് മിണ്ടാൻ വന്നപ്പോ അവൾക്ക് ജാഡ... ഞങ്ങൾ ഇനി മിണ്ടില്ല... വാടി..." രണ്ടാളും തിരിഞ്ഞ് നടക്കാൻ തുടങ്ങിയപ്പോഴാണ് അകത്തേക്ക് വരുന്ന ഇച്ചുവിനേയും ആഷിയേയും കണ്ടത്... ഇച്ചുവിനെ കണ്ടതും നിഹ ആരും കാണാതെ അവനെ നോക്കി പുച്ഛിച്ചു... അവൻ തിരിച്ചും... "ഹായ് ഇക്കാ... ഈ കുട്ടിക്ക് എന്തൊരു ജാഡയാ.. ഇങ്ങക്ക് ഇല്ലല്ലോ ഇത്ര ജാഡ...ഇങ്ങടെ പേരെന്താ..?" ആദി ചോദിച്ചതും ഇച്ചു നിഹയെ നോക്കി.. അവൾ ആദിയെ നോക്കി പല്ലിറുമ്പുകയായിരുന്നു...! "ഭയങ്കര ജാഡ തന്നെയാ...എന്താ ചെയ്യാ സഹിക്ക തന്നെ... ഞാൻ ഇസാൻ.. നിങ്ങടെ ഒക്കെ പേരെന്താ...?" "ഞാൻ ആദില.... ദോ ഈ നിൽക്കുന്ന മഹാന്റെ അനിയത്തി..." ആഷിയെ ചൂണ്ടി അവൾ പറഞ്ഞതും ഇച്ചു അവനെ നോക്കി... "ഹാ..അങ്ങനെയൊരു ദുരന്തം എന്റെ അനിയത്തിയായി വന്നു...

"ഒന്ന് ദീർഘ നിശ്വസിച്ചു കൊണ്ട് അവൻ പറഞ്ഞതും അവൾ പെട്ടെന്ന് അവനെ തല്ലാനായി വന്നു.. അത് കണ്ടതും അവൻ ഇച്ചുവിന്റെ പിറകിലൊളിച്ചു.. "നിങ്ങളോടല്ലേ പിള്ളേരെ ആ കൊച്ചുങ്ങളെ ശല്യപ്പെടുത്തല്ലേ എന്ന് പറഞ്ഞത്.. അവരൊന്ന് പോയി വിശ്രമിച്ചോട്ടെ.. നിങ്ങൾ മുറി കാണിച്ചു കൊടുക്ക് പോയിട്ട്..." പുറത്ത് നിന്നും വന്ന് നേരത്തെ ജ്യൂസ് തന്നയാൾ തന്നെ പറഞ്ഞതും ആഷി വേഗം നേരെ നിന്നു... ആദിയും...! "ഇച്ചു എന്റെ കൂടെ കിടന്നോ.. വാ മുറി കാണിച്ചു തരാം.." ഇച്ചുവിന്റെ കയ്യിൽ പിടിച്ചു കൊണ്ട് ആഷി പറഞ്ഞു... "അത്... ഞങ്ങടെ ബാഗെല്ലാം വണ്ടിയിലാണ്.. ഗേറ്റിന്റെ അവിടെ ആണ് വണ്ടി.." "അതൊക്കെ ഞാൻ എടുത്തു കൊണ്ട് വരാം..നീ ഇപ്പൊ വാ..."എന്തെങ്കിലും പറയും മുന്നേ ആഷി അവന്റെ കയ്യും പിടിച്ച് നിഹയെ നോക്കി ഇളിച്ചിട്ട് മുകളിലേക്ക് നടന്നു...! അവർ പോയതും അവൾ ആദിയേയും ഷെഫിയേയും നോക്കി... അവര് രണ്ടാളും അവളെ നോക്കി പുച്ഛിച്ചതും അവളൊന്ന് ഇളിച്ചു കാണിച്ചു..! "എനിക്കുള്ള മുറി ഏതാ.. നല്ല ക്ഷീണം.. ഒന്ന് കിടക്കണമായിരുന്നു..." "ജാഡക്കാർക്ക് മുറി ഇല്ല... പിന്നെ ഗസ്റ്റ് ആയത് കൊണ്ട് മാത്രം ഒന്നും പറയണില്ല.. വാ.." രണ്ടാളും മുകളിലേക്ക് നടന്നതും നിഹയും അവർക്ക് പിറകെ നടന്നു...

മുകളിലെത്തിയതും മൂന്നാമത്തെ മുറിയിലേക്ക് ആണ് അവൾ അവരെ കൊണ്ട് പോയത്... "ദാ... ഇതാണ് നിനക്കുള്ള മുറി... ഞങ്ങൾ പോവാ..." രണ്ടാളും പുറത്തേക്കിറങ്ങാൻ തുനിഞ്ഞതും നിഹ പെട്ടെന്ന് അവർക്ക് മുന്നിലേക്ക് കയറി നിന്ന് കൊണ്ട് ഇളിച്ചു.... "ഞാൻ... നിഹ.. നിഹാ ഷാദിയ..😁" "അതിന് ഞങ്ങൾ നിന്റെ പേര് ചോദിച്ചില്ലല്ലോ..?" നേരത്തേ അവൾ ചോദിച്ച പോലെ ഷെഫി ചോദിച്ചതും നിഹ വീണ്ടും ഇളിച്ചു കാണിച്ചു..! "നിങ്ങൾ ചോദിച്ചില്ലെങ്കിലും ഞാൻ പറയും.. അതാണ് ഞാൻ.." "നേരത്തെ എന്തൊരു ജാഡയായിരുന്നു.."ഷെഫി "അത് പിന്നെ.. ജസ്റ്റ്‌ ഫോർ എ രസം.." "നമ്മൾ പരിചയപ്പെട്ടല്ലേ വരുന്നുള്ളു.. അത് കൊണ്ട് ഒന്നും പറയുന്നില്ല..." ആദി "ഈൗ... നിങ്ങളെക്കുറിച്ച് പറ... എന്താ ചെയ്യണേ.. ഇവിടെ ഉള്ളവരെ ഒക്കെ കുറിച്ച് പറഞ്ഞു താ..." നിഹ "പറഞ്ഞ് തരാലോ... നീ ആദ്യം പോയി കിടന്നോ.. ല്ലേൽ ഉമ്മ ഇങ്ങോട്ട് വന്നാൽ പിന്നെ ഞങ്ങൾക്ക് വഴക്ക് കിട്ടും.."ഷെഫി "എനിക്ക് ക്ഷീണം ഒന്നുല്ല... നിങ്ങൾ പറ.."നിഹ പോയി ബെഡ്‌ഡിലിരുന്ന് കൊണ്ട് പറഞ്ഞതും രണ്ടാളും അവൾക്കടുത്തിരുന്നു..

"ആദ്യം മുകളിൽ നിന്ന് തന്നെ തുടങ്ങാം.. ഞങ്ങടെ ഉപ്പാപ്പ മൂസ... ഉമ്മുമ്മ ആയിശു.. അവർക്ക് മൂന്ന് മക്കൾ.. രണ്ടാണും ഒരു പെണ്ണും... മൂത്തത് എന്റെ ഉപ്പ.. അതിന്റെ താഴേ ഇവളെ ഉപ്പ...അവരെയും താഴേ ഇച്ചുക്കാടെ ഉമ്മ..." ഷെഫ്ന "എല്ലാരും ആരൊക്കെ ആണെന്ന് ഒന്ന് കാണിച്ചു തരണട്ടാ.. പേര് സഹിതം.." നിഹ "ഓഹ് കാണിക്കാലോ.. സമയം ഇനിയും നീണ്ടു നിവർന്നു കിടക്കല്ലേ.."ആദി 🌸🌸🌸🌸 ഇതേ സമയം ഇച്ചുവിന്റെ വീട്ടിൽ... കോളിങ്ങ് ബെല്ലടിക്കുന്ന ശബ്ദം കേട്ടാണ് പാച്ചു പോയി നോക്കിയത്.. ഡോർ തുറന്നതും മുന്നിൽ നിൽക്കുന്ന ജാസിമിനേയും വേറെ രണ്ട് പോലീസിനെയും കണ്ട് അവൻ ഞെട്ടി.. "ഇത്രേം സമയം ഉണ്ടായിട്ടും ഈ രാത്രിയാകാൻ നേരത്താണോ ഇവൻ വരാൻ തോന്നിയത്..." അവനതായിരുന്നു അപ്പൊ ചിന്തിച്ചത്... "ആരാ പാച്ചു വന്നത്...?" അതും ചോദിച്ച് ഉപ്പയും പിറകെ മറ്റുള്ളവരും വന്നു... ജാസിമിനെ കണ്ട് ആദ്യമൊന്ന് പകച്ചെങ്കിലും പിന്നെ ഉപ്പ ചിരിച്ചു കൊണ്ട് അവർക്കടുത്തേക്ക് നടന്നു...!..തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...