Love for Unexpected💜: ഭാഗം 33

രചന: Ansiya shery

"നല്ല രസമാണല്ലേ രാവിലെ ജോഗിംഗ് ചെയ്യുന്നത്.. ഈ തണുപ്പും കൊണ്ട്...ഉഫ്" ചുറ്റും നോക്കി പറയുന്നവളെ കണ്ട് ഇച്ചുവും പാച്ചുവും ഒന്ന് പരസ്പരം നോക്കി... "രസമല്ല.. സാമ്പാറാ.. ഈ നേരത്ത് കിടന്നുറങ്ങുന്നതിന്റെ ഫീലൊന്നും ഇതിന് കിട്ടൂല" ഇച്ചൂനേ അവളൊന്ന് തറപ്പിച്ചു നോക്കിയിട്ട് മുന്നോട്ടോടി.. അപ്പോഴാണ് മിക്ക ആളുകളുടെയും നോട്ടം തന്നിലാണെന്ന് അവൾ ശ്രദ്ധിച്ചത്.... "അല്ല ഇവരൊക്കെ എന്താ എന്നെ ഇങ്ങനെ നോക്കുന്നത്..?" "അതോ... ഏതാ ഈ കുരങ്ങത്തി എന്നറിയാൻ നോക്കിയതാവും.." വീണ്ടുമവന്റെ മറുപടി കേട്ടതും പല്ല് കടിച്ചു കൊണ്ട് അവൾ ചുറ്റും നോക്കി...നിലത്ത് കിടക്കുന്ന ഒരു വലിയ കല്ല് കണ്ടതും അതെടുത്ത് അവളവന്റെ നേരെ തിരിഞ്ഞു... ഓഹ് മൈ ഗോഡ്...കല്ല്... ഇവളെന്നെ കല്ലെറിയാൻ ഉള്ള പരിപാടിയാണല്ലോ..😨 അപകടം മണത്തതും ഇച്ചു മറ്റൊന്നും ഓർക്കാതെ മുന്നോട്ടോടി.. "നീ വീട്ടിലേക്ക് തന്നെ അല്ലേ വരുന്നത്.. തരാട്ടോ.."പിറു പിറുത്തു കൊണ്ട് കല്ല് നിലത്തേക്കിട്ട് ഉപ്പാക്കും പാച്ചുവിനും നേരെ അവൾ തിരിഞ്ഞു... "നമുക്ക് പോകാം..." "അപ്പോ അവൻ...?" "അതെപ്പോഴേലും വന്നോളും... നമുക്ക് വീട്ടിലേക്ക് പോകാം.. ആ കല്ല് പൊക്കിയപ്പോ എന്റെ എനർജി മുഴുവൻ പോയി..." മുന്നേ നടന്നു പോയവളെ നോക്കി പാച്ചുവും ഉപ്പയും ചിരിച്ചു..... ____

"ഉമ്മീ...ഞാൻ വന്നൂ..." അകത്തേക്ക് നോക്കി വിളിച്ചു കൊണ്ട് ഞാൻ തിണ്ടിലേക്കിരുന്നു... "ഉമ്മാ... ഏതോ പിച്ചക്കാരി രാവിലെ തന്നെയതാ വന്നേക്കുന്നു..പൈസ വല്ലോം ഉണ്ടേൽ എടുത്ത് കൊടുക്ക്" എന്നെ പുച്ഛിച്ചു കൊണ്ട് ഇറങ്ങി വന്നവളെ ഞാനും തിരികെ പുച്ഛിച്ചു... "ഉപ്പാ നിങ്ങളെയാണ് ഇവൾ പിച്ചക്കാരൻ എന്ന് പറഞ്ഞത്... കണ്ടോ... നിങ്ങളോട് അത്ര സ്നേഹേ ഉള്ളു അവൾക്ക്" "അതിന് ഞാൻ പിച്ചക്കാരി എന്നല്ലേ പറഞ്ഞത്... പിച്ചക്കാരൻ അല്ലല്ലോ" "നീ ഒന്നും പറയണ്ട... ഉപ്പാനോട് നേരിട്ട് പറയാൻ പേടി ആയത് കൊണ്ടല്ലേ എന്നോടായി പറയുന്ന പോലെ പറഞ്ഞത്.. പാവം ന്റെ ഉപ്പ" "എന്തോന്നടീ രാവിലെ തന്നെ രണ്ടും കൂടെ ഇരുന്ന് ചളിയടിക്കുന്നു.. കഷ്ടമുണ്ട്ട്ടാ" ഇതേതാ വേറൊരു ശബ്ദം എന്നും വിചാരിച്ച് നോക്കിയതും അതാ മുന്നിൽ മല പോലെ ഒരു കുരങ്ങൻ... ഇവനെപ്പോ ഇവിടെയെത്തി... "മതി... മതി... കൂടുതൽ സംസാരിച്ചു നിൽക്കാതെ അകത്തേക്ക് വാ... ഇച്ചു..പാച്ചു നിങ്ങൾക്കിന്ന് ജോലിക്ക് പോവാനുള്ളതല്ലേ.. വേഗം പോയി പണി നോക്ക്" ഉമ്മ അങ്ങോട്ട് വന്നതും പിന്നെ സംസാരം നിർത്തി അകത്തേക്ക് ചെന്നു... 🌸🌸🌸🌸 ഇന്നാണ് ഞങ്ങളെന്റെ വീട്ടിലേക്ക് പോകുന്നത്... സാധാരണ ഞാനെഴുന്നേറ്റാലും എഴുനേൽക്കാത്ത മറിയു ഞാൻ എണീക്കുന്നതിന് മുന്നേ എഴുന്നേറ്റിട്ടുണ്ട്..ഇവൾടെ തലയിൽ വല്ല ബോംബും വീണോ..?

"എടി... നമ്മൾ ദുബായിലേക്കല്ല എന്റെ വീട്ടിലേക്കാണ് പോകുന്നത്" എന്തൊക്കെയോ ബാഗിൽ കുത്തി നിറക്കുന്നത് കണ്ട് ഞാൻ വായും പൊളിച്ച് നിന്നു... "അതൊക്കെ എനിക്കറിയാം... എന്നാലും നിന്റെ വീട്ടിലേക്ക് ആകുമ്പോൾ കുറച്ചു ദിവസമൊക്കെ നിൽക്കില്ലേ... അത് കൊണ്ട് കുറച്ചേറേ ഡ്രെസ്സ് വേണം" പടച്ചോനേ... ഞാനിവിടെ അവരെന്നെ കാണുമ്പോൾ എന്ത് പറയും എന്നോർത്ത് ടെൻഷൻ അടിച്ച് നിൽകുമ്പോൾ ഇവൾ നിന്ന് തുള്ളുന്നു.. എന്താവോ എന്തോ.. നേരം പത്തായതും എല്ലാവരോടും യാത്ര പറഞ്ഞ് ഞങ്ങൾ പുറപ്പെട്ടു... ഞാനും മറിയുവും ബാക്കിലും കുരങ്ങൻ മുന്നിലും... ഡ്രൈവർ ആക്കിയതിന്റെ ദേഷ്യം ആ മുഖത്തുണ്ട്... കലിപ്പ് മുഴുവൻ വണ്ടിയിൽ തീർക്കുന്നുണ്ടോ എന്നും ഡൌട്ട് ഇല്ലാതില്ല...🙄 "അല്ലടി നിന്റെ വീടെവിടെയാ..ഇവിടെ കോഴിക്കോട്ട് തന്നെയാണോ...?" പുറത്തേക്ക് നോക്കിയിരിക്കുവായിരുന്ന ഞാൻ അവളെ നോക്കി... "അല്ല.... എറണാകുളം..." "വൗ... അവിടെയോ... ഒരുപാട് കൊതിച്ചതായിരുന്നു എറണാകുളം ഒന്ന് പോകണം എന്ന്... ഇപ്പൊ ഏതായാലും സമാധാനം ആയി..അത് വലിയ ഒരു സിറ്റിയല്ലേ...ശോ.. നേരത്തെ അറിഞ്ഞിരുന്നേൽ കുറച്ചൂടെ പൈസ ഉപ്പാടെ കയ്യിന്ന് വാങ്ങായിരുന്നു.. കുറേ ഷോപ്പിംഗ് ചെയ്യാം അപ്പോ" എന്റെ കിളി പാറിപ്പോയി...

സിറ്റി കാണാൻ ഇജ്ജാതി എക്സൈറ്റ്മെന്റോ..🙄 ഞെട്ടൽ വിട്ട് മാറിയതും അവളിൽ നിന്നും മുഖം തിരിച്ച് മുന്നോട്ട് നോക്കിയപ്പോൾ മിററിലൂടെ എന്നെ നോക്കി നിൽക്കുന്ന ഇച്ചുവിനെ ആണ് കണ്ടത്... അപ്പോ തന്നെ നോട്ടാം മാറ്റിയിട്ട് പുറത്തേക്ക് നോക്കിയിരുന്നു.... ____ "സമയം കുറെയായില്ലേ..വിശക്കുന്നുണ്ടാകും.. വാ എന്തേലും കഴിക്കാം" സൈഡിലേക്ക് കാർ നിർത്തി പിറകിലേക്ക് തിരിഞ്ഞ് നോക്കി അവൻ പറഞ്ഞതും രണ്ടാളും തലയാട്ടിക്കൊണ്ട് ഇറങ്ങി... ഹോട്ടലിലേക്ക് കയറി കൈ കഴുകിയിട്ട് ടേബിളിൽ ചെന്നിരുന്നു...മൂന്നാൾക്ക് ഇരിക്കാൻ പറ്റുന്ന ടേബിളായിരുന്നത്... "സാർ കഴിക്കാൻ എന്ത് വേണം..?" അടുത്തേക്ക് വന്ന വെയ്റ്റർ പറഞ്ഞതും അവൻ നിഹയേയും മറിയുനേയും നോക്കി... "എന്താ നിങ്ങൾക്ക് വേണ്ടത്..?ഊണിൻ പറയട്ടെ.." "ബിരിയാണി മതി എനിക്ക്" "അത് കഴിച്ച് യാത്ര ചെയ്താൽ ഭയങ്കര ക്ഷീണമായിരിക്കും"നിഹ മറിയുനെ പറഞ്ഞ് മനസ്സിലാക്കാൻ നോക്കി... "കുഴപ്പല്ല... എനിക്കത് മതി" അവളുടെ നിർബന്ധത്തിൻ വഴങ്ങി രണ്ട് ഊണും ഒരു ബിരിയാണിയും പറഞ്ഞു.... ഫുഡ്‌ കഴിച്ചു കഴിഞ്ഞതും ബില്ലടച്ച് പുറത്തേക്കിറങ്ങി... "നിഹൂ... നീ മുന്നിൽ ഇരുന്നോട്ടാ.. എനിക്കൊന്ന് ഉറങ്ങണം..നീ പറഞ്ഞ പോലെ അത് കഴിച്ചിട്ട് വല്ലാത്ത ക്ഷീണം" മറിയു ബാക്കിൽ കയറി ഡോറടച്ചതും നിഹയൊന്ന് ഞെട്ടി... പിന്നെ മുന്നിലേക്ക് കയറി ഇരുന്ന് ഇച്ചുവിനെ നോക്കി.... "അപ്പോ പോവാലേ...😉" കണ്ണിറുക്കി അവൻ പറഞ്ഞതും അവൾ മുഖം വെട്ടിച്ച് പുറത്തേക്ക് നോക്കിയിരുന്നു.... "പാട്ട് വേണ്ടേ..?"ചോദിച്ചതിനൊപ്പം അവൻ പാട്ടിട്ടു............തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...